Ngjarje tragjike në Maqedoninë e Veriut! Humbin jetën në aksident tre mjekë të njohur.
Sot, e premte, 4 tetor, është ditë zie në Prilep, pasi dje ndërruan jetë tre punonjës mjekësor, në një aksident të rëndë trafiku në rrugën Prilep-Manastir.
Në aksident kanë vdekur: radiologu Aleksandar Risteski, gjinekologu Nikolla Vasileski dhe Fançe Jovanoska, teknologe radiologjike.
Këshilli i Komunës së Prilepit vendimin e ka marrë mbrëmë në seancë të jashtëzakonshme.
Sot flamujt në Komunë janë vendosur në gjysmështizë, ndërsa të gjitha aktivitetet kulturore dhe sportive janë shtyrë për ditën e nesërme.
“Prilepi dhe Maqedonia humbën specialistë të lartë mjekësorë, njerëz të shquar dhe të respektuar, qytetarë të përkushtuar dhe të përgjegjshëm, të cilët shpëtuan mijëra jetë njerëzore dhe ndihmuan shumë njerëz me specialitetin e tyre, por humbën jetën, duke udhëtuar pikërisht në vendet e tyre të punës në Manastir për të ndihmuar njerëzit e tjerë. Prilepi do ta kujtojë përgjithmonë Aleksandar Risteski, Nikolla Vasileski dhe Fançe Jovanoska, të cilët do të jenë pikëllimi ynë i përjetshëm”, thanë kryetari i Komunës së Prilepit, Borçe Jovçeski pas vendimit të Këshillit që sot, e premte, 4 tetor, të jetë ditë zie në Prilep.
Ish-burri i një gruaje 40-vjeçare tentoi t’i rrëmbejë nga krahët e ëmës fëmijën e tyre katër vjeç. Në ato momente gruaja tentoi ta pengonte dhe ai e goditi me grusht.
Ngjarja që u fiksua në kamera ka ndodhur në Hania të vendit fqinjë Greqi, raporton noa.al.
Tv shtetëror ERT nxori sot pamjet e dhunës që ndodhi më 13 shtator para bashkisë, ndërsa të hënën nis gjyqi ndaj protagonistit të ngjarjes.
Në video, ish-bashkëshorti i punonjëses së bashkisë tenton të rrëmbejë nga krahët e nënës fëmijën e tyre katërvjeçar për ta çuar – siç pretendonte ai – në shkollë.
Gruaja ka tentuar ta pengojë dhe më pas ai e ka goditur ashpër.
Në video, duket se 40-vjeçari kishte parkuar më herët makinën e tij jashtë Bashkisë, më pas kishte dalë dhe priste momentin kur ish-bashkëshortja e tij do ta çonte në shkollë djalin e tyre katërvjeçar.
Në video shihet qartë se kur babai afrohet dhe përqafon fëmijën e tij, nëna nuk ndërhyn, përkundrazi, i jep kohë babait të flasë me të.
Kur 40-vjeçari merr fëmijën për dore dhe nis të largohet – jo në trotuar, por në rrugë – nëna e 4-vjeçares tenton ta marrë fëmijën.
Më pas shpërthen ngjarja e dhunës me 40-vjeçarin, duke tërhequr fillimisht për dore fëmijën duke shkelmuar dhe goditur ish-bashkëshorten, ndërsa më pas fëmija gjendet i shtrirë pranë rrotave të një makine që kalonte, e cila fatmirësisht nuk ka qenë me shpejtësi.
Traumatike, por edhe e rrezikshme për integritetin fizik dhe mendor të episodit të vogëlushit, e gjitha mori fund sajë ndërhyrjes së zyrtarëve lokalë.
Një 23-vjeçar ka vdekur pasi ka kryer ndërhyrje estetike të njëpasnjëshme. Ndërkohë bashkëshorti i saj dënon kirurgun që shkaktoi humbjes e jetës së vajzës me operacionin shtatë orësh pasi e kishte bindur se duhet të kryente dhe ndërhyrjet shtesë përveç asaj që kërkonte fillimisht.
Gjithashtu brazilianja Viviane Lira Monte kishte rënë dakord për trajtimin me kirurgun që gjeti në rrjet por pësoi atak kardiak fatal, dhe tashmë policia po heton vdekjen e saj si të dyshimtë. Viviane kreu operacionin çnjerëzor në fund të gushtit në Ceara, në brigjet lindore të Brazilit. Ajo kishte pranuar të kryente njëkohësisht reduktim të gjoksit, të barkut, të krahëve, në kurriz dhe nën mjekër.
Por pas operacionit ajo ishte lejuar të kthehej në shtëpi pas 15 orësh, por shëndeti i saj nisi të përkeqësohej shpejt. Familjarët e Viviane thonë se ajo ishte në dhimbje të rënda dhe u detyruan ta dërgonin në spitalin lokal. Ajo u vendos në repartin e kujdesit intensiv por vdiq nga ataku kardiak pas 20 ditësh në kujdes intensiv.
“Ajo nuk u rekuperua kurrë, kishte inflamacion dhe infeksione nga kirurgjia. Nuk merrte dot frymë por ata e mbanin në jetë në intubim. E pamë teksa vdiste ngadalë. 22 ditë vuajtje pa asnjë lajm të mirë. Çdo ditë na fliste me zë gjithnjë e më të dobët, ajo e dinte se po vdiste”, tha bashkëshorti i saj Renan Santiago.
Santiago fajëson kirurgun egoist që kishte joshur Viviane të bënte më shumë kirurgji nga sa kishte nevojë, duke i ofruar ulje për të bërë sa më shumë nderhyrje, sikur të ishte duke shitur artikuj supermarketi.
“Ajo shkoi te kirurgu për të bërë vetëm ndërhyrjen e barkut, por ai e bindi të bënte gjëra të tjera, i tha se kishte nevojë për të holluar krahët, kurrizin e të tjera. Kur ajo u kthye nga konsultimi i parë, më tha se do të bënte gjëra të tjera pasi doktori i dha një çmim të mirë dhe e siguroi se çdo gjë do të funksiononte”, tha ai.
Santiago thotë se kirurgu, i cili është paguar 42,000 dollarë për ndërhyrjen, është zhdukur pasi Viviane nisi të vuante pasojat.
“Ai e pa që gjërat po përkeqësoheshin dhe ka shkuar në Rio de Janeiro. E braktisi pa i dhënë asnjë ndihmë. Kur e kontaktova për t’i thënë se ishte në reanimacion, ai tha se do të ishte në rregull, dhe se ishte vetëm çështje kohe. Familja thotë se kjo është një padrejtësi, edhe pse ata thanë se kishte ardhur për ta vizituar në spital disa orë para vdekjes,” tha më tej Bashkëshorti.
Një modele e njohur e rrjetit nga Queensland mburrej në një nga postimet e saj se kishte ushqyer një krokodil me një pulë të plotë të pjekur, por është detyruar të kërkojë falje për aktin e rrezikshëm.
Jayli Bonow përballet me gjobë prej $26,000 për videon tashmë të hequr nga rrjeti ku ajo mburrej se kishte ushqyer një krokodil të ujërave të kripura të lumit Russell në veri të Queensland.
Në videon 46-sekonda të gjatë zonjusha Bonow ulet në breg teksa krokodili i majmë e shikon, teksa më pas thotë: “Mendova se ishte mirë të merrja një pulë të pjekur e t’ia jepja një prej krokodilëve”.Ndërsa më pas ajo komenton se ‘sa bukur është të shikosh zvarranikun gjigant që e gëlltit pulën me një kafshatë’.
Por video e Bonow tërhoqi vëmendjen e “ministrisë së mjedisit, shkencës e inovacionit”, siç quhet entiteti përgjegjës, të cilët nisën të hetonin.
Ushqimi krokodilëve në Australi përbën rrezik për vizitorë të tjerë dhe rrit shanset e sulmeve ndaj njeriut, tha një zëdhënës i ministrisë, teksa cilësonte dhe penalizimet e mundshme për shkelësit.
“Prandaj gjobat janë rritur së fundmi për sjellje të tilla që mund të rrezikojnë jetën e njerëzve, pasi ushqimi i qëllimshëm këtyre kafshëve është diçka e papërgjegjshme”.
Në shtator zyrtarët në Queensland rritën gjobat maksimale për ngacmimin apo ushqimin e krokodilëve nga rreth $6,000 në $26,000, shkruan rrjeti Daily Mail.
Modelja Bonow, nga Australia perëndimore, pas kritikave zëvendësoi videon origjinale me një tjetër ku kërkonte ndjesë, duke thënë se veprimet e saj e bënë të mësojë më shumë mbi çështjen.
“Dje mendoja se mund të ishte mirë të ushqeje një krokodil, por tani e kuptoj se kjo është budallallëk dhe e rrezikshme për krokodilët”, shkruante e reja një ditë më pas.
“Nuk e dija që të ushqesh krokodilët është e jashtëligjshme në Australia prandaj dua të sjell ndërgjegjësim për këtë çështje”
Zyrtari vendas i botës së egër Alexander Peters tha se është një zhgënjimi madh që njerëz ushqejnë krokodilët për të marrë vëmendje në rrjetet sociale.
“Të ushqesh qëllimisht krokodilët është një sjellje e gabuar dhe e rrezikshme pasi i bën kafshët të lidhin idenë e njeriut me ushqimit. Raste të mëparshme kanë treguar se kur një krokodil ushqehet ai nis t’i afrohet njerëzve të tjerë duke pritur për një vakt të dhuruar. Kjo sjell rrezik për njerëz të painformuar dhe bën që kafsha të zhvendoset nga ambjenti i saj natyral prej zyrtareve”, tha australiani sipas Daily Mail.
Personi që shihni në këto foto është njeriu që dyshohet se ka vendosur sasinë e tritolit në derën e apartamentit të marë me qëra nga dy motrat Giovana dhe Alda Nikolli, në Elbasan.
Në këtë ngjarje të rëndë, që prishi qetësinë e mëngjesit të 13 korrikut në Elbasan, mbeti i plagosur rëndë një 29-vjeçar, Enea Thomaraj, komshi me dy motrat objektiv i këtij atentati me tritol C4.
Ditën e djeshme fatkeqësisht pas tre muaj luftë për jetën, në ambientet e Spitalit Ushtarak në Tiranë, ka ndërruar jetë djaloshi Enea Thomaraj, i cili nuk kishte asnjë konflikt qoftë me motrat Nikolli por dhe me ata që urdhëruan dhe vendosën tritolin në derë të shtëpisë së tyre.
Edhe pse në dosjen e SPAK ka pamje filmike të autorit të dyshuar, prokuroria ende dhe sot nuk ka mundur të identifikojë këtë ngjarje të rëndë dhe të paprecedentë.
Silueta e autorit, ku shfaqet mbi një biçikletë me bluzë të bardhë, kapele në kokë, tuta të shkurtra në këmbë, rezulton të jetë filmuar nga disa kamera të bizneseve në Elbasan.
Gazetari i “Ora News”, Elton Qyno, ka siguruar disa nga fotot e autorit gjatë momentit, kur ka shkuar me biçikletë në lagjen ku ndodhet pallati i dy motrave Giovana dhe Alda Nikolli.
Ky person që shfaqet në pamjet filmike është kapur nga kamerat fillimisht rreth orës 02:00 të mesnatës së 13 korrikut 2024 teksa lëviz në një nga rrugët e qytetit të Elbasanit. Më tej silueta e tij shfaqet në orën 02:28 minuta, shumë pranë hyrjes së pallatit ku banonin me qira dy motrat nga Lezha, Alda Nikolli dhe Giovana Nikolli.
Ai ka lënë poshtë pallatit biçikletën dhe me shpejtësi ka shkuar në katin e 4, duke vendosur tritolin në derën e apartamentit ku jetonin dy motrat. Sipas burimeve të prokurorisë, mekanizmi shpërthyes i tritolit ka qenë me fitil.
Pas aktivizimit të fitilit me zjarr, personi largohet me shpejtësi përmes shkallëve dhe teksa merr biçikletën poshtë pallatit, ikën nga zona në drejtim të spitaleve të Elbasanit.
Për herë të fundit imazhi i tij shihet në orën 05:35 të mëngjesit të 13 korrikut, ku sërish i hipur mbi biçikletë personi i dyshuar largohet, për të mos u ndjekur dhe arrestuar më nga policia.
Shpërthimi i fuqishëm dëmtoi pjesërisht katin Nr.3,4,5 të pallatit ku banonin motrat Nikolli, të cilat në ato momente nuk ndodheshin në banesë.
Ndërsa, fatkeqësisht, komshiu i tyre 29-vjeçari Enea Thomaraj u plagos rëndë teksa ishte në banesën e tij, ka pësuar dëmtime të forta në kokë, duke sjellë vdekjen e tij dy ditë më parë.
Kjo ngjarje tronditi opinionin publik për shkak se i riu që humbi jetën në këtë atentat me tritol, nuk kishte të bënte fare me konfliktin që kishte lindur në rrjetin “Tik-Tok” mes dy motrave Nikolli dhe një vrasësi me pagesë Nuredin Dumani alias “Luli” që sot gëzon statusin e bashkëpunëtorit të prokurorisë SPAK.
Motrat Nikolli, denoncuan në SPAK Nuredin Dumanin për kërcënime të vazhdueshme për jetën që vinin prej tij nga ambientet e burgut Nr. 313 në Tiranë, duke dorëzuar dhe prova konkrete si komunikime dhe filmime, që tregonin se nga qelia Dumani kishte akses të plotë në rrjetet sociale, interneti, Tv etj.
Por prokuroria e posaçme SPAK, nuk mori masa për të ndërhyrë dhe hetuar, duke injoruar denoncimin e dy motrave Nikolli. Dhe pak ditë pas kësaj, motrave Nikolli në Elbasan i vendoset një sasi tritoli në apartamentin e tyre, duke shkaktuar jo vetëm dëme të konsiderueshme por dhe marrjen e një jete të pafajshme siç ishte Enea Thomollari.
Vetëm pasi në Elbasan, shpërtheu tritoli dhe ngjarja u bë e madhe, SPAK ndërhyri në mënyrë të menjëhershme në Drejtorinë e Policisë dhe prokurorinë e Elbasanit, duke i kujtuar këtyre dy institucioneve lokale, se tashmë këtë ngjarje dhe konfliktin e lindur mes dy motrave Nikolli dhe Nuredin Dumanit, do e hetonin prokurorët e SPAK.
Dosja u tërhoq me shumë urgjencë nga Elbasani në SPAK, duke u bashkuar në një çështje të vetme me atë që quhet dosja Nr. 75 ose siç njihet ndryshe gjerësisht “Plumbi i artë”, ku nën hetim dhe gjykim janë disa nga e njohur të botës së krimit në Shqipëri, përfshirë dhe Nuredin Dumanin.
Por sot pas tre muaj hetime për këtë ngjarje, SPAK ende nuk ka dalë me një konkluzion përfundimtar, se kush është identiteti i personit që shfaqet me biçikletë dhe që dyshohet shumë se ka vënë tritolin në apartamentin ku banonin motrat Nikolli.
Hetimet vijojmë nga ana e SPAK, megjithëse pamjet filmike në dosjen e administruar nga prokuroria e Elbasanit, janë të qarta.
Pronarja e një salloni bukurie, tregon për Report Tv dëmet që i janë shkaktuar në biznesin e saj në Vlorë, pranë rrugës Transballkanike. Prej 15 vitesh me një sallon të vogël bukurie, pronarja tregon se tashmë uji i ka shkatërruar çdo gjë. Për gazetarin Sokol Dema, pronarja thotë se emergjencat nuk iu përgjigjën në celular, ndërsa tregon gjithçka ndodhi shumë shpejt.
“Kam një sallon bukurie, u futëm brenda pas rreth 12 orësh. Ishte i paparashikueshëm ky dëm, çdo gjë totalisht e mbytur. Çdo material i mundshëm, qoftë nga ana profesionale, që janë tharëse, materialet e drurit, kolltukë. Kam mbi 15 vite që e kam si biznes, gjithmonë kemi këtë problem sa herë fillon vjeshta ose dimri. Gjithë bizneset këtu janë përmbytur komplet, ndodhi në shumë pak kohë, nuk kishim kohë as të hiqnim gjërat. Uji erdhi shumë shpejt. Kemi marrë emergjencën, nuk na përgjigjet njeri. Nuk e di pse kësaj radhe është kaq problematike. Janë mbi 60 biznese këtu. Të marrë masa bashkia, është dëm i madh ekonomik. Të na ndihmojnë, taksat i duan, çdo detyrim nuk na lenë, pse të mos na ndihmojnë”, tregon ajo.
Kryeministri i Shqipërisë, Edi Rama, në një intervistë që ka zhvilluar me Blerta Kllokoqi-Rugovën, ka pyetur këtë të fundit nëse ka ambicie për t’u futur në politikë. Blerta Rugova ka pohuar se ka një ambicie të tillë dhe duke folur për ato që i sheh si problematike në Kosovë, ka përmendur shërbimet shëndetësore si diçka që kërkon zgjidhje urgjente dhe ka folur me shqetësim edhe për raportin e Kosovës me SHBA-në dhe kritikat e shumta që i kanë ardhur vendit nga Uashingtoni, shkruan Gazeta Express.
Edi Rama është përfshirë në këtë debat sa i përket raporteve me aleatët dhe ka thënë se e konsideron si parakusht për një vend të vogël që të ketë miq.
“Për mua është një parakusht absolut, për çdo vend të vogël, pavarësisht interesit dhe pozicionit që ndodhet, që të ketë miq”, ka thënë Rama.
Tutje kryeministri shqiptar ka ndarë edhe një histori sa i përket aleancës me SHBA-në duke përmendur një bisedë që ka pasur me një lider të një shteti në Lindje të Mesme e që i ka treguar për historinë e raportit me SHBA-në si një vend i vogël.
Rama ka thënë se për vendet e vogla si Shqipëria, Kosova e të tjera, është paraskusht pasja e miqve të mëdhenj.
“Nuk e harroj kur më tha, që kemi bekimin nga Zoti që të jemi një vend i pasur, me pasuri nëntokësore. Kemi pasur edhe aftësinë që të rritemi nga pikëpamja e edukimit. Dhe sot jemi një vend i begatuar. Por mos harro që ne jemi shumë të vegjël për të fjetur të qetë nëse nuk kemi miq të mëdhenj. Sepse ditët kur dikush më i madh mund të vijë të na trokas tek dera, mund ta mbrojmë shpinë vetëm kur të kemi një mik më të madh sesa ai. Kjo është e padiskutueshme për të gjithë. Mbajtja e miqve në kushtet e vendet tona, flas për Shqipërinë, Kosovën, Maqedoninë e Veriut e Malin e Zi, vende që s’kanë pasuri të mëdha që i bëjnë interesant, është një parakusht për të cilin çdo kush ka në dorë marrëdhëniet ndërkombëtare, atë raportin e shpisë me atë çfarë ka jashtë shpie”, ka thënë Rama./Express/
E ftuar në emisionin “Aldo Morning Show” në Tv Klan për të folur për kancerin e gjirit kirurgia Edlira Rehovica ngriti alarmin për të gjitha vajzat dhe gratë për të bërë kontrolle rutinë. Ajo çka mjekja apeloi ishte fakti që tashmë me kancer gjiri diagnostikohen vajzat e reja 24 vjeçe.
Edlira Rehovica: Nëse dikur mosha e shfaqjes ishte 45-50 vjeç, tani po shohim vajza të reja që pa nisur jetën akoma, 24 vjeç diagnostikohen me kancer gjiri është një gjë alarmante për të vënë duart në kokë.
Aldo: Si kapet, a ka ndonjë shenjë?
Edlira Rehovica: Kryesisht vajzat 24 vjeçe nuk janë të fokusuara për kontrolle rutinë, ato ndjejnë një gjendër tek gjiri dhe paraqiten tek mjeku. Pra ato bëjnë kontroll sepse kanë një ankesë edhe ajo që unë dua të them është që ne nuk duhet ta lemë deri tek ankesa. Duhet të bëhen kontrollet periodike, sepse nëse ti prek një gjendër ajo gjendër është minimalisht 2 centimetër ose minimalisht 1.5 centimetër nëse është në sipërfaqe të gjirit dhe ti e prek.
Aldo: Kur quhet e vogël një gjendër?
Edlira Rehovica: 4 milimetra ose 3 milimetra, këto janë idealet. Faza e parë quhen nën 2 milimetra faza e dytë është mbi 2 milimetra.Më tej kirurgia Edlira Rehovica bëri të ditur rëndësinë e kontrolleve të vazhdueshme për të kapur në shkallën fillestare sëmundjen pa e lejuar që ajo të evolojë më tej dhe të jetë akoma më e rrezikshme për jetën e pacientes.
Aldo: Kapja herët e kancerit të gjirit, shpëton?
Edlira Rehovica: Patjetër që shpëton. Kanceri i gjirit i kapur në shkallët fillestare është totalisht i trajtueshëm. Idealja është që ta kapësh në shkallën fillestare sepse dhe shancet e mbijetesës janë shumë të mira, vazhdojnë jetojnë, harrojnë them unë që janë operuar për kancerin e gjirit, kuptohet që në një kontakt të ngushtë me mjekët sepse jo gjithmonë mbaron me kirurgji ndonjëherë na duhet të përdorim edhe kimioterapi. Sa më pak i avancuar të jetë rasti aq më minimale janë gjërat që duhet të bëhen, duke filluar që nga kirurgjia e deri tek të gjitha gjërat e tjera.
Aldo: A kanë shpëtuar?
Edlira Rehovica: Jo vetëm që kanë shpëtuar, por unë them gjithmonë që do të rrisin fëmijët e fëmijëve./
Heidi Baçi është padyshim duke jetuar ditë të mira, ku fama, projektet kanë qenë kryefjala e mediave të shtypit rozë. Pas përfundimit të “Big Brother”, ish-finalistja u duk sikur u distancua disi nga ekrani, për të shijuar lidhjen me Romeon.
Por tashmë, që prej javësh po përflitet se ky raport është në krizë, biondja simpatike është fokusuar totalisht tek karriera.
Ashtu edhe si është bërë me dije, Heidi do të provojë veten si moderatore, ku edhe do të jetë në ekran me formatin “Goca dhe Gra”, një eksperiencë kjo tërësisht e re për të. Por teksa ende nuk ka nisur ky emision, paparaci ynë ka mundur ta fotografojë në rrugët e Bllokut, në një ditë të zakonshme të sajën. Ashtu edhe si mund të shquhet nga fotot, Heidi është në shoqërinë e një mashkulli.
Nga ato çfarë mund të mësonim, bëhet me dije se djali në fjalë është një afërm i saj dhe nuk bëhet fjalë për një flirt të ri. E veshur me një palë xhinse dhe një xhaketë të bardhë, Heidi kishte vendosur një kapele dhe një palë syze dielli, si për t’ju shmangur disi syve të kureshtarëve, por duket se nuk ia ka dalë. Me gjasa, ajo ka dalë të bëjë blerjet e fundit, para se të nisë sezonin televiziv, që do të jetë vërtet i ngarkuar për të.
Sa i përket jetës private, ajo ka preferuar që të mbajë të ndezur thashethemet se mes saj dhe Romeos gjithçka ka marrë fund. Ishte fillimi i shtatorit, kur dhe vëllezërit Veshaj, Romeo dhe Donald festuan ditëlindjen e tyre, çfarë nxori në pah edhe krisjen mes dyshes. Në 29 vjetorin e lindjes së tyre të dy moderatorët morën urime të veçanta nga familjarët dhe miqtë. Por Heidi Baçi, e dashura e Romeos me të cilën u njoh brenda shtëpisë së “Big-Brother Vip”, nuk u pa ta uronte moderatorin në rrjetet sociale.
Kjo ngriti dyshimet se çifti i njohur ndoshta po kalon një krizë në marrëdhënien e tyre. Po ashtu, prej disa kohësh ata nuk kanë postuar foto me njëritjetrin në rrjetet sociale, ndërkohë që më parë kanë qenë më aktiv dhe të pandarë në profilet e tyre. Dyshja shpesh herë ndanin në profilet e tyre çaste të bukura nën shoqërinë e njëri-tjetrit, ku nuk mungonin as momentet romantike e gazmore.
Megjithatë, ata ende vazhdojnë ta ndjekin njëri-tjetrin në rrjetet sociale si dhe fotot që ata kanë bërë së bashku gjenden në profilet e tyre. Mesa duket krisja mes çiftit është reale dhe shkak ka qenë pikërisht rruga e ndryshme që kanë zgjedhur. Planet e çiftit kanë sjellë edhe përplasjet e para, ku teksa Romeo duket një hap më larg televizionit, e ndërsa Heidi ka zgjedhur që të investohet tek ekrani.
Angazhimi i fundit televiziv për aktorin do të jetë “Tenxherja me kapakun”, një komedi me Elvana Gjatën. Më pas, Romeo ka preferuar që ta shohë veten larg ekranit të madh, duke preferuar që të angazhohet në biznes, apo edhe në produksionin e një filmi. Nga ana tjetër Heidi, duket se është më e interesuar të bëjë karrierë, këtë herë si moderatore, duke vendosur në vend të parë karrierën dhe jo lidhjen. Natyrisht që në këto muaj që kanë bashkëjetuar, dyshja ka pasur këndvështrime të ndryshme për shumë tema, duke bërë që të ketë edhe një ftohje mes tyre.
Që në kohën e “Big Brother”, të dy kishin treguar se i mendojnë gjërat tërësisht ndryshe, duke pasur të tjera qëllime, por gjithçka u duk se u zgjidh kur dolën. Më të dashuruar se kurrë, dyshja madje bënte plane edhe për martesë. Por gjithçka tashmë ka ngrirë në këtë çift, pas disa përplasjeve që kanë pasur. Megjithatë, kjo është vetëm një periudhë ftohje dhe çifti ende nuk e ka thënë fjalën e fundit. Kujtojmë që romanca mes çiftit filloi teksa të dy ata u bënë pjesë e reality show-t të BBV, ata u përfolën mjaft nga publiku si dhe fituan dashurinë e tyre. Pas daljes nga shtëpia e famshme çifti filloi bashkëjetesën, ata u panë gjatë verës në vende të ndryshme me pushime.
Shpesh dyshja u shfaq krahë Borës dhe Donaldit ku u duk se marrëdhënia mes tyre ishte e mirë. Këtë e ka shprehur edhe vetë Heidi në një intervistë teksa ka thënë që është e lumtur që i do shumë Romeon dhe Borën. “Jam shumë e lumtur që i dua shumë”, tha Heidi asokohe, por mungesa e një urimi për Romeon, ka bërë që shumë të mendojnë që ata nuk janë më bashkë.
Ish-banorja e “BigBrother Vip” Heidi ka festuar ditëlindjen e saj pak ditë më parë, ku urimin më të veçantë e mori nga partneri Romeo Veshaj, i cili shkruante: “Edhe 100 vite të qeshura vajza me flokët e arta! Të dua! Mirëpo në mes postimeve të ditëlindjes Heidi u shfaq me një unazë në duar ndërsa etiketonte aktorin në InstaStory dhe shkruante: “Të dua”. Ky postim ngriti dyshimet se Romeo mund t’i ketë bërë një propozim partneres së tij ditën e ditëlindjes së saj, megjithatë deri më tani çifti nuk na ka dhënë asnjë detaj. Kujtojmë që në një intervistë, Heidi ka thënë se është duke e pritur propozimin e Veshajt. Ndoshta kjo unazë, është edhe propozimi i shumë pritur që vetë finalistja e “Big Brother” ishte duke pritur.
Megjithatë, çifti deri më tani ka preferuar që mos të deklarojë asgjë në lidhje me planet e tyre në jetën private. Megjithatë, ka pasur nga ata që kanë thënë se në fakt dyshja nuk është ndarë, por gjithçka është duke u bërë mes çiftit që të mbajnë fansat të përqendruar tek ata. Një ndër personazhet që ka bërë këto deklarata ka qenë edhe gazetari Ronaldo Sharka. Deklarata e fundit e Ronaldo Sharkës mbi ndarjen e supozuar mes Romeo Veshajt dhe Heidi Baçit ka tërhequr vëmendjen. Ai u shpreh se ndarja mund të jetë thjesht një taktikë për të tërhequr vëmendjen.
“Më duken skenarë të rinj. Romeo ndjek gjithë fisin e Heidit në Instagram. Kur dikush ndahet, prishet edhe me fisin. Nuk besoj që janë ndarë, thjesht i erdhi një ditë lajmi në dorë dhe po e mbajnë të karikuar”, tha Ronaldo gjatë intervistës së djeshme. E si duket deklaratat e Sharkës kanë arritur në veshin e Romeos, i cili ka reaguar duke hequr Ronaldon nga lista e ndjekësve në Instagram, ndërkohë që Sharka vazhdon ta ndjekë Romeon.
Këngëtari i mirënjohur, Sidrit Bejleri, ka folur së fundmi për humbjen e vajzës së tij vite më parë, kur ajo ishte 19 muajshe.
Sidriti është shprehur se humbja e Sofisë, vajzës së tij të parë e cila do të ishte sot 17-vjeçe, ka qenë një sprovë e fortë për të dhe bashkëshorten e tij.
Këngëtari ka treguar se bashkë me tre fëmijët e tij, ai dhe bashkëshortja, Meri, e kujtojnë Sofinë herë pas here.
Ai rrëfeu se gjithmonë kanë dashur tre fëmijët, Amad, 14, Emel, 11, dhe Ejna 5-vjeçare, të rriteshin me idenë që kanë pasur edhe një motër më të madhe, madje shpesh mendojnë edhe si do të ishte ajo sot.
“Shumë gjera i kemi folur me fëmijët, ata e dinë që kanë pasur një motër me të madhe dhe shpesh herë hedhin ato paralelet, ajo sot do të ishte 17-vjeçe, si do sillej me ne. Ne duam t’i rritim me idenë që kanë pasur edhe një motër më të madhe.
Sepse duhet kuptuar që jeta është e çuditshme, jeta të vë para sprovave që ti nuk i mendon kurrë. Ti mendon se do të jesh gjithmonë një vëzhgues i papërfshirë, por kur je brenda pastaj thua “pse më ndodhi mua?”. Ja që ndodh, por duhet të dish të reagosh”, rrëfeu ai mes emocionesh në një intervistë për “S’e luan Topi”,
