Category: Lajme

Për javën që presim Shërbimi Meteorologjik Ushtarak parashikon që vendi ynë pritet të jetë nën ndikimin e kushteve atmosferike të paqëndrueshme si pasojë e kalimit gradual të Frontit të Ftohtë.

Ditët Hënë e Martë pritet mot i vranët dhe intervale kthjellimi. Vranësirat do të pasohen me reshje shiu të herëpasherëshme në formën e shtrëngatave afatshkurtra shoqëruar me shkarkesa elektrike e lokalisht breshër.

Në Alpe pritet stuhi bore ndërsa në relievet malore verilindje – juglindje priten reshje bore me intensitet të ulët në lartësitë mbi 1000m, deri në mesatar në majat e maleve.

Dita e Mërkurë nis me mot me alternime vranësirash e kthjellime të herëpasherëshme. Në orët e pasdites priten reshje shiu me intensitet të ulët në pjesën më të madhe të territorit ndërsa në relievet malore lokalisht mesatar. Si dhe prezencë të reshjeve të borës me inetnsitet të ulët në relievet malore.

Ditët e Enjte e Premte pritet mot me kthjellime dhe alternime vranësirash të pakëta deri në mesatar.

Ditën e Hënë në orët e para të ditës deri në mesditë era me drejtim Juglindje-Jugperëndim pritet të shfaqet problematike me shpejtesi mesatare 3-10m/sek, ndërsa përgjatë vijës bregdetare e lugina era do të jetë në forcën e Tufanit i 17-23m/s shoqëruar me dallgëzim të forcës 4-6 ballë, më pas pritet rënia e intensitetit të erës 2-10m/sek.

Në orët e fundit një lajm shumë i rëndë qarkulloi në mediet botërore, që theksonte se ish-futbollistit i Barcelona-s, Dani Alves ishte “vetëvrarë” në burg. Këto zëra nisën nga një postim në “twitter” i komedianit brazilian Paulo Albuquerque, i cili shkruajti: “Po më informojnë se Daniel Alves ka vrarë veten”.

Kaq mjaftoi që ky “aludim” të përhapej në të gjitha mediet botërore, megjithatë deri në këto momente mungonte një reagim zyrtarë nga të afërmit e Dani Alves.

Vetëm disa minuta më parë vëllai i ish-futbollistit ka konfirmuar se Dani Alves është mirë dhe më pas ka sulmuar komedianin për përhapjen e një lajmi të tillë të rremë.

Ndërkohë, këshilltari për shtyp i ish-futbollistit, Acaz Felleger, tha se ata po shqyrtonin veprime ligjore kundër Paulo Albuquerque, me bazë në Rio de Janeiro, për postimin e tij në rrjetet sociale.

Dani Alves ndodhet në burg, pasi është dënuar me katër vite e gjysmë për përdhunimin e një vajze në një klub nate.

Këta që shihni në këto foto janë Hekuran Troplini, 20 vjeç dhe Emiljano Pasha, 19 vjeç.

Fotografitë me kallashnikov në dorë shërbenin si reklamë që dy të rinjtë përdornin për të bindur personat e interesuar për të blerë armë duke i siguruar për kushtet teknike të armës dhe cilësisë së tyre. Çmimi i njërës prej tyre varionte nga 800 deri në 1000 euro.

Ajo që i specifikon këta të rinj të cilët u arrestuan një ditë me parë nga policia e Durrësit pasi dyshohet se furnizonin me armë dhe municion grupet kriminale në këtë zonë është kujdesja deri në detaje që të mos binin në rrjetën e policisë.

Gazetarja e Top Channel, Dorjana Bezat, mëson se armët të cilat i tregtonin, ata nuk i preknin kurrë pa mbulesë ose pa doreza në mënyrë që të mos linin gjurmë të gishtave të tyre në to. Të njëjtin kujdes tregonin edhe gjatë momentit kur çonin armën e porositur tek personi i interesuar.

Armës i hiqnin shulin dhe fshihnin në pjesë të vjetra makinash më mënyrë që edhe nëse do të kapeshin nga policia ekspertiza të mos e nxirrte armën e rregullt e në këtë mënyrë të mos arrestoheshin për armëmbajtje. Pjesa e hequr e armës i dërgohej në një moment tjetër personit që kishte blerë armën.

Policia e Durrësit ka dyshime se Hekuran Troplini dhe Emiliano Pasha nuk vepronin vetëm por ishin pjesë e një grupi për antarët e të cilit po thellohen hetimet dhe pritet që në ditët në vijim të ketë të tjera arrestime.

Ky grup përdorte si bazë shtëpi të braktisura ose të emigrantëve ku magazinonin armët. Gjatë operacionit të fundit policia sekuestroi 4 armë zjarri kallashnikovë, 20 krehra, qindra fishekë luftarak, ndërkohë që ka informacion edhe për një bazë tjetër armësh të po këtij grupi që pritet të goditet së shpejti nga policia. /Top Channel

Një ngjarje e rëndë raportohet të ketë ndodhur në Tiranë, pasditen e kësaj të diele.

Një grua ka tentuar të hidhet nga dritarja e banesës së saj. Pamjet janë publikuar, dhe thuhet se teksa ka tentuar të hidhet gruaja është parë nga disa banorë dhe pas “ulërimave” të tyre është futur sërish brenda.

Një banor i zonës është ngjitur për në apartamentin e saj dhe pas kësaj nuk dihet se çfarë ka ndodhur.

https://www.facebook.com/joqviral2?ref=embed_video

Jemi në prag të muajit të shenjtë të Ramazanit për besimtarët muslimanë dhe në viset tona atmosfera do të jetë pikërisht siç e dëshirojnë shumë besimtarë të cilët e përjetojnë këtë muaj atmosfere prej shkretëtirave (të Azisë) prej nga edhe buron Feja Islame.

Gjendja sinoptike e favorizon një ardhje masive të grimcave të pluhuhit nga shkretëtirat e Afrikes veriore në territoret tona.

Në Evropën perëndimore kemi ciklonin shumë të fuqishëm i cili shtrihet deri në Mesdhe dhe brigjet e Afrikes veriore me një ciklon sekondar, ndërkohë që cikloni amë gjendet në Atlantik mes Francës dhe Britanisë së Madhe.

Shtrirja e ndikimit ciklonik deri në Afriken veriore do të aktivizojë rrymimet e fuqishme ajrore që nga Afrika veriore vijnë direkt në drejtim të Gadishullit Ballkanik dhe në veçanti në territoret tona:

Shqipëri, Kosovë, Maqedoni Veriore, Mal të Zi dhe Luginë të Preshevës. Ajri i përzier me pluhurin Saharian do të ketë shtrirje shumë më të gjerë në Ballkan dhe jashtë diku deri në Poloni, pastaj me lëvizjen e masavae ajrore ciklonike grimcat masive sahariane do të shkojnë në drejtim të Ukraines dhe jugut të Rusisë, ndërkohë që të hënën në mbrëmje dhe nga e marta atmosfera mbi territoret tona do të fillojë të pastrohet nga pluhuri i madh saharian.

Ardhja e kësaj mase ajrore me koncentrim masiv të grimcave sahariane korrespondon me fillimin e muajit të shenjtë të Ramazanit, ndërkohë që të hënën do të ketë edhe reshje shiu të cilat në fillim mund të jenë të përziera me shumë pluhur Saharian, ndërkohë që më vonë pas mbrëmjes reshjet e shiut përfshijnë të gjitha territoret tona dhe fillon pastrimi i atmosferës.

Vende-vende do të ketë reshje dhe rrebeshe mjaft intensive shiu, ndërkohë që temperaturat shënojnë ulje pas rritjes së tyre ditën e diel.

Nga e marta nuk do të kemi më grimca Sahariane (ose shumë pak) dhe pritet mot me vranësira, intervale kohore me diell e rrebeshe lokale shiu.

Dashi

Dite mjaft e qëndrueshme kjo e sotmja për gjithë te dashuruarit. Nuk do hidhni asnjë hap pa pyetur marre mendimin e partnerit dhe bashkëpunimi do përforcohet. Beqaret do jene me fat ne sektorin e dashurisë. Edhe pa kërkuar shume ata di e gjejnë personin e duhur. Për financat me pas mos u shqetësoni aspak. Situata jo vetëm qe nuk do jete problematike, por priten edhe përmirësime.

Demi

Saturni do e përmirësoje ndjeshëm sot jetën ne çift. Do jeni me shume nga vetja qe marrëdhënia mes jush te jete e mire dhe me mirëkuptim do zgjidhni çdo mosmarrëveshje. Për beqaret, vetmia do jete me e padurueshme se kurrë. Kujdes mos bëni ndonjë çmenduri për te cilën te pendoheni. Dielli do iu beje me te kthjellet ne planin financiar dhe do e dini mire çfarë hapash te hidhni.

Binjaket

Edhe pse nuk do keni shume kohe te lire sot, do e gjeni mundësinë për te qëndruar paksa me atë qe dashuroni. Marrëdhënia me te do jete me e ngrohte se disa dite me pare. Beqaret ka shume mundësi te kenë një takim interesant me një person te shenjës se demit. Ne planin financiar nuk është momenti për te rrezikuar shume. Ruani qëndrueshmërinë.

Gaforrja

Nëse marrëdhënia me partnerin nuk po shkon ashtu si duhet kohet e fundit, gjeni kurajën dhe flisni hapur me te. Me mire t’i vendosni qe tani pikat mbi “i” sepse me vone do lëndoheni me shume. Beqaret do jene mjaft tërheqës dhe do kenë me tepër mundësi për te bere për vete persona interesante. Financat do i menaxhoni me kujdes dhe maturi. Situata do filloje te përmirësohet.

Luani

Dite shume e qëndrueshme dhe aspak problematike kjo për te dashuruarit. Nëse vazhdoni ne këtë rruge edhe për disa kohe do e çoni me tej lidhjen tuaj. Beqaret me shume gjase do fillojnë një histori dashurie pasiononte dhe te magjishme. Edhe ne planin financiar fati do jete me ju. Buxheti do jete me i mire se kohet e fundit dhe ju do kryeni shpenzimet e nevojshme pa frike.

Virgjeresha

Nuk do lodheni aspak duke dëgjuar problemet e partnerit tuaj sot dhe ne çdo moment do i jepni mbështetjen tuaj. Ai do ju vlerësojë mjaft për këtë. Beqaret nga ana tjetër do kenë takime pa fund, por nuk do arrijnë te fiksohen. Kujdes sepse koha ikën dhe mundësi te tilla rralle here vijnë. Ne planin financiar do përballeni me një situate shume delikate. Kujdes!

Peshorja

Nuk do keni për çfarë te qaheni sot ne jetën tuaj ne çift sepse partneri do mundohet ne çdo moment t’ua beje qejfin. Ai do pakujdeset për ju dhe do ju mbaje ne pëllëmbe te dorës. Beqaret do jene po ashtu te privilegjuar. Pers shkak te personave te shumte qe do iu vijnë rreth e rrotull do kenë mundësi te bëjnë edhe zgjedhjen e duhur. Financat jo problematike.

Akrepi

Do debatoni ashpër me partnerin tuaj gjate kësaj dite dhe kjo do ju beje te mendoni t’i jepni fund gjithckaje qe keni ndërtuar. Kujdes mos merrni vendime te nxituara kur nuk jeni te kthjellet. Beqaret nuk do kenë takime interesante sot, megjithatë fale miqve dita nuk do jete e mërzitshme. Ne planin financiar do ketë disa probleme te vogla, por qe me pak maturi mund t’i zgjidhni.

Shigjetari

Nëse doni qe jeta juaj ne çift te shkoje me se miri gjate kësaj dite, mundohuni te tregoheni sa me realiste dhe te mos ëndërroni gjera te pamundura. Beqaret duhet ende te presin edhe disa kohe për te gjetur personin e tyre te ëndrrave. Me financat duhet te merreni pak me tepër. Nëse ulni shpenzimet dhe bëni një riorganizim te situatës, çdo gjë do shkoje për mrekulli.

Bricjapi

Konfigurimi i yjeve do jete pozitiv për te dashuruarit sot. Do dilni me shume me partnerin dhe do provoni disa eksperienca te reja. Beqaret duhet te ruajnë kthjelltësinë gjithë kohës dhe te mos ju besojnë te gjithë atyre qe do mundohen t’i joshin. Do e lëndojnë se tepërmi veten e tyre. Ne planin financiar mos u dekurajoni edhe nëse keni disa probleme.

Ujori

Mjedisi yjor do ju ndihmoje te afroheni me tepër me partnerin tuaj dhe te kaloni momente te këndshme se bashku. Do i harroni problemet e te shkuarës dhe do shihni me optimizëm drejt se ardhmes. Beqaret do jene sensuale dhe joshës. Te gjithë do i kenë sytë nga ju prandaj do keni te drejtën e zgjedhjes se personin me te përshtatshëm. Financat do jene me te mira se një dite me pare.

Peshqit

Dite e qete dhe e zakonshme kjo për ata qe janë ne një lidhje. Merrini gjerat ashtu si t’ju vijnë pa menduar aspak për te nesërmen. Beqaret do i japin me tepër rëndësi pamjes se tyre te jashtme dhe ne këtë mënyrë do jene me interesante ne sytë e te tjerëve. Propozimet nuk do mungojnë. Ne planin financiar nuk do keni probleme, përkundrazi gjendja do jete me e mire.

Dalja e Bardhit nga BBV3 ka shkaktuar polemika dhe diskutime të shumta në rrjet.

Disa personazhe aluduan se ai u nxorr jashtë nga menaxheri i tij, ndërsa të tjerë e kanë besuar faktin që nëna e tij është sëmurë.

Së fundmi Anaid Kaloti ka publikuar një video në Instagram-in e Foli.al ku telefonon spitalin e Kumanovës dhe pyet nëse nëna e Bardhit është e shtruar aty.

Përgjigja nga spitali ishte se nëna e tij nuk ishte e shtruar aty, siç u tha në spektakël.

Anaidi: Përshëndetje si kaloni? Jam një gazetar nga Foli.al. A është shtruar nëna e Bardhit në spital se ka një deklaratë publike që është në spitalin e Kumanovës?

Këtu te ne jo.

https://vm.tiktok.com/ZMM6QPmGE/

Vijnë si turiste por në shqipëri ushtrojnë prostitucion.

Është ky trendy gjithnjë e në rritje i vajzave nga amerika latine, azia e nacionalitete të tjera, që njihen si eskortat e seksit.

Në dosjen e rastit të fundit, ku në Durrës po hetohen dy venezueliane, një kolumbiane e një spanjolle.

4 shtetase të moshave nga 24 deri 46 vjeçe u proceduan pak ditë më parë për prostitucion nga policia e Durrësit.

Rasti u zbulua pas një konflikti me një të ri nga Shijaku, gjatë takimit për ofrimin e shërbimeve seksuale.

Në dosjen e prokurorisë thuhet se një prej vajzave të huaja akuzohet edhe për përshtatje të lokaleve për përdorim droge, pasi në banesën që kishin marrë me qira u gjet një sasi kokaine.

Ato do të hetohen në gjendje të lirë ndërsa prokuroria u ka sekuestruar pasaportat dhe një leje qëndrimi që kishte një prej shtetaseve, shkruan euronews.

Sipas dosjes hetimore, vajzat kanë dëshmuar se kanë mbërritur në Shqipëri më 5 shkurt të këtij viti, pranojnë faktin se ofrojnë shërbime seksuale kundrejt pagesës por janë të pavarura dhe nuk trysnohen apo menaxhohen nga askush.

Gjithashtu kanë deklaruar se paratë që fitojnë u’a dërgojnë familjeve të tyre.

Prokuroria ka verifikuar se në faqet e shumta online të eskortave të sekstit, ishin të hapura profile me fotot dhe kontaktet e shtetaseve të proceduara në gjendje të lirë.

Sipas këtyre faqeve në Shqipëri qarkullojnë qindra shtetase të nacionaliteteve të ndryshme, që ofrojnë shërbime seksuale, “in call” ose “aut call”, madje edhe nga azia e largët.

Ato hynë në Shqipëri si turiste dhe sipas hetimeve të ngjashme të policies, largohen nga vendi pas disa javësh.

Shërbimet seksuale që ofrohen variojnë nga 150 deri në 500 euro, në varësi të kohës dhe nëse shkon në banesën e eskortës apo ajo vjen ku dëshiron klienti.

Publikohet fotoja e 27-vjeçarit, Kasem Kasmit, i cili mbeti i vrarë pas përplasjes me armë zjarri mes bandave shqiptare në Itali.

Kasem Kasmi u qëllua për vdekje pas përlasjes me armë zjarri të dy bandave shqiptare mbrëmjen e djeshme në Itali.

Ende nuk dihet motivi, por po hetohet pista e një përplasje për kontrollin e territorit të trafikut të drogës.

Në lidhje me ngjarjen është arrestuar një shtetas shqiptar, Mikea Zeka, 23-vjeç. I riu akuzohet për vrasje, dhe tre tentativa vrasjeje.

Hetuesit kanë identifikuar edhe tre personat e tjerë që ndodheshin me të dhe aktualisht janë në kërkim.

Myrto Uzunit nuk i mjaftoi dygolëshi i tij i parë në La Liga, për të festuar siç duhet në elitën e futbollit spanjoll.

Dy golat e tij për Granadën ndaj Roal Sociedad nuk sollën pikë, pasi ekipi i tij u përmbys në pjesën e dytë të ndeshjes dhe tani e sheh veten në vendin e parafundit, i rrezikuar shumë seriozisht për rënien nga kategoria.

Në fund të sfidës, në vend të festës për Uzunin, ai iu bashkua lojtarëve të tjerë që u përballën me kontestimet e tifozëve në fushën e lojës.

Sulmuesi nuk ngurroi të shfaqej para mikrofonave të mediave të klubit, edhe pse kishte një sy të nxirë pas një goditje që kishte marrë gjatë një aksioni, duke komentuar ngjarjet e duelit.

“Bëmë një ndeshje me dy fytyra, në pjesën e parë dhe të dytën. Nuk është situatë aq e lehtë për ne, e dimë se ku gjendemi dhe dëshiroj t’u kërkoj falje të gjithë tifozëve që ishsn sot të mërzitur me ne, kanë të drejtë.

Unë i pari do të jap gjithçka për këtë fanellë, për këtë qytet dhe këta tifozë që më kanë mbështetur gjatë gjithë vitit dhe thjesht dua të kërkoj falje.

Mentaliteti ynë është që nuk do të dorëzohemi kurrë dhe do japim gjithçka deri në fund të sezonit”, ishin fjalët e Uzunit, edhe pse në fakt ky i fundit detyrën e tij e kishte bërë siç duhej me dy golat e shënuar në këtë ndeshje.