Category: Lajme

Detaje të reja po dalin në dritë për rastin e vdekjes së 19-vjeçares Myrto në Kefaloni.

Miku 23-vjeçar i vajzës së ndjerë, i cili vetëidentifikohet si grua trans me emrin “Olivia”, ka dhënë nga burgu versionin e tij për atë që ndodhi në dhomën nr. 10 të akomodimit në Argostoli, pak para se e reja të gjendej e pajetë.

Duke folur për “Star Tv” ai dekIaroi se e kishte njohur Myrton rreth një muaj e gjysmë më parë, në një dasmë në Argostoli, dhe që prej asaj kohe kishin një marrëdhënie shoqërore.

Sipas tij, ai jetonte në Athinë dhe ishte kthyer në Kefaloni për Pashkë, periudhë gjatë së cilës ishin takuar dy ose tre herë për kafe ose pije.

Gjithashtu, ai hodhi poshtë kategorikisht akuzat e babait të 19-vjeçares se ishte i përfshirë në rrjete droge apo shfrytëzimi, si dhe çdo lidhje me organizata kriminale.

“Myrto kishte një llogari në OnlyFans”

23-vjeçari pretendoi se përmes avokatit të tij është dorëzuar tek gjyqtarja hetuese material që, sipas tij, provon se Myrto kishte një llogari në platformën OnlyFans. Materialet janë mbledhur, sipas tij, nga motra e tij.

Ai shtoi se 19-vjeçarja njihte një burrë 66-vjeçar, i cili i kishte dërguar 220 euro përmes sistemit IRIS dhe kishte marrë pjesë në një video-thirrje me ta atë natë.

Sipas tij, 66-vjeçarin e kishte njohur përmes një gruaje trans rreth 40 vjeçe dhe kishin komunikuar me mesazhe dhe video-thirrje.

Ai pretendoi gjithashtu se Myrto ishte takuar me këtë burrë dy herë, një herë në Athinë dhe një herë në Kefaloni, dhe se kishin planifikuar të udhëtonin bashkë gjatë verës.

Çfarë ndodhi natën fatale në dhomën e akomodimit

Duke përshkruar ngjarjet e asaj nate, ai tha se pasi morën paratë, shkuan në dhomën e akomodimit.

Aty, ai u maskua duke veshur paruke dhe grim, pasi do të merrnin pjesë në një video-thirrje me 66-vjeçarin.

Më parë kishin blerë vodka dhe lëngje nga një kafene. Në dhomë, sipas tij, ndërroi rrobat dhe përdori mjete intime.

Ai pranoi gjithashtu se kishte kontaktuar një ish-peshëngritës për t’i siguruar kokainë, duke deklaruar se është përdorues i substancave dhe se ka kërkuar të kryhet test toksikologjik.

Sipas tij, në aktin intim kishte marrë pjesë edhe një djalë nga dhoma ngjitur. Në median greke u raportua se aty gjendej një djalë 22 vjeçar shqiptar me të dashurën e tij.

Kur Myrto pati kriza, transi pretendon se vetë kishte telefonuar ambulancën, ndërsa një person tjetër i grupit dha adresën e Airbnb ku gjendeshin.

Për atë që ndodhi më pas, ai tha se qëndroi në dhomë për të hequr grimin dhe maskimin, ndërsa të tjerët u larguan.

Lidhur me qesen e zezë që mbante, ai shpjegoi se brenda kishte paruken, rrobat dhe të brendshmet që kishte veshur, si dhe shishet e pijeve.

Në fund, deklaroi se i dorëzoi gjyqtares hetuese dy qerpikë artificialë që kishte dhe se e hodhi qesen në një kosh mbeturinash, pa kujtuar saktësisht vendin./TaNea

Mbrëmjen e sotme në “Post Big Brother VIP” është rihapur një nga temat më të nxehta dhe më të komentuara të këtij edicioni: dinamika mes Selinës dhe Mirit, si dhe reagimet e forta që kjo situatë shkaktoi jashtë shtëpisë.

Gjatë emisionit, produksioni ka rikthyer në vëmendje një postim të bujshëm që bashkëshortja e Mirit kishte bërë në rrjetet sociale gjatë një prej netëve të spektaklit.

Në atë video, ajo i drejtohej drejtpërdrejt Selinës me një mesazh mjaft të prerë:

“Ti do të kapësh prime-n në kùrriz të martesës sime, por unë kapa zemrën e burrit tim para një dekade.”

Pasi u përball me këtë deklaratë në studio, Selin u pyet nga moderatori nëse e kishte parë këtë video pas daljes nga shtëpia. Me një qetësi dhe sportivitet të habitshëm, fituesja e “BBVA 5” zgjodhi të mos i hidhte benzinë zjarrit.

Ajo e mirëkuptoi veprimin e bashkëshortes së Mirit si një reagim instinktiv, ndërsa zbuloi për herë të parë detaje nga takimi i tyre i vërtetë pas përfundimit të finales.

“Nuk e kam parë. Është ok, është një reagim momental, në mbështetje të partnerit të vet. Unë dua ta mbaj mend për qasjen që ka patur ndaj meje në natën finale. Më dha dorën, i dhashë dorën, i takova vajzën. Ishte një takim njerëzor dhe i qetë.”

Me këto fjalë, Selin duket se ka zgjedhur të mbyllë përfundimisht këtë kapitull polemikash, duke theksuar se përtej debateve apo situatave të krijuara brenda lojës, përballja në jetën reale ka qenë e mbushur vetëm me qytetari dhe respekt të ndërsjellë.

Gjykata e Lartë ka vendosur të rikthejë për rishqyrtim në Apelin e GJKKO-së kërkesën e kreut të Partisë së Lirisë, Ilir Meta, lidhur me ndryshimin e masës së sigurisë.

Ish-presidenti kishte kërkuar zëvendësimin e masës “arrest me burg” me një masë më të lehtë, por kjo kërkesë ishte rrëzuar më herët nga Gjykata e Posaçme e Apelit për Korrupsionin dhe Krimin e Organizuar.

Me vendimin e fundit, Gjykàta e Lartë ka prishur vendimin e Apelit, duke urdhëruar që çështja të shqyrtohet sërish nga i njëjti trup gjykues.

Ndërkohë, theksojmë se një tjetër vendim është marrë ndaj ccështjes së ish-presidentit Meta. Burime për mediat bëjnë me dije se togat e zeza kanë vendosur të rrëzojnë kërkesën e tij për prishjen e pezullimit të afateve të paraburgimit.

Kujtojmë që Gjykata e Posaçme vendosi në 18 Mars që të kalojë për gjykim dosjen në ngarkim të tij, ish bashkëshortes Monika Kryemadhi, nënës së kësaj të fundit Fatime Kryemadhi, Pirro Xhixho dhe Ema Çoku.

Ilir Meta ndodhet në paraburgim që prej tetorit 2024. Ish-presdenti po hetohet për 3 çështje aferën CEZ-DIA, lobimin e LSI-së në SHBA dhe hetimin pasuror. Aktualisht SPAK ka mbyllur hetimet dhe dosja e tij është dërguar për gjykim.

Ilir Meta dhe Monika Kryemadhi akuzohen për korrupsion pasiv, pastrim parash dhe mosdeklarim pasurie.

Rusia paralajmëroi të enjten se çdo vend evropian që pranon vendosjen e bombarduesve strategjikë francezë me kapacitet bërthamor do të bëhet shënjestër e sulmeve nga forcat e Moskës në rast të një konflikti.

Presidenti francez Emmanuel Macron njoftoi në mars planet për të zgjeruar arsenalin bërthamor të vendit dhe tha se Franca mund t’u lejojë partnerëve evropianë të strehojnë avionët e saj të aftë për armë bërthamore në pozicione të përkohshme.

Zëvendësministri i Jàshtëm rus, Alexander Grushko, tha në një intervistë të botuar të enjten se kjo ishte pjesë e një “rritjeje të pakontrolluar” të potencialit bërthamor të NATO-s, i cili përbënte një kërcënim strategjik për Rusinë.

Ai theksoi shqetësimin e Moskës në lidhje me vendosjen e mundshme të armëve bërthamore franceze në vende të tjera evropiane. Macron ka thënë se Parisi po diskuton marrëveshje të tilla me Britaninë, Gjermaninë, Poloninë, Holandën, Belgjikën, Greqinë, Suedinë dhe Danimarkën.

“Është e qartë se ushtria jonë do të detyrohet t’i kushtojë vëmendje të madhe kësaj çështjeje në kontekstin e përditësimit të listës së objektivave prioritarë në rast të një konflikti të madh”, tha Grushko për grupin shtetëror mediatik Russia Today.

“Si rezultat, në vend të forcimit të deklaruar nga Franca të mbrojtjes së aleatëve të tyre, të cilëve, rastësisht, nuk u ofrojnë garanci të forta, siguria e këtyre vendeve në fakt po dobësohet.”

Iniciativa e Macron është pjesë e një përpjekjeje nga anëtarët evropianë të NATO-s për të marrë më shumë përgjegjësi për mbrojtjen e tyre, pas kritikave të shpeshta ndaj aleancës nga Presidenti i SHBA-së Donald Trump dhe në dritën e kërcënimeve të tij për të marrë kontrollin e Grenlandës nga Danimarka, anëtare e NATO-s.

Skadimi në shkurt i traktatit të fundit të mbetur që kufizon madhësinë e arsenaleve bërthamore strategjike ruse dhe amerikane ka krijuar një boshllëk në kontrollin global të armëve, në një kohë kur tensionet ndërkombëtare janë në nivelin më të lartë prej dekadash për shkak të luftërave të Ukrainës dhe Iranit.

Grushko tha se çdo dialog i ardhshëm mbi armët bërthamore do të duhet të marrë në konsideratë aftësitë e kombinuara të NATO-s, duke përfshirë arsenalet franceze dhe britanike, si dhe atë të SHBA-së.

NATO këtë javë kritikoi Rusinë dhe Kinën për politikat e tyre të armëve bërthamore dhe u bëri thirrje të dy vendeve të punojnë me SHBA-në për të krijuar stabilitet dhe transparencë më të madhe në një konferencë që hapet në OKB në Nju Jork javën e ardhshme për të shqyrtuar funksionimin e traktatit të mospërhapjes bërthamore.

Prej disa ditësh, Sali Berisha, flet për “mafia të fjalës së lirë”, duke sulmuar veçanërisht analistin Baton Haxhiu.

Berisha deklaroi ditën e sotme se Haxhiu, të cilin e ka pagëzuar me emrin “Baton Stanishiq”, e krahason atë me Edi Ramën duke bërë paralele mes të dyve dhe duke pretenduar se kanë të njëjtët biznesmenë dhe e shijojnë njëlloj pushtetin.

Por çfarë ishte deklarata e Haxhìut, që duket se ka tërbuar kreun e PD, aq shumë sa ta përmendë vazhdimisht?

Ditën e hënë, gjatë emisionit “Të Paekspozuarit” në MCN TV, Haxhiu ka deklaruar se Berisha dhe Rama flirtojnë me të njëjtët biznesmenë, media dhe kanë infrastrukturë të njëjtë, ndaj lideri i opozitës e shijon pushtetin edhe duke qenë në opozitë.

Haxhiu tha se ky pushtet i duket i mjaftueshëm Berishës, ndaj ai nuk kërkon të rrëzojë Ramën, por të mbajë veten.

“Ne kemi një garë të dy partive, të cilat funksionojnë me parametra jashtë partiakë gati njëlloj. Kanë biznesmenë të njëjtë, medium të njëjta, infrastrukturën e bizneseve me të cilat merren, natyrshëm kanë sistemin paralel të njëjtë. Nëse këto dy parti, këto kushte i kanë pikat e përbashkëta, ky nuk quhet më opozitarizëm. Këtu e kam problemin me PD dhe Berishën, që pushtetin paralel ndaj Ramës e ka pushtet real të vetin. Berisha e ka një pushtet, si duket është i vetëmjaftueshëm, pasi shijon të gjitha gjërat që partia në pushtet shijon. Si mund të ndërtohet rrëfim i sinqertë, kur ti shijon të gjitha gjërat që pushteti shijon?

Meqenëse janë dy sisteme paralele, një pushteti dhe një i opozitës, që nuk funksionojnë me kryesi dhe strukturë por me sistem paralele, jashtë strukturave, kemi një problem. I kemi dy pushtete që funksionojnë brenda vetëvetes dhe që nuk i lënë hapësirë shoqërisë. Ajo që mungon është reagimi i shoqërisë.

Tela tha mungojën sindikatat, shoqëria civile, mediat janë të korruptuar, gjuha e korruptuar, si ndryshohet sistemi?

Probleme serioze janë këto. Kur shoh Berishën duke bërë protestë, shoh një njeri që ka pushtetin dhe bën protestën jo për të rrëzuar Ramën por për të mbajtur veten, këtu përfundon historia. Kjo shoqëri, nuk e ka më adrenalinën, dëshirën, për të ndryshuar diçka. Problemi nuk është i dy partive, por i shoqërisë, që nuk ka nerv të reagojë.

Fryma e ndryshimit, ky është njeriu që koketon me pushtetin. Si ta ndryshojmë pushtetin? Këtë historinë e Berishës e kam të mbyllur, pasi ka ndërtuar narrativën e demokracisë dhe po e vdes.

Shiko mediat, bizneset, shoqërinë civile, koketojnë bashkë, janë një pushtet”, deklaroi Haxhiu.

Policia e Korçës ka reaguar lidhur me sherrin e ndodhur një ditë më parë, ku një person mbeti i plagosur.

“Më datë 24.04.2026, rreth orës 08:00, në zonën e “Pazarit”, në Korçë, ka ndodhur një konflikt midis disa personave, ku dy vëllezërit E. K., 47 vjeç dhe L. K., 53 vjeç, janë konfliktuar me shtetasit J. B., 33 vjeç dhe E. S., 23 vjeç.

Për pasojë, shtetasit e përfshirë në konflikt kanë marrë dëmtime fizike (dyshohet me mjete të forta e mjete prerëse) dhe u dërguan për mjekim në spitalin e Korçës, jashtë rrezikut për jetën”, thuhet në njoftim.

Grupi hetimor po punon për dokumentimin e plotë të rrethanave të ngjarjes.

Një 36-vjeçar ka telefonuar sot në emisionin “Aldo Morning Show”, nga ku rrëfeu historinë e tij dhe kërkoi njohje me një grua tjetër.

Luani nga Rrogozhina tha se punon si emigrant në Greqi dhe ka dy fëmijë.

“Pata një grua, ajo iku kùr unë isha në emigracion, kalamajt i kam unë, kam 2 fëmijë një 6 vjeç dhe një 8 vjeç”, tha Luani.

36-vjeçari tha se është martuar me mblesëri prej 10 vitesh dhe pasi takoi ish-bashkëshorten bënë marrë dhënien serioze.

“Jam Luani nga Rrogozhina, kam mbaruar 8-vjeçaren. Familja më ka lënë.

Pata një grua, ajo iku kur unë isha në emigracion, kalamajt i kam unë, kam 2 fëmijë një 6 vjeç dhe një 8 vjeç.

U martova me të njohur, e pashë më pëlqeu si femër, pim kafe dhe u martova. Tani kam vënë pak pasuri dhe kërkoj njeri tjetër”, tha 36-vjeçari.

Kryeministri Edi Rama komentoi çështjen e drejtësisë ndërkombëtare dhe proceset e lidhura me ish-krerët e UÇK-së në Hagë.

Rama u shpreh se ai ja ka ngritur këtë çështje edhe presidentit amerikan Donald Trump, duke kërkuar vëmendje ndaj asaj që ai e cilësoi si një proces të bazuar në një raport fantazish.

“Pata privilegjin të isha me presìdentin Donal Trump në ditën e themelimit të Bordit të Paqes dhe i thashë diçka që e kam shumë për zemër, që ka të bëjë me të drejtën ndërkombëtare dhe konkretisht me Gjykatën Ndërkombëtare të Drejtësisë. Gjykata është krijuar duke u mbështetur në një raport fantazish, i sponsorizuar nga rusët, nga delegacioni i Vladimir Putinit në Këshillin e Evropës,

që mbështet një mocion për të hetuar të ashtuquajturat krimet e UÇK-së, dhe specifikisht trafikimin e organeve njerëzore. Gjykata u ngrit për ta kthyer këtë raport fantazish në një proces kundër udhëheqësve dhe morën nga zyra një president që ishte në detyrë dhe e sollën në Hagë, duke e burgosur përpara një akuze zyrtare, si edhe kryetarin e parlamentit. Më pas, i gjithë procesi u kthye në diçka krejt tjetër, pasi nuk kishte ndodhur asnjë trafikim i organeve njerëzore. I thashë presidentit Trump se kjo është diçka që ai duhet ta dijë dhe shpresoj që ai të mund të ndërhyjë. Nuk më ka kthyer përgjigje akoma”, tha Rama.

Vdekja e 27-vjeçares Migena Salihi, e cila u nda nga jeta në mënyrë tragjike duke sjellë në jetë 2 engjëjt e saj, ka shkaktuar një tronditje te të afërmit e vajzës dhe e gjithë Shqipëria.

Një reagim i bërë në Iidhje me këtë situatë nga doktoresha Romina Selenica ka bërë xhiron e rrjetit, ku bëhet thirrje që të reagohet për këtë vdekje tragjike e cila sipas mjekes ka ndodhur nga dështimi i shtetit duke theksuar se Migena nuk mori ndihmë në momentin e duhur.

“Ajo nuk humbi se nuk luftoi. Ajo humbi sepse sistemi nuk ishte aty në kohën e duhur. Sepse ndihma nuk erdhi në kohë. Sepse  diçka që duhej të ishte e sigurt u kthye në fund” shkroi doktoresha në postimin e saj.

Më tej, në reagimin prekës i cili ka “thyer” rrjetin doktoresha nënvizon se ky është rasti përmes të cilit dëshmohet se sistemi në Shqipëri ka dëshmuar sepse një nënë nuk duhet të lihet në pritje të gjakut, sepse hemorragjia nuk të lë kohë po të merr jetën direkt.

“Një vend ku nëna vdes nga një hemorragji sepse nuk ka gjak, nuk është vend që ka probleme. Është një vend që ka dështuar. Hemorragjia nuk pret. Nuk të jep kohë të kërkosh, nuk të fal! Një sistem i cili të lë të lutesh për gjak, nuk është sistem! Është braktisje e pastër! Kjo nuk është dramë! Ky është realitet! Një nënë nuk duhet të vdesë duke sjellë në jetë fëmijët e saj, nëse kjo ndodh ne kemi dështuar si shtet. Dhe kjo nuk është më diçka për t’u pranuar në heshtje!” shkruan më tej në reagimin e saj doktoresha Romina Selenica.

Kujtojmë se menjëherë pasi solli në jetë binjakët, gjendja shëndetësore e Migenës u përkeqësua, duke e bërë të domosdoshëm sigurimin urgjent të gjakut të grupit 0 negativ.

Pavarësisht faktit se thirrja për ndihmë u përhap me shpejtësi në rrjetet sociale, mobilizimit të dhjetëra qytetarëve të cilët iu përgjigjën apelit, si edhe përpjekjeve të mjekëve, ajo nuk mundi të mbijetojë duke i lënë jetim dy bebushat e sapolindur.

Pavarësisht se tashmë nuk është më, Migena “do të jetojë” në zemrat e atyre që e deshën fortë, e pavarësisht dhimbjes, ajo do u kujtohet përmes dy bebusheve të cilit fati “nuk deshi” që t’i rriste vet.

Drejtori i Përgjithshëm i Policisë së Shtetit, Skënder Hita, po bën një ‘katarsis’ në kupolën e policisë, ndërsa vijon ndërtimin e stafit të tij të ri drejtues.

Ai u ka kërkuar dorëheqjen disa prej drejtuesve aktualë në qarqe.

Deri më tani, zÿrtarisht kanë dhënë dorëheqjen dy oficerë karriere: drejtori i Lezhës, Islor Islami, dhe ai i Kukësit, Loard Sallaku. Në vijim priten edhe dorëheqje të tjera nga drejtues të policisë në qarqe.

Më të përfolurit për momentin për t’u dorëhequr janë drejtuesit në Berat dhe Dibër, por nuk përjashtohen edhe qarqet e tjera.

Me largimin e drejtuesve aktualë, Hita pritet të emërojë persona të besuar për të krijuar ekipin që do të drejtojë Policinë e Shtetit.

I pari që ka marrë këtë besim është Erjon Ahmeti, i cili është emëruar në krye të Policisë së Fierit. Fillimisht, ndryshimet kanë nisur me emërimin e zëvendësdrejtorëve të rinj në disa qarqe.

Në kuadër të këtyre lëvizjeve, Besmir Dervishi është larguar nga posti i nëndrejtorit të Policisë së Tiranës dhe është emëruar shef i Krimeve në Kukës. Ndërkohë, Oliger Torba është caktuar nëndrejtor për Krimet në Policinë e Tiranës. Andi Banushi është emëruar zëvendësdrejtor në Policinë e Elbasanit, duke zëvendësuar Krenar Guçen, i cili është transferuar si shef rendi në Përmet.

Gjithashtu, Dritan Muça është caktuar zëvendësdrejtor për hetimin e krimit në Vlorë, ndërsa Dritan Malaj në të njëjtin post në Berat. Ndërsa Petrit Halo është emëruar zëvendësdrejtor për Krimet në Shkodër.

Ndryshime janë bërë edhe në sektorë të tjerë, në nivel shefash komisariatesh. Vetëm të mërkurën, Hita ka firmosur rreth 40 ndryshime në strukturat e policisë. Ndërkohë, mbetet për t’u parë se cilët do të jenë drejtuesit e rinj në qarqe.