Category: Lajme

TIRANË- Një debat që po zhvillohet online, si rrallëherë ka tërhequr edhe vëmendjen e konsumatorëve. Bëhet fjalë për një “përplasje” që po  në rrjetet sociale mes medias “Lolita Albania” dhe kompanisë “Lufra”. Gjithçka nisi me një postim të lopës Lara nga kompania dhe më pas, “Lolita” e shpërndau postimin në profilin e saj duke shkruar një fakt shumë të thjesht: Kompania Lufra nuk ka fermë, por vetëm përpunon qumështin.

Lolita: Lara është yll e bukur, por kompania Lufra nuk ka fermë. Boll përdorët Larën e shkretë dhe cicat e saj për qëllime marketingu. Nuk e di nga e merr qumështin kjo kompani, por ajo që di me siguri është se nuk kanë fermë lopësh.

Përgjigjia erdhi menjëherë në komente nga vetë kompania, ku sqaron se lopa është nga ferma Demiri, që furnizon rrjetin bashkë me 450 fermerë të tjerë.

Lufra: Tek Lufra na ka pëlqyer gjithmonë humori i Lol Albania. Në fakt, si kompani, na pëlqen humori – edhe kur bëhet me ne. Është e vërtetë që nuk kemi një fermë tonën, por po aq e vërtetë është që Lara ekziston dhe “punon” çdo ditë në një nga fermat partnere që na furnizojnë me qumësht të freskët: Ferma Demiri – mund ta gjeni edhe në Instagram si @s.s.s.s_ferma_demiri nëse doni ta njihni më nga afër. Sot bashkëpunojmë me mbi 450 fermerë shqiptarë, të cilët i mbështesim me teknologji, trajnime dhe tanke ftohëse – sepse cilësia fillon në fermë. Dhe sepse e dimë që njerëzit duan më shumë transparencë (dhe kanë të drejtë), kemi nisur një rubrikë që tregon të vërtetat pas qumështit tonë dhe sigurinë që ofrojnë produktet Lufra. (na ndiqni ne rrjetet tona sociale per ti pare) Lolita, nëse do, do na bëhej vërtetë qejfi të të ftonim të vizitosh disa nga këto ferma dhe fabrikën tonë. Jo për të të bindur me komente – por që ta shohësh vetë nga afër çfarë përpiqemi të bëjmë çdo ditë.

Teksa panë që kompania ishte futur vetë në komente dhe po kthente përgjigje, edhe komentuesit e tjerë shfrytëzuan mundësinë që të pyesnin lidhur me përdorimin e qumështit pluhur. Sipas kompanisë, aludimet se Lufra përdor qumësht pluhur nga Serbia dhe Maqedonia e Veriut janë të pavërteta.

Lufra: E kuptojmë që ka shumë aludime për industrinë e qumështit – disa të sakta, disa jo. Por për të qenë të qartë: Lufra nuk përdor qumësht pluhur nga Serbia, Maqedonia apo ndonjë vend tjetër për produktet e saj të freskëta. Këto produkte bëhen nga qumësht i freskët ferme, që vjen çdo ditë nga më shumë se 450 fermerë me të cilët punojmë prej vitesh. Nëse ka ndonjë fakt qe tregon të kundërtën, jemi këtu për ta dëgjuar. Në të kundërt, le të flasim me të vërteta, jo me aludime.

Në vazhdën e pyetjeve edhe Lolita ka kërkuar informacion nga kompania për përdorimin e vajit të palmës. Një tjetër produkt që përdoret gjerësisht dhe që po shqetëson konsumatorët. Përgjigja ishte negative. Sipas kompanisë, ingredientët e produkteve janë ato që shkruhen në produkt dhe nuk kanë asnjë shtesë.

Lolita: Pyetja ishte shumë e thjeshtë, shteruese dhe aspak me doza ironie pasi bëhet fjalë për shëndetin e konsumatorit. Po e ripërsërisim:
Sa është sasia e vajit të palmës të importuar ose blerë nga ana juaj? Nëse kompania juaj nuk ka importuar nga jashtë, ose blerë në tregun vendas nga operatorë, qoftë dhe kompani të tjera të pronarëve tuaj vaj palme, thjesht mund të deklaroni që nuk kemi blerë asnjë litër.
P.s Keni harruar pa përmendur salcën e kosit si një nga produktet që përdoret më shumë vaji i palmës. Por mbase nuk prodhoni më.

Lufra: Pavarësisht se pyetja vjen pak me doza satirike ne do përgjigjemi me seriozitet, sepse mbi të gjitha respektojmë konsumatorin që po na ndjek në këtë “spektakël” që po zhvillohet këtu. Megjithatë, për ta thënë troç: ne nuk jemi aq të zotët në Facebook sa disa prej jush. Puna jonë e përditshme nuk është të fitojmë debate online, por të bëjmë produkte të mira, të sigurta, me njerëz që punojnë me ndershmëri në ferma dhe në fabrikë. Asnjë nga produktet e markës Lufra si qumështi, kosi, dhalla, gjalpi, djathi, etj. nuk përmban vaj palme. Çdo përbërës është i deklaruar në etiketë, siç e kërkon ligji. Për këdo që ka me të vërtetë interes të kuptojë se si i bëjmë gjërat, na shkruani në inbox dhe do organizojmë vizita në fabrikë dhe në ferma, që t’ju përgjigjemi çdo pyetje sy më sy. Jeni të mirëpritur të vini e t’i shihni të gjitha me sytë tuaj.

Kështu nga ky debat, të paktën mësuam pretendimet dhe qytetarët patën të paktën një mundësi për të pyetur lidhur me gjërat që vërtetë i shqetësojnë në produktet që konsumojnë në përditshmërinë e tyre./ZËRI

Komiteti Ekzekutiv i FSHF-së u mblodh në “Shtëpinë e Futbollit” dhe u miratuan disa vendime të rëndësishme.

Në fushën e investimeve, u vendos ndërtimi i dy fushave të reja në Durrës, një pranë shkollës “Bernardina Qeraxhia” dhe fusha tjetër në Katund të Ri.

Komiteti miratoi edhe projektin për pajisjen me uniforma të reja për arbitrat dhe akademinë e arbitrimit.

Diskutimet përfshinë edhe çështje administrative, si organizimi i ndeshjeve të ardhshme të Kombëtares, programet e edukimit dhe për kanalin televiziv FSHF TV

Komiteti Ekzekutiv i FSHF-së miratoi  edhe ndërtimin e një fushe me bar artificial pranë muzeut “Martin Cani”.

Pas kërkesës së familjes Cani drejtuar FSHF-së dhe Presidentit Armand Duka, Komiteti Ekzekutiv vendosi për realizimin e këtij projekti, që synon jo vetëm të ruajë kujtimin e Martin Canit, por edhe të promovojë vlerat e sportit dhe kulturës si mjete edukimi dhe ndërgjegjësimi për brezat e rinj.

Martin Cani humbi jetën tragjikisht pranë shkollës “Fan Noli” në nëntor të vitit 2024, dhe kjo ngjarje ka prekur mbarë opinionin publik shqiptar.

Fusha e futbollit në muzeun “Martin Cani” do të ketë një sipërfaqe prej 60 m².

FSHF mbetet gjithmonë e angazhuar për realizimin e projekteve me karakter social e ndërgjegjësues, që ndikojnë pozitivisht në komunitet dhe edukimin e fëmijëve përmes sportit.

Policia në Ekuador ka riarrestuar të arratisurin më të kërkuar të vendit, bosin e drogës Adolfo Macias Villamar. Macias, i njohur edhe me pseudonimin “Fito”, është kreu i Los Choneros, një bandë e fuqishme kriminale e cila fajësohet për transformimin e Ekuadorit nga një parajsë turistike në një vend me një nga nivelet më të larta të vrasjeve në rajon.

Ai dyshohet gjithashtu se ka urdhëruar vrasjen e kandidatit presidencial Fernando Villavicencio në vitin 2023. Policia e gjurmoi atë në një bunker nëntokësor poshtë një shtëpie luksoze në qytetin e Mantës. Një zëdhënës i policisë tha se nuk pati të shtëna në operacionin e përbashkët 10-orësh nga policia dhe ushtria.

Një numër i madh oficerësh fillimisht monitoruan dhe rrethuan shtëpinë trekatëshe në lagjen Manta të Monterrey, në bregdetin ekuadoras. Kur ata sulmuan ndërtesën, gjetën një derë rrëshqitëse, e kamufluar që të dukej si pjesë e dyshemesë prej guri, nga e cila shkallët metalike të çonin në strehën nëntokësore të Fitos. “Bunkeri” ishte i pajisur me ajër të kondicionuar, një krevat, një ventilator dhe një frigorifer. Shtëpia vetë kishte një palestër me një thes boksi dhe një dhomë lojërash ku ai mund të luante bilardo dhe futboll tavoline.

Thuhet se Fito nuk bëri rezistencë dhe u transferua me aeroplan në qytetin portual të Guayaquil, ku ndodhen disa nga burgjet më të mëdha të Ekuadorit.

Pamjet e mbërritjes së tij në Guayaquil e tregojnë atë të veshur me pantallona të shkurtra, një bluzë dhe shapka, ndërsa po çohet nga oficerë të armatosur të sigurisë drejt një SUV të parkuar përpara se të transferohet në burgun e sigurisë maksimale të La Roca, shkruan BBC. Presidenti i Ekuadorit, Daniel Noboa, vlerësoi forcat e sigurisë për kapjen e Fitos dhe tha se ai do të ekstradohej në SHBA, ku është akuzuar për kontrabandë kokaine. Fito u arratis nga burgu La Regional në Guayaquil në janar 2024 me ndihmën e të paktën dy rojeve, duke tërhequr vëmendjen e mediave globale. Kjo shkaktoi një valë trazirash vdekjeprurëse në burgje, në të cilat rojet u morën peng dhe të cilat e shtynë Noboan të shpallte gjendjen e jashtëzakonshme.

Por Fito ishte famëkeq që para arratisjes së tij. Gjatë kohës që ishte në burg ndërsa vuante një dënim me 34 vjet burg për vrasje dhe trafik droge – ai u ngrit në krye të bandës Los Choneros pasi udhëheqësi i saj i mëparshëm u vra. Nga pas hekurave, ai koordinoi aktivitetet e bandës, të cilat përfshijnë trafikimin e drogës dhe zhvatjen. Ai dyshohet gjithashtu se ka urdhëruar vrasjen e politikanit Fernando Villavicencio, i cili u qëllua për vdekje në një tubim elektoral vetëm disa ditë para zgjedhjeve të vitit 2023.

Ballkani po përgatitet për një valë ekstreme të të nxehtit, që ka shkaktuar alarm në vendet e rajonit, ndërsa autoritetet shëndetësore u kanë bërë thirrje qytetarëve të qëndrojnë në ambiente të freskëta dhe të konsumojnë sa më shumë lëngje për të shmangur dehidratimin.

Meteorologët në Serbi deklaruan të enjten se vendi ka shënuar ditën më të nxehtë që nga fillimi i matjeve në shekullin e 19-të, duke parashikuar temperatura edhe më të larta në ditët në vijim. Autoritetet u kanë rekomanduar qytetarëve të qëndrojnë në zona me hije ose në ambiente të kondicionuara, të shmangin ekspozimin ndaj diellit nga ora 11:00 deri në 17:00, si dhe kanë paralajmëruar për rrezikun që një thatësirë e zgjatur mund të paraqesë për të korrat.

Sipas parashikimeve, temperaturat në të gjithë Ballkanin pritet të arrijnë deri në 40°C javën e ardhshme.

Në Mal të Zi, shumë turistë janë larguar nga bregdeti përvëlues i Adriatikut në jug dhe janë drejtuar drejt zonës më të freskët malore të Durmitorit në veri, ku temperaturat në rreth 1,500 metra mbi nivelin e detit janë ndjeshëm më të ulëta.

“Planifikuam të eksploronim bregdetin, por vendosëm të shkonim në veri sepse ishte shumë vapë”, tha Eriku, një turist nga Holanda.

Në Kroaci, që ditët e fundit është përballur me zjarre përgjatë bregdetit të Adriatikut, shumë qytetarë janë drejtuar drejt liqenit Bundek, pranë kryeqytetit Zagreb, për t’u freskuar. Ndërkohë, edhe në Maqedoninë e Veriut, qytetarët po kërkojnë strehë nga i nxehti në zonat përreth liqenit të Ohrit.

Një i ri 21-vjeçar norvegjez, Mads Mikkelsen, është dëbuar nga SHBA pasi oficerët e emigracionit në aeroportin Neëark, Neë Jersey, zbuluan në telefonin e tij një meme që tallte zv/presidentin amerikan JD Vance.

Mikkelsen mbërriti më 11 qershor, me qëllim të kalonte pushime në SHBA, por planet e tij morën fund menjëherë kur u ndalua nga kontrolli kufitar dhe u vendos në një qeli. Ai tha për median norvegjeze Nordlys se ishte viktimë e “abuzimit me pushtetin dhe ngacmimit të padrejtë”.

Sipas tij, oficerët i bënë pyetje pa lidhje si “a je përfshirë në trafik droge, akte terroriste apo ekstremizëm të djathtë”, dhe më pas i kërkuan me kërcënime fjalëkalimin e telefonit. Në telefonin e tij u gjet një meme ku JD Vance paraqitej pa flokë, sipas Mikkelsen, për ta dëbuar nga vendi të njëjtën ditë.

Ky rast vjen pas një tjetër incidenti, ku një shkrimtar australian, Alistair Kitchen, 33 vjeç, u ndalua në Los Angeles më 12 qershor gjatë një ndalese transiti për në Nju Jork.

Ai u mbajt për 12 orë dhe më pas u kthye në Melburn, duke pretenduar se arsyeja e ndalimit ishin qëndrimet e tij politike për konfliktin në Gaza dhe artikujt në mbështetje të protestave pro-palestineze në universitetin Columbia.

Ndërkohë, Departamenti Amerikan i Sigurisë Kombëtare e ka mohuar këtë pretendim si “plotësisht të pavërtetë”.

(BalkanWeb)

Bota e futbollit argjentinas është tronditur nga lajmi i ndarjes nga jeta të mesfushorit të ri Camilo Nuin, vetëm 18 vjeç, i cili ndërroi jetë gjatë një ndërhyrjeje kirurgjikale në gju.

Klubi i tij, San Telmo, konfirmoi lajmin e dhimbshëm mbrëmjen e së mërkurës, duke bërë të ditur se lojtari po i nënshtrohej një operacioni rutinë në Clínica Espora në Adrogué, Buenos Aires.

Ndërhyrja kishte për qëllim trajtimin e dëmtimeve në menisk dhe ligamentin e kryqëzuar, procedurë kjo e zakonshme për sportistët.

Megjithatë, shkaqet e vdekjes nuk janë bërë ende të ditura dhe autoritetet kanë nisur një hetim për të zbardhur rrethanat e tragjedisë.

Në një deklaratë zyrtare, San Telmo u shpreh: “SAN TELMO NË ZI. Me hidhërim të thellë, ju njoftojmë për ndarjen nga jeta të Camilo Ernesto Nuin, një lojtar nga Divizionet tona të të Rinjve dhe ekipi rezervë. Klubi do të qëndrojë i mbyllur gjatë ditës në shenjë zie. Ne qëndrojmë pranë familjes, miqve dhe shokëve të ekipit në këtë moment të vështirë.”

Camilo Nuin ishte pjesë e San Telmo që nga viti 2022, ndërsa më parë kishte kaluar në akademitë e Boca Juniors dhe Independiente, ku kishte grumbulluar mbi 80 paraqitje me ekipet e të rinjve.

Homazhe për të kanë ardhur edhe nga Shoqata e Futbollit Argjentinas (AFA), e cila përmes një deklarate tha: “Shoqata e Futbollit Argjentinas, nëpërmjet presidentit të saj Claudio Tapia dhe komitetit ekzekutiv, shpreh hidhërimin e saj për vdekjen e Camilo Nuin dhe i shpreh ngushëllimet familjes së lojtarit.”

San Telmo, klub me seli në Buenos Aires, garon në divizionin e dytë të futbollit argjentinas.

Nga Paolo Fox

DASHI

Favorizoni njohjet e reja, por përpiquni të ndiqni pak arsyen tuaj dhe jo vetëm zemrën tuaj. Në punë, duhet të merrni një vendim dhe nuk mund të bëni gabime sidomos sot sepse ka diçka që nuk shkon siç do të dëshironit! Numëroni deri në dhjetë dhe peshoni të mirat dhe të këqijat.

DEMI

Sipas horoskopit të Paolo Fox (e premte, 27 qershor 2025), sfera sentimentale është e mirë, dashuria e mbyll muajin me një bum. Në punë, përpiquni të bëni zgjedhje më të mira, të mendoni me kujdes para se të veproni! Do të shihni se gjithçka do të rregullohet së shpejti. Mos u mërzitni nëse diçka nuk shkon sipas planit.

BINJAKËT

Mërkuri dhe Venusi janë në anën tuaj dhe tani fillon një fazë rikuperimi: shkurt, mund të rifitoni besimin në dashuri. Në punë, përpiquni të jeni të kujdesshëm: keni nevojë për vlerësim dhe ndoshta nuk është aq e vështirë ta merrni atë! Tregoni se çfarë jeni të aftë të bëni. Mundësi të shkëlqyera për sukses në çdo fushë.

GAFORRJA

Lajme të mira për dashurinë: Hëna është në anën tuaj dhe po vijnë lajme, zgjedhje të mëdha për të bërë në fund të korrikut. Në punë, periudha është interesante: por përpiquni të ribalanconi shpenzimet tuaja! Mundësi të shkëlqyera për sukses në çdo fushë. Ngritni mëngët. Do të shihni se gjithçka do të jetë mirë së shpejti.

LUANI

Sipas horoskopit të Paolo Fox për nesër (e premte, 27 qershor 2025), në dashuri duhet të përpiqesh të lësh mënjanë krenarinë tënde, e cila shpesh të ka shkaktuar probleme në ndjenjat e tua. Më mirë të numërosh deri në dhjetë para se të hapësh gojën. Mos e merr personalisht nëse diçka nuk shkon sipas planit. Ngrit mëngët. Në punë, mos u dorëzo para provokimeve: përpiqu të mos mbyllesh në vetvete dhe të njohësh njerëz të rinj!

VIRGJËRESHA

Mërkuri dhe Venusi janë disonantë, kështu që dashuria duhet të merret me problemet dhe fryma juaj kritike nuk ju braktis. Në punë, jeni paksa të hutuar: mundësi të reja në horizont, veçanërisht nga 5 korriku i ardhshëm!

PESHORJA

Në dashuri ka disa konfuzione, por Venusi është në anën tuaj dhe ndoshta është më mirë të sqaroni diçka nga e kaluara. Në punë, përpiquni të mos harroni se keni shumë gjëra për të bërë dhe për të planifikuar: ndoshta duhet të gjeni pak qetësi! Jo gjithçka shkon sipas planit, por së shpejti shumë gjëra do të rregullohen dhe do të gjeni përgjigje për pyetje të gjata.

AKREPI

Sipas horoskopit të Paolo Fox (e premte, 27 qershor 2025), Hëna është në anën tuaj, ashtu si edhe Dielli: dashuria është e mirë, por duhet të sqaroni gjërat në zemrën tuaj. Në punë, kini kujdes nga tensionet me partnerët dhe bashkëpunëtorët: së shpejti të gjitha dyshimet do të shpërbëhen!

SHIGJETARI

Tensione në dashuri për disa çifte, por gjithçka do të zgjidhet së shpejti. Në punë, momenti është i rëndësishëm dhe po vijnë disa lajme të shkëlqyera: hajde, mos u dorëzoni tani! Ngritni mëngët dhe do të shihni se nëse ka diçka të gabuar, gjithçka do të zgjidhet së shpejti.

BRICJAPI

Sfera sentimentale është e paqartë, ndoshta po kërkoni përplasje dhe po nxisni polemika. Në punë, Hëna është në opozitë: kini kujdes nga bezdisjet! Ngritni mëngët dhe mos e merrni personalisht nëse diçka nuk shkon sipas planit.

UJORI

Sipas horoskopit të Paolo Fox për nesër (e premte, 27 qershor 2025), lajme të mira për dashurinë sepse Venusi, Mërkuri dhe Saturni janë në anën tuaj: prandaj përpiquni të mendoni për të ardhmen, për diçka konstruktive. Në punë, disa propozime janë gati të mbërrijnë dhe ju dëshironi ndryshime!

PESHQIT

Takimet e reja janë të mira, por përpiquni të vlerësoni gjithçka me kujdes. Ndoshta jeni pak të preokupuar me çështjet financiare. Në punë, ka ardhur koha për shpengim: përfshihuni dhe heshtni thashethemet ‘e rreme’ që janë përhapur për ju!

Një ngjarje e rëndë është shënuar këtë të mërkurë në Greqi, ku një 56-vjeçare me origjinë shqiptare është gjetur pa shenja jete.

Sipas mediave greke, ngjarja ka ndodhur në Chania, në ishullin e Kretës. Trupi i viktimës është gjetur nga vëllai i saj, ndërsa shkaqet e vdekjes mbeten ende të paqarta.

Paraprakisht dyshohet se gruaja është vetëvarur, por autoritetet greke nuk kanë konfirmuar ende versionin përfundimtar. Viktima ishte nënë e tre fëmijëve.

Vetëm pak javë pas miratimit dhe hyrjes në fuqi të ligjit për njohjen e viteve të punës për të gjithë ata që kanë punuar në ish-kooperativa apo ndërmarrje shtetërore përpara viteve ‘93, qeveria ka gati listën e tyre.

Ky vendim është derivat i ligjit, ndërkohë që priten edhe udhëzime të tjera plotësuese mbi mënyrën se si do të zbatohet më tej. Deri vitin e kaluar, Instituti i Sigurimeve Shoqërore kishte një listë me vetëm 72 ish-kooperativa ku njiheshin vitet e punës, pasi dokumentacioni i tyre shpesh nuk gjendej ose ishte i cunguar. Tanimë, gama ndërmarrjeve shtetërore, bujqësore dhe ish-kooperativave është shumë më e gjerë, vendim falë të cilit do të mund të përfitojnë afro 30 mijë persona që dalin çdo vit në pension.

Mjafton një deklaratë nga personi që kërkon të dalë në pension që ka punuar për disa vite në një ish-kooperativë, ish-ndërmarrje bujqësore a shtetërore që t’i bashkëngjitet dosjes së dokumenteve të tjera që vitet e kërkuara të konsiderohen si vite pune. Kësisoj, ata nuk do të enden më gjyqeve për të kërkuar vitet e punës të padokumentuara, por do t’u njihen automatikisht. Edhe kjo procedurë, sado e lehtë në dukje, kërkon disa kushte që të vërtetojnë që personi ka punuar asokohe si: të ketë qenë banor i zonës pranë ndërmarrjes ku pretendon se ka punuar, të mos ketë qenë i dënuar dhe të ketë qenë në moshë dhe i aftë për punë në vitet që kërkon t’i njihen për efekt pensioni. Ky ligj eliminon burokracitë dhe shpenzimet, që mijëra qytetarë janë detyruar të përballojnë për të provuar vjetërsinë në punë.

GONXHJA

Duke komentuar vendimin e djeshëm të qeverisë, ministri i Ekonomisë, Kulturës dhe Inovacionit, Blendi Gonxhja, deklaroi se objektivi kryesor i miratimit i listës së ish-ndërmarrjeve bujqësore për efekt pensioni në sistemin e sigurimeve shoqërore është njohja e periudhave të punës deri në vitin 1992, sipas legjislacionit në fuqi. Gonxhja vuri në dukje se ligji do të lehtësojë njohjen e periudhave të sigurimit, duke zgjidhur problemet me dokumentacionin e vjetër dhe duke shmangur pengesat administrative. Kjo do të ndihmojë shumë qytetarë që nuk kanë arritur të plotësojnë periudhën minimale të sigurimit për përfitimin e pensionit, duke shmangur proceset gjyqësore të gjata dhe të shtrenjta.

“Miratimi i kësaj liste është një nismë e Ministrisë së Ekonomisë, Kulturës dhe Inovacionit dhe ISSH, për të garantuar të drejtat e punonjësve të dikurshëm dhe për të përmirësuar sistemin e pensioneve në vend”, – tha Gonxhja.

Këshilli i Ministrave miratoi listën e ishndërmarrjeve bujqësore, sipas vitit të krijimit të tyre dhe territorit të ushtrimit të aktivitetit. Kjo listë u miratua në mbështetje të ligjit “Për njohjen e periudhave të punësimit në institucionet shtetërore, në ish-ndërmarrjet shtetërore, në ish-ndërmarrjet bujqësore dhe në ishkooperativat bujqësore, për efekt pensioni në sistemin e sigurimeve shoqërore”, – me propozimin e ministrit të Ekonomisë, Kulturës dhe Inovacionit dhe të ministrit të Bujqësisë dhe Zhvillimit Rural.

PROCEDURA PËR NJOHJEN

Me ndryshimet në fjalë, qytetarët që kanë punuar në institucionet shtetërore, ndërmarrjet shtetërore, ato bujqësorë dhe kooperativat, mund të bëjnë deklaratë për njohjen e viteve të punës me kusht që gjatë periudhës së deklaruar, kërkuesi ka qenë me vendbanim në qytetin apo fshatin ku ka ushtruar veprimtarinë subjekti punëdhënës dhe nuk ka qenë duke vuajtur dënimin me heqje lirie.

Miratimi i ligjit mundëson njohjen e periudhave të sigurimit pa pengesa procedurale, siç ndodh kur dokumentacioni që pasqyron periudhën e vjetërsisë në punë paraqet mangësi që e bëjnë të pamundur njohjen e saj administrativisht, pa shpenzime për përfituesit dhe mbi të gjitha, do të mundësonte përfitimin e një pensioni, të paktën sa masa e pensionit social. Kushtet e përfitimit të pensionit të pleqërisë, sipas ligjit “Për sigurimet shoqërore në Republikën e Shqipërisë”, ndryshojnë sipas gjinisë dhe për vitin 2024, mosha për përfitimin e pensionit të pleqërisë për burrat është 65 vjeç, për gratë është 61 vjeç e 8 muaj, ndërsa periudha minimale e sigurimit është e njëjtë për të dyja kategoritë, 15 vite.

Grumbullimi i dokumentacionit të vjetërsisë në punë para vitit 1994, për këto ente ka problematika të konsiderueshme, si mungesë e plotë të dhënash, të dhëna të pjesshme, të korrigjuara, të fshira, identitete të pasakta, fletë të dëmtuara, mungesë dokumentacioni për subjekte të caktuara etj..

Për shkak të problematikave të tilla dhe kompetencave të kufizuara të Institutit të Sigurimeve Shoqërore, periudha të konsiderueshme vjetërsie në punë nuk janë konfirmuar dhe nuk janë njohur administrativisht, me pasojë refuzimin e kërkesave për caktim pensioni. Kjo ka detyruar shumë qytetarë t’u drejtohen gjykatave me kërkesëpadi për njohjen e këtyre periudhave, proces i cili zgjat në kohë dhe ka shpenzime të mëdha, e shpesh të papërballueshme.

NJIHEN VITET E PUNËS

Deri më datë 01.10.1993 – Në institucionet dhe ish-ndërmarrjet shtetërore.

Deri më datë 17.10.1992 – Në ish-ndërmarrjet bujqësore.

Deri më datë 19.07.1991 – Në ish-kooperativat bujqësore.

Një video që po qarkullon në TikTok ka ndezur polemika rreth këngëtarit Gjesti.

Në pamjet që janë bërë virale, një nga këngët e tij më të klikuara krahasohet me hitin “El Alem Allah” të artistit të njohur egjiptian Amr Diab — dhe ngjashmëria mes të dyjave është thuajse identike.

Kjo ka shkaktuar një valë reagimesh në rrjetet sociale.

Publiku e ka akuzuar Gjestin se ka publikuar këngën si krijim origjinal, pa bërë asnjë referencë për versionin arab që e ka paraprirë.

Video Player