Author: admin

Dashi

Mesa duket nuk dëshironi ta angazhoni këtë ditë të re me përgjegjësi dhe aktivitete. Me Hënën në fushën e dhjetë ju do të ndjeni disa lëkundje megjithatë, arsye serioze për panik, është vetëm çështje e pritjes për ardhjen e sinjaleve të reja. Asnjë hap i gabuar në punë, disa oferta duken të dobishme, por poshtë tyre ato mund të fshehin gracka. Partneri i shkëputur nga ju ështe duke marrë me situata të tjera.

Demi

Ju keni energjinë e duhur për t’i bërë gjërat me shumë shpejtësi! Përvoja juaj në fushën e biznesit do t’ju bëjë që të keni vetëm suksese. Ju do të jeni në gjendje të menaxhoni disa ngjarje të vogla të papritura. Në fushën e dashurisë do të shihni më shumë pasion dhe lumturi me partnerin tuaj.

Binjakët

Përshtypjet e mira do të fitohen në një mënyrë fluide. Me Hënën në Bricjap ju do të jeni në gjendje të kuptoni ata që vërtet nuk janë miqtë tuaj dhe ja u kanë me të keq. Gjatë një bisede mjaft delikate me një nga familjarët tuaj ju do të mërziteni.Largohuni për një kohë dhe rivendosni mendjen dhe energjitë tuaja. Kërkoni më lehtë të riktheheni në rrugën e duhur! Momente të bukura për ata që do i shprehin dashurinë dikujt.

Gaforrja

Disa re të zeza kalojnë në Qiellin tënd. Disa dëshira janë shumë të larta dhe ato ju kujtojnë sesa e vështirë është sot të meritoni një lidhje dashurie ose një sukses profesional. Nuk do të jetë e mjaftueshme periudha që do të kaloni afër partnerit për të kuptuar ndjenjat tuaja. Sidoqoftë, gjithçka do të jetë e dobishme me kritika, kundërshtim dhe mohim do të kuptoi rëndësinë e lidhjes tuaj.

Luani

Lëvizja që ndjeni në frontin profesional është për shkak të krijimtarisë dhe energjisë suaj. Hëna kalon në Fushën e gjashtë dhe ju fton të bëni gjëra të reja. Argëtimi gjatë punës do t’ju bëjë të ndjeheni të çlodhur. Sidoqoftë, në frontin e dashurisë, ndieni një dëshirë të fortë për të riorganizuar kartat.Prisheni rutinën dhe nëse jeni çift jeni në momentin e duhur për të rizbuluar emocionet e të kaluarës.

Virgjëresha

Shikoni me kujdes përreth, kjo ditë mund të jetë plot me ide dhe mundësi të reja. Nëse jeni duke pritur për disa ndryshime, disa lajme, jeni me fat pasi shumë shpejt do t’ju vijnë. Ata që janë në një lidhje çift do të kenë ndihmën e Uranit dhe Hënës, ata do të stimulojnë krijimtarinë dhe do t’ju mundësojnë të krijoni mënyra të reja dhe argëtuese për të qenë me të dashurin tuaj.

Peshorja

Hëna të shikon gabim dhe ju do të rrezikoni të bëni një gafë, duke thënë diçka që nuk duhet. Asgjë serioze, për hir të parajsës, por është më mirë të parandalosh shfaqjen e mundshme të situatave të pakëndshme. Zgjidhja e një problemi nuk është e vështirë. Ju keni një mendje të shkëlqyer, kur dëshironi, dhe mund t’i përgjigjeni me korektësi çdo situate.

Akrepi

Aktivitetet tuaja do të marrin stimuj, si nga pikëpamja financiare, sociale dhe njerëzore. Ajo që duhet të bësh është t’i menaxhosh me vendosmëri dhe pasionin më të madh! Nuk mjafton të bësh gjithçka siç duhet, është e nevojshme të vendosësh diçka më shumë në të, një detaj i vogël mund të bëjë ndryshimin. Takimet e dashurisë janë premtuese. Midis jush dhe atyre përreth jush ka mirëkuptim, tërheqje fizike, qartësi dhe sinqeritet.

Shigjetari

Nëse e kuptoni sot që ndonjë projekt nuk ka shans për sukses, lëreni mënjanë menjëherë. Nëse gjeni dobësi te vetja forcojini ato dhe mos i tregoni para të tjerve. Nëse ka pengesa dhe jeni i sigurt që ajo që keni ndërmend të arrini është brenda mundësive tuaja, përballeni me ta pa frikë, pasi rekomandohet të vendosni dorën për gjithçka që është zvarritur për disa kohë.

Bricjapi

Gjithmonë është e mundur të gjesh kredencialet e duhura, si për zgjidhjen, ashtu edhe për problemet e momentit, për të cilat kërkon sukses ose meritë. Ju doni të shijoni popullaritetin dhe famën. Siguria financiare nuk është problem, për sa kohë që keni agjencinë e duhur ose planifikoni të merrni një të tillë. Kërkoni falje, bëni lëvizjen e parë në dashuri, dhe gjithçka do të funksionojë.

Ujori

Mos kini frikë nga përgjegjësitë që duket se ju bien të gjitha ju. Keni aftësi, këmbëngulje, shpatulla të forta për të përballuar të papriturat që jeta të ofron. Hëna në shenjën tuaj, jo vetëm që do t’ju ndihmojë për të mbajtur gjithçka në kontroll por edhe për të shfrytëzuar në maksimum çdo situatë. Dashuri shume e mire dhe partneri sot do bëjë gjithçka që t’ju kënaqë.

Peshqit

Qielli i sotëm është tamam i duhuri për ju pasi do t’ju ndihmojë të plotësoni dëshirat që keni. Nëse duhet të falesh për ndonjë mëkat të vogël, do të jetë shumë më lehtë! Një buzëqeshje verbuese do të jetë e denjë për reklamën më të mirë të pastave të dhëmbëve. Buzë qeshja është sekreti juaj i veçantë! Rrjedha e lumturisë i pret të gjithë ata që janë çift. Shoqëria e partnerit përfaqëson kënaqësitë më të mëdha në të gjitha kohërat.

Këshilli i Ministrave të Shqipërisë ka miratuar një paketë të re dhe gjithëpërfshirëse rregullash që riformatojnë procedurat e verifikimit në pikat e kalimit kufitar. Vendimi i ri i qeverisë shfuqizon rregulloret e mëparshme të viteve 2016 dhe 2023, duke bërë një përafrim të rëndësishëm me “Kodin e Kufijve Shengen” të Bashkimit Evropian.

Dokumenti i ri përcakton standarde të qarta se kush përfiton kalim të përshpejtuar (korsitë e gjelbra), si do të kontrollohen mjetet e transportit dhe, më e rëndësishmja, vendos filtra të hekurt sigurie për udhëtimin e fëmijëve të mitur jashtë vendit, për të luftuar fenomenin e trafikimit dhe braktisjes. Pjesa më jetike e vendimit që prek drejtpërdrejt qytetarët është regjimi i ri për kalimin e kufirit nga personat nën 18 vjeç. Shteti ka shtrënguar procedurat e verifikimit, duke kërkuar dokumentacion specifik në varësi të moshës dhe shoqëruesit.

Nën 16 vjeç mund të udhëtojnë vetëm të shoqëruar nga një person madhor dhe detyrimisht me një deklaratë noteriale të firmosur nga të dy prindërit (ose prindi me kujdestari ligjore). Deklarata noteriale tani kërkohet të jetë e përpiluar në dy gjuhë (shqip dhe anglisht) nëse hartohet jashtë vendit. 16 deri në 18 vjeç, kjo grupmoshë lejohet të udhëtojë e pashoqëruar (p.sh. si vizitor te një i afërm ose për aktivitete kulturore/sportive), por sërish kërkohet një deklaratë noteriale nga prindërit ku përcaktohet adresa e saktë e pritësit dhe garancia e mosbraktisjes.

Për fëmijët me prindër të divorcuar, shoqëruesi duhet të ketë deklaratën noteriale nga të dy prindërit ose vendimin e formës së prerë të gjykatës që i jep atij kujdestarinë. Të dhënat e vendimit gjyqësor tashmë do të regjistrohen në mënyrë elektronike në sistemin e kufirit TIMS. Vendimi i jep kompetenca të zgjeruara Policisë Kufitare për të bllokuar kalimin në rastin më të vogël të dyshimit:

“Në rast dyshimi, roja kufitare i bën një intervistë të shkurtër shoqëruesit, kryen verifikime të imtësishme të dokumenteve për t’u siguruar që i mituri nuk po largohet kundër dëshirës së personave që ushtrojnë kujdesin prindëror, në mënyrë që të parandalojë rrëmbimin ose trafikimin.”

Nëse konstatohet braktisje e të miturit në një shtet tjetër, njoftohet menjëherë Prokuroria, Agjencia për Mbrojtjen e Fëmijëve dhe autoritetet ndërkombëtare homologe.

Për të lehtësuar qarkullimin e zyrtarëve, trupave të sigurisë dhe punonjësve jetikë, vendimi specifikon kategoritë që kalojnë me procedura të përshpejtuara, duke përjashtuar detyrimin për të provuar “mjetet e mjaftueshme financiare”. Krerët e shteteve, qeverive, parlamenteve dhe familjet mbretërore u nënshtrohen vetëm “verifikimeve minimale” bazuar në njoftimin zyrtar. E njëjta gjë vlen për mbajtësit e pasaportave diplomatike dhe anëtarët e organizatave si OKB, BE dhe NATO.

Në raste të krizave apo luftës, trupat dhe asetet e NATO-s kalojnë me procedura të përshpejtuara ose përjashtime të plota. Punonjësit e kërkim-shpëtimit, zjarrfikësit dhe policitë në detyrë kanë gjithashtu prioritet absolut. Qytetarët që kalojnë kufirin rregullisht çdo ditë për arsye pune dhe janë të regjistruar në sistem, do të kalojnë me verifikime të thjeshtuara.

Qeveria ka standardizuar mënyrën se si kontrollohen pasagjerët në varësi të mjetit që ata përdorin për të udhëtuar:

Autoveturat (Makinat) Pasagjerët qëndrojnë brenda në mjet gjatë kontrollit. U kërkohet të zbresin vetëm nëse ka dyshime për mallra/persona të fshehur, mospërputhje identiteti ose sinjalizime në sistemin policor.
Autobusët Udhëtarët i nënshtrohen verifikimit individual këmbësor në terminale. Në raste të fluksit të lartë, autobusët e linjave të rregullta kanë përparësi kalimi.
Tragetet dhe Kroçerat Kapiteni duhet të dorëzojë listën e pasagjerëve/ekuipazhit të paktën 24 orë para mbërritjes. Për kroçerat me rrugëtim të brendshëm nuk kryhen kontrolle, ndërsa linjat ndërkombëtare kontrollohen në korsi të veçanta.
Avionët (Transfertat) Kontrolli bëhet vetëm në aeroportin e parë të mbërritjes në RSH (për hyrje) dhe në të fundit (për dalje). Për fluturimet private, piloti duhet të dërgojë planin e fluturimit dhe identitetin e pasagjerëve para nisjes.
Trenat Kontrolli mund të bëhet në stacionin e parë të mbërritjes ose gjatë lëvizjes së trenit brenda vagonëve për të shmangur vonesat.
Ky vendim hyn në fuqi pas botimit në Fletoren Zyrtare, duke i lënë detyrë Drejtorisë së Përgjithshme të Policisë së Shtetit të përditësojë menjëherë sistemet kompjuterike dhe udhëzuesit e brendshëm për çdo punonjës në pikat kufitare të Shqipërisë.

Çmimet e larta në plazhet private po dyndin hapësirat publike në Vlorë. Pushues vendas, pensionistë dhe turistë të huaj po zgjedhin zonat falas për të kaluar pushimet, ndërsa kërkesa ndaj bashkisë për më shumë hapësira publike mbetet e lartë.

Me nisjen e sezonit turistik, dhjetëra qytetarë dhe pushues vendas po zgjedhin të kalojnë pushimet në plazhet publike falas të Vlorës. Për shumë pensionistë dhe familje, çmimet e çadrave dhe shezlongëve në plazhet private mbeten të papërballueshme, ndaj hapësirat publike janë alternativa e vetme për të shijuar detin gjatë verës.

Plazhet publike mbushen që në orët e para të mëngjesit, ndërsa në shumë zona private numri i pushuesve është dukshëm më i ulët.

Pushuesit kërkojnë më shumë hapësira publike, duke theksuar se kostot e larta të pushimeve nuk ua lejojnë të frekuentojnë plazhet me pagesë.

Krahas qytetarëve vendas, këto plazhe frekuentohen edhe nga turistë të huaj, të cilët e vlerësojnë mundësinë për të pushuar pranë detit pa kosto shtesë për çadrat dhe shezlongët.

“Vij nga Finlanda. Më pëlqen shumë këtu. Është një vend i bukur dhe fakti që plazhi është falas është një avantazh i madh. Jam shumë e kënaqur”, shprehet një vajzë.

“Jam nga Finlanda. Më pëlqen shumë ky vend. Kam ardhur me katër fëmijët e mi. Uji është i pastër, ushqimi është i mirë dhe plazhi falas është një arsye më shumë për ta zgjedhur. Patjetër që do të rikthehemi”, thotë një djalë.

Në të gjithë vijën bregdetare të Vlorës janë krijuar dy hapësira publike falas në Lungomare, të pajisura me 150 çadra dhe 300 shezlongë, në dispozicion të banorëve dhe turistëve.

Plazhe publike pa shezlongë gjenden gjithashtu në Zvërnec dhe në Plazhin e Vjetër.

Megjithatë, krahasuar me sipërfaqet e administruara nga subjektet private, hapësirat publike mbeten të kufizuara, ndërsa kërkesa për to vijon të jetë e lartë gjatë gjithë sezonit veror.

Një aksident i rëndë rrugor në Gjermani i ka marrë jetën një të reje shqiptare nga fshati Damanek i Malishevës, Kosovë.

Viktima është identifikuar si Rina Krasniqi, teksa lajmi është bërë publik përmes një njoftimi në faqen zyrtare të fshatit Damanek.

Deri tani nuk janë bërë të ditura rrethanat e aksidentit, ndërsa autoritetet gjermane nuk kanë publikuar detaje zyrtare për mënyrën se si ka ndodhur ngjarja.

Pritet që në vijim të ketë më shumë informacion mbi aksidentin, ndërsa vijojnë hetimet për zbardhjen e plotë të rrethanave.

Pensionistët do të përfítojnë një bonus vere me vlerë 5000 lekë, njoftoi ministrja e Ekonomisë, Delina Ibrahimaj pas mbledhjes së qeverisë. Nga dita e nesërme nis shpërndarja e tij.

“Vendosëm të akordojmë një bonus për pensionistët, do të jetë bonusi i verës me vlerë 5000 lekë. Janë mbi 777 mijë pensionistë që do të përfitojnë nga ky bonus, persona me statusin e invaliditetit. Efekti financiar i këtij bonusi është rreth 3.7 miliardë lekë. Do të vazhdojmë të kemi vëmendje të shtuar për të ardhurat e pensionistëve. Ky bonus jepet për herë të parë në mes të vitit. Ai do të nisë të shpërndahet nga dita e nesërme. Bonusi i shtohet bonusit që pensionistët janë duke marrë që nga janari”, tha ministrja.

Gjithashtu është rritur masa e garancisë sovrane për bizneset.

“Rritet masa e garancisë sovrane për mbështetjen e bizneseve. Ky vendim lidhet me programin “Dyfisho sipërmarrjen tënde” që u dedikohet gjithë bizneseve në Republikën e Shqipërisë. Norma e interesit që do të aplikohet nga bankat do të jetë mesatarisht 2%”, tha Ibrahimaj.

Zbardhet emaili drejtuar deputetëve të Parlamentit Evropian nga qeveria për të mos votuar dy amendamente në raportin për Shqipërinë, që kishin të bënin me projektin në Zvërnec, që shkaktoi protestën masive të qytetarëve.

Një ditë më parë, eurodeputetja gjermane Jutta Paulus, e cila mori pjesë në protestën kundër qeverisë, deklaroi se kryeministri Edi Rama i kishte dërguar një email duke i kërkuar që të mos votonte një amendament para votimit të raportit për Shqipërinë.

Në emailin, e dërguar më 16 qershor, nga Bora Muzhaqi dhe Taulant Balla, pretendohet se amendamentet 4 dhe 17 “nuk bazohen në premisa të vërteta”, por janë “rezultat i një fushate dezinformimi për të shtrembëruar të vërtetën”, duke u bërë thirrje anëtarëve të PE-së që të mos i mbështesin.

“Amendamentet 4 dhe 17 nuk bazohen në premisa të vërteta, por janë rezultat i një fushate dezinformimi për të shtrembëruar të vërtetën, prandaj ju kërkojmë me respekt të MOS i mbështesni këto dy amendamente.”, thuhet në email.

Në email, thuhet se projekti nuk ka marrë ende leje ndërtimi, por vetëm leje zhvillimi, e cila nuk autorizon nisjen e punimeve. Gjithashtu theksohet se çdo ndërtim do të kërkojë një vlerësim të thelluar të ndikimit në mjedis, ndërsa statusi i mbrojtur i zonës Pishë Poro–Nartë, sipas qeverisë, nuk ka ndryshuar.

EMAILI I PLOTE:

Emaili i plotë:

Nga: Bora Muzhaqi

Dërguar: 16 qershor 2026, ora 22:16

Cc: Taulant Balla

Subjekti: Argumentet mbi kundërshtimin e Amendamenteve 4 dhe 17 në Raportin për Shqipërinë 2025

Të nderuar Anëtarë të Parlamentit Evropian,

Po ju drejtohemi pasi ndoqëm sot në seancën plenare debatin mbi Raportin për Shqipërinë 2025, për t’ju falënderuar për raportin, ashtu siç u miratua në AFET, dhe për të shprehur shqetësimet tona lidhur me amendamentet 4 dhe 17.

Amendamentet 4 dhe 17 nuk bazohen në premisa të vërteta, por janë rezultat i një fushate dezinformimi për të shtrembëruar të vërtetën, prandaj ju kërkojmë me respekt të MOS i mbështesni këto dy amendamente.

Më poshtë do të gjeni një përmbledhje të fakteve dhe, në bashkëngjitje, një shpjegim më të detajuar të tyre.

Së pari, projekti në Zvërnec nuk ka asnjë lidhje me Deltën e Vjosës dhe nuk ka marrë leje ndërtimi. Ajo që është miratuar është vetëm një leje zhvillimi, e cila hap rrugën për përgatitjen e projektit, por nuk autorizon kryerjen e punimeve të ndërtimit.

Së dyti, përpara se të merret në konsideratë ndonjë ndërtim, zhvilluesi duhet të paraqesë një projekt të detajuar arkitektonik, dokumentacion të plotë teknik dhe, më e rëndësishmja, një Vlerësim të Thelluar të Ndikimit në Mjedis, i cili duhet të shqyrtojë ndikimet e mundshme të projektit mbi biodiversitetin, habitatet, ekosistemet, integritetin e peizazhit, lagunën dhe zonat bregdetare, si dhe qëndrueshmërinë mjedisore afatgjatë. Ky Vlerësim i Thelluar i Ndikimit në Mjedis duhet gjithashtu të sigurojë përputhshmërinë me legjislacionin mjedisor të Bashkimit Evropian dhe të Shqipërisë.

Së treti, statusi i mbrojtur i zonës nuk ka ndryshuar. Zona e Pishë Poro–Nartës ishte dhe mbetet një Peizazh i Mbrojtur, Kategoria V sipas IUCN, që nga viti 2004, gjë që lejon zhvillimin në një mënyrë që siguron bashkëjetesën e qëndrueshme të vlerave natyrore, biodiversitetit dhe veprimtarisë njerëzore.

Së katërti, sa i përket çështjeve të pronësisë, toka në fjalë është pronë private dhe qeveria shqiptare nuk është palë në asnjë transaksion pronësie që lidhet me këtë projekt.

Siç kemi dëshmuar, ne e mbështesim plotësisht mbrojtjen e trashëgimisë natyrore të Shqipërisë, siç është shprehur në raport, dhe do të vazhdojmë të ndjekim acquis-in e Bashkimit Evropian në fushën e mbrojtjes së mjedisit.

Shfrytëzojmë këtë rast për të falënderuar raportuesin, Andreas Schieder, si dhe raportuesit në hije për punën dhe angazhimin e tyre të shkëlqyer në këtë Raport për Shqipërinë 2025.

Deputeti i PS Pirro Vengu deklaroi se janë zbuluar sponsorizuesit e protestës dhe përfituesit e saj.

Vengu tha se sposorizuesit janë ata që investojnë në rritjen e zemërimit, përmes lajmeve të rreme, prishje të aseteve publike dhe rritje të tensionit.

Sipas Vengut bëhet fjalë për forca politike dhe kolegë të tij në Kuvend.

“Kemi zbuluar kohët e fundit që ka edhe përfitues. Kemi zbuluar kohët e fundit që ka edhe sponsorizues. Përfituesit i kemi parë, janë atë njerëz që nuk kërkojnë zgjidhjen e halleve të qytetarëve, janë forca politike që kërkojnë të kapitalizojnë mbi zemërimin e njerëzve. Sposorizuesit janë ata që investojnë që ky zemërim të rritet, qoftë në formën e artikulimeve në media, fake news, element që s’kanë ndodhur kurrë, prishje të aseteve publike, rritje të tensionit.

Patjetër janë forca politike, i kemi në Kuvend, janë njerëz që deligjitimojnë administratën, janë kolegët tanë në Kuvend. Jemi përballë një realiteti ku kemi pranuar fatkeqësisht që të përdoret gjuha e linçimit, dhe fjalët kanë peshë, siç e zbuluam sot, sepse sot pamë edhe skena, hajde de ne burrat që durojmë, por ato dy zonja kolege të nderuara, që s’kanë qenë kurrë në pozicione ekzekutive, janë të votuara, çfarë taksirat kishin që të kishin sulm fizik”, u shpreh Vengu për A2.

Deputetja socialiste Bora Muzhaqi ka dalë me një reagim publik ndaj eurodeputetes gjermane Jutta Paulus, pasi kjo e fundit publikoi në rrjetet e saj sociale një e-mail që ligjvënësit shqiptarë i kishin dërguar për rastin e Zvërnecit, në Parlamentin Europian.

Muzhaqi thotë se është i trishtueshëm fakti që eurodeputetja Jutta Paulus ka udhëtuar dje për në Shqipëri dhe i është bashkuar protestës nën zyrën e Edi Ramës, ndërkohë që asnjëherë më parë nuk e ka vizituar Shqipërinë.

“Është për të ardhur keq që një Anëtar i nderuar i Gjelbër i Parlamentit Europian duhet të japë një shembull kaq të dobët: së pari, duke lëshuar një “sqarim” pa ofruar asnjë falje për një pasaktësi të konsiderueshme faktike, dhe së dyti, duke pretenduar se ne në një farë mënyre jua kemi paraqitur gabim situatën.

Të udhëtosh për të protestuar në një vend që nuk e ke vizituar kurrë më parë, duke akuzuar qeverinë e tij për gjëra që janë thjesht të pavërteta, dhe pastaj ta trajtosh refuzimin tënd për t’u angazhuar me informacionin faktik të përmbajtur në emailin tonë si një medalje nderi nën sloganin “Ligji Europian nuk është në shitje” është, sinqerisht, një gabim mjaft i trishtueshëm në gjykim dhe stil politik”, shkruan deputetja Bora Muzaqi.

Deputetja socialiste thekson se ajo dhe Taulant Balla në asnjë moment nuk ju ka kërkuar eurodeputetëve që të votonin kundër mbrojtjes së mjedisit, por të mos mbështesnin amendamentet e bazuara në pretendime që nuk korrespondonin me faktet.

“Debati demokratik ndërtohet mbi fakte, jo mbi narrativa që nxisin propagandën kundër të tjerëve Shpresoj sinqerisht që ky shkëmbim t’ju inkurajojë të rishqyrtoni marrëdhënien tuaj me të vërtetën e këtij rasti dhe të ndaloni së zhvilluari betejën mjaft absurde kundër vetë fakteve”, thotë Bora Muzhaqi.

Ndërkohë, eurodeputetja gjermane Jutta Paulus në publikimin e saj të sotëm, thotë se Bora Muzhaqi dhe Taulant Balla pak para votimit për Raportin e Shqipërisë 2025, i kanë dërguar asaj dhe disa eurodeputetëve të tjerë, një letër për rastin e Zvërnecit.

“Në letrën e tyre, ata na kërkuan shprehimisht ne, eurodeputetëve, të mos i mbështesnim Amendamentet 4 dhe 17. Të dy deputetët pretenduan se amendamentet ishin bazuar në një fushatë dezinformimi dhe paraqitën në mënyrë të shtrembër situatën rreth projektit kontrovers në Zvërnec”, shkruan eurodeputetja.

Gjykata e Posaçme e Apelit ka lënë në fuqi masën e sekuestros për vilën në Dhërmi, për të cilën SPAK dyshon dhe deklaroi se është pronë e ish-zv/kryeministres së pandehur Belinda Balluku.

Javë më parë Prokuroria njoftoi se kishte zbuluar gjatë hetimeve me metoda speciale, dokumente dhe dëshmi, se vila ishte një pasuri e zyrtares së lartë socialiste, por e regjistruar në emër të ish-futbollistit të kombëtares shqiptare, Igli Tare.

Ky i fundit kishte bërë ankimimin pasi prona figuron në emër të tij, por Apeli e ka rrëzuar.

Për këtë çështje, SPAK nisi hetimet dhe i mori të dy nën akuzë, teksa ndaj ballukut u ngrit një vepër penale shtesë përveç fraksionit për tunelin e Llogarasë dhe 11 tenderët.

Vendimi i Apelit të GJKKO:

“Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtare Miliana Muça, sot më datë 30.06.2026, shpalli vendimin mbi çështjen penale nr. 24 akti, datë 18.06.2026 regjistrimi, mbi ankimin e ankuesit I.T:

“Ankim kundër vendimit Nr. 412, datë 03.06.2026, të Gjykatës së Posaçme të Shkallës së Parë për Korrupsionin dhe Krimin e Organizuar, lidhur me caktimin e masës së sigurimit pasuror “sekuestro preventive” për pasurinë e paluajtshme” dhe vendosi:

Miratimin e vendimit nr. 412, datë 03.06.2026 të Gjykatës së Posaçme të Shkallës së Parë për Korrupsionin dhe Krimin e Organizuar.

U shpall në Tiranë, më datë 30.06.2026”.

Një moment i pazakontë ka ndodhur së fundmi në një nga zonat më të njohura të kryeqytetit shqiptar, te ‘’Kalaja e Tiranës’’, ku aktori Gazmend Paja është ofenduar duke u cilësuar nga disa qytetarë si k*rva e Erion Veliajt.

Sapo qytetarët i drejtohen aktorit me ofendime, ai dëgjohet duke ua kthyer me të njëjtën monedhë, me ofendime.

‘’P… i robve të tu’’ dëgjohet aktori Gaz paja në një video e cila po bën xhiron e rrjetit.

Kujtojmë se Paja ka përfituar 133 mijë metra katrorë tokë për të ndërtuar “Dhërmi Resort” një kompleks luksoz që ka fokusin turizmin elitar.

Në dhjetor të vitit të kaluar vetë Paja ka folur për statusin si “investitor strategjik” që ka marrë nga shteti shqiptar për të ndërtuar resortin luksoz në zonën e Dhërmiut.

Po ashtu, aktori është paraqitur shpesh herë në SPAK për të dëshmuar për dosjen në ngarkim të kryebashkiakut të Tiranës, Erion Veliaj.

VIDEO