Author: admin

Në New York, është mbajtur parada e shqiptarëve, ku mori pjesë edhe kryebashkiaku Eric Adams.

Kryetari i Bashkisë së New York-ut Eric Adams, priti përfaqësues të komunitetit shqiptar në qytet, ndërsa ishte veshur me një plis në kokë dhe shall kuq e zi.

“Duhet ta doni Shqipërinë më shumë se Amerikën,” tha ai me humor duke shtuar se edhe djali i tij është i dashuruar me Shqipërinë dhe mezi pret të vizitojë vendin.

“Çfarë dite, çfarë dite. Kur mendoni për këtë, vëllezërit dhe motrat tona nga Shqipëria, nga Kosova, nga Mali i Zi dhe Maqedonia e Veriut, thotë shumë për ne të jemi këtu në Gracie Mansion dhe të kemi paradën tuaj, një paradë që do të thotë kaq shumë.

Një paradë është simbolike në këtë vend si një mënyrë për të deklaruar se ju jeni pjesë e gjithçkaje në të cilën besojmë, dhe bukuria e saj është se kur marshoni në njërën nga rrugët tona kryesore, tregoni dhe shfaqni flamurin tuaj, flamurin tuaj kuq e zi me atë simbol të rëndësishëm mbi të.

Ajo thotë se nuk keni pse ta braktisni vendin tuaj për të dashur vendin tuaj të adoptuar, Amerikën. Ju jeni në gjendje t’i keni të dyja. Mendoni për këtë komunitet. Mendoni për atë që doni të thoni dhe atë që përfaqësoni. U tha se duhet të më falënderoni mua dhe të falënderoni vendin. Jo, ne duhet t’ju falënderojmë.

Ju sillni këtu besim, ju sillni këtu kulturën tuaj, ju sillni këtu etikën tuaj të punës, ju sillni këtu sigurinë tuaj publike, burrat dhe gratë që jo vetëm zbukurojnë simbolin tuaj kuq e zi, por ata zbukurojnë edhe uniformën e policisë. Ata na mbajnë të sigurt çdo ditë dhe dua t’i falënderoj që janë këtu për të festuar me ne.

Kur më pyetën nëse mund të organizoni një paradë, thashë po. Do ta bëjmë të ndodhë dhe do të sigurohemi që të jetë një nga paradat më të mira që do të shihni. 200,000 shqiptarë të fortë jetojnë në New York City. Numri më i madh i shqiptarëve në këtë vend është pikërisht këtu në New York City.

Nga Shqipëria e Vogël në Bronx deri te Shqipëria e Vogël në Queens, ju jeni rritur dhe keni një pikëmbështetje të fortë, dhe forca juaj politike është e pashembullt. Ju them, faleminderit që e bëtë këtë qytet atë që është.

Duam të nderojmë shumë nga heronjtë tuaj dhe heronjtë që janë këtu sot dhe duam t’u tregojmë atyre se i falënderojmë për kontributet e tyre në Qytetin e New York-ut. Jam shumë i emocionuar për sot.

U deshën 109 kryetarë bashkie para se të kuptonin se duhet të organizonim një paradë për Ditën e Shqiptarëve këtu në New York City, ku po e organizoni tani. Dhe djali im, e kam shumë zili, ai shkoi në Shqipëri dhe mori pjesë në një nga koncertet tuaja.

Mezi pres të shkoj në Shqipëri dhe të shijoj lumenjtë, detet, malet e bukura dhe gjithçka që keni për të ofruar. Dhe kështu ju falënderoj shumë, dhe mezi presim të nderojmë dhe të lartësojmë ata që po nderojmë sot. Faleminderit. Gëzuar Ditën”, tha ai gjatë fjalimit.

I ftuar në “Live From Tirana” ka qenë Alfred Cako.

Ai ka folur më shumë për luftën Izrael-Iran, por dhe mundësinë për një Luftë të tretë Botërore.

Sa rrezikon Shqipëria nga këto ngjarje?

Lufta e tretë Botërore ka nisur apo do të nisë?

Lufta e tretë Botërore nuk mund të quhet pa hyrë në konflikt të hapur me njëra-tjetrën shtetet. Në njëfarë mënyre ka hyrë në Ukrainë sepse në Ukrainë ka marrë pjesë gjithë perëndimi, ka qenë luftë me proksivorë por jo të përfshira direkt me trupa. Evropa, Kina, Shtetet e Bashkuara, nuk kanë hyrë në luftë të hapur me ushtritë e tyre me ndonjë. Po nuk hynë këto të treja, nuk mund të quhet Luftë Botërore.

Kur parashikon që do të nisë një Luftë e tretë Botërore, nëse do të nisë një e tillë?

Unë them që nëse hyn në luftë Evropë-Rusi, do të hyjë në luftë Evropë-Amerikë, sepse Amerika do të përpiqet të marrë Kanadanë dhe Groenlandën që janë të evropianëve të dyja këto territore, në një kohë që Evropa do të hyjë në luftë me Rusinë. Unë kështu e parashikoj. Në 2027… /TAR/

Pasditen e së dielës, ballkoni i një apartamenti në Lake View, kompleksin ku apartamentet kushtojnë nga 500 mijë euro deri në 1 milion euro, është shkrumbuar nga flakët.

Banesa është në pronësi të Françeska Muratit një emër i njohur për showbizzin shqiptar, për jetën e saj luksoze si dhe shpenzimet marramëndëse për veshje.

Sipas informacioneve nga shërbimi zjarrfikës shkak mund të jetë bërë një cigare e hedhur nga apartamentet më sipër. Murati është pronare e këtij apartamenti prej afro një muaj, një nga zonat më luksoze të Tiranës, ku siguria duhet të ishte primare.

Zjarri është vënë menjëherë në kontroll nga shërbimi zjarrfikës duke shkaktuar vetëm dëme materiale. Françeska Murati nuk ka reguar ende lidhur me këtë incident.

Sekretari amerikan i Mbrojtjes, Pete Hegseth ngatërron Teheranin me Tiranën.

Në një konferencë për shtyp, teksa po fliste për sulmin e SHBA ndaj tre bazave bërthamore të Iranit, Hegseth ngatërrohet teksa thotë se avionët bombardues ndërhynë në Tiranë në vend që të thoshte në kryeqytetin iranian.

Megjithatë, zyrtari amerikan e “kap” shpejt gabimin dhe e korrigjon.

“Ky është një plan që kërkoi muaj e javë pozicionimi dhe përgatitjesh në mënyrë që të ishim gati kur të na telefononte presidenti i SHBA-së. Kërkoi shumë saktësi. Përfshiu orientim dhe sigurinë më të lartë operacionale. B-2 hynë dhe goditën në Tiranë…më falni Teheran”, tha ai.

SHBA kreu sulmin masiv ajror mbrëmjen e së shtunëstë koordinuar ndaj tre impianteve bërthamore iraniane: Fordoë, Natanz dhe Esfahan.

Uashingtoni deklaroi se shkatërroi ambiciet bërthamore të Teheranit, ndërsa Donald Trump paralajmëroi sulme më të ashpra nëse nuk ka paqe.

Nga ana tjetër, Irani u zotua se do të hakmerret.

Presidenti amerikan Donald Trump ka bërë thirrje në një postim në mediat sociale që çmimet e naftës të mbahen të ulëta, reagim që vjen pas raportimeve për mbylljen e mundshme të Ngushticës së Hormuzit nga Irani.

“Të gjithë, mbajini çmimet e naftës të ulëta. Jam duke ju vëzhguar”, ka thënë Trumpi, duke aluduar se kjo është një lojë e Iranit. 

Gardat Revolucionare e Iranit ka reaguar ndaj postimit të Trumpit në kanalin e saj në Telegram, duke thënë se “thashethemet për mbylljen e Ngushticës së Hormuzit e kanë frikësuar Trumpin!”

Ngushtica e Hormuzit është një rrugë detare që lidh Gjirin e pasur me naftë me Oqeanin Indian, përmes të cilit kalojnë çdo ditë afërsisht 20% e furnizimeve botërore me naftë.

Eni Kokomani, teolog shqiptar që jeton në Iran, tregoi në një intervistë për emisionin “Now” me gazetaren Greta Topjana se në Iran Shqipëria nuk cilësohet si vend armik lidhur me strehimin e muxhahedinëve.

Sipas tij Irani nuk e sheh si rrezik opozitën iraniane por sipas asaj që thuhet në vend Izraeli dhe SHBA i përdorin dhe financojnë muxhahedinët për sulme kundër Iranit.

“Sa kam dëgjuar, Irani nuk e sheh si kërcënim të madh lëvizjen e muxhahedinëve në Shqipëri. Izraeli, thuhet në Iran i financon bashkë me SHBA dhe i përdor për sulme kundër Iranit. Irani nuk ka armiqësi me Shqipërinë. I vetmi problem janë muxhahedinët. Irani ka pasur marrëdhënie shumë të mirë me Shqipërinë, por me ardhjen e muxhahedinëve, e shtyrë nga SHBA Shqipëria i ndërpreu marrëdhëniet diplamtike me Iranin. Nuk është thënë deri tani që do ketë ndonjë ndërhyrje në Shqipëri sa i përket ekzistencës së tyre atje”, tha ai.

Sot, më 23 qershor 2025, dollari amerikan blihet me 84.4 lekë dhe shitet me 85.4 lekë.

Euro blihet me 97.4 lekë dhe shitet 98.2 lekë.

Franga zvicerane këmbehet në blerje me 102.8 lekë, ndërsa në shitje me 104 lekë.

Paundi britanik blihet me 113.3 lekë dhe shitet me 115 lekë.

Dollari kanadez sot në blerje këmbehet me 61.2 lekë, ndërsa në shitje me 62.7 lekë.

Më poshtë, po sjellim të dhënat e këmbimin valutor, për të gjitha monedhat e huaja:

Lideri suprem i Iranit ka reaguar për herë të parë pas sulmeve të SHBA-së në centralet e tyre bërthamore. Përmes një postimi në platformën e tij “X”, ai thotë se amerikanët kryen një gabim të madh dhe se ka ardhur koha për ndëshkim.

“Armiku sionist kreu një gabim të madh, kreu një krim të madh; duhet të ndëshkohet dhe po ndëshkohet tani”, shkruan ai.

#همین_حالا
مجازات ادامه دارد

دشمن صهیونی یک اشتباه بزرگی کرده، یک جنایت بزرگی را مرتکب شده؛ باید مجازات بشود و دارد مجازات میشود؛ همین حالا دارد مجازات میشود.#الله_اکبر pic.twitter.com/wH6Wk9nNhJ

— KHAMENEI.IR | فارسی 🇮🇷 (@Khamenei_fa) June 23, 2025

Ndërkohë, së fundmi ka qenë edhe zëdhënësi i Korpusit të Gardës Revolucionare Islamike (IRGC), Ebrahim Zolfaghar i cili përmes një videomesazhi i ka transmetuar një paralajmërim të fortë amerikanëve dhe presidentit Donald Trump.

Zolfaghar tha se SHBA duhet të presin pasoja të rënda për veprimet e tyre dhe se Irani do të jetë ai që do e përfundojë këtë luftë.

“Ky veprim armiqësor do të zgjerojë gamën e objektivave legjitime për forcat e armatosura të Republikës Islamike të Iranit dhe do të hapë rrugën për zgjerimin e luftës në rajon. Militantët e Islamit do t’ju imponojnë pasoja të rënda të paparashikuara me operacione (ushtarake) të forta dhe të synuara”, shtoi ai.

“Z. Trump, ti bixhozxhi, ti mund ta kesh filluar këtë luftë, por ne do të jemi ata që do ta përfundojmë atë”, thotë Zolfaghari në anglisht në fund të deklaratës së tij të filmuar.

In a statement earlier today, Lt. Col. Ebrahim Zolfaghari, Spokesperson for Iran’s Khatam al-Anbiya Central Headquarters, said that in response to Saturday’s series of strikes by the U.S. against nuclear facilities inside Iran, they will carry out “powerful and targeted… pic.twitter.com/1WKcfrNJ7C

— OSINTdefender (@sentdefender) June 23, 2025

Komandanti i lartë i Forcave të Armatosura të Iranit ka lëshuar një paralajmërim të ashpër ndaj Shteteve të Bashkuara, duke deklaruar se Uashingtoni “ka hapur derën për hakmarrje” dhe se Irani “nuk do të tërhiqet kurrë”.

“Amerika kriminale ka hapur dyert për luftëtarët e Islamit në forcat e armatosura për çdo veprim kundër interesave dhe ushtrisë së saj, dhe ne nuk do të tërhiqemi kurrë në këtë drejtim“, deklaroi Gjenerali madhor Abdolrahim Mousavi, Shefi i Shtabit të Përgjithshëm të Forcave të Armatosura.

Ai shtoi se SHBA “ka hyrë drejtpërdrejt në luftë duke shkelur sovranitetin e Iranit Islamik dhe duke prekur tokën e shenjtë të vendit tonë”.

Deklarata e Mousavit vjen në një valë mesazhesh të ashpra nga komandantët më të lartë ushtarakë iranianë ditën e hënë. Në të njëjtën linjë, zëdhënësi i Komandës Qendrore të Forcave të Armatosura, Ibrahim Zolfaqari, lëshoi një tjetër paralajmërim në një video të publikuar nga agjencitë shtetërore Fars dhe Mehr.

Ai paralajmëroi për “operacione të fuqishme dhe të sakta që do të shkaktojnë pasoja të rënda, të dhimbshme dhe të paparashikueshme”.

Zolfaqari dënoi sulmet e SHBA-së dhe theksoi mundësinë e një përgjigjeje të zgjeruar nga ana e Iranit.

“Jo vetëm që [sulmi] ishte i kotë, por do të zgjerojë edhe më tej spektrin e objektivave legjitime dhe të ndryshme për ushtrinë iraniane dhe do të hapë rrugën për përhapjen e luftës në të gjithë rajonin”, tha ai.

Në fund të videos, duke folur në anglisht, Zolfaqari u shpreh: “Trumpi kumarxhi, ti mund ta nisësh këtë luftë, por ne do të jemi ata që do ta përfundojmë.”

Ditët e fundit, në vendin tonë janë regjistruar disa vatra zjarri, kryesisht në jug të Shqipërisë.

Gazetari Lutfi Dervishi ka ironizuar zjarret që kanë rënë në zonat turistike të vendit.

Dervishi shkruan se edhe zjarrin e kemi inteligjent, pasi bie vetëm në zona me potencial zhvillimi.

“Vend i bekuar. Edhe zjarrin e kemi inteligjent. Bie vetëm në zona me potencial zhvillimi…”, shkruan në Facebook Lutfi Dervishi.