Author: admin

Një shqiptar është vrarë me armë zjarri në një atentat në Toronto të Kanadasë. Viktima eshte identifikuar si Paulin Harusha, 43 vjeç.

Sipas njoftimit zyrtar, të autoriteteve 43-vjeçari Paulin Harusha ndërroi jetë në vendngjarje, pavarësisht përpjekjeve të ekipeve mjekësore për t’i shpëtuar jetën.

Harusha u gjet i qëlluar me armë brenda një automjeti, ndërsa ngjarja ndodhi pranë kryqëzimit të Victoria Park Avenue dhe Sheppard Avenue East, rreth mesnatës së të shtunës.

Sipas dëshmitarëve, autorët e dyshuar janë larguar nga vendngjarja me një automjet, përpara se të mbërrinte policia.

Në një konferencë për shtyp të dielën, Inspektori Jonathan Rose nga Shërbimi i Policisë së Torontos deklaroi se motivi i krimit mbetet ende i panjohur.

Hetimet vijojnë, ndërsa autoritetet u bëjnë thirrje qytetarëve që kanë informacion të kontaktojnë policinë.

Në një intervistë në DritareTV, Tërmet Peçi ka folur për herë të parë pas shpërthimit të lajmit për akuzat për abuzim seksual që dolën pak orë para zgjedhjeve të 11 majit.

Ai e ka konsideruar lajmin si “të shpifur” dhe ka treguar se publikimi i tij në atë moment ishte i qëllimshëm:

“Pak ora para kutisë së votimit nxorën një lajm shumë të shpifur. Kjo më ka ngacmuar. Mund ta kishin nxjerrë më parë, por pritën atëherë. Por ky lajm nuk ndikoi fare, sepse atje ku unë jetoj më njohin shumë mirë.”

Peçi ka kujtuar gjithashtu ngjarje të ngjashme që kanë ndodhur rreth 10 vjet më parë, kur portalet kishin publikuar lajme për fëmijët e tij asokohe adoleshentë:

“Para disa vitesh portalet po ngacmonin fëmijët e mi, që ishin adoleshentë. I gjeta numrin drejtuesit të portalit, e mora në telefon edhe më tha: ‘E di si është puna o kryetar, lajmi yt shitet.’ Pse ore me mua do bësh lekë ti? Këtu shteti vetë duhet të vërë dorë. Nëse ke diçka nxirre dhe unë përgjigjem. Por jo të më baltosësh vetëm për klikime.”

Ai ka theksuar se përdorimi i lajmeve të tilla për përfitime politike nuk është rruga e duhur:

“Kjo nuk është rruga e duhur, të baltosësh dhe të bësh politikë. Nëse do të bësh politikë, përballu me njerëzit.”/Marrë nga Dritare.net

Kujtojmë se para fushatës së 11 Majit, një histori mes një punonjëseje bashkie dhe deputetit, Termet Peçi, qarkulloi në rrjete, si një aferë seksuale.

Në media u raportuan variante të shumta, madje u tha se bashkëshorti i punonjës së Bashkisë kishte kryer edhe një kallëzim penal ndaj kandidatit për deputet.

Moderatorja e sportive, Eva Murati, ka bërë një reagim ekskluziv për “Live From Tirana” me Ronaldo Sharkën, rreth një komenti që ka bërë bujë për dasmën e ish-partnerit të saj, Genar Topalli.

Moderatori i njohur e ka kontaktuar Evën për të qenë pjesë e programit, për të folur rreth komentit të saj që tashmë është bërë viral në rrjetet sociale.

Në komentin e saj, Murati përmendte lekët e vjedhura nga fondet publike si dhe linte të kuptonte që Genari e ndiqte çdo ditë, madje një gjë të tillë e kishte bërë edhe një ditë para dasmës së tij me Cindy Marina.

Moderatorja nuk ishte e pranishme në studio me Sharkën, por ky i fundit lexoi një mesazh që Eva i ka dërguar në lidhje me këtë:

“Besoj se shumë njerëzve iu ka ardhur si bombë pasi nuk është në natyrën time të shkruaj kështu apo të merrem me deklarata të tilla. Më vjen keq për gjithë këtë sepse rashë totalisht në kurth. Ishte një përgjigje e kthyer pas provokimeve të njëpasnjëshme në anglisht nga e njëjta adresë dhe për t’ia mbyllur gojën u krijua kjo situatë e pakëndshme. E them me bindje kurth, sepse gazetat e morën në mënyrë të njëpasnjëshme komentin gjë që nuk kishte ndodhur më parë. Fatkeqësisht dhe padashur, u bëra pjesë e një telenovele që realisht nuk dua të jem pjesë. Jetë të lumtur për të gjithë!”

Dhjetë ditë pas u dërgua me urgjencë në QSUT, i penduari i drejtësisë, Nuredin Dumani, u shfaq në Gjykatën e Posaçme për seancën e radhës të dosjes “Plumbi i artë”.

Në dukje Dumani nuk përcillte asnjë shqetësim, ndërsa u përshëndet mes buzëqeshjes dhe batutave me avokatët para nisjes së seancës.

Seanca nuk u zhvillua normalisht për shkak të mungesës së disa prej avokatëve në proces. Situata u tensionua kur palët diskutuan mbi zhvillimin ose jo 2 herë në javë të seancës. I pandehuri Petrit Qoli shpërtheu ndaj gjykatës, duke kërkuar ritëm të procesit.

“Po kryeni gjenocid individual nga padrejtësia e drejtësisë unë kam vetëm një hall zonja kryetare, infarktin. Ai nuk të pyet. Nuk vjen me zhurmë. Po na shkatërroni. Jam duke vdekur nga turpi, se na plasët.

O prokuror po na vrisni për së gjalli. Kam familje jashtë, kam biznese, po më shkatërroni. Kam dy vite në burg për shkak të Dumanit. Më falni për tonin, por po na vdisni”, tha Qoli.

Në përfundim, duke ju referuar Dumanit, Qoli shtoi:

“O prokuror mos i jep karkaleca këtij se ky maksimumi makarona ha”.

Seanca e radhës u shty për me 18 shtator.

Pas një sëmundje të rëndë dhe të shpejtë, në orët e para të mëngjesit të sotëm, pushoi së rrahuri zemra e një prej kameramanëve më të mirë të medias.

Ervin Hoti prej 22 vitesh kontribuoi në realizimin e qindra programeve televizive, duke nisur nga programet e thjeshta e deri te spektaklet.

Ai ishte një nga “sytë” më cilësor me anë të të cilit publiku ka parë dhe shijuar prodhimet e RTSH-së për më shume se dy dekada.

Ervini karakterizohej nga korrektësia dhe intuita krijuese në çdo aspekt të punës.

Dasma madhështore e prezantueses Cindy Marina me Genar Topallin, djalin e ish-kryeparlamentares Jozefina Topalli, e zhvilluar në Romë, është kthyer në një nga temat më të komentuara të ditëve të fundit.

Ceremonia përrallore me luks dhe të ftuar VIP bëri bujë në rrjetet sociale, duke sjellë qindra reagime nga publiku.

Por vëmendjen e mori edhe moderatorja sportive Eva Murati, ish-partnerja e Genar Topallit, e cila u përfshi në një debat të zjarrtë pas një videoje të saj që u bë virale në TikTok.

Ndjekësit komentuan duke aluduar për xhelozi, madje njëri sugjeroi se Murati do të kishte dashur një dasmë të tillë luksoze. Moderatorja reagoi pa dorashka, duke lëshuar një deklaratë të fortë:

“Nuk dua që miliona shqiptarë të më dëshirojnë vdekjen sepse po mburrem me para që mund të jenë të vjedhura nga fondet publike. E di që më ndjek çdo ditë, por ta bësh këtë një ditë pas dasmës tënde është më shumë se patetike”.

Menjëherë pas kësaj, ka ardhur një deklaratë tjetër e Eva Muratit, ekskluzivisht për “Live From Tirana”. Eva shkruan:

“Besoj se shumë njerëzve iu ka ardhur si bombë pasi nuk është në natyrën time të shkruaj kështu apo të merrem me deklarata të tilla. Më vjen keq për gjithë këtë sepse rashë totalisht në kurth.

Ishte një përgjigje e kthyer pas provokimeve të njëpasnjëshme në anglisht nga e njëjta adresë dhe për t’ia mbyllur gojën u krijua kjo situatë e pakëndshme.

E them me bindje kurth, sepse gazetat e morën në mënyrë të njëpasnjëshme komentin gjë që nuk kishte ndodhur më parë. Fatkeqësisht dhe padashur, u bëra pjesë e një telenovele që realisht nuk dua të jem pjesë. Jetë të lumtur për të gjithë!”.

Gazetari Milaim Zeka ka bërë një deklaratë të bujshme në një emision televiziv, duke pohuar se disponon përgjime të gazetarëve shqiptarë të përfshirë në skema bashkëpunimi me ambasadën serbe në Tiranë.

“Unë njoh me emër dhe mbiemër çdo gazetar shqiptar që ka shkruar kundër UÇK-së dhe luftës së Kosovës, të paguar nga shërbimi sekret serb. Ka qenë një armatë e tërë gazetarësh në Shqipëri që merrnin lekë nga ambasada serbe. Ata janë superaktivë edhe sot, i ke nëpër studio televizive,” – u shpreh Zeka.

Ai theksoi se disponon dokumente komprometuese: “I kam në dorë edhe përgjimet e ambasadës serbe. Njërit, për shembull, botuesit të gazetës Bota Sot ia kam publikuar dosjen. Ai ka qenë me mision në Tiranë. Unë i di me emra të gjithë gazetarët shqiptarë, në çfarë ore kanë hyrë në ambasadën serbe, çfarë instruksionesh kanë marrë, madje edhe përgjimet telefonike.”

Sipas tij, disa prej këtyre gazetarëve vazhdojnë të jenë aktivë edhe sot në media, duke vijuar retorikën kundër UÇK-së dhe duke mos e ndarë atë nga figura e ish-presidentit Hashim Thaçi.

“Unë i di me emrat të gjithë gazetarët shqiptarë, në çfarë ore kanë hyrë në ambasadën serbe, çfarë instruksionesh kanë marrë, përgjimet telefonike. Sot, i ke të njëjtit në studio që shajnë UÇK-në. Nuk e ndajnë Hashim Thaçin, duke thënë se ai gjatë luftës ka qenë hero dhe më tej ka qenë krejt tjetër”, tha Zeka.

Me fillimin e operacionit tokësor “Qerret II të Gideonit” në Gaza, vëmendja izraelite është përqendruar te një emër që Tel Avivi e përshkruan si “komandanti i fundit i madh i Hamasit në Gaza”.

Ai është Az al-Din al-Haddad, i cili aktualisht drejton krahun ushtarak të lëvizjes pas vdekjes së Muhammad Shinwar.

Sipas informacioneve që janë bërë të njohura nga mediat, al-Haddad arriti t’i mbijetojë gjashtë atentateve, përfshirë tre gjatë luftës aktuale, që nga tetori i vitit 2023. Të njëjtat burime raportuan se një njësi izraelite u dërgua për ta arrestuar atë në një shtëpi ku ai ishte fshehur, por nuk ishte në gjendje ta gjente.

Siç thuhet, udhëheqësi ushtarak i Hamasit është vazhdimisht në lëvizje dhe u beson shumë pak njerëzve jashtë rrethit të tij të ngushtë. Burime nga pala palestineze raportojnë gjithashtu se dy nga djemtë e tij, të cilët ishin aktivë në lëvizje, u vranë në luftën në Gaza.

Në një intervistë që dha në janar 2024, Haddad mohoi që Irani dhe Hezbollahu kishin dijeni paraprake për sulmin e 7 tetorit, por vuri në dukje se ata që ai i quajti “vëllezër në Boshtin e Rezistencës” dinin skicat e përgjithshme të operacionit, ndërsa informacioni në lidhje me kohën e sulmit ishte i kufizuar në një rreth të ngushtë kontaktesh për të siguruar suksesin e tij.

Kontaktet me pengjet

Sipas Wall Street Journal, një nga pengjet izraelite u takua me Haddadin pesë herë gjatë ndalimit të tij, dhe ata madje ndanë përkohësisht të njëjtën shtëpi të sigurt. Gjatë takimit të parë, në mars 2024, Haddad u ul pranë pengjeve, i pyeti në hebraisht:

“Si jeni?” , u tha atyre se ishte përgjegjës për të gjithë pengjet në Gaza dhe u tregoi atyre foto të pengjeve të tjera në telefonin e tij.

Në korrik, ushtria izraelite shpërndau fletë-palosje satirike në Rripin e Gazës me titull “Realiteti”, të cilat përfshinin një fotografi të “pamjes së re” të Az al-Din al-Haddadit.

Zëdhënësi i ushtrisë izraelite, Avichai Adrai, konfirmoi se fotografia e përshkruan Haddadin dhe se ai ndodhet në një nga tunelet në zonën e Khan Yunis.

Ish-deputeti demokrat, Dashnor Sula u ndal gjerësisht te situata e PD-së, por edhe pozita e tij në parti.

Në një dalje televizive, Sula u shpreh se është përzënë me shkelma nga partia, edhe pse fitoi në primare.

Sula shtoi se është duke punuar për një projekt politik, pasi sipas tij është ende herët për të që të mbyllë karrierën politike.

“Në politikë kam 20 vjet. As nga media dhe as nga mazhoranca nuk jam atakuar për një aferë. Më nxorrën me shqelma nga partia. Fitova me primare dhe më thanë nuk duam, më përzunë. Tani unë nuk mund ta mbyllë karrierën se do Berisha, Noka dhe Albana Vokshi. Unë do të vazhdoj përpara në politikë. Nuk është shteti as i Ramës, as Berishës, as i PS dhe as i PD. Për shtetin kryen detyrë. Unë do të vijojë një projekt politik. Të jemi seriozë. Ose në politikë duke u marrë me aktivitetin politik dhe dëshira është aty. Ose nuk është turp të punosh. Secili ka integritetin e vet”,-tha Sula.

Ish-ministri i Jashtëm, Ditmir Bushati i ka dal kundër nismës së kryeministrit Edi Rama për një ministër AI si Diella. Bushati shkruan se, IA për tu implementuar në shoqëritë demokratike, siç është ngritja e një ministrie AI, duhet që së paku të vijë përmes politikave të bazuara në studime të mirë-vërtetuara.

Sipas Bushatit, Inteligjenca Artificiale kërkon përgatitjen e burimeve njerëzore dhe një kulturë të lartë institucionale. Ndër të tjera, ish-diplomati thekson se në asnjë rast nuk mund të kontraktohet përgjegjësia njerëzore, pasi ajo mbetet një vlerë e pazëvendësueshme për shoqërinë.

Postimi i Plotë:

Njeriu apo inteligjenca artificiale?

Nuk është një temë debati apo çështje titujsh sensacional vetëm në Shqipëri. Tema është aktuale por përgjigjja në shoqëritë demokratike vjen përmes politikave që bazohen në studime të mirë-vërtetuara.

Puna krijuese vjen gjithnjë përmes përpjekjesh të mundimshme. Orë të tëra të kaluara duke parë faqen bosh, projekte të hedhura tutje e të rinisura nga fillimi. Shkurt, çdo punë krijuese e çdo projekt kërkon kohë e përkushtim. A mund ta ndryshojë Inteligjenca Artificiale këtë gjë? A mund të kemi produkt pa punë dhe pa përpjekje? A mund ta zëvendësojë Inteligjenca Artificiale njeriun?

Një studim i fundit i Universitetit të Harvardit arrin në përfundimin se, Inteligjenca Artificiale, edhe pse ka lehtësuar ndjeshëm jetën tonë, nuk mund ta zëvendësojë njeriun, dhe as nuk mund të shërbejë si ilaç ndaj vesit njerëzor.

Elementë të caktuar të procesit të punës së njeriut mund t’i besohen Inteligjencës Artificale. Por në ato raste ku puna ka lidhje të drejtpërdrejtë me përgjegjësinë individuale, ligjore apo pronësinë intelektuale, Inteligjenca Artificiale nuk e zëvendëson dot njeriun.

Inteligjenca Artificiale kërkon përgatitjen e burimeve njerëzore dhe një kulturë të lartë institucionale, çka shpesh na mungon. Përdorimi i saj, pa krijuar një sistem që bazohet mbi dijen dhe meritën, nuk na i lan hesapet as me korrupsionin dhe as me keqqeverisjen. Është mirë të fokusohemi se si Inteligjenca Artificiale mund të përmirësojë punën tonë në një aspekt apo fushë specifike. Bota njeh plot të tilla si: zbulimet në fushën e ilaçeve, proteinave apo mjekësisë.

Falë zhvillimeve teknologjike, kushdo që përgatit një ligj, dokumentacion specifik për një garë, shkruan një artikull apo një libër mund ta bëjë atë më shpejt me një bashkë-autor të inteligjencës artificiale. Për shembull, më ka ndodhur që ta thërras në ndihmë Inteligjencën Artificiale për të përmirësuar një punë që mund të më ketë marrë ditë apo javë të tëra. Ndërkohë që Inteligjenca Artificiale e ka përmirësuar në vetëm pak sekonda. Qëllimisht e konsiderova “bashkë-autor” pasi nuk është vetëm shkrimi. Gjithçka fillon prej të menduarit. Pra, në asnjë rast nuk mund të kontraktohet përgjegjësia njerëzore, sepse gjykimi njerëzor mbetet i pazëvendësueshëm për shoqërinë.

Ndaj, duhet të nxisim edukimin që zhvillon kapacitetin njerëzor duke lexuar vetë, bie fjala një tekst të caktuar, dhe jo ta marrim të gatshëm nga Inteligjenca Artificiale. Duhet ta luftojmë dembelizmin dhe politikat që ofrohen si përftuese të aftësive për hir të aftësive.

Të rinjtë duhen motivuar për të ruajtur nivelin e përsosmërisë njerëzore që brezat e mëparshëm e kanë bërë të mundur, edhe pse është tunduese ta kontraktojnë atë. Duhet të gjejmë mënyra për t’u përqendruar në të jetuarit e një jete njerëzore, pa e cenuar atë, duke përmirësuar standardet përmes vlerësimit të dijes dhe përpjekjeve njerëzore, dhe jo duke rendur pas eksperimenteve të dëmshme.

VIDEO