Category: Lajme

Ndoshta pjesa më e madhe do të mendojnë se bëhet fjalë për vajzat e reja që janë rreth të 20-tave, por jo!

Zbulime të shumta kanë dalë në përfundimin se femrat janë shumë më të interesuara për s.e.ks, në të 30-tat dhe 40-tat e tyre.

Si pasojë e frikës nga menopauza e hershme, gratë bëhen më të frustruara dhe duan më pak s.e.ks, por përsëri dëshira për marrëdhënie dominon tek mosha 30-40 vjeç.

Pothuajse 75 % e femrave të anketuara kanë qenë të frikësuara nga menopa uza dhe po e njëjta shifër e

grave që kanë arritur në me.nopauzë kanë deklaruar se i ka penguar në marr ëdhënie.

Këshilli i Ministrave ka miratuar të mërkurën, propozimin e projektligjit “Për ratifikimin e kontratës financiare, ndërmjet Republikës së Shqipërisë dhe Bankës Evropiane për Investime, për projektin “Infrastruktura hekurudhore e korridorit VIII, faza I – Shqipëri” dhe do ta çojë për ratifikim në Kuvend kontratën financiare dhe marrëveshjen e grantit ndërmjet Republikës së Shqipërisë dhe Bankës Evropiane për Investime (BEI), për projektin madhor “Infrastruktura hekurudhore e Korridorit VIII, faza I – Shqipëri”. Ky vendim shënon një hap të rëndësishëm drejt modernizimit të infrastrukturës hekurudhore të vendit dhe integrimit rajonal.

Investime strategjike në hekurudhë dhe rrugët e Korridorit VIII

Projekti hekurudhor, pjesë e strategjisë së BE-së “Global Gateway”, synon rehabilitimin e linjës ekzistuese, duke parashikuar që pas përfundimit të punimeve, trenat të arrijnë një shpejtësi prej 120 kilometra/orë. Përfshirja e këtij korridori në rrjetin kryesor të transportit transeuropian, i njohur si TEN-T, i ka dhënë prioritet financimit të tij. Bashkë me Maqedoninë e Veriut, Shqipëria po përmirëson linjat ekzistuese dhe po ndërton hallkat që mungojnë përgjatë korridorit, me qëllim shkurtimin e distancave fizike dhe zhvendosjen e sa më shumë pasagjerëve dhe mallrave përmes mënyrave të qëndrueshme të transportit.

Përveç komponentit hekurudhor, ky investim shoqërohet me masa reformuese për përmirësimin e konkurrueshmërisë së sektorit hekurudhor.

Financime dhe projektet aktuale rrugore

Në buxhetin e vitit 2025, u parashikuan rreth 88 milionë euro për Korridorin VIII, i cili konsiderohet nyja më e rëndësishme rrugore në vend. Financimi për 14 lote të Korridorit VIII zë 26.6% të fondeve të brendshme për transportin rrugor.

8 lote punimesh do të financohen për zgjerimin e aksit Elbasan-Qafë Thanë, me një vlerë prej 3.4 miliardë lekë. 6 lote të tjera financohen për ndërtimin e segmenteve me drejtim nga Durrësi, Elbasan-Papër dhe Papër-Ura e Grykshit, me një financim prej 5.4 miliardë lekë. Vlera e plotë e këtyre 6 loteve është 15 miliardë lekë (ose 150 milionë euro) në një gjatësi rreth 35 km.

Aksi tjetër vijues i Korridorit VIII, rruga Tiranë-Elbasan, ka përfunduar tashmë, ndërkohë që kanë përfunduar ndërtimi i By-pass-it të Fierit dhe të Vlorës, të cilat ndihmojnë qarkullimin lindje-perëndim. Në pjesën shqiptare, pika dalëse në Maqedoni e Korridorit VIII do të jetë Ura e Bushtricës në Përrenjas, për të shmangur lartësinë që krijon dalja në Qafë-Thanë.

Inspektimet dhe rëndësia e projekteve

Pak ditë më parë, Kryeministri Edi Rama dhe Zëvendëskryeministrja Belinda Balluku, inspektuan një nga kantierët më të rëndësishëm të Korridorit VIII, ku po ndërtohen dy tunele me gjatësi totale prej 1.1 km. Këto tunele do të lidhin qytetet e Elbasanit dhe Librazhdit, duke përmirësuar ndjeshëm infrastrukturën dhe lidhjen mes këtyre dy zonave. Zëvendëskryeministrja Balluku e cilësoi këtë projekt si thelbësor për Korridorin.

Korridori VIII është një nga korridoret pan-evropiane, i cili përfshin si infrastrukturën rrugore ashtu edhe atë hekurudhore, dhe është konceptuar për të lehtësuar shkëmbimin e mallrave dhe pasagjerëve midis vendeve të BE-së, shteteve të Ballkanit që kanë dalje në Detin e Zi dhe Detin Kaspik. Në territorin shqiptar, ky korridor shtrihet në rreth 154 km, duke lidhur portet e Italisë me ato të Varnës dhe Burgasit, përmes Shqipërisë, Maqedonisë së Veriut dhe Bullgarisë.

/rtsh.al/

SPAK ka nisur një procedim penal ndaj gjyqtares së GJKKO-së, Irena Gjoka.

Lajmi është nga konfirmuar nga Prokuroria e Posaçme që i është përgjigjur avokates Adriana Kalaja, e cila bëri kallëzimin, se e ka regjistruar procedimin penal më 5 qershor të këtij viti, për veprën penale falsifikim i vulave, i stampave ose i formularëve.

Gjithçka ka nisur pasi kryetari i Partisë Demokratike, Sali Berisha, publikoi para dy muajsh një dokument të prezantuar si një vendim i Gjykatës së Janinës në Greqi, sipas së cilit tregon se gjyqtarja Irena Gjoka e Gjykatës së Posaçme është e dënuar me 3 muaj burg dhe gjobë për falsifikimin e një pasaporte dhe një vize në mesin e viteve 2000.

Berisha ka hedhur akuza të shumta ndaj gjyqtares Gjoka, ndërkohë që ka deklaruar se “vendimet e saj për të janë nul”.

Ndërsa vetë Gjoka e ka mohuar dënimin në Greqi.

Por akuza për një dënim të gjyqtares Gjoka në Greqi ka qarkulluar edhe një vit më parë përmes mediave greke.

Gjyqtarja Irena Gjoka prej dhjetorit 2019, ajo është pjesë e Gjykatës së Posaçme për Korrupsionin dhe Krimin e Organizuar në Tiranë.

Ligji për “Për garantimin e integritetit të personave që zgjidhen, emërohen ose ushtrojnë funksione publike”, i njohur ndryshe dhe si ligji dekriminalizimit, u miratua më 17 dhjetor të vitit 2015 dhe hyri në fuqi në fillim të 2016-ës.

Të gjithë funksionarët që ishin subjekte të këtij ligji, përfshirë dhe gjyqtarët dhe prokurorët që ishin në detyrë në atë periudhë e plotësuan dhe dorëzuan për herë të parë formularin e dekriminalizimit në fillim të vitit 2016.

Sot pritet të jetë edhe dita më e nxehtë për këtë verë deri më tani, me temperatura që ngjiten deri në 41 grade C.

“Sot presim temperatura 39-40 në shumë qytete dhe 41 gradë vetëm në qarkun e Beratit. Qarku Vlorë do jetë pak më i freskët”, thotë sinoptikania Lajda Porja.

Fundjava do të jetë me temperatura 39 gradë dhe në po të njëjtat ujëra do të mbetet edhe fillimi i javës së ardhshme. Vala e të nxehtit që ka goditur pjesën më të madhe të Europës, në vendin tonë pritet të ketë një tërheqje për pak ditë, të mërkurën.

“Kemi një freskim nga mesi i javës tjetër, nga e mërkura ku të paktën për 3 apo 4 ditë do të marrim frymë. Termometri ulet deri në 34 apo 35, por do jetë e shkurtër si kohë”, tha Porja.

Muaji korrik parashikohet të jetë me temperatura të larta, të cilat do të qëndrojnë të tilla për disa ditë njëra pas tjetrës.

“Është parashikuar që korriku të jetë mjaft i nxehtë. Nuk presim të thyhen rekordet, po do ketë shumë ditë, 7 apo 10 ditë me temperatura që luhaten nga 37-39”, tha sinoptikania.

Vera me temperaturën më të lartë të shënuar përgjatë këtyre viteve të fundit është ajo e 2023-it, kur termometri në korrik shënoi 43.6 gradë në Elbasan.

Ronaldo Sharka ka ndarë me ndjekësit në rrjetet sociale blerjen e tij më të fundit: një makinë luksoze Audi RS Q8, vlerësuar me qindra mijëra euro.

Me një stil tërheqës dhe një qëndrim plot vetëbesim pranë automjetit, Sharka ka tërhequr menjëherë vëmendjen e publikut..Por përveç admirimit për makinën dhe stilin e tij jetësor, komentet nuk kanë munguar as në aspektin kritik.

Një ndjekëse i ka shkruar:

“A shoku ku i gjete 160 mijë euro gazetar Shqipërie? +- 2 milion 3 milion rrogë keni, të mendoni që jetoni dhe me qera. Apo ju kapi lapsi naj pastrim leku nga gangot e politikës atje”.

Duket se ndjekësit janë të ndarë mes atyre që e urojnë për suksesin dhe atyre që dyshojnë për burimin e të ardhurave të tij.

Nga Paolo Fox

DASHI

Ka ardhur koha për të eksploruar rrugë të reja dhe për t’u distancuar nga rutina. Një vlerësim i kujdesshëm i mundësive që do të shfaqen në derë është thelbësor: kjo nuk është koha për të lejuar veten të udhëhiqeni nga impulsiviteti.

DEMI

Sipas horoskopit të Paolo Fox (e premte, 4 korrik 2025), Jupiteri vazhdon të jetë i favorshëm dhe ndikimi i tij pozitiv ndihet fuqishëm. Urani, një planet që zakonisht lidhet me paqëndrueshmërinë dhe ngjarjet e papritura, nuk është më në kontakt të drejtpërdrejtë me shenjën tuaj dhe kjo përkthehet në një ndjenjë stabiliteti më të madh krahasuar me vitin e kaluar.

BINJAKËT

Jupiteri në një sektor astrologjik të lidhur me paratë, në kontrast me Saturnin, tregon se është një moment kompleks në të cilin çdo lëvizje financiare duhet të kontrollohet me kujdes. Bashkimi i Venusit dhe Uranit në shenjë rrit aftësinë e vendimmarrjes dhe çon në zgjedhje të guximshme.

GAFORRJA

Vala pozitive e planetëve në favorin tuaj vazhdon, me një qiell që garanton mundësi dhe rritje, edhe nëse Saturni disonant i fton ata që kanë lindur në fund të qershorit të mos injorojnë shenjat e tensionit. Muaji korrik do të jetë i qëndrueshëm, megjithatë. Mos kini frikë.

LUANI

Sipas horoskopit të Paolo Fox (e premte, 4 korrik 2025), nuk ka mungesë idesh të mira në këto orë të hershme të korrikut: falë Merkurit. Fuqia e Diellit, i cili hyn në shenjë nga data 22 e muajit, nxit një kapacitet të mirë për veprim. Është koha të planifikoni një veprim të këndshëm restaurues për zemrën tuaj.

VIRGJËRESHA

Planet më të favorshme do të zbatohen pa kufizime gjatë orëve të ardhshme, tregues të shkëlqyer për ata që kanë diçka të rëndësishme në mendje. Shumë do të ndiejnë nevojën për të sqaruar se çfarë nuk shkon. Marsi është në shenjë, Jupiteri nuk është më kundër.

PESHORJA

Në këtë kohë të vitit është thelbësore të mos e teproni me angazhimet e përditshme, sepse disa pasiguri ose dyshime që mendonit se ishin kapërcyer mund të rishfaqen. Është e mundur që të ketë pak ankth dhe stres në ajër…

AKREPI

Sipas horoskopit të Paolo Fox (e premte, 4 korrik 2025), ju hapet një fazë e favorshme, falë mbështetjes së Jupiterit, Marsit dhe Diellit. Kjo është koha ideale për të lënë pas hezitimet dhe dyshimet.

SHIGJETARI

Së shpejti do të gjendeni në një udhëkryq. Do t’ju duhet të vendosni nëse do të bëni një zgjedhje të rëndësishme apo jo. Venusi në opozitë dhe Marsi disonant nuk bëjnë zbritje: ata ekspozojnë gjithçka që nuk funksionon.

BRICJAPI

Një zgjedhje e qartë është në horizont: të qëndrosh apo të ndryshosh, brenda apo jashtë. Shumë varet nga natyra e aktivitetit të kryer dhe niveli i kënaqësisë personale. Është e rëndësishme në dashuri të mos neglizhosh dialogun me partnerin tënd.

UJORI

Sipas horoskopit të Paolo Fox (e premte, 4 korrik 2025), Urani do të fillojë një tranzit në favorin tuaj brenda pak ditësh dhe do të sjellë me vete një shtytje rebelimi. Tranziti i gjatë i Mërkurit në opozitë ju kërkon vetëm t’i kushtoni vëmendje financave.

PESHQIT

Opozita e Marsit përfaqëson një burim tensioni, një lloj shqetësimi i brendshëm kthehet dhe një ndjenjë tërbimi mund t’ju bëjë më të shqetësuar se zakonisht. Mund të ketë momente pasigurie që lidhen me nevojat e reja familjare.

Gazetarja Klodiana Lala, e ftuar në një emision televiziv, ka folur për sekuestrimin e 4 milionë euro pasuri, që dyshohet se i përkasin organizatës së Suel Çelës nga SPAK dhe antimafia italiane.

Lala dha detajet e sekuestrimit dhe zbuloi se ka marrë një telefonatë me babain e Suel Çelës, telefonatë mjaft e tensionuar, ku ai ka pretenduar se këto pasuri nuk kanë lidhje me djemtë e tij, duke shtuar se media ka përndjekur familjen e tij.

“SPAK ka njoftuar se ka bërë në bashkëpunim me Antimafian e Veronës një sekuestrim me vlerë 4 milioonë euro. Rezulton se nga hetimet disa mujore, janë sekuestruar një sërë pasurish që ju përkasin Suel dhe Mario Çela, vëllezër. Sipas SPAK, Suel Çela është kreu i një organizate kriminale, që ndër të tjera dyshohet edhe për trafik narkotikësh. Hetimi është kryer në bashkëpunim me hetuesit atje, është bërë ngrirja e pasurive. Rezulton se është një ndërtesë me vlerë të konsiderueshme në Verona. E dyta, një ndërtesë me 30 njësi, zyra dhe dyqane. Është sekuestruar një llogari bankare. Sipas hetimeve, ka rezultuar se paratë shkonin nga Shqipëria në drejtim të një shoqërie.

Suel Çela është në kërkim ndërkombëtar, ndërkohë vëllai i itj Mario Çela ndodhet në burg në Belgjikë.

Pas publikimit të këtij lajmi, kam marrë telefonatë nga babai i Suel Çelës, zoti Petrit Çela një telefonatë disi e tensionuar. Ai ka pretenduar se ka disa vendime të autoriteteve italiane që flasin për të kundërtën e asaj që pretendon SPAK dhe pretendon se ësht biznesmen dhe ka paguar miliona taksa. Pretendon se djemtë e tij nuk janë përfahirë në këtë aktivitet.

Biseda ishte e tensionuar, zoti Çela akuzon median se e ka përndjekur familjen e tij. Ka akuza të forta në adresë të SPAK. Përballja e zotit Çela është me drejtësinë dhe jo me gazetarët. Kemi një pretendim të SPAK dhe atë të zotit Çela. Zoti Çela, edhe pse është folur për emrin e tij, janë dyshuar djemtë, nuk ka reaguar. Kjo është hera e parë që ai ka reaguar. Është çështje me mjaft interes. Nuk bëhet fjalë vetëm për SPAK por edhe antimafian e Veronës dhe gjykatën e Veronës. Sipas njofitmit zyrtar, bëhet fjalë për një hetim të kryer nga ata dhe pretendohet se janë identifikuar flukset e parave, që janë para që burojnë nga trafiku i drogës. Kjo është betejë që do të vijojë mes SPAK dhe palës së akuzuar, grupit kriminal Çela.

Do të jetë një betejë që duhet të vijojë edhe në Itali, pasi vendimi ëshë firmosur nga gjykata e Veronës.

Zoti Çela e kishte me gazetarët. Ai që kur ka ndodhur sulmi te tregu agro-ushqimor, ka refuzuar të flasë me median. Është hera e parë që reagon. Me sa dueket reagojnë kur preket pasuria”, deklaroi Lala.

Klubi konfirmoi sot se fanella e portugezit do të “pensionohet përjetë”, një vendim emocional që tekniko-ligjërisht bie ndesh me rregullat e Premier League, e cila nuk lejon pezullimin zyrtar të numrave të fanellave. Megjithatë, Liverpool ka zgjedhur ta “thyejë” këtë normë përmes një akti simbolik që pritet të mbetet në histori.

Në një veprim jashtë çdo protokolli zyrtar të Premier League, Liverpool ka vendosur të mos e përdorë më kurrë fanellën me numrin 20, në nder të Diogo Jotës, i cili humbi jetën në mënyrë tragjike pas një aksidenti tragjik së bashku me vëllain e tij, Andre Silva.

“Numri 20 do të jetë përjetësisht i lidhur me kujtimin e Diogos. Ai e nderoi këtë klub me pasionin dhe shpirtin e tij. Ky është minimumi që mund të bëjmë për ta kujtuar,” – thuhet në deklaratën e Liverpoolit.

Diogo Jota përfundoi sezonin 2024/25 si kampion i Premier League me Liverpool, duke shënuar një gol të paharrueshëm në derbin ndaj Everton në prill – goli që më vonë do të rezultonte si i fundit i jetës së tij. Ai ishte gjithashtu pjesë e ekipit të Portugalisë që fitoi UEFA Nations League.

Vendimi i Liverpoolit ka ngjallur diskutime të mëdha në Angli. Sipas rregullores së Premier League, klubet nuk kanë të drejtë të pensionojnë numra fanellash në mënyrë të përhershme, ndryshe nga sportet amerikane apo disa liga të tjera në Europë.

Megjithatë, precedenti nuk është i panjohur: Manchester City nuk e ka përdorur më numrin 23 pas ndarjes nga jeta të Marc-Vivien Foé, dhe West Ham e ka bërë të njëjtën gjë me numrin 6 të Bobby Moore – por në të dy rastet, pa njohje zyrtare nga liga.

Në fund, përtej rregullave, Liverpool ka zgjedhur të veprojë me zemër. Fanella me numrin 20 nuk do të rikthehet më në Anfield, dhe emri i Diogo Jotës do të qëndrojë përgjithmonë i gdhendur në historinë e klubit dhe zemrat e tifozëve.

Eleni Foureira i dhuroi një natë shpërthyese Teatrit të mbushur plot e përplot në Nicë të mërkurën. Në fakt, një shprehje nga këngëtarja gjatë mbrëmjes u bënë virale.

Këngëtarja e njohur emocionoi publikun me praninë e saj në skenë dhe aftësitë e saj të pafundme në vallëzim, ndërsa teatri ishte plot me fansa që nuk pushonin së kënduari dhe duartrokituri. Mediat sociale u përmbytën me video dhe pamje të mbrëmjes.

Ndër videot që u bënë virale në TikTok, spikati një moment në të cilin Eleni Foureira po përpiqej t’i argetonte fansat.

“Prit, e kam unë. I bëj të gjitha vetë… Jam shqiptare”, tha ajo me shaka, duke bërë që fansat e saj të qeshin.

Të gjithë duhet të jeni të kujdesshëm në plazh, këshillohet të mos prekni një lloj të veçantë guaskë, sepse helmi i saj mund të shkaktojë paralizë të menjëhershme dhe madje edhe vdekje. Këto janë kone kërmilli, të cilat janë vizualisht shumë tërheqëse shumëngjyrëshe, me modele të ndryshme dhe formë spirale, me një fund të ngushtë dhe një majë të zgjeruar e të lakuar. Edhe pse duken dekorative dhe interesante, ato janë jashtëzakonisht të rrezikshme.

Këto molusqe detare përfshijnë mbi 750 lloje të njohura dhe të gjitha janë helmuese. Ato jetojnë në dete tropikale dhe të buta, më shpesh në cekët, të varrosura në rërë dhe nën korale. Kërmilli në formë koni gjuan me dhëmbët e tij dhe i injekton një helm neurotoksik presë së tij, zakonisht peshqve, krimbave ose molusqeve të tjerë. Fatkeqësisht, i njëjti helm mund të prekë edhe njerëzit, pavarësisht nëse prekni një kërmill, e merrni në dorë apo shkelni aksidentalisht mbi të.

Një përdoruese e TikTok, Becky Lee, ndau përvojën e saj me këtë krijesë potencialisht vdekjeprurëse ndërsa ishte në një plazh në Japoni: “Luaja me krijesën më helmuese në oqean, e cila mund të shkaktojë paralizë të plotë ose edhe vdekje”-tha Beki. “Quhet edhe ‘cigare me kërmij’ sepse sipas legjendës urbane ke vetëm një afat të caktuar për të ndezur një cigare pasi të pickohet para se të vdesësh”. Pasi mori kërmill në dorë, ajo kaloi 72 orë në paranojë të plotë, duke mos ditur nëse e kishin pickuar apo jo. “Për fat të mirë, nuk më pickuan. Por dua që njerëzit ta dinë, disa guaska të bukura nuk janë të padëmshme”-shtoi ajo.