Author: admin

Irene Mourtzoukou, një grua 25-vjeçare nga Greqia, ka tronditur opinionin publik me rrëfimin e saj për vrasjen e katër foshnjave, përfshirë fëmijët e saj biologjikë.

Për muaj të tërë, ajo kishte mohuar akuzat përpara kamerave televizive, shpesh me lot në sy, duke kërkuar nga publiku që të besonte në pafajësinë e saj. Por në korrik të këtij viti, gjithçka ndryshoi.

Sipas policisë, Mourtzoukou pranoi se kishte mbytur motrën e saj 18-muajshe në vitin 2014, kur ishte vetëm 14 vjeç. Vdekja e fëmijës atëkohë u përshkrua si pasojë e “komplikimeve të frymëmarrjes” dhe nuk ngjalli dyshime. Ajo më pas rrëfeu se e kishte kryer aktin për t’u hakmarrë ndaj nënës së saj pas një konflikti.

Mourtzoukou më vonë pranoi edhe vrasjen e djalit të saj gjashtëmujor në vitin 2021, si dhe dy vajzave të porsalindura njëra 19 ditëshe dhe tjetra pak më pak se dy muajshe mes viteve 2022 dhe 2023. Të gjitha këto vdekje fillimisht u regjistruan si “natyrale”, përfshirë diagnoza si pneumoni dhe krizë epileptike. Por autopsitë e mëvonshme zbuluan shenja të asfiksisë.

Historia u bë edhe më e zymtë kur në vitin 2023, pas vdekjes së djalit të partneres së saj të atëhershme, nisi një hetim penal që çoi në arrestimin e Mourtzoukou. Mjekët ligjorë në raportin e tyre të hollësishëm vunë në dukje se vdekja e këtij fëmije ishte rezultat i hipoksisë mungesë oksigjeni dhe dyshohet si një akt i qëllimshëm kriminal.

Përveç këtyre, Mourtzoukou është gjithashtu nën hetim për një rast të vitit 2016, kur një foshnjë që ajo po e kujdeste, ndërsa nëna e saj ndodhej në verandë, u gjet pa ndjenja me buzët e nxira. Foshnja u dërgua me urgjencë në spital, ku u trajtua për episode të humbjes së vetëdijes. Edhe pse ky incident nuk është përfshirë formalisht në aktakuzë, ka ngritur dyshime serioze për një model të përsëritur sjelljeje.

Për një kohë të gjatë, Mourtzoukou ishte një figurë e shpeshtë në emisionet televizive greke, ku mohoi çdo përfshirje në vdekjet, shpesh duke debatuar ashpër me gazetarë dhe ekspertë mjeko-ligjorë. Ndërsa mjekët nxirrnin përfundime të qarta për asfiksinë si shkak vdekjeje, ajo i hodhi poshtë si të pabazuara. Megjithatë, rrëfimi i saj në korrik e përmbysi narrativën publike.

Nëna e saj, gjatë një paraqitjeje në televizion, kishte deklaruar më herët se besonte që vajza e saj ishte e dhunshme dhe kishte shfaqur sjellje delikuente që në fëmijëri. Ajo madje tha se Irene kishte sajuar rrëmbimin e vet në moshë të vogël dhe se kishte qenë e diagnostikuar me “personalitet të dyfishtë”.

Ndërkohë, Mourtzoukou ka pretenduar se ishte viktimë e abuzimeve të shumta dhe se ishte detyruar të prostituonte për të ushqyer familjen. Marrëdhënia e saj e trazuar me nënën, sipas saj, ishte arsyeja e prapavijës psikologjike që çoi në këto krime. “Sa herë që debatoja me nënën time, doja t’i bëja keq”, ka deklaruar ajo para autoriteteve.

Ditën e sotme ishte i ftuar në emisionin Breaking në Top News ish-presidenti Bamir Topi. Ai foli rreth zhvillimeve të reja politike në Shqipëri duke e cilësual si një qeveri e cila ka vazhdimin e asaj të parës.

Duke qenë se kryeministri i venditEdi Rama fitoi bindshëm zgjedhjet e 11 majit duke marrë mandatin e katërt të qeverisjes, ish-presidenti e quajti këtë gjë si një pushtet absolutnë duart e një njeriu të vetëm.

Gjithashtu ai theksoi se qeveria Rama 4 është inerci e Rama 3 pasi edhe ministritë e përrcaktuara nukkanë ndonjë risi gjithashtu ky pushtet është i frikshëm pasi të fitohen zgjedhjet sërish edhe mes shumë skandaleve sipas tij është diçka shumë e madhe.

“E kam parë dhe e kam thënë, e kam parë si një paradoks logjik, por edhe elektoral, faktin që një qeveri që lufton për mandatin e katërt dhe është aktualisht në mandatin e katërt, vjen me një fitore më të thellë se herët e tjera, ndërkohë, paralelisht kemi mjaft skandale.

Politika, ndonëse shpesh del nga rregulli, duhet të ketë një logjikë. Kemi një pushtet që rritet, që thellohet një pushtet absolut në çdo aspekt. Në këtë këndvështrim, nuk shoh asnjë element surprizues, por vetëm një inercí të frikshme.

Nga njëra anë, kemi një kryeministër që krenohet se janë shfrytëzuar disa elementë për t’ia çuar Brukselit atë që kërkonte, por realiteti është se ne jetojmë këtu, jo në Bruksel. Ata që e perceptojnë realitetin janë qytetarët shqiptarë që përballen çdo ditë me mijëra probleme.

Personalisht, unë do të doja që të ishim në Europë dje, jo sot as nesër, por nga një pikëpamje më realiste, ky proces duhet të bazohet si në dokumente, ashtu edhe në realitetin konkret.

Në lidhje me kabinetin qeveritar: ministritë kryesore janë përsëri në dorën e të njëjtëve persona si Ministria e Financave, ashtu edhe zëvendëskryeministrja. Ndër risitë nëse mund ta quajmë të tillë është kalimi i një zonje në krye të Ministrisë së Brendshme, dhe këtë mund ta marrim si një risi pozitive.

Në qeverisjen e z. Rama, ka një inerci: “Rama 3” ka pësuar ndonjë ndryshim të vogël, por pjesa më e madhe e atyre që janë larguar, janë vendosur në krye të komisioneve parlamentare.”, përfundoi ish-Presidenti Topi.

Nutricionistja e njohur, Tea Brame, ka dhënë disa këshilla për kujdesin e shëndetit dhe trupit tonë, sidomos pas periudhës së pushimeve. E ftuar në “Live From Tirana” me Ronaldo Sharkën, Tea pyeti ‘a e di që stresi të shëndosh?’.

“Njerëzit e shëmtuar dhe ziliqarë shëndoshen, se zilia në njëfarë mënyre është stres”, shtoi më pas nutricionistja.

“Aroma e spermës te meshkujt lidhet me ushqimin që konsumon…”, ja çfarë këshillash jep nutricionistja
Pjesë nga intervista:

Ronaldo: Po, sepse kemi të bëjmë me mbidozë emocionesh negative.

Tea: Po. Çlirohet kortizoli dhe ti shëndoshesh. Kjo është e provuar me studim, është shumë interesante.

Ronaldo: Interesante kjo. Duhet t’ua themi shqiptarëve që për t’u dobësuar, një nga metodat është që të mos jeni ziliqarë, sepse ju shëndosh.

Tea: Kjo është. Por dhe stili i jetesës në total.

Patinatorja Julia Marie Gaiser ka humbur jetën në një aksident rrugor në Austri. Ajo u përplas nga një kamion në një kryqëzim në Salzburg.

Ekipet e ndihmës së shpejtë tentuan ta rikthenin në jetë në vendngjarje, por 23-vjeçarja ndërroi jetë aty. Autoritetet vendore hapën një hetim pas ngjarjes, ndërsa shoferi i kamionit rezultoi negativ në testin e alkoolit.

Kryebashkiaku i Salzburgut, Andreas Jungman, shprehu ngushëllime për familjen e saj dhe e cilësoi humbjen si të madhe për botën e sportit. Fansat kanë reaguar gjerësisht në rrjetet sociale me mesazhe ngushëllimi.

Gaiser ka përfaqësuar më parë Italinë në patinazh artistik, përpara se të kalonte në ekipin e Austrisë. Ajo ishte pjesë e Eis Team Salzburg, me të cilin fitoi tre tituj radhazi në vitet 2023, 2024 dhe 2025. Federata

Gaiser e nisi patinazhin në moshën tetëvjeçare, më vonë se shumica e sportisteve. Karriera e saj e shkurtër por e suksesshme u shoqërua me vlerësime të shumta.

Humbja e saj shihet si një goditje e rëndë për komunitetin e patinazhit artistik. Kujtimi i saj do të mbetet përmes pasionit dhe arritjeve që solli në akull.

Etiopia ka festuar hyrjen në vitin 2018, duke ndjekur kalendarin e saj të veçantë 13-mujor, i cili është shtatë vjet pas atij perëndimor.

Festa e njohur si Enkutatash shënon fundin e sezonit të shirave dhe fillimin e pranverës, ku rrugët dhe tregjet në Addis Ababa u mbushën me lule të verdha adey ababa, bar për ceremonitë e kafesë dhe kafshë të ndryshme për vaktet festive.

Gjatë natës së Vitit të Ri, kryeqyteti u gjallërua me koncerte dhe muzikë live, ndërsa dita nisi me fëmijët që këndonin këngën tradicionale Abebayehosh, të ndjekur nga shërbimet kishtare ortodokse.

Ngjarja, përveç atmosferës festive, është edhe një simbol i traditave të forta kulturore dhe fetare që mbeten të rrënjosura në jetën e përditshme të popullit etiopian.

Një vajzë e vogël 5-vjeçare është sulmuar nga ujku në plazhin e Marmaras në Selanik të Greqisë.

5-vjeçarja, nga Serbia, po luante në plazh rreth orës 08:00 të mëngjesit, sipas orës lokale, kur ujku e sulmoi nga pas.

Kafsha e egër e kafshoi dhe i shkaktoi gërvishtje në shpinë. Ka qenë ndërhyrja e nënës së 5-vjeçares dhe të një personi tjetër që sulmoi ujkun me gurë, duke mundur të shpëtojnë fëmijën.

E mitura u dërgua në spital për të trajtuar plagët, ndërsa gjendja e saj paraqitet jashtë rrezikut.

Specialistët thonë se në zonën ku ndodhi ngjarja, është e njohur prania e ujqërve dhe çekejve.

Një rast i ngjashëm është regjistruar edhe në Kosovë disa javë më parë.

Tani është zyrtare. Ndeshja mes Serbisë dhe Shqipërisë, takim ky i vlefshëm për kualifikueset e botërorit nuk do luhet në Beograd.

UEFA ka bërë me dije se sfida do të luhet në në “Gradski stadion Dubočica” në Leskovac me 11 tetor.

Zhvendosja nga Beogradi bëhet me synimin për të shmangur problemet dhe trazirat, në një përballje që shpeshherë i ka kaluar kufijtë e futbollit.

Si Serbia, ashtu edhe Shqipëria, janë në garë për një vend në Botëror.

Çermen Valiev del me medalje të argjendtë nga Botërori i Mundjes që zhvillohet në Kroaci. Mundësi që përfaqëson Shqipërinë ra vetëm në finale, me japonezin Takashai që fitoi 8-2.

Gjithsesi, medalja e argjendtë për vendin tonë mbetet një arritje mjaft e rëndësishme, për më tepër që bëhet fjalë për një nivel shumë të lartë.

Sa i takon rrugëtimit, Valiev bëri gjithçka mirë fillimisht ndaj mundësit nga Mongolia, Erdenabat, duke marrë një sukses 12-2.

Më pas, ai eleminoi mundësin që përfaqëson Belgjikën, Ibragim Veliev.

Në çerekfinale gjërat filluan të komplikoheshin, por Valiev ia doli edhe ndaj amerikanit Devid Aron, duke e mposhtur këtë të fundit 7-5.

Rusi Sidakov ishte pengesa e gjysmëfinalës, por 27-vjeçari e mundi me shifrat 6-4.

Kujtojmë Valiev mbahet mend edhe për faktin se i siguronte Shqipërisë medalje Olimpike, për herë të parë në historinë e vendit tonë.

Gazetari Basir Çollaku i ftuar në një emision televiziv ka thënë se kartelet shqiptare janë të lidhura me ato serbe që ushtrojnë aktivitetin në Amerikën e Jugut.

Çollaku u shpreh se grupet kriminale të të dyja shteteve, kanë lidhje me udhëheqësit Rama dhe Vuçic.

Më tej, gazetari deklaroi se DASH i ka dhënë direktiva SPAK-ut të nisë goditjen nga pastrimit të parave të kokainës nëpërmjet ndërtimit.

“Kartelet shqiptare të lidhura me ato serbe në Amerikën e Jugut. Janë grupe të përbashkëta që kanë lidhje organike me Vuçiç e Ramën. Paligjshmëria e krimi organizuar janë mbërthyer aq shumë bashkë, e Rama është anëtar i këtij bordi e do të hetohet si një nga të pandehurit.

Në Shqipëri u pastruan miliarda euro të kokainës në ndërtim. DASH i ka dhënë direktiva SPAK të nisë goditjen. Trafiku i drogës me mbështetjen qeveritare shqiptare është bërë shqetësim amerikan”, tha Çollaku.

Në një fushë të madhe 72 kilometra nga kryeqyteti i Bjellorusisë, Minsk, po zhvillohet një betejë. Ka shpërthime gjigante ndërsa bombarduesit Sukhoi-34 hedhin bomba. Re të mëdha tymi errësojnë qiellin.

I gjithë territori jehon nga zhurma e mortajave dhe predhave të artilerisë që shpërthejnë. Helikopterë luftarakë bashkohen në sulm, ndërsa dronë vëzhgues fluturojnë sipër për të parë dëmin.

Por është vetëm një stërvitje.

Disa media ndërkombëtare janë sjellë në poligonin stërvitor Borisovsky, ku forcat bjelloruse dhe ruse po marrin pjesë në manovra të përbashkëta.

Është pjesë e stërvitjes ushtarake Zapad-2025 (“Perëndimi 2025”). Edhe atashetë ushtarakë nga një sërë ambasadash po e vëzhgojnë stërvitjen nga një platformë vrojtimi.

Këto janë ushtrime të planifikuara. “Perëndimi 2025” zhvillohet çdo katër vjet.

Në vitin 2022 morën pjesë 200,000 trupa, ndërsa stërvitjet e këtij viti përfshinë më pak ushtarë.

Moska dhe Minsku pohojnë se stërvitjet kanë një natyrë thjesht mbrojtëse, se ato janë krijuar për të forcuar sigurinë e Rusisë dhe Bjellorusisë dhe për të kundërshtuar çdo kërcënim të mundshëm të jashtëm.

Pretendime të ngjashme janë bëre edhe tre vite e gjysmë më parë.

Në shkurt 2022 BBC vizitoi Bjellorusinë për të raportuar mbi stërvitjen ushtarake bjelloruse-ruse “Union Resolve”. Kur stërvitja përfundoi, në vend që të ktheheshin në shtëpi, trupat ruse pushtuan Ukrainën fqinje nga territori i Bjellorusisë.

Kësaj here Bjellorusia këmbëngul se nuk ka asgjë për të fshehur.

Përfaqësues të 23 shteteve, përfshirë SHBA-në, Turqinë dhe Hungarinë, panë stërvitjen ushtarake.

“Ne e konsiderojmë këtë stërvitje si të paprecedent në transparencën e saj,” u tha gazetarëve në poligon gjeneral majori Valery Revenko, asistent i ministrit të mbrojtjes bjellorus.

“Ne nuk po kërcënojmë askënd. Ne jemi për dialog konstruktiv dhe pragmatik.”

Qartësisht kryeministri polak Donald Tusk nuk është i bindur. Ai e ka quajtur stërvitjen “Perëndimi 2025” “shumë agresive”. Polonia mbylli kufirin me Bjellorusinë para stërvitjes, duke nxitur një reagim të zemëruar nga Minsku.

“Perëndimi 2025” përkon me një periudhë tensioni të lartë në rajonin e Europës Lindore. Në jug, Rusia nuk tregon asnjë shenjë për t’i dhënë fund luftës së saj ndaj Ukrainës.

Javën e kaluar Polonia akuzoi Rusinë për shkelje të qëllimshme të hapësirës së saj ajrore me një inkursion dronësh rusë. NATO ngriti avionë luftarakë për të rrëzuar disa nga dronët.

Moska u përgjigj duke pretenduar se “nuk kishte planifikuar të godiste objektiva në territorin polak.”

Dje Rumania zbuloi se një dron rus kishte shkelur gjithashtu hapësirën e saj ajrore. Në Europë ka shqetësim të gjerë se inkursionet e tilla me dronë nuk janë aksident, por një strategji ruse për të testuar unitetin dhe vendosmërinë e udhëheqësve europianë dhe të aleancës së NATO-s.

Si Rusia ashtu edhe Bjellorusia kanë bërë përpjekje kohët e fundit për të përmirësuar marrëdhëniet me Uashingtonin dhe për të ndërtuar një marrëdhënie me administratën Trump. Por, në rastin e të dyjave, marrëdhëniet me Europën mbeten të tendosura.

Vendimi i autoriteteve bjelloruse për të ftuar mediat ndërkombëtare në stërvitjen “Perëndimi 2025” mund të shihet në dy mënyra.

Së pari, si një përpjekje për transparencë, kështu e paraqet Minsku.

Por në shpërthimet dhe të shtënat në poligonin Borisovsky ka, ndoshta gjithashtu, një mesazh për Perëndimin. Dhe mbi të gjitha, për Europën.

Ky mesazh mund të lexojë diçka të tillë: “Shihni dhe konsideroni fuqinë ushtarake pranë derës suaj; konfrontimi me Moskën nuk është në interesin tuaj.”