Lajme Flesh

Edhe shumë pak ka mbetur nga nisja e spektaklit më të ndjekur në Shqipëri e jo vetëm, “Big Brother VIP”. Që me mbarimin e edicionit të tretë, kurioziteti i publikut ka qenë i jashtëzakonshëm.

Tre edicione mjaft të suksesshme të “Big Brother VIP” deri më tani me banorë mjaft të spikatur, që kanë përcjellë tek publiku emocione të forta, e tashmë jemi ‘sy e veshë’ për edicionin e katërt, i cili nis sonte në orën 21:15.

Deri më tani faqja zyrtare e Instagramit të “BBV4” ka publikuar disa video të banorëve të këtij edicioni, ku shfaqen në mënyrë misterioze duke mos zbuluar fytyrën e kështu identiteti i tyre ka ngjallur spekullime nga ndjekësit duke hamendësuar se kush mund të jenë personazhet që shfaqen në video.

Ditën e sotme është publikuar një tjetër video në profilin zyrtar të Instagramit të “BBV4”, ku shfaqen dy persona të kapur dorë për dore e mesa duket do të futen si një personazh i vetëm.

Për të zbuluar të vërtetën na mbetet vetëm të presim mbrëmjen e sotme.

https://www.instagram.com/reel/DDze7TUsg4S/?utm_source=ig_embed&ig_rid=247e5be6-8499-499e-937b-931ba336fd11&ig_mid=4192C967-69F5-4EF6-8366-699FF0A29AAB

Një aksident i rëndë u regjistrua këtë të premte në Fivizzano të Italisë, ku u përfshi një ambulancë.

Sipas të dhënave, ambulanca me shpejtësi të lartë u përplas me një mur dhe për pasojë humbi jetën pacienti i moshuar, teksa u plagosën dhe 3 anëtarët e stafit.

Një vullnetar 50 vjeç u transportua me helikopter në spitalin e Pizës për ndihmë mjekësore më të specializuar.

Policia ka shkuar në vendngjarje dhe po punon për zbardhjen e shkaqeve të aksidentit.

Tashmë ikona e muzikës shqiptare Parashqevi Siamku është bashkuar me nipin e saj, djalin e vëllait në SHBA.

Në një video të publikuar nga biznesmeni Elton Ilirjani, i cili strehoi këngëtares, shfaqet edhe nipi i saj, Ani Simaku, i cili shprehet se po qëndron bashkë me hallën e vetë (Parashqevinë) në New York.

Ndër të tjera Ani Simaku thotë se “hallën e gjeta në gjendje shumë të mirë”, ndërsa shpreh falënderimit për Ilirjanin në emër të gjithë familjes Simaku.

Elton Ilirjani: Ani si je?

Ani Siamku: Mirë!

Elton Ilirjani: Unë jam Elton Ilirjani! U takuam së bashku në New York, ishim njohur virtualisht. Si e gjete Parashqevinë?

Ani Siamku: Parashqevinë e gjeta në gjendje shumë të mirë. Jam shumë i kënaqur me ju. Ju falënderoj jashtë mase.

Elton Ilirjani: Ku qëndron Parashqevia dhe me kë qëndron?

Ani Siamku: Unë jam bashkë me hallën, jemi shumë të kënaqur.

Elton Ilirjani: Sot çfarë do bëjmë?

Ani Siamku: Sot do hamë në një restorant të mirë.

Elton Ilirjani: Hallën e gjete mirë? Nuk është marrë peng nga unë ?

Ani Siamku: Jo, jo! Ju falënderojmë shumë. Flas në emër të familjes Simaku. Ka një mesazh për ata që sulmojnë , nuk kanë çfarë të bëjnë, nga zilia.

Elton Ilirjani: Të dashur miq, sidomos ju që flisni keq, Parashqevia është me nipin e sa

Top Channel

Një ekip ndërkombëtar, i koordinuar nga Këshilli Kombëtar i Kërkimeve, Instituti i Gjeologjisë Mjedisore dhe Inxhinierisë Gjeoteknike (CNR-IGAG) – dhe nga Departamenti i Studimeve Humanistike i Universitetit të Ferrarës, në bashkëpunim me Institutin e Arkeologjisë Shqiptare, ka zbuluar vendin e parë neandertalian të dokumentuar në Shqipëri. Zbulimi, i bërë në zonën Dalani i Vogël, në bregdetin Adriatik në zonën e Vlorës, përfaqëson një hap të rëndësishëm në studimin e Kuaternarit dhe në kuptimin e dinamikave të mbijetesës së Neandertalëve të fundit në Europë.

Dalani i Vogël, i ruajtur brenda depozitimeve lumore të ekspozuara nga erozioni detar, është identifikuar nga studiues vendas dhe iu nënshtrua hetimeve të thelluara falë një qasjeje ndërdisiplinore. Studimi, i publikuar së fundmi në revistën Quaternary Science Reviews, përfshinte analiza mikrobotanike, mikropaleontologjike, gjeologjike dhe arkeologjike. Të dhënat e mbledhura mundësuan rindërtimin e evolucionit mjedisor të zonës gjatë 40.000 viteve të fundit, duke zbuluar një panoramë të detajuar të kushteve klimatike dhe burimeve të disponueshme gjatë epokës kur Neandertalët populluan rajonin.

Falë metodës së datimit OSL (Lumineshencë e Stimuluar Optikisht), pra teknikës që përdoret për të përcaktuar moshën e materialeve sedimentare ose minerale që përmbajnë kokrra të ndjeshme ndaj dritës, depozitimi që përmbante vegla guri të copëtuara është daton pak më shumë se 40,000 vjet më parë. Analizat e polenit fosil kanë bërë të mundur identifikimin e një mjedisi të karakterizuar fillimisht nga bimësi e hapur, që evoluoi në një stepë në fund të glaciacionit të fundit. Ky kontekst mjedisor, i pasur me burime ushqimore, mund të ketë ofruar strehim për Neandertalët në Ballkanin jugor deri në zhdukjen e tyre përfundimtare nga Evropa.

Sipas Profesor Marco Peresani, koordinatori i kërkimeve pranë Departamentit të Studimeve Humanistike të Universitetit të Ferrarës, i ndihmuar nga Doktor Davide Delpiano, “Rëndësia e Dalanit të Vogël qëndron në faktin se është vendi i parë neandertalian në Shqipëri i dokumentuar, i datuar dhe i studiuar me metoda moderne dhe multidisiplinare.” Për më tepër, ky vend konfirmon se në Ballkanin jugor burimet ushqimore të vazhdueshme gjatë momenteve kritike të Pleistocenit kanë mbështetur grupet neandertaliane në një lloj zone strehimi.

Zbulimi është rezultat i më shumë se një dekade kërkimesh të kryera në kuadër të iniciativave të ndërkombëtarizimit të financuara nga Unife. Kërkimet, të zhvilluara në bashkëpunim të ngushtë me Departamentin e Parahistorisë të Institutit të Arkeologjisë pranë Akademisë së Studimeve Shqiptare, kanë parë kontributin e rëndësishëm të Profesor Ilir Gjipali dhe Doktor Rudenc Ruka.

Kërkimet në vendin e Dalanit të Vogël do të vazhdojnë me gërmime të tjera arkeologjike dhe studime të thelluara mbi shpellat e jugut të Shqipërisë. Këto projekte premtojnë të zgjerojnë më tej njohuritë mbi rolin e Ballkanit si zonë strehimi për Neandertalët dhe mbi procesin e tranzicionit drejt ardhjes së sapiensëve të parë në Evropë.

Një ngjarje tragjike ka ndodhur të enjten në një shtëpi në Shtërpcë, ku një grua u gjet e vdekur dhe sipas informacioneve të para dyshohet se i dha fund jetës.

Viktima po dyshohet se bëri vetëvrasje pas një feste familjare, për motive dhe në rrethana akoma të paqarta.

Bëhet fjalë për një grua 34-vjeçare, e cila bazuar në dëshminë e familjes ka qenë në pritje të ëmbël, në muajin e katërt të shtatzënisë.

Vdekjen e saj e ka konstatuar ekipi mjekësor në vendin e ngjarjes dhe trupi është tërhequr për t’u dërguar në IML për obduksion.

E ndjera dyshohet se i dha fund jetës me armë zjarri, brenda shtëpisë së tyre.

Njësitë policore kanë kryer ekzaminimet e nevojshme, teksa akoma nuk dihet motivi që çoi viktimën drejt këtij akti të rëndë.

Me urdhër të Prokurorit të Shtetit, është iniciuar hetimi për zbardhjen e këtij rasti

Bazuar në informacionet e para, pas ekzaminimeve nga ana e mjekëve janë vërejtur hematome në trupin e të ndjerës.

Bashkëshorti i saj e ka njoftuar Policinë dhe ekipin mjekësor se bashkëshortja e tij ishte në pritje të ëmbël, në muajin e katërt të shtatzënisë.

Njësitë policore kanë kryer ekzaminimet e nevojshme në vendin e ngjarjes, ku edhe është sekuestruar arma që dyshohet se u përdor nga viktima.

Një autobus që transportonte turistë u përplas me një furgon pasagjerësh pranë Rovaniemit në Finlandën veriore.

Nga aksidenti ka humbur jetën dy persona dhe janë plagosur 37 të tjerë.

Një përfaqësues i qendrës rajonale të urgjencës konfirmoi se në autobus ndodheshin turistë të huaj, por nuk bëri të ditur kombësinë e tyre.

Dy automjetet u përplasën kokë më kokë rreth 25 kilometra jashtë Rovaniemit.

Dukshmëria në zonë ishte e kufizuar për shkak të reshjeve të mëdha të borës.

Rovaniemi është një destinacion i njohur turistik, veçanërisht në këtë periudhë të vitit, pasi në periferi të tij ndodhet i famshëm “Fshati i Babagjyshit”.

“Golat e Arnautoviçit dhe Asllanit janë një sinjal shumë i rëndësishëm për mua dhe për të gjithë grupin”. Kështu e nis analizën e tij për “Sportmediaset” trajneri Simone Inzagi.

“Ishte një ndeshje e rëndësishme që duhet ta fitonim patjetër. Kur unë them që kam 25 titullarë, është sepse e mendoj vërtet. Pastaj duhet të bëj disa zgjedhje për të mirën e Interit. Kemi bërë një ndeshje serioze sepse kishim shumë për të humbur. E rëndësishme është që e interpretuam ashtu siç duhet”, tha fillimisht trajneri.

Eliminimi i vitit të kaluar shërbeu si një mësim? E kemi thënë që në fillimin e sezonit. E dimë që ka shumë vështirësi, por kam fatin që po punoj me një grup djemsh të jashtëzakonshëm dhe duhet të vazhdojmë kështu. Për 4 ditë kemi ndeshje sërish dhe në 28 po ashtu. Kemi edhe Superkupën, por po marr sinjale pozitive.

Sa e rëndësishme është të ndryshosh kaq shumë lojtarë, por jo lojën? Jemi duke u përmirësuar nga dita në ditë. Të hënën kemi fituar një ndeshje të madhe, por e analizova sepse mund të bënim më mirë. Sot kishim një rival me vlera dhe bëra 8 zëvendësime. Në fushë nuk ranë në sy. Udineze kishte mesfushën që luajti në kampionat. Skuadra ime ishte e përqendruar deri në fund.

Sa i lumtur jeni me përgjigjet në fushë nisur nga fakti që Atalanta dhe Napoli po bëjnë mirë? Ne jemi duke vrapuar, por të njëjtën gjë po bëjnë edhe skuadrat e tjera. Është një kampionat i hapur dhe jo si ai i viteve të fundit ku një apo dy ekipe kanë dominuar. Dëshira ime është që t’i kem të gjithë lojtarët në dispozicion. Kemi disa probleme mbrapa sepse prej një muaji mungojnë Pavar dhe Açerbi. Kërkova një sakrificë nga Bastoni dhe Bisek. Të gjithë po japin garanci.

Në golin e parë dy sulmuesit kanë lëvizur në stërvitje, apo ishte instikt? U treguan të zotët. Nuk ka asgjë për skemë sepse Taremi e shpiku asistin. Arna bëri një lëvizje të zgjuar dhe kjo nuk mësohet në stërvitje. Janë lojtarë me eksperiencë dhe nuk befasohen. Të gjithë sulmuesit duhet të vazhdojnë kështu.

Kreu i Partisë Demokratike Sali Berisha ka zbuluar detaje nga skenari që ka përgatitur opozita për protestën e radhës që do të mbahet më 23 dhjetor. Berisha i ftuar në emisionin ‘Debat’ në A2 CNN, deklaroi se të hënën do të ketë marshim dhe bllokim, teksa paralajmëroi surpriza dhe tronditje gjatë kësaj proteste.

“Marshim dhe bllokim më 23 dhjetor. Do të jem aty ku janë qytetarët. Qytetarët mezi presin të rrëzohet qeveria. Ka presion ndaj tyre. Të zvarrisësh një ish-president, një ish-kryeministër pa asnjë akuzë, është akt terrorizues, më i madhi pas ekzekutimit të një personi. Njerëzit kanë një urrejtje ndaj tyre. Kanë ca video që shpërndajnë, pa asnjë impakt. Ministret bëjnë raporterin, dhe atë se bëjnë dot. Nuk vijnë në asnjë debat. Debatet në studio janë të domosdoshme, por ato nuk vijnë. Parashikojmë një protestë të fuqishme. Skenari i saj është i fuqishëm. Ka tronditje të madhe brenda”, u shpreh Berisha.

Florina Cani, nëna e 14-vjeçarit të vrarë me thikë në afërsi të shkollës “Fan Noli” në Tiranë, ka dhënë një intervistë televizive, ku ka shprehur dhimbjen e saj të thellë për humbjen e të birit.

Ajo theksoi se faji për këtë ngjarje të rëndë i takon shkollës, pasi nuk ishte njoftuar për sherrin që dy adoleshentët kishin pasur vetëm disa ditë para tragjedisë.

Florina Cani theksoi se as mësuesja kujdestare dhe as drejtoria e shkollës nuk e kishin kontaktuar për të lajmëruar për incidentin mes fëmijëve dhe për t’i ofruar mbështetje.

Ajo u shpreh se, madje, as nuk e kishin ngushëlluar pas humbjes së të birit. Sipas saj, kur ata e kanë kontaktuar pas një jave, pasi kishte ndodhur ngjarja e rëndë, ajo nuk ka pranuar të komunikojë me ta.

Dhimbja dhe zhgënjimi i Florinës ishte i madh, duke theksuar se nuk kishte marrë asnjë vëmendje apo mbështetje nga shkolla pas tragjedisë që ndodhi me të birin.

Kënga “E duam lumturinë” e Parashqevi Simakut me kompozitor Pirro Çako dhe tekstshkrues Agim Doçin, ka ekzistuar në kanalin “YouTube” prej më shumë se 9 vitesh, e ngarkuar në një kanal jozyrtar nga persona anonimë dhe të paautorizuar, me plot gati 6 milionë shikime, e ku të shumtë ishin ata që riktheheshin herë pas here për ta dëgjuar. Shumë njerëz ju rikthyen ta dëgjonin edhe tani që Parashqevi Simaku u shfaq sërish. Por ngjalli shumë debat në rrjet fakti që Pirro Çako e ka fshirë nga Youtube këtë këngë, por kantautori e ka bërë për një qëllim.

Ai ka fshirë këngën e hedhur në mënyrë abuzive nga persona që nuk kanë patur të drejtat e autorit, në mënyrë që ta regjistroj sërish.

Për më tepër tani më që Parashqevi Simaku u gjet ai dëshiron që këngën ta hedhin në kanalet e tyre zyrtare me shpresë që edhe Parashqevia të ketë mundësi të hapë kanalin e saj zyrtar. Nga ky ripublikim edhe Parashqevia do të fitojë atë që i përket. Ndonse pritet që kënga të rikthehet sërish, në mënyrë korrekte me të drejtat autoriale që i përkasin Pirro Çakos dhe Parashqevi Simakut, pasi personi që ka publikuar këngën abuzivisht nuk mund të përfitonte më në kurriz të tyre.