Category: Lajme

Modelja e njohur Arta Elezaj, po i shijon pushimet në një zonë tropikale, edhe në këto ditë vjeshte.

Ajo “trazoi”, rrjetin me disa poza mjaftë provokuese.

E veshur me bikini pranë një pishine, në një darkë romantike dhe duke kalëruar, janë pozat që morën mijëra pëlqime nga ndjekësit e saj.

Arta nuk tregoi për ndjekësit se kush po e shoqëron në këto pushime, por një gjë dihet e sigurtë.

Ajo po i shijon në maksimum këto ditë të nxehta.

Mbetjet e Uraganit Milton i cili goditi Floridën e Shteteve të Bashkuara të Amerikës po vijnë në drejtim të Evropës duke u bashkuar me një sistem tjetër mjaft të fuqishëm tropikal; Stuhinë Tropikale “Leslie”.

Stuhia Tropikale Leslie e cila buron nga brigjet e Afrikës perëndimore u zhvillua në Oqeanin e hapur por devijoi duke mos shkuar në drejtim të Amerikës, por tani është drejtuar drejt Azoreve duke u bashkuar me mbetjet e Uraganit Milton.

Këto stuhi me reshje të dendura shiu pritet të përfshijnë Gadishullin Iberik, Portugalinë dhe shumë pjesë të Spanjës me rrebeshe intensive shiu me vetëtima dhe bubullimë.

Priten edhe përmbytje, por stuhitë nuk do të kenë fuqinë e madhe që kishin dikur.

Në Evropë parashikohen valë të shpeshta reshjesh dhe rrebeshesh mjaft të dendura të shiut në viset tona do të kemi ardhjen e Anticiklonit afrikan, i cili do të përmirësojë dhe stabilizojë motin duke kushtëzuar shumë ditë të bukura vjeshtore, madje edhe verore.

Gjykata e Fierit dënoi me 1 vit burg këngëtarin Luiz Ejlli, duke e shpallur fajtor për falsifikim të një deklarate noteriale për të shpëtuar nga sekuestrimi një pjesë të pasurisë së një ish-të dënuari për prostitucion në Itali.

Pas këtij vendimi, “Panorama” pretendon se karriera e Luiz Ejllit është shkatërruar ku i janë anuluar dhe një sërë koncertesh dhe ai vendim ka shqetësuar gjithashtu dhe ekipin e menaxhimit të këngëtarit.

Për këtë, Luizi e ka një përgjigje:

Prej shumë vitesh Olta Gixhari është ndër emrat më të spikatura të showbizzit tonë. Gjithnjë e zhurmshme dhe sharmante, aktorja ka ditur sesi ta mbajë vëmendjen e publikut gjithnjë drejt vetes. Tashmë si mama me dy djem, Olta vijon të jetë ndër femrat më seksi, duke ruajtur figurën sensuale.

Por duket se kështu është edhe në të përditshmen e saj. Paparaci ynë ka mundur ta fotografojë aktoren e mirënjohur, teksa është në shoqërinë e djalit të saj të vogël, partnerin, Dori si dhe make-up artistit të saj personal, Arbri. Ashtu edhe si duket në fotot e siguruara, bashkëshorti e shoqëron kudo Oltën, duke i ardhur në ndihmë edhe me vogëlushin.

Pasi shkëputet nga Dori, Olta vijon lëvizjen me të voglin e saj në krah dhe Arbrin. Edhe në të përditshmen e saj, aktorja shfaqet në top formë, ku ka zgjedhur një palë tuta të gjata e të gjerë, si dhe një bluzë të shkurtër. Ndonëse shumë pak muaj gjatë lindjes, aktorja tashmë gëzon linja perfekte.

Nga ato çfarë kemi mundur të mësojmë, tashmë Olta, së bashku me familjen e saj do të zhvendosen në Tiranë. Muajt e fundit, ajo dhe Dori kanë blerë një shtëpi në Tiranë, ku edhe pritet të zhvendosen së shpejt. Kështu, tashmë jeta e familjes do të jetë më intensive në Tiranë, sesa në Valencia, ku edhe jetonin deri disa muaj më parë.

Aktorja ka qenë shumë diskrete në fotot që ka publikuar me partnerin e saj, duke preferuar që ta lërë atë larg vëmendjes së ndjekësve, megjithatë, tashmë imazhi i Dorit është zbuluar. Vetëm pak javë më parë, aktorja ka rrëfyer detaje nga jeta e saj, nga zhvendosja në Spanjë, sfidat e mëmësisë, tek marrëdhënia me bashkëshortin. Ish-banorja e BBV, nënë e dy djemve, u shpreh se para se të mirëpriste në jetë fëmijët njerëzit i thoshin “Ti mami? Kurrë!”.

Aktorja theksoi se fjalët e “vrisnin”, por shtoi se “mëmësia është e vetmja gjë që mua më bën të mos fluturoj”.

“E kam parë veten mami, gjithmonë, sepse unë e dija brenda veten sesi isha. Askush nuk më besonte se do të bëhesha mami, ma thoshin me vulgaritet. Ti do të bëhesh mami? Jo kurrë. Edhe unë qeshja, okej, por më vriste shumë brenda vetes. Thosha sa sipërfaqësorë që janë, se unë jam dhe shumë e ndjeshme. Mëmësia është e vetmja gjë që mua më bën të mos fluturoj”, tregoi Olta Gixhari. Ndër të tjera, aktorja rrëfeu edhe periudhën kur braktisi Shqipërinë për Spanjën duke shitur biznesin e saj dhe duke u larguar nga teatri. “Ka qenë një periudhë shumë e vështirë, hoqa dorë nga gjithçka, shita biznesin, u shkëputa nga teatri, lashë projektet që kisha dhe shkova të jetoja në Spanjë ku brenda 24 orësh isha një grua shtatzënë, pas disa muajsh isha një nënë me një bebe që vetën qante, po shkalloja!”,-tha ish-banorja e BBV.

Aktorja foli edhe për marrëdhënien me bashkëshortin ku theksoi se ai e mbështet gjithmonë pavarësisht është dakord apo jo me mendimin e saj.

“Është njëri që nuk të ndërhyn në liri, nuk të ndërhyn në zgjedhje, ai të thotë ‘okay unë mendoj kështu, por ti vepro si të jetë më mira për ty’. Por, nëse ai nuk më jep fjalën finale, unë nuk vazhdoj dot, e ka këtë fuqi tek unë. Ai është mashkulli ideal që do të donte çdo grua”, u shpreh Gixhari në një intervistë.

Kujtojmë që Olta u bë pjesë e “Big Brother Vip2” ku krijoi mjaft polemika si kundërshtarja më e fortë e Luiz Ejllit (fituesit të atij edicioni), u diskutua se do të ishte një ndër finalistet, mirëpo ajo doli me dëshirën e saj nga “reality show” vetëm pak ditë para finales së madhe.

Një tërmet i fuqishëm 6.2 i shkallës Rihter është regjistruar mbrëmjen e sotme në brigjet e Kosta Rikës

Sipas të dhënave paraprake, tërmeti ka rënë rreth 21 minuta më parë në një thellësi prej 19 kilometrash dhe me epiqendër në det

Paraprakisht nuk ka të dhëna për dëme apo alarm për cunami.

Kosta Rika ndodhet në një zonë me aktivitet të lartë sizmik, ku përplasen pllakat tektonike të Karaibeve, me atë të Amerikës së Jugut, pllaka Cocos dhe ajo Nazca.

Kur gjithçka dukej se po shkonte perfekt në karrierën dhe jetën private të Luizit, një telash me drejtësinë e ka tronditur jo pak jetën e tij. Ashtu edhe si është shkruar ditët e fundit, Gjykata e Fierit ka dënuar me 1 vit pas hekurave fituesin e “Big Brother Vip”, Luiz Ejlli për falsifikim dokumentesh për të justifikuar pasuritë e fituara nga aktiviteti kriminal të një personi.

Mësohet se Luiz Ejlli, ka përdorur vulën e noterit për falsifikim dokumentesh edhe pse ministria i kishte hequr licencën. Fituesi i “BBV” raportohet se ka krijuar deklaratën noteriale me të dhëna të pavërteta dhe shtetasi me iniciale F. A., të cilit iu ishte sekuestruar pasuria, e kishte dorëzua në ish-Prokurorinë e Lushnjës më 25 shkurt 2022. Ndonëse çështja pritet që të apelohet, vendimi ka prekur jo pak edhe karrierën e këngëtarit.

Sipas “Panoramës”, se disa koncerte që Luizi kishte në Britaninë e Madhe janë anuluar. Një fakt i tillë ka shqetësuar jo pak ekipin e menaxhimit të tij, të cilët janë konsultuar menjëherë me avokatët e tyre dhe të këngëtarit, për të parë të gjitha mundësitë, nëse çështja gjyqësore, do të sillte probleme në agjendën e tij. Fakti që ka një dënim, e ndalon artistin që të largohet nga vendi, duke bërë që koncertet e tij jashtë kufijve të shtyhen për një moment të dytë.

Nga ana tjetër, edhe disa data që Luizi ka pasur të pronotuara në vend, janë anuluar. Nuk dihet ende arsyet rreth kaq shumë anulimeve, brenda kaq pak ditëve, por ajo që dihet është fakti se e gjithë situata ka shqetësuar shumë si stafin e Luizit, ashtu edhe vetë Luizin. Dosja e Ejllit kaloi për gjykim më 26 dhjetor 2022, dhe sipas Kodit Penal ai mund të dënohet me burgim nga 6 muaj deri në 4 vite. Kjo histori nisi në vitin 2021, kur prokuroria e Fierit nisi hetimet dhe kërkonte sekuestrimin e pasurive të shtetasit F.A. për shkaqe të dyshimta.

Fituesi i “Big Brother Albania”, Luiz Ejlli, u dënua me 1 vit burg nga Gjykata e Fierit për falsifikim dokumentesh duke përdorur vulën e noterit, edhe pasi kishte humbur licencën, për të shpëtuar nga sekuestrimi, një pjesë të pasurisë së një ish-të dënuari për prostitucion në Itali. Ndërsa, 18 muaj u dënua personit Fatmir Abdurramani që i është hartuar deklarata noteriale. Vepra penale për të cilën Ejlli u dënua rezulton e kryer pak muaj para se të hynte në “Big Brother”. Fatmir Avdurramani në hetim pasuror nga prokuroria, e cila i kishte sekuestruar disa prona, tentoi të shpëtojë një pjesë të tyre, duke përdorur Luis Ejllin.

Me vulat e noterit që i mbante edhe pse kishte humbur licencën, ish-banori i “Big Brother”, bëri një dokument të falsifikuar noterial, sikur 210 mijë euro Avdurramani i kishte marrë hua tek 2 persona. Këtë dokument ish-i dënuari për prostitucion e depozitoi në prokurori por hetuesit kryen verifikime në arkiva të noterisë ku gjithçka i rezultoi e falsifikuar dhe dokument i manipuluar mbi të dhënat e një qytetari tjetër.

Luiz Ejllit i ishte hequr licenca në vitin 2021 nga Ministri i Drejtësisë, dhe në prill 2022-shit i janë tërhequr dokumentet dhe dosjet. Luis Ejlli mbajti vetëm vulën e njomë e të thatë, të cilën e dorëzoi në muajin në maj, 3 muaj pasi kishte firmosur dokumentin e ish-të dënuarit. Vendimi i Gjykatës së Fierit pritet të apelohet nga këngëtari në Gjykatën e Apelit, e cila pritet të vendosë nëse do të lërë në fuqi vendimin, ta ndryshojë apo ta shpallë të pafajshëm. Nëse mbahet në fuqi vendimi i Shkallës së Parë, atëherë Luiz Ejlli duhet të shkojë ne burg.

Prej disa ditësh në mediat rozë qarkullojnë thashetheme për një lidhje të re mes Roza Latit dhe Xhonatan Islamit.

Syri i mprehtë i njdekësve të saj vuri re një detaj interesant të një ore që ajo mbante në dorë.

Por duket se përmes një postimi të fundit, Roza ka vendosur të mos e fshehë më, teksa është shfaqur duke puthur djalin me të cilin janë hedhur me parashutë.

Xhonatan Islami është djali i Alket Islamit, të dy të apasionuar pas sportit ekstrem të hedhjeve me parashutë.

Në video Roza shihej në jug të Shqipërisë, saktësisht në Gjirokastër, për të mbështetur ish-banorin e Big Brother VIP Albania, Xhonatan Islamin në konkursin e parashutave, “PGAEuro 2024”, që u mbajt vetëm pak ditë më parë.

Numri i grave që preken nga kanceri i gjirit është rritur në dy prej qarqeve më të mëdha në vend, si Korça dhe Fieri. Shkaqet, ndër më kryesoret përmenden, duhani, stresi, përdorimi i kontraceptivëve.

Gjatë 9 muajve të këtij viti, 50 gra e vajza janë prekur nga kanceri i gjirit në qarkun e Fierit. Shifrat i përkasin Shërbimit të Onkologjisë për periudhën Janar- Shtator 2024, ndërsa shkaqet kryesore janë; jeta sedentare, duhani, përdorimi i kontraceptivëve, stresi. Mjekja këshillon grate të bëjnë kontrolle nis nga mosha 40 vj

“Kanceri i gjirit është shkaku nr. 2 i vdekjeve. Rastet janë në rrije. Nga Janari në Shtator, 50 gra të diagnostikuara. Sëmundja duhet të të diagnostikohet në fazë të hershme që të shërohet. Në faza të avancuar nuk ka shërim. Ndaj këshillohet të bëhet mamografia sepse e kap kancerin në faza të vogla. Disa nga faktorët, stili i jetesës, duhanit dhe kontraceptivët. Lindjet në moshë të madhe janë faktor rrisku”, tha për Report TV, mjekja onkologe e Fierit, Anisa Mone.

Ajo shton se grupmosha më e prekur është 50- 60 vjeç, ndërsa një numër shumë i vogël nuk ka mundur të fitojë betejën me sëmundjen pasi e kanë pikasur në stade të avancuara.“Zakonisht mentaliteti dhe neglizhenca çon në këtë fazë, nuk vijnë tek doktori, kanë turp të tregojnë në familje, por ky është numër i vogël, pasi pjesa më e madhe e grave janë të ndërgjegjësuara dhe i kryejnë kontrollet gjatë gjithë vitit. Ekzaminimi kryehet falas përmes sistemit të referimit nga mjeku i familjes. Trajtimi me kimioterapi bëhet në spitalin e Fierit dhe kjo ka sjellë lehtësim për pacientët të cilët nuk shkojnë më në Tiranë”, shprehet onkologia.

‘Report tv’ kreu një vëzhgim dhe në spitalin e Pogradecit ku mungon mamografia, ndaj diagnostikimi është më i vështirë sidomos për gratë që jetojnë në zona rurale.

Valbona Seitllarit specialiste e Njësisë Vendore e Kujdesit Shëndetësor thotë mamografia e lëvizshme ka ardhur vetëm një herë ku janë diagnostikuar 22 gra e vajza me kancer gjiri.

“Në muajin qershor janë bërë104 vizita, 22 gra janë referuar për kontrolle të mëtejshme. Njësia Vendore ka mundësuar transportin për të bërë mamografinë. 22 raste të cilat janë të referuara për ekzamim të metejshëm në Korçë, pasi ë spitalin tonë s’ka mamografi”, tha ajo.

Ndërsa në spitalin e Korçës janë diagnostikuar 46 raste të reja të prekura nga kanceri i gjirit në periudhën Janar-Shtator 2024.

Këto pamje të rënda janë shkrepur në momentin kur Egli Proga, i cili humbi jetën pasi u dhunua nga Denis Meçe, futet në ambulancë për t’u transportuar në spital.

Siç shihet, 42-vjeçari i pavetëdijshëm, merret nga disa persona dhe futet në ambulancë. Edhe pse mjeti i ambulancës ka mbërritur, ai nuk është vendosur në barelë për t’u futur më pas në të, por i kapur nga disa persona nga këmbët dhe duart.

Ditën e sotme Gjykata e Korçës ka ndryshuar masën e sigurisë për 3 persona që dëshmuan vrasjen e Egli Progës në qytetin e Pogradecit por akuzohen se e fshehën atë. Voltan Shulku, Arian Manellari dhe Leonidha Guçe të cilët ishin lënë më herët në masën e sigurisë “ detyrim paraqitje” janë arrestuar pasi gjykata e Korçës e ka ndryshuar atë në arrest në burg.

Prokuroria e Korçës ka konkluduar se ka ndërhyrje ne kameren e brendshme të lokalit ku u dhunua duke gjetur më pas vdekjen Egli Proga.

Ndërsa organi hetimor bën me dije se është në procesin e kthimit të pamjeve policia e Korçës, ka bërë ekzekutimin e urdhrit të Prokurorisë për ndalimin e tyre pasi Gjykata e Shkallës së Parë Korçë, ka ndryshuar masën e sigurisë nga “Detyrim paraqitje në Policinë Gjyqësore”, në “Arrest në burg”, për veprën penale “Veprime që pengojnë në zbulimin e së vërtetës”, për ngjarjen e ndodhur në lagjen nr. 1 Pogradec, ku humbu jetën shtetasi Egli Proga , 42 vjeç.

Këta shtetas kanë qenë të pranishëm kur ka ndodhur ngjarja dhe nuk kanë kallëzuar krimin duke penguar zbardhjen e së vërtetës. Mbrëmjen e 10 gushtit në lagjen 1 të Pogradecit, 42 vjeçari Egli Proga baba i dy fëmijëve u dhunua për vdekje nga Denis Meçe ndërsa autori u largua nga vendngjarja. Ai u arrestua vetëm disa ditë më vonë ndërsa në pranga përfunduan edhe 3 personat të cilët deklaruan se nuk kishin parë asgjë nga ngjarja e rëndë.

Këmishat e kirurgëve dhe infermierëve janë jeshile sepse ato duhet të bëjnë dallimin me ngjyrën e kuqe të gjakut, shkruan focus.it. Në fakt, e kuqja është një ngjyrë që bie në sy. Kjo ngjyrë bën dallimin në retinën e syrit për një kohë të gjatë.

Dhe në fakt vëmendja e trurit magnetizohet nga kjo ngjyrë e cila, pikërisht për këtë arsye, nga shumë kultura është konsideruar e rëndësishme dhe autoritare.

Nuk është rastësi që e kuqja është ngjyra e semaforëve apo e ndonjë sinjali tjetër që duhet të tërheqë vëmendjen, por edhe ajo e mantelit të kardinalëve dhe mbretërve.

Ndryshe nga e kuqja, jeshilja fokusohet nga thjerrëzat e syrit drejt e në retinë pa ndonjë përpjekje të veçantë.

Prandaj jeshilja është një ngjyrë që nuk i lodh sytë. Në sallat e operacionit, përparëset e kirurgëve dhe infermierëve dhe çarçafët që mbulojnë pacientët, janë të gjelbra pikërisht sepse bëjnë që të zhduket ai imazhi i mbetur i krijuar nga gjaku i kuq në retinë.

Nëse do të përdoreshin pëlhura të bardha, sanitarët do të vazhdonin të shihnin me këmbëngulje njollat ​​e gjakut edhe kur i hiqnin sytë nga plaga.

Dhe ky çrregullim do t’ua lodhte punën. E bardha, një tregues i pastërtisë, është e rezervuar për infermierët.