Category: Lajme

Florina Cani, nëna e Martinit 14 vjeçar që u vra me thikë muaj më parë nga bashkëmoshatarët e tij në Tiranë, është shprehur se në katin e parë të shtëpisë familja ka vendosur që të hapë një muze.

“Po bëjmë një muze në kat të parë të shtëpisë tonë, me të gjitha kujtimet e Martinit. Nëse dikush do të pijë një çaj, kafe, ujë dhe të shohë sa fëmijë inteligjent ka qenë Martini. Nëpërmjet fotove, të gjitha ato cilësi që kishte, kthehet në simbol për fëmijët e tjerë.

Të mos ndodhin më gjëra të tilla. Ia ruaj me fanatizëm të gjitha sendet e veta. Tani kemi marrë projektin dhe kush dëshiron të kontribuojë, është i mirëpritur”, tha Florina Cani, nëna e Martinit 14 vjeçar, e ftuar në emisionin “Opinion”.

Ngjarja e rëndë që tronditi mbarë opinionin publik, ka ndodhur mesditën e 18 nëntorit 2024 pak metra larg shkollës 9-vjeçare “Fan Noli” në kryeqytet. Gjatë një konflikti me M.Përlleshaj, Martin Cani mbeti i vrarë nga një goditje me thikë në zemër, ndërsa i plagosur mbeti dhe miku i tij Luis Meçja.

M.Përlleshaj po gjykohet për veprën penale “Vrasje në rrethana cilësuese” ndaj dy ose më shumë personave. Gjykata ka refuzuar kërkesën e avokatit të të miturit për të përfituar gjykim të shkurtuar, duke vijuar kështu një proces të rregullt gjyqësor.

Në tregun e këmbimit valutor shqiptar, një dollar amerikan do të blihet sot me 84.6 lekë dhe do shitet me 85.8 lekë.

Ndërkohë monedha evropiane euro do blihet me 97.6 lekë dhe do shitet me 98.3 lekë.

Franga zvicerane sot në tregun shqiptar do blihet me 103.1 lekë dhe do shitet me 104.3 lekë.

Ndërsa paundi britanik do blihet me 114.7 lekë dhe do shitet me 116 lekë.

Një avion i Air India  me 242 pasagjerë në bord u rrëzua në aeroportin e qytetit perëndimor të Ahmedabadit, Indi.

Mediat vendase kanë publikuar pamjet kur avioni rrëzohet dhe shpëerthen në flakë.

Avioni ishte nisur për në Aeroportin Gatwick të Londrës dhe, në rrethana ende të paqarta, u rrëzua gjatë ngritjes.

Sipas IndiaToday, në bord të avionit ndodheshin 242 persona, nga të cilët 230 ishin pasagjerë dhe 12 ishin anëtarë të ekuipazhit.

Imazhet e para nga incidenti tregojnë kaosin që mbizotëron në vendngjarje me mbeturina që digjen dhe tym të zi të dendur që ngrihet në qiell pranë aeroportit.

Imazhet treguan gjithashtu njerëz që transportoheshin me barela dhe merreshin me ambulanca.

Sipas raportimeve fillestare, bëhet fjalë për një avion Boeing 787 Dreamliner që ka një kapacitet prej afërsisht 300 pasagjerësh.

Fluturimi ishte i pajisur plotësisht me karburant për udhëtimin transatlantik, gjë që e bëri si shpërthimin ashtu edhe zjarrin që pasoi më intensiv.

Aktualisht nuk ka konfirmim zyrtar për viktima, ndërsa një operacion shpëtimi është duke u zhvilluar.

Një aksion i zhvilluar sot nga Policia dhe Prokuroria Themelore në Prishtinë ka rezultuar me arrestimin e disa zyrtarëve të Ministrisë së Infrastrukturës, përfshirë edhe Florije Kelmendi Selimin, nënën e reperit të njohur kosovar, Ghetto Geasy.

Ajo, së bashku me dy zyrtare të tjera të kësaj ministrie, po hetohet nën dyshimet për veprën penale “Keqpërdorim i detyrës apo autoritetit zyrtar”.

Zëdhënësi i Policisë së Kosovës, Baki Kelani, ka konfirmuar aksionin, duke bërë të ditur se hetimet po zhvillohen me autorizim të Prokurorisë kompetente dhe përfshijnë disa persona të dyshuar.

“Sapo të përfundojnë procedurat hetimore, do të mund të bëhen publike më shumë informacione”, deklaroi Kelani.

Hetimet po zhvillohen në kuadër të përpjekjeve për luftimin e korrupsionit në institucionet publike.

Një aeroplan i Air India u rrëzua në aeroportin e Ahmedabadit pak minuta para ngritjes të enjten. Sipas informacioneve fillestare, fluturimi duhej të nisej nga Ahmedabadi për në Gatwick të Londrës.

Pamjet e frikshme nga toka tregojnë një re të madhe tymi të zi që del nga vendi i rrëzimit.

Sipas Air India, “Fluturimi AI171, që operonte Ahmedabad-Londër Gatwick, u përfshi në një incident sot, më 12 qershor 2025.” Kompania ajrore shtoi se në këtë moment po përcaktojnë detajet dhe do të ndajnë përditësime të mëtejshme sa më shpejt të jetë e mundur.

Aeroplani u rrëzua menjëherë pas ngritjes nga Ahmedabadi me 242 persona në bord, të përbërë nga 2 pilotë dhe 10 anëtarë të ekuipazhit të kabinës, sipas Drejtorisë së Përgjithshme të Aviacionit Civil, raportoi ANI

Enea Mihaj do të vazhdojë karrierën në Turqi. Mbrojtësi i Kombëtare shqiptare ka arritur marrëveshjen me Samsunspor.

Bëhet fjalë për një kontratë katërvjeçare, me mundësi rinovimi edhe për një tjetër sezon.

Arritjen e marrëveshjes e ka bërë të ditur vetë presidenti i klubit turk, Yuksel Yildirim, i cili deklaroi: “Kemi mbyllur akordin me Enea Mihajn, i cili vjen pas aventurës te portugezët e Famalicao. Kemi planifikuar vizitat mjekësore brenda 10 ditëve të ardhshme.”

Mihaj ishte pjesë e Famalicao nga viti 2022, ndërsa vendosi të mos rinovojë.

26-vjeçari do të luajë në Turqi për herë të parë në karrierë.

Në të kaluarën, mbrojtësi ka luajtur në Greqi, me ekipe si Panetolikos dhe PAOK.

Një lidhje e re e Sara Hoxhës është thashethem i ditëve të fundit në media rozë. Ndonëse nuk ka bërë asnjë reagim publik Sara duket po preferon të shijojë pushimet e saj në heshtje.

Derisa para pak ditësh ajo ka publikuar disa pamje me vajzën e saj në bregdet, Ledri sot e ka bërë të njëjtin veprim në Instastory.

A kanë nisur ish çifti pushimet së bashku për të qëndruar më afër vajzën? Kjo pritet për tu parë.

Fillimisht u aludua se influencerja ishte në një romancë me një djalë shumë të njohur në rrethet e Tiranës. Por së fundmi referuar postimeve të bërë në rrjet, është krijuar një ide se kush është djali misteriz që i vodhi zemrën Sarës.

Prokuroria pranë Gjykatës së Shkallës së Parë të Juridiksionit të Përgjithshëm, Tiranë regjistroi procedim penal për veprën penale ‘Zbulimi i akteve ose të dhënave sekrete’ parashikuar 295/a pas publikimit në media dhe portale të ndryshme të një video mbi ngjarjen në shkollën 9-vjeçare ‘Fan Noli’, ku humbi jetën i mituri M.C.

Video e publikuar në disa media përmban pamje filmike të datës 18.11.2024, ku shfaqen të miturit me etiketimet e gjeneraliteteve të tyre përkrah secilit.
Në kuadër të veprimeve hetimore të kryera në lidhje më këtë procedim, janë administruar në cilësinë e provës materiale edhe një CD me pamjet filmike të regjistruara nga kamerat e sigurisë që kanë fushëpamje në rrugën ku kanë kaluar të miturit drejt vendit të ngjarjes, veprim i cili është dokumentuar me procesverbalin për këqyrje dhe marrje të provës materiale nga ana e policisë gjyqësore.

Pamjet filmike, që u publikuan dy ditë më parë në media e shpërndarë edhe në disa portale on-line, përmbajnë të njëjtat pamje filmike që ndodhen edhe në CD-në që u administrua në fashikullin hetimor.
Në përfundim të hetimeve, CD-në me pamjet filmike të disponuara nga prokuroria, i janë vënë në dispozicion mbrojtësit të familjarëve të viktimës, avokatit, i cili e ka marrë atë dhe të gjitha aktet e fashikullit, kundrejt nënëshkrimit të deklaratës për mospublikimin e saj.
Kjo çështje aktualisht është në gjykim në Gjykatën e Shkallës së Parë të Juridiksionit të Përgjithshëm Tiranë, ku po zhvillohet gjykimi në themel me dyer të mbyllura.

Konstatohet se në rastin konkret, me publikimin e videos, janë shkelur të dy detyrimet e parashikuara në nenin 103/1, 2 të Kodit të Procedurës Penale pasi janë publikuar prova (video) që janë akte të shqyrtimit gjyqësor me dyer të mbyllura si dhe janë publikuar me video, foto dhe gjeneralitete të pandehur, viktima dhe dëshmitarë të mitur të kësaj çështjeje.
Nisur sa më sipër, ka të dhëna të mjaftueshme se janë konsumuar elementët e figurës së veprës penale “Zbulimi i akteve ose të dhënave sekrete”, të parashikuar nga neni 295/a i Kodit Penal.

I ka dhënë fund në burgun e Italisë Lulzim Toçi, i cili vrau gruan e tij 24-vjeçare vitin e kaluar në Caserta të vendit fqinj.

Mediat italiane shkruajnë se Lulzim Toçi, 31 vjeç, i dënuar për vrasjen e gruas së tij Eleonora Toçi, i dha fund jetës sot në burgun e Santa Maria Capua Vetere, ku po vuante dënimin për krimin e kryer më 9 tetor të vitit të kaluar.

Vetëvrasja ndodhi në zonën psikiatrike të institucionit të vuajtjes së dënimit.

Ai e mbyti gruan në shtëpinë e tyre, para dy fëmijëve të tyre të vegjël, atëherë 6 dhe 4 vjeç, një akt që tronditi komunitetin shqiptar, por edhe atë italian.

Autoritetet po hetojnë për të sqaruar se si ndodhi vetëvrasja. Çifti kishte marrë një shtëpi më të madhe në “Via Caravaggio”, për të jetuar me fëmijët e tyre, respektivisht 6 dhe 4 vjeç.

Krimi i rëndë ndodhi në dhomën e gjumit të çiftit. Hetuesit thanë se vrasja me siguri është kryer teksa viktima ka qenë duke fjetur.

Autoritetet gjyqësore në Paro të Greqisë po përpiqen të zbulojnë shkaqet e vdekjes së një foshnje pesë muajshe, për të cilën deri më tani nuk ka një shpjegim të qartë.

Ngjarja ka ndodhur në plazhin Paraspóros, ku foshnja qëndroi disa orë nën diell. Sipas babait shqiptar, foshnja ishte në diell rreth dy orë, ndërsa nëna, po shqiptare pretendon se qëndruan nga mëngjesi deri në mesditë.

Dy momente kyçe janë theksuar gjatë hetimeve. I pari është periudha kur nëna ndodhej vetëm me foshnjën në makinë, e cila ishte gjithashtu ekspozuar ndaj temperaturave të larta dhe kishte ngjashmëri me një furrë. Në dëshminë e saj, nëna tregoi:

“Shkuam në mëngjes me bashkëshortin dhe fëmijët tanë. Qëndruam gjithë kohën në diell. Foshnja filloi të qante dhe unë vendosa ta çoja në makinë, e cila ishte e parkuar në diell. Qëndrova aty për gjysmë ore dhe më pas i tregova burrit se foshnja qante pa pushim, nuk ishte mirë dhe duhej të largoheshim. U larguam në orën 15:00 drejt shtëpisë.”

Nga ana e tij babai pretendon se nëna mungoi për vetëm 10-15 minuta dhe nuk di se çfarë ndodhi gjatë asaj kohe.

Momenti i dytë i rëndësishëm është periudha kur nëna mbeti vetëm me foshnjën në shtëpi nga ora 15:00 deri në orën 17:00, kur ajo e transportoi foshnjën tashmë të pajetë në Qendrën Shëndetësore të Paros.

“Pak pas pas ardhjes në shtëpi, bashkëshorti dhe djali im shkuan përsëri në plazh. Pas një ore e gjysmë apo dy orë, kuptova se diçka nuk shkonte me foshnjen. E mbështolla me një batanije dhe e dërgova në Qendrën Shëndetësore të Paros. Kur mbërrita, i thashë mjekut se foshnja nuk po merrte frymë. Nuk e di se çfarë ndodhi.”

Nëna është në gjendje shoku që nga pasditja e së dielës dhe nuk ka dhënë detaje për orët vendimtare që kaloi vetëm me foshnjen, raportojnë mediat greke.

Mjekët ligjorë po hetojnë jo vetëm për komplikimet nga goditja e diellit, por mundësinë e gëlltitjes së ndonjë trupi të huaj, ndërsa është përjashtuar skenari i një veprimi kriminal.

Babai dhe pjesëtarë të tjerë të familjes ndodhen në Paro duke u përpjekur të përballojnë humbjen tragjike, ndërsa nëna pritet të japë shpjegime para gjykatës lidhur me vdekjen e foshnjes.