Lajme Flesh

Eksperti i kriminalistikës, Ervin Karamuço, ka komentuar plagosjen e Erjon Vishkullit, i cili u godit në sy me plumb gome gjatë protestave në Tiranë. I ftuar në emisionin “Noë” me Erla Mëhillin, Karamuço u shpreh i bindur se prokurori që po heton ngjarjen tashmë e di se çfarë ka ndodhur.

Sipas tij, veprimet hetimore të kryera deri tani tregojnë se prokurori ka krijuar një panoramë të qartë të ngjarjes. Karamuço nuk dha në pjesën e deklaratës së përcjellë detaje të tjera për provat apo përgjegjësit e mundshëm të plagosjes.

“Në Amerikë kanë një sistem që quhet përditësim. Prokurori i çështjes duhet të dilte dhe të informonte publike mbi veprimet që po bëhen dhe nuk dëmtojnë hetimin. E them me përgjegjësi, prokurori e di se çfarë ka ndodhur. Para se t’i sekuestronte kamerat, i ka parë. Para se të sekuestronte armët, i di se nga ardhur plumbi.

Gjithashtu edhe nga Italia kanë ardhur të dhëna në rrugë operative, por duhet të vijnë me letërporosi. Për shkak të ndjeshmërisë që ka kjo çështje, Prokuroria duhet të hapë dyert për transparecën. Kryesorja është se çfarë ka gjetur dhe për çfarë dyshon. E ka detyrim. Prokuroria ta bëjë detyrën si institucion europian perëndimor”, tha ai.

Një i ri shqiptar, Rogert Ajdini, vetëm 20 vjeç, ka humbur jetën në mënyrë tragjike gjatë një aksidenti në vendin e punës në Valtopina të Italisë.

I riu, me banim në Trevi, po merrte pjesë në punimet për asfaltimin e rrugës “Santa Cristina” — një projekt publik i Bashkisë së Valtopinës i besuar një kompanie të specializuar — kur mjeti rul asfaltues që ai po drejtonte u përmbys për shkaqe ende të pasqaruara, duke e zënë poshtë.

Pavarësisht ndërhyrjes së menjëhershme të kolegëve, shërbimeve të emergjencës, zjarrfikësve dhe helikopterit të shpëtimit, 20-vjeçari ndërroi jetë në vendngjarje për shkak të plagëve të rënda. Karabinierët kanë nisur hetimet për të zbardhur rrethanat e sakta të përmbysjes së mjetit të rëndë.

Ngjarja ka tronditur komunitetin lokal dhe kryetari i Bashkisë së Valtopinës, Gabriele Coccia, i shprehu ngushëllimet familjes për këtë humbje tragjike. Vdekja e Ajdinit pason një seri aksidentesh fatale në punë në Itali, ku brenda vetëm tri ditësh është shënuar bilanci i zi prej shtatë punëtorësh të vdekur, duke rindezur debatin publik mbi sigurinë në punë.

Rubrika Deidre është në kua dër të The Sun, rubrikë në të cilën njerëzit i shpër ndajnë përv ojat e pro bl emet e tyre dhe kërkojnë këshilla nga stafi i Deidres.

Një djalosh, rrëfen se si shkon në shtëpinë e shokut të tij vetëm për të bërë s e.k s me nënën e tij, dhe për këtë kërkon këshillë nga stafi i Deidre se çfarë duhet të bëjë.

“Të nderuar Deidre, Unë kam bërë s e. k s me nënën e shokut tim pas një ndeshje ra gbi. Jam ndjerë sikurse jam mbi gjithë botën dhe që nga atëherë kemi filluar të shihemi çdo ditë.

Unë jam 21 vjeçar, ndërsa nëna e shokut tim është 41 vjeçare. Shoku im më kishte njoftuar me nënën e tij pas lojës. Ishte një j o.sh j e e menjëhershme. Ajo duket e mahnitshme për moshën e saj dhe ishte shumë e lehtë për të folur me të.

Ajo e ka tru pin shumë s e .k s i dhe një buzëqeshje të le zetshme. Kur shoku im kishte shkuar në shtëpi, nëna e tij kishte thënë se duhet të shkoj të blej disa gjëra në dyqan.

Unë mendova se aty do të ishte mundësia më e mirë për ta pyetur atë nëse dëshiron të vijë në shtëpinë time për të pirë kafe para se të shkoj në dyqan, dhe ajo kishte pran uar. Banesa ime ishte pak e ç’rregulluar dhe kisha filluar ta rregulloj.

Ajo kishte filluar të më ndihmoj – por kur jam kthyer në dhomën e nden jës ajo kishte qenë duke i he qur të b ends hmet e saj… Unë kisha hum bur komplet. Ajo kishte buzëqeshur dhe kishte filluar të ecë drejtë meje. 

Kishim filluar të pu themi dhe kishte qenë s e.k s i më i mahn itshëm ndonjëherë. Më kishte pëlqyer tejet mase. Tani takohemi aq shpesh sa mundemi. Por, problemi është se ajo është e mar tuar dhe i ka edhe dy fëmijë tjerë.

Unë shkoj aty me arsyetimin se po e vizitoj shokun tim. As ai, e as pjesa tjetër e familjes nuk ia kanë idenë se ne bëjmë s e.k s. Veç kësaj, situata është disi shumë e te.n s io n u ar kur jemi të gjithë në të njëjtën dhomë.

Ne pu.th emi fshehtazi në kuzhinë.Unë dua të vazhdoj ta shoh atë, por nuk e di nëse do të funksionoj”. Këtu e kishte përfunduar djaloshi 21 vjeçar his torinë, duke kërkuar këshillë nga Deidre se si të ja bëjë.

Për këtë, Deidre e ka një përgjigje shumë të thjeshtë të cilën lajmi.net e sjellë për ju:
“Duhet të ndaloni. Ju nuk jeni duke e menduar këtë me të vërtetë. Vetëm mendoni se si do të bëhet kur shoku dhe familja e tij e zbulojnë se çfarë keni qenë duke bërë ju dy.

Kjo mundet të ia përfundoj asaj martesën dhe ta lë me pr ob leme em ocionale, veç kësaj, edhe shoku juaj do të filloj të ju u.rr e j. Thuaj asaj që afera juaj duhet të n daloj dhe t entoni që ta sh mangni atë sa më shumë që është e mundur”, shkruan Deidre. 

Qeveria ka depozituar në Kuvend si nismë të saj një projektligji të propozuar nga Banka e Shqipërisë sipas të cilit Guvernatori i Bankës së Shqipërisë do ketë imunitet duke kufizuar arrestimin e tij dhe masa të tjera shtrënguese duke e lënë në dorën e Kuvendit vendimin.

Projektligji për Bankën e Shqipërisë ka hapur debat të fortë teksa ligji i propozuar ngre pikëpyetje për ndikimin në hetimet penale.

Neni 72 i projektligjit, parashikon për Guvernatorin imunitet ndaj arrestit me burg apo në shtëpi dhe çfarë do masë tjetër shtrënguese nëse ai akuzohet për vepra penale të cilat lidhen me ushtrimin e detyrës dhe funksionit të tij në mënyrë që të ruhet pavarësia e shmangen presionet ndaj institucionit më të lartë financiar në vend.

“Ne në nenin 72 kemi propozuar që arresti i guvernatorit nësë do të kërkohet duhet të verifikohet nëse ka prova të qenësishme dhe nëse vepra penale për të cilat kërkohet arresti ka lidhje me detyrën.

Nuk është imunitet por dispozitë garantuese. Arsyeja pse mbrohet guvernatori, nuk mbrohet për shkak të të qenies së tij guvernator, mbrohet për shkak të elementit që të funksionojë i pavarur pa frikën që një ditë një organ i një pushteti tjetër vjen dhe e pengon për një arsye ose për tjetër për të ushtruar detyrën.

Nuk mbrohet guvernatori si person. Ne mbrojmë institucionin duke mbrojtur guvernatorin”, tha Holta Zaçaj, ish-anëtare e Gjykatës Kushtetuese, taashmë në rolin e zv. Guvernatores së Parë të Bankës së Shqipërisë, shkruan Shqiptarja.

“Nësë ndodh një aksident dhe vret dikë në rrugë arrestohet… nëse është për shpërdorim detyre shkon në kuvend.. që të përcaktojë nëse akuza ka lidhje me ushtrimin e detyrës. Nëse ka lidhje me ushtrimin e detyrës nuk mund të arrestohet”, vijoi Zaçaj.

Praktikisht është kuvendi, i cili njësoj si në rastin e deputetëve do të japë viston e arrestimit apo jo të guvernatorit, duke gjykuar nëse vepra penale që rëndon mbi të, ka apo jo lidhje me ushtrimin e detyrës.

Sipas projektligjit, nëse Guvernatori i Bankës së Shqipërisë akuzohet për korrupsion dhe Kuvendi vlerëson se vepra për të cilën gjykohet lidhet me funksionin e tij, arrestimi nuk mund të kryhet.

Kryeministri Edi Rama ka bërë të qartë se nuk ka ndërmend të japë dorëheqjen, kundërshtarët e tij politikë vijojnë të diskutojnë skenarët e një largimi të mundshëm nga pushteti.

Kreu i Lëvizjes Bashkë, Arlind Qori, ka paraqitur dy alternativa se çfarë mund të ndodhë në vend nëse Rama vendos të largohet nga drejtimi i qeverisë.

Ai tha se një nga mundësitë janë zgjedhjet e parakohshme, ndërsa alternativa që ai preferon është nisja e një procesi diskutimi mes shoqërisë civile dhe forcave politike.

Sipas tij, një dorëheqje e mundshme e Ramës do të ishte edhe pranim i dështimit nga Partia Socialiste, ndërsa kryeministri nuk do të mund të vijonte as në krye të kësaj force politike.

“Çfarë ndodh nëse Rama jep dorëheqjen? Janë dy opsione. Opsioni i parë: shkojmë në zgjedhje të parakohshme. Qeverinë do ta formojë parlamenti, me këtë qeveri jo partiake. Unë mendoj se opsioni më i mirë është opsioni i dytë, që Rama të japë dorëheqjen dhe të nisë një konvendim mes shoqërisë civile dhe forcave politike. Vendimet do t’i marrë një parlament ku koka është prerë. Në momentin që Rama jep dorëheqjen, PS-ja e pranon dështimin e saj. Unë mendoj se Rama nuk qëndron as kryetar i PS-së nëse jep dorëheqjen. Një PS e dekapituar dhe një PD e kapitulluar duhet të gjejnë forcë për të diskutuar me partitë e tjera”, tha Qori.

Ditën e djeshme në mbrëmje në Top Chanel, në hyrje të emisionit Top Story ka rënë pa ndjenja Grida Duma e cila është dërguar me urgjencë në spital.

Nga burime brenda televizionit mësohet se moderatorja ka rënë pa ndjenja si rezultat i një helmimi të mundshëm akut, shkaqet e të cilit po hetohen.

Menjëherë pas incidentit është vënë një transmetim i regjistruar, duke ndërprerë transmetimin live.

Nga burimet e brendshme mësohet se policia ka filluar menjëherë hetimet, duke pyetur stafin dhe personat që kanë shoqëruar prezantuesen gjatë ditës./gazetasot

Sondazhet e para pas mbylljes së votimit tregojnë se Likud mbetet partia më e madhe në Knesset. Megjithatë, blloku i Benjamin Netanyahut siguron vetëm 50 mandate, ndërsa blloku i Gadi Eisenkot merr 52 deri në 53 mandate, pa përfshirë partitë arabe…

Sondazhet e para pas mbylljes së qendrave të votimit në Izrael, më 27 tetor 2026, tregojnë se asnjë nga dy blloqet kryesore politike nuk ka siguruar shumicën prej 61 mandatesh të nevojshme për të formuar qeverinë.

Sipas të dhënave të publikuara nga tre televizionet kryesore izraelite, KAN 11, Channel 12 dhe Channel 13, partia Likud e kryeministrit Benjamin Netanyahu rezulton forca më e madhe politike në të tre sondazhet.

Megjithatë, blloku i partive që mbështesin Netanyahun projektohet të marrë 50 nga 120 vendet e Knessetit.

Nga ana tjetër, blloku i udhëhequr nga Gadi Eisenkot projektohet të sigurojë 52 deri në 53 mandate, ndërsa partitë arabe marrin së bashku 17 deri në 18 vende.

Rezultatet e tre sondazheve pas votimit

Të tre sondazhet tregojnë një konfigurim parlamentar në të cilin asnjëri prej dy blloqeve kryesore nuk arrin i vetëm shumicën qeverisëse.

Partitë arabe mund të kenë rol të rëndësishëm në negociatat paszgjedhore. Megjithatë, mbështetja e tyre për një qeveri të mundshme nuk është automatike dhe do të varet nga qëndrimet politike dhe marrëveshjet ndërmjet partive.

Pjesëmarrja në votime arriti në 74,3 për qind deri në orën 20:00, sipas të dhënave të paraqitura gjatë natës zgjedhore, duke shënuar një rritje prej tetë pikësh përqindjeje krahasuar me vitin 2022, sipas të njëjtit raportim.

Rezultatet e sondazheve pas votimit nuk janë përfundimtare. Numërimi zyrtar i votave do të përcaktojë shpërndarjen e mandateve dhe mundësitë për formimin e qeverisë së ardhshme.

Dashi
Në dashuri, një bisedë e sinqertë mund të zgjidhë një keqkuptim. Në punë mund të shfaqet një mundësi e re, por mos u nxito në vendime financiare. Besoji energjisë tënde, por vepro me maturi.

Demi
Sot do të ndihesh më i vendosur dhe më i qartë për atë që dëshiron. Në punë mund të përparosh nëse përqendrohesh te detajet. Në dashuri, trego më shumë ngrohtësi dhe mos i mbaj ndjenjat për vete.

Binjakët
Komunikimi do të jetë pika jote e fortë. Një bisedë ose njohje e re mund të të hapë dyer interesante. Në dashuri, spontaniteti do të sjellë emocione të bukura, ndërsa në financa shmang shpenzimet e panevojshme.

Gaforrja
Intuita do të të ndihmojë të kuptosh më mirë njerëzit përreth. Në dashuri, partneri mund të ketë nevojë për më shumë vëmendje. Mos u përfshi në debate që nuk të sjellin asgjë të mirë. Mbrëmja është e përshtatshme për qetësi.

Luani
Përkushtimi yt mund të marrë vlerësimin që meriton. Në punë, mos ki frikë të tregosh aftësitë e tua. Në dashuri, përpiqu të dëgjosh edhe tjetrin dhe të mos lejosh krenarinë të krijojë distancë.

Virgjëresha
Organizimi do të të ndihmojë të përballosh detyrat e ditës. Megjithatë, mos u përpiq të kontrollosh çdo gjë. Në dashuri, një gjest i vogël mund të ketë shumë kuptim. Kujdesu për veten dhe mos e neglizho pushimin.

Peshorja
Marrëdhëniet personale do të jenë në qendër të vëmendjes. Një çështje që të ka shqetësuar mund të fillojë të marrë zgjidhje. Beqarët mund të kenë një njohje interesante. Në punë, bashkëpunimi do të jetë çelësi i suksesit.

Akrepi
Mund të ndjesh dëshirën për të ndryshuar diçka të rëndësishme në jetën tënde. Një ide e vjetër meriton të shqyrtohet përsëri. Në dashuri, emocionet do të jenë të forta, ndaj mos nxirr përfundime pa i ditur të gjitha të vërtetat.

Shigjetari
Optimizmi do të të ndihmojë të shohësh mundësi aty ku të tjerët shohin pengesa. Një lajm ose bisedë mund të të frymëzojë për një plan të ri. Në dashuri, lëri gjërat të rrjedhin natyrshëm, por mos harro përgjegjësitë.

Bricjapi
Puna dhe përkushtimi mund të japin rezultate konkrete. Mos u dekurajo nga vonesat e vogla. Në dashuri, është momenti të shprehësh më hapur atë që ndien. Në financa, planifikimi i kujdesshëm do të të japë më shumë siguri.

Ujori
Idetë origjinale do të të ndihmojnë të gjesh zgjidhje për një problem të vjetër. Një mik mund të të japë një këshillë të vlefshme. Në dashuri, ruaj ekuilibrin mes lirisë personale dhe afërsisë emocionale.

Peshqit
Ndjeshmëria dhe intuita do të jenë të theksuara. Në punë, beso te aftësitë e tua, por mbështetu edhe te faktet. Në dashuri, një bisedë e hapur mund të sjellë më shumë afërsi dhe mirëkuptim.

Rezarta Shkurta ka reaguar në rrjetet sociale pas komenteve që kanë qarkulluar për njohjen e saj me biznesmenin Ergys Agasi, emri i të cilit është përmendur së fundmi në kuadër të hetimeve të SPAK-ut.

Këngëtarja ka zgjedhur të publikojë një fotografi të vjetër nga koha e shkollës, për të treguar se me Agasin njihet prej vitesh. Sipas saj, ata kanë qenë bashkë që në kopsht dhe më pas kanë ndjekur të njëjtën shkollë deri në klasën e tetë.

Shkurta ka sqaruar se pas kësaj periudhe kanë pasur komunikime telefonike, edhe me familjarët e biznesmenit, për realizimin e disa seteve fotografike familjare. Ajo mohon, megjithatë, të jetë takuar personalisht me të që prej asaj kohe.

“Ergysin e njoh që nga kopshti dhe kemi qenë bashkë në shkollë fillore deri në klasën e tetë. Më vonë kemi komunikuar në telefon, bashkë me familjarë të tij, për realizimin e seteve fotografike familjare të familjes së tij. Megjithatë, prej asaj kohe nuk jemi takuar personalisht. Nuk e dija që për të pasur miq duhej edhe certifikatë pastërtie nga opinioni publik!”, shkruan këngëtarja.

Për të treguar se njohja e tyre daton që në fëmijëri, Rezarta ka publikuar edhe një fotografi të vjetër të klasës, ku shfaqet së bashku me ish-shokët e shkollës.

“Na u bë klasa e famshme. Quiz: Gjeni ku jam unë… dhe ku është Ergysi?”, përfundon ajo.

Lista Studentore siguroi shumicën parlamentare dhe i dha fund sundimit 12-vjeçar të Aleksandar Vuçiçit. Megjithatë, lëvizja nuk ka ende një drejtues të përcaktuar për qeverinë e re, ndërsa pikëpyetjet për politikën e brendshme dhe marrëdhëniet me Rusinë, Kinën dhe Bashkimin Evropian mbeten të hapura…

Serbia po hyn në një periudhë të re politike, pas humbjes në zgjedhjet e së hënës të Aleksandar Vuçiçit, i cili ka dominuar skenën politike të vendit për më shumë se një dekadë. Fitorja e lëvizjes studentore ka ndryshuar raportet e forcave, por ka krijuar njëkohësisht pasiguri për përbërjen dhe drejtimin e qeverisë së ardhshme.

Sipas organizatës së pavarur për monitorimin e zgjedhjeve CeSID, Lista Studentore siguroi 53 % të votave, ndërsa Partia Përparimtare Serbe (SNS) e Vuçiçit mori rreth 39 %, bazuar në numërimin e mbi 96 % të votave.

Këto rezultate i japin Listës Studentore 140 nga 250 vendet në Kuvendin e Serbisë, ndërsa SNS-së 103 mandate. Vendet e mbetura u takojnë partive të pakicave.

Pjesëmarrja në zgjedhje arriti afërsisht 70 për qind, niveli më i lartë që nga shpërbërja e Jugosllavisë në vitin 1992.
Humbja e Vuçiçit, i cili ka ushtruar funksionin e presidentit ose kryeministrit gjatë 12 viteve të fundit, nxiti festime në Serbi. Mbështetësit e opozitës e përshkruan rezultatin si një zhvillim që shumë prej tyre nuk e kishin konsideruar të mundshëm.

Përveç përmasave të fitores, shumë qytetarë u befasuan edhe nga shpejtësia me të cilën Vuçiçi pranoi humbjen. Para zgjedhjeve ekzistonte shqetësimi se ai mund ta kundërshtonte rezultatin, duke rritur rrezikun e përplasjeve ndërmjet mbështetësve të tij dhe atyre të lëvizjes studentore.

Lista Studentore u formua si pjesë e një lëvizjeje më të gjerë protestash, që mori hov pas shembjes së një strehe në stacionin hekurudhor të Novi Sadit në vitin 2024, ku humbën jetën 16 persona.

Ngjarja shkaktoi reagime të gjera publike dhe protesta kundër korrupsionit, mungesës së përgjegjësisë institucionale dhe mënyrës së funksionimit të administratës shtetërore.

Profesoresha Aleksandra Krstić, politologe në Universitetin e Beogradit, i cilësoi rezultatet si historike dhe befasuese.
“Njerëzit festuan deri vonë gjatë natës. Papritur ndihen të lirë dhe po kuptojnë se çfarë do të thotë liria. Por mbetet shumë punë për t’u bërë. Ende nuk e dimë se kush do të jetë kryeministër”, deklaroi ajo për The Telegraph.

Një shumicë parlamentare pa drejtues të përcaktuar
Megjithëse ka siguruar shumicën parlamentare, Lista Studentore nuk ka shpallur një kandidat për kryeministër dhe nuk ka përcaktuar se cilët përfaqësues do të marrin drejtimin e ministrive kryesore.

Lëvizja përfshin 250 kandidatë, shumë prej të cilëve kanë ndërtuar karriera në fusha të ndryshme profesionale, por kanë pak ose aspak përvojë në qeverisje.

Mes tyre është Dejan Soskiç, ish-guvernator i Bankës Qendrore të Serbisë, si dhe Ilija Srdanoviç, profesor i kardiologjisë nga Novi Sadi.

Në listë bëjnë pjesë edhe ish-basketbollisti i njohur Dejan Bodiroga, aktori Tihomir Staniç, i cili ka interpretuar në më shumë se 80 filma, këngëtari operistik Nikola Mikiç dhe avokati Feđa Dimoviç, themelues i një grupi hip-hop, këngët e të cilit kanë kritikuar prej vitesh korrupsionin.

Një tjetër kandidate është Estela Radonjić Zivkov, ish-zëvendësdrejtoreshë e Institutit për Mbrojtjen e Monumenteve të Kulturës. Konsulenti politik Radivoje Grujiç tha për Reuters se pasiguria kryesore lidhet me mënyrën se si lëvizja do ta ushtrojë pushtetin.

“Pasiguria më e madhe lidhet me atë se kush do ta drejtojë qeverinë, kush do të jenë ministrat kryesorë dhe si do t’i përmbushin premtimet për luftën kundër korrupsionit, rikthimin e shtetit të së drejtës dhe ripërcaktimin e pozicionit të Serbisë në politikën e jashtme”, deklaroi ai.

Reforma institucionale dhe largimi i zyrtarëve të administratës së mëparshme
Sipas profesoreshës Krstiç, një nga objektivat kryesore të lëvizjes studentore do të jetë rikthimi i funksionimit të pavarur të institucioneve dhe forcimi i besimit të qytetarëve te demokracia.

Ajo përmendi veçanërisht sistemin gjyqësor, median dhe arsimin si sektorë ku qeveria e ardhshme pritet të ndërmarrë ndryshime.

“Qëllimi kryesor i lëvizjes do të jetë rikthimi i institucioneve nën kontrollin e ligjit dhe rivendosja e besimit te demokracia, drejtësia, media dhe sistemi arsimor”, tha Krstiç.

Një tjetër çështje që pritet të marrë vëmendje është largimi i zyrtarëve të lidhur me administratën e mëparshme nga pozicionet drejtuese.

Krstiç e krahasoi këtë proces të mundshëm me ndryshimet institucionale në Hungari, pas përfundimit të qeverisjes 16-vjeçare të Viktor Orbánit në zgjedhjet e këtij viti.

“Kjo është ajo që kërkojnë studentët. Largimi i njerëzve të regjimit të mëparshëm do të jetë një nga përparësitë e tyre. Por kjo nuk mund të ndodhë brenda natës. Pas 14 vitesh qeverisjeje të fortë, procesi do të jetë i ndërlikuar”, theksoi ajo.

Politika e jashtme, një nga sfidat kryesore
Ndërsa programi i brendshëm i Listës Studentore përqendrohet te lufta kundër korrupsionit dhe reforma institucionale, qëndrimet e saj në politikën e jashtme mbeten më pak të qarta.

Fushata zgjedhore u zhvillua pothuajse tërësisht rreth problemeve të brendshme të Serbisë, duke lënë në plan të dytë marrëdhëniet me fuqitë ndërkombëtare.
Qeveria e ardhshme do të trashëgojë një politikë të jashtme të ndërtuar mbi ruajtjen e marrëdhënieve me Rusinë, bashkëpunimin ekonomik me Kinën dhe përpjekjet për integrim në Bashkimin Evropian.

Gjatë qeverisjes së tij, Vuçiçi mbajti lidhje të ngushta me Moskën, nxiti investimet kineze dhe, njëkohësisht, vazhdoi dialogun me vendet perëndimore për perspektivën evropiane të Serbisë.
Mbetet e paqartë nëse administrata e re do ta ruajë këtë qasje apo do të ndërmarrë ndryshime në orientimin diplomatik të Beogradit.

E rrëzuan Vuçiçin, por nuk kanë një lider; misteri
Moska paralajmëron për rëndësinë e marrëdhënieve me Serbinë
Rusia reagoi ndaj rezultatit zgjedhor duke vlerësuar Vuçiçin si një aleat të hershëm në Ballkan dhe duke shprehur pritshmëritë e saj për bashkëpunimin me udhëheqjen e ardhshme serbe.

Zëdhënësi i Kremlinit, Dmitry Peskov, tha se Moska shpreson që forcat e reja politike ta kuptojnë rëndësinë e marrëdhënieve me Rusinë, veçanërisht në sektorin energjetik, ku Serbia përfiton furnizime me çmime të favorshme.

“Sa i përket forcës së re politike që do të vijë në pushtet si rezultat i zgjedhjeve, shpresojmë që veprimet e saj të synojnë zhvillimin e mëtejshëm konstruktiv të marrëdhënieve dhe që këto forca ta kuptojnë se bashkëpunimi me Rusinë është në interes të Serbisë, sepse i sjell përfitime vendit”, deklaroi Peskov.

Ai shtoi se Moska synon të vazhdojë përpjekjet për forcimin e marrëdhënieve me Beogradin, por theksoi se bashkëpunimi kërkon angazhimin e të dyja palëve.
“Ne do të vazhdojmë të bëjmë gjithçka që mundemi për zhvillimin e marrëdhënieve tona me Beogradin. Por, siç e dini, për të kërcyer tango duhen dy veta”, u shpreh zëdhënësi i Kremlinit.

Fitorja e Listës Studentore shënon një ndryshim të rëndësishëm në politikën serbe. Megjithatë, formimi i qeverisë, përzgjedhja e drejtuesve të saj dhe përcaktimi i politikës së jashtme do të jenë çështjet e para që shumica e re parlamentare duhet të zgjidhë. /Përshtati Pamfleti nga The Telegraph/