Category: Lajme

Prokuroria e Posaçme (SPAK) pritet të tronditë politikën shqiptare me dosje të forta ndaj pushtetarëve të korruptuar.

Paralajmërimin e ka bërë avokati i njohur, Spartak Ngjela përmes një reagimi në rrjetet sociale, teksa shpreh bindjen se klasa e vjetër politike ka shkatërruar vendin që nga vitet ’90, duke shërbyer interesat e Beogradit.

Sipas tij, mijëra fabrika e uzina u shkatërruan me financime nga jashtë, ndërsa pasuritë publike u kthyen në burim korrupsioni.

Ngjela tha se sot, shumë prej atyre politikanëve po tentojnë të blejnë prokurorë e gjyqtarë të SPAK-ut me paratë e vjedhura. Por, sipas tij, drejtësia është e vendosur të çojë deri në fund këtë betejë historike. Ai shtoi se SPAK gëzon mbështetje të fortë ndërkombëtare, përfshirë këshilltarë amerikanë që ndjekin nga afër procesin.

Ngjela ironizoi përpjekjet e të korruptuarve që shfaqen në media duke sulmuar SPAK-un, ndërkohë që paratë ua marrin sekserët e tyre. Avokati theksoi se Shqipëria është në prag të një ndryshimi të madh historik. Lufta kundër korrupsionit, sipas tij, do të sjellë ngritjen e moralit shoqëror dhe standarde evropiane për qytetarët. “Eliminimi i tyre do të hapë epokën e re të Shqipërisë”, përfundoi Ngjela.

Reagimi i plotë i avokat Spartak Ngjelës

“Shqipëria po përmirësohet; por ajo ende në lëngim është. Shqipërinë e shkatërruan banditët e Beogradit me politikanët që drejtuan Shqipërinë në vitet 90. Këta banditë të pështirë i shkatërruan Shqipërisë 500 uzina dhe fabrika me paratë e Beogradit. Por akoma dhe sot këta po dalin si hajdutë; pikërisht këta që janë të korruptuarit e Serbisë, po na bëjnë një moral prej hajduti dhe vrasësi bashkë, në të gjitha televizionet e Shqipërisë. Po nuk kanë se ku të shkojmë, sepse tani shumica e të korruptuarve të lartë jane të akuzuar për korrupsion në SPAK. Dhe procesi do të vijojë derisa të jenë shfarosur në Shqipëri këta banditë që donin të shfarosnin Shqipërinë. Por Shqipërisë i morën të keqen. Dhe tani vijnë vërdallë.

Por SPAK do ta çojë luftën kundër tyre deri në fund – dhe kjo është e sigurt. Prandaj të korruptuarit e blerë nga Beogradi, Moska dhe Athina për të shkatërruar Shqipërinë, tani nuk kanë më asnjë shpresë, se janë të mundur nga drejtësia SPAK, që është ngritur kundër tyre. Por ditë për ditë të korruptuarit e lartë po bëhen qesharakë; dhe më të degraduarit janë ata që dalin nëpër televizione dhe me paratë e korrupsionit paguajnë të shiturit që flasin kundër SPAK – ut. Dhe për SPAK-un këta po na thonë qe e drejton Rama; kurse ekspertët dhe këshilltarët amerikanë që janë të angazhuar në SPAK, qeshin me mendjengushtësinë e liderëve të inkriminuar të korrupsionit të lartë shtetëror në Shqipëri.

Dhe këta të korruptuar dhe hajdutë njëherësh nuk po kuptojnë dot asgjë. Prandaj po vijnë vërdallë me paratë nëpër duart e sekserëve të tyre që duan të blejnë prokurorët dhe gjyqtarët e SPAK -ut. Por ndërkohë, këta të korruptuarit e lartë janë futur në një hall dyfish: sepse, në një krah po punon SPAK kundër tyre; kurse në krahun tjetër janë sekserët që po u vjelin paratë e vjedhura për të blerë SPAK -un; para këto që në fakt ua kanë vjedhur shqiptarëve dhe shtetit shqiptar të Shqipërisë me anë të korrupsionit të lartë shtetëror.

Por na duhet ta theksojmë se eliminimi i plotë i tyre sigurisht që do të sjellë historinë e re të Shqipërisë. Dhe koha sigurisht që do ta përmbushë këtë detyre që ajo ka për prosperitetin e shoqërisë shqiptare: për drejtësinë, për ngritjen e moralit shoqëror në Shqipëri dhe për pasurimin e shqiptarëve brenda standardit të Bashkimit Evropian”, shkruan avokat Spartak Ngjela në rrjetet sociale./Rigels Seliman

Forcat Shqiponja të policisë së Shkodrës janë kërcënuar nga dy persona.

Teksa ndodheshin në një postobllok në hyrje të qytetit të Shkodrës, dy shtetas janë ndalur pranë forcave Shqiponja duke i kërcënuar me fjalët “do t’ju hapim barkun me plumba” dhe më pas janë larguar.

Menjëherë efektivët janë vënë në ndjekje te tyre duke arritur që t’i ndalojnë.

Dy personat janë shoqëruar në policinë vendore te Shkodrës.

Janë të paqarta arsyet e këtij kërcënimi për efektivët e policisë.

Uniformat blu janë duke marrë në pyetje dy të shoqëruarit për të bërë të mundur zbardhjen e plotë të kësaj ngjarje të rëndë.

Pas kthimit pas nga Kroacia të tonelatave me domate, prokuroria e Beratit ka firmosur urdhër-arreste.

Gazetarja e Top Channel, Anila Hoxha, raporton se nga operacioni i Seksioni Kundër Krimit Ekonomik dhe Financiar në polici dhe Prokuroria e Beratit, u arrestuan tre persona.

Pas veprimeve hetimore dhe procedurale të kryera ka rezultuar se autoritetet Kroate kanë konstatuar dhe më pas asgjësuar një sasi prej rreth 8 ton domate e eksportuar nga subjekti “Era-Fruit”, me administrator shtetasin Mariglen Qorri, sasi kjo që pas analizave rezulton me nivel të preparatit “Chlorfenapyr” mbi normat e lejuara, 0.06 mg/kg nga 0.01 mg/kg që duhet të jetë.

Ne lidhje me këtë sasi rezulton se shtetasi Mariglen Qorri ka prerë një faturë blerje fiktive nga një fermer dhe këtë faturë e ka përdorur për praktikat doganore dhe raportin e gjurmueshmërisë të mbajtur nga AKU Berat duke u munduar të shmangë kështu përgjegjësinë e tij ligjore për produktin që ka prodhuar dhe tregtuar.

Nga veprimet hetimore rezulton se kjo sasi domatesh e rrezikshme për shëndetin e njerëzve është prodhuar dhe më pas eksportuar nga vetë shtetasi Mariglen Qorri.

Gjithashtu nga veprimet hetimore rezulton se inspektoret e AKU Berat shtetasit Ronaldo Lika dhe Griselda Doksani pas njoftimit nga sistemi Rasff kanë kryer inspektim me datë 29.08.2025 në subjektin “Era Fruit” dhe gjatë këtij inspektimi nuk kanë konstatuar sasinë e domateve të gjendur në magazinën e subjektit duke plotësuar praktiken sikur në magazinë nuk kishte asnjë sasi domate.

Ata dyshohen se nuk kanë bërë bllokimin dhe marrjen e mostrave për kryerjen e analizave për këtë produkt. Këta inspekto dyshohen se kanë marrë të mirëqenë si të rregullt faturën fiktive të prerë nga shtetasi Mariglen Qorri, të pa firmosur nga fermeri/shitësi duke mbajtur mbi bazën e tij raportin e gjurmueshmërisë së produktit dhe duke tjetërsuar kështu faktet në lidhje me origjinën e produktit të konstatuar me probleme.

Gjithashtu u sekuestruan dhe u morën mostra për analiza të produkteve të ndryshme si domate, speca dhe kastraveca të konstatuara ne subjektin “Era Fruit”, produkte këto të dyshuara të kontaminuara.

Për sa më sipër u bë ndalimi i shtetasve:

Mariglen Maliq Qorri, i datelindjes 06.01.1985, Pronar i subjektit “Era fruit” si i dyshuar per veprat penale “Importimi, prodhimi, shitja dhe ruajtja e ushqimeve të rrezikshme për shëndetin ose jetën e njerëzve”, “Mashtrimi me produktet ushqimore” dhe “Falsifikimi i dokumenteve”, parashikuar nga nenet 288, 288/c dhe 186 te K.Penal.

Ronaldo Agim Lika, i ditëlindjes 07.08.1998, inspektor për sigurinë ushqimore pranë AKU Berat, si i dyshuar për veprën penale “Shpërdorimi i detyrës”, parashikuar nga neni 248 i K.Penal.
⁠Griselda Genci Doksani, e datëlindjes 05.12.2000, inspektore për sigurinë ushqimore pranë AKU Berat, si e dyshuar për veprën penale “Shpërdorimi i detyrës”, parashikuar nga neni 248 i K.Penal.
Materialet proceduriale i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Berat për veprime të mëtejshme hetimore.

Reperi G-Bani, ish-banori i Big Brother VIP Albania 4, ka reaguar ashpër ndaj produksionit të spektaklit disa muaj pas përfundimit të sezonit.

Gjatë një transmetimi “live” në TikTok, ai u pyet nga ndjekësit nëse sëmundja e babait të tij ishte e vërtetë apo një arsye e sajuar për largimin nga shtëpia.

G-Bani sqaroi se situata ishte reale, por akuzoi produksionin se e kishte shfrytëzuar në mënyrë të gabuar.

“Por që ato (produksioni) kanë bërë një show të shëmtuar në shpinën time që nuk duhet të ma kishin thënë në Prime por duhet të ma kishin thënë më parë që unë të kisha pas mundësi të shkoja te babai im. Jo në Prime!”, u shpreh ai.

Deklarata e tij ka ngjallur reagime në rrjet, duke rikthyer në vëmendje një nga momentet më të përfolura të sezonit të katërt të BBVA.

Paralelisht me ndeshjen e Shqipërisë në “Arenën Kombëtare” të Tiranës u zhvillua në Beograd dhe ndeshja e rivalit tonë të vërtetë në garë për vendin e dytë në grup, Serbisë.

Përballë Anglisë ata u turpëruan vërtet me 5 gola, duke humbur sërish vendin e dytë ndaj Shqipërisë, por ajo që i turpëroi edhe më tepër ishin tifozët e tyre ultras. Tifozët në futjen e tyre në stadium nuk ndalën së kënduari refrenin e kotë, atë që tashmë i dallon nga kushdo në Europë për nivelin e tyre, “Kosova është Serbi…”

Huliganët serbë, të shoqëruar nga forcat speciale në Marakana, e filluan dhe mbaruan gjithçka e korret politike që po i bëjnë shembull në çdo dënim të FIFA-s. Nga flamuri me hartën e Kosovës dhe ngjyrat e Serbisë, deri tek thirrjet me hedhje e pritje, ku njëri grup përmendte emrin e Kosovës dhe tjetri të Serbisë.

Një skenë mes të turpshmes dhe qesharakes në atë stadium të tejmbushur ku në të vërtetë, futbollin nuk kishin si ta shihnin, pasi në çdo moment portieri i tyre nxirrte topin nga rrjeta, të paktën 5 herë. Kështu që zgjodhën të bëhen sërish protagonistë këta huliganë që vetëm me futbollin nuk kanë lidhje.

Krejt e kundërta në Tiranë ku edhe pse për fat të keq për disa ngjarje pa lidhje me sportin nga disa tifozë në ndeshjen e shkuar ndaj Serbisë sollën dënimin e një pjese të stadiumit, të 16.500 tifozët kuqezi në stadium dhanë një shembull perfekt të mbështetjes së skuadrës, aq më tepër në një ndeshje si ajo e djeshmja, ku e gjithë vëmendja ishte tek 11-tshja jonë në fushë dhe tek arritja e rezultatit që na duhej dhe që e morëm, raporton gazetari i Top Channel Endi Tufa.

Tashmë rreth një muaj pushim dhe do të na duhet të udhëtojmë drejt Beogradit, ndoshta për finalen e vërtetë të grupit atë ndaj Serbisë në Beograd.

Një ndeshje që vjen 11 vjet nga shfaqja e tyre edhe më e turpshme se e djeshmja ndaj kuqezinjëve, atë mbrëmje të tetorit 2014. Por ndoshta ajo që ndodhi 24 orë më parë ndaj Anglisë mund të na japë një assist nga UEFA, sepse shembuli ëshë I qartë, ata nuk shkojnë në stadium për ekipin e tyre, shkojnë thjesht për të treguar fytyrën që kanë, urrejtjen ndaj nesh dhe asgjë që lidhet me futbollin, gjithësesi ka ende kohë edhe një muaj./ Top Channel

Dy të rinjtë që shihni më sipër janë Ronaldo Lika, 27 vjeç, dhe Griselda Doksani, 25 vjeçe, të dy inspektorë të AKU Berat, ndaj të cilëve janë lëshuar urdhër-arreste ditën e sotme.

Urdhër-arrestet u lëshuan pas kthimit nga Kroacia të sasive të mëdha me domate, të cilat dyshohet se nuk plotësonin standardet e sigurisë ushqimore. Dyshohet se Lika dhe Doksani kanë kryer kontrolle në subjektin në pronësi të Mariglen Qorrit, i cili eksportoi 8 ton domate duke plotësuar në mënyrë fiktive praktikat e mbajtura.

Po ashtu ata akuzohen se nuk kanë bërë marrjen e mostrave të domateve që ndodheshin në magazinë dhe bllokimin e tyre, si dhe kanë marrë si të rregullta faturat fiktive të blerjeve nga shtetasi Mariglen Qorri, duke tjetërsuar në këtë mënyrë faktet në lidhje me produktet e konstatuara me nivele të larta preparati. Gazeta shqip

Nga Bashkimi Evropian pret mbështetje, ndërsa disa eurodeputetë i quan “fundërrinat më të këqija”.

Fyerjet e shprehura nga presidenti i Serbisë, Aleksandër Vuçiç, i cili po përballet me muaj të tërë protestash masive antiqeveritare, ndezën alarmin midis institucioneve evropiane.

Ngjarjet në këtë vend, përfshirë veprimet e policisë gjatë protestave, u përshkruan si shqetësuese nga institucionet evropiane.

Disa eurodeputetë propozuan të shqyrtojnë mbështetjen e mëtejshme financiare për Serbinë – vend kandidat për anëtarësim në Bashkimin Evropian – ndërsa opozita vendase i bëri thirrje BE-së që të vendosë sanksione ndaj përfaqësuesve të Qeverisë serbe, shkruan REL.

Pas kritikave, Vuçiç pranoi se ndoshta gaboi që i quajti eurodeputetët e Partisë së Gjelbër Evropiane fundërrina, duke thënë se për ta mendon “shumë më keq”.

Më 9 shtator, në Parlamentin Evropian u mbajt një diskutim për demokracinë në Serbi, i organizuar nga eurodeputetët e Socialistëve dhe Demokratëve, të grupit Rindërtojmë Evropën dhe të Gjelbrit.

Jellica Miniç, nga Lëvizja Evropiane në Serbi, thotë për Radion Evropa e Lirë se deklaratat e Vuçiçit ishin tronditëse për evropianët dhe njerëzit nga institucionet evropiane.

“Është një pikë kthese që i ngriti të gjithë në BE në këmbë”, thotë ajo.

Miniç kujton se Vuçiç edhe më parë i ka ofenduar zyrtarët evropianë, por, sipas saj, tani “ka ardhur koha për të paguar çmimin” për këto deklarata.

“Besoj se tani do të fillojë llogaridhënia për gjithçka që ka ndodhur më parë”, thotë ajo.

Kriza disamujore në Serbi u shkaktua nga shembja e një strehe të Stacionit Hekurudhor në Novi Sad, ku, për pasojë, humbën jetën 16 persona.

Në protestat masive antiqeveritare, protestuesit e udhëhequr nga studentët kërkojnë që autoritetet të mbahen përgjegjëse për këtë incident.

Protestuesit akuzojnë policinë për përdorim të forcës së tepërt gjatë shpërndarjes së tyre, por një gjë e tillë mohohet nga autoritetet dhe vetë policia.

Kreu i PD-së, Sali Berisha, deklaroi sot në mbledhjen e Kryesisë së PD-së, se opozita do të futet në Parlament gjatë legjislaturës së re, e cila nis më datë 12 shtator.

“Beteja jonë kërkon energji të reja, forca dhe forma të reja. Nuk është një variant të mos futemi në parlament, jo nuk është më mirë”, u shpreh kryedemokrati.

Berisha: Njohja e këtyre zgjedhjeve do të bënte PD bashkautore në një farsë më e shëmtuara në 32 vite, duke kërkuar këtë nga Kryesia, unë di se ka një debat të marrin , të marrin ajo pjesë në parlament. Ja u them ju personalisht unë mendoj se në këtë diktaturë ne nuk duhet të lëmë asnjë hapësirë bosh nga e cila të mos luftojmë kundër saj. Dhe nëse ka një gjë themelore që kërkohet nga secili prej nesh , kërkohet qëndrimi si do ndryshojmë ne në raport me narkodiktaturën dhe organizatën kriminale që ka uzurpuar pushtetin. Cili do të jetë qëndrimi ynë i ri. Asnjeri s’kemi bërë sa ka mund. Tani kërkohet ribrendim, kërkohet ndryshim para këtij mali të farsën elektorale. Beteja jonë kërkon energji të reja, forca dhe forma të reja. Nuk është një variant të mos futemi në parlament, jo nuk është më mirë.

lajm në përditësim..

Kryeministri Edi Rama, në Konferencën Ndërkombëtare për Qeverisje, teksa fliste për integrimin europian të vendit, u shpreh se kjo do të ishtë trashëgimia më e madhe që mund t’u lihet fëmijëve.

Rama bëri batuta teksa u shpreh se Shqipëria nuk do të bëhet kurrë një vend si Gjermania, duke shtuar “larg qoftë”, ndërsa shtoi se vendi ka nevojë të ruajë pjesën e gëzueshme të jetës.

Kreu i qeverisë shtoi se kjo është arsyeja pse ambasadorët e huaj në vendin tonë duan të rrinë më gjatë se sa misioni i tyre dhe largohen të trishtuar.

Edi Rama: Nëse bëhemi një vend që vepron si një institucion si vend anëtar i BE do ishte trashëgimia më e madhe që ne mund ti japim fëmijëve tanë për t’u rritur dhe të jetojnë në një shtet ku institucionet funksionojnë, jo si në Gjermani larg qoftë, por le të themi si në Italia po vend tjetër mesdhetar.

Ne asnjëherë nuk kemi për tu bërë Gjermani edhe nëse ne e kemi ndihmën e BE, ndaj kemi nevojë që të mos humbasim mundësinë disa gjëra të vogla, pjesën e gëzueshme të jetës.

Kjo është arsyeja pse të gjithë ambasadorët dëshirojnë që të qëndrojnë më gjatë në Shqipëri se sa është misioni i tyre dhe kur largohen janë të trishtuar.

E ftuar në studion e Living Day në Vizion Plus nën moderimin e Brunilda Lahes, ish-fermerja Alba Pollozhani bëri një përditësim të jetës së saj pas daljes nga reality show ku u kthye në një personazh fenomen.

“Po hap biznesin tim në fushën e bukurisë. Po bëj zgjedhjen time për një nga ofertat që më kanë ardhur për moderim në televizion dhe e treta edhe politika është pjesë e vazhdimësië”, tha Alba.

Alba ka habitur ndjekësit e saj dhe publikun e gjerë me prirjen e saj për politikë.

Udhëheqësit izraelitë dhe ata të Hamasit në Doha: Njohja e pesë figurave kyçe të shënjestruara
“Propozimet për politikë i kam patur që në moshën 18 vjeçare. Por kam qenë e fokusuar vetëm në fushën e biznesit. Nuk jam marrë me politik sepse jam shumë e zjarrtë për drejtësi dhe e di duhet të formohesha akoma më shumë për t’ju futur politikës. Më vlon zemra për popull dhe për të ndihmuar popullin“, u shpreh Alba.

Përsa i përket bindjeve të saj, ajo nuk dha një përgjigje duke u shprehur se është universale.