Author: admin

Erion Veliaj ka depozituar një kërkesë të jetë i pranishëm në mbledhjen e Këshillit Bashkiak për shkarkimin e tij nga detyra.

Veliaj, i cili ndodhet në qeli prej datës 11 Shkurt, ka kërkuar të jetë i pranishëm për një proces të rregullt ligjor.

Kërkesa e Veliajt drejtuar Anëtarëve të Këshillit Bashkiak të Tiranës:

E nderuar kryetare dhe anëtarë të Këshillit Bashkiak,

Jam informuar nga media se, më datë 23 shtator 2025, do të mbahet mbledhja e Këshillit Bashkiak të Tiranës, me objekt miratimin e propozimit drejtuar Këshillit të Ministrave për shkarkimin tim nga funksioni i Kryetarit të Bashkisë, me arsyetimin e mungesës mbi tre muaj në detyrë.

Dua të theksoj qartë se kjo mungesë nuk është pasojë e vullnetit tim, por rrjedhojë e një mase sigurie disproporcionale dhe që do të kundërshtohet në çdo instancë gjyqësore, deri në Gjykatën Evropiane të të Drejtave të Njeriut.

Kjo masë nuk ka izoluar vetëm qytetarin Erion Veliaj, por ka paralizuar qeverisjen e kryeqytetit, duke lënë pa drejtues të zgjedhur mbi 1 milion qytetarë të Tiranës. Sistemi gjyqësor, në mungesë të një përgjegjësie të plotë për fuqinë dhe pasojat e vendimeve të tij, nuk mori parasysh se masa e sigurimit duhej të balanconte interesin publik të hetimit penal me interesin po aq madhor të garantimit të qeverisjes vendore. Kjo është arsyeja reale që ka prodhuar krizën e sotme politike, institucionale dhe kushtetuese. Shkaktar i saj nuk është as Kryetari i Partisë Socialiste, as Partia Socialiste, as ju këshilltarë, por një vendimmarrje gjyqësore që ka ndërprerë në mënyrë të padrejtë një mandat kushtetues. Çdo përpjekje për ta fshehur këtë të vërtetë nuk i shërben zgjidhjes, por e devijon atë.

Mungesa e imponuar nga një masë paraprake, jo nga një vendim përfundimtar fajësie, nuk është as mungesë e vullnetshme, as shkelje e rëndë kushtetuese, por cenim i hapur i parimit të përfaqësimit demokratik dhe një precedent i rrezikshëm për qeverisjen vendore.

E mirëkuptoj shqetësimin tuaj për të kërkuar një zgjidhje politike. Por nuk mund të mirëkuptoj që kjo krizë, e shkaktuar nga gjykata dhe ku “viktimë” është vetëqeverisja vendore, të “zgjidhet” me një tjetër shkelje të Kushtetutës po nga vetë pushteti vendor. Një vendim i tillë do të zëvendësonte vullnetin e 160 mijë zgjedhësve, të cilët kanë folur politikisht, me një akt të pajustifikuar juridikisht, duke krijuar precedent të rrezikshëm për demokracinë vendore.

E kam thënë dhe e përsëris, dhe dua të më besoni siç keni bërë gjithë këto vite: nuk bëhet fjalë për interesin tim personal. Mandati nuk është i imi, por i qytetarëve të Tiranës, të cilët për herë të tretë më kanë dhënë nderin e jetës sime duke më besuar drejtimin e qytetit. Mandati nuk më ka mbrojtur mua, përkundrazi, është arsyeja pse unë sot jam i izoluar, por ai më detyron të mbroj kontratën katërvjeçare që qytetarët kanë firmosur me votën e tyre. Kam detyrimin të mbroj çdo pikë djerse që kemi derdhur së bashku për ta fituar atë besim.

Kryetari i Bashkisë së Tiranës është organ kushtetues që ka të drejtën dhe Këshilli Bashkiak i Tiranës ka detyrimin të respektojë procesin e rregullt ligjor në çdo vendimmarrje që bën. Për këto arsye dhe në respekt të parimit kushtetues të procesit të rregullt ligjor dhe të së drejtës për t’u dëgjuar, kërkoj të jem i pranishëm dhe të dëgjohem në mbledhjen e këshillit bashkiak, për të dhënë sqarimet e nevojshme para se të merret vendimi për propozimin e shkarkimit tim.

Kryetari i Bashkisë së Tiranës,

Erion Veliaj

Transfertat e parave në 41 shtete të Europës do të bëhen më të lira pas datës 7 tetor. Për të dërguar 100 euro, bankat do të mbajnë vetëm 1 euro komision, nga 10 që mbajnë aktualisht.

Aktualisht, nëse dërgon 100 euro nga Shqipëria në Itali përmes një banke apo zyre transfertash, shuma që arrin te marrësi është 88–90 euro.

Pjesa e munguar merret nga banka si komision, që arrin deri në 10%.

E njëjta logjikë aplikohet edhe për shuma më të mëdha, si për shembull 500 euro drejt Gjermanisë, ku komisioni mund të shkojë deri në 15 euro.

Por nga 7 tetori, këto tarifa do të bien ndjeshëm. Për të njëjtat dërgesa, komisionet e bankave do të variojnë nga 1 deri në 3 euro.

Me përfshirjen e Shqipërisë në sistemin SEPA, Këshilli Evropian i Pagesave ka publikuar listën e shteteve që do të përfitojnë nga komisionet e ulëta.

Në tetor, Shqipëria, Mali i Zi, Maqedonia e Veriut dhe Moldavia do t’u bashkohen vendeve të BE-së, Zonës Ekonomike Evropiane dhe disa vendeve të tjera evropiane jashtë BE-së.

Kjo do të thotë se komisionet e transfertave do të jenë të ulëta në 41 shtete, përfshirë 27 vende të BE-së, si dhe Islandën, Lihtenshtajnin, Norvegjinë, Zvicrën, Britaninë e Madhe, Monakon, San Marinon, Andorën dhe Vatikanin.

Sipas dokumentit zyrtar, institucionet shqiptare të licencuara nga Banka e Shqipërisë janë të autorizuara të marrin pjesë në skemat SEPA. Vlerësohet që qytetarët shqiptarë do të kursejnë deri në 20 milionë euro në vit nga komisionet.

Ky zhvillim përfaqëson një hap përpara në integrimin e tregut financiar shqiptar me atë evropian, duke rritur efikasitetin, ulur kostot dhe rritur sigurinë e transfertave ndërkufitare në euro.

Nga Paolo Fox

DASHI

Kjo fundjavë do të jetë veçanërisht dinamike. Hëna e favorshme inkurajon iniciativën dhe ndryshimet e vogla, veçanërisht në vendin e punës. Beqarët mund të përjetojnë takime të papritura, ndërsa çiftet do të duhet të jenë të kujdesshëm me komunikimin.

DEMI

Sipas horoskopit të Paolo Fox (e shtunë, 20 shtator 2025), ju presin ditë reflektimi dhe planifikimi. Lidhur me punën, është mirë të mos nxitoheni për të marrë vendime të rëndësishme; është mirë të analizoni me qetësi çdo situatë.

BINJAKËT

Do të përjetoni një fundjavë kreativiteti dhe socializimi. Sa i përket punës, do të përfitoni nga njohuritë dhe idetë origjinale që mund të ndahen me miqtë ose kolegët. Beqarët do të kenë mundësi interesante për takime stimuluese.

GAFORRJA

Do të tërhiqesh nga vetëanaliza. Kjo është koha ideale për të reflektuar mbi marrëdhëniet dhe për të fituar qartësi në vendin e punës. Çiftet do të përjetojnë momente harmonie dhe mirëkuptimi më të madh, ndërsa beqarët mund të takojnë dikë të veçantë përmes kontaktit indirekt.

LUANI

Sipas horoskopit të Paolo Fox (e shtunë, 20 shtator 2025), do të keni një fundjavë energjike dhe pozitive. Lidhur me punën, iniciativat personale do të shpërblehen dhe ata që kanë pritur konfirmim mund ta marrin atë. Çiftet do të kenë mundësinë të forcojnë lidhjen e tyre.

VIRGJËRESHA

Do t’ju duhet të përqendroheni te organizimi. Sa i përket punës, planifikimi i çdo aktiviteti do të japë rezultate të prekshme. Çiftet do të gjejnë dialog dhe mirëkuptim, ndërsa beqarët do të duhet të jenë më të guximshëm për të shmangur humbjen e mundësive emocionuese.

PESHORJA

Fundjava do të shënohet nga ekuilibri dhe vetëanaliza. Lidhur me punën, do të jetë e rëndësishme të vlerësoni me kujdes propozimet dhe bashkëpunimet e reja. Ëmbëlsia dhe bashkëveprimi do t’u sjellin çifteve momente të këndshme.

AKREPI

Sipas horoskopit të Paolo Fox (e shtunë, 20 shtator 2025), do të përjetoni ditë intensive dhe të ngarkuara emocionalisht. Lidhur me punën, vendosmëria do t’ju lejojë të kapërceni pengesat e vogla pa stres të tepërt.

SHIGJETARI

Do të jesh i mbushur me entuziazëm dhe dëshirë për gjëra të reja. Lidhur me punën, gjatë orëve të ardhshme të kësaj fundjave të fundit të shtatorit, do të shijosh iniciativa origjinale dhe projekte afatshkurtra. Fati do të shoqërojë njohje të reja dhe kontakte shoqërore.

BRICJAPI

Do të keni një fundjavë produktive, por sfiduese (20-21 shtator). Në punë, përqendrimi dhe organizimi do të sjellin kënaqësi; në dashuri, do të jetë i nevojshëm një dialog dhe hapje më e madhe me partnerin tuaj.

UJORI

Sipas horoskopit të Paolo Fox (e shtunë, 20 shtator 2025), do të keni ditë krijuese dhe stimuluese. Puna do të përfitojë nga ide të reja dhe bashkëpunime pozitive gjatë orëve të ardhshme. Në dashuri, beqarët do të kenë mundësinë për takime të këndshme.

PESHQIT

Do të përjetoni një fundjavë vetëanalize dhe intuite. Për sa i përket punës, zgjedhjet e nxitura nga intuita do të japin rezultate konkrete. Çiftet do të gjejnë ekuilibër dhe momente intimiteti.

Zbardhen detaje nga ngjarja në Këlcyrë, ku një 16-vjeçare është abuzuar seksualisht nga njerku i saj, Pajtim Baka.

Gazetarja e Top Channel, Dorjana Bezat, raporton se vajza është abuzuar që kur ka qenë 13 vjeçe. Më pas ajo u lidh me një 47-vjeçar dhe më pas me një të ri.

Sipas informacioneve, e mitura ka ngacmuar policin, Agim Ago, i cili është në arrati, duke i shkruar, joshur dhe dërguar video erotike. Theksohet se nuk ka pasur raport intime, por i ka dërguar vetën vetëm video intime.

Më pas e mitura e ka kërcënuara duke i kërkuar 10 mln lekë (të vjetra), ose do të publikonte pamjet.

Pasi lajmi u bë publik, polici u arratis, ndërsa policia ka nisur hetimet për kapjen e tij.

Alban Bruçi, i riu që u vu në pranga nga policia është një emër i njohur për policinë. Ai dyshohet se është autori i atentatit ndaj boksierit Aron Kajoshi, ngjarje e ndodhur një vit më parë, në shtator 2024.

vijon

Një ngjarje e rëndë është regjistruar në qytetin e Këlcyrës, ku një 19-vjeçare dyshohet se ka plagosur aksidentalisht kushëririn e saj, një 27-vjeçar me inicialet D.S., duke përdorur një armë zjarri të llojit pushkë sportive.

Sipas burimeve zyrtare nga policia, i riu ndodhet jashtë rrezikut për jetën, ndërsa arma është sekuestruar për hetime të mëtejshme. Forcat e rendit po punojnë për të sqaruar rrethanat e ngjarjes.

“Specialistët për Hetimin e Krimeve të Komisariatit të Policisë Tepelenë referuan materialet në Prokurori ku nisi procedimi penal për shtetasen K. B., 19 vjeçe, banuese në Këlcyrë, pasi dyshohet se aksidentalisht ka plagosur me pushkë sportive, kushëririn e saj, shtetasin D. S., 27 vjeç, banues në fshatin Mamaj, i cili është jashtë rrezikut për jetën. Arma sportive u sekuestrua në cilësinë e provës materiale“, thuhet në njoftimin e policisë.

Janë zbardhur diskutimet me dyer në mbyllura në Grupin Parlamentar të PD, një ditë më parë pas seancës së tensionuar parlamentare.

Deputetët kanë hedhur ide të ndryshme në lidhje me aksionin opozitar.

Burime për gazetarin Osman Stafa bëjnë të ditur se deputeti Tomor Alizoti ka thënë që diktaturat nuk përmbysen as me ndërkombëtarë dhe as me ambasada. Ai është shprehur se duhet të marrin vendime afatgjate politike.

Ndërsa Sali Berisha ka deklaruar se duhet që të protestonën ashtu sic u protestua në Shtëpinë e Bardhe, kur kryeministër ishte Fatoës Nano.

Pjese nga diskutimi:

Tomor Alizoti: Shqipëria sot ka hyrë sot në fazën e diktaturës. Ai ka kapur mediat sot, dhe e jep mesazhin e tij siç dëshiron, ne si kemi mediat, prandaj ne duhet të komunikojmë në terren. Një mikrofon dhe të dalim në rrugë, të ftojmë forumet rinore dhe të bëjmë bisedë të hapur me njerëzit në rrugë.

Diktaturat nuk janë përmbysur as me ndërkombëtarët as me ambasadat.

Ne duhet të marrim vendim afatgjatë politik. Të ngremë njerëzit, t’i bindim, t’u japim shpresë, e pastaj t’i thërrasim në protesta masive.

Sali Berisha: Shumë ide të vyera. Unë mendoj se duhet ta bëjmë kërkesën për përsëritjen e seancës, dhe po ashtu edhe të kërkojmë mocion për shkarkim për Niko Peleshin, pasi ai ka shkelur kushtetutën. Ndërsa e dimë që Begaj s’do veprojë, por ama ne kemi detyrë t’i themi atij që mos t’i thërrasë për betim. Krytarët e grupeve parlamentare të bëjnë nëpër ambasada e të shpjegojnë situatën.

Ne duhet të rivitalizojmë edhe degët tona në diasporë, për të zhvilluar protesta përpara Ambasadave, siç është protestuar përpara Shtëpisë së Bardhë kur Kryeministër ishte Fatos Nano.

Gazetari Basir Çollaku ka zbuluar, se kryebashkiaku i Tiranës, Erion Veliaj konsumon raki në paraburgimin e Durrësit, ku ndodhet prej disa muajsh.

Çollaku analizoi po ashtu procesin që PS po ndjek për ta çuar Bashkinë e Tiranës në zgjedhje të pjesshme, duke e shkarkuar Veliajn përmes votës së këshilltarëve të majtë, me argumentin ligjor të mungesës tremujore në detyrë.

Ai tha se pret që zgjedhjet për kryeqytetin të mos zhvillohen, pasi Rama dhe Veliaj sipas tij duhet të zgjidhin me paqe përplasjet mes tyre.

“Pyetja është a do të ketë zgjedhje në Tiranë. Sigurisht që nuk do të ketë! Kjo është arsyeja se po flenë te burgu Durrësit këto negociatorët që i çojnë fjalë atij, tërhiq, mos u tërhiq. Edhe shohim reagimet e Ramës dhe Veliajt, këto kodet që shpërndajnë në distancë me njëri-tjetrin. Do kalojnë afatet duke u zënë këta. I tha ai zotëria nga burgu: ‘Kur do flas unë, ti do bëhesh lajmi i fundit’. Pra është presion që bëhet. E mori dy ditë rresht vëllain e Erion Veliajt, Arbrin, e thirri SPAK-u. Këta takohen tek SPAK-u, gjithë mazhoranca. Mori vëllain dy ditë rresht, foli Erioni nga burg, tha: ‘Kur të flas unë ti do bëhesh lajmi i fundit’. Këta duan ta zgjidhin me paqe se këta kanë kusure të përbashkëta, këto firmat e mafies bashkë, pastrimin e parave bashkë. Dhe kanë frikë se siç kam lexuar nëpër media, se rakia ndonjëherë çka barku, e nxjerr bardhaku. Se mos ndoshta e tepron me rakinë dhe nxjerr ndonjë sekret. Se duhet mbajtur edhe mbikëqyrje nga qelia ai zotëria atje. Se mos thotë ndonjë gjë që Rama ka bërë, del edhe ndonjë shkresë që kanë punuar bashkë”, tha Çollaku.

Një 37-vjeçar nga Elbasani është arrestuar nga policia pas një denoncimi për abuzim seksual nga një 15-vjeçare, e cila ishte vajza e partneres me të cilën ai jetonte.

E mitura në prani të psikologes dhe efektivëve të polici ka deklaruar se prej katër muajsh është abuzuar seksualisht nga partneri i të ëmës.

Ky i fundit e ka pranuar aktin, duke thënë se kjo ka ndodhur me dëshirën e vajzës së mitur. Ndërkohë nga ana tjetër, nëna e vajzës ka dalë në mbrojtje të partnerit, duke akuzuar të bijën.

Top Channel raporton se e mitura tani është strehuar në një qendër të viktimave të trafikimit.

“Specialistët për Hetimin e Krimeve të Komisariatit të Policisë Elbasan ndaluan shtetasin B. B., 37 vjeç, banues në Elbasan, për veprën penale “Marrëdhënie seksuale me dhunë me të mitura të moshës 14-18 vjeç”, pasi dyshohet se ka abuzuar seksualisht me vajzën e bashkëjetueses së tij, 15 vjeçe”, bën me dije policia.

Psikologu Eduart Tafa ishte një ditë më parë i ftuar në “Live From Tirana” me Ronaldo Sharkën, ku foli rreth besëtytnisë, magjisë së zezë, fallxhoreve. Ai komentoi edhe pse shqiptarët vendosin që t’u besojnë kaq shumë.

“A të ka ndodhur që të vijnë pacientë në klinikën tënde dhe të të thonë që i kanë bërë magji të zezë dhe jeta po u shkon ters? Çfarë i këshillon ti?”, e pyeti moderatori i njohur.

Psikologu u shpreh se ka raste, pasi jetojmë në një shoqëri dhe kulturë që i beson këto gjëra.

“Unë mendoj që në shumë kontinente momentalisht ka besueshmëri të lokalizuar, në opsione të ndryshme. Por le të mbetemi në popullatën tonë. Është e pashmangshme si pyetje, por do të bëjmë një diferencim. Kur ne bëjmë analizën klinike të rastit, duhet nisur gjithmonë nga konteksti kulturor. Cili është ndryshimi mes një psikologu shqiptar dhe një psikologu europian apo amerikan? Ka patur shumë raste ku orientohen në banimin ku janë në Europë, shkon takon psikologun dhe i thotë që ‘mendoj se mund të më ketë bërë dikush një magji’.

Psikologu europian nuk arrin ta shikojë në kontekstin kulturor të personit, por duke u bazuar në kontekstin e literaturës shkencore, ai nuk e njeh si fenomen dhe automatikisht ai ngre një pikëpyetje mbi diagnozën që mund të vendosë mbi personin, që shpeshherë është e gabuar. Kur vjen teknjë psikolog shqiptar, ne e shikojmë në bazë të kontekstit kulturor fillimisht pyetjen me të cilën na drejtohet. Dhe e parë në kontekstin kulturor, ne na jep mundësinë dhe komoditetin për t’u zgjeruar edhe më tepër deri në rrënjën e asaj që mund të jetë fituar si një lloj frike apo një lloj besimi gjatë rrugëtimit të tij të jetës”,tha Eduart Tafa