Category: Lajme

Luiz Ejlli i është nënshtruar një ndërhyrje kirurgjikale, teksa një gjë të tillë e ka zbuluar vetë në rrjetet sociale.

Nuk dihet se çfarë i ka ngjarë, por si gjithmonë batutat apo ironitë nuk i kursen.

“Gjatë operimit nuk kisha dhimbje, por kur ndalova te recepsioni për faturat, aty më filluan dhimbjet”, shkruan këngëtari shkodran.

Pas fitimit të edicionit të dytë të Big Brother VIP Albania, Luiz Ejlli u shndërrua në fenomen në vendin tonë duke qenë ndër më të preferuarit e shqiptarëve.

Është konfiksuar pasuria me vlerë 550 mijë euro e Arjan Kamanit në Cërrik, i dënuar në Belgjikë për ‘Ushtrim prostitucioni’.

Bëhet fjalë për 2 pasurive në pronësi të Arjan Kamanit, i cili i kishte regjistruar ato në emër të tij dhe të afërmve. Konkretisht i është sekuestruar objekt 3-katësh (me aktivitet bar, restorant dhe hotel) dhe 1 automjet “Lamborghini”.

Nga hetimet rezultoi se pasuritë e kanë burimin nga veprimtaritë kriminale të kryera nga Arjan Kamani, i cili është i dënuar në Belgjikë.

Në përditësim…

Sot, më 24 qershor 2025, dollari amerikan blihet me 84.5 lekë dhe shitet me 86 lekë.

Euro blihet me 97.5 lekë dhe shitet 98.3 lekë.

Franga zvicerane këmbehet në blerje me 103.3 lekë, ndërsa në shitje me 104.5 lekë.

Paundi britanik blihet me 113.5 lekë dhe shitet me 114.8 lekë.

Dollari kanadez sot në blerje këmbehet me 61.4 lekë, ndërsa në shitje me 62.8 lekë.

Më poshtë, po sjellim të dhënat e këmbimin valutor, për të gjitha monedhat e huaja:

Irani realizoi dje një sulm mbi bazën ajrore amerikane Al-Unaid në Katar, ku janë të stacionuara forca të shumta amerikane dhe të NATO-s. Autoritetet në Katar konfirmuan sulmin ndaj bazës Al-Udeid duke thënë se ishte një “shkelje flagrante”, ndërsa vendi i Gjirit ka mbyllur përkohësisht hapësirën ajrore.

Pas sulmit iranian me rreth 10 raketa ndaj katarit, është ngritur alarmi tek vendet e Gjirit. Raportohet se avionët luftarakë amerikanë të stacionuar në bazën ajrore “Prince Sultan” në Arabinë Saudite janë ngritur në ajër.

Sakaq, qeveria e Katarit thotë se të gjitha raketat iraniane u interceptuan dhe nuk u raportuan viktima apo dëme, ndërsa mediat e Katarit raportojnë se sistemet e mbrojtjes ajrore arritën të interceptonin dhe shkatërronin 9 nga 10 raketat e lëshuara nga Irani drejt bazës Al Udeid.

Katari ngre mundësinë e kundërsulmit ndaj Iranit, pasi thotë se mbrojtja ajrore ka interceptuar të gjitha raketat iraniane. Po ashtu zëdhënësi i ministrisë së jashtme të Katarit, Majed Al Ansari shkroi në ‘X’ se vendi i tij po mendon mundësinë e kundërsulmit ndaj Iranit.

“Ne pohojmë se Katari rezervon të drejtën për t’u përgjigjur drejtpërdrejt në një mënyrë ekuivalente me natyrën dhe shkallën e këtij agresioni të paturp, në përputhje me ligjin ndërkombëtar”, tha Majed Al Ansari.

Dashi

Do jeni me te hapur se kurrë gjate kësaj dite dhe do provoni eksperienca te reja me atë qe keni ne krah. Do jeni gjithë kohës te entuziazmuar dhe te gëzuar. Beqaret do realizojnë një takim shume te bukur ne një vend qe ata qe pëlqejnë tej mase. Dite e favorshme edhe për financat. Do kryeni te gjitha shpenzimet qe dëshironi dhe nuk do keni aspak tronditje.

Demi

Here pas here do keni debate me partnerin tuaj, por fale maturisë qe do tregoni do i kaloni ato sa hap e mbyll sytë. Jupiteri do jete planeti qe do i shtyje beqaret t’i pranojnë ftesat qe do iu bëhen dhe te nisin një etape te re. Financat nga ana tjetër nuk do jene aspak te qëndrueshme. Shmangni me patjetër te gjitha shpenzimet te paktën për pak kohe.

Binjaket

Jeta ne çift do jete goxha e turbullt gjate kësaj dite. Nuk do bini dakord për shume gjera me partnerin dhe do ngulni këmbë qe te dale e juaja. Po vazhduat ne këtë rruge nuk keni për te shkuar askund. Nëse jeni beqare, ka mundësi te njiheni me disa persona te rinj. Situata financiare do jete e vështirë. Do iu duhet patjetër edhe mbështetja e familjareve për t’ia dale.

Gaforrja

Dita e sotme do jete mjaft e qëndrueshme dhe here pas here mund te keni edhe disa surpriza te këndshme. Shfrytezojeni deri ne maksimum. Beqaret nuk duhet t’iu besojnë te gjithë personave qe do mundohen t’i joshin sepse do vuajnë me vone. Ne planin financiar reflektoni mire para se te kryeni çdo shpenzim nëse nuk doni te mbeteni pa para.

Luani

Do ja shprehni ne një mënyrë tjetër ndjenjat partnerit tuaj sot dhe do e bëni atë te ndihen mjaft mire. Ne mbrëmje do ketë edhe çaste romantike e pasionante. Beqaret do kenë një dite normale dhe ende nuk do e gjejnë princin e kaltër. Ne planin financiar nuk duhet te dekurajoheni edhe po nuk arritët ta stabilizoni situatën. Mundohuni vetëm te ulni sa te mundni shpenzimet.

Virgjeresha

Do jete e vështirë sot te ruani një ambient te qete ne jetën tuaj ne cit. Partneri do jete mu humor te keq dhe do kërkojë gjithë kohës te dale e tija. As për beqaret nuk rekomandohet te hidhen hapa. Qëndroni te paktën edhe sot vetëm, te nesërmes nuk i dihet. Financat do kenë vështirësi nëse kërkoni gjithmonë te dukeni duke shpenzuar shifra te mëdha. Shtrëngojeni pak rripin.

Peshorja

Dite e mrekullueshme kjo e sotmja për te dashuruarit. Do iu ndodhin aq shume gjera te jashtëzakonshme saqë as vete nuk besohet se jeni ne realitet. Beqaret do kenë njohje te reja, por nga dëshira e madhe për te filluar shpejt një lidhje mund te bëjnë gabime. Kujdes! Ne planin financiar duhet vendosur sa me pare rregull. Po i late gjerat pas dore do keni vështirësi.

Akrepi

Jeta ne çift do jete mjaft e qëndrueshme dhe aspak konfliktuale. Secili do respektoje tjetrin dhe nuk do mundohet te dominoje. Beqareve mund t’iu konkretizohen ëndrrat dhe te hedhin hapat e para drejt një lidhjeje. Për te rritur financat nuk duhet te bëni sakrifica marramendëse sepse mund t’i humbi edhe ato para qe keni.

Shigjetari

Jeta ne çift do jete prioritet për ju sot. Do lini gjithçka tjetër pas dore vetëm qe ajo te ece ashtu si duhet. Deri ne orët e mbrëmjes do i keni zgjidhur te gjitha situatat delikate. Beqaret nuk do e gjejnë princin e kaltër, por kjo nuk do i fute ne pesimizëm. Buxheti do jete i mire, megjithatë duhet te mos shpenzoni shuma te mëdha te paktën derisa situata te përmirësohet me tepër.

Bricjapi

Marrëdhënia me partnerin do filloje dalëngadalë te përmirësohet. Me ne fund do e kaloni periudhën e vështirë gjate se cilës keni vuajtur pa mase. Beqaret do pëlqejnë shume një person i cili ne pamje te pare nuk do jete ne lartësinë e tyre. Financat do jene me te mira se kurrë me pare. Do ndiheni te qete ne këtë sektor dhe mund te realizoni edhe ndonjë investim.

Ujori

Marrëdhënia me partnerin do ftohet gjate kësaj dite. Nuk do bini dakord për asgjë me te dhe situata do iu dale tërësisht jashtë kontrollit. As beqaret nuk do jene ne humor për te kërkuar princin e tyre te kaltër. Disa mund te mbyllen ne vetvete. Ekuilibri financiar do ketë tronditje te vogla. Po shmanget investimet e tepruara edhe mund t’ia dilni mbanë.

Peshqit

Dite harmonike kjo e sotmja për te gjithë te dashuruarit. Edhe ata qe kane pasur mosmarrëveshje dhe debate do mundohen t’i zgjidhin me qetësi. Beqaret do kenë një dite normale dhe pa ndonjë takim mbresëlënës. Nuk ka ardhur ende koha qe ata te ndryshojnë status. Financat do jene goxha te dobëta prandaj mire do jete te shmangni investimet.

Gjigandi gjerman i supermarketeve LiDL, do të investojë 105 milionë euro në Shqipëri për ndërtimin e një qendre logjistike, e cila do të shërbejë si objekt kryesor për magazinimin e produkteve me shumicë. Projekti madhor do të zhvillohet në një sipërfaqe prej 200 mijë metrash katrorë në Porto Romano.

Komiteti i Investimeve Strategjike ka miratuar statusin “Investitor Strategjik” për projektin “LiDL – Shqipëria Qendër Logjistike” dhe i ka vendosur kompanisë gjermane në dispozicion tokën e kërkuar me qira afatgjatë.

Qendra logjistike do të shërbejë si objekt kryesor për magazinimin e produkteve me shumicë.

Produktet e magazinuara synojnë të furnizojnë si tregun shqiptar, duke lehtësuar grumbullimin, mirëmbajtjen dhe shpërndarjen e produkteve vendase, ashtu si dhe promovimin dhe eksportin e jashtëm të këtyre produkteve.

LiDL synon gjithashtu të operojë në tregun shqiptar duke krijuar operacione të shitjes me pakicë përmes një rrjeti të gjerë supermarketesh.

Sipas vendimit të Komitetit të Investimeve Strategjike, projekti i investimit i plotëson kriteret e punësimit të kërkuara nga legjislacioni për investimet strategjike dhe parashikon të punësojë rreth 2500 persona.

Statusi “Investim Strategjik me Procedurë të Veçantë” do të jetë i vlefshëm për një periudhë 3-vjeçare, gjatë së cilës pritet të përmbyllen edhe procedurat e shpronësimit nga Autoriteti Portual Durrës, në bashkëpunim me institucionet përkatëse.

Ky zhvillim shënon një hap të rëndësishëm për infrastrukturën tregtare dhe logjistike të Shqipërisë, duke sjellë në vend një nga markat më të njohura në Evropë për cilësinë dhe konkurrueshmërinë e saj.

Prania e LiLD në vend jo vetëm që forcon klimën e investimeve, por edhe ndihmon modernizimin e zinxhirit të furnizimit dhe rrit bashkëpunimin me prodhuesit vendas.

(BalkanWeb)

Policia në një nga vendet më të njohura turistike të Spanjës po heton zbulimin e trupave në det, me duar dhe këmbë të lidhura.

Të paktën pesë kufoma janë gjetur nga Garda Civile në Detin Balearik pranë Ibizës.

Besohet se ata janë emigrantë që ishin përpjekur të arrinin në vijën bregdetare spanjolle nëpërmjet një kalimi të rrezikshëm nga Algjeria, një udhëtim që ka marrë mijëra jetë

Trupa të tjerë kanë dalë në plazhe, por këta kanë qenë të prangosur, duke e bërë policinë të besojë se ata janë vrarë për ndonjë arsye të panjohur.

Policia ka hapur një hetim për të sqaruar rrethanat e vdekjes.

Zbulimi i këtyre trupave ka ndodhur gjatë muajit të fundit, megjithëse policia ka qenë hermetike sa i takon hetimeve në lidhje me rastin.

Disa ditë më vonë, një trup tjetër u shfaq në rrethana të ngjashme, gjithashtu në ujërat e Formenterës. Dhe këto ngjarje janë përsëritur disa herë gjatë disa javëve të fundit.

Në total, të paktën pesë trupa janë gjetur me duar dhe këmbë të lidhura në pjesë të ndryshme të ujërave të Ishujve Balearik. Të gjithë me sa duket u përkisnin emigrantëve që udhëtonin me një varkë.

Një grua e cila ka shtuar 63 kilogramë për shkak të një çrregullimi të rrallë hormonal, ka zbuluar se si ka arritur që të humbasë peshë në 2 vite e gjysmë.

Është fjala për Hannah Mai, e cila në tetor të vitit 2020 u diagnostikua me sindromën e Cushing. Gjendja shkaktohet nga ekspozimi i zgjatur ndaj nivele të larta të kortizonit.

Disa nga simptomat më të rëndësishme të sëmundjes përfshijnë shtimin në peshë rreth mesit të trupit dhe rreth pjesës së sipërme të shpinës, si dhe një fytyrë të rrumbullakosur.

37-vjeçarja nga Coventry, Warwickshire, iu nënshtrua një operacioni në tru në shkurt të 2021 për të hequr tumorin e hipofizës , e si pasojë i dhanë edhe ilaçe steroide për t’a kontrolluar atë.

“Daily Mail” shkruan se në vitin 2023 Hannah ndërpret këtë kurë dhe vendosi që të humbiste peshën që kishte shtuar gjatë kësaj periudhe.

Ajo peshonte rreth 129 kilogramë dhe Mai ka zbuluar se të bërit pilates çdo ditë, së bashku me një dietë me shumë proteina, e ka ndihmuar që të shkonte ne peshën që dëshironte.

37-vjeçarja ka treguar se nuk ka bërë injeksione, të cilat aktualisht janë në rritje në të gjithë Mbretërinë e Bashkuar.

Ndërsa duke folur për Ozempic-un, i cili është një ilaç për diabetin, por që përdoret për humbje peshe, Hannah është shprehur:

“Mendoj se Ozempic është i shkëlqyer për njerëzit që kanë nevojë për të dhe për arsye mjekësore. Po i ndihmon vërtetë disa njerëz, por mendoj se nëse i jep vetes një shans, mund t’a shtysh vërtetë veten. Duhet të përqendrohesh te kush dëshiron të jesh”.

Mai ka rrëfyer se ka qenë 30 vjeçe kur vuri re se po shtonte në peshë shumë shpejt. Si pasojë ajo ka shkuar shpesh te mjeku që e pyeste ‘nëse ishte shtatzënë’.

“E dija që diçka nuk shkonte me mua, por njerëzit përreth meje mendonin se kisha ndryshuar dietën dhe më pyetën nëse po haja më shumë. Më pyetën 6 herë nëse isha shtatzënë dhe më thanë se shtimi im në peshë mund të shkaktohej nga hormonet”, ka treguar 37-vjeçarja.

Mai ka shtuar se një ditë është zgjuar në mëngjes me shpinën e përkulur. Ajo ka kërkuar menjëherë në “Google” për simptomat, përfshirë shtimin në peshë. Këto simptoma përkonin me sëmundjen Cushing, e si pasojë menjëherë ka shkruar te mjeku.

Hannah u dërgua në Spitalin Universitar Coventry dhe Warwickshire, ku iu nënshtrua një analize gjaku dhe një skanimi MRI që konfirmuan se kishte sëmundjen.

“U ndjeva e lehtësuar, por e frikësuar kur mora diagnozën”, kujtoi Hannah dhe shtoi: “Kisha thënë për vite me radhë se diçka nuk shkonte me mua”.

Sekretari i shtypit i presidentit rus, Dmitry Peskov tha se tema e furnizimit me armë të Serbisë në Ukrainë u ngrit gjatë kontakteve dypalëshe, dhe Rusia shpreson që Beogradi do ta ndalë këtë praktikë aksidentale.

Ai theksoi se Shërbimi i Inteligjencës së Jashtme Ruse (SVR) tha më parë se Serbia po furnizon Ukrainën me produkte ushtarake nëpërmjet ndërmjetësve dhe se furnizime të tilla po shtohen.

“Kjo temë u ngrit në kontaktet me miqtë tanë serbë dhe u dhanë garancitë e duhura. Shpresojmë që nëse një praktikë e tillë ka ndodhur aksidentalisht, do të merren masa për ta parandaluar atë në të ardhmen.

Kjo temë kërkon vëmendje të veçantë, duke pasur parasysh ndjeshmërinë e saj për ne dhe për Serbinë”, tha Peskov për kanalin Yunashev Live Telegram.

Asambleja Parlamentare e Këshillit të Europës vuri në pikëpyetje demokracinë bazuar në zgjedhjet e 11 Majit.

Në raportin e lexuar në sesionin e sotëm u ngrit alarmi mbi përdorimin e pushtetit nga qeveria e Edi Ramës, presionet ndaj administratës nga patronazhistët, lidhjet me krimin apo frikësimin e votuesve.
Në fjalën e saj deputetja Albana Vokshi tha se në zgjedhjet e 11 majit u shënua masakra elektorale më e madhe e të gjitha kohërave. Në një moment Vokshi u prek emocionalisht kur rrëfeu se në Vorë ditën e zgjedhjeve ishte kërcënuar jo vetëm ajo por dhe vajza e saj, nga persona të cilët ishin denoncuar për vrasje e trafik droge dhe u paraqitën në qendrat e votimit.

“Kam marrë pjesë në shumë zgjedhje, por asnjeherë nuk kam parë një masakër zgjedhore si kjo. Në Vorë u kërcënova nga persona të cilët ishin denoncuar për vrasje e trafik droge u paraqitën në qendrat e votimit. Vajza ime u kërcënua nga këto persona. Edhe pse pati kallëzim në SPAK e polici askush nuk ndërhyri.

Edhe tani këta persona janë të lirë dhe unë kam frikë për vajzën time. Ju pyes sërish a janë këto zgjedhje të lira, kur gratë kandidate kërcënohen. A duhet të qëndrojmë të heshtur ndaj kërcënimeve të familjarëve tanë. Natyrisht që jo..

Nuk duhet të tolerojmë duhet të qëndrojmë një atmosferë ku gratë të bëjnë politikë e të shërbejnë me dinjitet”, tha Vokshi.
Në përfundim, Këshilli i Europës doli me listë rekomandimesh duke kërkuar që të ndalet blerja e votës, të depolizohet admimsitrata zgjedhore, të ndahet shteti nga partia dhe të zbatohen rekomandimet e OSBE/ODIHR në zgjedhje.