Author: admin

Një turist turk 37-vjeç, raportohet se është ndjerë keq pasditen e sotme në Ksamil, gjatë kohës që ishte duke notuar.

Turisti i identifikuar si Ismail Yavuz Koz, mësohet se u dërgua me urgjencë drejt Tiranës me helikopter.

Sipas informacioneve, bashkëshortja e tij ka deklaruar se 37-vjeçari ka pasur probleme shëndetësore edhe më herët.

Turisti është transportuar fillimisht me ambulancë drejt spitalit të Sarandës, ku ka marrë ndihmën e parë mjekësore, por për shkak të gjendjes së rëndë, është nisur drejt Tiranës.

Kryeministri Edi Rama ka bërë të ditur se po bashkëpunohet me Ministrinë e Energjisë për ngritjen e një sistemi të ri kontrolli mbi furnizimin me naftë.

Qëllimi është të vendoset një mekanizëm më i fortë transparence dhe mbikëqyrjeje për çmimet dhe qarkullimin e karburanteve në tregun vendas.

“Jemi duke punuar për një sistem të ri të furnizimit të naftës, është një mundësi për të kaluar edhe te furnizimi i naftës me një komponent të ri të shtetit si protagonist në realizimin e kontratave.

Kjo do sjellë kontroll mbi çmimin dhe gjithë sistemin e qarkullimit të naftës”-u shpreh kryeministri Edi Rama.

Aktori i njohur Laert Vasili ka reaguar sërish ashpër pas fitores së Gjestit në edicionin e katërt të Big Brother VIP Albania, duke ngritur shqetësime të thella mbi nivelin e përfaqësimit dhe vlerat që promovohen në këtë format. Në një intervistë të fundit, Vasili shprehu hapur pakënaqësinë e tij, duke thënë se një person me arsimim minimal nuk mund të cilësohet si simbol filozofik apo përfaqësues i një epoke të re mediatike.

“Ai tjetri ka tre klasë shkollë… futet në një format dhe shpallet fitues. Dhe ti thua ‘koncept filozofik’?!” – u shpreh ai me ironi.

“Shoqëria jonë ka degraduar, ka degjeneruar, është kalbëzuar dhe ka ik. Domethënë është për t’u djegur komplet,” – tha Vasili me tone të forta

Qeveria shqiptare përballet me një faturë prej gati 180 milionë eurosh nga çështjet e humbura dhe ato në proces në arbitrazh ndërkombëtar, me biznese të ndryshme, sipas të dhënave të Ministrisë së Financave për fundin e vitit 2024. Kjo shumë përfshin si detyrimet e mbetura për pagesë, ashtu edhe detyrimet kontigjente, të cilat mund të materializohen në të ardhmen nëse vendimet në proces rezultojnë të pafavorshme për shtetin.

Sipas Monitor, nga kjo shumë, 69.4 milionë euro përfaqësojnë detyrime të mbetura për pagesë nga vendime të formës së prerë, të cilat ende nuk janë likuiduar dhe 110.5 milionë euro janë të kategorizuara si detyrime kontigjente, që rrjedhin nga procese gjyqësore të hapura në gjykata ndërkombëtare arbitrazhi dhe shënohen në raportet e financave publike si detyrime të mundshme, por nuk përfshihen drejtpërdrejt në borxhin publik derisa të ketë një vendim final. Në detyrimin kontingjent përfshihet çështja “Hydro dhe të tjerë kundër Shqipërisë”, të sipërmarrësit italian Francesco Becchetti, që përfshin detyrimin me vlerë 108 mln euro për vendimin e “Hydro dhe të tjerë kundër Shqipërisë”, dhe 2 milionë euro kosto ligjore po për këtë çështje.

Financat ende e njohin këtë shumë si detyrim kontingjent, ku përfshihen detyrime të mundshme financiare që mund t’i ngarkohen shtetit shqiptar si rezultat i çështjeve të hapura në gjykatat e arbitrazhit ndërkombëtar, në rast se vendimi jepet në favor të palës paditëse kundër shtetit.

Detajet

Detyrimi ndaj sipërmarrësit italian po njihet ende si potencial, ndonëse ky i fundit, pasi ftoi gjyqin me qeverinë shqiptare për një shumë prej 110 milionë eurosh, po synon mbledhjen e parave në llogaritë që shteti shqiptar ka jashtë kufijve, ku më kryesorja është llogaria e kompanisë shtetërore që menaxhon trafikun ajror, Albcontrol në Eurocontrol në Bruksel, e cila ka ngrirë që prej vitit 2021.

Shuma që Albcontrol, nuk ka arritur të arkëtojë për shkak të bllokimit të llogarive të saj në Eurocontrol, si rrjedhojë e konfliktit mes qeverisë shqiptare dhe investitorit italian, Francesco Becchetti, ka arritur në 10.5 miliardë lekë (rreth 105 milionë euro) në fund të vitit 2023, sipas të dhënave në raportin e saj vjetor, duke bërë që kompania të marrë hua nga shteti dhe kompanitë e tjera shtetërore në shumën prej 74 milionë eurosh. Deri tani qeveria ka shpenzuar 6.7 milionë euro kosto ligjore për arbitrazhin ndaj “Hydro dhe të tjerë kundër Shqipërisë”, ku ka likuiduar vetëm gjysmën e tyre.

Në prill 2023, Becchetti fiton përfundimisht Arbitrazhin me qeverinë shqiptare, pas një përplasjeje mes shtetit dhe investitorit në qershor të 2015-ës, kur u bllokuan asetet e Francesco Becchetti-t. Pas Becchetti, detyrimi më i madh është për çështjen “Copri Actors” me kompaninë greke e cila fituar çështjen për konfliktin e ndërtimit të autostradës Tiranë-Elbasan, me faturë me vlerë rreth 42,4 mln euro, për të cilën nuk është paguar asgjë deri në fund të vitit 2024, ndonëse kjo shumë njihet si detyrim i mbetur nga vendimet e Arbitrazhit. Për çështjen e humbur me kompaninë “Construzioni Dondi”, fatura është 13,4 mln euro për t’u paguar, për shkak të prishjes njëanshme të kontratës nga Agjencia Kombëtare e Ujësjellës-Kanalizimeve në vitin 2018, lidhur me një projekt për sistemin e kanalizimeve të Tiranës. Kjo shumë njihet si detyrim i mbetur nga vendimet e Arbitrazhit.

Fatura e katërt më e lartë është për arbitrazhin me “GBC Oil Company Ltd. v. Republika e Shqipërisë, Albpetrol”, pala shqiptare humbi ndaj GBC Oil, me një faturë prej 12.24 milionë eurosh. GBC Oil pretendoi se Shqipëria – përmes Ministrisë së Infrastrukturës e Energjisë, Agjencisë Kombëtare të Burimeve Natyrore (AKBN) dhe Albpetrol – shkelën një klauzolë stabiliteti fiskal në kontratat për tre fusha nafte (Gorisht-Kocul, Cakran-Mollaj, Ballsh-Hekal). Kjo shumë njihet si detyrim i mbetur nga vendimet e Arbitrazhit.

Në 2024-n qeveria pagoi vetëm 4.9 milionë euro për shpenzime ligjore

Totali i detyrimit fillestar për arbitrazhet ka qenë 206.8 milionë euro, sipas tabelës së Ministrisë së Financave, nga të cilat 79.5 milionë euro njihet si detyrim i faturuar. Nga kjo shumë totale janë likuiduar gjithsej 23.4 milionë euro, duke e zbritur detyrimin total në fund të 2024-s në 179.94 milionë euro. Në vitin 2024 janë paguar vetëm 4.88 milionë euro, që kanë qenë për mbrojtje ligjore.

“Për 2024, vlera totale e kostove të paguara nga buxheti i shtetit në kuadër të: përfaqësimit ligjor, mbrojtjes sipas shkallëve së gjykimit, shpenzimeve gjyqësore apo të tjera lidhura me vendime të arbitrazhit ndërkombëtar, rezultoi në masën 495.7 milionë LEK”, sipas Ministrisë së Financave. Më poshtë jepet tabloja e pagesave buxhetore, sipas institucioneve shtetërore përgjegjëse: – Rreth 143.4 milionë LEK nga Ministria e Financave, për pagesën shërbimeve juridike dhe kostove të tjera ligjore për përfaqësimin dhe mbrojtjen e RSH në vendime të arbitrazhit ndërkombëtar.

– Rreth 223.0 milionë LEK nga Autoriteti Portual Durrës, për pagesën e shpenzimeve gjyqësore, kostove të tjera ligjore për përfaqësim dhe mbrojtje për çështje të arbitrazhit ndërkombëtar. – Rreth 56.2 milionë LEK nga Ministria e Infrastrukturës dhe Energjisë, për pagesën e kostove ligjore dhe administrative, për përfaqësim dhe mbrojtje lidhur me vendime të arbitrazhit ndërkombëtar.

– Rreth 52.2 milionë LEK nga Albpetrol sh.a, për pagesën e shpenzimeve gjyqësore, kostove ligjore dhe administrative për përfaqësim dhe mbrojtje për çështje të arbitrazhit ndërkombëtar. – Rreth 20.9 milionë LEK nga Ministria e Bujqësisë dhe Zhvillimit Rural, për pagesën e kostove ligjore dhe administrative lidhur me një vendim të arbitrazhit ndërkombëtar” thuhet në relacionin e buxhetit faktit. Ndërkohë për konfliktin me EMS Shipping dhe Durrës Kurum shtetit shqiptar i është dashur të paguajë vitin e shkuar rreth 2.2 milionë euro për mbrojtjen dhe kostot administrative.

Në muajin gusht 2024 kompania gjermane “EMS Shipping & Trading GmbH” ndërpreu gjyqin e Arbitrazhit për kontratën e koncesionit për përpunimin e anijeve të mallrave rifuxho në Terminalin Lindor të Portit të Durrësit. Në padinë e depozituar prej saj në muajin Prill 2023, për trajtim të pabarabartë dhe diskriminues të kontratës u kërkua 40 mln euro dëmshpërblim. Pavarësisht ndërprerjes së çështjes, shteti shqiptar është ngarkuar me kosto ligjore dhe administrative. Monitor

Në seancën gjyqësore të së hënës në Gjykatën Themelore në Prishtinë, Naim Murseli — i akuzuari kryesor për vrasjen e Liridona Ademajt — ka marrë në pyetje me ton të ftohtë Leonardin, vëllain e viktimës, duke adresuar çështje të ndjeshme nga martesa e tragjike.

Murseli ka kërkuar të dijë nëse motra e tij ka pasur ndonjë ankesë në marrëdhënien e tyre prej 12 vjetësh.

Ademaj ka thënë se disa muaj para se të ndodhte tragjedia, familja e tij ishte njoftuar për një aferë tradhtie nga ana e Naim Murselin me një të afërme të saj.

Gjithashtu, Murseli ka pyetur për orën e vdekjes, duke marrë dijeni se Leonard kishte qenë në morg së bashku me Kushtrim Kokallën. Në përgjigjen e tij, Ademaj ka thënë se nuk mund ta përcaktojë saktësisht çfarë ore ka ndodhur ngjarja.

Pjesë nga intervistimi:

Naim Murseli: E kam një pyetje për Leonardin. Për 12 vjet martesë, a ju është ankuar ndonjëherë motra juaj për mua apo për raportin tonë?

Leonardi: Jo nuk është anku. Përveç që para disa muajve para se të ndodhte… Është prekur shumë për një aferë tradhtie e Naimit me të afërmen e saj… por që ajo vetë e kishte zgjidhë këtë dhe ne nuk e kemi kundërshtuar qëndrimet e saj./Sinjali

VIDEO

Prokuroria e Fierit, pasi iu bllokua 2 milionë euro pasuri rreth një vit më parë, i ka sekuestruar shtetasit Arbër Muça edhe një “Lamborghini Urus Mansory”.

Njoftimi i Prokurorisë:

Dyshime se kanë prejardhje nga veprimtaria kriminale, Prokuroria e Fierit sekuestron pasuri të tjera të shtetasit A.M. të cilit një vit më parë ju bllokuan 2 mln euro

Prokuroria pranë Gjykatës së Shkallës së Parë Fier, në vijim të hetimeve në procedimin penal nr.1162, datë 15.10.2020 për veprën penale “Pastrimi i produkteve të veprës penale ose veprimtarisë kriminale” parashikuar nga neni 287 i K.Penal, sekuestroi automjetin tip ‘Lamborgini Urus Mansory’, të shtetasit A.M.

Kjo prokurori ka regjistruar kryesisht procedimin pasuror nr.3 të vitit 2024, mbështetur në ligjin nr.10192, datë 03.12.2009 “Për parandalimin dhe goditjen e krimit të organizuar dhe trafikimit dhe korrupsionit nëpërmjet masave parandaluese kundër pasurisë” dhe sekuestrimi i makinës luksoze erdhi një vit pas sekuestrimeve të mëparshme ndaj pasurive të luajtshme (automjete, bizhuteri dhe vlera monetare) dhe paluajtshme me vlerë rreth 2 milion Euro të shtetasit A.M.

Automjeti luksoz u sekuestrua me vendimin e datës 10.07.2025 dhe rezulton të jetë modifikuar nga fabrika Mansory dhe është sjellë në Shqipëri nga Dubai, duke u fshehur nëpërmjet personave të tretë.

Në vijim, Prokuroria pranë Gjykatës së Shkallës së Parë Juridiksionit të Përgjithshëm Fier, shpreh angazhimin e plotë për vijimin e hetimeve të grupveprat që lidhen me pasurimin e paligjshëm nëpërmjet marrjes së masave për sekuestrimin dhe konfiskimin e tyre.

Një tërmet me magnitudë 6.9 ballë goditi rajonin e Ishujve Tanimbar në Indonezi, njoftoi Qendra Sizmologjike Evropiane Mesdhetare (EMSC). Deri më tani nuk është lëshuar asnjë kërcënim për cunami.

Ishujt Tanimbar janë një grup prej rreth 30 ishujsh të vendosur në Indonezinë lindore, brenda provincës Maluku. Ato shtrihen në Detin Arafura, midis Timorit në perëndim dhe Guinesë së Re në lindje.

Indonezia, një komb me më shumë se 270 milionë banorë të shpërndarë në një arkipelag, ndodhet përgjatë “Unazës së Zjarrit” të Paqësorit një zonë me aktivitet të fortë sizmik.

Vendi është shtëpia e 120 vullkaneve aktive dhe përjeton shpesh tërmete, shpërthime dhe cunami. Aktualisht nuk ka informacione zyrtare për dëme materiale apo të lënduar.

Një lajm i trishtë ka pllakosur këtë fillim jave familjen Rrumbullaku, duke sjellë një dhimbje të thellë për ish-drejtorin e Përgjithshëm të Policisë së Shtetit, Muhamet Rrumbullaku. Bashkëshortja e tij, Elsa Rrumbullaku, është ndarë nga jeta në moshën 55-vjeçare, pas një beteje të gjatë dhe të mundimshme me një sëmundje të rëndë.

Burime për “Newsbomb.al” bëjnë me dije se ndarja nga jeta e saj ka ndodhur pas një kohe të gjatë kur ajo ishte nën trajtim mjekësor, duke luftuar me forcë dhe dinjitet kundër një sëmundjeje të pashpirt. Pavarësisht përpjekjeve të saj dhe të familjes për të përballuar sëmundjen, fatkeqësisht Elsa nuk mundi të dilte fitimtare.

Elsa ishte jo vetëm bashkëshortja e një prej figurave më të njohura të strukturave të sigurisë në vend, por edhe një nënë e përkushtuar dhe mbështetëse e palëkundur e familjes. Ajo dhe Muhamet Rrumbullaku kanë dy djem, Marvinin dhe Erlisin, të cilët i qëndruan pranë në çdo moment të sfidës që ajo përjetoi.

Ceremonia mortore u zhvillua këtë të hënë, mes lotëve, dhimbjes dhe heshtjes së thellë që mbizotëroi mes familjarëve, të afërmve dhe miqve të shumtë të familjes Rrumbullaku. Të gjithë i dhanë lamtumirën e fundit një gruaje që për shumë njerëz përfaqësonte fisnikëri, forcë dhe dashuri të pakushtëzuar për familjen.

Mesazhet e ngushëllimit nuk kanë munguar, teksa shumë personalitete të njohura të jetës publike, përfaqësues të strukturave të sigurisë, miq të vjetër dhe bashkëpunëtorë të Muhamet Rrumbullakut kanë shprehur dhimbjen e tyre për këtë humbje të parakohshme dhe të thellë.

Prehsh në paqe, Elsa! Ngushëllime familjes Rrumbullaku.

Një lajm i trishtë ka pllakosur familjen e ish-drejtorit të Përgjithshëm të Policisë së Shtetit, Muhamet Rrumbullakut.

Bashkëshortja e tij, shoqja e jetës dhe gruaja që i dhuroi dy engjëj ka ndërruar jetë në moshën 55-vjeçare.

Burime për Newsbomb bëjnë me dije se Elsa Rrumbullaku nuk ka mundur që të mposhtë sëmundje ne keqe nga e cila prej kohësh vuante. Pa çka luftës së saj dhe të familjarëve, ajo nuk arriti që të dilte triumfuese nga kjo betejë.

Mes dhimbjes dhe lotëve, familjarët e saj, bashkëshorti e dy djemtë e saj, Marvin dhe Erlisi i dhanë lamtumirën e fundit këtë të hënë.

Pas postimit plot ironi të ish-banorit të “Big Brother Albania” Anaid Kaloti, i cili hodhi dyshime se Gjestit i kishte rrahur zemra për dikë tjetër menjëherë pas daljes nga Big Brother VIP Albania dhe se puthjet publike me Eglin ishin vetëm një lojë për vëmendje, nuk kanë munguar as reagimet nga dy protagonistët kryesorë të kësaj historie.

Egli zgjodhi të reagojë në mënyrë të tërthortë. Në një Instastory, ajo ndau një foto me tekstin:

“Një mbretëreshë kurrë nuk zbret nga froni për t’iu përgjigjur një fshatari që hedh gurë”

Ndërsa Gjesti u shfaq më i drejtpërdrejtë. Ai postoi një video në rrjete sociale, ku i drejtohej Anaid Kalotit me tone të qarta:

“E ke zemrën e prishur”, – u shpreh mes të tjerash Gjesti, duke lënë të kuptohet se për të, gjithë deklarata e Kalotit nuk ishte gjë tjetër veçse një shpërthim personal dhe negativitet i panevojshëm.

Të dy reagimet vijnë si përgjigje ndaj fabulës së gjatë të publikuar nga Kaloti, ku ai përshkroi një takim të pas-Big Brother-it mes Eglit dhe Gjestit në një hotel luksoz, dhe ku theksoi se Gjestit nuk i interesonte më Egli, pasi sipas tij, kishte ndjenja për dikë tjetër.

Pas disa ditëve të freskëta, është rikthyer moti i nxehtë në territorin shqiptar. Meteorologia LAJDA Porja, ka paralajmëruar se duke filluar nga mesdita e sotme deri të shtunën, temperaturat do të arrijnë nga 39-40 gradë celsius.

“Nga e marta në të shtunën do të kemi ndryshime të lehta në mëngjes. Do të vijojë edhe për pak ditë nata të jetë e freskët deri të premten, ndërsa mesdita do të arrijë në 38 gradë celsius. E mërkura sjell rritje të ndjeshme. Mesjava do të shënojë 39-40 gradë celsius”, tha Porja.

Sipas saj qytetet me temperatura të larta deri në 40 gradë do të jenë Shkodra, Elbasani, Berati Gjirokastra me maksimume 39-40 gradë celsius.

Ndërkohë vija bregdetare do jetë e kthjellët, herë pas here vranësira kalimtare do të ketë në plazhet e Velipojës dhe Shëngjinit.

Meteorologia paralajmëroi rrebeshe të premten në veri, ndërsa nesër reshje të izoluara në lindje e juglindje.