Author: admin

Sara Hoxha ka qenë së fundmi e ftuar në një intervistë për X Media, ku ka folur hapur për jetën e saj personale dhe raportin me vajzën e saj, Poem.

Gjatë bisedës, ajo u pyet se cila ishte pyetja më e vështirë që e vogla i kishte bërë deri më tani, duke ndarë një moment mjaft delikat dhe emocional për të si nënë.

Sara tregoi se pyetja më e vështirë e vajzës kishte lidhje pikërisht me ndarjen e saj nga reperi i njohur, Ledri Vula. “Një pyetje shumë e vështirë që Poi më bëri para pak kohësh është se pse jam ndarë unë dhe Ledri,” ka rrëfyer ajo gjatë intervistës.

Më tej, ajo shpjegoi se zgjodhi t’i përgjigjej me sinqeritet dhe me një gjuhë të thjeshtë që një fëmijë mund ta kuptojë.

Ajo i kishte thënë vajzës se marrëdhënia nuk po funksiononte dhe se prindërit nuk po merreshin vesh më me njëri-tjetrin.

Megjithatë, fëmija kishte këmbëngulur me një tjetër pyetje plot shpresë: “Po ju mund ta rregulloni?”.

Përgjigjja e Sarës ishte e prerë, por e mbushur me kujdesin e nevojshëm për ta bërë vajzën të ndihej e sigurt.

Ajo i shpjegoi se kishin tentuar ta rregullonin raportin, por nuk kishte funksionuar, duke theksuar se ky ishte vendimi më i mirë për të gjithë, përfshirë vetë vajzën, atë dhe Ledrin.

Në përfundim të kësaj teme, Sara vuri theksin te rëndësia e komunikimit të hapur me fëmijët në raste të tilla.

Ajo u shpreh se më e rëndësishmja ishte që vajza e kuptoi situatën. Sipas saj, sa më qartë t’i shpjegohet një fëmije për ta perceptuar dhe pranuar realitetin, aq më e shëndetshme është për të, duke shmangur lënien e pikëpyetjeve në mendje që mund ta rëndojnë psikologjikisht apo ta lënë pa gjumë.

Lista e barnave me rimbursim është përditësuar dhe, pasi mori miratimin në Këshillin e Ministrave, sapo ka hyrë në fuqi dhe ka nisur të zbatohet në të gjitha farmacitë dhe spitalet në vend. Përveç barnave ekzistuese, lista e re e barnave të rimbursuara të këtij viti është pasuruar me 55 barna alternativa tregtare të reja.

Janë 35 barna alternativa të reja që janë shtuar në rrjetin e hapur farmaceutik. Dhe po kështu, edhe në farmacitë e spitaleve në të gjithë vendin janë shtuar 20 lloje barnash alternativa të reja tregtare, me të cilat do të trajtohen pacientët e shtruar nëpër spitale. Burime nga Ministria e Shëndetësisë thonë se janë 27 barna të reja, principe aktive, të cilat nuk kanë qenë më parë në tregun farmaceutik shqiptar.

Lista e re përfshin në total 35 barna (principe aktive), 27 të reja dhe 8 ekzistuese. Barnat e reja që janë shtuar për pacientët i përkasin patologjive më të shpeshta dhe me ndikim të madh në shëndetin e qytetarëve. Një vend të rëndësishëm në listën e barnave me rimbursim zënë barnat për trajtimin e sëmundjeve onkologjike e kardiake, ku një pjesë e mirë i përkasin barnave inovative që gjenden edhe në tregun farmaceutik të vendeve të tjera të Bashkimit Europian. Lista e barnave me rimbursim në vendin tonë përmban në total 1,356 barna alternativa tregtare./ Top Channel

Mbrëmë në emisionin “Goca dhe Gra”, Rudina Dembacaj i ka bërë një intervistë të rrallë bashkëshortit të saj, Mark Frroku. Gjatë një shëtitje me makinë nëpër Tiranë, aktorja e pyeti atë për politikën, pasionet e tij dhe jetën familjare.

Në një moment gjatë intervistës, Rudina u shpreh se për momentin janë në një ‘moment delikat familjar’ dhe e pyeti se ‘çfarë i mban akoma bashkë?’.

Mark Frroku u përgjigj se është ‘dashuria dhe kjo nuk diskutohet’.

A do jetë Brikena Selmani te “Top Arena”? Edi Manushi zbulon SURPRIZAT që rezervohen…
Pjesë nga intervista:

Rudina: Jemi unë dhe ti, e katër fëmijë në martesën tonë. Sa e vështirë është për ty, si burrë që ke një karakter shumë të fortë, nga ana tjetër ke një zemër shumë të ndjeshme dhe ke një ndërgjegje shumë të drejtë. Këto ti them me plot gojën. Sa e vështirë është me qenë ti shtylla e ‘kosherës’ tënde?

Marku: Nuk është e lehtë. Të gjithë ata që më dëgjojnë e kuptojnë shumë mirë se sa e vështirë është. Por me dashuri, me korrektësi, me disiplinë, çdo gjë arrihet.

Rudina: Ne jemi akoma në një moment delikat familjar, jo unë dhe ti, por normale duke qenë një familje e bashkuar ka problemet e veta, ka shpërthime, ka pendesa, ka diskutime, por ne vazhdojmë të jemi në një moment delikat. Ça mendon ti se na mban bashkë akoma?

Marku: Puna e parë do të them për të gjithë dhe ty po ta përsëris, ne njerëzia jemi të gjithë në një varkë, dikush e pohon dhe dikush e mohon, por të gjithë jemi në një varkë. Dikush më shumë e dikush më pak ka ato problemet e veta familjare, shoqërore, ekonomike dhe kështu me radhë. Mos të bëhem sikur jemi mirë nga të gjitha anët, është vaj, absolutisht asgjë nuk është vaj, të gjitha duan mund, punë. Në përgjithësi jeta luftë është.

Rudina: Nuk më ktheve përgjigje se çfarë na mban ne bashkë pas gjithë këtyre, se nuk janë gjëra të vogla, janë tërmete.

Marku: Ne të dyve na mban dashuria, kjo nuk diskutohet.

Komanda e Forcave të Operacioneve Speciale të NATO-s ka publikuar disa fotografi nga stërvitja e zhvilluar nga Forcat e Operacioneve Speciale shqiptare në bashkëpunim me instruktorët e Forcave Speciale të Shteteve të Bashkuara të Amerikës, duke nxjerrë në pah përgatitjen intensive dhe bashkëpunimin e ngushtë mes aleatëve në kuadër të forcimit të sigurisë dhe gatishmërisë operacionale.

Në njoftimin e pubIikuar, NATO thekson rëndësinë e stërvitjes përpara çdo misioni, duke nënvizuar se përgatitja është thelbësore për t’u përballur me situatat më të vështira në terren. “Përpara misionit vjen stërvitja. Përpara presionit vjen përgatitja”, thuhet në mesazhin e shpërndarë nga Komanda e Forcave të Operacioneve Speciale të NATO-s.

Sipas njoftimit, përmes skenarëve sfidues dhe kushteve që simulojnë situata reale operacionale, Forcat e Operacioneve Speciale të NATO-s vazhdojnë të forcojnë aftësitë e tyre, duke përmirësuar nivelin e gatishmërisë, precizitetin në veprim dhe koordinimin e nevojshëm për të operuar në mjedisin kompleks dhe gjithnjë në ndryshim të sigurisë globale.

Në këtë kuadër, Ministria e Mbrojtjes, Forcat e Armatosura të Shqipërisë dhe Forcat e Operacioneve Speciale shqiptare janë angazhuar në stërvitje të përbashkëta me instruktorët e Forcave Speciale amerikane, me fokus të veçantë në lëvizjen përmes terreneve të vështira, zhvillimin e operacioneve me ekspozim minimal dhe neutralizimin e kërcënimeve në kushte sa më reale.

Një alarm u dha të shtunën pasdite në aeroportin “Eleftherios Venizelos” të Athinës në Greqi, kur një burrë pa ndjenja u gjet në tualetet e terminalit.

Autoritetet kompetente u mobilizuan menjëherë, ndërsa një ambulancë e EKAB shkoi me nxitim në vendngjarje. Pavarësisht përpjekjeve, u përcaktua se udhëtari nga Nepali kishte ndërruar jetë.

Sipas informacioneve fillestare, viktima u gjet me një gungë në fyt, ndërsa provat deri më tani po shqyrtohen në kontekstin e një incidenti të mundshëm vetëvrasjeje.

Nga dokumentet e udhëtimit që kishte me vete, u përcaktua se ai ishte një 37-vjeçar nga Nepali, kurse ngjarja është ende nën hetim aktiv, duke mos përjashtuar edhe pista të tjera.

Pas largimit përfundimtar nga “Ferma VIP”, Vanesa Sono ka folur në “Ferma Club”, duke u ndalur si te përjetimet brenda formatit, ashtu edhe te jeta e saj personale dhe marrëdhënia e komentuar gjatë me Indrin.

Këngëtarja pranoi se hyrja në reality show erdhi në një periudhë të vështirë për të, ndërsa tregoi se lidhja që kishte jashtë fermës kishte qenë prej kohësh në përfundim. “Ishte një marrëdhënie që në një moment do kishte marrë fund. Ishte më shumë inerci pse vazhdoi,” u shpreh ajo.

Një nga deklaratat që mori më shumë vëmendje ishte ajo për ish-partnerin, ku Vanesa la të kuptohej se dëshiron të rikthejë komunikimin sapo të dalë jashtë formatit.

“Edhe nëse ai nuk ka shkruar, gjëja e parë që do bëj sapo të marr telefonin, do gjej një lloj forme që t’i shkruaj,” tha ajo.

Vanesa foli edhe për raportet brenda fermës dhe fermerët që ka afruar më shumë, duke përmendur disa prej tyre si persona që i kanë lënë përshtypje të veçantë gjatë qëndrimit në show.

“Unë mendoj që çdo njëri aty të nxjerr ngjyra të ndryshme të karakterit. Me Sarën kam një miqësi shumë të çmuar. Mezi pres ta takoj kur të dal jashtë. Të flas me Dartin. Është shumë e fortë, inteligjente. Kam Ilirin dhe Romirin. 3 personat më të dashur që bëj tifo,” u shpreh ajo.

Një aksident tragjik i ka marrë jetën një adoleshenti shqiptar në Itali mbrëmjen e së premtes. Viktima është identifikuar si 19-vjeçari Klevis Kalliu, me origjinë shqiptare dhe banues në Monopoli.

Ngjarja ka ndodhur rreth orës 23:00 pranë zonës Piazza Milite Ignoto, ku automjeti tip “Mercedes” me të cilin udhëtonte i riu është përplasur me një “Toyota Auris”.

Sipas mediave italiane, Klevis Kalliu ndodhej në sediljen e pasme të Mercedes-it. Pas goditjes së fortë, drejtuesi i mjetit humbi kontrollin dhe u përplas me disa automjete të parkuara në anë të rrugës. Edhe makina tjetër e përfshirë në aksident përfundoi mbi një furgon të parkuar.

Në vendngjarje mbërritën menjëherë ekipet e emergjencës, zjarrfikësit dhe forcat e policisë. Mjekët tentuan për disa minuta ta mbanin në jetë 19-vjeçarin, duke i dhënë ndihmën e parë dhe më pas duke e transportuar me urgjencë në spitalin “San Giacomo”, por ai nuk arriti t’u mbijetojë plagëve të marra.

Nga aksidenti kanë mbetur të plagosur lehtë edhe drejtuesja e “Toyota”-s dhe një tjetër pasagjer i Mercedes-it.

Autoritetet italiane kanë nisur hetimet për të zbardhur shkaqet dhe dinamikën e plotë të aksidentit fatal.

11 persona kanë mbetur të plagosur si pasojë e një aksidenti të rëndë që ka ndodhur ditën e sotme në Deçan, Kosovë.

Sipas mediave vendase, ngjarja ka ndodhur në Prilep, ku 3 automjete janë përplasur me njëra-tjetrën.

11 persona që udhëtonin në këto makina janë plagosur, por fatmirësisht, janë jashtë rrezikut për jetën.

‘’Sot rreth orës 18:00, Policia është njoftuar për një aksident trafiku i cili ka ndodhur në fshatin Prilep- Deçan, në këtë aksident ishin të përfshira tre makina dhe si pasojë e këtij aksidenti njëmbëdhjetë (11) persona kanë pësuar lëndime trupore, të njëjtit janë dërguar ne spitalin rajonal në Pejë për tretman mjekësor’’, është thënë nga Policia.

Një grua rrëfen se pas martese marr/ëdhënia me të shoqin është ftohur deri në atë pikë, sa ajo mendon se po shkon drejt fundit.

Kjo është historia e rrëfyer. “Mirëdita, uroj të jeni të gjithë mirë nga përmbytjet.Ju shkruaj nga Gjermania ku jeton me burrin dhe fëmijën prej vitesh e vitesh,pasi ikëm nga Pogradeci. Kam një problem që dua ta ndaj me lexuesit e faqes tuaj, ndoshta më japin ndonjë këshillë.

Por pa ofendime ju lutem. Me burrin jam marrë me mblesëri, por e pëlqeva. Në fejesë gjithçka shkonte qetësi, por që kur u martuam dhe erdhëm këtej ne jemi bërë si të huaj.

Burrin e kam punëtor dhe shumë të qetë. Nuk ka vese, ama si burrë e grua kemi vite që nuk jemi më.

Aq sa që kur lindi djali ai flen në sallon dhe as krevatin nuk e ndajmë më bashkë.

Burri ka qenë mashkulli i parë në jetën time, e kjo gjendje tani mes nesh nuk po më pëlqen. Jemi bërë si njerëz shtëpie, e jo si partnerë.

Kjo ka ndikuar për keq tek unë dhe jam komplet e ço/roditur. Dua që me burrin të jemi ç/ift i afërt, por nuk di si t’ja bëj.

Çfarë më këshilloni?Kam frikë se kështu do të njohë ndonjë femër tjetër këtej edhe nuk dua të shk/atërroj familjen.

Mundohem ndonjëherë t’i afrohem, por ai është vetëm i lodhur…E kështu ikën muaj dhe vitet…”, shkruan ajo.

Zbardhen detaje të reja nga dëshmia e Shefit të Komisariatit të Sarandës, Gëzim Bashllari, i cili u arrestua pas operacionit të AMP-së për ndërtimet pa leje në zonë.

Sipas burimeve hetimore, përpara hetuesve, Bashllari ka deklaruar se gjatë kësaj jave ka qenë i angazhuar me një ngjarje tjetër, vrasjen e pronarit të karburantit, ç’ka sipas tij e ka penguar të merrej me kontrollin e ndërtimeve pa leje.

Deklarata e tij ka tërhequr vëmendjen grupit hetimor, ndërsa vijojnë verifikimet për të sqaruar përgjegjësitë dhe veprimet e kryera nga ana e tij në lidhje me rastin.

Aksioni i AMP-së në Sarandë dhe arrestimet

Një aksion i zhvilluar nga Agjencia e Mbikëqyrjes Policore në zonën e Sarandës dhe Ksamilit për lidhjet e policisë me raste të ndërtimeve pa leje, ka çuar në arrestimin e shefit të Komisariatit të Policisë Sarandë, Gëzim Bashllari.

Po ashtu, në pranga për shpërdorim detyre kanë rënë edhe një oficer krimesh dhe një specialist i zonës në Sarandë.

Sipas burimeve, në fokus të hetimeve janë efektivë që dyshohet se janë përfshirë ose kanë favorizuar raste të ndërtimeve të paligjshme në këto zona bregdetare.

Po ashtu, priten arrestime dhe masa të tjera procedurale ndaj punonjësve të Komisariatit të Policisë Sarandë, të cilët dyshohet se kanë pasur rol në lejimin apo mosgoditjen e këtyre ndërtimeve.

Dy ditë më parë u arrestuan edhe 8 punonjës ndërtimi që po ngrinin një strukturë pa leje në det, teksa në kërkim u shpall pronarja e objektit në fjalë.