Category: Lajme

Presidentja e Komisionit Europian, Ursula von der Leyen, në konferencën e përbashkët me kryeminstrin
Edi Rama, ka deklaruar se Shqipëria është në rrgën e duhur drejt BE-së.

Von der Leyen njoftoi se vitin e arshshëm do të hiqen të gjitha tarifat “roaming” të Shqipërisë në Bashkimin Europian.
Presidentja e KE-së deklaroi se ekonomia shqiptare ka fituar akses në tregun e përbashkët europian dhe është krijuar një treg i gjerë, ku të dyja palët kanë përfitime.

“Shqipëria është në rrugën e duhur drejt BE-së. Dua të theksoj se është një progres i mrekullueshëm dhe një shpejtësi rekord. Planifikojmë të hapim grupkapitullin e fundit këtë vjeshtë.

Dy vite më parë ne lançuam planin e rritjes në BP dhe ekonomia juaj ka fituar akses në tregun tonë të përbashkët. Ju zbatoni reforma kyçe. Kemi një treg të tërë të gjerë të përbashkët, është një situatë ‘win-win’. Vitin që vjen do të heqim të gjitha tarifat ‘roaming’ Shqipërisë në Bashkimin Europian”, deklaroi Von der Leyen.

Një nga kombet më të vogla mund të gjendet përpara një skenari pothuajse të paimagjinueshëm përpara Kupës së Botës.

Një komb europian që i ka humbur të gjitha ndeshjet kualifikuese të Kupës së Botës, mund të ketë shanse më të mira për t’u kualifikuar në turne nëse pëson edhe një tjetër humbje ndaj Rumanisë.

Shteti më i vogël në UEFA, San Marino, është i njohur si një nga kombet më të dobëta në historinë e futbollit ndërkombëtar dhe nuk fitoi asnjë ndeshje zyrtare deri në shtator të vitit të kaluar, kur mundi Lihtenshtejnin në Ligën e Kombeve të UEFA-s.

Ajo fitore erdhi 34 vjet pas ndeshjes së tyre të parë zyrtare, me të tria fitoret e tyre që kanë ardhur kundër të njëjtit kundërshtar.

I vendosur në Grupin H në kualifikimet e Kupës së Botës, San Marino – skuadra e së cilës përbëhet kryesisht nga lojtarë gjysmë-profesionistë – i ka humbur të shtatë ndeshjet e saj, duke pësuar 32 gola dhe shënuar vetëm një.

Skuadra e Roberto Cevoli-t, më e dobëta sipas renditjes së FIFA-s, humbi 4-0 ndaj Qipros të shtunën, por tani është zbuluar se humbja ndaj Rumanisë në ndeshjen e fundit mund të çojë në një skenar të paimagjinueshëm.

Rumania është e treta në grup, tre pikë pas Bosnjë dhe Hercegovinës, me vetëm një ndeshje të mbetur.

Të dyja skuadrat përballen më 15 nëntor, përpara se Bosnja të luajë disa ditë më vonë kundër Austrisë, kryesuese e grupit, ndërsa San Marino do të luajë me Rumaninë.

Nëse Rumania përfundon e dyta në Grupin H, ajo do të kualifikohej për “play-off”-et e Kupës së Botës, ku do të marrin pjesë gjithsej 16 skuadra.

Si mund të shkojë San Marino në Kupën e Botës?

12 nga ato skuadra do të jenë ekipet e renditura të dyta në grupet e kualifikimeve, ndërsa katër vendet e tjera do t’u takojnë katër fitueseve të grupeve të Ligës së Kombeve të UEFA-s që nuk janë kualifikuar tashmë.

Në mënyrë të pabesueshme, San Marino fitoi grupin e saj të Ligës së Kombeve në sezonin 2024/25 – duke kryesuar Grupin D1 të Ligës D me shtatë pikë nga katër ndeshje kundër Gjibraltarit dhe Lihtenshtejnit.

Kjo u dha atyre promovimin në Ligën C, por gjithashtu u jep një mundësi reale për një paraqitje historike në Kupën e Botës në Shtetet e Bashkuara.

Rumania gjithashtu e fitoi grupin e saj në Ligën e Kombeve, duke dominuar Grupin C1 me maksimumin e pikëve nga gjashtë ndeshje dhe duke siguruar promovimin në Grupin B.

Prandaj, në një kthesë të çuditshme ngjarjesh, është në interesin më të madh të San Marinos të humbasë thellë ndaj Rumanisë në mënyrë që kjo e fundit të marrë një nga vendet e “play-off”-it që u jepen fitueseve të grupeve të Ligës së Kombeve.

Ky “sukses” nuk do të ishte veçanërisht i vështirë për San Marinon, që gjatë viteve ka pësuar shumë humbje të rënda.

Ata më pas do të përballeshin me dy ndeshje “play-off” kundër ekipeve më të forta nga divizionet më lart, ku dy fitore do t’i dërgonin ata në turneun që zhvillohet në Amerikën e Veriut vitin e ardhshëm.

Për shkak të sistemit të UEFA-s, San Marino mund të futet gjithashtu në “play-off” nëse Suedia ose Irlanda e Veriut përfundojnë në dy vendet e para të grupeve të tyre, pasi edhe ato ishin fituese grupesh në Ligën e Kombeve.

E pamundura mund të bëhet e mundur për San Marinon, që ka një shans për të krijuar një nga arritjet më të mëdha në historinë e sportit.

Megjithatë, një fitore e Bosnjës ndaj Rumanisë më 15 nëntor mund t’i shkatërrojë ëndrrat e San Marinos.

Omo48 skuadra do të kualifikohen për Kupën e Botës, prej të cilave 16 do të jenë përfaqësuese të UEFA-s.

Djordje Petroviç ishte në portë për Serbinë, ndërsa Shqipëria fitoi 1 me 0 në Leskovac. 26-vjeçari nuk mund të bënte asgjë në goditjen e Manajt ku gjeti rrjetën, ndërsa ndali në fund Bajramin.

Petroviç tha opinionin e tij pas ndeshjes. Gardiani i serbëve pretendon se meritonin më shumë.

“Sigurisht që jemi të zhgënjyer me rezultatin. Meritonim më shumë. Varet nga ne, që të mbajmë kokën lart. Kemi edhe tre ndeshje të tjera.

Ndoshta meritonim më shumë. Patëm më shumë shanse”, u shpreh fillimisht portieri i Serbisë.

Manaj? Mendoj se ai shënoi vërtet një gol të bukur. Nuk është e lehtë të shënosh një gol midis disa lojtarëve. Ai kapi topin me volej.

Situata në minutën e fundit? Nuk kisha asgjë për të humbur.

Një ngjarje tragjike ka ndodhur mëngjesin e sotëm në një shkollë në Lamia, kur një mësuese 60-vjeçare është rrëzuar përtokë, teksa ndodhej në sallën e mësuesve, gjatë pushimit të mësimit dhe para kolegëve të saj.

Sipas raportit të LamiaNow.gr, 60-vjeçarja është rrëzuar papritur, me shenja që tregojnë një arrest kardiak.

Kolegu i saj, pavarësisht tronditjes, u përpoq ta ndihmonte ndërsa një ambulancë u thirr për ta transportuar në spital.

Sipas informacioneve fillestare, 60-vjeçarja ishte pa ndjenja. Ajo vdiq disa minuta më vonë gjatë transferimit të saj në Spitalin Lamia.

Ndërkohë, shkaqet e sakta të vdekjes së saj të papritur do të zbulohen nga autopsia që do të kryhet nga Shërbimi Mjekësor Ligjor i Greqisë Qendrore.

Një raport i ri nga Data in Race, bazuar në të dhënat e platformës ndërkombëtare Numbeo, ka renditur vendet me cilësinë më të ulët të jetës në vitin 2025. Indeksi mat mirëqenien e përgjithshme përmes faktorëve si siguria, kujdesi shëndetësor, kostoja e jetesës, klima dhe infrastruktura publike.

Në krye të listës së vendeve me performancën më të dobët renditet Nigeria me vetëm 21.5 pikë, pasuar nga Bangladeshi (73.9), Venezuela (79.7) dhe Sri Lanka (87.5). Ndërsa më poshtë renditen Egjipti, Irani, Peruja, Vietnami, Filipinet, Libani e Kenia, vende që ndajnë problematika të përbashkëta si mungesë e stabilitetit politik dhe ekonomi të brishta.

Në këtë renditje, Shqipëria zë një vend që duhet të ngrejë alarmin publik: me një indeks prej 104.3 pikësh, vendi ynë ndodhet mes shteteve me cilësi të ulët të jetesës, krahas vendeve si Pakistani, Indonezia dhe Tajlanda.

Ky rezultat, tregon se pavarësisht premtimeve për zhvillim ekonomik dhe ‘reformave’ në shëndetësi e mirëqenie sociale, jetesa reale e qytetarëve shqiptarë mbetet e vështirë.
Çmimet në rritje, mungesa e vendeve të punës me paga dinjitoze, si dhe perceptimi për pasiguri dhe mungesë shërbimesh cilësore, po e bëjnë Shqipërinë një vend gjithnjë e më sfidues për të jetuar.

Në një moment kur qeveria vazhdon të flasë për “stabilitet ekonomik” dhe “rritje të mirëqenies”, raportet ndërkombëtare tregojnë një tjetër realitet: çdo ditë e më shumëqytetarët ndihen të lodhur, të pasigurt dhe pa besim tek institucionet.

Ky raport është një thirrje për reflektim: shifrat flasin më qartë se propagandat. Cilësia e jetës nuk matet me fjalë, por me jetën e përditshme të njerëzve.

Lista e plotë e vendeve:

1. Nigeria – 21.5
2. Bangladesh – 73.9
3. Venezuela – 79.7
4. Sri Lanka – 87.5
5. Egypt – 89.1
6. Iran – 93.5
7. Peru – 98.9
8. Vietnam – 99.6
9. Philippines – 100.1
10. Lebanon – 100.7
11. Kenya – 101.2
12. Indonesia – 101.4
13. Pakistan – 103.4
14. Albania – 104.3
15. Thailand – 106.2
16. Kazakhstan – 106.8
17. Chile – 107.3
18. Colombia – 108.8
19. Morocco – 110.1
20. Azerbaijan – 111.3
21. Ukraine – 115.3
22. Russia – 117.3
23. Tunisia – 117.9
24. Brazil – 118.7
25. Argentina – 119.6

Dmitry Medvedev, zv. sekretar aktual i Këshillit të Sigurisë Kombëtare, ka paralajmëruar se furnizimi i Ukrainës me raketat amerikane Tomahawk “mund të përfundojë keq për të gjithë dhe për vetë Trumpin.”

Ky koment erdhi pasi Donald Trump, ka folur për herë të dytë brenda 48 orëve me Zelenskyn, duke rritur mundësinë e dërgimit të raketave lundruese me rreze veprimi prej 2,500 km në Kiev, në rast se “lufta nuk zgjidhet”.

“Është thënë njëqind herë, se dallimi i aftësive bërthamore të Tomahawk-ëve nga aftësitë e tyre tradicionale në fluturim është i pamundur”, deklaroi Medvedev.

Së fundmi ai ka thënë se lëshimet nuk do të kryheshin nga ushtria ukrainase por nga vetë SHBA.

Analisti Arjan Curri ka replikuar me ekspertin e kriminalistikës Ervin Karamuço mbrëmjen e sotme, lidhur me dosjet që ka bllokuar SPAK për politikanët e lartë, por dhe mbi një deklaratë të Karamuços se ndërkombëtarët kanë një të preferuarin e tyre për kreun e SPAK.

Karamuço tha se janë disa dosje korrupsioni të bllokuar.

Teksa u pyet në një emision televiziv se për sa politikanë bëhet fjalë, ai tha më shumë se 2.

Në atë moment ndërhyri Curri:

“Janë 3 janë dy burra dhe një grua se Karmuço nuk i thotë të gjitha. Amerikanët kanë thirrur një prokuror të SPAK i cili ka bashkëpunuar me ta në trafikun e drogës dhe i kanë thënë merre ti drejtimin e SPAK. Ai për shkak të integritetit ka thënë nuk e marr, por ka thënë se mbështes Xholin se besoj te integriteti i tij”, tha Curri.

Në Forumin e parë të Investimeve BE-Ballkani Perëndimor janë shpalosur disa projekte, të cilat me garancinë e Bashkimit Europian mund të implementohen nga disa biznese, në Ballkanin Perëndimor, duke i sjellë këtij rajoni 4 miliardë euro.

Dy janë investimet e drejtëpërdrejta që pritet të ndodhin në Shqipëri. Ato fokusohen në fushën e Energjisë së Rinovueshme dhe Industrisë së qëndrueshme.

1. CWP Europe – Ferma diellore dhe sistem magazinimi baterish në Mal të Zi dhe ferma ere në Shqipëri

Ndërtim i një ferme ere prej 600 MË në Shqipëri dhe një ferme diellore + sistem magazinimi baterish prej 400 MË në Mal të Zi.

Do të kontribuojë në sigurinë energjetike, përdorimin e kabllit HVDC nënujë që lidh me Italinë, reduktimin e emetimeve të CO₂ me rreth 800 mijë tonë në vit, dhe krijimin e mijëra vendeve pune jeshile.

2. Titan Cement Group – Zgjidhje Waste to Heat” në Shqipëri

Investim prej 53 milionë eurosh për projekte që shndërrojnë mbeturinat industriale dhe komunale në biokarburant/refuse-derived fuel dhe nxehtësi.

Synon shkurtime të mëdha të emetimeve të CO₂, zvogëlimin e përdorimit të lëndëve djegëse fosile, dhe promovimin e ekonomisë cirkulare.

Trajneri i Kombëtares shqiptare, Silvinjo, është shfaqur sot para mediave për të prezantuar të rejat e fundit nga kampi kuqezi para ndeshjes miqësore ndaj Jordanisë. Ai ka folur për sfidën ndaj Serbisë, por edhe për përballjen me Jordaninë dhe ndryshimet që priten në ekip për këtë duel.

“Ndryshime? Nesër do të bëjmë pak nga gjithçka. Nuk është e thjeshtë. Nuk besoj te miqësoret, luajnë të gjithë për të fituar dhe nuk besoj se duhen futur 11 lojtarë që nuk kanë qenë kurrë bashkë. Sepse pastaj paraqitja nuk është, është e vështirë që të vlerësosh lojtarët. Por punojmë që sot, nesër e caktojmë 11-shen. Megjithatë nesër mund të shkojnë në fushë të gjithë, duhet ekuilibruar një skuadër që bën mirë, dhe vlerësojmë lojtarët që janë me ne. Ka lojtarë që kanë shumë muaj këtu dhe nuk kanë luajtur titullarë, ne vlerësojmë të gjitha, nxemjen, ushtrimet, padyshim më e rëndësishme është ndeshja. Cake dhe Gripshi janë lojtarë me personalitet. Tani nuk e di ende, nesër do të jetë një miks i gjithçkaje.

Kthimi pas ndeshjes ishte i vështirë, erdhëm në 4, kishte shumë njerëz në aeroport, e dija që nuk ishte ndeshje normale, e bukur. Lojtarët ishin të aftë, ndihmoi eksperienca e Europianit të menaxhonim ndeshjen ndaj Serbisë. Llogaritë tona janë ndeshjet tona, kemi dy ndeshje të rëndësishme në nëntor. Të lumtur po. Për herë të parë Shqipëria shkon të luajë dy ndeshjet e fundit me shanse që të luajë në play-off, është e bukur. Ndeshja e radhës është shumë e rëndësishme, llogaritë janë për ndeshjet tona.

Sa e ndjeni veten shqiptar dhe a keni mesazh për tifozët? Pas kualifikimit në Europian, ndihesha 7. Pas kësaj fitore, ndihem 8 e gjysmë, gati 9. Në të dyja ndeshjet kemi bërë mirë, në fushë luhet futboll. Ndihem 8 e gjysmë shqiptar. Jam relativisht inteligjent. E kuptoj rëndësinë e ndeshjes, për tifozët dhe për të gjithë. Mesazh për 24 lojtarët, që mund të jetë secili në fushë apo pankinë. Unë nuk besoj në miqësore, mendoj për hapin tjetër që është i rëndësishëm dhe vjen në nëntor. Përsa i përket tifozëve, ta mbështesin Kombëtaren sepse lufton me zemër, gjak dhe shpirt. Mund të humbasësh, por asnjëherë nuk i ka munguar gjaku, shpirti dhe zemra. E dimë që nuk ka rrugë tjetër, përveçse të ecim përpara. Kërkojmë suportin e tifozëve.

Urimi më i bukur? Shumë komplimente dhe urime. Të gjitha të rëndësishme. Por 10 ditë më parë kam pasur bisedë telefonike me video, ishin bashkë edhe stafi afër me Roberto Mançinin. Pas ndeshjes me Serbinë më ka shkruar bravo Silvio ke bërë shumë mirë, por sigurisht të gjitha mesazhet janë të rëndësishme.

Play-off? Duhet të jem i sinqertë, nuk kam parë asnjë kundërshtar që na shfaqet përpara për play-off. E njoh veten shumë mirë, koka është kthyer te kjo gjë e rëndësishme në nëntor. Kemi ndeshje në nëntor, i kam thënë djemve që nga e nesërmja nuk e shoh si miqësore, por si mundësi. Ekipi Kombëtar është këtu dhe koka është te hapi i radhës në kualifikueset e nëntorit. Jo, nuk kam parë asgjë për më para.

Kërkohej largimi dhe tani jo? Unë kam pasur një jetë futbollisti 15-vjeçare. Si trajner për 5-6 vite. Ne jemi përgatitur, unë e thashë shembullin e Rei Manajt, e njoh që nga 2014. E kam njohur te Interi, është golashënuesi më i mirë i Kombëtares tonë tani, i cili ka respektin e të gjithëve dhe një ditë nuk shënon. Pra nuk shërben. Shënon, pra shërben. Por ne jemi mësuar me këtë vlerësim, është jeta, nuk ndryshon. Jam mësuar, si lojtar vlen apo nuk vlen, edhe si trajner vlen dhe nuk vlen. Unë e kam thënë që mendoj vetë për të ardhmen. Nuk kam asnjë problem. Nuk flitet për këto gjëra, kemi shumë gjëra të rëndësishme, duhet të jemi inteligjentë. Flasim për ndeshjen ndaj Letonisë që ishte shumë e rëndësishme, pastaj Serbia, pastaj kemi të rëndësishme në nëntor. Nuk flasim për këtë, nuk ka asnjë problem”, tha Silvinjo para mediave.

Në veri të Magdeburgut, në Saksoni-Anhalt, Bundeswehr fsheh një nga “gurët e çmuar” më të vlefshëm të saj: një qytet të tërë të rremë, një kamp gjigant stërvitor ushtarak që vetë ushtria gjermane e përshkruan si “më modernin në Evropë”. Quhet Stullenstadt, dhe sipas një hetimi të detajuar të Der Spiegel, ky projekt kontribuoi në ringjalljen e ambicieve të Vladimir Putinit në mesin e viteve 2000 dhe në nxitjen e një bashkëpunimi ushtarak midis Berlinit dhe Moskës, i cili u ndërpre vetëm në vitin 2014.

Në atë periudhë kishin lindur kontrata miliardëshe, bashkëpunime të ngushta mes drejtuesve të forcave të armatosura të të dy vendeve, madje ishte planifikuar edhe një stërvitje e përbashkët ruso-gjermane në Shën Petersburg. Fantazma e Rapallos, e paktit Hitler-Stalin, të cilën shumë nga ata që ishin në dijeni të fakteve e përmendnin në ato vite të çmendura, u zhduk vetëm kur Putini përpiu një copë të Ukrainës – Krimenë – dhe mbushi një tjetër – Donbasin – me “njerëzit e tij të gjelbër”, milicitë e tij vdekjeprurëse.

Gjithçka nis në vitin 2008, një vit vendimtar për Rusinë dhe Evropën. Në samitin e NATO-s në Bukuresht, kancelarja gjermane Angela Merkel kundërshton me vendosmëri propozimin e presidentit amerikan George W. Bush për t’i lejuar Ukrainës dhe Gjeorgjisë hyrjen në Aleancën Atlantike. Përgjigjja e Vladimir Putinit nuk vonon dhe është një shuplakë për Merkelin, e cila mendonte se e kishte qetësuar me “jo-në” e saj ndaj propozimit të Bushit. Pak më vonë, trupat ruse pushtojnë Gjeorgjinë.

Por sipas Der Spiegel, ka edhe më shumë: gjatë ofensivës në Osetinë e Jugut dhe Abkhazinë, Putini kupton se ushtria e tij është në një gjendje të mjerueshme. Pikërisht atëherë, Kremlini nis të ushtrojë presion për një bashkëpunim ushtarak me Gjermaninë. Dhe njerëzit e Merkelit dhe ish-kancelarit Gerhard Schröder e pranojnë këtë me entuziazëm.

Synimet imperialiste të Putinit ishin tashmë krejtësisht të qarta në atë moment. Megjithatë, Berlini angazhohet të ndërtojë plot tetë qendra stërvitjeje si Stullenstadt në Rusi. Një kontratë me vlerë një miliard euro, e besuar gjigantit të industrisë së armëve Rheinmetall. Angazhimi i Gjermanisë ishte që qytetet e rreme për qëllime ushtarake të përfundonin deri në vitin 2020. Që nga ajo kohë nis një shkëmbim intensiv vizitash, nënshkrimesh kontratash dhe planesh për të ndërlidhur sistemet e komandës ushtarake të dy vendeve – diçka që zakonisht ndodh vetëm mes partnerëve të NATO-s. Në Strausberg, për shembull, ku “Kommando Heer” përfshin oficerë francezë, amerikanë dhe britanikë, ishte parashikuar që t’i shtohej edhe një oficer rus.

Në këtë pikë bëhet e qartë se gjermanët e kishin të vështirë të përvetësonin mësimin e pakteve famëkeqe si Rapallo apo Molotov-Ribbentrop, të aleancave politike e ushtarake me Moskën. Kulmi i kësaj aleance të re me Rusinë është planifikimi i një stërvitjeje të përbashkët ushtarake ruso-gjermane, të quajtur “Kamenka”, në Shën Petersburg, mes korrikut dhe gushtit të 2013. Aleatët e NATO-s në krahun lindor informohen – dhe reagimi i tyre është i pabesueshëm dhe i furishëm. Baltikët, finlandezët dhe polakët, ende me kujtimet e dhimbshme nga përvojat e tyre me Bashkimin Sovjetik të Stalinit dhe Gjermaninë naziste, nuk u besojnë veshëve. Gjermanët vazhduan përpara dhe tërhiqen vetëm kur agjencia Ria Novosti bën publike stërvitjen e ardhshme, në fillim të vitit 2013. Por Berlini nuk e anullon stërvitjen: thjesht e shtyn për në vitin 2014 – vitin kur Rusia anekson Krimenë dhe fillon pushtimin e Donbasit me milicitë e saj. Pikërisht në atë vit, shefi i shtabit të ushtrisë ruse Valery Gerasimov – strategu i pushtimit të Ukrainës – mban në Akademinë Ushtarake fjalimin famëkeq ku shpjegon se lufta ka ndryshuar: “Nuk ka më nevojë të shpallet,” – thotë ai – “sepse të njëjtat objektiva mund të arrihen përmes një fushate të gjerë dezinformimi dhe masash politike, ekonomike, humanitare dhe të tjera joushtarake.”

Kur Putini pushton Krimenë, Gjermania më në fund tërhiqet dhe ndërpret kontratat, bashkëpunimet dhe planet ushtarake të përbashkëta me Moskën. Por, sipas Der Spiegel, zyrtarë ende ndiejnë një dridhje që u përshkon shpinën kur mendojnë për vitin 2014. Ata torturohen nga mendimi se nëse Gjermania do të kishte filluar stërvitjen e ushtarëve dhe oficerëve rusë në ato vite, do të kishte qenë indirekt bashkëpunëtore në pushtimin e Ukrainës në vitin 2022./La Repubblica