Category: Lajme

Të paktën tre persona u vranë dhe 16 të tjerë u plagosën gjatë të shtënave masive jashtë një klubi nate në qendër të Çikagos të mërkurën vonë në mbrëmje, sipas autoriteteve lokale.

Policia konfirmoi se të paktën 19 persona u qëlluan, tre prej tyre për vdekje, kur sulmues të panjohur hapën zjarr nga një makinë që po kalonte.

Sulmi ndodhi ndërsa njerëzit po largoheshin nga klubi i natës pas një feste për publikimin e albumit të reperit Mello Buckzz.

Në nëntor të vitit 2022 pati një të shtënë masive në të njëjtin bllok. Në atë kohë, një person u vra dhe tre të tjerë u plagosën.

Gazetari investigativ, Adriatik Doçi ka reaguar ashpër në rrjetet sociale, duke hedhur akuza të forta ndaj ish-kryeministrit Sali Berisha dhe familjes së tij. Ai i cilëson Berishën dhe të afërmit e tij si pjesë të një skeme të strukturuar korrupsioni, të shtrirë për mbi dy dekada. Sipas Doçit, familja Berisha ka përfituar miliona euro përmes vendimeve qeveritare të manipuluara dhe lidhjeve klienteliste me biznesmenë. Në reagimin e tij, gazetari publikon një sërë faktesh, emrash dhe veprimesh konkrete që, sipas tij, provojnë skemën korruptive. Doçi thekson se kjo është ndoshta familja e vetme në Evropë ku të gjithë anëtarët madhorë janë të përfshirë në afera korruptive. “Sali Berisha dhe dhëndri i tij Jamarbër Malltezi janë ulur më në fund në bankën e të akuzuarve për korrupsion dhe pastrim parash.

Dosja përfshin vetëm disa episode të industrisë së rëndë dhe të organizuar të korrupsionit të Familjes Berisha, i shtrirë në dy dekada. Në çdo dalje publike, anëtarët e Familjes Berisha pretendojnë se nuk ka prova për korrupsionin e tyre me pasuritë dhe paratë publike, duke i paraqitur akuzat dhe dosjen e parë si një komplot i Sorosit, Edi Ramës, SPAK-ut dhe disa gazetarëve, duke më përfshirë edhe mua. Janë në të drejtën e tyre të mbrohen, qoftë edhe duke gënjyer, heshtur apo akuzuar të tjerët, pasi janë nën akuzë penale. Korrupsioni i Familjes Berisha nuk është në nivel banal si kur kap hajdutin në kotecin e pulave, me presh në dorë apo me thesin në kurriz. Por, nuk është as abstakt si yshtja nga një e keqe që nuk e sheh, si rrezatim apo teoritë konspirative. Për korrupsionin e Familjes Berisha ka fakte dhe prova, dëshmi, evidenca, rrethana dhe veprime konkrete. Në vëmendje po risjell sot disa episode konkrete korrupsioni të Familjes Berisha, me veprime, emra dhe përfitime, në vend të një përgjigje për zonjën Malltezi

Episodet tregojnë për një organizim serioz strukturor korruptiv, i konsoliduar, i shtrirë në kohë, me veprime të matura korruptive, një formë komplekse e posedimit të përfitimeve dhe kthimit të tyre në pasuri të shtuar, në dukje e ligjshme. Mund të jetë rast unikal në Evropë, ku të gjithë anëtarët madhorë të familjes janë përfshirë në korrupsion. Si funksiononte skema? Sali Berisha, si kryetar qeverie, firmoste koncensione, leje, licenca dhe favore të tjera publike për një rreth biznesmenësh. Këta të fundit, gjenin forma deri nga më vulgare për të paguar Shkëlzenin, Argitën, Jamarbërin dhe madje edhe Lirinë. E bija, i biri dhe dhëndri i Sali Berishës shërbenin si një pikë doganore ku duhet të kalonin biznesmenët për të mbaruar punë me qeverinë Berisha dhe degët e saj.Ismail Mulleti ka kaluar në llogarinë e kompanive të Shkëlzen Berishës 350 mijë euro gjatë viteve 2008-2009, gjoja për t’i gjetur disa prona në Durrës për t’i blerë. Në 27 shkurt 2013, Sali Berisha, përmes ish kryefinancierit Ridvan Bode, i jep Ismail Mulletit koncensionin e markimit dhe monitorimit të karburanteve. Nga bilancet e dorëzuara në QKR koncesioni kishte çdo vit një marzh fitimi prej të paktën 1.2 milionë eurosh në vit, nga e cila në shtet derdhte si tarifë koncesioni rreth 100 mijë euro.
Në vitin 2010, biznesmeni Ilir Karçini i ka dhënë 150 mijë euro Shkëlzen Berishës për ndërmjetësimin e blerjes 50 mijë m2 tokë në Porto Romano. Disa javë më pas, konkretisht në 3 maj 2010, Ministria e Ekonomisë, një degë e qeverisë Berisha, pajis me autorizim kompaninë e Karçinit, duke i përgatitur terrenin për të ndërtuar depozitat e hidrokarbureve në Porto Romano.
Në 17 tetor 2008, Sali Berisha si kryeministër mbledh qeverinë dhe miraton një VKM për ndërtimin, pronësinë, shfrytëzimin, mirëmbajtjen dhe transferimin e projektit të një hidrocentrali të ri në Ashtë, Bushat të Shkodrës, për kompaninë Österreichische Elektrizitätsëirtschafts-Aktiengesellschaft. Më pas kompania i jep Jamarbër Malltezit mbi 81 mijë euro gjoja për konsulencë mjedisore.
Në vitin 2006, Argita Malltezi nisi të blinte prona me çmim të lirë në Porto Romano, rreth 14 hektarë me 10 euro m2. Më pas, bashkë me bashkëshortin e saj Jamarbër Malltezi, ia shiste tokat me 18 euro m2 Damir Fazlliçit. Menjëherë pas transaksioneve, vihet në lëvizje Sali Berisha, i cili mblodhi qeverinë dhe mori një vendim për të lëvizur kufirin e parkut energjetik të Porto Romanos në Durrës, duke përfshirë aty dhe pronat e reja të Fazlliçit, duke rritur vlerën e tokës.
Në vitin 2009, qeveria Berisha i jep kompanisë italiane Irene Acqua Gas Albania Brunch dy projekte lidhur me shërbimet e integruara të ujit dhe të shpërndarjes së gazit. Me datë 01.01.2012 mes Argita Malltezit dhe Raimondo Chiodi, menaxher i firmës Irene Acqua Gas Albania, lidhet një kontratë qiraje për apartamentin 12/5 në pronësi të Argita Malltezit në ETC në Tiranë. Apartamenti 120 m2 jepet me qira nga Argita me shifrën marramendëse prej 8000 eurosh në muaj.
Në vitin 2012, Berisha i jep komapnisë Mati Hidropower disa hidrocentrale. Në vitet 2013 dhe 2014, kompania përfituese i jep Jamarbër Malltezit mbi 30 mijë euro.
Më 22 gusht 2008, Berisha kaloi në duart e Rezart Taçit, një ish kamarier picash, kompaninë shtetërore Armo. Në periudhën shkurt 2009 deri në maj 2013, Rezart Taçi, sot në kërkim nga SPAK, i ka dhënë fondacionit të Liri Berishës qindra mijëra euro “Zekat”, në disa raste duke i blerë disa piktura fondacionit.
8. Zafar Ansar, një biznesmen me origjinë pakistaneze, e denoncoi Argita Berishën se përveç pagesës për shërbimet e saj ligjore, i kishte kërkuar 3% si ‘tarifë suksesi’, për një investim me vlerë 100 milionë euro në fushën e energjetikës. Zafar Ansar e konsideroi këtë tarifë suksesi si ryshfet. Ai nuk pranoi ‘gjobën’ dhe u largua nga Shqipëria.
Gjatë tjetërsimit të ish Kubit Partizani për të ndërtuar kulla dhëndri, operacion për të cilin Berisha vuri në lëvizje çdo strukturë të duhur shtetërore, janë marrë mbi 800 m2 tokë publike tepër, pa bërë asnjë pagesë dhe në formë përvetësimi.
Për ndërtesat e ish Klubit Partizani, grupi i ish pronarëve pretendues, të përfaqësuar nga dhëndri i Berishës, i cili përfitonte Kontributin Patriotik, duhet të paguanin 430 mijë euro, por janë paguar vetëm 50 mijë euro, duke manipuluar vlerën e ndërtesave sipas legjislacionit në fuqi.
Argita Berisha, për të fshehur gjurmët e pasurisë nuk ka deklaruar aksionet në Homeplan, edhe pse sipas Kodit të Familjes, i ka në bashkëpronësi me Jamarbrin.
Në emrin e Argita dhe Jamarbër Malltezi rezultojnë me 50 pasuri të paluajtshme me vlerë dhjetëra milionë euro, disa të padeklaruara dhe të sekustruara nga SPAK si produkt i aferave korruptive.
Shoqja e Argitës, Laura Pustina, përgatit kontratat e aferës me ish Klubin Partizani. Motra e saj Andia mban llogaritë e Homeplan. Burri i Laurës, Andi Toma ishte drejtor i Rrugëve. Kompania R.O.S.P që ruante pronën dhe më pas kantierin e ndërtimit ishte e Fatbardh Breçanit, burrit të Shpresa Breçanit, mbesa e Berishës. Shpresa Breçani ishte kontabiliste e R.O.S.P. Fatbardh Breçani është vëllai i Erzen Breçanit, ish drejtues policie, i cili paraqitej me forca policia sa herë kompanitë kishin përplasje me banorët. Janë emëruar drejtues të AKKP dhe u janë dhënë udhëzime vetëm për të kthyer këtë pronë në kundërshtim me ligjin. Fatmir Mediu dhe Genc Ruli miratojnë privatizimin edhe pse ligji për sportin nuk e lejonte dhe prona nuk ishte përfshirë në planin e përhapjes së ushtrisë. Kush i shërbente korrupsionit gradohej, kush bënte rezistencë ndëshkohej si rast i gjeneralit Vladimir Qiriazi, i cili u ndëshkua, të cilit Berisha i lëshoi egërsisht Oerd Bylykbashin, në atë kohë shef i antikorrupsionit në Kryeministri, kur gjenerali refuzoi të firmoste”, shkroi dje gazetari Doçi në rrjetet sociale.

Françeska Jaçe është një nga vajzat e famshme që pëlqen të ndërmarrë udhëtime të largëta. Gjatë bisedës në “Opinion” në Tv Klan rreth destinacioneve më interesante, ajo përzgjedh Kubën si vendin që i ka lënë më shumë mbresa. Nga Kuba, ruan një kujtim të paharrueshëm pasi për një influencere që ka si punë të postojë foto nga udhëtimet, i ndodhi e papritura dhe mbeti pa ‘arsenalin’ e saj.

Françeska Jaçe: Unë në Kubë madje kam ndenjur tri ditë pa valixhe. Kjo për një femër është pak e vështirë. Bleva vetëm një fustan, një palë shapka dhe ato i mbaj akoma kujtim nga Kuba.

Blendi Fevziu: Mund të rrije edhe me bikini gjithë ditën dhe s’thotë gjë njeri në Kuba. Llogarit valixhet e tua në Kuba! As t’i njohin, a t’i dinë çfarë i ke!

Françeska Jaçe: E drejtë. Shyqyr pas tri ditëve erdhën!/tvklan.al

Marina kolumbiane ka kapur një nëndetëse të operuar nga distanca në Detin e Karaibeve, e aftë të transportojë më shumë se 1.5 ton kokainë dhe me një rreze veprimi deri në 800 milje.

Kjo është anija e parë e këtij lloji e zbuluar në ujërat kolumbiane.

Nëndetësja me madhësinë e një varke ishte e pajisur me antena, një modem Starlink për komunikime satelitore dhe kamera të brendshme dhe të jashtme për telekomandë.

Ajo nuk mbante drogë kur u kap më 1 prill pranë Parkut Tayrona në Karaibet kolumbiane, megjithëse Marina Kolumbiane njoftoi lajmin vetëm të mërkurën, i cili u raportua nga mediat lokale dhe ndërkombëtare.

Përdorimi në rritje i teknologjive të përparuara nga rrjetet e trafikimit të drogës përbën një kërcënim në rritje për sigurinë globale detare dhe kartelet meksikane kanë punësuar ekspertë inxhinierikë për të zhvilluar nëndetëse pa pilot që mund të lundrojnë në mënyrë autonome dhe të transferojnë drogë në det që nga viti 2017, sipas analistes Juana Cabezas të Institutit për Studime të Zhvillimit dhe Paqes, Indepaz.

TIRANE – Banorja e Lezhës me iniciale L.S me aktivitet biznesi ne kete qytet, dhe bashkëshorti i saj, S.S arritën një fitore spektakolare duke vendosur të drejtën e tyre në vend, pasi Raiffeisen Bank kërkoi kohe me pare, tu merrte para atyre për kredinë e një qytetari tjetër me të cilin ata nuk kishin asnjë lidhje.

Madje, tentativat e bankës për të marrë prej dy qytetarëve të pafajshëm, paratë që nuk paguante kredimarrësi real i Raiffeisen Bank, u bënë shkak për një kallëzim penal që përfundoi me dënimin e punonjësve të bankës dhe gjithë personave të tjerë të pëfshirë në këtë skemë falsifikimi dhe abuzimi.

Edhe ky rast, ashtu sikurse të tjerat e publikuara gjatë këtyre ditëve, bazohen vetëm në dokumente zyrtare.
Si të tilla, ato tregojnë më së miri, standardin me të cilin banka u ka shërbyer qytetarëve dhe mënyrën e sjelljes me ta. Ndryshe nga rastet qe kane mbetur pa ndeshkim, rasti per te cilin flet ky artikull ka marre nje denim pasi punonjesit e bankes dhe personat e tjere te perfshire jane shpallur fajtor dhe denuar nga gjykata e cila i ak dhene qytetares te drejten te kerkoje zhdemtim per demet qe i jane shkaktuar.

Cfarë ka ndodhur konkretisht?

Kredimarrësi real (iniciale V.K) nuk po paguante kredinë e marrë tek Raiffeisen Bank. Ne kete situate, kjo e fundit tenton të marrë paratë nga dy qytetarët, edhe pse ata nuk kishin lidhje me këtë cështje madje, sic rezultoi më pas, firmat e tyre ishin falsifikuar.

Shtetasja L.S dhe i shoqi S.S, janë lajëmruar në datën 1 shkurt 2010 nga shoqëria Raiffeisen Bank Sh.a, se ndaj tij Gjykata me datë 11.06.2009, kishte lëshuar urdhrin e ekzekutimit të kontratës së kredisë bankare datë 24.09.2007. Me të njëjtën shkresë, shtetasi S.S, është njoftuar se dosja është dërguar për ekzekutim të detyrueshëm në Zyrën Përmbarimore, me qellim qe qytetares dhe bashkeshortit si sekuestroheshin para, apo pasuri ne vleren e detyrimit te pa paguar te kredisë.

Në vazhdim të këtij skenari të ngjashëm me filmat me mashtrime financiare, me datën 10.02.2010, në banesën e dy bashkëshortëve nga Lezha është dërguar njoftimi i dytë shkresor i shoqërisë Raiffeisen, i cili i drejtohej shtetases L.S, me të cilin i kërkohej të bënte shlyerjen e plotë të detyrimit të shtetasit V.K, (kreditori real) ndaj shoqërisë Raiffeisen në shumën 1.801.567 Lekë, si dorëzanëse, në të kundërt do të vijonin proçedurat e ekzekutimit të detyrueshëm.

Pavarësisht se në dokument nuk shpjegohet, përfshirja e emrit të qytetares së dëmtuar dhe bashkëshortit të saj duket se është bërë nga autorët e skemës, pikërisht për faktin se ata kishin një biznes në Lezhë dhe mendohej se mund të paguanin kredinë që nuk po e likujdonte marrësi i saj real.

Zbulimi i falsifikimit

Ky është momenti kur nis të kthehet mbrapsht gjithë historia dhe zbulohet edhe falsifikimi i kryer me qëllim përfshirjen e dy bashkëshortëve në këtë cështje. pa dijeni dhe pa të drejtë.

Duke qenë të bindur se nuk kanë nënshkruar kontrata me cilësinë e dorëzanësve të shtetasit V. Ketj., më datën 18.2.2010, ata i janë drejtuar Drejtorisë së Policisë së Qarkut Lezhë dhe kanë bërë kallëzim penal, duke pretenduar se nuk kanë nënshkruar kontratat në të cilat referonte shoqëria Raiffeisen.

Mbi bazën e kallëzimit, Prokuroria e Rrethit Gjyqësor Lezhë ka regjistruar procedimin penal nr.89, viti 2010, në lidhje me veprat penale të parashikuara në nenet 186/1, 186/2 dhe 146-25 të Kodit Penal.

Nga hetimi ka rezultuar se më datën 24.09.2007, në Lezhë, është hartuar dhe nënshkruar kontrata e kredisë bankare mes shoqërisë Raiffeisen nga njëra anë, me cilësinë e kredi dhënëses dhe V.K e R. K nga ana tjetër, me cilësinë e bashkëkredimarrësave. Sipas përmbajtjes së kontratës, shuma e kredisë është 100.000 Lekë dhe afati i kthimit 84 muaj. Më tej, kontrata është siguruar me një garanci personale, që është dorëzania e paditëses L.S (autorja e denoncimit).

Në vazhdim të hetimeve, kontrata e mësipërme i është nënshtruar akt-ekspertimit grafik të nënshkrimit dhe me aktin e ekspertimit nr.9197, datë 11.11.2010, ka rezultuar se nënshkrimi i plotë (emër, mbiemër dhe firmë) nuk janë të shtetases L .S. Në përfundim të hetimeve, çështja është dërguar për gjykim dhe Gjykata e Apelit Shkodër, ka deklaruar fajtor dhe dënuar shtetasit H H, M Gj, N N, P K, V K, Gj Gj, A B, Gj N, M F dhe B H për veprat penale të parashikuara në nenet 146, 248 dhe 186/2 të Kodit Penal, sipas përcaktimeve të përshkruara në atë vendim.

Disa nga personat e dënuar janë punonjës të Raiffeisen Bank si dhe personat e tjerë të përfshirë në këtë cështje.

Në dokumentin që disponon redaksia, theksohet se emri i shtetases L.S në vitin 2010 është regjistruar në Regjistrin e Kredive të Bankës së Shqipërisë si debitore, me cilësine e dorëzanëses. Kjo procedurë ndiqet për cdo kredimarrës të rregullt, ndërkohë që qytetarja e dëmtuar nuk ishte e tillë, madje, firma e saj ishte falsifikuar pa dijeninë e saj.

Pra Raiffeisen Bank e ka vendosur emrin e qytetares në regjistrin e kreditorëve të këqinj edhe pse ajo nuk kishte lidhje fare me këtë cështje e madje, sic doli nga ekspertiza, firma e saj ishte falsifikuar.

Në dokument thuhet se, emri i paditëses është fshirë nga Regjistri i Kredive të këqija në Bankën e Shqipërisë, si pasojë e faktit se nënshkrimi i paditëses ishte i falsifikuar e për rrjedhojë ajo nuk kishte shprehur vullnetin për të siguruar me dorëzani përmbushjen e detyrimit të bashkëkredimarrësve V e R, K. në kontratën e kredisë datë 24.09.2007.

Pikërisht bazuar në këto fakte, qytetarja ka kërkuar shpërblimin e dëmit jopasuror nga Banka Raiffeisen për shkak se punonjësit e saj tashmë të dënuar me vendim të formës së prerë kanë dëmtuar reputacionin e saj, kanë cenuar imazhin qytetar, profesional, publik dhe të biznesit të saj.

Por pavarësisht skemës abuzive të ndodhur dhe falsifikimit të firmës së saj qytetarja është ndeshur me vështirësi në kërkimin e të drejtës, pasi Banka ka pretenduar se ajo duhej ta kishte kërkuar të drejtën e saj më parë dhe se në kohën kur e kërkoi zhdëmtimin, po e kryente këtë veprim jashtë afatit!!!!

Por ky pretendim i pabazuar, ka marrë përgjigje kundërshtuese nga gjykatat. ato citojnë se me vendim Nr.157, datë 28.06.2012, i cili ka marrë formë të prerë më datë 26.11.2011, në Gjykatën e Apelit Shkodër janë deklaruar fajtorët dhe janë dënuar. Sipas këtij vendimi, nënshkrimi nuk i përket paditëses L. S….Pikërisht në këtë moment paditëses i ka filluar afati i ngritjes së padisë për kërkimin e shpërblimit të dëmit jopasuror. Fillimisht paditësja ka ndjekur rrugën e kallëzimit penal dhe pasi ka pasur një vendim të formës së prerë që i ka dhënë zgjidhje kontestimit të nënshkrimit, i është drejtuar me padi gjykatës.

Në interpretim të nenit 112 dhe 115/dh të Kodit Civil, paditësja është në afat të ngritjes së padisë, pasi vendimi penal ka marrë formë të prerë në datë 26.11.2012 dhe nga ky moment paditësja ka dijeni për personin që i ka shkaktuar asaj dëm.

Kërkesa për shlyerjen e dëmit

Qytetarja nga Lezha e cila kaloi këtë kalvar stresues, ka kërkuar zhdëmtimin në organet e drejtësisë. Në kërkesën e saj thuhet se “ jo vetëm që i sillen një sërë pasojash nga veprimet abuzive të bankës, por i thuhet se e dimë ne se kur e ke marrë vesh, sikur ka më shumë rëndësi marrja në dijeni se trauma e shkaktuar, vetëm në përfundim të hetimeve ajo është vënë në dijeni çfarë ka ndodhur dhe nga ka ardhur gjithë ky stres, ndaj duke u bazuar në të drejtat e mbrojtura me kushtetutë si dhe në konventën Evropiane të të drejtave të njeriut asaj i duhet vënë dinjiteti në vend duke e pranuar kërkesën dhe duke e dëmshpërblyer më shumë se kërkesa e saj”.

“CNN Portugal” ka zbuluar një tjetër fakt në lidhje me atë çfarë ndodhi me Diogo Jotën dhe të vëllanë në Spanjë në orët e para të ditës së sotme.

Sipas medies në fjalë lojtarit i ishte këshilluar nga mjekët që të mos merrte avionin për t’u kthyer në Angli pasi vetëm pak ditë më parë kishte bërë një ndërhyrje në mushkri.

“Ishte rrugës për në veri të Spanjës ku e priste një traget në portin e Santanderit pasi do të udhëtonte në rrugë detare drejt Anglisë. Ishte nisur së bashku më të vëllanë me destinacion Liverpoolin”, zbuloi “CNN Portugal”.

Një tjetër gazetar portugez, Victor Pinto, pohoi për “CMTV channel” se: “Diogo Jota shpesh herë udhëtonte drejt Anglisë me makinë pasi kishte probleme në mushkëri dhe fluturimet e shqetësonin. Nuk kishte asgjë serioze, por ai edhe herë të tjera kishte preferuar që të merrte një traget që lidh veriun e Spanjës me jugun e Anglisë”.

Deputetja e PL-së, Monika Kryemadhi ka sulmuar Tedi Blushin, Sekretarin e Përgjithshëm të Partisë së Lirisë. Në një prononcim për gazetarët para se të hynte në kuvend për herë të fundit, Kryemadhi foli për rastin e ri të korrupsionit të zbuluar nga SPAK, lidhur me kartën bankare të dhënë nga biznesmeni i tij kushëri Adrian Shatku, përmes së cilës ka shpenzuar 244 mijë dollarë për veshje, bileta avioni e hotele në vende të botës.

Kryemadhi shënjestri Blushin, teksa tha se në vend që të lexojë dokumentet të SPAK për të, duhet të flasë për Ergys Agasin apo Ulsi Manjën. E akuzon gjithashtu se e largoi Metën nga shtëpia, i largoi njerëzit nga Partia e Lirisë, duke shtuar me ironi se tani që u bë deputet, nuk e di se çfarë kërkon që të marrë më.

“Nëse do edhe një fustan apo taka të miat ia jap”, tha Kryemadhi me ironi, ndërsa shtoi gjithashtu se Blushi, me takimet e tij me Metën në burg, po bllokon edhe mundësinë për të lejuar fëmijët të shohin të atin.

“Tedi Blushi mori ca kishte për të marrë. I largoi të gjithë këshilltarët në presidencë kur ishte Meta, i largoi nga partia e Ilir Metës, të gjithë kontribuuesit dhe themeluesit e partisë. E gënjeu se ia kanë hequr vjehrrin nga puna por e ka akoma nëndrejtor te spitali i burgut. Nuk e di ca do më. Deputet u bë. Nga shtëpia e largoi Ilir Metën, takimet e kalamajve ua djeg në burg Blushi. Nëse do edhe një fustan apo një palë këpucë me taka të miat ia jap me qejf. Të dalë e të flasë njëherë për Ergys Agasin, për Ulsi Manjën, apo nuk guxon dot se ka gruan në punë aty. Ai është izoluar Meta, është një nga të burgosurit më të izoluar në burg, edhe dje nuk e lanë djalin për të hyrë. Pra ky zotëria përpara se të dalë të lexojë deklaratat e SPAK për Kryemadhin, le të dalë të bëjë një deklarata për drejtorin e Përgjithshme të Burgjeve për ministrinë e Drejtësisë”, u shpreh Kryemadhi.

E pyetur nëse i vjen keq se do të zëvendësohet në Kuvend nga Blushi, Kryemadhi shtoi:

“Nuk më vjen keq fare se fusha tjetër me të cilën po merrem është më e bukur, më me emocion, me ritëm dhe ke të bësh me njerëz që aspirojnë të bëjnë një gjë të bukur dhe jo me njerëz që duan të hajnë bukë në kurriz të të tjetëve.”

Kryemadhi thotë mes të tjerash se Meta është i burgosur politik me urdhër të Yuri Kim dhe Alex Soros për të justifikuar reformën në drejtësi.

“Mendoj se zoti Meta është i burgosur politik. Arrestimi i tij është urdhër i Yuri Kim dhe Aleksandër Soros që iu duhej për të justifikuar, USAID iu ndërprenë projektet në Shqipëri dhe po verifikohen gati 180 mln dollarë. Nuk besoj se SHBA dhe taksapaguesit amerikanë kanë paguar reformën në drejtësi për të vendosur një prokuror apo disa prokurorë, të cilët bëjnë aferat e grupeve të caktuara interesi kriminale dhe qeveritare. E dyta, ata që lexojnë fletë rrufetë e SPAK nga zyrat e Partisë së Lirisë, po të marrim të lexojmë kushedi ca duhet të them unë për Metën dhe ai për mua. E kam thënë se çdo fjalë e shkruajtur qoftë në akuzë apo pretendimeve të SPAK është përveçse linçim dhe denigrim, është edhe manipulim.”, tha Kryemadhi, duke shtuar më tej se “Mos të dalin e të flasin për Monika Kryemadhin se po të dal të flas unë për ata nuk e di se çfarë ndodh pastaj.”

Në mbledhjen e djeshme të qeverisë, ish-kandidatja e PS në qarkun e Vlorës në zgjedhjet e 11 majit, Ina Majko, u emërua në postin e zëvendësministres së Shëndetësisë dhe Mbrojtjes Sociale.

Kreu i qeverisë, Edi Rama, gjatë fushatës elektorale në muajin prill premtoi se nëse Ina Majko nuk do të zgjidhej deputete ajo do të ishte pjesë e qeverisë, premtim i mbajtur nga kryesocialisti.

Ajo përfaqëson një risi të rëndësishme në kabinetin qeveritar, duke qenë përfaqësuesja e parë e komunitetit Rom në këtë nivel drejtues.

Ditën e sotme, përmes një postimi në Facebook, shefi i qeverisë shqiptare, thotë se Ina Majko është prurja e parë ndër shumë të tjera në vijim të rrugës së re që hapi 11 maji drejt BE-së.

Ai thekson se Ina Majko është një vlerë e shtuar në PS dhe shpreson që do të jetë një vlerë e shtuar edhe në punën e Ministrisë së Shëndetësisë dhe Mbrojtjes Sociale.

Edi Rama: Ina MAJKO është prurja e parë, ndër shumë të tjera në vijim të rrugës së re që hapi 11 maji, drejt Shqipërisë 2030 në Bashkimin Europian

Ajo sapo është zgjedhur zëvendës ministre e Shëndetësisë dhe Mbrojtjes Sociale, pasi ka spikatur në skuadrën e 11 majit, mes atyre që edhe pse nuk ia dolën të fitonin një vend në Kuvendin e ri, ishin një vlerë e shtuar e PS2030 në përfaqësimin e komuniteteve e të grupeve të ndryshme të interesit.

Ina erdhi në skuadrën tonë si një përzgjedhje nga komuniteti Rom dhe si e para përfaqësuese e këtij komuniteti në nivelin e kabinetit qeveritar në historinë e vendit, ajo do të mbulojë pikërisht çështjet e njerëzve më në nevojë të shoqërisë në fushën e Mbrojtjes Sociale.

Historia e Ina Majkos është historia e një fëmije të rritur mes paragjykimesh e vështirësish të mëdha ekonomike dhe historia e një vajze të talentuar, plot energji e vendosmëri për t’ia dalë, e cila jo vetëm kreu me rezultate të larta studimet jashtë vendit dhe flet pesë gjuhë të huaja, por edhe u bë një zë i bukur i komunitetit të saj në platformat sociale.

Uroj që Ina të jetë një vlerë e shtuar edhe në punën e Ministrisë së Shëndetësisë dhe Mbrojtjes Sociale, e një mbështetje më shumë për familjet e fëmijët në nevojë.

Sulmuesi i Liverpoolit, Diogo Jota, ka ndërruar jetë pas një aksidenti me makinë në Spanjë.

Raportohet se Diogo Jota po udhëtonte me makinë së bashku me vëllain e tij Andre, gjithashtu një futbollist 26-vjeçar, kur automjeti doli nga rruga.

Aksidenti tragjik ndodhi në autostradën A-52 në provincën e Zamorës.

Lajmi i rëndë vjen vetëm 2 dy javë pasi 28-vjeçari u martua me të dashurën e tij prej shumë kohësh, Rute Cardoso, në Porto.

Kreu i qeverisë, Edi Rama, ka reaguar një ditë pas emërimit në postin e zëvendës ministres së Shëndetësisë dhe Mbrojtjes Sociale të Ina Majkos, e cila kandidoi për deputete në zgjedhjet e 11 Majit, por nuk siguroi mandat.

Rama shprehet se Ina Majko është e para përfaqësuese e komunitetit Rom në nivelin e kabinetit qeveritar në historinë e vendit dhe se ajo do të mbulojë pikërisht çështjet e njerëzve më në nevojë të shoqërisë në fushën e Mbrojtjes Sociale.

Kryeministri u shpreh se zv.ministrja “spikati në skuadrën e 11 majit, mes atyre që edhe pse nuk ia dolën të fitonin një vend në Kuvendin e ri, ishin një vlerë e shtuar e PS2030 në përfaqësimin e komuniteteve e të grupeve të ndryshme të interesit”.

“Historia e Ina Majkos është historia e një fëmije të rritur mes paragjykimesh e vështirësish të mëdha ekonomike dhe historia e një vajze të talentuar, plot energji e vendosmëri për t’ia dalë, e cila jo vetëm kreu me rezultate të larta studimet jashtë vendit dhe flet pesë gjuhë të huaja, por edhe u bë një zë i bukur i komunitetit të saj në platformat sociale”, theksoi Rama.

Postimi i plotë:

🌹Ina MAJKO është prurja e parë, ndër shumë të tjera në vijim të rrugës së re që hapi 11 maji, drejt Shqipërisë 2030 në Bashkimin Europian🇦🇱✋🇪🇺

Ajo sapo është zgjedhur zëvendës ministre e Shëndetësisë dhe Mbrojtjes Sociale, pasi ka spikatur në skuadrën e 11 majit, mes atyre që edhe pse nuk ia dolën të fitonin një vend në Kuvendin e ri, ishin një vlerë e shtuar e PS2030🌹 në përfaqësimin e komuniteteve e të grupeve të ndryshme të interesit.

Ina erdhi në skuadrën tonë si një përzgjedhje nga komuniteti Rom dhe si e para përfaqësuese e këtij komuniteti në nivelin e kabinetit qeveritar në historinë e vendit, ajo do të mbulojë pikërisht çështjet e njerëzve më në nevojë të shoqërisë në fushën e Mbrojtjes Sociale.

Historia e Ina Majkos është historia e një fëmije të rritur mes paragjykimesh e vështirësish të mëdha ekonomike dhe historia e një vajze të talentuar, plot energji e vendosmëri për t’ia dalë, e cila jo vetëm kreu me rezultate të larta studimet jashtë vendit dhe flet pesë gjuhë të huaja, por edhe u bë një zë i bukur i komunitetit të saj në platformat sociale.

Uroj që Ina të jetë një vlerë e shtuar edhe në punën e Ministrisë së Shëndetësisë dhe Mbrojtjes Sociale, e një mbështetje më shumë për familjet e fëmijët në nevojë✋❤️