Lajme Flesh

Analistja Anduena Llabani, e ftuar në një studio televizive, tha se brenda shkurtit mund të kemi një masë sigurie të vendosur ndaj kryebashkiakut Veliaj. Po ashtu Llabani tha se Ajola Xoxa është larguar nga Shqipëria bashkë me djalin në një vend të BE-së ndërkohë që dhe Arbër Veliaj nuk pranon të kthehet për të dhënë dëshmi në SPAK.

“Kemi pasqyrë të qartë. Veliaj është këtu, prezent, është njeri i lirë për momentin, po zhvillohen hetime ndaj tij. Janë 4 hetime, të cilat janë ngritur ndaj Veliajt.

Është e çuditshme fakti që sot që flasim vëllai i Veliajt nuk ndodhet në Shqipëri. Ka pasur disa kërkesa nga SPAK që ai të dëshmojë. Arbër Veliaj nuk është paraqitur, dihet që prej kohësh ai jeton në Austri, jka një shtëpi atje ku jeton atje prej vitesh. Duket që Arbër Veliaj i ka bërë bisht hetimit dhe nuk pranon të kthehet në Shqiëpri

Prokurorët me kërkesë të tyre dhe vendim të gjykatës, banesa e Arbër Veliaj ka pasur kërkesë për t’u kontrolluar e gjitha. Edhe për Erion Veliaj e ka bërë, pavarësisht se pati një lloj pengese për ta shmangur dhe për ta vonuar si proces, edhe për Arbër Veliaj ka pasur një urdhër për kontroll banese, çka e bën atë jo më pak të ndjeshëm ndaj hetimeve.

Edhe Ajola Xoxa nuk ndodhet në Shqipëri. Thuhet se është larguar bashkë me fëmijën në një vend të BE. Veliaj ka mbetur i vetëm përballë akuzave të supozuara të SPAK.

Brenda shkurtit mund të kemi masë.”

Të gjithë tashmë e dimë që Bleona Qereti është një mbështetëse e zjarrtë e presidentit Donald Trump

E përpos fushatës që ajo ka bërë në mbështetje të Trump në zgjedhjet e nëntorit, së fundmi artistja ka marrë pjesë në festimet e inaugurimit të tij. Ka qenë vetë Bleona ajo e cila në llogarinë e saj në “Instagram”, ka publikuar disa foto dhe video nga kjo festë.

“Momente ikonike për t’u çmuar përgjithmonë”, shkroi Bleona krah fotove të publikuara e veshur me një fustan gjysmë transparent!

Të martën përkujtohet 14 vjetori I vrasjes së 4 protestuesve më 21 janar të vitit 2011 dhe ë hetimet për zbardhjen e kësaj ngjarje po kryhen nga prokuroria e posaçme. Ish-kryeministri Sali Berisha u paraqit në zbatim të vendimit të gjykatës, nje dite para 21 janarit, por nuk iu përgjigj pyetjes nëse do shkojë të japë sqarime per vrasjet e 4 protestuesve në Bulevard.

“Njeriu që ka penguar hetimet e 21 janarit është vetëm organizatori i asaj ngjarje dhe ai ka një emër, ai quhet Edi Ramane të gjithë dokumentet. Dhe ka një deklaratë të asaj kohe të qeverisë amerikane, që kërkon të hetohet nga polici gjer tek organizatori.”

Me kete reagim Sali berisha tentoi te perjashtoje veten, por Hetimet për vrasjet e 21 janarit po zhvillohen në mënyrë intensive për zbardhjen e ngjarjes së ndodhur 14 vite më pare ku poshte zyres se tij mbetën të vrarë 4 persona. Sipas kreut të Spak Altin Dumani deri më tani po punohet me grumbullimin e provave, mbi hetimet që po zhvillohen për veprat penale të vrasjes në rrethana cilësuese, shpërdorim detyre dhe veprime që pengojnë zbulimin e së vërtetës. Drejtuesi i SPAK thotë se do të pyeten të gjithë personat për zbardhjen e 21 janarit përfshi edhe ata që janë kallëzuar në prokurori.

“Unë preferoj që të mbledh provat dhe të vë përballë dëshmitarët që do të merren në pyetje, por në rastin konkret është në dorë të prokurorit që po kryen hetime. Sigurisht që do të pyeten edhe personat që janë kallëzuar.”

Familjarët e viktimave të 21 janarit kanë kallëzuar në spak ish-kryemnistri Sali Berisha, ish-ministri I brëndshëm Lulzim Basha dhe ish-drejtues të lartë të Gardës së Republikës si përgjegjës për vrasjen e të afërmeve të tyre. Ishte gjykata e lartë që në marsin e kaluar urdhëroi spak të kryente hetimet dhe sipas kreut të spak hetimet janë thelluar dhe ne vijim do të ketë zhvillime.

“Në korrik kemi rregjistruar hetimet për 21 janari dhe janë kryer veprime intensive hetimore. Çështje është në fazën e hetimeve paraprak dhe zhvillimet do ia lemë kohës.”

Koha ne fakt ka rrjedhur dhe të martën mbushen 14 vjet. Megjithëse vrasësit u panë me zë dhe me figurë, ata u shpallën të pafajshëm nga drejtësia e vjetër. 21 janari po kthehet kështu jo thjesht në dosjen më të nxehtë të një krimi të padënuar, por edhe në provën e zjarrit të drejtësisë së re.

Detaje të reja në mësuar nga sherri mes disa vajzave në kompleksin Delijorgji në Tiranë. U raportua se e gjitha ka nisur pas një përplasje mes vajzave në Vorë, ku dy motrat Xhemile dhe Esma Verlaku shkuan për të bërë denoncimin në Komisariat, por në moment të fundit kanë ndryshuar mendjen.

Por motrat Verlaku, nuk e kanë mbyllur me kaq sherrin, pasi kanë shkuar për t’u takuar me Kasandra Canin.

Pasi janë përplasur fizikisht, derisa në një moment Kasandra Cani ka qëlluar me thikë motrat dhe më pas është larguar nga vendi i ngjarjes. Por edhe pse u largua nga vendi i ngjarjes, Cani e njohur për postimet provokuese në rrjetet sociale, u vendos në pranga nga uniformat blu pasi akuzohet për “plagosje të rëndë me dashje”.

Ndërsa dy motrat Vërlaku, po procedohen në gjendje të lirë, por sërish mbi to rëndojnë veprat penale: dëmtime me dashje dhe dhunim i banesës.

Mësohet se njëra prej tyre ka pasur një thikë dhe ka qëlluar Canin, ndërsa motra tjetër është futur për ti ndarë. Por po ashtu, edhe Cani ka marrë një thikë dhe ka qëlluar njërën prej vajzave, e cila aktualisht ndodhet në spital jashtë rrezikut për jetën.
Deri më tani nuk dihet shkaku i përplasjes mes vajzave që ishin shoqe me njëra-tjetrën, por nuk përjashtohet mundësia që arsyet e sherrit kanë qenë banale, të shtyra edhe nga fakti që të treja ishin nën efektin e alkoolit. Tashmë, pritet që të merret dëshmia e autores së plagosjes, e cila do të zbardhë më shumë detaje.

Ndërsa gjithashtu mediat shkruajnë se Kasandra Cani është e njohur në rrjetin social TikTok, ku shpesh herë publikon video provokuese.

Ndërsa policia e Shtetit, akoma nuk ka njoftuar zyrtarisht për ngjarjen duke e mbajtur të fshehtë.

Pasditja e sotme nuk ka qenë aspak e qetë për banorët e shtëpisë së “BBVA”. Sikurse çdo debat i ndodhur përditë mes tyre, një i tillë është regjistruar dhe sot mes Eglit dhe Xumit.

Ky i fundit, ka plasur keq ndaj Eglit duke e fajësuar për ndjenjat e tij të sinqerta që banorja ja ka hedhur posht

Ndër të tjera ai u shpreh kështu:“Do më vinte turp të të ulja ty me nënën time! Ti të merr në qafë, bespreme! Më more ndjenjën dhe e hodhe në kosh të plehrave, çfarë të bëra unë ty? S’të bëra asgjë! Më more gjënë më të bukur që ekziston.Ti je mbajtur me këmbalecat e të tjerëve gjithë jetën tënde. Ti je femër bespreme por mua më ka ruajtur i madhi Zot! Ti s’ke pasur kurrë fansa, kurrë, sepse je mbajtur me këmbalecat e të tjerëve! Ke pa atë dhe ke shkuar, se ka fansa ai.”

Ernest Sabato mbetet një ndër shkrimtarët më të mëdhenj të botës dhe në deje kishte gjak shqiptari. Sabato lindi më 24 qershor 1911 dhe u nda nga jeta në moshën 100- vjeçare, më 30 prill 2011.

Por ai nuk donte të vdiste pa parë Shqipërinë, vendin e origjinës së nënës së tij dhe mundësia i erdhi më 17 prill 1996. Ishte hera e parë dhe e fundit që personaliteti më i madh i kulturës botërore kishte ardhur në Tiranë, në tokën e Arbrit. Para se të merrte çmimin “Kadare”, shkrimtari Visar Zhiti, i solli një grusht dhe nga trualli i arbëreshëve të Italisë.

Gjatë qëndrimit në Tiranë ai u vendos në vilën e ish-diktatorit Enver Hoxha. Por sipas dëshmisë së kohës, ai as nuk arriti të flinte, sepse u zgjua në mesnatë dhe doli prej aty duke përfunduar në një nga hotelet e vjetra përreth qendrës së Tiranës së dikurshme. I pyetur për këtë arratisje, Sabato do të rrëfente se natën kishte parë hije nëpër shtëpi.

“Jam kthyer nga Shqipëria ku u nderova me çmimin “Kadare”. Isha i dërrmuar, por shkova atje për të respektuar atë vend të varfër e heroik, i cili e jepte për herë parë për mua atë çmim. Në qytetin e Tiranës m’u bënë nderimet më emocionuese në jetën time. Ky popull i vuajtur nga një tirani e egër, ku ende duken gjurmët e diktaturës: fytyra të prishura nga heqkeqja, bunkerë të përzishëm, me të cilët diktatori kishte mbushur vendin, më priti si një mbrojtës, si një mbret, si birin e saj të dashur. Në dorëzimin e këtij çmimi pati këngë dhe valle që s’do t’i harroj kurrë. Shkrimtari shqiptar, Visar Zhiti, më dorëzoi një urnë me dhé që e kishte sjellë nga vendlindja e nënës sime. Ai më tregoi një fletore që e kishte mbajtur fshehur në burg; me ca germa të vockla kishte kopjuar një tekst nga Kamy dhe fragmentin “Djalosh i dashur dhe i largët” nga libri im “Engjëlli i skëterrës”. Me lot në sy, më tha se për shumë vjet që kishte qëndruar si i burgosur politik në qelitë e errëta, çdo ditë lexonte këto faqe, fshehtas, që të mund të rezistonte. U trondita dhe u mallëngjeva njëherazi, që me fjalët e mia i paskësha shërbyer atij heroi nga të shumtët të tillë që banojnë në atë vend, sot përsëri në luftë…”.

Kështu e përshkruan në librin autobiografik “Përpara fundit” Sabato vizitën e tij në Tiranë në vitin 1996.

PREJARDHJA

Shkrimtari argjentinas me nënë shqiptare i cili me romanin e tij të parë “Tuneli” arriti njohjen ndërkombëtare duke e bërë atë një ndër shkrimtarët më të mirë në botë. “Nëna ime ishte shqiptare dhe fliste shqip. Ajo ishte si një perëndi për mua. Ajo ka jetuar gjithnjë me nostalgjinë e të parëve të saj. Gjithmonë fliste shqip me të vëllain e saj. Madje edhe sot më kujtohen disa fjalë shqip që kanë të bëjnë më bukën, shtëpinë… Ajo rridhte nga një familje e vjetër e vendosur në Kalabri, në “Magna Grecia” siç quhej atëherë, fill pas vdekjes së Skënderbeut, në fshatin San Martino” shkruante shkrimtari Sabato.

JETA

Ernesto Sábato ka lindur në Rojas, provincia de Buenos Aires në Argjentinë më 24 qershor, 1911. Nëna e tij Juana Maria Ferrari rridhte nga një familje arbëreshe e Italisë, ndërsa babai i tij, Franciso Sabato, po ashtu ishte nga Italia. Ata kishin njëmbëdhjetë fëmijë, të gjithë djem. Ernesto ishte fëmija i dhjetë i familjes Sábato. Ditën që lindi, vëllau më i madh vdiq dhe e ëma e pagëzoi Ernesto sipas vëllait të tij. Ai kreu shkollën e mesme më 1928 dhe u regjistrua në Universidad de La Plata, ku studioi fizikë dhe matematikë. Në vitin 1930 ai iu bashkua partisë komuniste dhe në atë kohë takoi Matilde Kusminsky Richter, që atëherë ishte shtatëmbëdhjetë vjeç. Të dy lanë familjet dhe studimet dhe filluan të jetojnë bashkë. Ernesto përdorte një emër konspirativ dhe ishte mjaft aktiv në parti. Në vitin 1933 ai u bë sekretar i Rinisë Komuniste, por po fillonte të zhgënjehej me partinë dhe kishte dyshime. Më 1934 ishte dërguar si delegat në Bruksel në Kongresin kundër fashizmit dhe luftës, prej aty duhej të udhëtonte për Moskë për një periudhë ‘spastrimi’. Në Bruksel Ernesto kuptoi natyrën e vërtetë të partisë komuniste dhe iku në Paris, ku jetoi i fshehur pasi partia po e kërkonte. Pa miq dhe pa para, ai fillon të shkruajë romanin e tij të parë.

RIKTHIMI

Në vitin 1935 Sabato kthehet në Argjentinë ku martohet me Matilden dhe vazhdon studimet në Universidad de La Plata. Në vitin 1938 doktoron në fizikë dhe fiton bursë për të hulumtuar rrezatimin atomik në Laboratorin Curie në Paris. Matilde dhe djali i tyre, Jorge Federico shkojnë me të. Gjatë qëndrimit në Francë ai vazhdon të shkruajë dhe të pikturojë. Më 1939 bursa iu transferua për Massachusetts Institute of Technology. Ai kthehet në Argjentinë dhe fillon të ligjërojë matematikë dhe fizikë në Universidad de La Plata. Ftohet t’i bashkohet revistës Jugu, ku takohet me Jorge Luis Borges dhe të dy bëhen miq. Më 1941 fillon të shkruajë për gazetën La Nacion. Në vitin 1943 ai kalon një “krizë ekzistenciale” dhe vendos të lërë shkencën dhe t’i përkushtohet krejtësisht vetëm shkrimit dhe pikturimit. Jep dorëheqje nga universiteti dhe bashkë me familjen zhvendoset në male (Provincia de Cordoba).

Fillon të shkruajë dhe shpejt përfundon librin Njëshi dhe gjithësia, që u botua më 1945. Në këtë libër Sábato haptas mohon shkencën dhe racionalen. Fiton çmime dhe nderime për këtë libër.

KRIJIMTARIA

Roman i parë i Ernesto Sabato “Tuneli” botohet më 1948. Më 1951 botohet libri tjetër “Njerëz dhe dhëmbëzorë”, me refleksione për paratë, arsyen dhe kalueshmërinë e kohës, një studim për konceptet e botës dhe jetës moderne duke filluar nga Renesansa. Në vitin 1953 botohet libri Heterodoxia, që është definuar si fjalor i njeriut në krizë. Më 1955 bëhet drejtor i gazetës Mundo Argentino. Në këtë kohë Argjentina ishte në trazira politike. Më 1956 botohen dy librat më kontraverse të Sábatos: “El otro rostro del Peronismo” (Fytyra tjetër e peronizmit) dhe “Torturas y Libertad de Prensa” (Torturat dhe liria e shtypit). Në vitin 1961 boton romanin e tij të dytë “Sobre héroes y tumbas” (Mbi heronjtë dhe varrezat), një studim psikologjik i njeriut i thurur me idetë filozofike të botuara më parë në librat e tij me ese. Kapitullin “Raport për të verbrit” shumë studiues e quajnë kryevepër të letërsisë botërore.

Në vitin 1971 fillon të shkruajë për gazetën La Opinion. Në vitin 1973 boton romanin e tretë “Abaddón, el exterminador” (Abadon, engjëlli i shkatërrimit), një libër për vizionin apokaliptik të botës moderne dhe për triumfin e të keqes.

VLERËSIMI

Në vitin 1977 Italia i akordon çmimin “Medicci”, ndërsa më 1978, në Spanjë e dekoron me urdhrin Gran Cruz de la Orden al Mérito Civil. Më 1984 presidenti i Argjentinës Raúl Alfonsín e emëron kryetar të Comisión Nacional sobre la Desaparición de las Personas (CONADEP), (Komisioni Kombëtar për Personat e Zhdukur), komision që ka hulumtuar rastet e personave të zhdukur gjatë diktaturës ushtarake në Argjentinë. Libri Nunca Más (Kurrë më) në të cilin jepen dëshmitë e atyre që shpëtuan dhe të dëshmitarëve të zhdukjes dhe vrasjes së më se njëzetmijë njerëzve, është botuar si rezultat i hulumtimit të këtyre tragjedive. Organizata e Shteteve Amerikane (O. A. S.) i jep çmimin Gabriel Mistral, ndërsa mbreti i Spanjës, Huan Karlos, e dekoron me çmimin Miguel de Cervantes. Dekorohet prapë nga Italia më 1985 me Urdhrin për Merita dhe më 1987 Fransoa Miteran, kryetar i Francës e dekoron me gradën Komandant i Legjionit të Nderit. Ka marrë gradën “Doktor nderi” (Honoris causa) nga Univeristeti Murica, Spanjë, Universidad de Rosario, Argjentinë, Universidad de Campinas, Brazil, Universidad del Litoral, Santa Fe, Università degli Studi di Torino, Itali Më 1995 në Shqipëri merr titullin Ismail Kadare, të ndarë nga fondacioni Velija. Vdiq në shtëpinë e tij në Argjentinë, më 30 prill 2011 në moshën 99 vjeçare./Gazeta Panorama

Ajo orë me parë ka publikuar një moment teksa është duke e parë ‘Big Brother’, shkruan “Kosovarja”.

Në transmetim ishin Gjesti dhe Egli e ndjekësit e shikuan këtë si detaj të rëndësishëm, duke u shprehur se edhe Sara po e simpatizon lidhjen e tyre.

Si e komentoni këtë veprim nga drejtuesja?

Aktori shqiptar dhe banori i Big Brother Vip Albania 4, dhe Laert Vasili ka bërë një deklaratë skandaloze për banorin nga Kosova, Besart Kelmendi, i njohur me nofkën “Gjesti”.

Teksa po bënte një bashkëbisedim me Danjën, kjo e fundit u ankua te Laerti për Gjestin pasi sipas saj, ai po i lë pa gjumë.

E Laerti ia ktheu “nuk ka zgjidhje deri dikush të çohet ta vrasi”.

Kujtojmë që dyshja kishin përplasje në të dy ‘primet’ e fundit, e një ndër arsyet ishte patriotizmi i rremë sipas Gjestit nga Laerti.

Pas kësaj deklarate, komentues të shumtë kanë reaguar ashpër duke kërkuar masa nga produksioni dhe zarf të zi për aktorin shqiptar.

Video Player

Në shtëpinë e “Big Brother Vip Albania 4” po vazhdon rubrika me pyetje për të nominuarit, të cilët janë Egli dhe Xumi.

Teksa banoret i bëjnë pyetje Eglit, në një moment situata agravon dhe Xumi shpërthen me ofendime.

Në këtë video dëgjohet duke u shprehur në gjuhë fyese ndaj Gjestit.

Nuk dihet nëse produksioni do marrë masa për këtë gjuhë denigruese.

VIDEO

Analisti Kreshnik Spahiu, komentoi sot në “Top Story” retorikën e Donald Trump në fjalimin e tij të parë sot si president i 47-të i Shteteve të Bashkuara të Amerikës.

Spahiu u shpreh se Trump do të dëbojë qindra shqiptarë që presin të marrin një ‘green card’ dhe do të detyrohen të ndahen nga familjet e tyre.

“Kam disa pikëpyetje që lidhen me diskursin politik të Trump dhe fjalën e tij sot. Askush nuk mund të parashikojë politikën e jashtme të Trump por do thoja disa pika.

E para ndaj një keqardhje me ata qindra shqiptarë që do jenë subjekt i depërtimit nga SHBA. Unë jam me ata qindra shqiptarë që do detyrohen të ndahen nga familjet e tyre në pritje të dokumenteve.

E dëgjova me interes që përmendi planetin Mars por jo kontinentin Europë. Ai kërkon një rend të ri botëror ku rrezikojmë që as Europa të mos hyjë në axhendën e tij prioritare.

Mandati i dytë i Trump po legjitimon diskursin për korrigjim kufijsh.”-u shpreh ndër të tjera Spahiu.