Author: admin

Policia e Shtetit ka sqaruar konflikitin e ndodhur para një viti mes një qytetari dhe kryekomisarit Klodian Kondi brenda ambienteve të komisariatit.

Mësohet se Kryekomisari ka kallëzuar sherrin e ndodhur pasi qytetari me iniciale A.E.M., ka tentuar të dhunojë Kondin, dhe materialet i kanë kaluar AMP-së.

Reagim i Policisë së Shtetit:

Në lidhje me deklarimet publike të shtetasit A. (E.) M., të bëra në një intervistë mediatike, Policia e Shtetit ndjen detyrimin të sqarojë opinionin publik mbi rrethanat konkrete të ngjarjes së përmendur prej tij, duke u mbështetur vetëm në dokumentimin ligjor dhe provat e administruara nga organet kompetente.

Më datë 17.01.2024, rreth orës 14:45, gjatë një kontrolli në terren në qytetin e Rrëshenit, Shefi i Komisariatit të Policisë Mirditë në atë kohë, Kryekomisar Klodian Kondi, në bashkëpunim me Shefin e Rendit dhe Specialistin për Krimet, ndaluan për verifikim një automjet që drejtohej nga shtetasi A.(E) M. Punonjësit e Policisë u prezantuan dhe i kërkuan drejtuesit të mjetit të paraqiste dokumentin e identifikimit.

Shtetasi në fjalë refuzoi kategorikisht të zbatonte kërkesën ligjore, duke mbajtur një qëndrim sfidues dhe provokues, të shoqëruar me sjellje verbale agresive. Për shkak të kësaj sjelljeje, u mor masa e shoqërimit të tij në ambientet e Komisariatit, në përputhje me legjislacionin në fuqi dhe procedurat standarde. Në ambientet e brendshme të Komisariatit, shtetasi A. (E) M. reagoi me dhunë fizike, fillimisht duke ofenduar dhe kërcënuar punonjësit e Policisë, e më pas duke tentuar të godasë me grusht Shefin e Komisariatit, Kryekomisar Klodian Kondi, si dhe duke e goditur atë me shkelm në pjesën e gjymtyrëve, në prani të disa punonjësve të tjerë.

Gjatë përpjekjeve për ta neutralizuar, shtetasi A.(E) M. kreu edhe veprime të dhunshme ndaj vetes, duke goditur me kokë murin dhe tavolinën në zyrën e Oficerit të Rojës, në prani të punonjësve të tjerë të Policisë. Këto veprime janë dokumentuar dhe përfshirë në dosjen hetimore. Menjëherë pas ngjarjes, Kryekomisar Klodian Kondi depozitoi kallëzim penal për goditjen për shkak të detyrës dhe kanosjen ndaj tij. Deklarime të njëjta janë dhënë edhe nga punonjësit e tjerë të pranishëm, ndaj të cilëve shtetasi A. (E) M. ka ushtruar dhunë fizike dhe verbale.

Në përfundim të veprimeve procedurale, shtetasi A. (E) M. u arrestua nga Oficerët e Policisë Gjyqësore pranë Prokurorisë së Lezhës, për veprën penale “Kundërshtimi i punonjësit të policisë së rendit publik”. Pamjet filmike të momentit të shoqërimit dhe qëndrimit në ambientet e Komisariatit janë vënë në dispozicion edhe të Agjencisë së Mbikëqyrjes Policore (AMP), e cila ka marrë në shqyrtim edhe kallëzimin e mëvonshëm të bërë nga vetë shtetasi A.(E) M.

Aktualisht, çështja ndaj shtetasit A.(E) M. është në proces gjykimi pranë Gjykatës së Shkallës së Parë të Juridiksionit të Përgjithshëm Lezhë. Kryekomisar Klodian Kondi është thirrur për të dëshmuar në cilësinë e të dëmtuarit, së bashku me punonjësit e tjerë të Policisë që kanë qenë të pranishëm në momentin e ngjarjes.

Policia e Shtetit është e vendosur të zbatojë ligjin me profesionalizëm dhe paanshmëri, duke mbrojtur të drejtat e çdo qytetari, por njëkohësisht edhe dinjitetin, sigurinë dhe integritetin e punonjësve të saj, të cilët ushtrojnë detyrën në situata shpesh të vështira dhe përballë reagimeve të dhunshme.

Komandanti ushtarak i KFOR-it në Kosovë, Gjeneral Major, Enrico Barduani ka folur për situatën aktuale të sigurisë së Kosovë. Në një intervistë për Kosovo Online, gjanarli ka bërë me dije se, situata e sigurisë në Kosovë është e qetë por tepër e brishtë. Sipas tij, mes Kosovës dhe Serbisë ka disa çështje të pazgjidhura e cila e bën situatën të ndjeshme ndaj një përshkallëzimi të mundshëm.

“Situata e sigurisë në Kosovë është përgjithësisht e qetë, por mbetet e brishtë. Kjo do të thotë se ajo mbetet e ndjeshme ndaj përshkallëzimit të mundshëm, duke pasur parasysh disa çështje të pazgjidhura dhe përdorimin, herë pas here, të retorikës nxitëse, lëvizjeve dhe aktiviteteve të njëanshme të perceptuara nga komunitetet si provokime. Si Komandant i KFOR-it, sigurisht, përparësia ime është të siguroj që KFOR-i të mbetet i pozicionuar mirë në terren për të vazhduar të ofrojë një mjedis të sigurt për të gjithë njerëzit që jetojnë në Kosovë”, tha Enrico Barduani, Gjeneral i KFOR.

Një problem i mprehtë për Kosovën ka qenë shtrirja e autoritetit të saj të plotë në veri. Por nga ky proces bën përjashtim Forca e Sigurisë së Kosovës, e cila e ka të ndaluar të stacionohet në veri. Komandanti i KFOR bën me dije se, vetëm ai ka autoritetin parësor mbi hapësirën ajrore të Kosovës.

Më lejoni të theksoj se, në përputhje me angazhimet ekzistuese të ndërmarra midis NATO-s dhe Prishtinës, FSK-ja mund të vendoset në veri të Kosovës vetëm me pëlqimin paraprak të Komandantit të KFOR-it. Sipas Rezolutës 1244 të Këshillit të Sigurimit të OKB-së, Komandanti i KFOR-it mban autoritetin parësor mbi hapësirën ajrore të Kosovës. Kjo do të thotë se unë kam autoritetin për të miratuar ose mohuar çdo qasje në hapësirën ajrore të Kosovës”, u shpreh Enrico Barduani, Gjeneral i KFOR.

Më tej gjenerali i KFOR shton se, në rast të përshkallëzimit të situatës, është NATO e cila i vjen në ndihmë KFOR duke angazhuar afro 1 mijë trupa shtesë.

“Me një forcë aktuale prej rreth 4,600 trupash nga 33 vende, përfshirë aleatët dhe partnerët e NATO-s, KFOR-i është i përgatitur mirë për t’u përballur me situatën aktuale dhe për të vazhduar të përmbushë në mënyrë efektive mandatin e tij që rrjedh nga Rezoluta e Këshillit të Sigurimit të OKB-së. Nëse situata e sigurisë në terren kërkon një përforcim urgjent të KFOR-it, NATO ka aftësinë e plotë për të vendosur forca shtesë nga forca rezervë, si dhe për të angazhuar Forcën e Reagimit Aleat të sapokrijuar, e përbërë nga një bërthamë prej 1,000 trupash”, tha Enrico Barduani, Gjeneral i KFOR.

Komandanti i KFOR-it, ka folur për dy urat e reja që institucionet e Kosovës kanë filluar ndërtimin e tyre mbi lumin Ibër në Mitrovicë. Barduani thotë se ndërtimi i urave është jashtë kompetencave të KFOR-it, por se edhe për to e mbështesin që të veprohet në bazë të dialogut në Bruksel.

Shakhtar Donetsk ia doli të fitonte 2-4 kundër Besiktas në Stamboll, me sfidën e parë në turin e dytë të Europa League.

Trajneri i Shakhtar Donetsk, turku Arda Turan, ka përfunduar në qendër të vëmendjes për mënyrën e sjelljes gjatë intervistës pas ndeshjes me gazetaren ukrainase, Daria Bondar Savina.

Pamjet e intervistës ku Turan shmang vazhdimisht kontaktin me sy me gazetaren 24-vjeçare janë bërë virale dhe kanë ngjallur reagime të shumta në rrjetet sociale dhe në mediat ndërkombëtare.

VIDEO

Në video të ndryshme që po qarkullojnë online, shihet që Turan e mban shikimin drejt tokës ose anash gjatë gjithë intervistës, duke shmangur çdo kontakt me sy me gazetaren.

Galeria fotografike (

1 / 3

)

Gjatë një transmetimi të drejtpërdrejtë në televizionin Klan Kosova, ku avokati Gent Gjini po jepte një deklaratë lidhur me kallëzimin penal të bërë nga Agim Pllashniku ndaj deputetes Fitore Pacolli, ndodhi një episod i papritur dhe i sikletshëm.

Teksa intervista po zhvillohej live, një person i zhveshur nga beli lart u shfaq në sfond duke u futur në kuadrin e kamerës.

Avokati Gjini shihet duke u përpjekur me gjeste ta ndalojë personin që të mos kalojë, por ndërhyrja e tij nuk rezulton efektive.

Moderatorja, për të shmangur situatën, reagoi menjëherë duke e ndalur lidhjen me fjalët: “Mirë, po kalojmë në studio.”

VIDEO

Një ngjarje e pazakontë ka ndodhur këtë javë në bejsbollin amerikan, teksa dy tifozë janë filmuar teksa kryenin një akt se*sual të pashqetësuar nga askush në tribunat e “Yankee Stadium” gjatë një ndeshje, edhe pse të rrethuar nga tifozë të tjerë.

Pamjet të cilat u shpërndanë në rrjetet sociale të dielën në darkë, tregojnë një çift, me një tifoz që mban veshur fanellën e Filadelfias, duke kryer një akt se*sual te partnerja e tij, ndërsa janë të ulur në tribunë dhe me shumë tifozë pranë tyre që mund të shihnin gjithçka.

Pamjet janë shpërndarë me shpejtësi në rrjete social edhe në mediat kryesorë në SHBA, pasi mendohet se i përkasin ndeshjes që Filadelfia ka zhvilluar në stadiumin e Nju Jorkut gjatë fundjavës.

Foot long Hot Dog: $40

Kids Ice Cream Helmet: $20

Getting finger-banged by your Phillies fan Boyfriend in the 2nd Deck of Yankee Stadium: Priceless https://t.co/X7RQMwC7sW

— Calico Joe (@CalicoJoeMLB) July 27, 2025

Rrjetet sociale sa vjen e më shumë po nxjerrin në pah degradimin e brezit të ri që po rritet në vendin tonë.

Çdo ditë në internet po shfaqen individë që dëshmojnë se ky fenomen tashmë është një realitet i dhimbshëm, që buron nga familja e më pas te arsimi i mangët.

Një ngjarje e pazakontë ka ndodhur mbrëmjen e kaluar përpara komisariatit të policisë në Kamëz, ku disa vajza ishin shoqëruar nga policia pasi bashkë me një shok të tyre po bënin drift me makinë në zonën e Liqenit të Paskuqanit.

Pasi janë shoqëruar, shoku i tyre është mbajtur në komisariat, ndërsa vajzave u është kërkuar që të largohen në orët e vona të natës.

Sapo kanë dalë nga komisariati, vajzat kanë ndezur cigaret dhe kanë nisur të këndojnë me të madhe “Jasha kokaina”, duke bërtitur “Hajde kokainë”.

VIDEO

Më pas ato tregojnë se shefja e komisariatit i ka bllokuar makinën, dhe u ka kërkuar që të largohen.

Kjo ngjarje ka habitur të pranishmit, të cilët nuk po kuptonin gjendjen në të cilën ndodheshin vajzat.

Pak më vonë, njëra prej tyre ka vendosur t’i përgjigjet shefes së komisariatit që i arrestoi shokun, duke ndarë në TikTok një video teksa bënte drift, me një mbishkrim drejtuar zyrtares së policisë.

E gjithë kjo ngjarje ka marrë shumë kritika nga publiku për vetë sjelljen e vajzave që shfaqen në pamje, duke bërë veprime të papërshtatshme për moshën e tyre./ JOQ

Nga Paolo Fox

Dashi

Nëse jeni në një lidhje duhet të përfitoni nga ambienti i ngrohtë që do mbizotërojë për të folur hapur me partnerin. Në këtë mënyrë do i kuptoni edhe më tepër ndjenjat e tij. Beqarëve do iu rrahë zemra shumë fort menjëherë pasi të takojnë dikë rastësisht. Në planin financiar do ketë tronditje. Mos kryeni asnjë shpenzim të tepruar sepse do keni probleme serioze.

Demi

Sot do shkruhet një nga faqet më të bukura në librin tuaj të dashurisë. Çdo gjë do jetë si një përrallë falë përkujdesjes së madhe të partnerit. Beqarët nuk do jenë të hapur dhe do refuzojnë disa persona që me të vërtetë vlejnë shumë. Do pendohen, por do jetë tepër vonë. Me financat bëni shumë kujdes në mënyrë që të mos keni vështirësi.

Binjakët

Jeta në çift do jetë shumë monotone gjatë kësaj dite. Asgjë nuk ka për të shkuar ashtu si e kishit menduar dhe në shumicën e kohës do jeni të mërzitur. Beqarët gjithashtu do jenë pa fat dhe do vazhdojnë të mbeten vetëm. Me financat nuk duhet të luani shumë sepse do humbni shuma të konsiderueshme. Kryeni vetëm shpenzimet më të domosdoshme.

Gaforrja

Nuk do mungojnë për asnjë moment puthjet dhe përkëdheljet gjatë kësaj dite ndërmjet jush dhe atij që keni në krah. Në disa momente pasioni mund të arrijë kulmin. Beqarët nuk duhet t’iu besojnë të gjitha fjalëve që do iu thonë të tjerët sepse mund të lëndohen më vonë. Sektori i financave do jetë delikat dhe i paqëndrueshëm. Do iu duhet shumë durim për t’ia dalë.

Luani

Nëse lidhja juaj është tashmë e konsoliduar, nuk pritet të keni as problemin më të vogël sot, në të kundërt nëse situata ka qenë problematike, gjërat nuk do shkojnë si duhet. Beqarët do vazhdojnë të jenë në kërkim, pa e kuptuar fare se dikush ka kohë që ua ka vënë syrin dhe sot do i propozojë. Gjendja financiare do jetë më e mirë se disa kohë më parë.

Virgjëresha

Ka shumë mundësi që partneri t’iu bëjë disa propozime shumë interesante gjatë kësaj dite të cilat nuk duhet t’i humbni për asnjë lloj arsyeje. Edhe beqarët do kenë goxha ndryshime në jetën sentimentale. Herë pas here do iu duket vetja sikur janë vërtet në ëndërr. Në planin financiar do jeni me shumë fat. Gjendja jo vetëm që nuk do ketë probleme, por mund të vijnë edhe përmirësime.

Peshorja

Ka shumë mundësi që partneri t’iu bëjë disa propozime shumë interesante gjatë kësaj dite të cilat nuk duhet t’i humbni për asnjë lloj arsyeje. Edhe beqarët do kenë goxha ndryshime në jetën sentimentale. Herë pas here do iu duket vetja sikur janë vërtet në ëndërr. Në planin financiar do jeni me shumë fat. Gjendja jo vetëm që nuk do ketë probleme, por mund të vijnë edhe përmirësime.

Akrepi

Shumë planetë do ndikojnë gjatë kësaj dite në jetën tuaj në çift. Situata do fillojë të përmirësohet falë mirëkuptimit dhe maturisë që do tregoni në çdo moment. Beqarët nuk do jenë ende gati për të hedhur hapa në jetën sentimentale dhe do mbeten sërish siç ishin. Në planin financiar shmangni çdo shpenzim të ekzagjeruar që të mos keni vështirësi.

Shigjetari

Jo për gjithë çiftet dita e sotme do jetë e qetë. Ata që kanë pasur vështirësi, do e kenë ende të pamundur të rivendosin qetësinë. Beqarët do kenë mundësi për takime, por nuk duhet të nxitohen të hedhin asnjë hap. Mund të bëni gabime të pafalshme për të cilat do pendoheni. Përfitoni nga situata e mirë financiare për të shlyer të gjitha borxhet që keni.

Bricjapi

Ditë e qëndrueshme dhe aspak problematike kjo e sotmja për të dashuruarit. Do ja kaloni mirë pranë atij që dashuroni dhe do mundoheni t’ia plotësoni dëshirat njëri-tjetrit. Beqarët duhet të bëjnë ende shumë durim nëse duan të gjejnë princin e kaltër. Sektori i financave do jetë delikat. Po u kujdesët për shpenzimet edhe mund t’ia dilni, në të kundërt do keni probleme.

Ujori

Do ndiheni më së miri sot në krahët e partnerit tuaj. Kjo do iu nxisë të merrni edhe disa vendime të mëdha për të cilat keni kohë që ngurroni. Beqarët duhet të bëjnë disa ndryshime në pamjen e jashtme nëse duan të jenë sa më të paraqitshëm dhe të tërheqin vëmendjen. Urani do ndikojë negativisht tek të ardhurat. Situata disave mund t’iu përkeqësohet tej mase.

Peshqit

9Lidhja juaj do vazhdojë të mbetet e njëjtë gjatë kësaj dite. Nuk do keni as probleme më të mëdha, por gjithashtu nuk do jetë aq e qetë sa ju do dëshironit. Beqarët do e lënë veten më të lirë dhe do udhëhiqen nga emocionet. Priten surpriza. Financat fatmirësisht do jenë në një gjendje më të mirë se më parë. Do mund t’ia bëni më tepër qejfin vetes me ndonjë shpenzim më shumë.

E ftuar në një intervistë televizive, Amber Candy ish-banorja e “Big Brother VIP 4”, foli më shumë për periudhën që po kalon tani pas eksperiencës brenda shtëpisë, planet e karrierës, marrëdhëniet me ish-banorët por dhe planet për të krijuar një familje…

Teksa në monitor janë shfaqur disa prej fotove të ish-banorëve, Amber ka komentuar raportet dhe mendimin që ka ajo për ta. Kur u ndal tek fotoja e Gjestit, me të cilin ka pasur disa konflikte brenda shtëpisë, Amber u shpreh:

Amber: Kush është ky, Frederik Ndoci?

Ronaldo: Ky është Besart Kelmendi, i njohur me emrin e artit si Gjesti. Këngëtar dhe fitues njëkohësisht i “Big Brother VIP Albania 4”. Pse Frederik Ndoci?

Amber: Po ngaqë është këngëtar dhe e ngatërrova.

Ronaldo: Nuk besoj se e the për ofendim, se Frederik Ndoci është emër i madh i muzikës shqiptare.

Amber: Pse duhet ta them për ofendim? Frederiku hyn tek këngëtarët me zë brilant shqiptarë. Kështu që është kompliment, jo ofendim. Por e ngatërrova.

Ronaldo: Ngjan me Frederikun?

Amber: Pak, po (qesh).

Detaje të reja nga hetimet e zhdukjes së 48-vjeçares në Tropojë, e cila ka humbur kontaktet me familjen e saj, fëmijët dhe të afërm që prej datës 22 korrik.

Kanë qenë njerëzit e 48-vjeçares nga Tropoja që ka bërë denoncimin në polici që nëna e tyre ka humbur. Menjëherë Policia e Kukesit nisi hetimet dhe mori në pyetje fëmijët e 48-vjeçares dhe të afërm të saj. Pas hetimeve polica e Kukësit më datë korrik arrestoi bashkëshortin e 48-vjeçares, shtetasin Imer Shpata, 58 vjeç.

Nga hetimet rezultoi se 48-vjeçarja dyshohet se është larguar si pasojë e dhunës sistematike nga bashkëshorti. Në banesë 58-vjeçarit iu gjetën edhe dy armë zjarri, që u sekuestruan nga Policia. 58-vjeçari është me precedent të mëparshëm të dhunës në familje pasi një vit më parë ka bërë 8 muaj burg për dhunimin e bashkëshortes.

Gjatë marrjes në pyetje 58-vjeçari ka deklaruar se nuk e di ku mund te jetë bashkëshortja e tij dhe se e ka lënë këtë të fundit në banesë.

Ditën e marte ne darke më datë 22 korrik rezulton se 48-vjeçarja ka qenë në banesë bashkë me 58-vjeçarin pasi rreth orës 22:00 fëmijët kanë folur në telefon me nënën e tyre. Pastaj duke u gdhirë data 23 korrik 58-vjeçari Imer Shpata është nisur me makinë dhe ka ikur në Durrës tek e motra.

Prova e fortë që ka gjetur policia në makinën e 58-vjeçarit është telefoni celular i bashkëshortes së tij. Kur është pyetur nga hetuesit 58-vjeçari ka deklaruar se nuk e di kush ia ka futur telefonin celular të gruas në makinë.

Policia e Kukësit po vijon hetimet intensive për zbardhjen e ngjarjes dhe ka sekuestruar dhe po këqyr kamerat e sigurisë të itinerarit të rrugës që ka ndjekur 58-vjeçari nga Tropoja në Durrës, pasi policia ka dyshime të forta se bashkëshorti ka lidhje me zhdukjen e 48-vjeçares.

Të gjithë punonjëset e zyrës së Ajola Xoxes kanë tradhtuar këtë të fundit, kur janë marrë në pyetje në Prokurorinë e Posaçme, duke treguar se veprimet që kanë kryer përmes faturave, kanë qenë të shtyra dhe ndikuara nga Ajola Xoxa.

Thëniet e punonjëseve që dikur shërbenin pranë zyrave të Ajola Xoxës, si Ines Dani, Adela Kondakçiu dhe Greta Domi, kanë kryqëzuar gruan e kryebashkiakut të Tiranës, Erion Veliaj, duke e nxjerrë atë në një rrjet OJF-të, që kishin si synim kapjen e projekteve përmes fondeve publike.

Ajola Xoxa, përmes lidhjeve të saj me kryebashkiakun e Fierit Armando Subashi, arrin të fitojë një tender në bashkinë e Fierit me vlerë prej 24 mijë e 650 euro.

Kjo sasi parashw do jepej nga programi “IPA”, i bashkimit Ndërkufitar Itali-Shqipëri, Mali i Zi 2014-2020.

Projekti u fitua me letrat e Ines Danit, e cila ishte një punonjëse e zyrës së Ajola Xoxws dhe kishte hapur nipt si “Person Fizik”.

Dokumenti është firmosur edhe nga shtetasi Armando Subashi, në cilësinë e Kryetarit të Bashkisë Fier, i cili ka miratuar edhe procedurën.

Më datë 12 dhjetor 2019, është lidhur kontrata midis Bashkisë Fier, të përfaqësuar nga Armando Subashi, në cilësinë e kryetarit të Autoritetit Kontraktor, dhe “Ines Dani” si Person Fizik.

Në datën 2 qershor 2021, grupi i punës ka bërë relacion me titull: “Mbi dorëzimin e punës së ekspertizës së jashtme për propozimin ligji për projektin 3C4SME”.

Gjithashtu nga grupi i punës pasqyrohen dhe dorëzimi i punës së kryer në bazë të termave të referencës ku përcaktohen detyrat e përmbushura nga kontraktori Ines Dani dhe stafit të Bashkisë Fier.

Nga komunikimet e administruara ndërmjet Ines Dani dhe financieres Adela Kondakçiu, si dhe nga mesazhet me Ajola Xoxën, e cila kontrollonte faktikisht aktivitetin e Ines Dani si Person Fizik dhe Greta Domi si Person Fizik, rezulton se vetë Ines Dani nuk kishte asnjë dijeni mbi përmbajtjen e kontratës, aktivitetet e projektit apo faturat përkatëse.

Përkundrazi, ajo e konsideronte veten të painformuar dhe deklaronte se “…vetëm emrin ka aty…”, duke i lënë të gjitha vendimmarrjet për menaxhimin e shumave dhe përgatitjen e dokumentacionit, gruas së Erjon Veliaj, Ajola Xoxa.

Ines Dani, ka deklaruar se kontratën e kishte firmosur “…shpejt e shpejt…”, gjatë kohës që ishte me leje lindje dhe nuk mbante mënd detaje. Ajo ka sqaruar se nuk ka marrë pjesë në asnjë takim për projektin, nuk ka përgatitur asnjë raport dhe nuk ka ndjekur zbatimin e kontratës.

Nga ana tjetër, Greta Domi, e cila është e regjistruar si person fizik me të njëjtin objekt veprimtarie si Ines Dani, ka deklaruar se ka kryer fatura për llogari të “Partners Law” (firma e Ajola Xoxës) dhe është udhëzuar prej saj për çdo veprim financiar.

Ajo ka pranuar se marrëdhënia me Ajola Xoxën ishte e ngushtë dhe se për shumë transaksione nuk kishte dijeni për burimin ose destinacionin final të shumave.

Greta Domi, ka shtuar se ajo vetëm faturonte dhe firmoste sipas kërkesës së Ajola Xoxës, pa ushtruar ndonjë rol real në aktivitetin për të cilin përfitoheshin fondet.

Kryetari i Bashkisë, Armando Subashi, ka deklaruar se nuk ka pasur dijeni për ecurinë e detajuar të projektit pas nënshkrimit të kontratës dhe se procedurat e tenderit dhe përzgjedhjes i janë deleguar plotësisht grupit të ngritur me urdhrin përkatës.

Ai ka thënë se nënshkrimi i kontratës me Ines Danin është bërë bazuar në rekomandimin e Komisionit të Vlerësimit të Ofertave dhe në dokumentacionin që i është paraqitur zyrtarisht.

Ndërkohë dy punonjëset e bashkisë Fier, Erinda Jovani dhe Sibora Kadriu, gjatë marrjes në pyetje në SPAK, kanë deklaruar se nuk kanë qenë të përfshira aktivisht në procedurat e shpalljes së thirrjes apo vlerësimit të ofertave, pasi dokumentet i kanë gjetur të përgatitura dhe të paraqitura në zyrë pa kaluar nga protokolli i bashkisë.

Ato kanë deklaruar se nuk kanë dijeni për mënyrën e përzgjedhjes së fituesit dhe nuk kanë pasur kontakte me subjektet konkurruese.

Shtetasja Romina Tafaj, e thirrur për të dhënë shpjegime në kuadër të procedimit penal nr. 27 të vitit 2024, deklaroi ndër të tjera se se është themeluese dhe drejtuese ekzekutive e një organizate jofitimprurëse të quajtur “Gjenerata e Re”, e krijuar në vitin 2015, e cila angazhohet në organizimin e aktiviteteve kulturore, sportive, sociale dhe të tjera me natyrë komunitare.