Category: Lajme

Jamarbër Malltezit i arrestuar për aferën e privatizimit të ish-kompleksit Partiazani, i janë sekuestruar edhe 6 llogari bankare përveç apartamenteve të shumta dhe vilës në Gjirin e Lalzit.

Malltezit i janë sekuestruar llogari bankare me vlerë rreth 197 mijë euro, 29 mijë dollarë dhe 2.7 milionë lekë.

Pasuritë e vendosura nën sekuestro preventive të Malltezit:

1) Shuma prej 63 657.10 euro gjendur në llogarinë Bankare pranë ….. në monedhën euro me nr. 113398964650127 në emër të shtetasit Jamarbër Malltezi;

2)Shuma prej 2 699 408.46 lekë gjendur në llogarinë pranë …… në monedhën lek me nr. 00000027583-74 në emër të shtetasit Jamarbër Malltezi;

3)Shuma prej 29 259.43 USD gjendur në llogarinë bankare pranë ……. në monedhën USD me nr. 40201835101 në emër të shtetasit Jamarbër Malltezi;

4)Shuma prej 62 018.49 euro gjendur në llogarinë Bankare pranë ……. në monedhën Euro me nr. 40201835102 në emër të shtetasit Jamarbër Malltezi;

5)Shuma prej 45 705.66 euro gjendur në llogarinë Bankare pranë …….. në monedhën Euro me nr. 40201838001 në emër të shtetasit Jamarbër Malltezi;

6)Shuma prej 26 492.72 euro gjendur në llogarinë Bankare pranë ……… në monedhën Euro me nr. 403592661, në emër të shtetasit Jamarbër Malltezi.

Moderatorja Arbana Osmani ka qenë gjithashtu një ndër personazhet më të komentuar të momentit. Kjo për shkak të aludimeve se mes saj dhe drejtuesve të televizionit ku ajo ka nisur karrierën e saj, ‘Top Channel’ ka patur një krisje në raport.

Megjithatë, duhet thënë se as me disa nga banorët e ‘Big Brother Vip’ ajo nuk i ka mbyllur siç duhet marrëdhëniet, e postimi i saj i fundit në Instastory na lidh direkt me këto dyshime.

Moderatorja, ka zgjedhur një meme për të thumbuar një person për të cilin shprehet se ka pasur gjatë gjithë kohës një ndjesi të keqe.

“Kur më në fund të gjithë fillojnë të mos e pëlqejnë më personin për të cilin kishe një ndjesi të keqe gjithë këtë kohë…” – shkruhet në postimin e moderatores.

Shqiptarja Heidi Baci, e cila braktisi “Big Brother Vip Italia” pas takimit me babain e saj Gentin, është rikthyer në shtëpinë e famshme ku është përballur me aktorin, Massimiliano Varrese, me të cilin nisi një histori dashurie.

Ishte pikërisht kjo lidhje që “detyroi” babain e 26-vjeçares të hynte për disa minuta në shtëpinë e “Grande Fratello” dhe t’i kërkonte të bijës të hiqte dorë nga loja e të kthehej në shtëpinë e saj, duke mos pranuar romancën e Heidit me italianin, 21 vite më të madh.

Heidi mbërriti në studion e spektalit ku tregoi historinë e saj dhe marrëdhënien që ka me babain.

“Kur pashë babanë u lumturova, sepse ne kemi një marrëdhënie shumë të mirë në familje. Duke e parë në sy, kuptova se nuk e kisha parë kurrë kështu. Nuk kam frikë nga babai, është qesharake. Në atë moment u turbullova nga mendimi i nënës sime. Ata nuk më njohën dhe janë shumë mbrojtës ndaj meje”, u shpreh Heidi Baci.

Ndërkohë në përballjen me aktorin italian, ky i fundit i drejtohet duke u shprehur se është prekur shumë nga fjalët e babait të saj.

“Nuk kam asgjë për të thënë më shumë, Heidi. Lotët që ke parë janë edhe ato të një personi që ka dëgjuar fjalët e forta të babait tënd. Duke mos dashur të komentoj apo të përkeqësoj situatën, nuk munda të shfryj as verbalisht apo në ndonjë mënyrë tjetër, kështu që unë shpërtheva. Në ato imazhe shoh një njeri që ndoshta ka bërë filmin e tij dhe kjo është në rregull. Më vjen shumë keq që më quajtët ‘ky individ’, e marr pak si një nënçmues. Gabimi im ishte mbivlerësimi i ndjeshmërisë së Heidit”, tha Varresse.

Ndërkohë ish-banorja qëndron e qetë dhe shprehet se: “Ky ‘individ’ është nënçmues sepse të kam mbështetur shumë herë, të kam kuptuar, të kam ardhur në ndihmë dhe pavarësisht kësaj, pavarësisht se të kam thënë një mijë herë të ngadalësosh, të stepesh pak, nuk e bëre, përdore psikologjinë e kundërt, atë të injorimit në një shtëpi ku jetonim bashkë”.

47-vjeçari i përgjigjet: “Çfarëdo që të thuash është në rregull. Mund të thuash çfarë të duash. Ne do të flasim për këtë…”

Ndërsa Heidi e ndalon menjëherë duke i thënë: “Jo, nuk do të flasim më për këtë. Unë po bëj këtë përpjekje për ta mbyllur. Nuk dua më kontakte dhe dua që t’i të ndalosh së foluri për mua, babin dhe familjen time pa e ditur të vërtetën.”

Para mbylljes së takimit Varrese shprehet: “E gjitha është shumë e qartë, por gjithashtu do të doja që këto mesazhe shpifëse të mos thuheshin më mbi mua”.

Indi- Një konkurrente në një version të njohur indian të Big Brother është arrestuar pasi kishte veshur një varëse të bërë nga kthetra tigri gjatë shfaqes.

Biznesmeni Varthur Santhosh, një pjesëmarrës në edicionin e programit televiziv Big Boss, u arrestua më 22 tetor. Ai është akuzuar për veshjen dhe ekspozimin e një pjese të kafshës, e cila është një vepër e dënueshme sipas ligjit indian.

Departamenti i pyjeve në shtetin jugor indian të Karnataka tha se ata morën një ankesë pasi Santhosh u shfaq në shfaqjen popullore televizive i veshur me varëse në një zinxhir të trashë ari, njofton BBC.

Zyrtarët e pyllit kontaktuan Santhosh përmes ekipit të emisionit dhe e morën në pyetje atë, raportoi gazeta Indian Express. “Kur kontrolluam varësen, u konfirmua se ishte një thua tigri,” i tha gazetës Zëvendës Konservatori Urban Bengaluru i Pyjeve N Ravindrakumar.

Santhosh ende nuk ka bërë një deklaratë publike, por policia tha se gjatë marrjes në pyetje, ai u tha atyre se varëse kishte qenë në familjen e tij për breza, shkruan BBC, citon Noa.al.

Sipas ligjit të Indisë për mbrojtjen e kafshëve të egra, vepra penale e ekspozimit të pjesëve të kafshëve mund të sjellë tre deri në shtatë vjet burg.

Tigrat janë një specie e rrezikuar dhe popullsia globale e tigrave të egër ka rënë me rreth 95% gjatë shekullit të kaluar, sipas statistikave të Fondit Botëror.

Genta Gjalpi, ose ndryshe Genta e BB ka bërë së fundmi një deklaratë shokuese në profilin e saj në Instagram, ku ndiqet nga më shumë se 200 mijë persona.

Teksa një ndjekës i ka kërkuar të ndajë një sekret, ajo ka deklaruar se ka vrarë hallën e burrit.

“Kam vrarë hallën e burrit, ti merrnim pasurinë, e mallkuar”, shkruan ajo.

Padyshim që kjo është një humor i zi i Genta Gjalpit, por disi i pavend për tu thënë në një faqe me më shumë se 200 mijë ndjekës. Prej kohësh Genta ka treguar se është në një marrëdhënie serioze edhe pse nuk e ka bërë ende publik partnerin.

Kujtojmë se Genta humbi gjyshin e saj pak ditë më parë dhe ndan në Instagram herë pas here momentet se si familja e saj po kalon dhimbjen./albeu.com/

Një pilot jashtë detyrës është akuzuar për tentativë vrasjeje, pasi dyshohet se u përpoq të rrëzonte një avion pasagjerësh gjatë një fluturimi të dielën mbrëma.

I dyshuari ishte ulur në kabinën e një fluturimi të Alaska Airlines pas kapitenit dhe oficerit të parë, sipas një deklarate të linjës ajrore.

Ai është identifikuar si Joseph David Emerson, 44 vjeç.

https://www.bbc.com/terms

Avioni ishte në rrugën e tij nga Everett, Uashington, për në San Francisko, Kaliforni, me 80 pasagjerë në bord.

Ai u devijua në Portland, Oregon dhe i dyshuari u neutralizua pa incidente, thanë zyrtarët.

Në një deklaratë, Alaska Airlines tha se piloti jashtë detyrës po udhëtonte në kabinën e fluturimit, kur ai “përpoq pa sukses të prishte funksionimin e motorëve”.

Anëtarët e ekuipazhit në fluturimin 2059 të Alaska Airlines raportuan incidentin në kontrollin e trafikut ajror.

Në një regjistrim të komunikimit të kontrollit të trafikut ajror, një nga pilotët u dëgjua duke thënë: “Ne kemi personin që u përpoq të mbyllte motorët nga kabina, dhe ai nuk duket sikur po shkakton ndonjë problem në pjesën e pasme tani.”

“Unë mendoj se ai është i nënshtruar,” shtoi piloti.

Ai kërkoi praninë e policisë “sapo avioni të zbriste në tokë”.

Fluturimi, i operuar nga Horizon Air, ishte planifikuar të ngrihej në orën 17:25 me kohën lokale dhe të mbërrinte në San Francisko në orën 19:30.

Megjithatë, fluturimi u devijua për në Portland dhe përfundimisht u nis nga atje në destinacionin e synuar në orën 19:18.

Incidenti po hetohet nga Departamenti i Policisë së Portlandit dhe FBI, tha Alaska Airlines.

Në një deklaratë, FBI konfirmoi se po hetonte dhe tha se “mund të sigurojë publikun udhëtues se nuk ka asnjë kërcënim të vazhdueshëm në lidhje me këtë incident”./albeu.com

Tifozët presin të shohin përsëri Armando Brojën në fushën e lojës, por imazhi i vetëm që ka qarkulluar sot gjerësisht në rrjetet sociale, është ai i sulmuesit të kombëtares shqiptare duke kërcyer i mbështjellë me peshqir.

Ka qenë shoku i tij i skuadrës, Ben Chilwell, i cili ka bërë publike disa foto dhe video gjatë ditës së fundit, duke shkruar thjesht “tetor”.

Dhe në një nga këto video, shfaqet Broja duke bërë një kërcimin e “pëllumbit” i mbështjellë vetëm me një peshqir në mes.

Momente humori mes shokëve të skuadrës, por që padyshim kanë sjellë mjaft komente nga tifozët, të cilët deshën të dinin arsyen pse Broja po bënte këtë shfaqje të tillë.

https://twitter.com/EddieOliech?ref_src=twsrc%5Etfw%7Ctwcamp%5Etweetembed%7Ctwterm%5E1716347951847526552%7Ctwgr%5E27eb80bac04440d732f9ba5eabda406db96761f0%7Ctwcon%5Es1_&ref_url=https%3A%2F%2Fwww.shqiperiaime.com.al%2F2023%2F10%2Fme-peshqir-duke-kercyer-armando-broja-shfaqet-si-asnjehere-me-parevideo%2F

Korniza e Investimeve të Ballkanit Perëndimor (WBIF) që koordinon grantet dhe kreditë e donatorëve, kryesisht Bashkimit Europian dhe Bankës Botërore, po koordinon financimin e segmentit të parë të autostradës Adriatiko-Joniane, Murriqan – Lezhë, pjesë e rrjetit kryesor rrugor europian (TEN-T).

Sipas të dhënave zyrtare nga WBIF, autostrada Murriqan – Lezhë (Balldren) do të ketë gjatësi prej 41 km shtrirje të re dhe dyfishim të autostradës ekzistuese. Janë parashikuar 8 kryqëzime, 23 nënkalime dhe 8 ura (gjatësia totale 1210 m).

Kategoria e propozuar e projektimit është “A”, me shpejtësi projektimi prej 120 km/h. Për më tepër, 24.1 km rrugë dytësore dhe shërbimi do të ndërtohen për të ndihmuar aktivitetet bujqësore, industriale dhe të tjera përgjatë rrugës kryesore dhe për të siguruar komunikimin midis dy anëve të autostradës.

Kostoja totale e projektit vlerësohet 255 milionë euro, nga të cilat 128 milionë euro janë kredi dhe për 100 milionë euro është aplikuar për grant nga qeveria shqiptare në WBIF.

Për kredinë është ofruar Banka Europiane për Rindërtim dhe Zhvillim (BERZH), me vlerën totale 128 milionë euro, ndërsa qeveria shqiptare do të kontribuojë me 30,3 milionë euro.

Afati i përfundimit teë këtij aksi të rëndësishëm për BE është planifikuar viti 2029.

WBIF ka dhënë një grant prej 1,6 milionë eurosh i cili financon përgatitjen e një Vlerësimi të Ndikimit Mjedisor dhe Social (VNMS), një Projekti Paraprak dhe analizë për të përditësuar kosto-përfitimet seksionin e autostradës Murriqan- Balldren.

Korridori Rrugor Adriatik-Jonian (AIC) është zgjerimi tregues i Korridorit të Rrjetit Bërthamë Mesdhetar TEN-T që lidh Europën qendrore dhe veriore me gadishullin Ballkanik, nga Trieste në Itali deri në Kalamatë në Greqi.

Gjatësia nga Italia në Greqi do të jetë afërsisht 1,500 km. Në rajonin e Ballkanit Perëndimor, Korridori kalon përmes Malit të Zi (afërsisht 110 km ose 7% e gjatësisë totale) dhe Shqipërisë (afërsisht 315 km ose 20% e gjatësisë totale).

Korridori i Mesdheut që do të përfshijë pjesën e bregut të Ballkanit, do të jetë një rrugë në funksion të një rajoni kulturor dhe turistik.

Të gjitha vendet ku aksi kalon nga Spanja në Greqi, korridori ofron pjesët më të bukura të kulturës, gjeografisë dhe turizmit të Europës, me një ofertë të pasur turistike. Ky aks merr rëndësi strategjike, pasi lidhet me Korridorin e Mëndafshit në portet e Stambollit.

Deri në Kroaci, thuajse korridori është i plotë, kurse nga Mali i zi dhe në Shqipëri, infrastruktura duhet të ribëhet gati në 70% nga e para.

Në pjesën shqiptare disa akse të rëndësishme nga Miloti në Fier po ndërtohen me koncesion dhe tashmë fituesit janë shpallur.

Sipas të dhënave nga studimi i fzibilitetit Autostrada Adriatiko-Joniane në territorin shqiptare nis në Muriqan dhe vazhdon në Balldren, Milot, Thumanë, Kashar, Lekaj, Konjat, bypass-in e Fierit, Levan, Poçem, Memaliaj, Subash, bypass-in e Gjirokastrës dhe përfundon në Kakavijë, në 13 segmente me gjatësi 318 kilometra, duke përfshirë edhe bypass-in e Fierit që është në proces ndërtimi.

Nga këto 5 segmente do të ndërtohen nga e para, ndërsa 8 të tjerat do të jenë dublimdhe sjellja në parametra e një autostrade të kategorisë A, me shpejtësi 12 kilometër në orë./Monitor.al

Gjyqtarja e posaçme Irena Gjoka e cila firmosi masën e sigurisë “detyrim paraqitje” ndaj Sali Berishës duke i bllokuar pasaportën është një hap larg shndërrimit në një figurë historike, simbol i drejtësisë së re dhe heroinë e luftës për shembjen e pandëshkueshmërisë në Shqipëri. Gjoka ka evidentuar se në cilësinë e kryeministrit, Sali Berisha ka marrë vendime në konflikt të hapur interesi për ish-kompleksin Partizani, duke sjellë përfitime për dhëndrin e tij Jamarbër Malltezi. Ajo i ka dhënë një goditje tronditëse familjes Berisha. Gjoka shfaqet si një detajiste e përpiktë e fakteve dhe elementëve ligjorë që ndodhen në dosje dhe me forcë arsyetuese që krijon bindje ligjore të plotë. Me vendimin e fundit, ajo mund të konsiderohet si “gijotina” e Gjykatës së Posaçme SPAK dhe një nga gjyqtaret më të guximshme, që u ka kthyer shpresën për të marrë drejtësi të gjithë shqiptarëve.

Detajet nga vendimi i gjykatës

Sipas vendimit të gjykatës, pasi u nxor nga inventari i ushtrisë, trualli i ish-kompleksit “Partizani” ishte ambient sportiv dhe ligjet e ndalonin përdorimin për ndërtim. Por pavarësisht kësaj, në kontratën me nr. 4938 datë 22.05.2006 të lidhur nga trashëgimtarët Begeja të përfaqësuar nga Jamarbër Malltezi dhe nga ana tjetër shoqëria Kontakt sh.p.k. e përfaqësuar nga Fatmir Bektashi, është marrë përsipër ndryshimi i destinacionit të zonës nga sportive në zonë për banim, madje edhe marrja e lejes së ndërtimit dhe e sheshit etj. Në vendimin e gjykatës, thuhet se për rastet e pronave të kthyera nga komisionet e kthimit dhe kompensimit të pronave ish pronarëve, kur ato gjenden në territore të tilla, KRRT-të e të gjitha niveleve nuk kanë të drejtë të ndryshojnë destinacionin e përcaktuar në studimin e miratuar. Në këto raste pronarët e tokave kanë të drejtë të kërkojnë kompensim sipas ligjeve në fuqi. Por pavarësisht, këtij parashikimi ligjor, rezulton se premtimi i bërë nga Jamarbër Malltezi në kontratë, është realizuar me vendimin nr. 132 datë 08.06.2006 të kryetarit të KRRT- se, Bashkia Tiranë (nr. 277 prot date 28.06.2006), ku është vendosur ndër të tjera që, të miratohet kërkesa për ndryshim të destinacionit për zonën Rruga “Frosina Plaku” dhe rruga e Planit Rregullues nga zonë sportive në zonë banimi. Me vendimin nr. 4 datë 21.11.2006 të Këshillit të Rregullimit të Territorit të Republikës së Shqipërisë përfshihet dhe zona me sipërfaqe 0.7 ha në Rrugën “Frosina Plaku” e cila ndryshohet nga “zone sportive” në “zonë banimi”. Ky vendim është firmosur nga Kryetari i KRRT-së Z. Sali Berisha. Sipas aktit të ekspertimit, të kryer nga topografi, zona për banim, ndodhet brenda Klubit shumësportesh Partizani, në kufirin jug perëndimor të tij, brenda sipërfaqes së njohur dhe më pas kthyer familjes Begeja. “Siç lehtësisht mund të konstatohet, ky është një ndër veprimet e para të ish Kryeministrit të kohës, shtetasit Sali Berisha, ku mund të evidentohet qartësisht konflikti i interesit (shih ligjin Nr. 9367, datë 07.04.2005), pasi si vjehrri i shtetasit Jamarbër Malltezi, ai ndërmerr veprime për ndryshim destinacioni nga zonë sportive në zonë banimi, pikërisht në territore në të cilat marrin jete dhe zhvillohen një tërësi ndërtimesh të kryera nga shoqëria Kontakt sh.p.k., e cila siç rezultoi në vijim, është një bashkëpuntore e ngushtë me shoqërinë Homeplan sh.p.k. ku ortak në këtë të fundit është shtetasi Jamarbër Malltezi.”

“Fati” i Shkëlzenit në duart e Irena Gjokës

Jo vetëm kjo, por gjyqtarja Irena Gjoka mund të tronditë edhe më shumë familjen Berisha, pasi ajo ka në duart e saj dhe “fatin” e Shkëlzen Berishës. Në muajin shkurt të vitit 2023, shorti elektronik i Gjykatës së Posaçme (GJKKO) zgjodhi gjyqtaren Irena Gjoka për dosjen e Gërdecit. Gjoka hyri në këtë gjykim pas largimit të gjyqtarit Erjon Çela, i cili dha dorëheqjen për shkak të gjykimit njëherë të këtij rasti. Hetimet po zhvillohen për korrupsion dhe pastrim parash lidhur me rolin e kompanive Edvin dhe AEY që dyshohet se kanë dërguar në SHBA me paketim e çmime të ndryshuara, fishekët që duhej të ishin demontuar në Gërdec. Në këtë hetim me letër-porositë që ka çuar SPAK në SHBA ku vetë Altin Dumani konfirmoni se po bashkëpunon ngushtë me amerikanët mund të zbulohet dhe roli i Shkëlzen Berishës. Në fund do të jetë Irena Gjoka që do të hedhë firmën për arrestimin tjetër të “shekullit”.

Gazetari Arian Çani tha se nëse Sali Berisha do të futej në burg, atëherë do të thoshim me plotë bindje se jemi në një epokë të re politike.

Sipas Çanit është lajm fakti që të shtunën për herë të parë u prek nga drejtësia një nga personat më të rëndësishëm sa i takon politikës së 30 viteve të fundit në Shqipëri.

“Kjo që po shikojmë në këto momente, nuk jemi futur akoma në një epokë të re politike. Në epokë të re politike do të futemi nëse merret i pandehur dhe futet në burg edhe Sali Berisha. Ne jemi gati të hyjmë në një epokë të re politike. Por pa u prekur liderët e mëdhenj në këto 30 vit.

Nëse drejtësia nuk arrin dot të prekë personazhe të lartë të politikës, njerëzit që kanë qenë në timonin e udhëheqjes së këtij vendi, si Berisha, Rama, Meta, Lul Basha, që ka pasur edhe poste dhe pretendon se ka një parti. Pra janë 3-4 personazhe të cilët deri pardje nuk ishin prekur. Ne duhet ta themi që është lajm që po futemi në një epokë të re politike. Ende nuk kemi hyrë, mund ta thoshim që jemi futur nëse do arrestohej doktori”, u shpreh Çani.