Category: Lajme

Gjykata Kushtetuese ka vendosur në favor të kryebashkiakut të Tiranës, Erion Veliaj, duke rrëzuar vendimet e Këshillit të Ministrave dhe Presidentit lidhur me shkarkimin e tij.

Në seancën plenare të 31 tetorit 2025, e kryesuar nga Holta Zaçaj dhe me pjesëmarrjen e të gjithë anëtarëve, Gjykata shqyrtoi kërkesën e Veliajt, përfaqësuar nga avokatët Alban Dokushi dhe Ermal Yzeiraj. Subjekte të interesuara në proces ishin Presidenti i Republikës dhe Këshilli i Ministrave.

Me shumicë votash, Gjykata pranoi kërkesën e Veliajt dhe shfuqizoi vendimin nr. 539, datë 25 shtator 2025 të Këshillit të Ministrave për shkarkimin e tij, duke e konsideruar të papajtueshëm me Kushtetutën. Po ashtu, u shfuqizua edhe dekreti nr. 350, datë 1 tetor 2025 i Presidentit për caktimin e datës së zgjedhjeve vendore në Tiranë, për pjesën që lidhet me Bashkinë e kryeqytetit, për shkelje të neneve 115, pika 2 dhe 3 të Kushtetutës.

Vendimi parashikon gjithashtu vazhdimin e pezullimit të efekteve juridike të dekretit presidencial për zgjedhjet në Tiranë, deri në hyrjen e këtij vendimi në fuqi.

Ky vendim është përfundimtar dhe hyn në fuqi menjëherë pas botimit në Fletoren Zyrtare; u mor më 3 nëntor 2025 dhe u shpall më 12 janar 2026.

Në vendim shkruhet: “Vendimi i Këshillit të Ministrave, i cili ka marrë për bazë vetëm faktin e mungesës tremujore në detyrë, nuk ka analizuar shkakun, rrethanat dhe as ndikimin e mungesës në ushtrimin e detyrës, duke mos vlerësuar nëse kjo situatë rridhte nga veprimet ose mosveprimet e vet kryetarit dhe nëse ajo mund të konsiderohej shkelje e rëndë e Kushtetutës ose e ligjeve.

Megjithatë, duhet vënë në dukje se është e mundur që mosparaqitja në detyrë për një periudhë të pandërprerë tremujore të përbëjë shkelje të rëndë në ushtrimin e detyrës nga kryetari i bashkisë, por gjithnjë kur ai mund dhe duhet të mbajë përgjegjësi, në ndryshim nga rasti konkret, ku kërkuesit nuk i atribuohet asnjë lloj përgjegjësie juridike. Në këtë rast shkelja e rëndë ka të bëjë me mospërmbushjen thelbësore të detyrës me vullnetin e tij, duke mbajtur në konsideratë se kryetari i bashkisë është organ ekzekutiv monokratik”.

Si çdo fillim jave, yjet sjellin mesazhet e tyre, por këtë herë parashikimet vijnë me paralajmërime dhe surpriza që nuk duhen neglizhuar.

Astrologia Meri Shehu ka parashikuar një javë plot kontraste: premtime të mëdha që rrezikojnë të mbeten fjalë, debate të forta në mesjavë dhe një fundjavë që për shumë shenja mund të kthehet në shpëtim.

Lëvizja e Afërditës dhe përplasjet planetare pritet të ndikojnë fort në dashuri, ekonomi dhe punë. Cilat shenja duhet të bëjnë kujdes me atë që thonë dhe çfarë premtojnë, dhe kush përfiton më shumë nga energjitë pozitive të fundit të javës?

“Kjo është një javë interesante, është java që i paraprin hënës së re. Kemi një lidhje pak të vështirë pas dy ditësh mes Mërkurit në Bricjap dhe Jupiterin në Gaforre, kështu që është premtuese, premton shumë, por ka edhe fjalë shumë të mëdha. Shumë njerëz mund të premtojnë shumë gjëra, por mund të mos i mbajnë dot. Kemi kapërcimin e Afërdita nga shenja e Bricjapit në shenjën e Ujorëve dhe ky është një lajm i mirë për shenjat e ajrit, të cilët do të kombinohen bukur me Afërditën në shenjën e Ujorit. Fundi i javës do të jetë më i miri nga të gjitha, sepse Afërdita para se të dalë nga Bricjapi do të bëjë një lidhje shumë të bukur me Uranin në Dem”, tha astrologia Meri Shehu për “Tv Klan”.

Dashi, 2 yje: Do të përmirësohen në fund të javës nga ana ekonomike, ose nga jeta sociale, por mesi i javës do të jetë me shumë debate dhe sherre sa i përket karrierës dhe familjes. Kështu që shumë Dashë duhet të kenë shumë kujdes se çfarë debatojnë, çfarë premtojnë dhe thonë, sidomos në njerëzit e dashur, sepse mund të dalin jashtë premtimeve dhe t’i mërzisin. Në raport me eprorët dhe me ligjin kujdes në mesjavë, data 14-15.

Demi, 4 yje: Afërdita para se të dalë nga Bricjapi, që është një shenjë pozitive për Demët, për komunikime me jashtë, për punë dhe udhëtime. Afërdita do të bëjë një lidhje shumë të bukur me Uranin në shenjën e Demit, dhe të gjithë ata të lindur në 10 ditëshin e tretë do të marrin shumë përparësi në plane dhe në projekte, në jetë personale dhe ekonomi. Pavarësisht se do të kenë debate në mesjavë, kryesisht në punë, fundi i javës i rregullon.

Binjakët, 3 yje: Janë zhytur kokë e këmbë në çështjet e ekonomisë, do të kenë një debat në mesajvë për çështje ekonomike. Por, më pas Afërdita futet në Ujor dhe do u japë një avantazh shumë të mirë ligjor, një punë të re dhe komunikime me jashtë. Pak para se të futen në Ujor nga data 17 do të marrin një lajm të mirë sa u takon punëve në përgjithësi dhe do i vënë vulën një çështjeje ekonomike.

Gaforrja, 1 yll: Edhe pse kanë Jupiterin në shenjën e tyre dhe pretendohej shumë. Disa situata kanë dalë jashtë kontrollit për Gaforret sidomos tani, e deri në fund të janarit. Duhet pak kujdes nga Gaforret në këtë periudhë kryesisht, sepse shumë planetë në Bricjap janë në kundërshtim me Gaforren dhe Jupiterin e tyre. Ka vënë në dyshim shumë veçori për Gaforret, prandaj kjo javë dhe kryesisht mesi i javës është i vështirë për Gaforret në projekte pune dhe personale, martesa dhe çështje ligjore.

Luani, 2 yje: Do ju dalë përballë Afërdita në fundjavë, pasi do të shkojë në Ujor, kështu që shumë Luanë do merren për të ekuilibruar një situatë pune, ose një bashkëpunim të rëndësishme. Por, kanë një prapaskenë nga data 14-15, e cila bëhet në një subjekt pune për ta. Do jetë një prapaskenë pune e vështirë, ku duhet të presim fundin e javës për t’i rregulluar situatat.

Virgjëresha, 4 yje: Janë shumë më komode në këtë periudhë, sepse shumë planete kanë dhënë një stabilitet, një ecuri dhe lajme të mira në jetën personale dhe në projekte. Por, është momenti që nga data 14-15 disa gjëra duhet t’i sqarojnë dhe diskutojnë, sidomos në bashkëpunëtorë që lidhen me çështje pune. Është një sqarim i thellë, por përfundimtar për disa situata dhe sqarime pune. Do të kemi një rritje ekonomike në fundjavë dhe lajme të mira për Virgjëreshat.

Peshorja, 3 yje: Duhet të presin datën 18 për një rishikim të mirë të një investimi, ose të një çështjeje ekonomike, blerjen e një shtëpie, apo hapjen e një pune dhe fillim e një pune. Përndryshe data 14-15 i nxjerr jashtë loje dhe lajmet nuk i kanë shumë të mira sa u takon bisedave, lajmeve, kontratave, ose çështjeve që kanë me eprorët. Pra është pak e çorientuar dhe e çekuilibruar data 14-15.

Akrepi, 3 yje: Në fundjavë kemi kapërcimin e Afërditës në shenjën e Ujorit do të merren me çështje familjare dhe do të ndjehen shumë mirë, do rregullojnë, do arredojnë, por edhe do bashkëjetojnë. Fillojnë disa bashkëjetesa, por edhe biznese familjare, të cilat marrin drejtim të mirë. Akrepët e lindur në dhjetëditëshin e tretë do të kenë lajme shumë të mira, në bashkëpunime dhe njohje të  reja.

Shigjetari, 4 yje: Në fillim të javës dhe në datat 14-15 do të kenë shumë përballje, sepse Mërkuri bën një lidhje shumë të vështirë me planetët në Bricjap dhe çështjet ekonomike duket sikur kanë marrë tatëpjetën dhe nuk po i mbajnë dot. Por, do të kenë lajme të mira në fundjavë, e cila do i stabilizojë me një punë.

Bricjapi, 5 yje: Kanë shumë planete në shenjën e tyre. Megjithatë kanë përballë Jupiterin, që do të thotë se disa situata edhe ata nuk i kontrollojnë dot, kështu që ka disa njerëz që kërkojnë më shumë nga ata. Shumë Bricjapë do të kenë shanse të mira në këtë periudhë për të rregulluar edhe një çështje ekonomike dhe personale.

Ujori, 3 yje: Futet Afërdita në shenjën e tyre, por për momentin janë shumë planetë në Bricjap dhe një çështje pune do të jetë tema kryesore për Ujorët. Kjo çështje pune do të diskutohet në datën 14-15, disa Ujorë mund të ngelen pa punë, disa të tjerëve do u ngelet një punë në mes dhe disa të tjerë do e kenë të vështirë që të pranojnë kushtet e një pune. Sapo të kapërcejë kjo fazë shumë Ujorë do të marrin një hov qoftë në bashkëpunime, qoftë në punë dhe çështje ekonomike. Duke ndryshuar jeta e tyre në tërësi.

Peshqit, 3 yje: Peshqit më romantikët e kësaj jave do të bëjnë një debat të fuqishëm në datën 14-15. Por, çdo gjë do të rregullohet në fundjavë pastaj, ku Peshqit me Neptunin në shenjën e tyre, me Saturnin akoma në shenjën e tyre dhe lidhja e bukur që do të bëjë Afërdita në Bricjap do të kenë një mbështetje të bukur.

Mbrojtësi i Kombëtares Mario Mitaj po lakohet gjithmonë e më shumë për largimin nga Al-Ittihad, sikurse prej Lindjes së Mesme.

Gazetari sportiv i “SuperSport” Jurgen Zela, ka qenë në një lidhje live me emisionin “Kubi sportiv”, duke befasuar jo pak për lajmet e fundit që lidhen me Mitajn.

“Do të ishte një lajm i mirë nëse Mario Mitaj do të kalonte ligat kryesore të Evropës. Ka pasur interesim nga Sunderland, por një lajm tjetër që kam mundur të lexojë në platformën ‘X’, është edhe Atletico Madrid.

Skuadër, e cila mund të jetë në garë për të siguruar shërbimet e mbrojtësit nga Malësia e Madhe. Mos të harrojmë, është vetëm 22 vjeç, ka luajtur 28 ndeshje me Kombëtaren.

Padyshim, e ardhmja e tij do na gëzojë të gjithëve, sepse pritet të ketë rritje profesionale të ndritur”, tha Zela.

“SPAK do arrestojë Flamur Nokën”, u shpreh Alesia Balliu, e ftuar në Report Tv.

Juristja Balliu, e cila deri disa muaj më parë ishte pjesë e strukturave drejtuese të PD-së në degën e Elbasanit, tha se PD ka në krye njerëz që janë non grata dhe të korruptuar.

Ajo theksoi se Sekretari i Përgjithshëm i PD, Flamur Noka, mund të përballet me urdhrin e arrestimit nga SPAK për shkak të banesave të dhëna familjarëve gjatë kohës që ka qenë drejtor.

‘Sa i përket aksionit të Partisë Demokratike, unë shoh një opozitë të fortë, një opozitë dobët, një opozitë që ka nevojë për aleatë, dhe një opozitë që ka pamundësi për të mbrojtur veten dhe pamundësi për të operuar, për të thënë të vërtetën.

Dhe këtë tregojnë faktet, kjo është ajo që tregojnë aksionet dhe shifrat e vogla që Berisha ka tek foltorja dhe pa diskutim dhe skandalet e qeverisë Rama, korrupsioni ku është zhytyr kjo qeveri, prandaj e shoh Partia Demokratike në një gjumë letargjik. Sot Partia Demokratike ka dy probleme kryesore: problemet me drejtësinë dhe problemet me faktorët ndërkombëtarë, të cilët janë Shtetet e Bashkuara të Amerikës, që janë partneri ynë kryesor.

Partia Demokratike ka në krye një e korruptuar i cili është non grata. Ka sekretarin Flamur Noka, të cilit do ti pritet urdhëri i arrestit nga SPAK për shkak të banesave që ka dhënë vëllezërve të tij kur ka qenë drejtor në ato vite’, tha Alesia Balliu.

Pas çdo ndryshimi të pronarit të mjetit do të kryhet kontroll teknik. Ndryshimet parashikohen në një udhëzim të Ministrisë së Infrastrukturës dhe Energjisë që është publikuar në Fletoren Zyrtare, por që do të nisë zbatimin nga data 1 dhjetor 2026.

Sipas tij, pavarësisht nga data e kontrollit të fundit teknik të mjetit, autoriteti kompetent përkatës mund të kërkojë nga ai që t’i nënshtrohet një kontrolli teknik para frekuencës përkatëse kur ka ndryshuar titullari i certifikatës së regjistrimit të automjetit. Po ashtu, ky kontroll mund të kërkohet edhe në rastet kur mjeti ka kryer 160 000 km.

Paralelisht, udhëzimi përfshin edhe parashikime të reja, sa i takon shkëmbimit të informacionit me vendet e Bashkimit Evropian. Sipas tyre “autoriteti kompetent, nëse e zbatueshme, përdor platformën e Komisionit Evropian për shkëmbimin e informacionit me të dhëna mbi certifikatat e kontrollit teknik dhe leximit të odometrit midis autoriteteve kompetente të shteteve anëtare të BE-së”.

Gjithashtu, inspektorët e qendrave të kontrollit, pronarët e mjeteve dhe studiues të aksidenteve, nëse e zbatueshme, mund të marrin informacion nga platforma të tjera elektronike të Komisionit Evropian, mbi historikun e aksidenteve të mjetit dhe informacione të tjera mbi aspektet e sigurisë së komponentëve të mjeteve, të cilat kanë qenë të përfshira në aksidente.

Udhëzimi parashikon edhe ndryshime të tjera, duke sjellë një riformatim të rëndësishëm të kategorizimit të mjeteve, duke synuar përafrimin e plotë me legjislacionin e Bashkimit Evropian./scan.al

Dashi

Dite shume e paqëndrueshme kjo e sotmja për ata qe janë ne një lidhje. Do debatoni here pas here me personin qe keni ne krah dhe nuk do hapni rruge për asnjë çast. Beqaret do kenë një dite te bukur dhe te mbushur me takime mbresëlënëse. Ne planin financiar tregohuni realiste dhe mos kryeni shpenzime te pamenduara.

Demi

Partneri do ju përkëdhele dhe do ju dashuroje si kurrë me pare gjate kësaj dite. Gjithçka qe keni dashur do ju realizohet si me magji. Beqaret vetëm duhet te shprehin dëshirat sepse planetët do ju gjenden pranë dhe do ua plotësojnë. Ne planin financiar do keni me shume fat se kurrë. Gjendja do stabilizohet sa hap e mbyll sytë. Do i shlyeni borxhet dhe do kryeni investime.

Binjaket

Dite shume e vështirë kjo e sotmja për ata qe janë ne një lidhje. Nuk do ndiheni aspak mire pranë personit qe dashuroni dhe do debatoni ne çdo moment. Beqaret do fillojnë një histori dashurie pasionante dhe afatgjate. Gjithçka ka për te ndryshuar sot për ta. Ne plani financiar mos ndërmerrni shume rreziqe edhe sikur situata te jete e stabilizuar.

Gaforrja

Nëse doni me shume pavarësi nga partneri juaj gjate kësaj dite, gjeni mënyrën e duhur për ta kërkuar këtë. Po u treguat harbute do keni mosmarrëveshje. Hëna do influencoje negativisht tej jeta sentimentale e beqareve dhe ata do mbeten serish vetëm. Financat do jene me te mira kështu qe mund te kryeni edhe ndonjë shpenzim me tepër se zakonisht.

Luani

Dëgjojeni zemrën tuaj gjate kësaj dite dhe do ndiheni shume mire. Emocionet sa do vijnë e do shtohen kështu qe shfrytëzoni çdo sekonde. Beqaret me mire te qëndrojnë vetëm sot sesa te fillojnë një lidhje e cila mund t’i beje te vuajnë se tepërmi. Financat do jene mjaft delikate kështu qe duhet te tregoheni shume te kujdesshëm me çdo lloj shpenzimi.

Virgjeresha

Te dashuruarit do kenë një dite shume normale dhe pa asgjë te jashtëzakonshme. Nëse jeni beqaret mos u ndalni, por njihuni me sa me shume persona qe te mundeni. Ne këtë mënyrë do keni mundësi te bëni edhe zgjedhjet e duhura. Financat nuk do jene te shkëlqyera, megjithatë aq para sa te kryeni shpenzimet e nevojshme do i keni.

Peshorja

Gjate kësaj dite do ndiheni si ne ëndërr ne krahët e partnerit tuaj. Ai do mendoje edhe për detajet me te vogla dhe do ju beje ta dashuroni me tepër jetën. Beqaret nuk duhet te hallakaten kot, por duhet te marrin vendime nëse ju pëlqen shume dikush. Ne planin financiar do i gjykoni gjerat me kujdes dhe nuk do keni asnjë lloj problemi.

Akrepi

Jeta sentimentale e te dashuruarve nuk do ketë aspak probleme. Do ndiheni mire ne krahët e partnerit dhe do bëni gjithçka mundeni qe te mbizotërojë ne çdo moment harmonia. Edhe beqaret do kenë fat ne dashuri dhe do e gjejnë princin e kaltër. Do jeni shume te organizuar sot ne planin financiar dhe gjerat do ecin sipas planeve qe keni bere.

Shigjetari

Do e luftoni me sa te keni mundësi sot rutinën e jetës suaj ne çift dhe do ndiheni shume me te qete se me pare. Beqaret do kenë mbështetjen e planetëve dhe do ju shtohen mundësitë për takime. Secili do ketë veçantinë e tij, kështu qe do e keni pak te vështirë te bëni zgjedhje. Financat do varet nga mënyra sesi ju do i menaxhoni dhe se sa do shpenzoni.

Bricjapi

Mos ëndërroni shume sot ne jetën tuaj ne çift sepse ka rrezik te përballeni me zhgënjime te mëdha dhe do vuani tej mase. Ata qe janë ende vetëm, nuk do kërkojnë te bëjnë asgjë me ngulm. Edhe ashtu si janë nuk ndihen aspak keq. Financat do mbeten te qëndrueshme për aq kohe sa ju te shpenzoni me maturi dhe kursim. Nuk do keni për çfarë te ankoheni.

Ujori

Dite shume e qete dhe pa probleme kjo e sotmja për ata qe janë ne një lidhje. Do ndiheni mjaft mire ne krahët e personit qe aq shume dashuroni. Beqaret duhet te bëjnë pak me tepër durim ne mënyrë qe te gjejnë personin i cili do ju përputhet ne çdo pike. Ne planin financiar do jeni te detyruar te hiqni dore nga disa shpenzime te domosdoshme ne mënyrë qe te mos mbeteni pa para.

Peshqit

Tregohuni sa me te arsyeshëm gjate kësaj dite ne jetën tuaj sentimentale sepse përndryshe mund te keni probleme goxha serioze. Nëse jeni beqare te dëshpëruar ne kërkim te shpirtit binjak, nuk duhet te nxitoheni dhe te hidheni ne krahët e te parit qe do iu propozoje. Financat do jene katastrofike, kështu qe mos bëni gjera te nxituara për te cilat te pendoheni.

Videoja e radhës e Stenaldos po bën namin në rrjet! Gjithçka ndodhi në momentin kur Ledjoni i tha Mirin të shkonte në “Dhomen e Dëshirave”. Miri, duke ngatërruar situatën, u nis drejt “Dhoma e Rrëfimit”, por Stenaldo reagoi menjëherë dhe i tha: “Jo jo, andej jo… këtej është Dhoma e Dëshirave!”

Ky moment ka shpërthyer në komente dhe rrjetet sociale janë ndarë në dy pjesë: disa thonë që Stenaldo “sheh” dhe ndihmon që gjërat të ecin më shpejt brenda shtëpisë, ndërsa të tjerët mendojnë se ai thjesht po luan një rol shumë inteligjent dhe po e përdor situatën për vëmendje.

Tani pyetja që po bëjnë të gjithë është:

A po shikon realisht Stenaldo apo thjesht po bën lojën më të fortë të këtij sezoni?

Debati sapo ka filluar dhe komentet po ziejnë! 👀🔥

Çfarë mendoni ju? A është rastësi… apo Stenaldo e di shumë mirë çfarë po bën?

Video Player

Tre fëmijë të mitur janë gjetur të braktisur dhe të kyçur brenda në shtëpi nga nëna e tyre, B. B., 33 vjeçe në qytetin e Durrësit paraditen e sotme. Ka qenë gjyshja e tyre, e cila ka denoncuar në polici ish-nusen e djalit se ka lënë vetëm 3 fëmijët në shtëpi.

Fëmijët janë gjetur të mbuluar me batanije nga i ftohti ndërsa burime për media raportojnë se fëmijët kishin 3 ditë pa ngrënë, në shtëpinë e tyre nuk kishte ujë dhe rreth 1 muaj pa shkuar në shkollë.

E ëma është larguar, por tashmë është gjetur nga policia dhe është shoqëruar për një komisariat për të dhënë shpjegime të mëtejshme për ngjarjen e rëndë. Tashmë fëmijët janë marrë nën kujdesin e organeve përkatëse ndërsa i janë nënshtruar dhe ekzaminimeve mjekësore nga ku kanë rezultuar me probleme shëndetësore për shkak të mosushqyerjes për disa ditë.

“Drejtoria Vendore e Policisë Durrës

Specialistët për Hetimin e Krimeve të Stacionit të Policisë Plazh referuan materialet në Prokurori, ku nisi procedimi penal ndaj shtetases B. B., 33 vjeçe, për veprën penale “Keqtrajtimi i të miturve”.

Procedimi penal nisi pasi ditën e sotme, rreth orës 17:20, është paraqitur shtetasja D. V., e cila ka deklaruar se ish-nusja e djalit të saj kishte lënë vetëm tre fëmijët e mitur në pallatin ku banonte, rasti i publikuar dhe në rrjete sociale.

Nga ana e shërbimeve të Policisë, në bashkëpunim me Zyrën e Mbrojtjes së Fëmijëve, u bë e mundur marrja në mbrojtje e tre fëmijëve, të cilët u dërguan në spital për ekzaminime mjekësore dhe më pas u morën në kujdes nga Qendra e Mbrojtjes së Fëmijëve Durrës.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme”, njofton policia.

Shtëpia është gjetur e shkatërruar me rroba të hedhura kudo. Burimet për media raportojnë se mes nënës së fëmijëve dhe gjyshes nga ana e babait ka pasur një konflikt, pasi kjo e fundit ka dashur të marrë fëmijët.

Më 9 janar 2026, në qytetin e Santa Martës në Kolumbi, u arrestua shtetasi zviceran Vik Ntominik Gioel, i shpallur në kërkim ndërkombëtar nga Interpol përmes një Njoftimi të Kuq, me kërkesë të autoriteteve gjyqësore të Mbretërisë së Spanjës.

Hetimet tregojnë se i arrestuari kishte rol në koordinimin e dërgesave të drogës drejt vendeve evropiane, me fokus kryesor Spanjën.

Autoritetet zbuluan se ai përdorte dokumente identifikimi të shumta, përfshirë greke, spanjolle dhe belge, si dhe dokumente të siguruara në mënyrë të parregullt në Kolumbi.

Për t’iu shmangur kontrolleve të emigracionit dhe policisë, ai paraqitej si shtetas shqiptar me emrin Xhuti Zuluaga Arsen.

Sipas autoriteteve, Gioel dyshohet për trafikim të lëndëve narkotike dhe anëtarësim në një organizatë kriminale, e cila vepronte në shkallë të gjerë në disa shtete.

Ai konsiderohet si një figurë kyçe në një organizatë kriminale, me rol të rëndësishëm në koordinimin logjistik, infrastrukturën dhe funksionimin e laboratorëve klandestinë për përpunimin e kokainës dhe kanabisit, kryesisht në zonën Albalat de Taronchers, në Valencia të Spanjës.

Arrestimi u bë i mundur pas konfirmimit të pranisë së tij në territorin kolumbian nga Byroja Qendrore Kombëtare e INTERPOL-it (NCB), pas rreth gjashtë muajsh hetime intensive të zhvilluara në bashkëpunim ndërkombëtar.

Këngëtari Roland Hysi ishte i ftuar në panelin e “Fun Club” për të komentuar mbi lojën e mikut të tij, Mirit brenda shtëpisë së “Big Brother VIP Albania” dhe për të shumëkomentuarën marrëdhënie me balerinën Selin Bollati.

Landi tha se bashkëshortja e Mirit, e cila është me kombësi gjermane, gëzon një tjetër mentalitet dhe kulturë. Ai shton se raporti i tyre në çift është i shëndetshëm.

“Nusja e Mirit është gjermane, ka një mentalitet ndryshe nga përjetimi i shqiptarëve në përgjithësi. Nga sa i njoh unë, ata kanë një marrëdhënie bashkëshortore të mirë”, tha Landi.

Landi u pyet gjithashtu dhe për fjetjet e Mirit në një krevat me Selin. Për këtë episod Lani është i qartë teksa thotë se asnjë prej tyre nuk ka bërë asnjë mëkat dhe askush nuk i ka hyrë në hak as familjes dhe as shoqërisë.

“Jo. Nuk ka bërë gjynah dhe krim, asnjëri nga të dyja palet nuk ka bërë gjynah dhe krim. Nuk i ka hyrë në hak as shoqërisë dhe as familjes”.

Miku i Mirit u pyet drejtpërdrejt për bashkëshorten e këtij të fundit, e cila edhe pse ka zgjedhur të qëndrojë tepër e rezervuar, një reagim në mbështetje të bashkëshortit të saj e ka bërë. Landi u shpreh se ajo po mendon që t’i dërgojë një letër brenda në shtëpi Mirit.

“Ka bërë një postim për Mirin, pas reagimit të babait të Selin për Mirin. Po mendon që t’i dërgojë një letër”.

Kujtojmë që një letër i erdhi dhe Selin. Babai i saj i kishte lënë të nënkuptuar në rreshta të distancohej nga Miri, por ky mesazh nuk është kuptuar qartë nga Selin, e cila ka vijuar lojën po njësoj. Të paktën kështu u shpreh dhe babai i saj për “Fun Club” disa ditë më parë, i cili nuk kurseu as fjalët e ashpra për Mirin.