Category: Lajme

Lidhjet e ngushta mes tifozerisë së skuadrës polake Jagellonia dhe ultrasve serbë kanë krijuar jo pak tensione në të kaluarën, për shkak të qëndrimeve të tyre provokuese ndaj shqiptarëve. Fytyra e vërtetë e këtij grupimi ultras u zbulua pak para ndeshjes kundër Novi Pazar-it, një ekip serb nga një qytet i njohur për përbërjen shumicë myslimane – boshnjakë, shqiptarë dhe turq. Përpara udhëtimit të tyre në Serbi, tifozët e Jagellonia-s publikuan në rrjetet sociale një hartë të Kosovës me mbishkrimin provokues: “Kosova është Serbi.”

Ky veprim çoi në një përplasje fizike në rrugët e Novi Pazarit, ku tifozët polakë thuhet se u rrahën nga shqiptarët. Por kjo ngjarje nuk shënoi fundin e tensioneve. Në Tiranë, 24 orë përpara ndeshjes kundër Dinamos, tifozët e Jagellonia-s provuan të provokonin sërish, me gjeste fyese në sheshin “Skënderbej”. Disa prej tyre patën përplasje edhe gjatë rrugës për në aeroport, si pasojë e reagimit të tifozëve shqiptarë.

Por provokimet nuk u ndalën vetëm te tifozeria. Dimitris Rallis, sulmuesi grek 20-vjeçar i Jagellonia-s, autor i golit të barazimit në ndeshjen e kthimit në “Arenën Kombëtare” (1-1), bëri një postim në Instagram që shkaktoi reagime të ashpra. Në një foto të festës së tij nga stadiumi në zemër të Tiranës, ai vendosi si vendndodhje: Serbi.
Rallis, i cili është rritur dhe formuar si futbollist në Holandë me klubin Heerenveen, mund të justifikohej me ndonjë mungesë njohurie gjeografike – ndoshta për shkak të përkushtimit ndaj sportit që në moshë të vogël. Por në një epokë ku teknologjia i korrigjon automatikisht gabime të tilla, vështirë të besohet se ishte një veprim i paqëllimshëm.

Ndërsa Jagellonia feston kualifikimin në raundin tjetër, provokime të tilla mbeten një njollë e shëmtuar për imazhin e klubit – sidomos kur vijnë nga një lojtar i ri, në hapat e parë të karrierës si profesionist.

(BalkanWeb)

BILETAT- Interesimi i tifozëve për ndeshjen e 9 shtatorit ndaj Letonisë, është ndjeshëm më i ulët. Ndryshe nga ndeshjet e tjera, ku biletat shiteshin në pak orë, këtë herë biletat kanë dalë në shitje që në datën 6 gusht, madje në sasi më të vogël për shkak të vendimit të UEFA-s për të mbyllur një sektor të stadiumit “Air Albania”. Megjithatë, biletat ende nuk janë shitur dhe bie në sy fakti se ndaj Letonisë, biletat po shiten edhe fizikisht dhe jo vetëm online siç shiteshin në ndeshjet e mëparshme.

TIFOZAT KUQEZI- Tifogrupi më i madh i Kombëtares, “Tifozat Kuqezi” kanë konfirmuar mungesën e tyre në ndeshjen e Shqipërisë në “Air Albania”. Kjo do të jetë ndeshja e dytë radhazi në shtëpi, pa praninë e tifogrupit pas asaj ndaj Serbisë pak muaj më parë. Gjithashtu, tifogrupi i Kombëtares ka bërë edhe thirrje të vazhdueshme ndaj tifozëve të tjerë, që të bojkotojnë ndeshjen ndaj Letonisë. DËNIMI- Pas ndeshjes ndaj Serbisë, UEFA dënoi Shqipërinë me një gjobë prej 161.500 frangash si edhe mbylljen e 20% të kapacitetit të stadiumit “Air Albania”. Shkak për këtë dënim që FSHF mori, u bënë sjelljet e gabuara përfshirë koret diskriminuese, mjetet piroteknike, koret raciste apo edhe mesazhet me sfond politik. Sektorët që u mbyllën nga FSHF, janë katet e para të tribunave pas porte./Panorama Sport

Këngëtarja Bleona Qereti, ka paditur për 2 milionë dollar pranë gjykatës së lartë të shtetit të New york-ut, Evi Kokalarin, pas fushatës së shpifjeve dhe mashtrimit:

Padia e këngëtares

“Në përgjigje të fushatës së vazhdueshme të shpifjeve dhe mashtrimeve nga Evi Kokalari, më 15 gusht 2025, këngëtarja dhe artistja me famë ndërkombëtare Bleona Qereti, përmes Studios Avokatore Waymaker LLC, ka depozituar një padi në Gjykatën e Lartë të Nju Jorkut, Konteja Queens, duke kërkuar 2 milion dollarë dëmshpërblim.

Që prej vitit 2022, Evi Kokalari, ka ndërmarrë një fushatë të vazhdueshme shpifjesh, sulmesh të organizuara dhe dezinformimi ndaj Bleona Qeretit, duke shtrembëruar fakte dhe fabrikuar narrativa të rreme, me synimin për për ta minuar profesionalisht në karrierën e saj dhe personalisht, duke demtuar reputacionin e saj.

Veprimet e Evi Kokalarit kanë qenë të qëllimshme, të përllogaritura dhe dashakeqe, duke shkaktuar dëm të pariparueshëm në reputacionin dhe imazhin publik të Bleonës si në SHBA ashtu edhe në Shqipëri.

Në vjeshtën e vitit 2020, pas njohjes me Bleonën, Evi Kokalari e pa këtë marrëdhënie si mundësi për të avancuar ambicjet e saj si në Shqipëri ashtu edhe në SHBA.

Miqësia e rreme me Bleonën i dha asaj akses tek individë me ndikim dhe ekspozim në media, të cilat ajo i shfrytëzoi për përfitime personale.

Pasi u ndje e kërcënuar nga prania dhe fama e Bleonës në rrethet e ndryshme mediatike dhe politike, për të avancuar agenden e saj Evi Kokalari në vitin 2022 ndërpret cdo marrëdhënie me Bleonën dhe nis një fushatë hakmarrëse ndaj saj, duke fabrikuar e publikuar narrativa të rreme dhe duke bërë interpretim dashakeq të materialeve artistike dhe fotografive të Bleonës në rrjete sociale dhe media, me qëllim të shkaktonte polemika dhe të dëmtonte në mënyrë të parikuperueshme reputacionin e saj.

Evi Kokalari është angazhuar në sjellje të ngjashme edhe ndaj të tjerëve, por Bleona nuk do ta lejojë më që kjo të ndodhë me të duke iu drejtuar institucioneve ligjzbatuese.

Veprimet e Zj. Kokalari kanë përfshirë:
• Publikimin dhe amplifikimin e deklaratave shpifëse degraduese në rrjete sociale dhe media, për ta minuar profesionalisht dhe izoluar personalisht
• Denigrim të Bleonës në rrethin e individëve në rrjetin e saj profesional dhe personal
• Dezinformim të figurave politike amerikane dhe shqiptare, për interes personal dhe në dëm të Bleonës
• Tentativa për bojkotim të eventeve ku Bleona ka qenë e përfshirë
• Shantazh dhe presion ndaj individëve me ndikim, me synim përfitime financiare dhe ekspozim publik

Dëmi i shkaktuar

Kjo fushatë shpifjesh ka qenë thellësisht dëmtuese duke shkaktuar dëme në imazhin e Bleones, si në aspektin profesional ashtu edhe në atë personal.

Shpifjet e vazhdueshme kanë prekur jo vetëm karrierën ndërkombëtare të Bleonës, por kanë shkaktuar dhimbje të thella emocionale për të dhe familjen e saj, të cilët janë detyruar të përjetojnë këto sulme të ulëta në sytë e publikut. Miliona njerëz kanë lexuar publikimet dashakeqe të znj. Kokalari.
Si pasojë, shumë njerëz nuk e shohin më për atë që është realisht, por përmes një lenteje të shtrembëruar të ndërtuar qëllimisht prej saj.

Bleona ndan shtëpinë me prindërit e saj dhe ka qenë një dhimbje rrënuese për të, t’i shohë prindeti e saj të vuajnë sulmet dhe mashtrimet publike, ndërkohë që vajza e tyre tërhiqet pa të drejtë në një cirk mediatik.

Dëmtimi i nderit apo figurës morale nuk shuhet lehtë apo harrohet në kulturën shqiptare.
Njollosja e reputacionit mbetet e pashlyeshme dhe ndjek individin përgjithmonë, duke mbetur e u ngulitur në perceptimin kolektiv të publikut.
Znj. Kokalari e njeh mirë këtë realitet kulturor dhe e ka përdorur si armë, duke ndërtuar mbi shpifje e gënjeshtra për të shkaktuar sa më shumë dëme ndaj Bleonës dhe për të avancuar interesat e saj personale.

Deklaratat e Zj. Kokalari nuk kanë asnjë bazë faktike dhe e ka bërë në dijeni të plotë këtë.

Qëndrimi i Bleonës:

Bleona Qereti deri më sot ka zgjedhur të mos i përgjigjet publikisht sulmeve të pabaza, por nuk mund të qëndrojë më në heshtje.
Përmes kësaj padie, ajo kërkon vendosjen e përgjegjësisë ligjore ndaj sjelljes dashakeqe të Zj. Kokalari dhe rivendosjen e së vërtetës duke kërkuar dëmshpërblim për dëmet e shkaktuara dhe mbajtjen e përgjegjësisë nga Zj. Kokalari për narrativat e rreme.

“E vërteta është e dokumentuar, dëshmitarët janë të shumtë dhe është koha që kjo sjellje të marrë zgjidhje ligjore. Publiku ka të drejtë të njohë faktet e plota dhe të mos mashtrohet nga dezinformimi.”

Drejtuesi i Acromax, Aldor Nini, ka publikuar sot në Instagram një bisedë me një motorrist të Wolt Albania, ku del në pah mënyra e papranueshme e trajtimit të klientit nga ana e shërbimit të shpërndarjes.

Nga komunikimi i bërë publik, shihet qartë se motoristi nuk i dorëzon porosinë tek zyra, ndonëse kjo është adresa e saktë e vendosur në aplikacion. Në vend që të ngjitet në adresën e specifikuar, ai i kërkon klientit të dalë poshtë për ta marrë porosinë.

Klienti i përgjigjet duke e pyetur ‘pse duhet të dalë jashtë, kur në aplikacion ekziston opsioni që porosia të vijë deri në adresën e plotë’, përfshirë zyrat dhe katet e ndërtesave. Por motorristi nuk e respekton këtë detyrim dhe i kthen përgjigje tallëse:

“O gjigand, mos e do në tavolinë”.

Kjo frazë jo vetëm që tregon mungesë respekti, por edhe fyerje të hapur ndaj klientit. Në reagimin e tij, Nini i shkruan se një sjellje e tillë është e papranueshme dhe do të sinjalizohet si shkelje e rregullave bazë të marrëdhënies me klientët.

Ky rast ngre pikëpyetje serioze mbi mënyrën si Wolt Albania kontrollon cilësinë e shërbimit dhe respektimin e opsioneve që vetë kompania ka vendosur në aplikacion. Kur një klient zgjedh opsionin “deri në adresë” dhe paguan për këtë shërbim, kompania ka detyrim ta përmbushë. Refuzimi i korierit dhe ironizimi i klientit tregojnë një problem të qartë të brendshëm: mungesë trajnimi, mungesë kontrolli dhe neglizhencë ndaj klientit.

Në tregje të tjera ku operon Wolt, një sjellje e tillë do të sillte pezullim të menjëhershëm të motorristit. Në Shqipëri, mbetet për t’u parë nëse kompania do të marrë masa konkrete, apo do të vazhdojë të lejojë që klientët të trajtohen me përçmim dhe të mbeten pa shërbimin që kanë paguar. 

Kreu i Urgjencës Kombëtare, Skënder Brataj në kanalin e tij në Youtube është shprehur se gjatë këtij viti pritet që të ketë një numër të shtuar të rasteve me grip.

Në fillim të mesazhit të publikuar ai shprehet se Australia po përjeton një nga sezonet gripale më të rënda të dekadës së fundit, me rritje të konsiderueshme të rasteve (+70%), shtrimeve në spital (+50%), teksa shërbimet e urgjencës janë dyfishuar.

Po çfarë pritet të ndodh në Shqipëri dhe në Europë?

Sipas Brataj virusi që po qarkullon në hemiserën jugore A H1N1 dhe B Victoria pritet që në Shqipëri dhe Europë të ketë intensitet më të lartë se ai i vitit të kaluar, prandaj vaksinimi është i rëndësishëm.

Deklarata e plotë e Bratajt:

“Një mesazh të shkurtër, por shumë të rëndësishëm çfarë na pret vjeshtë-dimrin e ardhshëm. Zakonisht ne bazohemi gjithmonë në hemisferën e jugut, në të cilën në këtë moment është periudha e dimrit dhe numri i lartë i infektimeve nga gripi është në shifra shumë të larta në krahasim me vitin e kaluar. Pikë referimi për këtë në këtë moment është Australia, ku numri i rasteve të reja është mbi 70 për qind. Numri i shtrimeve në spital, është mbi 50 për qind në këtë moment. Përdorimi i urgjencës paraspitalore dhe i ambulancave në moment është pothuajse i dyfishuar.

Çfarë pritet të vijë në Shqipëri dhe në Europë në vjeshtë dimër. Pritet të qarkullojë si zakonisht, si çdo vit, virusi qarkullon tani në hemisferën e jugut, pra në Australi dhe në këtë moment aty po qarkullojnë 2 nëntipe të gripit.

Gripi i tipit AH1N1 dhe gripi i tipit BI nënllojit B viktoria. Fashat më në rrezik janë të moshuarit, gratë shtatzëna, fëmijët dhe personat me sëmundje bashkëshoqëruese, pavarësisht moshës së tyre.

Çfarë duhet të bëjmë? Si çdo vit bëhet vaksinimi me vaksinën e gripit, e cila parandalon në mënyrë shumë të madhe infektimin.

Duke parë këto shifra të hemisferës së jugut, pritet që në Shqipëri dhe në Europë intensiteti këtë vit i gripit të jetë shumë më i lartë sesa ai i vitit të kaluar.

Prandaj vaksinimi është i domosdoshëm”, shprehet Brataj.

Një ngjarje e rëndë ka ndodhur në Meksikë, ku një influencere meksikane u gjet e vdekur brenda një kamioni së bashku me bashkëshortin dhe fëmijët e saj.

Viktimat janë 32-vjeçarja Esmeralda Ferrer Garibay, bashkëshorti i saj 36-vjeçar, djali i tyre 13-vjeçar dhe vajza 7-vjeçare.

Trupat u gjetën javën e kaluar në Guadalajara, por identitetet e tyre u zbuluan vetëm dje, raporton The Sun.

Familja ishte zhvendosur së fundmi në qytet për të jetuar dhe punuar atje.

Autoritetet dyshojnë se bashkëshorti i Garibay ishte shënjestra e sulmit, por hetimet vijojnë ende dhe pritet që të hedhin dritë mbi ngjarjen makabre.

Galeria fotografike (

1 / 3

)

Një kilogram kokainë, qindra mijëra euro të fshehura në një Audi, një kompani fasadë për trafikim të dyshuar të paligjshëm nga Evropa Lindore, dhe një influencuese dhe prezantuese moldave, emri i së cilës shfaqet çuditërisht në dosjet e një hetimi që, ditët e fundit, çoi në ekzekutimin e dy dënimeve me burg paraprak nga autoritetet italiane.

“Corriere” thekson se vajza në fjalë, Felicia Sirbu, nga Moldavia, nuk është e listuar midis atyre që janë nën hetim në urdhër të gjykatës.

Megjithatë, kanë dalë lidhje të dyshimta në jetën private të 34-vjeçares, e cila në Instagram e paraqet veten si një “influencuese dhe gazetare televizive me më shumë se 13 vjet përvojë”.

Një fytyrë e njohur në televizionin moldav, ajo është intervistuar nga mediat lokale dhe madje është paraqitur në artikuj thashethemesh që zbulojnë aspekte të jetës së saj dashurore dhe vendimin e saj për t’u zhvendosur në Milano.

Profili i saj është i mbushur me reklamimin e një jetë luksoze, me veshje e bizhuteri të shtrenjta, udhëtime dhe festa.

Hetimi nga karabinierët e degës së Sesto San Giovanni filloi me zbulimin, në gusht 2023, të një kilogrami kokainë në një furgon të kontrolluar në Vimodrone.

Me atë rast, u arrestua rumuni 47-vjeçar Andrei Radu Tataru. Hetimet pasuese, të kryera nëpërmjet përgjimeve telefonike dhe analizës së lëvizjeve të automjeteve, çuan në një garazh në Via della Burrona, ku 279,000 euro në para të gatshme u zbuluan brenda një Audi A6 luksoz.

Sipas hetuesve, paratë rrjedhin nga trafikimi i drogës. Fokusi i hetuesve është zgjeruar edhe tek të paktën shtatë individë të tjerë. Por, përballë një sërë kërkesash për masa paraprake nga zyra e prokurorit të Monzës, gjykata lëshoi ??masa kufizuese vetëm kundër dy individëve për vepra të dyshuara penale të trafikimit të drogës – 47-vjeçarit rumun Cristinel Balint dhe shtetasit 28-vjeçar ukrainas Ivan Buzduhan, duke mos gjetur se të dyshuarit e tjerë kishin nevojë për masa paraprake.

Balint është burri që, sipas dokumenteve, u takua me Felicia Sirbu në nëntor 2023. Në atë kohë, e reja jetonte në Nova Milanese, pak jashtë Monzës.

Sipas karabinierëve, të paktën në kohën e përgjimit, ajo kishte një lidhje romantike me Vladimir Tataroi, i njohur si “Vova “, një burrë që nuk është midis atyre për të cilët u kërkua masa paraprake.

Balint i shprehu shqetësimet e tij 34-vjeçares sepse ishte në dijeni se ishte nën mbikëqyrjen e hetuesve. Të dy konsumuan një dozë kokaine së bashku dhe diskutuan një punë fiktive që ajo të rregullonte situatën e saj tatimore dhe kështu të kishte para për të shpenzuar, me një pagë mujore prej pak më shumë se një mijë eurosh.

Kompania në fjalë ishte Alpha Group, e cila ishte pronare e Audi-t në të cilin ishin gjetur 279,000 euro.

Galeria fotografike (

1 / 5

)

Policia Kufitare në Pogradec i ka ardhur në ndihmë një sportisti maqedonas që fluturonte me paragliding.

Komandanti i Shën Naumit në Maqedoninë e Veriut kishte dhënë alarmin për parashutistin të cilin era e fortë e kishte marrë me vete dhe për pasojë kishte devijuar flutimin duke rënë në fshatin Alarup.

Menjëherë efektivët kanë shkuar në zonë dhe kanë bërë të mundur lokalizimin e tij. Ai është dërguar në spital dhe gjendet në gjendje të mirë shëndetësore.

Parashutisti V.P. më pas është shoqëruar në pikën kufitare të Tushemishtit për të kaluar në Maqedoninë e Veriut.

Një qytetar ka denoncuar se i është vendosur një gjobë në mënyrë të paligjshme nga Rrugorja e Tepelenës, ndërsa pretendon se makina ishte në Tiranë.

“Po na vendosin gjoba pa qenë fare në ato vende”, ishte reagimi i qytetarit, që denoncoi publikisht se është gjobitur në një qytet tjetër, kur fizikisht mjeti rezultonte në një tjetër vend nga ai që ishte shënuar në fletën e gjobës.

Menjëherë pas denoncimit dhe pretendimit të qytetarit, ka ardhur edhe reagimi i Policisë Rrugore Gjirokastër.

“Policia Rrugore Gjirokastër në vijim të kontrolleve intensive me dron dhe me radar, me qëllim sigurinë rrugore, më datën 26.08.2025, kanë instaluar radarin automatik në aksin rrugor “Tepelenë-Krahës” në vendin e quajtur “Lapidari”, Mogila, ku në orën 15:34, është konstatuar automjeti tip “Volkswagen Tiguan”, duke udhëtuar me shpejtësi tej normave të lejuara. Meqënëse radari është automatik, punonjësi i Policisë në përfundim të shërbimit, ka plotësuar masat administrative bazuar në pamjet filmike të regjistruara nga radari automatik. Drejtuesi i automjetit në rast kontestimi, Policia Rrugore do t’i vendosë në dispozicion pamjet filmike dhe orën e konstatimit”, thuhet në njoftimin e Policisë.

Qytetari tha se është gjobitur në vlerën 1000 lekë, me pretendimin se mjeti i tij ka kryer shkelje në qytetin e Tepelenës, më datë 26 gusht 2025, ora 22:07. Ndërkohë, nga të dhënat e siguruara nga GPS-i i makinës, rezultoi se automjeti në atë moment ndodhej në kryeqytet.

Reagimi i plotë i Policisë:

“Në lidhje me një postim të publikuar në rrjetet sociale, ku një shtetas pretendon se në datën 26.08.2025, në orën 22:07, i është vendosur masë administrative në qytetin e Tepelenë, ndërkoh automjeti i tij në këtë orë ndodhej në Tiranë, ju informojmë se:    

Policia Rrugore Gjirokastër në vijim të kontrolleve intensive me dron dhe me radar, me qëllim sigurinë rrugore, më datën 26.08.2025, kanë instaluar radarin automatik në aksin rrugor “Tepelenë-Krahës” në vendin e quajtur “Lapidari”, Mogila, ku në orën 15:34, është konstatuar automjeti tip “Volkswagen Tiguan”, duke udhëtuar me shpejtësi tej normave të lejuara. Meqënëse radari është automatik, punonjësi i Policisë në përfundim të shërbimit, ka plotësuar masat administrative bazuar në pamjet filmike të regjistruara nga radari automatik. Drejtuesi i automjetit në rast kontestimi, Policia Rrugore do t’i vendosë në dispozicion pamjet filmike dhe orën e konstatimit.

Drejtoria Vendore e Policisë Gjirokastër falenderon qytetarët dhe median për denoncimet, si dhe fton që të vijojnë të denoncojnë në numrin 112, çdo rast të shkeljes së rregullave të qarkullimit rrugor, dhe i garanton ata se do të reagojë menjëherë, konform ligjit dhe me paanshmëri”.

Tabloidi britanik “Daily Mail” i ka kushtuar një artikull të gjatë një të dënuarit shqiptar për vrasje, Edmond Kallmi.

“Një bandit shqiptar që kërcënoi të qëllonte me armë një shofer gjatë një debati për trafik droge ishte një emigrant i paligjshëm i cili ishte ekstraduar më parë nga Mbretëria e Bashkuar për një vrasje të tmerrshme në vendin e tij të lindjes”, shkruan “Daily Mail” për 50-vjeçarin nga Berati, i dënuar për vrasje në vendin tonë.

Pjesë nga investigim:

Edmond Kallmi, 50 vjeç, i drejtoi një armë zjarri imituese një gruaje në një rrugë në qytetin e vogël minerar uellsian të Ferndale përpara se t’i thoshte: “Po sikur të të qëllojmë, o idiote?”.

Ai u burgos për 18 muaj për incidentin në tetor 2022, ndërsa në seancën e dënimit të tij në vitin 2023 iu tha se nuk kishte leje qëndrimi në Mbretërinë e Bashkuar.

Por realiteti i plotë është edhe më tronditës, me dokumentet gjyqësore të para nga Ministria e Shtetit që zbulojnë se Kallmi ishte një shkelës i dhunshëm i përsëritur, i cili ishte dënuar më parë për vrasje në Shqipëri.

Sulmi i tmerrshëm i vitit 1998, ai dhe një burrë tjetër hynë me forcë në shtëpinë e një familjeje dhe qëlluan për vdekje një grua që mbante në krahë djalin e saj njëvjeçar. Kallmi dhe shoku i tij kishin pasur në një sherr në një bar me bashkëshortin e viktimës, objektivin e synuar.

Vrasësi iku në Britani pas ngjarjes, ku u dënua në vitin 2007 për një plagosje me thikë.

Pasi u ekstradua në Shqipëri dhe vuajti dënimin për vrasje, ai mundi të hynte në Mbretërinë e Bashkuar për herë të dytë dhe të vendosej me gruan dhe vajzën e tij.

Aktivistët thanë sot se mënyra se si një shkelës kaq “i pakëndshëm dhe brutal” arriti të qëndronte ilegalisht në Britani për të ndjekur jetën e tij kriminale jo një herë, por dy herë, ofroi “rastin e përsosur studimor” të gjendjes së mjerë të kufijve tanë.

Në procedurat e ekstradimit në vitin 2008 u dëgjua se Kallmi kishte kërkuar azil në Mbretërinë e Bashkuar duke përdorur informacion të rremë nën emrin Martin Buzi. Të dhënat e gjykatës tregojnë se Kallmi iku në Britani një ditë pas të shtënave më 12 shtator 1998. Dy vjet më vonë, ai u shpall fajtor në mungesë për vrasje dhe u dënua me 12 vjet burg.

Kallmi vazhdoi jetën e tij në Mbretërinë e Bashkuar dhe në mars të vitit 2007 u dënua me dy vjet burg në Gjykatën e Kurorës në Harrow, pasi u dënua për plagosje me dashje dhe përleshje.

Procedurat e ekstradimit që ishin vonuar nga gjyqi filluan përsëri ndërsa ai ishte në burg, dhe në mars të vitit 2008 një gjyqtar në Gjykatën e Magjistraturës së Westminsterit dha miratimin që Kallmi të dërgohej përsëri në Shqipëri për një rigjykim.

Vrasësi apeloi për disa arsye, përfshirë Nenin 8 të Konventës Evropiane për të Drejtat e Njeriut, i cili mbron të drejtën për një jetë familjare, por kjo u rrëzua nga Gjykata e Lartë dhe ai u ekstradua më në fund në korrik 2009.

Në nëntor 2012, pas rigjykimit të tij në Shqipëri, tre gjyqtarë miratuan një vendim që mbështeti dënimin e tij për vrasje.

Në rigjykim u dëgjua se Kallmi kishte pirë në një bar në fshatin Perondi në Shqipërinë me mikun e tij Dritan Vila kur ata u grindën me një burrë të quajtur Hamit Baci dhe filluan të godisnin njëri-tjetrin me shishe birre.

Baci doli nga lokali dhe shkoi në shtëpi. Më vonë u dëgjuan të shtëna me armë pranë shtëpisë dhe gruaja e tij, Arjana Baci, u gjet e vdekur në dysheme pranë djalit të saj njëvjeçar, të cilin më parë e kishte mbajtur në krahë.

Burri i saj ishte gjithashtu në shtëpi së bashku me vjehrrën e tij, por të dy shpëtuan.

Një dëshmitar tha se i panë Kallmin dhe Vilën të armatosur me Kallashnikov. Më vonë ata ikën përtej kufirit me Greqinë përpara se Kallmi të futej kontrabandë në Mbretërinë e Bashkuar.

Pavarësisht se mori një dënim të ri me burg prej tetë vitesh, që fillonte në vitin 2009 kur u ekstradua, Kallmi duket se ka dalë nga burgu vetëm gjashtë muaj pasi kreu dënimin.

Shqiptari hyri ilegalisht në Britani për herë të dytë dhe u vendos me gruan dhe vajzën e tij britanike në Pontypridd në Rhondda.

Më 21 tetor 2022, ai po ngiste makinën nëpër qytetin Ferndale kur doli nga një rrugë anësore përpara një shofereje grua, nëna e së cilës ishte në sediljen e pasagjerit.

Pasoi një grindje që përfundoi me kërcënimin e Kallmit ndaj shoferes me një armë të rreme përpara se ajo të largohej me makinë.

Në gjyqin e tij të mëvonshëm, Gjykata e Kurorës Merthyr Tydfil dëgjoi se viktima kishte mbetur “e tronditur dhe e frikësuar” nga incidenti.

Policia u thirr, por Kallmi kishte arritur ta fshihte ose ta asgjësonte armën. Kjo armë nuk është gjetur kurrë, megjithëse oficerët gjetën bombola gazi dhe kushineta me sfera.

Kallmi u shpall fajtor për posedim të një arme zjarri imituese me qëllim shkaktimin e frikës nga dhuna.

Duke dhënë dënimin, regjistruesi Duncan Bould tha: “Ky ishte një gjest jashtëzakonisht kërcënues i përforcuar nga prodhimi i një arme zjarri me pamje realiste me qëllim që [viktima] të besonte se kundër saj do të ishte përdorur dhunë e paligjshme, se do të qëllohej nga afër.”

“Kjo e bindi viktimën tënde dhe të tjerët se ishte një armë e vërtetë. Ti e mbaje atë send me vete duke parashikuar se do të kishe mundësi ta përdorje. Ti pretendove se ke përdorur një telefon celular, por nuk e sqarove më hollësisht këtë shpjegim dhe juria e hodhi poshtë”, shtoi ai.

Kallmi u dënua me 18 muaj burg në tetor 2023 përpara se të lirohej në qendrën e largimit të imigracionit në Colnbrook në dhjetor.

Robert Bates, Drejtor i Kërkimeve në Qendrën për Kontrollin e Migracionit, tha: “Ky njeri është një kërcënim, prania e të cilit në Britani është jashtëzakonisht e padëshirueshme.”

Fakti që ai u dëbua nga vendi ynë, por mundi të hynte përsëri me forcë, është rasti i përsosur studimor se sa të trazuar janë kufijtë tanë.

Politikanët po e zhgënjejnë publikun duke lejuar që më të pakëndshmit dhe brutalët në botë t’i trajtojnë rrugët tona si shesh lojërash për veten e tyre.

Ministria e Brendshme refuzoi të thoshte nëse ai do të deportohej dhe kur.