Category: Lajme

“Shteti sovran i bektashinjve” në Tiranë, tashmë ka edhe faqen e vetë në Wikipedia, enciklopedinë më të madhe në internet.

E çuditshme është se kjo faqe është ngritur dhe formuar menjëherë brenda pak orëve, teksa lajmin për planin e shtetit sovran të bektashinjve e dha kryeministri Edi Rama për New York Times.

Faqja e “Shtetit Sovran Bektashi” në gjuhën angleze ka informacion të saktë që përputhet me ato çka ka deklaruar Rama, madje edhe detaje se si do të funksionojë, sipërfaqen që do të ketë, monedhën që do të përdorë e të tjera.

“Krijimi i qeverisë do të kërkojë miratimin e Kuvendit të Shqipërisë. Baba Mondi, bektashi Dedebaba, deklaroi se do të shërbente si kreu i vendit në rolin e tij si udhëheqës shpirtëror, ndërsa theksoi se shteti nuk do të mbajë ushtri, roje kufitare apo gjykata. Shteti është planifikuar të lejojë konsumimin e alkoolit dhe t’i lejojë gratë të vishen si të duan, në kontrast me teokracitë më konservatore islame”, thuhet në faqen e Wikipedia.

Faqja në Wikipedia për Shtetin Sovran të Bektashinjve

“Për Shqiptarët” është spektakli i madh emocionues në Top Channel, ku në qendër vendosen njerëzit e thjeshtë me historitë e tyre frymëzuese.

Një program që bën bashkë shqiptarët për të shpëtuar jetë, për të strehuar një famije, për të realizuar një ëndërr, për të dhënë kurajë.

Vetëm një javë më parë është prezantuar një promo e emisionit, ku pjesë e saj do të jetë edhe Elvis Naci, teolog dhe Imam shqiptar. Ai ishte drejtor i predikimit islam në Bashkësinë Islame të Shqipërisë, e cila vepron në Xhaminë e Tannerëve në Tiranë dhe është themelues dhe president i Fondacionit Kulturor Jofitimprurës Firdeus.

Por kjo nuk ishte supriza e vetme e këtij emisioni. Vetëm pak më parë një tjetër promo e emisionit është publikuar nga faqja zyrtare e Instagramit të Top Channel. Marina Vjollca rikthehet në Top Channel në moderimin e “Për Shqiptarët” nga e premtja në orën 21:00.

https://www.instagram.com/reel/DAQ_Bxft-BS/embed/captioned/?cr=1&v=14&wp=961&rd=https%3A%2F%2Fwww.voxnews.al&rp=%2Flifestyle%2Fmarina-vjollca-rikthehet-ne-top-channel-publikohet-video-e-emisionit-t-i74974#%7B%22ci%22%3A0%2C%22os%22%3A1838%2C%22ls%22%3A599%2C%22le%22%3A1762%7D

Ndeshja e Europianit mes Spanjës dhe Gjermanisë shkaktoi bujë të madhe, pikërisht për një prekje me dorë në zonë të mbrojtësit iberik, Cucurrella. Arbitri Taylor nuk akordoi penallti për gjermanët, pavarësisht kontestimeve dhe protestave.

Së fundmi, Komisioni i Arbitrave të UEFA-s informoi gjyqtarët ndërkombëtarë se kemi të bëjmë me një gabim, pasi 11-metërshi në favor të “Panzerave” duhej të ishte akorduar. Pasi u analizua rasti dhe u pa me detaje, Komisioni i Arbitrave të UEFA doli në këtë konkluzion, këtë të hënë.

Sipas asaj që bëhet e ditur, gjyqtari Taylor nuk është fajtori i vetëm, në atë rast mungon edhe thirrja e VAR. Gjithsesi, koha nuk kthehet mbrapa dhe për ndeshjen në fjalë nuk mund të ndërmerret asnjë veprim.

(J.S/BalkanWeb)

Dashi

Zakonisht nuk keni probleme të tilla, por gjatë kësaj të marte do të keni një bllokim në komunikim, ndoshta për shkak të një personi që do ju prish humorin, me mënyrën e tij të sjelljes.

Demi

Një mesazh, një shenjë shprese nga dikush që ndan dashurinë me ju, do ju bëjë që të zhdukni çdo distancë. Më në fund do të gjeni unitetin e shumëkërkuar, për të vijuar bashkë.

Binjakët

Mund të merrni një shumë parash dhe të keni diçka në dorë. Do të shpërbleheni nga dikush si shenjë mirënjohje për përkushtimin e treguar, ose ndoshta thjesht sepse ka dëshirë që t’iu bëjë një dhuratë.

Gaforrja

Kundërshtia e yjeve gjatë kësaj të marte, do të sjellë lajme lidhur me fushën e ndjenjave. Kështu raportet me njerëzit tuaj të dashur, do të riformulohen ose plotësohen.

Luani

Kjo ditë parashikohet të jetë tejet pozitive. Por në mbrëmje do të keni më shumë mundësi për tu relaksuar, si dhe do të keni një takim interesant me një njeri që e keni përzemër.

Virgjëresha

Gjithë ata që do të kërkojnë rritje rroge, ka shumë mundësi që të korrin sukses gjatë kësaj të marte. Dialogu do të jetë mjaft i favorizuar dhe ju do të ndiheni të motivuar.

Peshorja

Këshillohet që ta shtrëngoni më shumë dorën dhe të kurseheni. Kjo pasi mund të përballeni me të papritura, të cilat duhet të dini si ti përballoni.

Akrepi

Kontrolloni mënyrën tuaj të reagimit. Kjo pasi acarimi juaj rrezikon që t’iu humbë të drejtën, edhe në rast se e keni. Më shumë vetëkontroll!

Shigjetari

Është fakt se tashmë jeni të lodhur nga sforcimet e së kaluarës dhe kjo gjë ju ka krijuar një gjendje konfuziteti. Do të jeni të pazotët për të menduar qartësisht.

Bricjapi

Gjithë ata që janë të përfshirë në çështje ligjore, nuk duhet të presin zhvillime pozitive në këtë drejtim, shkruan noa.al. Por nga ana tjetër nuk duhet të humbin durimin dhe besimin.

Ujori

Në pjesën e parë të ditës, mund të ndiheni të mposhtur nga një lodhje e akumuluar prej kohësh. Me kalimin e orëve situata do të vijë drejt përmirësimit.

Peshqit

Fati do të shfaqet në një mënyrë tjetër, si një ide shumë e mirë praktike, ku nëse e përdorni siç duhet, do të siguroni një shumë të konsiderueshme parash në të ardhmen. Bëjini sytë katër!

Nisma e kryeministrit Edi Rama për krijimin e një shteti sovran Bektashi në Tiranë është analizuar edhe në mediat turke.

Në gazetën Sabah, Melih Altinok pyet: “A është shteti bektashi një projekt i Izraelit?”.

Është ky titulli i shkrimit të tij, i cili i është referuar një analisti për ta pyetur se ç’fshihet pas këtij shteti, shpallur menjëherë pas vizitës historike në Shqipëri të presidentit izraelit.

“Kryeministri i Shqipërisë, Edi Rama, njoftoi se do të krijojnë një formacion me emrin ‘Shteti Sovran i Bektashinjve’ në kryeqytetin Tiranë, që është pika kryesore e axhendës. Sipas një artikulli në New York Times, Kryeministri Rama dëshiron t’u ofrojë bektashinjve një enklavë si ajo e Vatikanit për të promovuar tolerancën fetare.

Të gjithë filluan të diskutojnë me habi këtë zhvillim, me Euronews që e quajti “aty ku alkooli do të jetë i lirë”, duke pyetur njëherësh se ‘Nga erdhi ky shtet bektashi?’.

Unë e pyeta Osman Atalay, një nga emrat më të njohur në këtë fushë, se çfarë ndikimesh do të kishte një iniciativë të tillë mbi Turqinë.

Përfundimet që nxora nga shpjegimet e detajuara të Atalay-t janë këto:

Shqipëria, me popullsinë e saj muslimane prej tre milionësh, në bregun e Adriatikut dhe fqinjësinë me Greqinë, është një vend strategjik që tërheq vëmendjen e të gjithëve.

Në vend ka afërsisht 5% popullsi bektashie, mbi të cilët Irani ka pasur disa aktivitete. Megjithatë, bektashinjtë janë më afër SHBA-së.

Ky projekt nuk është një çështje që zgjidhet nga sot për nesër. SHBA dhe Izraeli kanë 30 vjet që ushtrojnë aktivitete ndikimi në Ballkan.

Një djalë i George Soros ka aktivitete të shumta në Shqipëri përmes Fondacionit ‘Open Society’.

Vizita e presidentit të Izraelit në Shqipëri së fundmi nuk duhet injoruar. Herzog u takua gjithashtu me liderin e tarikatit bektashi në Shqipëri, Baba Mondi, i cili ka një histori të dyshimtë, si dhe me numrin dy të KMSH-së.

Në këtë rajon, me një histori 600-vjeçare, nuk duhet të nënvlerësohet ‘operacioni i rrethimit’ të Turqisë”.

Një 50-vjeçar në Itali ka rrëfyer vrasjen e nënës së tij, live në televizion, 24 orë pas ngjarjes së rëndë.

Lorenzo Carbone, ishte në kërkim nga policia pasi kishte dyshime se mund të ishte autori dhe në momentin që ka qenë duke u kthyer në shtëpi, një gazetar e ka pritur para derës.

Kur ai është afruar, gazetari i ka dalë përpara dhe ndërsa kanë qenë në transmetim live ai ka treguar se ishte autor i vrasjes së nënës së tij.

“Nuk e di pse e bëra”, ka deklaruar ai, ndërsa dukej që ishte i penduar.

Më pas ai ka treguar me detaje se si e ka mbytur nënën e tij, me lak, pasi ka provuar mënyra të tjera.

“Nuk e di pse e bëra,” përsëriti ai duke qarë.

Loretta Levrini u gjet pasditen e djeshme nga vajza e saj, rreth orës 17:00, kur ajo shkoi për ta vizituar si çdo fundjavë.

Gruaja e moshuar ishte në shtrat, e mbytur me lak, me sa duket gjatë mëngjesit të së dielës.

Pas rrëfimit, gazetari ka njoftuar policinë. Autoritetet kanë mbërritur dhe e kanë vënë në pranga 50-vjeçarin.

Gazetari Artan Hoxha, ka qenë i ftuar në një emision televiziv ku ka folur për shtetin e ri bektashi që ka propozuar Edi Rama.

Hoxha tha se kjo nismë nuk ka lidhje me bektashinjtë dhe se është ide e Edi Ramës. Madje ai shtoi se është ide e një personi që qëndron mbi Edi Ramën.

“Kjo nuk është një nismë e bektashinjve. Bektashinjtë kanë ndihmuar për formimin e shtetit shqiptar dhe janë në shtetin e tyre. Këtë gjënë tjetër, e ka kërkuar Rama dhe dikush tjetër pas Ramës.

Ky nuk është shteti i baba Mondit, por shteti i Baba Edit!

Të presim të vijë kryeministri këtu dhe do ta marrim vesh hap pas hapi. Nuk duhen stigmatizuar bektashinjtë me këtë histori, kjo është histori e Baba Edit.

Unë i përkas atij besimi. Në Greqi teqeja ka 3 mijë hektarë dhe shteti grek nuk e njeh atë pronë”, tha Hoxha

Ende nuk kemi gjurmë të dy motrave Berisha të cilat disa javë më parë dhunuan në mënyrë brutale Klea Prengën.

Nëpërmjet një reagimi të bërë prej të dhunuarës mbrëmjen e sotme, janë zbuluar ofendimet që e ëma e motrave Berisha i ka drejtuar Kleas në momentin që ajo publikoi pamjet e plagëve në rrjete sociale.

Ky veprim i Kleas ka ardhur pas një reagimi që e ëma e motrave Berisha ka bërë në llogarinë e saj personale të Instagram-it.

Donika Marashi (e ëma e motrave Berisha) rrëfehet se ka denoncuar të gjitha adresat që kanë përdorur imazhin e saj dhe të Antonelës dhe Marielës, duke theksuar se as për mbështetje dhe as për të denigruar nuk pranon të hapen adresa për to.

Pra lë të nënkuptohet se po distancohet prej adresave të cilat shajnë të dhunuarën, Klea Prengën.

Mirëpo nga ana tjetër Klea shprehet se Donika Marashi ka qenë ajo që e ka ofenduar e para me fjalë të cilat i keni të paraqitura në imazhin e mëposhtëm:

Kina u ka kërkuar qytetarëve të saj të largohen nga Izraeli në mes të tensioneve në rritje për luftën e Tel Avivit në Gaza dhe bombardimet e Libanit jugor.

Një deklaratë e Ambasadës Kineze në Tel Aviv tha se situata në kufirin Izrael-Liban ishte “shumë e tensionuar, konfliktet ushtarake ndodhin shpesh dhe situata e sigurisë lokale në Izrael mbetet e rëndë, komplekse dhe e ndryshueshme”.

“Qytetarëve kinezë në Izrael u kërkohet të kthehen në Kinë ose të lëvizin në zona të sigurta sa më shpejt të jetë e mundur”, tha ambasada në deklaratën e lëshuar të dielën vonë.

Ambasada u kujtoi qytetarëve kinezë në Izrael që “t’i kushtojnë vëmendje zhvillimit të situatës, të jenë më vigjilentë, të jenë të përgatitur për të parandaluar të gjitha llojet e sulmeve si raketat, raketat dhe dronët, të forcojnë efektivisht masat paraprake të sigurisë”.

“Ata që me të vërtetë duhet të qëndrojnë në Izrael duhet t’u kushtojnë vëmendje këshillave lokale të sigurisë në kohën e duhur, të këmbëngulin të mos dalin jashtë nëse nuk është e nevojshme, të shmangin shkuarjen në zona me rrezik të lartë dhe zona të ndjeshme si veriu, të mbajnë kontakte dhe të sigurojnë sigurinë”, shtoi ai.

Programi më i suksesshëm i dashurisë, që ka thyer rekorde shikueshmërie, rikthehet në ekranin e Top Channel nën moderimin e Megi Pojanit. Sezoni i gjashtë televiziv premton një “reality show” suprizues, duke parë interesin e shtuar në audicione të të rinjve.

Konkurrentja e parë e këtij sezoni është bukuroshja kaçurelse nga Kosova, 22 vjeçarja, Ketrina Gashi.

Në një takim disa minutash me një nga djemtë konkurrentë, ku iu përgjigjën disa pyetjeve, Ketrina u shpreh se ishte virgjër, përgjigje e cila ndezi debat në studio mes Xhonit dhe Zhaklinës. Edhe pse në fund Ketrina u shpreh se ishte një shaka.

Ketrina: jam e virgjër

E kam unë fatin e madh? kur fole epr vith

Zhaklina: Mendon se është fat?

Xhoni: Deri diku po, ndihem me fat që mund të jem i pari për vajzën…në atë moshë që është Ketrina e paprekur siç thotë mund të ketë një marrëdhënie më më të shëndetshme

Zhaklina: Pse ato goca që nuk janë më nuk mund të kenë më marrëdhënie të shëndetshme?

Megi: Ti Ketrina thua që je e virgjër dhe Xhoni është entuziastë

Ketrina: Unë e mora si shaka

Megi: Po nuk ishte e vërtetë?

Ketrina: Nc

Megi: U zhgënjyem

VIDEO