Category: Lajme

Detaje të reja dalin në dritë nga atentati ndaj pronarit të karburantit Rexhep Ismaili, mbrëmjen e sotme në Gjashtë të Sarandës, i cili u ekzekutua me plumb në kokë.

Sipas informacioneve nga vendngjarja, mësohet se viktima dhe autori i krimit kanë patur një konflikt të mëparshëm.

Sipas burimeve, autori ka shkuar i armatosur në ambientet e karburantit në pronësi të Ismailit. Ky i fundit ndodhej në lokalin e biznesit, i ulur në tavolinë me persona të tjerë, kur autori ka hapur zjarr me pistoletë në drejtim të tij, duke e lënë të vdekur në vend.

Personat që ndodheshin brenda banakut të lokalit kanë reaguar menjëherë duke nxjerrë një armë automatike. Ata kanë qëlluar me breshëri në drejtim të autorit që po tentonte të largohej, duke krijuar një skenë lufte në mes të biznesit.

Pavarësisht kundërpërgjigjes me armë zjarri nga njerëzit e viktimës, autori i dyshuar ka arritur t’u shpëtojë plumbave dhe është larguar me shpejtësi nga vendngjarja.

Policia po vijon punën për identifikimin e plotë të personave që përdorën automatikun, ndërsa vijon kërkimi për kapjen e autorit kryesor të vrasjes.

Organizata Botërore e Shëndetësisë deklaroi këtë të enjte se shpërthim i hantavirusit në bordin e një anijeje turistike në Atlantikun Jugor nuk është fillimi i një pandemie.

Maria van Kerkhove, një epidemiologe e sëmundjeve infektive në Organizatën Botërore të Shëndetësisë (OBSH), tha në një konferencë për shtyp se nuk ishte e njëjta situatë si gjashtë vjet më parë me Covid-19, sepse hantavirusi përhapet përmes “kontaktit të ngushtë dhe intim”.

Autoritetet shëndetësore po nxitojnë të gjurmojnë dhjetëra njerëz që kanë zbarkuar së fundmi nga anija holandeze MV Hondius.

Të enjten, OBSH-ja tha se në përgjithësi, pesë nga tetë rastet e dyshuara të hantavirusit ishin konfirmuar. Tre persona kanë vdekur, përfshirë një grua 69-vjeçare holandeze, e cila ishte e infektuar me virusin. Burri i saj holandez dhe një grua gjermane vdiqën gjithashtu, dhe rastet e tyre po hetohen.

Hantavirusi zakonisht përhapet nga brejtësit, por në shpërthimin e fundit transmetimi midis njerëzve u dokumentua për herë të parë, tha OBSH.

Anija luksoze me anije, e operuar nga Oceanëide Expeditions, filloi udhëtimin e saj më 1 prill në Ushuaia në Argjentinën jugore dhe pritet të mbërrijë së shpejti në Ishujt Kanarie të Spanjës. Raportohet se fillimisht në bordin e anijes ndodheshin rreth 150 pasagjerë dhe anëtarë të ekuipazhit nga 28 vende, por dhjetëra prej tyre zbarkuan në ishullin e Shën Helenës më 24 prill.

Sa të shqetësuar duhet të jemi për hantavirusin?

Në konferencën për shtyp të së enjtes, Maria van Kerkhove e OBSH-së tha “ky nuk është Covid, ky nuk është grip, përhapet shumë, shumë ndryshe”.

Ajo tha se autoritetet u kishin kërkuar “të gjithëve të mbanin maskë” në bordin e anijes MV Hondius. Ata që janë në kontakt me ose kujdesen për rastet e dyshuara, shtoi ajo, duhet të “veshin një nivel më të lartë të pajisjeve mbrojtëse personale”.

Në të njëjtën konferencë për shtyp, Drejtori i Përgjithshëm i OBSH-së, Tedros Ghebreyesus, tha se organizata e tij “e vlerëson rrezikun e shëndetit publik si të ulët”. Ai tha se dy personat e parë me virusin e konfirmuar kishin “udhëtuar nëpër Argjentinë, Kili dhe Uruguai në një udhëtim për të vëzhguar zogj, i cili përfshinte vizita në vendet ku ishte e pranishme specia e miut që dihet se mbart virusin”.

Dr Tedros tha se OBSH ishte në dijeni të raporteve për persona të tjerë me simptoma që mund të kenë pasur kontakt me pasagjerët, duke shtuar se zyrtarët ishin në kontakt me autoritetet përkatëse. Duke pasur parasysh periudhën e inkubacionit të kësaj sëmundjeje – e cila mund të jetë deri në gjashtë javë – është e mundur që të raportohen më shumë raste, tha ai.

Më herët të enjten, Oceanëide Expedition tha se 29 pasagjerë, të të paktën 12 kombësive të ndryshme, kishin lënë anijen MV Hondius në St Helena, Territorin Britanik Jashtë Shtetit. Qeveria holandeze e përcaktoi numrin e atyre që kishin zbritur nga anija në 40, përfshirë një shtetas zviceran i cili tani ka një rast të konfirmuar të virusit.

DASHI

Gjatë këtyre ditëve të majit, pasioni është forca juaj lëvizëse dhe mund të ndihet në çdo gjest, fjalë dhe zgjedhje. Përjetoni ndjenjat tuaja intensivisht. Lidhur me punën, disa pengesa praktike po ngadalësojnë planet tuaja dhe mund t’ju kenë vënë në provë në të kaluarën…

DEMI

Sipas horoskopit të Paolo Fox (e premte, 8 maj 2026), stabiliteti në dashuri është forca juaj dhe përfaqëson një strehë të sigurt për shumë prej jush në këtë fazë. Sa i përket punës, do të keni një javë produktive ku idetë më në fund po fillojnë të marrin formë konkrete.

BINJAKËT

Dinamikat e marrëdhënieve po ju vënë në provë. Keni nevojë për mbështetje, mirëkuptim dhe ndarje. Në punë, jeni plot ide, njohuri dhe ambicie, por mendoni se nuk po merrni mbështetjen që ju nevojitet për t’i realizuar ato.

GAFORRJA

Marrëdhëniet tuaja po kalojnë një periudhë sqarimi të thellë gjatë këtyre orëve të majit. Pas zhgënjimeve ose keqkuptimeve, ndjeni nevojën për të vërtetën. Puna? Ke kuptuar se jo të gjithë janë në anën tënde dhe kjo vetëdije të ka bërë më të kujdesshëm.

LUANI

Sipas horoskopit të Paolo Fox (e premte, 8 maj 2026), hapuni pa frikë. Do të dëshironi të ndani, të ndërtoni dhe të përjetoni emocione autentike, pa shumë rezerva. Lidhur me karrierën tuaj, keni një shtysë të fortë për sukses dhe kjo duket.

VIRGJËRESHA

Marrëdhëniet mund të jenë duke kaluar një fazë delikate, ku fërkimet ose keqkuptimet e vogla rrezikojnë të bëhen më të rënda se sa është e nevojshme. Sa i përket punës, kjo është një kohë e mirë për të riorganizuar, planifikuar dhe rirenditur prioritetet. Madje edhe për të kapërcyer një sfidë.

PESHORJA

Gjatë këtyre orëve të majit, idetë tuaja janë më të qarta se në të kaluarën e afërt, duke ju lejuar të shihni marrëdhëniet me një qartësi më të madhe. Çështje që lidhen me punën: ju thirreni të bëni zgjedhje të rëndësishme për muajt në vijim.

AKREPI

Sipas horoskopit të Paolo Fox (e premte, 8 maj 2026), keni një nevojë të fortë për t’u ndjerë të mbështetur. Sa i përket punës, kjo javë është intensive, me momente presioni në rritje, veçanërisht gjatë këtyre orëve… Qëndroni të qëndrueshëm.

SHIGJETARI

Keni nevojë për stimulim të ri emocional, emocione që ju bëjnë të ndiheni të gjallë dhe të angazhuar. Marrëdhëniet e qëndrueshme mund të përjetojnë njëfarë tensioni, veçanërisht nëse komunikimi është zvogëluar kohët e fundit ose intimiteti është lënë në hije nga angazhimet në punë dhe stresi. Sa i përket karrierës suaj, ju doni të rriteni, të ndryshoni dhe të zgjeroheni.

BRICJAPI

Pas një periudhe të vështirë, keni nevojë për më shumë paqe në marrëdhëniet tuaja. Nuk dëshironi më konflikte të panevojshme ose situata të paqarta. Në punë: javët e fundit kanë qenë shumë të vështira. Jo gjithçka mund të zgjidhet menjëherë, veçanërisht pasi disa situata nuk janë tërësisht nën kontrollin tuaj.

UJORI

Sipas horoskopit të Paolo Fox (e premte, 8 maj 2026), yjet favorizojnë takimet dhe emocionet. Je më i etur për të ndarë, për të takuar njerëz të rinj ose për të rizbuluar anën më spontane të marrëdhënieve. Lidhur me punën, financat kërkojnë vëmendje të veçantë. Mos u përpiq më shumë sesa mund të përtypësh.

PESHQIT

Jeni tepër i ndjeshëm dhe keni nevojë për siguri konkrete. Mund të lindin tensione në marrëdhënie, veçanërisht nëse ndihesh i keqkuptuar ose i lënë pas dore. Në punë, kërkoni njohje konkrete për përpjekjet e tua dhe nuk jeni më i gatshëm të kënaqesh me fjalë ose premtime.

Një ngjarje e rëndë është regjistruar sot në Gazi të Heraklionit, në Kretë të Greqisë, ku një 20-vjeçar është vrarë me armë zjarri në mes të rrugës.

Sipas raportimeve, autori i dyshuar është një 54-vjeçar, i cili është dorëzuar vetë në polici pas ngjarjes dhe ka dorëzuar edhe armën e përdorur.

Hetimet paraprake tregojnë se motìvi lidhet me një ngjarje të ndodhur tre vite më parë, kur djali i 54-vjeçarit humbi jetën në një aksident rrugor.

Në atë aksident, i riu që u vra sot ishte drejtuesi i mjetit, ndërsa viktima ndodhej pasagjer.

Burime nga media greke bëjnë të ditur se 54-vjeçari e ka konsideruar 20-vjeçarin përgjegjës për vdekjen e të birit dhe dyshohet se e ka ndjekur me makinë para se ta qëllonte disa herë në rrugë.

Pas ngjarjes, ai është paraqitur në polici dhe është vënë në pranga. Hetimet po vijojnë për të sqaruar plotësisht rrethanat e krimit.

Pas momentit të fortë në studio, ku Ola iu drejtua moderatores me fjalën “kuçkë”, reagimet nuk munguan as jashtë “Ferma VIP”. Episodi shkaktoi menjëherë debat në rrjetet sociale, ndërsa situata mori një tjetër kthesë vetëm pak orë më pas.

Llogaria e Olës në Instagram u vendos në privat nga familjarët e saj, një veprim që u interpretua si përpjekje për ta mbrojtur nga vala e komenteve dhe reagimeve negative që shpërthyen pas deklaratës në studio.Vendimi vjen në një moment delikat për të, pasi përveç kritikave për mënyrën e komunikimit, Ola po përballet edhe me emocionet e forta pas largimit të Adionit nga gara.

Ky zhvillim ka shtuar edhe më shùmë diskutimet rreth ndikimit që kanë reality show-t në jetën personale të banorëve, sidomos kur reagimet e tyre bëhen virale dhe marrin përmasa të mëdha në publik.

Një deklaratë e papritur ka ardhur së fundmi nga ish-deputeti Kujtim Gjuzi lidhur me formatin televiziv “Ferma VIP”.

Gjatë një interviste të dhënë për “VIP Magazine”, ai ka zbuluar se ka marrë një ftesë nga stafi realizues i programit për t’u bërë pjesë e këtij reality show si konkurrent.

Përtej zbulimit të ftesës, ish-depùteti ka ndarë edhe kushtin e fortë financiar që u ka vendosur organizatorëve për të pranuar ofertën e tyre.

Sipas tij, pjesëmarrja në këtë spektakël do të realizohej vetëm kundrejt një pagese të konsiderueshme paraprake, duke përmendur shifrën e 100 mijë eurove.

Për të argumentuar këtë kërkesë, Gjuzi ka shpjeguar se nuk dëshiron të angazhohet për një fitore të pasigurt, duke marrë si shembull rrugëtimin aktual të shkrimtares Mimoza Ahmeti brenda shtëpisë.

Lidhur me këto negociata dhe prapaskenat e ftesës, ai u shpreh:

“Jam kontaktuar nga producentja deri te Rezho. Unë u vendosa kusht: Nëse doni të merrni Kujtim Gjuzin në Ferma VIP, duhet të më jepni parapagim gjysmën e çmimit që jepni ju (100 mijë euro). Unë s’mund të bëj spektakël siç bën Moza dhe nuk e ka të sigurt do e fitojë apo jo çmimin.”

Policia e Shtetit duket se e kùptoi gabimin serioz që bëri me njoftimin e përsëritur publik se kishte vendosur të hiqte patrullat e kontrollit nëpër rrugor e vendit. Fakt është se që nga ditët kur u trumbetua ky njoftim, aksidentet u shtuan frikshëm dhe numri i viktimave ishte disa herë më i lartë se më parë.

U pa qartë se shqiptarët në Shqipëri nuk janë aq të ndërgjegjësuar sa të veprojnë le ndërgjegje dhe jo me frikën e kontrollit policor, ndaj sot, u shpall rikthimi i patrullave, madje më intensive dhe më “të armatosura” se më parë.

Drejtori i Departamentit për Rendin dhe Sigurinë Publike, Drejtues i Lartë Dhimitraq Ziu, doli sot para mediave ku njoftoi anulimin e urdhrit dhe masat e reja.

Ziu tha se me qëllim parandalimin e aksidenteve rrugore, Departamenti për Rendin dhe Sigurinë Publike, nëpërmjet Drejtorisë së Policisë Rrugore, ka marrë një sërë masash shtesë në funksion të mënyrës së re të monitorimit të qarkullimit rrugor, për evidentimin dhe ndëshkimin e shkelësve të rregullave të qarkullimit rrugor.

Në këtë kuadër janë kalibruar 22 mjete shpejtësimatëse, janë pajisur të gjitha strukturat e Policisë Rrugore, me dronë, kamera, aparate fotografike, aparate alkooltestues dhe drogëtestues.

Shërbimet e Policisë në rrugët interurbane, do të vijojnë monitorimin e qarkullimit nëpërmjet pajisjeve logjistike dhe patrullave të lëvizshme dhe shkeljet e konstatuara nga mjetet logjistike do të verbalizohen në masa administrative, të cilat do të pasqyrohen në kohë reale në e-Albania.

Patrullat e Policisë Rrugore në akset nacionale do të ndërhyjnë kur konstatojnë sjellje agresive në rrugë, parakalime të njëpasnjëshme, manovra të gabuara apo shpejtësi dy deri në trefish, të cilat janë rrezik potencial për përfshirje në ngjarje rrugore.

Njëkohësisht do të bashkëpunohet me Qendrën Kombëtare të Monitorimit të Trafikut, me qëllim që shkeljet e konstatuara t’i kalojnë Policisë Rrugore, për të plotësuar masat administrative.

Policia pranon se publiku mori hov nga telegrami

“Nisur nga perceptimi i gabuar në publik, se drejtuesit e mjeteve nuk do të ndalohen nga patrullat, sqarojmë opinionin publik dhe përdoruesit e rrugës se:

Detyrat e vendosura në Telegramin nr. 3707, datë 10.04.2026, të Drejtorit të Përgjithshëm të Policisë së Shtetit, “Mbi marrjen e masave për garantimin e qarkullimit të pandërprerë të mjeteve”, kanë të bëjnë me mosndalimin e automjeteve në akset rrugore nacionale, pa shkak, duke krijuar imazh të keq.

Në akset rrugore nacionale, Patrullat e Policisë Rrugore të monitorojnë qarkullimin dhe të evidentojnë kundërvajtësit rrugorë nëpërmjet pajisjeve teknologjike.

Punonjësit e Policisë, kur evidentojnë dhe dokumentojnë me mjete logjistike, sjellje agresive të drejtuesve të automjeteve, do të veprojnë në zbatim të Kodit Rrugor.

Gjithashtu, të organizojnë pika kontrolli në qendrat urbane, sipas kushteve të sigurisë, në drejtimin e shefave të seksioneve dhe shefave të sektorëve të Policisë Rrugore, sipas planeve të dedikuara me objekt konkret (kontrolle për pije alkoolike, përdorimin e celularëve, kaskave mbrojtëse për drejtuesit e motomjeteve, mjeteve debitore dhe “Alert”, etj.)”, tha Ziu.

Policia Rrugore apelon për të gjithë përdoruesit e rrugës, që të zbatojnë me rigorozitet rregullat e qarkullimit rrugor. Çdo sjellje agresive në rrugë apo ndaj punonjësve të Policisë do të ndëshkohet maksimalisht, me të vetmin qëllim: rritjen e sigurisë së jetës në rrugë.

Për sa i përket qendrave urbane, shërbimet e Policisë do të vijojnë me grupe kontrolli për testet e alkoolit, kontrollet për shpejtësi, parakalimet e gabuara, mosdhënien e përparësisë këmbësorëve, përdorimin e celularit dhe të rripit të sigurimit.

Plan i ri dhe për parkimet e gabuara

Njëkohësisht, parkimet e gabuara do të jenë në qendër të vëmendjes, duke përdorur edhe mjetet ngritëse për parkimet në korsitë e dedikuara, ku bllokohet lëvizja e lirë e automjeteve apo e këmbësorëve.

Ziu tha se sjelljet agresive në rrugë duke shkaktuar aksident me pasojë humbjen e jetës apo plagosjen, janë shumë shqetësuese.

Ai evidentoi se vetëm në muajt e fundit, 82 100 drejtues automjetesh janë ndëshkuar për shpejtësi mbi normat e lejuara, që varojnë nga 20 km/orë mbi normën e lejuar deri në trefish të normës së lejuar.

815 drejtues automjetesh nuk kanë asnjë pikë në lejen e drejtimit dhe do t’i nënshtrohen testimit nga e para.

27 000 drejtues automjetesh janë ndëshkuar për parakalime të gabuara, rreth 60 000 drejtues mjetesh për drejtim mjeti pa rrip sigurimi, duke përdorur celularin apo për drejtim motomjeti pa kaskë mbrojtëse.

160 000 masa administrative janë vendosur për parkime të gabuara dhe 85 000 për shkelje të ndryshme.

Sipas statistikave, dallohet qartë se numri më i lartë i aksidenteve me pasojë ka si shkak shpejtësinë dhe më pas vjen sjellja e këmbësorëve, 33% e viktimave janë këmbësorë, drejtues motomjetesh dhe biçikletash.

Aksidentimi fatal i fëmijëve

Nisur nga rasti i Durrësit, ku një përsëritës i drejtimit të mjetit nën efekt alkooli shkaktoi vdekjen e tmerrshme të dy fëmijëve dhe plagosjen rëndë të një tjetri, Ziu tha sot sr janë evidentuar drejtuesit e automjeteve me shkelje të përsëritura dhe iu është kërkuar strukturave të Policisë Rrugore, që të marrin masa të menjëhershme për monitorimin dhe mbajtjen në kontroll të vazhdueshëm të këtyre drejtuesve, që janë shkelës të përsëritur të rregullave të qarkullimit, me pasojë për jetën dhe shëndetin.

Regjisori i programit “Ferma VIP 3”, Eduart Grishaj, ka sqaruar përmes një komunikimi publik qëndrimin e tij në lidhje me ngjarjen e fundit që përfshiu banoren Fabjola Elezaj dhe moderatoren Arbana Osmani. Ai ka reaguar pas diskutimeve dhe komenteve të shumta në rrjetet sociale, të cilat kanë ngritur pikëpyetje mbi situatën e krijuar gjatë transmetimit të drejtpërdrejtë.

Përmes një deklarate të shpërndarë në platformat digjitale, Grishaj ka mohuar kategorikisht aludimet për ndonjë lidhje familjare apo favorizim ndaj pjesëmarrëses, duke theksuar se përzgjedhja e saj në garë është bërë mbi bazën e kritereve profesionale dhe procesit standard të audicioneve.

Ai shtoi gjithashtu se reagimi i konkurrentes gjatë emisionit ka qenë pasojë e presionit emocional dhe situatës së tensionuar në ambientin e fermës. Në të njëjtën kohë, Grishaj vlerësoi mënyrën profesionale dhe të balancuar të moderatores Arbana Osmani në menaxhimin e momentit, duke theksuar rëndësinë e ruajtjes së etikës dhe qetësisë në situata të tilla televizive.

Lidhur me këtë çështje, ai u shpreh:

“Asnjë kushëri apo kushërirë e imja nuk ka qenë, as nuk është dhe nuk do të jetë pjesë e ndonjë reality show ku unë jam i përfshirë si pjesë e produksionit. Fabiolën e kam propozuar unë për Ferma VIP 3, sepse kam vlerësuar energjinë dhe potencialin e saj si vajzë e re që vjen nga Malësia e Madhe. Nuk jam penduar për këtë zgjedhje, unë do të vazhdoj të mbështes të rinj nga Veriu dhe nga çdo krahinë tjetër e Shqipërisë sa herë të kem mundësi, siç e kam bërë më parë në Big Brother dhe tani te Ferma dhe në projektet e mia personale si filmat apo programet e tjera. E duke u rikthyer te rasti i Fabiolës, njerëzit mund të gabojnë, sidomos nën presion emocional dhe në transmetim live. Nga një moment apo një gabim nuk mund të gjykohet e gjithë jeta e një vajze 23 vjeçare, familja apo vendi nga ajo vjen.

Përsa i përket reagimit të prezantueses në studio, Arbana ajo është, njerëzore me çdo njeri në çdo situatë dhe mendoj që ai reagim ka ndryshuar qasjen e prezantimit dhe të gazetarisë në vendin tonë dhe kjo duhet t’u shërbejë si shkollë edhe brezave të rinj që duan ta vazhdojnë këtë zanat.
Faleminderit të gjithëve që na ndiqni dhe na mbështesni. Ne do vazhdojmë të japim maksimumin tonë, me të mirat dhe gabimet tona.”

Një video të publìkuar në rrjetet sociale ka rikthyer në vëmendje emrin e Genard Hajdinit, i cili këtë herë shfaqet duke puthur tek Psikiatria motrën e tij Sonida.

Pamjet, të publikuara fillimisht nga vetë ai, e tregojnë duke e puthur Sonidën, ndërsa vetë përmend se videoja është realizuar nga ambientet e Psikiatrisë.

Të dy përfunduan në institucionin e shëndetit mendor pasi ky i fundit publikoi në Inatagram motrën e tij tërësisht të zhveshur.

Sonida Hajdini u pa në gjendje të rënduar mendore e fizike, ndërsa duket se gjendja e saj është stabilizuar.

VIDEO

Alesia Balliu i është përgjigjur Flamur Nokës pas pretendimeve të këtij të fundit se aktivistja demokrate ka mbështetur partinë “Shqipëria Bëhet” të Adriatik Lapajt.

Balliu, e cila nuk u lejua të kandidojë për kryetare e Partisë Demokratike, mohon pretendimet e Nokës dhe sjell për të parë një epsiod të panjohùr për publikun: “Flamur: ti je llumi i asaj partie, dhe e di pse? Sepse je i vetmi njeri që je rrahur nga ish-burri i një deputeteje të PD-së me të cilën ke qenë në Itali”

Një mesazh Balliu e ka edhe për Shkëlzen Berishën: “Vetem zotit i trembem mbi tokë, Mos e Harro”.

Postimi i plotë i Alesia Balliut:

Shkëlzen, për Sali Berishën vërtet kam qarë, por gomarin tënd Flamur Nokën nuk do ta kursej. Flamur, ajo që ka shpërndarë ti nuk është asgjë e re. Më trego një fletë ku unë kam firmosur për “Shqipëria Bëhet”.

Dëgjo, Flamur: ti je llumi i asaj partie, dhe e di pse? Sepse je i vetmi njeri që je rrahur nga ish-burri i një deputeteje të PD-së me të cilën ke qenë në Itali. Ti, Flamur, je e vetmja lëtyrë njerëzore nga e cila vajzat nuk afrohen në PD. Ti je i vetmi funksionar që shtëpitë që duhej t’ua jepje qytetarëve, ua ke dhënë familjarëve të tu.

Flamur, ashtu siç të zhburrëruan në Vorë, unë do të të zhburrëroj në mes të Tiranës, sepse nuk i frikësohem lëtyrave si puna jote.

Shkëlzen Berisha, si t’i lidhësh apo mos t’i lidhësh gomerët e tu, demokratët do ta marrin vesh për pazaret që po bëni në kurriz të tyre. Shkelzen Berisha vetem zotit i trembem mbi tokë, Mos e Harro!