Category: Lajme

Një pasdite e tensionuar ka qenë ditën e djeshme mes Françeskës dhe Sarës, për shkak të një veprimi që kjo e fundit bëri.

Gjithçka nisi pasi Sara i mbylli derën e tualetit Françeskës, gjatë kohës që ajo ishte brenda.

Më pas ajo ka tentuar të dalë dhe në një moment Sara e ka shtyrë, por edhe Françeska ka vepruar në të njëjtën mënyrë.

Për këtë Françeska foli përsëri ditën e sotme dhe ka treguar një pjesë nga adoleshenca e saj, ku e kanë bullizuar dhe mbyllur në tualet, e ngjarja e djeshme ia ka rikujtuar këtë gjë.

Mes fëmijëve dhe gruas, kush e qëlloi me tre plumba Pëllumb Metën? Ka të bëjë fakti që familja ka të trashëguar ftohtësinë e vrasjeve? Janë fëmijët të ushqyer me urrejtje për babain e tyre, apo Blerina është e mësuar me vrasjet, siç tregojnë edhe njerëzit që në këtë fis kanë qenë makabër?

Tashmë një pistë e fortë ku po hetohet është ajo e konflikteve pasurore për tokën, ku personazh kyç është djali i madh i Pëllumbit, Hyseni. Viktima kishte rreth 12 dynymë tokë dhe gjatë kontrolleve në banesë policia nuk i ka gjetur dokumentet e kësaj sipërfaqeje.

Letrat e tokës i mbante djali i madh, që i ka thënë motrës të pranojë krimin pasi me lekët e tokës që do të shiste do ta nxirrte nga burgu. Në murin e kasolles ku fëmijët varrosën të atin, shkruhet “Eni milioneri, 1 milionë dollar”. Djalin e madh të Pëllumbit Hysenin e thërrisnin shkurt Eni.

Hetuesit po hetojnë edhe një lidhje të dyshuar jashtëmartesore të viktimës prej vitesh, ku dyshohet se në dijeni ishin gruaja e Pëllumbit dhe fëmijët. Metri i tokës sipas vëllait të të ndjerit kushton deri në 50 euro, ku në total tokat e Pëllumbit vlenin deri në 500 mijë euro. Hetimet vijojnë ende.

Një person është plagosur si pasojë e gjujatjeve me armë zjarri në rrugën “Bedri Shala” në Prishtinë.

Lajmin për Arbresh.info e ka konfirmuar zëdhënësja e policisë për rajonin e Prishtinës, Flora Ahmeti.

Ahmeti bëri të ditur se policia ka dalë në vendin e ngjarjes dhe ka ndërmarrë veprimet e nevojshme për hetimin e ngjarjes.

“Rreth orës 10:00, policia ka marrë informatën për të shtëna me armë në rrugën “Bedri Shala” në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në informacionet e para raportohet për një person të lënduar, i cili dyshohet të ketë marrë lëndime nga arma e zjarrit. Hetuesit policor në koordinim me prokurorinë, ndërmarrin veprimet hetimore për ndriçimin e plotë të rastit”, tha Ahmeti./Arbresh.info/

Porja: Priten reshje dhe ulje të temperaturave

Fillimi i javës ka nisur me vranësira, dhe pritet që të gjenerojnë reshje shiu në pjesën më të madhe të vendit gjatë mesditës dhe sidomos gjatë natës.

“Gjatë natës në të gjithë territorin, do ketë rrebeshe në formë shtrëngatash, shkarkesa elektrike. Herë pas here reshjet do jenë me intensitet mesatar pothuajse në të gjithë vendin dhe lokalisht intensive në jug të vendit. Moti do të jetë i paqëndrueshëm të paktën deri ditën e Premte.”

Muaj Mars pritet të na kthejë edhe reshjet e borës.

“Rikthehet dëbora në pranverë! Pra, kemi kaluar një Shkurt të ngrohtë, megjithatë sot e nesër parashikohet të ketë reshje dëbore në gjithë zonat lindore, më së shumti në pjesën juglindore. Në orët e para të mëngjesit nesër parashikohet që dëbora të përfshijë edhe zonat verilindore.”

Sipas parashikimeve të sinoptikanëve temperaturat do të pësojnë ulje në ditët në vijim.

“Presim të kemi rënie me 3 Gradë në mesditë, pra zbret termometri në 16 gradë Celsius. Kemi rënie në orët e para të mëngjesit. Është javë pranvere nga ana kalendarike, por tipike dimri për nga moti.”

Fundjava pritet të sjellë kthjellime dhe nuk parashikohen reshje shiu.

Klan News

Xhensila Myrtezaj është një personazhet më të komentuara t momentit në botën e showbiz, teksa përflitet se këngëtarja është në proces dicorci me aktorin Bes Kallaku. Çifti nuk ndiqet më në rrjetet sociale dhe kanë fshirë fotot e tyre që kanë së bashku.

Por duket se Xhensila ka vendosur që në një moment të vështirë për të, mos ta lëj pas as karrierën, ku ka qenë e ftuar në disa koncerte dhe së shpejti pritet që të nxjerrë disa projekte muzikore.

E ftuar në një koncert, këngëtarja është shfaqur në superformë, teksa ka zbuluar se shpejti do të publikojë këngën e saj me një nga reperin Noizy.

“Kam një surprizë vetëm për ju. Është një këngë që do vi me këtë këngëtarin që do lançoj tani”, tha Xhensila dhe në sfond u vendos bashkëpunimi i saj i mëparshëm me Noizy.

VIDEO KETU

Një fëmijë dyvjeçar të dielën është dërguar pa shenja jete në Spitalin e Gjilanit. Lajmin e ka konfirmuar drejtori i Spitalit të Gjilanit, Arsim Emini. Sipas tij, fëmija nuk ka pasur ndonjë traumë ose shenjë të dhunës fizike, mirëpo siç tha ai, nga mjeku kujdestar është cilësuar si vdekje e dyshimtë.

“E vërtetë është sjellë një fëmijë pa shenja jete në spital. Nuk ka pasur të dhëna prej familjarëve që ka qenë e sëmurë. Përveç, familjarët që e kanë përmend që ka pas një plogështi dhe si duket sipas tyre e kanë gjetur në dhomë të vdekur.

Është sjellë në spital pa shenja jete, nuk ka pas shenja të traumës apo të dhunës fizike. Prej mjekut kujdestar kjo është vlerësuar si vdekje e dyshimtë. Janë lajmëruar policia dhe me urdhër të prokurorit trupi i pajetë është dërguar në IML”, ka thënë Emini për Telegrafin.

Edhe në raport të Policisë bëhet e ditur se rasti është duke u hetuar, ku theksohet se fëmija është dërguar nga Novobërda pa shenja jete në Spitalin e Gjilanit.

“Është raportuar se në Spitalin Rajonal është dërguar pa shenja jete viktima mashkull kosovar. Vdekjen e tij e ka konstatuar mjeku kujdestar, ndërsa me vendim të prokurorit, trupi i pajetë është dërguar në IML për obduksion. Rasti nën hetime”, thuhet në raport.

Liam Osmani, i cili u arrestua brenda shtëpisë së Big Brother, pasi rezultonte i dënuar për mashtrim, ka hyrë nga Rinasi 10 ditë më parë me pasaportë gjermane.

Kështu bëjnë me dije burime për Report Tv.

Liam Osman nuk u kap nga sistemi ‘TIMS’ kur kaloi në Rinas, megjithëse rezultonte i dënuar në vitin 2022 nga Gjykata e Tiranës me 2 vite e 6 muaj burg për mashtrim.

Ai ishte në kërkim pasi nuk pagoi 6000 € për 17 bileta turistike në 2019.

Autoritetet thanë të shtunën se një çift influencuesish, Fernanda dhe Vicente, u sulmuan brutalisht nga një bandë sulmuesish teksa kalonin nëpër lagjen Dumka në Indi gjatë rrugës për në Nepal.

Çifti, i njohur për dokumentimin e udhëtimeve të tyre në Instagram me mbi 190,000 ndjekës, u ndal në kamp gjatë natës në Dumka kur ndodhi sulmi, raportoi Daily Beast.

Të dy pësuan lëndime të rënda, me mavijosje të dukshme në fytyrë. Ata me lot e kanë rrëfyer ngjarjen në spanjisht në videot e postuara në Instagram. “Na ka ndodhur diçka që nuk do t’ia urojmë askujt”, thotë Fernanda në video, “shtatë burra më kanë përdhunuar, na kanë rrahur dhe na kanë grabitur”.

Ajo shtoi se sulmuesit nuk kanë vjedhur shumë gjëra “sepse ajo që ata donin ishte ta përdhunonin”. Në një postim tjetër, Vicente u tregoi shikuesve lëndimet e tij rreth gojës. “Goja ime është shkatërruar, por Fernanda është më keq se unë”, tha ai, duke shtuar se sulmuesit e kishin goditur vazhdimisht me helmetë dhe një gur në kokë. Policia tha se Fernanda arriti në një furgon patrullimi rreth orës 23:00 dhe u dërgua në spital për trajtim. Pitamber Singh Kherwar, mbikëqyrësi i policisë së qarkut, tha se ata kishin arrestuar tre persona në lidhje me sulmin dhe po kërkonin për të tjerët.

Rasti nxori edhe njëherë në dritë historinë e tmerrshme të sulmeve seksuale në Indi. Sipas Byrosë Kombëtare të Regjistrimeve të Krimit, kombi është ndër më të këqijtë për dhunën seksuale ndaj grave; në vitin 2022, raportoheshin rreth 90 përdhunime çdo ditë. Megjithatë, turpërimi i viktimave dhe mungesa e besimit në efektivitetin e zbatimit të ligjit shpesh rezulton në nën-raportim të përdhunimeve.

Një ngjarje e rëndë ka ndodhur sot në Mat, ku një grua ka rënë nga ura e Shkopetit teksa ishte duke ecur.

Mësohet se gruaja ishte me paterica dhe aksidentalisht është rrëzuar nga ura, duke ndërruar jetë.

Nga ana tjetër, dyshohet se nga ura mund të ketë rënë dhe një tjetër person.

Priten detaje të mëtejshme për ngjarjen e rëndë.

Një rrëshqitje dheu u regjistrua në një rrugë në Peru, në rrethin e San Mateo de Huanchor në Huarochiri dhe shkatërroi disa automjete.

Videoja e pabesueshme tregon shkëmbinj të mëdhenj që bien me forcë, por që nuk shkaktuan viktima në njerëz, por vetëm dëmtime në automjete. Rrëshqitja e dheut shkaktoi dëme të konsiderueshme në infrastrukturën e rrugës që u shkatërrua, raporton La Repubblica.

Forca e përplasjes është kapur në videon e realizuar nga kamera e njërit prej kamionëve të dëmtuar. Po vijon një hetim për të përcaktuar shkakun e saktë të rrëshqitjes së dheut, megjithëse dyshohet se reshjet e fundit të shiut në zonë mund të kenë luajtur një rol të rëndësishëm në destabilizimin e tokës.

#URGENTE 😱
Una enorme roca impacta un camión y otras que caen de la montaña golpean a más vehículos que circulaban por el km 97 de la carretera central en San Mateo de Huanchor, #Huarochiri, #Perú.
Se reportó varios heridos aunque se descartó víctimas mortales.#terrible #viral pic.twitter.com/Ryey3U79vi

— EDISON MENDOZA (@FLACOMENDOZA1) March 3, 2024