Category: Lajme

Dashi

Dita e sotme për te dashuruarit do jete goxha e trazuar. Asgjë nuk do shkoje ashtu si e kishit planifikuar. As ju dhe as partneri nuk do jeni ne humorin me te mire te mundshëm. Beqaret me ne fund pas disa muajsh do e bëjnë për vete personin qe kane pëlqyer. Ne planin financiar kënaquni me gjendjen ne te cilën do ndodheni dhe mos kërkoni me shume sepse mund te futeni ne telashe.

Demi

Kjo do jete një dite mjaft e favorshme për te gjithë ata qe janë ne një lidhje. Do kuptoheni me se miri me partnerin tuaj dhe madje do sqaroni edhe mosmarrëveshjet me te vogla. Beqaret nuk do jene as sot me fat dhe nuk do e ndryshojnë statusin qe kane. Ne planin financiar do jeni te përkëdhelur nga yjet dhe do mund te realizoni te gjitha investimet e nevojshme.

Binjaket

Pas një kohe te gjate me probleme dhe vështirësi, sot gjerat do fillojnë te vendosen ne vendin e duhur. Do i shtoni paksa dozat e komunikimit. Beqaret duhet te tregohen diskrete dhe te mos e japin veten pas cilitdo qe do iu pëlqejë. Gjendja financiare do jete me e qëndrueshme kështu qe përfitoni për te shlyer borxhet qe keni pasur prej kohesh.

Gaforrja

Duke pare konfigurimin e yjeve, sot jeta juaj ne çift pritet te jete goxha e trazuar. Nuk do jeni me aq te sigurt sa me pare se personi qe keni ne krah është i duhuri për te kaluar gjithë jetën. Beqaret nga ana tjetër do kenë një dite tërësisht ndryshe nga çiftet. Ata do argëtohen pa fund dhe do realizojnë takimet fantastike. Ne planin financiar mund te kryeni pa frike edhe ndonjë shpenzim me tepër.

Luani

Nëse jeni ne një lidhje serioze, sot duhet t’i merrni gjerat edhe me seriozisht. Mos prisni qe për çdo gjë t’iu kujtoje partneri se çfarë duhet te bëni , por tregohuni te vëmendshëm dhe qëndroni me këmbë ne toke. Beqaret nuk duhet ne asnjë mënyrë te luajnë me ndjenjat e te tjerëve. Ne planin financiar do ndizet sinjali i alarmit. Nuk do mund te kryeni dot as shpenzimet me te nevojshme.

Virgjeresha

Edhe pse keni kohe me partnerin dhe dashuria juaj ka qene e forte, sot do mund te përballeni me disa kontradikta qe do ua prishin humorin. Beqaret nuk duhet absolutisht te nxitohen sepse mund te përballen me probleme goxha serioze me vone. personat qe do i bëjnë për vete nuk janë te duhurit. Ne planin financiar çdo gjë do jete siç duhet.

Peshorja

Partneri juaj do ketë me shume nevoje se kurrë për ju gjate kësaj dite kështu qe gjeni kohen e duhur për te qëndruar pranë tij. Beqaret do ja kalojnë mire pranë disa personave qe do njohin, por nuk do hedhin hapa me tej. Financat me vështirësi do i mbani ne një gjendje te qëndrueshme. Dëshira për shpenzime do jete shume e madhe.

Akrepi

Do jete një dite harmonike kjo e sotmja për ata qe janë ne një lidhje. Do kuptoheni mjaft mire me atë qe keni ne krah dhe nuk do debatoni për asgjë. Beqaret do jene te parrezistueshem kështu qe mundësitë për një histori dashurie do jene te mëdha. Te ardhurat do përmirësohen fale një trashëgime goxha te majme te cilën e keni pritur prej kohesh.

Shigjetari

Dite konfuze dhe aspak me diell kjo për te dashuruarit. Do iu zbulohen disa te fshehta qe i keni mbajtur partnerit dhe ai do mërzitet shume për këtë fakt. Beqaret nuk do e ndiejnë aspak nevojën e dikujt sepse vetëm apo nen shoqërinë e miqve do ndihen mire. Ne planin financiar duhet te veproni me shume përkujdes dhe maturi sepse situata do jete delikate.

Bricjapi

Ata qe janë ne një lidhje do tregohen me te disponueshem ndaj personave qe kane ne krah dhe do jene gati te bëjnë sakrifica për ta. Pjesa me e madhe e beqareve do realizoje disa takime fantastike te cilat do mund t’ua ndryshojnë përgjithmonë jetën. Shfrytëzojeni ditën deri ne maksimum. Financat nuk do jene aspak ne gjendjen e dëshiruar kështu qe duhet bere kujdes.

Ujori

Ëndrrat tuaja mund te bëhen realitet sot. Partneri do jene i gatshëm te beje gjithçka qe ju doni vetëm për t’iu kënaqur. Ai do gjeje mënyra nga me te ndryshmet për t’ua shprehur dashurinë. Beqaret do kenë një dite te zakonshme dhe pa ndonjë takim mbresëlënës. Financat do fillojnë qe sot te stabilizohen. Vazhdoni te bëni akoma disa kursime.

Peshqit

Keni kohe qe jeni ne një lidhje? Doni apo nuk doni, sot do ketë ndryshime rrënjësore te cilat do ua mbushin edhe njëherë shpirtin me gëzim. Beqaret duhet te kujtojnë gjithmonë se pamja e jashtme nuk është gjithmonë e rëndësishme. Kjo do i ndihmoje te hidhen ne krahët e personit te duhur. Mundësitë do jene te mira. Për financat nuk duhet te shqetësoheni.

Turqia e ka çuar përparimin e saj ushtarak në një nivel të ri duke prezantuar sistemin e saj të brendshëm të mbrojtjes ajrore, ‘Kupola e Çeliktë’.

Presidenti Rexhep Tajip Erdogan zbuloi sistemin e ri të mërkurën, si një shenjë e përpjekjes së shpejtë të Turqisë për të zhvilluar aftësitë e mbrojtjes së brendshme, duke e bërë atë vendin e fundit që ka një sistem të përparuar kullash për mbrojtje territoriale.

Kështu, Turqia duket se po lëviz më shpejt se SHBA-të dhe koncepti i saj “Kupola e Artë”, duke iu bashkuar Izraelit dhe Kupolës së saj të Hekurt. Megjithatë, Turqia është e përqendruar në mbrojtjen kombëtare, ndërsa koncepti shumështresor i mbrojtjes i Presidentit të SHBA-së, Donald Trump, synon të mbrojë si SHBA-në ashtu edhe forcat e vendosura jashtë vendit.

Furnizuesi kryesor i pajisjeve mbrojtëse të Turqisë, Aselsan, ka publikuar pamje të një sistemi të integruar të mbrojtjes ajrore të projektuar për të kapur raketa, dronë dhe avionë të pilotuar në lartësi të ndryshme duke përdorur lançues celularë, rrjete radarësh dhe sisteme komandimi.

Ky është investimi më i madh në mbrojtje i Turqisë ndonjëherë, me vlerë 1.5 miliardë dollarë. Sistemi i mbrojtjes ajrore me lazer “Steel Dome” është testuar kundër dronëve dhe i ka neutralizuar ata si me goditje me lazer ashtu edhe me bllokime elektronike. Sistemi përdor gjurmim të asistuar nga inteligjenca artificiale për mbrojtje të shpejtë, me kosto efektive dhe 24-orëshe.

Turqia po përmirëson me shpejtësi aftësitë e saj të brendshme mbrojtëse, duke zhvilluar avionë, anije luftarake dhe sisteme raketash që kanë tërhequr interes jashtë vendit.

Kujtojmë se Erdogan tha muajin e kaluar se eksportet turke të pajisjeve mbrojtëse arritën në 990 milionë dollarë, një rritje prej 129 për qind nga viti i kaluar, me shitje totale nga janari deri në korrik prej 4.6 miliardë dollarësh.

“Unë besoj se do të arrijmë nivelin e 20 miliardë dollarëve brenda pak vitesh”, tha Erdogan.

Gjatë zbulimit të Kupolës së Çeliktë të mërkurën, Erdogan tha se Turqia aktualisht plotëson deri 80 përqind të nevojave të ushtrisë së saj përmes sistemeve të brendshme.

“Në këtë mënyrë, ne ruajmë burime të konsiderueshme në vend, të cilat përndryshe do të shkonin jashtë vendit”, shtoi ai.

Kupola e re e çelikut do të jetë thelbësore për mbrojtjen e vendeve fikse si bazat ushtarake, aeroportet dhe infrastruktura energjetike, ndërsa lëvizshmëria e saj lejon që ajo të vendoset kudo që të jetë e nevojshme, sipas projektuesit Aseslan. (A2 Televizion)

Këngëtari i njohur Mevlan Shaba ka ndarë me ndjekësit e tij në Instagram pamje nga një aksident që ka pësuar së fundmi.

Në fotografi shihet makina e tij luksoze me dëmtime të dukshme në pjesën e përparme.

“Aksident! Kush na ka mallku ”, ka shkruar Mevlani pranë imazhit, duke lënë të kuptohet se ngjarja i ka shkaktuar shqetësim.

S’dihet nëse ka pësuar lëndime këngëtari ose ndokush tjetër.

Katër oficerë policie u arrestuan pas arratisjes dhe hedhjes në det me pranga në duar të një të burgosuri turk. Deri më tani, autoritetet nuk kanë qenë në gjendje ta gjejnë të burgosurin – Burri u arrestua më 7 korrik 2025 nga Autoritetet Portale të Lesvosit për një rast kontrabande migrantësh.

Katër oficerë policie u morën në paraburgim me urdhër të një prokurori, pasi një i burgosur turk që po transferohej nga burgu i Korydallos në Mytilene u hodh i prangosur në det nga anija e pasagjerëve “ARIADNI”. Sipas informacioneve, bëhet fjalë për arrestimin e 3 rojeve speciale dhe një zëvendës roje që ndodheshin në anijen që transportonte pasagjerë në orët e para të së shtunës.

Incidenti ndodhi ndërsa anija po lundronte në zonën detare midis Kiosit dhe Oinousses.

Si u zhvillua incidenti

Vërehet se i burgosuri po flinte në dyshemenë e anijes , i ruajtur nga katër oficerë policie dhe i lidhur me pranga.

Me një lëvizje të papritur, ai u ngrit, vrapoi dhe i habiti shoqëruesit e tij , të cilët nuk kishin kohë ta mbanin. Në momentin kritik, një qytetar që ndodhej në anije hapi derën e kuvertës, gjë që i lejoi të burgosurit të arrinte atje dhe të hidhej në det.

Burri në fjalë u arrestua më 7 korrik 2025 nga Autoritetet Portale të Lesvosit për një rast kontrabande emigrantësh. Ai u ndalua përkohësisht dhe u transferua në Korydallos. Transferimi i tij do të paraqitej para një autoriteti gjyqësor në Mytilene.

Policia informoi menjëherë kapitenin, i cili ndaloi motorët e anijes dhe filloi procedurat e kërkimit. Anijet e Rojës Bregdetare morën pjesë në operacionin e shpëtimit, por ende nuk është bërë e mundur të gjendet i burgosuri.

Mosha e mesme nuk është më më e palumtura. Prej dekadash, anketat kanë treguar se mosha e mesme ishte pika më e ulët e jetës. Të rinjtë dhe të moshuarit shprehnin përgjithësisht nivele të larta kënaqësie, ndërsa ata në moshë të mesme përjetonin një rënie të fortë.

Ky fenomen, i njohur si “U-ja e lumturisë” ose “kurbë dëshpërimi”, është dokumentuar qindra herë në shumë vende. Mosha e pikës më të madhe të pakënaqësisë ndryshonte sipas vendeve – zviceranët ishin më të trishtuar në moshën 35 vjeç, ukrainasit në të 60-at – por modeli ishte i qartë.

Së fundmi, megjithatë, kjo kurbë duket se është shtrembëruar. Një studim i botuar më 27 gusht në PLOS ONE nga ekonomistët David Blanchflower, Alex Bryson dhe Xiaowei Xu tregon se sot janë të rinjtë ata që raportojnë nivelet më të larta të mjerimit. “Nga një formë U-je kemi kaluar në një pistë ski,” thotë Dr. Bryson.

Autorët e vunë re fillimisht këtë ndryshim në BRFSS, një anketë afatgjatë mbi amerikanët. Ata llogaritën përqindjen e të anketuarve në çdo grupmoshë që deklaruan se kishin pasur gjendje të keqe mendore çdo ditë gjatë muajit të kaluar.

Nga viti 2009 deri në 2018, modeli ishte i njohur: mjerimi arrinte kulmin në mesomoshë. Por nga 2019 deri në 2024, panorama ndryshoi. Teksa nivelet e pakënaqësisë te të rriturit e mesëm e të moshuarit mbetën pothuajse të qëndrueshme, tek të rinjtë u rrit ndjeshëm.

E njëjta gjë vërehet edhe në Britani. Duke përdorur të dhëna nga UK Household Longitudinal Survey dhe Annual Population Survey, studiuesit gjetën se ankthi dhe dëshpërimi u rritën ndjeshëm pas vitit 2016 tek të rinjtë nën 40 vjeç, duke zhdukur “kurbën e U-së” deri në vitin 2019.

Ka prova edhe jashtë botës anglofone: sipas të dhënave të Global Mind Project, në 44 vende nga Afrika, Azia, Europa, Amerika Latine dhe Lindja e Mesme, të rinjtë raportojnë vazhdimisht gjendje mendore më të keqe sesa më të moshuarit.

Megjithatë, është ende e mundur që kurba e vjetër të rishfaqet. Studimi i ri ofron vetëm një fotografi në një moment të caktuar – pra, nuk përjashtohet mundësia që 20-vjeçarët e sotëm, tashmë të palumtur, të ndjekin të njëjtin model dhe të bëhen edhe më të trishtuar në moshë të mesme.

“Nuk është e paimagjinueshme që nëse të rinjtë nisin kaq keq, mund të jenë edhe më keq në mes të jetës,” thotë Dr. Bryson.

Studimet gjatësore, që ndjekin të njëjtët individë me kalimin e kohës, janë të rralla, por ato pak që ekzistojnë gjejnë gjithashtu “kurbën e U-së”, me kulm të mjerimit në mesomoshë.

Kjo shton frikën se Gjenerata Z mund të përjetojë edhe më shumë trishtim në vitet që vijnë. Të dhënat sipas brezave mbështesin këtë: çdo brez që ka hyrë në moshën e mesme është bërë më i palumtur krahasuar me paraardhësit. Gjenerata X dhe milenialët kanë hyrë në krizën e mesjetës së jetës më herët sesa “boomer”-at, ndërsa Gjenerata Z po nis jetën e rritur më e palumtur se çdo brez më parë.

Arsyet mbeten të paqarta. Një shpjegim lidhet me tregun e punës. Në një studim të veçantë, Blanchflower dhe Bryson gjetën se mjerimi është rritur më fort tek punëtorët e rinj amerikanë, veçanërisht ata me arsim më të ulët.

Në të kaluarën, të pasurit e një pune kishte efekt mbrojtës kundër problemeve mendore. Ky efekt duket se është zbehur, ndoshta për shkak të rënies së kënaqësisë në punë mes të rinjve. Megjithatë, kjo nuk e shpjegon situatën në vende të tjera. Në një punim tjetër, studiuesit gjetën se në disa shtete të Europës Jugore, kënaqësia e të rinjve ka ardhur në rritje që nga viti 2015, kryesisht falë uljes së papunësisë së të rinjve.

Një tjetër “fajtor” i përmendur shpesh është përdorimi i smartphone-ve dhe rrjeteve sociale, që ka ecur paralelisht me rritjen e problemeve mendore tek adoleshentët që nga fillimi i viteve 2010.

Disa studime sugjerojnë lidhje kauzale, por kërkimet më rigoroze, që ndjekin adoleshentët për periudha të gjata, nuk gjejnë marrëdhënie të fortë mes përdorimit të aplikacioneve sociale dhe problemeve mendore.

Megjithatë, ka edhe shenja pozitive. Një analizë e The Economist më herët këtë vit tregoi se shëndeti mendor i të rinjve amerikanë ka filluar të përmirësohet disi, duke sugjeruar një rikthim të optimizmit të rinisë. Nëse kjo ndodh, atëherë moshat e mesme mund të mbeten përsëri më të palumturat – ndoshta këtë herë me kujtime më të ëmbla./ Monitor

Një vrasës dhe drejtues bande, i cili ka zhvilluar një betejë për të drejtat e njeriut për të qëndruar në Mbretërinë e Bashkuar dhe që ka kushtuar tatimpaguesve mijëra paund, vijon ende të qëndrojë në shtetin ishull ka depozituar një ankim tjetër në gjykatë.

Britanikja “The Sun” shkruan keshtu për 59-vjeçarin Maksim Çela, për të cilin raporton se së pari kërkoi azil, duke thënë se rivalët e tij në botën e krimit do ta vrisnin nëse do të kthehej në Shqipëri. Më pas ndryshoi historinë dhe nisi një betejë ligjore për të drejtat e njeriut, duke pretenduar se deportimi i tij do ta vinte në rrezik trajtimi degradues ose torturë.

Çela arriti madje të siguronte një vendim nga një gjyqtar i imigracionit në Mbretërinë e Bashkuar që i mundësoi të mbetej anonim, derisa gazeta The Sun e zbuloji identitetin e tij pas një beteje ligjore 23-mujore, vijon britanikja.

Ai humbi betejën kundër deportimit në maj, por The Sun mëson se po vazhdon luftën, “këtë herë në Gjykatën e Apelit, në një lëvizje që mund t’i kushtojë tatimpaguesve një pasuri të madhe”.

Skandali ka nxjerrë në pah vështirësinë e largimit të emigrantëve të paligjshëm sapo ata mbërrijnë në Mbretërinë e Bashkuar, pasi mijëra të tjerë mbërrijnë çdo javë me anije dhe kamionë.

“Ky rast i tmerrshëm tregon gjithçka që duhet të dimë rreth sistemit të prishur të azilit në Britani. Ky terrorist, gangster dhe vrasës policësh qartësisht nuk ka të drejtë të qëndrojë në Mbretërinë e Bashkuar, por po luan me sistemin si violinë dhe po qesh me ligjin”, u shpreh ish-ministri konservator i Drejtësisë, Robert Jenrick.

Çela, i cili ka lindur në qytetin shqiptar të Lushnjës, pretendon se punonte në një klinikë dentare dhe në një spital. Por gjykata e azilit në Mbretërinë e Bashkuar dëgjoi se ai ishte, në fakt, një “terrorist i dhunshëm” që planifikonte të shpërthente një bombë në një stadium futbolli me 12.000 vende në vitin 2000. Pasi komploti doli në dritë në vitin 2001, një gjykatë shqiptare e dënoi me pesë vjet burg.

Ai u dënua më vonë me 25 vjet burg në shtator 2006 për vepra “terroriste ” dhe armëmbajtje pa leje të lidhura me vrasjen e një oficeri policie shqiptar që luftonte krimin. Çela u lirua në dhjetor 2022 dhe mbërriti në aeroportin e Heathrow disa ditë pas lirimit të tij me një pasaportë të falsifikuar.

Eglantin Qorraj, një 16-vjeçar nga Deçani i Kosovës, është shpallur i zhdukur pasi nuk është kthyer në shtëpi prej më shumë se një dite.

Familjarët thonë se ai është parë për herë të fundit duke udhëtuar me autobus drejt Shqipërisë dhe dyshohet se mund të ketë zbritur në zonat e Rubikut, Milotit apo Durrësit.

Që nga momenti i zhdukjes nuk ka asnjë informacion për vendndodhjen e tij. Familja i bën thirrje qytetarëve që të raportojnë çdo informacion në lidhje me të.

Shtetet e Bashkuara të Amerikës vazhdojnë ta forcojnë praninë ushtarake në Evropën Juglindore, duke shpallur një kontratë pesëvjeçare që mbulon projekte ndërtimi dhe mirëmbajtjeje në Shqipëri, Kosovë dhe Bullgari.

Ky investim, i udhëhequr nga Korpusi i Inxhinierëve të Ushtrisë Amerikane, synon të sigurojë infrastrukturë të avancuar për trupat amerikane dhe në rajon, duke reflektuar angazhimin e vazhdueshëm në përballjen me sfidat gjeostrategjike dhe gjeopolitike.

Një tregues i qartë i angazhimit të vazhdueshëm të SHBA-së për të forcuar praninë e saj ushtarake dhe infrastrukturore në këtë pjesë të kontinentin është edhe shpallja e një kontrate të re të Korpusit të Inxhinierëve të Ushtrisë Amerikane për mbështetje në Evropën, që përfshinë Shqipërinë, Kosovën dhe Bullgarinë.

Sipas një njoftimi zyrtar planifikohet një marrëveshje pesëvjeçare, e cila përfshin projekte ndërtimi dhe mirëmbajtjeje në bazat ku operojnë trupat amerikane. Përmes kësaj po synohet, mbështetja e pranisë së forcave amerikane dhe aktiviteteve të tjera të agjencive të SHBA-ve në rajon, duke përfshirë edhe Republikën e Kosovës.

Një vendim i tillë nga Ministria e Mbrojtjes shihet si kontribut për sigurinë në gjithë rajonin.

“Mirëpresim çdo investim apo shtim të forcave amerikane në Kosovë, pasi siç e kemi cekur edhe më parë SHBA është partneri ynë strategjik, dhe madje jo vetëm investimi në infrastrukture ushtarake në Evropën Juglindore por dhe vendosja e një bazë të përhershme në Kosovë do të kontribuonte në sigurinë jo vetëm të Kosovës por dhe gjithë Ballkanit Perëndimor”, tha Liridona Gashi, Zëdhënëse në Ministrinë e Mbrojtjes.

Lidhur me këtë drejtori i Institutit “OCTOPUS”, Arben Fetoshi, thotë se ky është rikonfirmim i angazhimit të fortë ushtarak të SHBA-së në Kosovë dhe rajon.

“Ky është një lajm i jashtëzakonshëm në kontekstin e e atyre frikës dhe panikës të mëhershëm për tërheqjen eventuale të trupave amerikane dhe zhvendosjes së vëmendjes amerikane nga Kosova. SHBA edhe sot e rikonfirmojnë që përqendrimi i trupave amerikane është i madh për arsye gjeostrategjike dhe për arsye të vazhdueshme të kërcënimit që paraqet Rusia për këtë pjesë të Evropës”, tha Fetoshi.

Ish ushtarak të Forcës së Sigurisë së Kosovës, pranin e vazhdueshme të SHBA-ve në këtë pjesë të Evropës e lidhin me parandalimin e ndikimit rus në Ballkanin Perëndimor.

“Pozita gjeografike është interes gjeostrategjik i SHBA-ve dhe NATO. moslejimi i ndikimit rus është jashtëzakonisht jetik edhe për SHBA edhe për Brukselin dhe në këtë drejtim ne jemi me fat që jemi këtë pozitë dhe në këtë vij me interesat gjeostrategjike dhe gjeopolitike te Amerikës, për atë arsye jemi edhe prioritet në avancimin e forcave te armatosura në avancim e Kosovës në përgjithësi”, tha Kadri Kastrati, ish-komandant i FSK-së

Fetoshi e Kastrati theksuan se angazhimi i SHBA-së në rajon shihet si thelbësor për një të ardhme më të sigurt dhe të qëndrueshme në Ballkan.

Kodi i ri penal sjell shtimin e veprave penale që lidhen me sigurinë ushqimore, dhe konkretisht me prodhimin e ushqimeve të rrezikshme për shëndetin, ofrimin e ushqimit të pasigurtë, mashtrimin me produktet ushqimore dhe paraqitjen e rremë të produktit ushqimor.

Referuar nenit 458 të draftligjit, “Prodhimi, përpunimi, ruajtja, tregtimi, importimi, eksportimi i ushqimeve, pijeve dhe lëndëve të tjera ushqimore, përdorimi i kimikateve, materialeve dhe lëndëve shtesë në prodhimin e përpunimin e artikujve ushqimorë në kundërshtim me standardet ligjore të lejuara, ose përdorimi i tyre te kafshët dhe bimët që përdoren si ushqim, në kundërshtim me kërkesat ligjore, duke i bërë ushqimet të pasigurta për konsum, dënohet me burgim nga gjashtë muaj deri në 4 vjet.

Vepra penale Ofrimi i ushqimit të pasigurtë kriminalizon therjen e kafshëve për shitje ose përdorimin e produkteve shtazore për konsum njerëzor, duke e ditur që atyre iu janë përdorur trajtime terapeutike me substanca të dëmshme. Dënimi në këtë rast shkon deri në 4 vjet burg. Është kriminalizuar gjithashtu hedhja për konsum publik e mishit ose produkteve të kafshëve të destinuara për ushqim, pa respektuar periudhat e pritjes, të parashikuara në ligj.

Sipas nenit 460 mbi mashtrimin me produktet ushqimore “Importimi, prodhimi, ruajtja, falsifikimi, publiciteti, tregtimi apo vendosja në qarkullim me ndonjë mënyrë tjetër e ushqimeve, materialeve ose lëndëve shtesë në prodhimin e përpunimin e artikujve ushqimorë, në të cilët janë shënuar të dhëna të cilat nuk i korrespondojnë përmbajtjes, llojit, kategorizimit, prejardhjes, sasisë apo cilësisë së produktit apo produkte pa të dhënat e mësipërme, siç parashikohet në legjislacionin në fuqi, dënohet me burgim deri në tre vjet”.

Vepra penale Paraqitja e rremë e produktit ushqimor bën të ndëshkueshëm penalisht me burg deri në 6 muaj ofrimin në treg të produkteve ushqimore duke mos plotësuar ose ndryshuar kërkesat e përcaktuara në ligj për skadencën ose përbërjen, fshehjen ose marrjen e produkteve ushqimore që synohen të bëhen të papërdorshme ose të dezinfektohen, me qëllim tregtimin e tyre.

Gjithashtu vepra penale Prishja e shenjave të organeve shtetërore në fushën e sigurisë ushqimore ndëshkon heqjen ose ndryshimin e shenjave bllokuese apo ushtrimin e aktivitetit pas bllokimit në kundërshtim me masat e përkohshme ose përfundimtare, të vendosura nga organet inspektuese të autoritetit kombëtar të ushqimit, me qëllim prodhimin ose tregtimin e ushqimeve të pasigurta. Dënimi për këtë vepër është deri në 3 vite burg.

Sot ne Korce ishte i vetequajturi “Kryeministri” i qeverisë paralele, profesor Pëllumb Pilinçi, i cili ku u prit nga disa qytetarë, pavarësisht kushteve të pafavorshme atmosferike nga reshjet e shiut.

Pas Shkodrës dhe Vlorës, limuzina luksoze e Pilinçit, e shoqëruar nga eskorta, u ndal në Korçë, që i ka dhënë shumë vendit dhe botës, siç u shpreh ai.

Profesor Pilinçi në këtë dalje ka zhjedhur të sulmojë opozitën e PD duke u shprehur se aty kanë ngelur spiunët, që dikur dëgjonin nëpër dritare…

“Të dyja partitë që janë krijuar janë të dyja partitë antishshqiptare. Unë i njoh që më 90-tën. Njëra gjoja PD, atje kanë ngelur dje janë spiunët, raca më e keqe, që dëgjonte nëpër dritaret.

Sot urdhërojini ju. Sidomos ajo Partia Socialiste e 44-trës së bashku me një kryeministër sharlatanë. Bjerë shi, bjerë të dëgjojnë korçarët, janë në gjumë.

Është kultura, por ka ngelur prapa, janë fshehur. Unë s’e dija që korçarët janë frikacakë. Korçarët me shekuj kanë ikur në Amerikë, korçarët e kanë pasur gjuhën e pasur, patriotët kanë luftuar, por erdhën bolshevikët dhe i ulën kokën Korçës.” – u shpreh Pilinçi

Ai ka sfiduar edhe mazhorancën, duke u shprehur se lëre çfarë thonë, ai është qeveria dhe po e thotë edhe nga Korça ku familjet e këtij qyteti kanë bërë kapelet e republikës dhe kostumet për të dalë në Paris.

“Unë e kam zgjedhur qeverinë, kam vajtur në Vlorë, ku ishte Ismail Qemali. Ne e kemi bërë qeverinë, le të dalën po të duan këta të quajtur qeveri.

Ja, pra ku jam. Jam në tokën time. Ku familjet tona kanë bërë kulturën, ku familjet tona kanë bërë kapelat e republikës, kanë bërë kostume dhe kanë dalë në atë Paris.” – ka thene Pilinçi.