Category: Lajme

Policia ka arrestuar në Tiranë për armëmbajtje pa leje nipi i Gaxhait.

Shërbimet e Komisariatit nr.1 arrestuan në flagrancë shtetasin Silger Dimo, i cili qëndronte i armatosur në ambientet e një lokali në rrugën “Selman Riza”.

Policia sekuestroi armën e zjarrit tip pistoletë.

Dimo kishte pak kohë që kishte dalë nga burgu, pasi edhe më parë ishte arrestuar për armëmbajtje pa leje.

Kush ishte banda e Gaxhait?

Mbi 20 vite vrasje, përgjakje, grabitje me armë e shumë vepra të tjera kriminale.

Ky është “Gaxhai” i tmerrshëm i Vlorës, “bëmat” e të cilit e kanë zanafillën në vitin e errët 1997, me bandën e Zani Çaushit, dhe që vijojnë edhe në ditët e sotme.

Bëhet fjalë për Gazmir Brakën, emri i njohur nga vitet 1997.

Ndaj “Gaxhait”, i cili ishte “koka” e një prej bandave të rrezikshme në Vlorë, rëndojnë disa burgime të përjetshëm për vrasje e masakra të përgjakshme.

“Gaxhai” ka dy dënime me burgim të përjetshëm, i pari i është dhënë për vrasjen e Ilir Pajës dhe Arbën Xhungës, dy shokëve të Lulzim Berishës në Durrës.

Ndërsa dënimi i dytë i është dhënë për vrasjen e Bashkim Dules, Sadik Kurti, Avdul Bajrami, Dhimitraq Mishka, Zini Haruni, Robert Myftari dhe policit Viron Rrapaj.

Ai është një emër shumë i njohur për drejtësinë, pasi vrasjet dhe përplasjet me grupin e Zani Çaushit kanë nisur që në vitin 1997.

Në atë kohë, ai krijoi bandën e tij të armatosur, në fshatin Cerkovinë dhe zonat përreth, ku edhe kryenin aktivitetin e tyre kriminal.

Ai kishte një bandë të mirëorganizuar dhe që ecte gjithmonë e armatosur, të cilën e quajti “Banda e Gaxhait”, pra në emrin e tij.

Banda e tij u bë më e konsoliduar pas konfliktit që nisi me bandën e Zani Çaushit.

Kështu, në atë kohë “Banda e Gaxhait” shkoi e organizuar në Komisariatin e Policisë Vlorë, për të marrë blindat dhe për t’u mbrojtur nga banda rivale, duke treguar qëndrueshmëri, organizim dhe mjaft rrezikshmëri për rendin kushtetues në veprimet e tyre kriminale.

Krimet më të përgjakshme janë kryer në funksion të konfliktit që kjo bandë kishte më bandën rivale të Zanit, ku krijuesi dhe personi që organizonte gjithçka ishte pikërisht Gazmir Brakaj “Gaxhai”.

Ish-zëvendëskryeministri i parë i Republika e Maqedonisë së Veriut, Artan Grubi sot në mëngjes vullnetarisht u paraqit pranë pikës kufitare Bllacë me Kosovën dhe se ndaj tij menjëherë u ndërmorren masat ligjoreu, pasi ndaj tij ishte aktive masa “Arresto”, njoftoi Ministria e Punëve të Brendshme.

Sipas policisë, Grubi u paraqit në hyrje të vendit rreth orës 06:10 dhe u privua menjëherë nga liria. Ai është dërguar në mbajtje për procedura të mëtejshme, ndërsa autoritetet nuk dhanë detaje shtesë mbi fazën aktuale të procedimit penal.

“Më 23.02.2026 në ora 06:10 minuta në hyrje të republikës së Maqedonisë së Veriut në vendkalimin kufitarë Bllacë u paraqit Artan Grubi, i lindur më 07.06.1977 me masën “Arresto”. Personi në fjalë është privuar nga liria për veprime të mëtutjeshme”, thuhet në njoftimin e Ministrisë së Brendshme.

Ai është i përfshirë në një hetim që lidhet me dyshime për keqpërdorim të pozitës zyrtare, korrupsion dhe shkelje të procedurave të prokurimit publik, në kuadër të rastit që ka të bëjë me funksionimin dhe kontratat e Lotaria Shtetërore e Maqedonisë së Veriut.

Sipas organeve të ndjekjes, hetimet kanë të bëjnë me vendime dhe kontrata që dyshohet se kanë shkaktuar dëme financiare të konsiderueshme në buxhetin e institucionit, që përllogariten në 500 milionë denarë apo mbi 8 milionë euro. Prokuroria pretendon se përmes procedurave të kontestuara janë favorizuar subjekte të caktuara ekonomike.

Gjykata paraprakisht kishte caktuar masë paraburgimi ndaj Grubit, ndërsa autoritetet e kishin shpallur në kërkim për shkak të mosparaqitjes para organeve të drejtësisë.

Lim Hoti, ish-banori i njohur i formateve televizive si “Ferma VIP” dhe “BBVK”, ka bërë një zbulim të papritur për ndjekësit e tij në rrjetet sociale, duke zbuluar se Alesio, një tjetër banor i “BBVA”, është daja i tij.

Kjo lidhje familjare ka shkaktuar një valë reagimesh dhe kurioziteti mes fansave, të cilët janë të etur për të mësuar më shumë rreth dinamikave të familjes Hoti.

Postimi i Lim Hotit në Instagram ka tërhequr vëmendjen e mediave dhe ndjekësve të tij.

Në fotografinë e publikuar, shfaqet Alesio me mbishkrimin “Daj je ma i miri”, duke theksuar kështu marrëdhënien e ngushtë mes tyre.

Ky postim ka bërë që shumë të spekulojnë mbi marrëdhëniet e brendshme të familjes dhe ndikimin e tyre në dinamikat e reality show-t.

Lim Hoti ka qenë aktiv në rrjetet sociale edhe pas përfundimit të eksperiencave të tij në formate televizive, duke ndarë herë pas here momente dhe qëndrime personale.

Ai ka përdorur platformën për të mbajtur lidhjen me ndjekësit e tij, duke ndarë informacione dhe përvoja nga jeta e tij pas televizionit.

Ky zbulim ka sjellë një interes të shtuar për Alesion, i cili tani është në qendër të vëmendjes.

Fansat janë të etur për të mësuar më shumë rreth tij dhe se si ai do të ndikojë në dinamikat e “BBVA”.

Kjo situatë ka hapur diskutime të reja mbi marrëdhëniet familjare brenda reality show-ve.

Një tjetër aspekt interesant është se si këto lidhje familjare mund të ndikojnë në strategjitë e lojës dhe marrëdhëniet mes banorëve.

A do të ketë tensione apo aleanca të reja? Kjo mbetet për t’u parë, por sigurisht që do të jetë një temë diskutimi për fansat e formatit.

Me këtë zbulim, Lim Hoti ka arritur të rrisë më tej interesin për “BBVA”, duke i dhënë një dimension të ri dinamizmit të programit.

Të gjithë janë të etur për të parë se si do të zhvillohen ngjarjet në vazhdim, dhe nëse kjo lidhje do të ketë një ndikim të rëndësishëm në lojë.

Me këtë postim, Lim Hoti ka provokuar kureshtjen e fansave dhe ka hapur një diskutim të ri mbi marrëdhëniet brenda reality show-ve.

A do të shohim më shumë nga kjo lidhje në episodet e ardhshme? Komentoni më poshtë mendimet tuaja!

Një burrë 64-vjeçar me origjinë shqiptare është shpallur në kërkim pas denoncimit për tentativë përd hunimi ndaj një vajze 25-vjeçare me aftësi të kufizuara brenda shtëpisë së familjes së saj në Kypseli.

Nëna e viktimës, Katerina Bekiaris, përshkroi momentet dramatike kur, duke u kthyer në shtëpi, e pa burrin mbi të bijën. Ajo tha se kishte marrë një tigan të madh dhe e goditi në kokë, duke tentuar ta largojë dhe të mbrojë vajzën e saj.

Sipas saj, ekspertiza mjeko-ligjore tregoi se nuk kishte ndodhur dhunë trupore, një gjë që ajo nuk e priste. Video nga kamera sigurie e transmetuar në MEGA tregon 64-vjeçarin duke hapur derën e jashtme të banesës me çelësa dhe duke u futur brenda, duke e mbyllur pas vetes. Në pamje shfaqet edhe përplasja me nënën, ku të dy bien në tokë, burri e godet dhe ajo reagon.

Një fqinjë e 64-vjeçarit deklaroi për MEGA se: “Vajza erdhi dhe më tregoi se ai tentoi ta përdhunonte. Më tha se ishte babai i saj, por nuk ia besova. Unë e njoh këtë njeri mbi 30 vjet. Një ditë e pashë që solli një vajzë me aftësi të kufizuara me karrocë dhe i thashë ‘ku po e çon vajzën?’ Ai tha se do ta lante sepse u ishte prerë uji. Më bëri përshtypje si e ngriti me karrocë.”

Sipas protothema.gr, 64-vjeçari dyshohet se kishte njohur nënën e vajzës në një organizim bamirësie të kishës. Denoncimi u bë nga nëna, e cila zbuloi ngjarjen përmes kamerave të vendosura në shtëpi dhe u përpoq menjëherë të ndërhynte.

Ajo shton se, kur tentoi të thërriste policinë, u sulmua me grushte dhe këmbë. Pas ngjarjes, 64-vjeçari është arratisur dhe vijon të jetë në kërkim nga autoritetet.

Prej javësh tashmë vijojnë përplasjet e vazhdueshme mes banorëve të Baks-Rrjollit dhe policisë, për shkak të ndërtimit të një resorti luksoz.

Por mesa duket banorët janë duke parë “dritë në fund të tunelit”, kjo pasi Gjykata e Apelit në Tiranë ka njohur Luçiana Kokajn, banore në zonën e Rrjollit si pronare legjitme të një toke rreth 150 hekatrë, në pronësi të fisit të saj.

“Gjykata e Apelit sapo na ka njohur një prej fiseve që jena bashkëpronarë në këtë truall këtu, sapo ka dhënë vendimin që ata janë pronarët legjitimë, dem baba dem, gjë që shkon automatikisht edhe për fiset e tjera” është shprehur ajo.

Teksa më tej ka shtuar se i bën thirrje prokurorisë së Shkodrës që të hetojë dhe t’u japë të drejtë, duke theksuar se vetë baonrët i kanë dërguar dokumentet e falsifikuara të kompanisë ndërtuese.

“Kjo është drita e parë jeshile nga drejtësia shqiptare që po flet për neve, jemi të bindur që edhe institucionet e tjera të drejtësisë do vazhdojnë dhe do i japin zë të drejtës. Një thirrje kam për prokurorinë e Shkodrës, ju lutem merrni dosjen, kontrolloni dokumentat e falsifikuara, që ne ua kena pru gati, merrni një ekspert bëjeni të ligjshme dhe na jepni të drejtën tonë, mos na lini këtu me u përball me policat se ndoshta shumë prej tyre janë vëllezërit tanë dhe ne jemi në vështirësi në këtë moment” është shprehur ajo.

Rasti i Luçianës nuk është i panjohur, kjo pasi ajo u arrestua më 18 shkurt së bashku me disa protestues së tjerë. Ajo njihet tashmë për faktin se është aktive në protestat e vazhdueshme të banorëve të Rrjollit.

Luçiana është nënë e një djali 2-vjeç, ajo u rikthye nga jetesa që kishte ndërtuar në Itali për të “luftuar” për tokën që i takon fisit të saj. E me sa duket më në fund për të e për banorët e tjerë ka një fije shprese, me njohjen që i është bërë nga Gjykata e Apelit.

VIDEO

Mbrëmjen e djeshme, banorët e shtëpisë më të famshme në Shqipëri, “Big Brother VIP 5”, kishin për të treguar një histori të vështirë nga jeta e tyre personale.

Kur i erdhi radha Shëndritit, ai shpërtheu në lot kur kujtoi periudhën më të errët të jetës së tij. Banori i BBV 5 tregoi se ka qenë bullizuar kur ka qenë në fillore, madje ditën e ditëlindjes e kanë futur në një garazh makinash së bashku me një qen që e ka kafshuar.

Rrëfimi i Shëndritit:

Unë kam qenë shumë i bullizuar, kam kaluar periudha të shumta të bullizmit, tortura. Kur isha në ‘shpellë’ mu kujtua një ngjarje. Është hera e parë që e fola një ditë me Brikenën, nuk kam fol kurrë, po më vjen keq se prindërit e mi tani po e dëgjojnë. Në momentin që u fikeshin dritat në ‘shpellë’ më dilte përpara një situatë kur e kam përjetuar ditën e ditëlindjes sime.

Kam qenë në shkollë fillore dhe ditën e ditëlindjes duke u kthyer prej shkollës, dhuratë për ditëlindje prej shoqërisë bullizuese, njerëzve, djemve, më mbyllin në një garazh makinash. Brenda fusin një qen që më kafshon, kam akoma shenjën që sa herë e shoh ma kujton. Nuk e di si kam dalë, forca e Zotit ndoshta. Kam vrapuar në shtëpi, ishte ditëlindja dhe normalisht nuk doja me prish atmosferën në shtëpi dhe nuk u tregova. Kam kaluar shumë gjëra të tilla, nuk dua të flas shumë detaje.

Transformimi im në jetë është fitorja ndaj bullizmit, edhe uroj që të gjithë ata e gjejnë forcën, e tejkalojnë, dhe e mundin dhe nuk iu del dikush përpara që mundet me i mund, ose me u ndalë ëndrrën ose me iu fik dritën.

Në vitin 2026, kalimi në orën verore do të ndodhë më herët krahasuar me vitin paraprak. Akrepat e orës do të zhvendosen përpara në natën mes së shtunës, 28 mars dhe të dielës, 29 mars.

Një vit më herët, ndryshimi ishte bërë më 30 mars, çka ka ngritur pikëpyetje pse data nuk është e njëjtë çdo vit.

Arsyeja është e thjeshtë dhe lidhet me një rregull të pandryshueshëm të Bashkimit Evropian: ora verore fillon gjithmonë të dielën e fundit të muajit mars, ndërsa ora dimërore rikthehet të dielën e fundit të tetorit.

Meqenëse ditët e javës bien në data të ndryshme çdo vit, ndryshon edhe data konkrete e së dielës së fundit të marsit. Në vitin 2026, e diela e fundit e muajit të tretë bie më 29 mars, prandaj edhe ndryshimi i orës do të ndodhë më herët se një vit më parë.

Në praktikë, në orën 02:00 pas mesnate, akrepat do të zhvendosen në 03:00, çka do të thotë se qytetarët do të humbasin një orë gjumë, por ditët do të zgjasin më shumë.

Në një diskutim të zhvilluar së fundmi në Këshillin e Imuniteteve, dy prokurorë të SPAK kanë ngritur shqetësime serioze lidhur me tentativa për intimidim dhe ndikim të paligjshëm ndaj dëshmitarëve në çështje të ndjeshme që po hetohen nga Prokuroria e Posaçme.

Sipas informacioneve të bëra publike gjatë mbledhjes, prokurorët kanë theksuar se presionet ndaj dëshmitarëve nuk kanë ardhur vetëm nga persona të njohur të botës së krimit, të cilët dyshohet se janë të përfshirë në veprimtari kriminale dhe aktualisht janë objekt hetimi, por edhe nga funksionarë publikë.

Kjo situatë, sipas SPAK, e bën edhe më të ndërlikuar procesin hetimor dhe rrit rrezikun për ndërhyrje të paligjshme në administrimin e drejtësisë.

Një nga deklaratat më të forta të prokurorëve lidhej me përfshirjen e zyrtarëve publikë, përfshirë persona të lidhur me kabinetin e një ministrie, të cilët dyshohet se kanë kërcënuar apo tentuar të korruptojnë dëshmitarë që kanë dhënë deklarime pranë Prokurorisë së Posaçme.

Sipas tyre, këto veprime përbëjnë shkelje të rënda të ligjit dhe cënojnë drejtpërdrejt pavarësinë e hetimeve.

Megjithatë, për shkak se çështjet janë ende në fazë hetimore, prokurorët kanë refuzuar të japin detaje shtesë, duke theksuar se informacionet mbrohen nga sekreti hetimor.

Ata kanë nënvizuar se çdo tentativë për intimidim apo ndikim mbi dëshmitarët po dokumentohet dhe do të trajtohet me seriozitet maksimal nga organet e drejtësisë.

Ky zhvillim rikthen në vëmendje rëndësinë e mbrojtjes së dëshmitarëve dhe nevojën për forcimin e mekanizmave ligjorë, në mënyrë që hetimet ndaj korrupsionit dhe krimit të organizuar të zhvillohen pa presione dhe ndërhyrje të jashtme.

Gjykata Kushtetuese ka marrë një tjetër vendim kundër mazhorancës. Me votim unanim 8 me 0 i dha të drejtë opozitës për komisionet hetimore duke e cilësuar ndryshimin e rregullores të padrejtë.

Sipas vendimit procesi duhet të rikthehet nëparlament, pasi argumentohet se në procesin e parë nuk u ndoq procedura e rregullt.

Vendimi erdhi pas ankesës së demokratëve për shkelje procedurash në ndryshimin e rregullores.

Sipas PD rritja e numrit të komisioneve parlamentare nga 8 në 11 ishin të njëanshme dhe pa konsensus pasi gjithçka u miratua me 79 vota të mazhorancës, Në atë kohë opozita braktisi sallën në momentin e votimit.

Nga 11 komisionet e reja, 7 prej tyre do t’i drejtonte Partia Socialiste, ndërsa 4 opozita. Dëmi kryesor, sipas kreut të grupit parlamentar të PD, Gazment Bardhit, ishte largimi i opozitës nga drejtimi i Komisionit për Integrimin.

Qeveria planifikon të japë bonus për pensionistët edhe këtë fundvit. Vendimi pritet të merret nga Ministria e Ekonomisë dhe Inovacionit pas muajit shtator. “Ne presim që mbështetja e fundvitit të jetë gjithëpërfshirëse dhe të mos lërë jashtë asnjë kategori.

Të moshuarit përballen me kosto të larta jetese dhe çdo ndihmë financiare është e domosdoshme, veçanërisht në periudhën e dimrit”, tha Faik Xhani, “Bashkimi i Përgjithshëm i Pensionistëve të Shqipërisë”.

Vendimi vjen pas nisjes së zbatimit të skemës së re e cila parashikon rritje mujore të pensioneve. Po nga kjo formulë rreth 90 mijë të moshuar u përjashtuan nga rritja. Në total marrin bonus mujor 727 mijë pensionistë nga në vend janë gati 770 mijë që janë në total. Vetëm 36 për qind e tyre do të marrin 1800 lekë në muaj, pasi pjesa dërrmuese gati 41 për qind do marrin 800 lekë, ndjekur nga 10.3 për qind që do të marrin 1 mijë lekë, e pjesa tjetër janë në vlerat 600-700 lekë.

“Formula aktuale ka krijuar diferenca mes pensionistëve dhe kjo ka sjellë pakënaqësi. Duhet rishikuar mënyra e përllogaritjes që mbështetja të jetë më e drejtë dhe të garantojë trajtim të barabartë për të gjithë”, tha Xhani.

Nëse skema do të mbetet e tillë, numri i pensionistëve që s’do të përfitojnë do të rritet në 2027-ën, pasi vlerat mujore të bonusit do të dyfishohen.

“Fondet që janë akumuluar duhet të shfrytëzohen për të forcuar skemën e pensioneve, qoftë për rritje të përhershme, qoftë për shpërblime shtesë. Është e rëndësishme që këto burime të kthehen në përfitime konkrete për pensionistët”, tha Xhani.

Ndërkohë fundjavën e shkuar, Ministria e Financave njoftoi se rreth 167 milionë euro që nuk u shpenzuan vjet, janë depozituara tashmë në Llogarinë Speciale të Fondit të Pensioneve pranë Bankës së Shqipërisë.

Fondet që kalojnë në llogarinë e Bankës Qendrore, mund të përdoren me VKM, për të mbështetur pensionistët, qoftë për shpërblimin por edhe për indeksimin e tyre.