Category: Lajme

Të paraburgosurit e Elbasanit zhvilluan një ndeshje miqësore futbolli me ekipin e AF Elbasanit në mjediset e parburgimit.

Të paraburgosurit e Elbasanit zhvilluan një ndeshje miqësore futbolli me ekipin e AF Elbasanit në mjediset e parburgimit.

Lajmin e ka bërë të ditur Drejtoria e Përgjithshme e Burgjeve me anë të një postimi në Facebook, ku thuhet se ndeshjen e kanë fituar lojtarët e burgut.

“Të paraburgosurit e Elbasanit zhvilluan një ndeshje miqësore futbolli me ekipin e AF Elbasanit në ambientet tona.

Ndeshja, e cila u fitua nga lojtarët e burgut , u ndoq nga Drejtori i Përgjithshëm i Burgjeve, z. Klevis Qose dhe administratori i AF Elbasan z. Mariglen Çoku, drejtori i Sportit z. Elton Guranjaku si dhe drejtori i IEVP Elbasan Altin Ago. Kjo iniciativë promovon rëndësinë e aktiviteteve sportive në rritjen e mirëqenies fizike dhe sociale të të dënuarve”, shkruan Drejtoria e Përgjithshme e Burgjeve, krah fotove të publikuara.

Diplomati shqiptar Mal Berisha ka reaguar pas lajmit se kryeministri Edi Rama planifikon t’i mundësojë bektashinjve të Shqipërisë një territor të tyre sovran në Tiranë.

Ai ka sjellë në vëmendje kujtimet e vitit 1993 nga libri i tij, teksa rrëfen se ka qenë i pranishëm në takimin e krerëve të besimeve fetare të Shqipërisë në Stamboll.

Berisha thotë se në atë kohë, ishte kryepeshkopi Anastas Janullatos ai që hodhi idenë që Shqipëria të njihej si vend me katër fe, duke shtuar atë bektashiane, çka u kundërshtua në moment nga krerët e besimeve të tjera, duke përfshirë edhe Baba Reshat Bardhin.

Komenti i ish-ambasadorit Mal Berisha:

NJË FARË EGJRE ANTI-KOMBËTARE E MBJELLUR NË STAMBOLL NË VITIN 1993 DUKET SE NA MBIU TANI, NË VITIN 2024.

SHTETI I “BEKTASHINJËVE” BRENDA SHQIPËRISË?!

Të dashur miq!

Tek po dëgjoj dhe po lexoj idenë e një shteti shqiptar bektashian, brenda territorit të Shtetit Shqiptar, vendosa t’i kthehem një ngjarje që ka pikërisht këtë subjekt, dëshmitar i së cilës u bëra në vjeshtën e vitit 1993, në Hotel Marmara, në Stamboll.

Ja ngjarja e plotë siç e kam përjetuar dhe botuar në librin tim “Amabasador i pushtetit të butë” në faqen 73.

TAKIMI I FEVE MONOTEISTE NË STAMBOLL, VJESHTË, 1993

Në vjeshtën e vitit 1993 në Stamboll u organizua një takim i krerëve të feve monoteiste. Aty do të merrnin pjesë drejtuesit e feve abrahamike, që nga Kreu i Rabinatit të Izraelit, pastaj Bartolomeu I, Kreu i Kishës Ortodokse të Stambollit, Kryemyftiu i Turqisë, ndërsa nga Selia e Shenjtë kishte ardhur Sekretari i Përgjithshëm i Vatikanit. Nga Shqipëria merrnin pjesë personalitetet kryesore të këtyre feve:

PJESMARRËSIT NGA SHQIPËRIA:

I pari ishte Hafiz Sabri Koçi, Kryemyftiu i Shqipërisë. Pastaj vinte Imzot Rrok Mirdita, kreu i fesë Katolike shqiptare dhe Anastasios Janullatos, kreu i Kishës Ortodokse shqiptare. Bashkë me ta kishte ardhur edhe kreu i Kryegjyshatës Botërore të Bektashinjve, Dede Reshat Bardhi.

TAKIMI I BESMITARËVE

Takimin e përshkoi një frymë e zymtë e natyrës fetare me shumë qetësi dhe përunjësi. Krerët e feve të vendeve të ndryshme takoheshin me njëri-tjetrin, sidomos brenda feve të veta, por edhe në ndërveprim. Fetë e shqiptarëve ishin si të plagosura pas një periudhe të gjatë që kishin kaluar në ateizëm, në shtetin e parë dhe të vetëm në botë, që ishte shpallur i tillë. Hafiz Sabri Koçi, 72-vjeçar, vinte nga jeta e tij e gjatë prej 23 vitesh në burgim për shkak të besimit fetar. Ai ishte teolog, martir i fesë, burrë shumë i ditur, i shtruar, i kulturuar, shumë i urtë dhe i përunjur. Dede Reshat Bardhi po ashtu kishte kaluar një kalvar vuajtjesh për shkak të besimit dhe e kishte ushtruar fenë tërësisht në mënyrë të fshehtë, por pa e lënë asnjëherë, pavarësisht nga rrjedhojat që pësonte. Imzot Rrok Mirdita ishte drejtuesi i Dioqezës së Durrësit dhe Tiranës, i konsakruar nga Papa Gjon Pavli II. Ai e kishte filluar shërbimin ndaj Kishës Katolike në moshën 25-vjeçare. Shumë vite ai i kishte kaluar duke shërbyer në Kishën Katolike në Bronx në Neë York. Ai është nismëtari i ndërtimit të Katedrales së Shën Palit në Tiranë. Sipas idesë së tij, ajo ka tri kënde, të cilat simbolizojnë bashkëjetesën midis tri feve në Shqipëri, fesë islame, ortodokse dhe katolike.

Kryepeshkopi Anastasios Janullatos, i lindur në vitin 1929, ishte Krypeshkopi i Tiranës, Durrësit dhe të gjithë Shqipërisë dhe Kreu i Sinodit të Kishës Autoqefale Ortodokse Shqiptare. Ai mbante edhe shumë tituj si anëtar i disa akademive. Emri i tij përmendej me shumë skepticizëm si uzurpator i fronit të kreut të Kishës Ortodokse Autoqefale Shqiptare, që dikur e pati themeluar Fan Noli dhe e mbajti gjallë Visarion Xhuvani. Në atë takim u diskutuan shumë çështje që kishin të bënin me paqen fetare dhe mbarëvajtjen midis feve të ndryshme. Në këtë rast u hap një diskutim, i cili e vlen të jetë i shënuar në këtë rrëfim.

PROPOZIMI PËR FENË E KATËRT MONOTEISTE BEKTASHIANE SHQIPTARE I KRYEPESHKOPIT ANASTASIOS JANULLATOS

Krerët e feve shqiptare, edhe pse ato janë vetëm tri të tilla, na dilte se “ishin” katër. Kryepeshkopi i Kishës Ortodokse Shqiptare tha se në Shqipëri ekzistojnë katër fé të ndryshme. Pas shumë diskutimesh duhej të nënshkruhej një rezolutë e përbashkët e feve monotesite. Sipas disa drejtuesve aty, shqiptarët duhej të nënshkruanin të katërt. Por në të vërtetë ne kishim tri fé, jo katër, pavarësisht se Dede Reshat Bardhi përfaqësonte një sekt liberal të islamit – pra bektashizmin. Dikujt i interesonte të shtohej një fé te shqiptarët. Kjo ishte një strategji që u binte për shtat atyre që përherë shqiptarët i kanë dashur të përçarë. Ky ishte rast i mirë për t’i konsideruar ata të ndarë në katër fé.

IMZOT RROK MIRDITA – PATRIOTI I PALËKUNDUR SHQIPTAR

Imzot Rrok Mirdita kërkoi pushim për një konsultim. Ai na mblodhi, Hafiz Sabriun, Dede Reshatin dhe neve të dy të Konsullatës, Orhan Zarshatin dhe mua. Ishte e vështirë situata, pasi kishim shumë merak se mos Dede Reshatit do t’i mbetej hatri, po të mos futej bektashizmi si fé më vete. Imzot Rrok Mirdita e shpjegoi shumë bukur dhe me një frymë të vërtetë kombëtare dhe patriotike. Pastaj Orhan Zarshati u ndal te historia e Kryegjyshatës dhe përse ajo, në vitin 1924, u zhvendos nga Stambolli në Shqipëri. Tek e fundit- tha ai, ndarja fetare midis shqiptarëve u shkon në favor armiqve të Shqipërisë. Dede Reshati menjëherë kërceu dhe tha:

BABA RESHAT BARDHI:

BEKTASHIZIMI NUK ËSHTË FE E VECANTË NË SHQIPËRI – UNË KURRË NUK PRANOJ TË BËHEM PJESË E NJË VEPRIMI, QË E DËMTON SADOPAK VENDIN TIM.

“Ju jeni njerëz të mençëm të atdheut tim. Ju e dini këtë punë më mirë se unë. Unë kurrë nuk pranoj të bëhem pjesë e një veprimi, që e dëmton sadopak vendin tim. Unë jam bektashi, jam besimtar i fesë islame, por para së gjithash jam shqiptar”.

Kështu u shmang përmendja në Rezolutën e Stambollit të Shqipërisë si vend me katër fé. Aty u shënua se Shqipëria ka tri fé monoteiste. “Dikush” ishte nismëtar i asaj teze antishqiptare në konferencë. Pas kësaj ai u largua kokëulur.

Shënim: Ajo farë e keqe egjre e asaj kohe duket se nuk ka qene rastësi. Të paktën le ta themi sepse për ta ndalur rrokullmën e kombit tonë duket se nuk do ta ndalim dot. Por të paktën të mos heshtim!

Mal Berisha

Tiranë, 23 Shtator 2024.

Në Elbasan është rritur interesi i të rinjve për të mesuar një zanat permes kurseve profesionale. Çdo vit 1500 praktikantë ndjekin programet e formimit profesional ku certifikohen në profesione në ndryshme, si kuzhine, estetike, etc.

Marrja e një zanati në kohë të shkurtër ka shtyrë shumë të reja të frekuentojnë kurset në Qendrën e Formimit Profesional në Elbasan. Më të kërkuarat mbeten profilet e estetikës dhe parukerisë, ndërsa djemte zgjedhin kursin për berber. Gjithashtu kuzhina është degë e preferuar dhe me numër të lartë kursantësh.

“Unë kam mbaruar fakultetin për inxhinieri ndërtimi dhe nuk gjeta punë në Elbasan. Pastaj vendosa të ndjek kursin për parukeri se e kam pasur pasion që e vogël, por edhe për faktin se gjen punë shpejt. Unë e kam provuar dhe jashtë por s’dua të largohem më! Do të mbaroj kursin dhe do punoj këtu, shpresoj të vetepunësohem”, tha Juliana Shëngjergji.

Në Qendrën e Formimit Profesional në Elbasan zhvillohen 65 kurse të profileve të ndryshme ,ndërsa numri i kursantëve të certifikuar në një vit i kalon 1500. Drejtuesi i Qendres flet për mundësitë e larta që kanë kursantët për tu integruar në tregun e punës në Shqipëri dhe jashtë saj.Dominon kursi i kuzhinës, më pas estetika dhe parukeria sepse është alternativë për vajzat që të vetëpunësohen. Moshat janë të ndryshme, nis nga 16-vjeç deri në 40 vjeç. Ne i çojmë dhe nëpër biznese që të marrin eksperiencë”, tha Krenar Xhemali, drejtor i QFP Elbasan.

Kursantët e kanë të garantuar vendin e punes, kjo për shkak të lidhjeve që ka qendra me me bizneset në qarkun e Elbasanit.

Një nënë dhe një vajzë janë ribashkuar – ku nuk kanë munguar as lotët – pasi 6-vjeçarja u zhduk në pyllin kanadez për tri ditë.

Sipas mediave të huaja, Oaklynn Schweder, e cila është përshkruar nga familja e saj si autike, u zhduk nga jashtë shtëpisë së saj në British Colombia të enjten e kaluar.

Si pasojë, ajo ishte endur e vetme nëpër pyll për tri ditë, duke shkaktuar një kërkim të madh me dronë, helikopterë dhe qen policie – të angazhuar për ta gjetur atë.

Por për fat të saj dhe të familjes së saj, Oaklynn u gjet të dielën – dhe ribashkimi i saj me mamanë Gail Skin ishte shumë emocionues.

Gail dhe babai James Schweder vrapuan në pyll përpara se nëna të merrte Oaklynn në krahët e saj, duke bërtitur dhe duke qarë për “vajzën e vogël”.

Gjashtë-vjeçarja thuhet se u mbështjellë me një batanije nga vullnetarët e kërkimit teksa duartrokitën për zbulimin e saj dhe ngushëlluan prindërit e saj.

Oaklynn nuk dukej se kishte ndonjë lëndim të dukshëm, por ajo u dërgua në një spital për kontrolle të mëtejshme.

Oaklynn, e cila mbush shtatë vjeç më 30 shtator, do të ketë ‘festën më të madhe të ditëlindjes’ për të festuar shpëtimin e saj, shtoi Gail.

Një takim me përfaqësues të Komunitetit Shqiptar në Greqi ka realizuar të djelën në mbrëmje kryebashkiaku i Athinës, Charis Doukas (Haris Dhukas). Në një klimë tepër miqësore, Doukas ka paraqitur edhe për komunitetin shqiptar e shqipfolës të Greqisë kandidaturën e tij për kryesinë e partisë së majtë PASOK, duke i ftuar të gjithë të jenë pjesë e zgjedhjeve partiake, më 6 tetor 2024.

Fjala e Kryebashkiakut të Athinës, politikanit të PASOK që fitoi rivalin e tij të fuqishëm, Kostas Bakojanis, nipin e kryeministrit Mitsotakis, me një rezultat surprizë e historik, ka hedhur tashmë hapin më të guximshëm deri më sot nga politikanët grekë. Fjala e Doukas ka prekur çështjet problematike të komunitetit shqiptar në Greqi, si vonesën e lejeve të qëndrimit, mohimit të pajisjes me nënshtetësi greke të brezit të dytë dhe të drejtën e pensionit për emigrantët që plotësojnë vitet e punës pa dallim nga vendasit, jo me justifikime apo sqarime, por realisht dhe me zgjidhje të prekshme. Doukas nuk ka hezituar aspak para të pranishmëve të bëhet jo zëri përballë, por zëri i tyre. Të befasuar të pranishmit kanë dëgjuar një politikan e kryebashkiak të adresojë problemet e tyre, me të njëjtin këndvështrim real e të qëndrueshëm të vetë banorëve emigrantë të Greqisë, mbi 3 dekada tashmë.

Për historikun, partia e majtë historike greke PASOK rizgjedh kryesinë me votime të hapura në dy të djelat e para të tetorit, 6 dhe 13 tetor, ku siç ka theksuar dhe Charis Doukas, të gjithë banorët e vendit duhet të bëhen pjesë e procesit zgjedhor. Ky është një shans për komunitetin emigrant të bëhen pjesë aktive e zhvillimit, një momentum që nuk duhet anashkaluar e humbur!

Drejtuar të pranishmëve, Doukas është referuar në kontributin e rëndësishëm të komunitetit tonë në Greqi, por edhe në historikun e vështirë si dhe problematikën e madhe e serioze me të cilën vazhdojnë të përballen, duke premtuar se do të jetë gjithmonë pjesë e zgjidhjes dhe e ndryshimit real.
Madje, ka dëgjuar me vëmendje ndërhyrjet e aktivistëve pjesëmarrës, duke reflektuar dhe pranuar të vërtetat e mëdha e shprehur entuziazmin për komunikimin e civilizuar akoma dhe në referimin e padrejtësive madhore ekzistente në Greqi si dhe kualifikimin e arritur, pavarësisht vështirësive, nga ky komunitet masiv.

Fjala e plotë

Charis Doukas është shprehur se: “Jam tepër i gëzuar që ndodhem mes jush, mes heronjve të vërtetë, që nuk hezituan në vitet e vështira 90’ të atdheut tuaj të rindërtojnë një strehë të sigurtë këtu për familjet e tyre. Mes jush që pavarësisht kushteve tepër të vështira, rifilluat nga zero dhe fituat të drejtën të ëndërronit e të jetonit ëndrrën tuaj. Punuat shumë fortë, e dimë që ju janë bërë shumë padrejtësi. Fëmijët tuaj ndjekin shkollat greke, shpresh u përballën me sjellje ekstreme, tepër të dënueshme, me probleme të mëdha.E dimë se çdo gjë e bëtë me shumë sakrifica. Por Ju ja dolët mbanë! Jo vetëm u integruat në shoqërinë greke, por ndihmuat Greqinë të ndërtojë ëndrrën e mirëqënies në dekadën e parë të viteve 2000. Gradualisht, u themelua një komunitet greko-shqiptar me fëmijë që u lindën në Greqi, por kanë rrënjë shqiptare e mbartin kulturën e të dy popujve. Ky brez, gradualisht e megjithë vështirësitë, ndryshoi realitetin. Sepse sot asnjë shqiptar nuk e fsheh më origjinën e tij. Kjo është arritja juaj, si dhe arritje e një përqindje të lartë të shoqërisë greke që ju mirëpriti me solidaritet të thellë.
Brezi i parë i shqiptarëve i përkiste thuajse plotësisht klasës punëtore, brezi i dytë dhe tashmë jemi në prag të brezit të tretë, studoi dhe arriti të sundojë fenomenin e mobilitetit shoqëror.

Ky brez është inisiator dhe novator, dallon kudo, në shkollat tona apo në profesionin e zgjedhur.
Sot jeni një pjesë e pandarë e shoqërisë greke!
Por akoma ka probleme. Komuniteti shqiptar në Greqi përbëhet nga thuajse 400.000 anëtarë, mbi 100.000 prej jush akoma nuk kanë leje qëndrimi dhe jetojnë në një sistem pasigurie e përkohshmërie. Sepse statusi i ligjshmërisë për shumë prej jush mbetet pezull apo i paqartë.
Shqyrtimi i kërkesave për leje qëndrimi vonon jashtëzakonisht, si për shkak të rritmeve të ulta të punës së shërbimeve kopetente të administratës, ashtu edhe për shkak të pamundësisë në plotësimin e kritereve për to. Kriteret për shumë prej jush janë të tepruara, sepse kështu është natyra e punësimit tuaj, llojet e profesioneve që kanë shumica e brezit të parë, në ndërtim, shtëpitë greke dhe bujqësi.
Për më tepër, fëmijët, brezi i dytë i emigrantëve, të integruar plotësisht në shoqërinë greke, nuk kanë përfituar akoma nënshtetësinë greke, edhe pse jetojnë këtu mbi 20 vjet.
Problem madhor mbetet fakti që Greqia nuk arriti të adoptojë politika emigracioni rezultative, jo për asimilimin, por për integrimin e qindra mijra shqiptarëve emigrantë.

Por ndoshta problemi më madhor për ju është çështja e pensionit, për përqindjen më të lartë të pensionistëve nuk është zbatuar akoma amendamenti i uljes së viteve të kërkuara për pensionin bazë nga 40 vite në 30 vite. Me mijra pensionistë humbasin pensionin për shkak të një vonese duke shkaktuar një pakënaqësi plotësisht të justifikuar. Siç shumë prej jush humbasin pensionin për pak muaj dhe pak ditë sigurimi shoqëror. Këto janë çështjet që duhet të jenë në epiqendër të komunikimit Greqi-Shqipëri.

Të diskutohen e të jepen zgjidhje për njerëzit që u sakrifikuan kaq ashpër, shumë vite. Këto çështje janë pjesë e axhendës sonë. Sepse janë çështje të shumë njerëzve për të cilët ne kujdesemi. Në 6 tetor sëbashku bëjmë një restart. Të ndryshojmë shumë në PASOK dhe në Vendin tonë.
Filozofia jonë bazë është në epiqendrën e politikës dhe politikanëve të rivendoset Njeriu, të gjithë ju. Të evidentojmë problemet dhe të japim zgjidhje të shpejta e rezultative. Në këtë përpjekje ju duam pranë. Votoni edhe ju në 6 tetor. Por ju duam pranë edhe ditën e nesërme, pas zgjedhjeve. Të diskutojmë së bashku, të vendosim bashkë e të japim zgjidhjet bashkë.
Nuk duam të vendosin të tjerë për ju, pa ju. Takimi ynë në 6 tetor të bashkojmë fuqitë e të rizgjojmë shpresën” ka përfunduar fjalën e tij para shqiptarëve të Greqisë, Charis Doukas.

Aktiviteti është organizuar me inisiativën e aktivistit dhe anëtarit të PASOK, Greqi dhe PS Shqipëri, z. Anastas Murati, ndërsa është prezantuar nga Ira Londo, sekretare e Këshillit Koordinues të Diasporës.

Presidenti turk Rexhep Tajip Erdogan ashtu si dhe liderë të tjerë nga e gjithë bota ndodhet në SHBA për të marrë pjesë në punimet e Asamblesë së OKB.

Por ndryshe nga homologët e tij, Erdogan ka marrë të gjithë vëmendjen e mediave, pasi autokolona e tij e sigurisë ka paralizuar Nju Jorkun më 20 shtator.

Duke vizituar metropolin për Asamblenë e Përgjithshme të 76-të të Kombeve të Bashkuara, Erdogan u pa duke lëvizur në një rrugë të Manhatanit me autokolonën që përfshinte disa limuzina luksoze, furgonë të blinduar, motorë, fuoristrada të blinduara dhe ambulancash “Mercedes Benz”.

Parakalimi luksoz i Erdogan është kritikuar nga ligjvënësi kryesor i opozitës, nga Partia Popullore Republikane (CHP), Tuncay Ozkan.

“Mbetje në shtet, mbeturina në botë”, shkroi Ozkan, krahas videos, duke iu referuar citimit të Mustafa Kemal Ataturkut: “Paqe në shtet, paqe në botë”.

Sakaq vlen të nënvizohet se Presidenti i Turqisë shpesh udhëton me një numër të lartë shoqëruesish, ndërsa komponenti “i ndryshëm” në buxhetin e Presidencës që mbulon edhe udhëtimet zyrtare për 2024 ishte dhjetë herë më i lartë se ai i 2021.

Nga rreth 9.8 miliardë lira turke që u caktua në fillim të vitit fiskal 2021, shpenzimet për këtë kategori kapërcyen në 83 miliardë lira në fund të gushtit.

Erdoğan'ın ABD konvoyu…

Yurtta israf, cihanda israf. pic.twitter.com/soneyICNte

— Tuncay ÖZKAN (@ATuncayOzkan) September 20, 2021

Këngëtari dhe regjisori turk, Metin Arolat, vdiq gjatë performancës së tij në Kozyatagi, siç raportuan mediat lokale.

Ai ishte 52-vjeçar.

Edhe pse ndjeu dhimbje dhe mpirje të dorës, ai vazhdoi performancën, por pësoi një atak në zemër.

“Krahu im i majtë është mpirë”, tha ai pak para se të rrëzohej.

Një infermiere nga audienca nxitoi për ta ndihmuar dhe thirri një ambulancë.

Pavarësisht ndërhyrjes së ambulancës dhe përpjekjeve për shpëtimin e tij, Arolat ndërroi jetë rrugës për në spital.

Miku i tij i ngushtë, Demet Sagiroglu bëri një deklaratë për mediat jashtë spitalit dhe zbuloi se dyshonte se shëndeti i tij ishte ndikuar nga dieta.

“Ai ishte një shok i imi shumë i ngushtë, si një vëlla. Ai ishte në dietë… U përkeqësua pasi ai doli në skenë”, tha ajo.

Përveç këndimit, Arolat ishte i njohur për punën e tij pas kamerës dhe bashkëpunonte me shumë artistë turq.

Gazetarja dhe influencerja, Diletta Leota, me 9 milionë ndjekës në rrjetet sociale, është rikthyer në punë më energjike se kurrë pas lindjes së fëmijës dhe martesës me portierin gjerman Loris Karius.

Sportistja bukuroshe ishte dje në fushë së bashku me ish-futbollistët Christian Vieri dhe Massimo Ambrosini, për të komentuar derbin e ‘della Madonnina’ mes Inter-Milan.

Mirëpo bukuroshja ka tërhequr vëmendjen në këtë ndeshje me pamjen e saj.

Ajo është shfaqur në “top” formë e veshur me një fustan ngjyrë kafe të errët që i nxirrte në pah format “perfekte” trupore.

Një lajm i bujshëm vjen nga La Liga. Portieri i kombëtares shqiptare Etrit Berisha mund të vishet blaugran.

Pas dëmtimit të rëndë që pësoi portieri gjerman Andre ter Stegen, i cili do ta lërë jashtë fushave për 8 muaj, Barcelona është hedhur menjëherë në sulm në kërkim të një zëvendësuesi.

Mes shumë emrave që përmenden është edhe ai i gardianit kuqezi Etrit Berisha.

“Berisha ka një karrierë të gjatë në Serie A dhe një vend të padiskutueshëm në kombëtaren shqiptare”, shkruan Mundo Deportivo.

Klea Prenga, e cila u dhunua brutalisht nga ish-banorja e Big Brother Antonela Berishaj në një lokal në Tiranë, pas një konflikti për partnerin e motrës së saj Mariela Berishaj, ka reaguar sërish në rrjetet sociale.

Ajo ka bërë një shkrim pas reagimit që bëri në InstaStory nëna e tyre, Donika Marashi. Klea bëri një postim, në të cilin publikoi një koment të së ëmës, ku e kishte ofenduar rëndë. Por jo vetëm kaq, Klea ve theksin tek një fenomen mjaft shqetësues që shumë njerëz hasin sot. Ajo shprehet se pas dhunës, ka marrë një sërë fyerjesh dhe denigrimesh ne rrjete nga profile false. 

“Marr shkak të bëj këtë postim pasi mamaja e dy personave që kryen sulmin brutal ndaj meje ka vendosur të postojë në Instagram Story një deklaratë ku përmend faktin që distancohet publikisht nga çdo adresë që është hapur për të denigruar palën tjetër që jam unë.

Kjo e njëjta person, në momentin kur unë publikova fotot e plagëve pas sulmit, ishte një ndër komentueset e para, koment të cilin e fshiu brenda 5 minutash. Ajo përdori një gjuhë të degjeneruar dhe të pahijshme kundër meje dhe motrës time, duke vërtetuar se fjalët dhe veprimet e saj janë krejt të ndryshme nga ajo që pretendon publikisht. Po i rikujtoj zonjës komentin e saj dhe fjalorin e përdorur me foton më poshtë.

Prej disa javësh, jam përballur me dhjetëra profile të rreme në TikTok të hapura nga i njëjti person, të cilat postojnë komente fyese dhe denigruese ndaj meje në mënyrën më të ulët të mundshme. Për më tepër, janë postuar edhe foto të familjarëve të mi. Unë qëndroj gjithmonë e hapur dhe e sinqertë përballë publikut, pa u fshehur pas identiteteve të rreme. Ndryshe nga disa njerëz, unë nuk përdor fjalë të ulëta apo komente fyese për t’u mbrojtur apo për të sulmuar dikë tjetër. E vërteta ime është publike dhe e qartë për këdo që ka parë dhe të shohë faktet. Drejtësia dhe e vërteta gjithmonë dalin në dritë, pavarësisht se sa kohë mund të marrë”, shkruan ajo.