Lajme Flesh

Partia e djathtë radikale Alternativa për Gjermaninë (AfD) ka intensifikuar kërkesat për deportimin e më shumë se një milion personave, aplikimet e të cilëve për azil janë refuzuar.

Deklaratat vijnë vetëm pak ditë pas rezultatit të fortë të partisë në zgjedhjet rajonale.

Gjatë një debati të tensionuar në parlamentin gjerman, bashkëkryetarja e AfD-së, Alice Weidel, deklaroi se rezultati zgjedhor përfaqëson, sipas saj, një kërkesë të qytetarëve për një ndryshim të thellë të politikës së migracionit.

Weidel kritikoi qeverinë për menaxhimin e emigracionit dhe pretendoi se në Gjermani ndodhen ende më shumë se një milion persona, kërkesat e të cilëve për azil janë refuzuar. Sipas saj, këta persona duhet të largohen nga vendi.

Ajo e lidhi gjithashtu emigracionin me rritjen e pasigurisë dhe kriminalitetit, duke përmendur raste të dhunës, veprave penale seksuale, sulmeve me thikë dhe incidenteve në hapësirat publike. Weidel akuzoi gjithashtu disa komunitete të huaja për qëndrime armiqësore ndaj gjermanëve dhe të krishterëve.

Një tjetër pretendim i saj lidhej me sistemin gjerman të mbështetjes sociale. Weidel tha se pjesa më e madhe e përfituesve të ndihmës bazë për kërkuesit e punës janë persona me shtetësi të huaj ose me prejardhje migratore.

Kancelari gjerman Friedrich Merz e kundërshtoi ashpër këtë qëndrim. Ai argumentoi se emigrantët që punojnë dhe kontribuojnë në ekonominë gjermane kanë një rol të rëndësishëm në funksionimin e vendit.

Merz theksoi se një numër i madh emigrantësh janë të punësuar në profesione të kualifikuara dhe paralajmëroi se largimi i tyre do të krijonte pasoja të rënda për ekonominë dhe shërbimet publike, përfshirë spitalet, qendrat e kujdesit dhe sektorin e shërbimeve.

Kancelari e akuzoi AfD-në se po nxit frikë dhe përçarje në shoqëri. Ai e cilësoi konceptin e “rimigrimit”, të përdorur nga e djathta radikale, si një formë të diskriminimit mbi bazën e prejardhjes dhe ngjyrës së lëkurës.

Megjithatë, Merz sqaroi se qeveria gjermane bën dallim mes emigrantëve që kanë të drejtë qëndrimi, punojnë dhe janë integruar në shoqëri, dhe personave që nuk kanë status të ligjshëm qëndrimi. Sipas tij, ata që nuk kanë të drejtë të qëndrojnë në Gjermani duhet të kthehen në vendet e tyre.

Ky debat tregon edhe një herë se migracioni mbetet një nga çështjet më të përplasura të politikës gjermane, me AfD-në që kërkon masa gjithnjë e më të ashpra dhe qeverinë që përpiqet të kombinojë kontrollin e migracionit të parregullt me nevojën për fuqi punëtore të huaj.

Në një deklaratë për media, deputeti i Partisë Demokratike u shpreh se ka dorëzuar prova të reja në SPAK lidhur me kallëzimin e PD-së për projektin e Kolegjit të Evropës në Tiranë.

Ai tha se 17 milionë euro dhe toka shtetërore ishin parashikuar prej vitesh për zgjerimin e kampusit të Universitetit të Tiranës, por në vitin 2024 fondet dhe prona u orientuan drejt ndërtimit të kampusit të Kolegjit të Evropës.

Deputeti akuzoi qeverinë se ka devijuar qëllimin fillestar të fondeve, duke pretenduar se vendimi ka cenuar interesat e rreth 22 mijë studentëve të Universitetit të Tiranës.Në kallëzimin e PD-së, sipas deputetit, kërkohet verifikimi i përgjegjësisë së Kryeministrit Edi Rama, ish-ministres së Arsimit Gerta Manastirliu dhe kryebashkiakut Erion Veliaj, si dhe i personave të tjerë të përfshirë në procedura.

Ai ngriti dyshime për shpërdorim detyre, korrupsion ndaj nëpunësve të huaj civilë dhe shkelje të procedurave urbanistike, duke theksuar se dokumentet mbi kalimin e fondeve nuk janë bërë publike.

Deputeti kërkoi nga SPAK nisjen e hetimeve për të verifikuar ligjshmërinë e projektit dhe përdorimin e 17 milionë eurove.

Deklarata për media:

Atëherë, në muajin nëntor, sidomos edhe pas skandalit që plasi në Bruksel me Federica Mogherinin, e cila u mor në hetim dhe nën akuzë, ne bëmë një kallëzim në emër të Partisë Demokratike për Kolegjin e Evropës, për kampusin e Kolegjit të Evropës që është hapur në Tiranë dhe po bëhen punimet.

Ky kallëzim nis pikërisht prej faktit që toka ku ky kampus do bëhet, është një tokë shtet e cila ka qenë e alokuar që në vitin 2013 nga ish-kryeministri Sali Berisha për zgjerimin e kampusit të Universitetit të Tiranës. Në të njëjtën kohë, edhe fondi prej 17 milionë eurosh, ka qenë një fond i cili ka qenë i dedikuar për zgjerimin e këtij kampusi. Po ashtu, në vazhdimësi në vitin 2015, në vitin 2019, Bashkia e Tiranës me kryetarin e bashkisë Erion Veliaj, dhe pastaj me kryeministrin e Tiranës [Shqipërisë], kanë prezantuar projektet e zgjerimit të kampusit të Tiranës pikërisht në këtë tokë dhe pikërisht me këto fonde prej 17 milionë euro. Po ashtu në vitin 2021, pas një projekti 5 milionë euro që ka kaluar dhe është aplikuar për të bërë zgjerimin e Universitetit të Tiranës, është prezantuar projekti përfundimtar që duhet të mbaronte në 2026-ën. Ndërkohë në 2024-ën, në një të rënë të lapsit, gjithçka ridrejtohet drejt kampusit të Kolegjit të Evropës.

Përveçse një dëmi të madh që i bëhet 22 mijë studentëve të Universitetit të Tiranës, të cilët sot janë të ekspozuar ndaj qirave marramendëse dhe ndaj kostove të jetesës, se pikërisht ai zgjerim kampusi do ishte për konviktet e Universitetit të Tiranës, kemi të bëjmë me përfitimin e vetëm 32 studentëve të Kolegjit të Evropës me këtë fond prej 17 milionë euro. Ne nuk kemi gjetur dokumente publike të cilat sqarojnë se si janë drejtuar këto fonde për këtë projekt.

Pra, ekziston një dyshim shumë i madh për shkelje proceduriale buxhetore, në të njëjtën kohë që bie nën shpërdorimin e detyrës, dhe duam një sqarim që SPAK-u të hetojë. Dhe prandaj kemi bërë dhe këtë kallëzim për të parë vlefshmërinë ligjore të kësaj gjëje. Po ashtu ka edhe probleme urbanistike, të cilat urbanistë të njohur e kanë denoncuar publikisht, për moszbatim të PDV-së, për mungesë të vlerësimit të ndikimit mjedisor, për mungesë të konsultimeve publike me komunitetin, dhe të gjithë procedurat ligjore të cilat përsëri ne mendojmë se nuk janë zbatuar. Sot u thirra në cilësinë e kallëzuesit për të sjellë provat e reja, kam firmosur që i qëndroj kallëzimit dhe tani shpresoj që SPAK-u të bëjë detyrën e tij dhe të çojë drejtësinë në vend për hKonkretisht është Kryeministri Edi Rama, ish-ministrja e arsimit në atë kohë Gerta Manastirliu, kryetari i Bashkisë Erion Veliaj, që patjetër është person në dijeni dhe është person që ka firmosur, dhe pastaj të gjithë personat e tjerë që mund të kenë fshehur të vërtetën apo edhe devijuar procedurat.

Sipas tyre, dokumentat ekzistojnë. Pra siç bëhen në Shqipëri 17 dokumenta brenda ditës fap e fap, këto dokumenta ekzistojnë po nuk janë aspak publike. Dhe tani do shohim se çfarë do bëjë për të vazhduar denoncimin apo kallëzimin tonë, për ta nisur si çështje apo për ta pushuar.

Është për shpërdorim detyre, për korrupsion ndaj nëpunësve të huaj civilë, dhe për moszbatim të procedurave urbanistike.akun që iu është mohuar 22 mijë studentëve të Universitetit të Tiranës

Gjykata ka vendosur masën e sigurisë “arrest në shtëpi” për këngëtarin Jozefin Màrku dhe shoferin e tij, Kristjan Nikollin, të arrestuar në lidhje me sulmin ndaj Eduard Kuçit.

Vendimi është marrë pas seancës për caktimin e masës së sigurisë, ndërsa Prokuroria kishte kërkuar “arrest me burg” për të dy të arrestuarit.

Hetimet për ngjarjen vijojnë për të zbardhur rrethanat e plota të konfliktit dhe rolin e secilit prej personave të përfshirë.Në kuadër të hetimit, Prokuroria po verifikon edhe përdorimin e simboleve të Policisë së Shtetit, ndërsa është kërkuar një akt-ekspertim për të përcaktuar dëmtimet trupore që mund të ketë pësuar Eduard Kuçi.

Ndërkohë, Kuçi është shpallur në kërkim policor për akuzën e moskallëzimit të krimit. Sipas hetimeve, ai nuk e ka kallëzuar fillimisht ngjarjen në polici, duke e përshkruar atë si një konflikt të shkaktuar nga bllokimi i rrugës me automjet.

Pas verifikimeve të kryera nga policia, ndaj Kuçit është ngritur akuza për moskallëzim krimi dhe ai është vënë në kërkim policor për t’u marrë në pyetje dhe për të dhënë sqarime mbi ngjarjen.Në mbrojtjen e tij, Jozefin Marku ka deklaruar pas arrestimit se ishte irrituar pasi Kuçi e kishte ofenduar në rrjetet sociale.

Tashmë, me vendimin e gjykatës për “arrest në shtëpi”, Marku dhe Nikolli do të vijojnë të jenë nën masën e sigurimit personal gjatë hetimeve.

Aksidentoi për vdekje fëmijën 7 vjeçar, lirohet nga qeIia producenti Petri Bozo

Producenti Petri Bozo është liruar nga paraburgimi pas vendimit të Gjykatës së Apelit Tiranë, e cila ka pranuar kërkesën e mbrojtjes për zëvendësimin e masës së sigurisë

Apeli ka vendosur që masa “arrest në burg” të zëvendësohet me masën “arrest në shtëpi”, duke urdhëruar edhe lirimin e menjëhershëm të Bozos nga paraburgimi.

Kujtomë që Petri Bozo shkaktoi aksidentin me vdekje, ku humbi jetën një fëmijë 7 vjeçar.

vijon…

Këngëtari i njohur grek Giorgos Mazonakis ka ndërruar jetë në moshën 54-vjeçare, pas një ataku në zemër. Vdekja e tij u konfirmua në Spitalin “Elpis”, ku u transportua me urgjencë pasditen e së mërkurës.

Sipas informacioneve të bëra publike, thirrja për ndihmë mjekësore u bë nga një klinikë private në Kolonaki, ku kishte shkuar Mazonakis. Stafi i klinikës njoftoi shërbimin e urgjencës se këngëtari kishte pësuar një atak në zemër. Një ekip shpëtimi mbërriti menjëherë në klinikë dhe nisi reanimimin kardiopulmonar (CPR). Pak minuta më vonë, Mazonakis u transportua me ambulancë drejt Spitalit “Elpis”, si spitali më i afërt në gatishmëri.

Përpjekjet për ta rikthyer në jetë vijuan edhe në urgjencën e spitalit, por pa rezultat. Mjekët nuk mundën ta shpëtonin dhe e shpallën të vdekur.

Sipas të dhënave paraprake, 54-vjeçari kishte shkuar në klinikën private për t’iu nënshtruar një trajtimi të planifikuar me plazmaferezë. Menjëherë pasi iu vendos kateteri intravenoz, ai pësoi krizën shëndetësore.

Giorgos Mazonakis ishte një prej zërave më të njohur të brezit të tij në muzikën greke. Ai lindi në mars të vitit 1972 në Nisë dhe nisi të bëhej pjesë e industrisë diskografike që në vitin 1992, kur ishte vetëm 20 vjeç.

Me një karrierë që zgjati për më shumë se tri dekada, Mazonakis u shndërrua në një prej figurave më të spikatura të skenës muzikore greke.

Meteorologia e Metoalb, Lajda Porja, parashikoi në një lidhje direkte me gazetaren Esmeralda Mulaj kushtet atmosferike për ditët e ardhshme. Sipas saj, fillimi i javës do të karakterizohet nga temperatura të larta, ndërsa në fundjavë vendi do të përfshihet nga reshje shiu.

Megjithëse mëngjeset do të sjellin një ulje të lehtë të temperaturave, moti do të vijojë të mbajë karakteristika verore. Gjatë ditës së sotme, vlerat maksimale pritet të arrijnë në 35°C në qarkun e Beratit, ndërsa në pjesën më të madhe të ultësirës perëndimore temperaturat do të lëvizin nga 33 deri në 34°C.

Temperaturat më të larta të javës parashikohen të mërkurën dhe të enjten. Në Berat dhe Elbasan termometri mund të shënojë deri në 36°C, ndërsa në qytetet e zonës së ulët priten vlera nga 34 deri në 35°C. Në bregdet temperaturat do të jenë më të moderuara, në nivelet 32-33°C.

Sipas Porjas, reshjet do të shfaqen kryesisht në zonat lindore dhe juglindore gjatë ditëve të mërkurë, enjte dhe premte. Rrebeshet do të jenë më të pranishme në qarkun e Korçës dhe në Gjirokastër, ndërsa episode të izoluara shiu gjatë pasditeve mund të ketë edhe në Pogradec, Peshkopi, Kukës dhe Bulqizë.

“E mërkura, e enjtja dhe e premtja do të kenë rrebeshe shiu në të gjithë zonën lindore dhe do jetë kryesisht juglindja, të jetë qarku i Korçës ku do të ketë rrebeshe. Dhe Gjirokastra gjithashtu ku do të jenë më të dukshme, por presim që edhe zonat e verilindjes, Pogradeci, po ashtu dhe Peshkopia, Kukësi, Bulqiza do të kenë rrebeshe të izoluara gjatë pasditeve”, tha Porja.

Në pjesën tjetër të vendit kushtet do të mbeten përgjithësisht të qëndrueshme. Paraditet do të jenë me diell, ndërsa pasditet do të shoqërohen me vranësira, pa reshje të rëndësishme.

Ndryshimi më i dukshëm pritet në fundjavë, kur temperaturat do të ulen me 3-4 gradë. Në këtë periudhë parashikohen rrebeshe të shkurtra shiu në thuajse gjithë territorin, forcim i erës dhe dallgëzim i lartë në det. Reshjet do të nisin në veri dhe veriperëndim, për t’u shtrirë më pas drejt jugut dhe juglindjes.

Porja sqaroi se kjo ulje e temperaturave nuk nënkupton nisjen e qëndrueshme të vjeshtës, pasi moti i ngrohtë pritet të rikthehet.

“Është një situatë kalimtare sepse edhe pse fillimi i javës mbetet në këto ujëra, ne presim sërish temperaturat të cilat do të jenë 32-33° pothuajse gjithë shtatorit. Është parashikuar që muaji shtator do të regjistrojë temperatura më të larta. Pra nuk është se futemi zyrtarisht që këtë fundjavë në vjeshtë dhe më pas na presin ditë të freskëta, por do kemi sërish temperatura të cilat të paktën deri në fund të muajit do të jenë mbi 32 gradë”, u shpreh meteorologia.

Në Kosovë dhe Maqedoninë e Veriut, temperaturat e larta do të vijojnë deri të premten. Në Kosovë ato pritet të arrijnë në 33-35°C, ndërsa edhe në Maqedoninë e Veriut do të mbeten në nivele të larta.

Rrebeshet në këto dy vende priten të nisin të enjten dhe të premten, ndërsa gjatë fundjavës reshjet do të përfshijnë pjesën më të madhe të territorit të Kosovës dhe Maqedonisë së Veriut, kryesisht në orët e pasdites. Në zona të veçuara të Ballkanit nuk përjashtohen erëra të forta, mini-stuhi dhe breshër, ndërsa gjatë javës së ardhshme kushtet atmosferike pritet të përmirësohen gradualisht.

Të tjera detaje kanë dalë në dritë lidhur me ngjarjen e regjistruar pak ditë më parë në Tiranë ku këngëtari Jozefin Marku dhunoi Eduart Kuçin.

Sipas raportimeve, Kuçi, nuk ka bërë denoncim për dhunë ndaj tij, madje gjatë dëshmisë në polici, ka deklaruar se bëhej fjalë për një konflikt të thjeshtë, që kishte nisur për shkak të bllokimit të rrugës me automjet.

Por pas verifikimeve të kryera lidhur me ngjarjen, Policia ka ngritur ndaj Kuçit akuzën e “moskallëzimit të krimit” dhe e ka shpallur në kërkim policor.

Ndërkohë, për Jozefin Markun dhe shoferin e tij Kristjan Nikollin, Prokuroria ka kërkuar masën e sigurisë “arrest me burg”. Prokurori i çështjes, Françesk Galaj, i ka drejtuar kërkesën gjykatës, ndërsa ende nuk është përcaktuar ora e seancës për dy të arrestuarit.

Hetimet vijojnë për sqarimin e rethanave të plota të konfliktit dhe rolin e secilit prej personave të përfshirë.

Ish-banorja e Big Brother VIP 3, Françeska Murati, ka folur për herë të parë për ndarjen nga ish-partneri i saj.

Në një intervistë ekskluzive për emisionin ‘Ftesë në 5’ me Bieta Sulon, Françeska ka treguar se është ndarë nga babai i djalit të saj prej shumë kohësh, por pavarësisht kësaj, ata ende e respektojnë njëri-tjetrin.Madje Françeska është shprehur se ata duhen ende si shokë, duke e cilësuar ish-partnerin e saj si shokun e saj të ngushtë.

“Kam dashur shumë të flas, por pastaj jam mes asaj jetës private dhe publike. Dashamirësit e mi interesohen për mua. Jeta ime ka qenë shumë e ekspozuar kur isha në Big Brother. Kur bëhet fjalë për njerëz që nuk janë personazhe publike, më vjen keq t’i përfshij në një botë që nuk janë pjesë. Ne kemi një dashuri shumë të madhe bashkë për fëmijën tonë. E duam shumë djalin.

Për të thënë një herë e mirë, ne jemi ndarë, kemi një kohë të gjatë që jemi ndarë. Ne e duam shumë njëri-tjetrin, duhemi si shokë, sepse jemi njohur që 15 vjeç. Vjen një pikë që duheni si shokë, duhemi shumë si njerëz. Më vjen keq që njerëzit thonë që hyra në BB, m’u rrit mendja dhe shkatërrova familjen. Këto janë trillime. Unë takohem me të çdo ditë. Edhe me familjet kemi marrëdhënie të mira, ata e dinë që ne kemi respekt për njëri-tjetrin. Ne kemi folur edhe shumë gjëra bashkë. Ai është njeri fantastik. Ne jemi ‘best friends’ sepse jemi rritur bashkë”, tha Françeska.
Ish-banorja e Big Brother VIP 3 ka reaguar gjithashtu për herë të parë edhe mbi aludimet se kishte gjetur një partner të ri, duke sqaruar të vërtetën që qëndron pas një fotoje të publikuar në plazh, ku në syzet e saj duket reflektimi i një djali.

Françeska ka treguar se ajo foto ishte bërë me Photoshop, ndërsa sqaroi se pushimet po i kalonte nën shoqërinë e shoqes së saj dhe jo të një djali.

“Të flasim realitetin, ajo video është bërë me Photoshop. Më vjen shumë për të qeshur sepse shumë herë fotot e mia janë bërë me AI, janë transformuar. E kanë marrë foton dhe kanë futur diçka tjetër aty. Isha me një shoqe. Më vjen shumë për të qeshur, por tani çdo mashtrim nuk mund t’i jap sqarim për të gjitha. Do konsumohem. E dyta, nuk të del koha, sepse çdo ditë dalin lajme të reja. Them: nga dalin këto trillime? As nuk dua t’i përmend, të lodhin kur i mendon. Nuk mund të harxhosh jetën të përballesh me mashtrime. Unë jam njeri privat, jo sekret”, u shpreh Françeska.

Një debat i nisur në zonën e Gjuhadolit dyshohet se ka çuar në përplasjen me armë ku humbi jetën 24-vjeçari Ylber Luli. Hetimet paraprake tregojnë se viktima dhe Andri Vulaj, 25 vjeç, fillìmisht janë konfliktuar verbalisht për shkak të një vështrimi.

Pas përplasjes së parë, Vulaj dyshohet se është paraqitur pranë banesës së familjes Luli. Aty situata ka degjeneruar në dhunë fizike mes tij, Ylber Lulit dhe babait të këtij të fundit, 63-vjeçarit Qamil Luli.

Në dëshminë paraprake të dhënë përpara hetuesve, 25-vjeçari ka pretenduar se babë e bir e kanë sulmuar me thikë. Sipas versionit të tij, ai ka përdorur armën e zjarrit për t’u mbrojtur. Këto pretendime mbeten në proces verifikimi nga autoritetet.

Gjatë të shtënave, Ylber Luli u godit me një plumb në kraharor. Ai u transportua me urgjencë në spital, por ndërroi jetë si pasojë e plagës së marrë.

Nga përleshja mbetën të plagosur edhe Andri Vulaj dhe Qamil Luli. Të dy ndodhen nën kujdesin e mjekëve dhe, sipas informacioneve paraprake, janë jashtë rrezikut për jetën.

Policia e Shkodrës ka arrestuar Andri Vulajn dhe ka sekuestruar armën që dyshohet se u përdor në krim. Hetuesit po mbledhin dëshmi dhe prova për të rindërtuar të gjithë dinamikën e konfliktit, si dhe për të përcaktuar përgjegjësinë e secilit person të përfshirë.