Lajme Flesh

Dashi

Ju duhet të tregoheni i kujdesshëm në shprehjen e mendimeve mes kolegëve tuaj. Peshojini mirë fjalët me kujdes në mënyrë që mos shkaktojnë thashetheme apo hatërmbetje të ndryshme. Sot duhet të tregoni kujdes edhe me sendet tuaja personale në vënde të mbushura me njerëz.

Demi

Ndihma e Diellit dhe e Hënës sot për ju do të jetë si një ilac i vertetë për tu vënë në humor të mirë dhe për të qënë sa më produktivë dhe efikasë në punën tuaj. Mundohuni ti kjrijoni mundësi vetes për kohë të lirë për miqtë e të dashurit tuaj.

Binjakët

Një ndenjë pasigurie mund tu kapë sot dhe tu bëjë më të ndjeshëm ndaj eproreve tuaj. Qëndroni të qetë. Përpiquni të ulni tensoinet gjatë komunikimit dhe të jeni të sigurtë në aftësitë tuaja.

Gaforrja

Sot keni për të kaluar një të premte të mbushur me humor e gëzim. Pranoni ftesën e miqve. Do ju jepet mundësia të vendosni kontakte të reja, të rëndësishme apo të filloni bashkëpunime fitimprurëse.

Luani

Nëse merreni me fushën e ekonomisë dhe investimeve, duhet të jeni të kujdesshëm që të gjitha veprimet t’i kryeni deri në mes të ditës dhe në respekt të plotë të rregullave. Mbani përgjegjësi për cdo veprim të vogël.

Virgjëresha

Sot do të keni mjaft dyshime për njerzit që ju rrethojnë duke filluar që nga partenri juaj e duke vazhduar me miqtë tuaj të ngushtë. Konfliktet në cift kanë sjellë dhe rrugë në të cilat keni të drejtë të dyshoni për mënyrën se si sillet me ju apo si vepron.

Peshorja

Gjëndja sot nuk është aspak e mirë. Ulje e ngritje humori. Por shoqëria është gjithmonë pranë jush për tu argëtuar. Merrini gjërat me optimizëm por tregoni kujdes në buxhet. Ju kërkoni nga vetja një jetë intensive dhe të kënaqni tekat tuaja prandaj dhe shpenzimet i keni të tepërta.

Akrepi

Sot do të jeni mirë dhe fati do ju ndrijë në investimet që do të bëni në biznes. Keni instikte të pagabueshme që ju udhëzojnë për të ecur përpara. Duke punuar fort arrini të keni rezultate të kënaqshme si sot.

Shigjetari

Jeni mjaft i motivuar dhe me shumë ambicie por problemi juaj është se tregoheni të paduruar. Në vënd që të investoni me aftësitë tuaja për gjëra që kanë vlerë merrni masa të shpejta për vogëlsira për të cilat pendoheni më vonë.

Bricjapi

Do të shfaqni anët tuaj më të mira. Imazhi që do krijoni do impresionojë shumë njerëz përreth. Keni punuar fort pamvarsisht se një pjesë është munduar tu shtypin duke ju hapur probleme herë pas here.

Ujori

Jeni duke punuar shumë në mënyrë që askush mos ketë mundësi të kapet me ju. E jo vetëm për këtë arsye por ju e dini mirë se cfarë mund të arrini një ditë po të vazhdoni kështu. Tregoni durim në punën tuaj.

Peshqit

Lërini për ditë tjetër cështjet me rëndësi. Sot jeni të shpërqëndruar emocinalisht dhe ju mungon arsyetimi. Në këtë mënyrë shmangni rrëmujat dhe akuzat e ndryshme që mund tu vijnë ndërmend.

Mario Mitaj është një nga lojtarët më premtues të kombëtares shqiptare dhe prej tij presim që shumë shpejt të transferohet në një skuadër të madhe.

Vetëm 20 vjeç, mbrojtësi i majtë është gjithmonë titullar me kuqezinjtë dhe e meriton pozicionin që ka fituar në 12 muajt e fundit. Mitaj aktualisht luan te Lokomotiv Moskoë në Rusi, aty ku njoftohet se ka dyfishuar vlerën e tij në treg.

Para Kampionatit Europian, mbrojtësi kushtonte rreth 2 mln euro. Vlera e tij tashmë është rritur me 1,5 mln euro më shumë, pra në 3.5 milionë euro.

Kjo nuk do të thotë se rusët do të heqin dorë lehtë prej tij. Madje, mediat lokale raportojnë se për Mitajn do të kërkohet dyfishi apo trefishi i kësaj shifre. Kur Lokomotiv transferoi Mitajn, investoi 3 milionë euro, kur kartoni i tij në fakt vlerësohej vetëm 500 mijë euro në “Transfermarkt”.

Pas orësh të mundimshme dhimbjeje dhe asistence mjekësore të vazhdueshme në QSUT 31 vjeçarja Melisa Trandafili paraqitet në gjendje të mirë shëndetësore dhe mjekët shprehen se ajo është jashtë rrezikut për jetën.

Nëna e dy fëmijëve të mitur u sulmua brutalisht me lëndë djegëSe nga ish bashkëshorti I saj teksa po kthehej nga puna.

Sulmi I paramenduar i Bledar Trëndafilit ndodhi shumë pranë banesës së prindërve të Melisës ku kjo e fundit jetonte prej vitit të kaluar pasi kishte marrë vendimin për t’u divorcuar, çështje e cila është në gjykatë.

Pas aktit të rëndë 45-vjeçari është larguar me vrap duke humbur gjurmët. Edhe këtë të diele forca të policisë së Korçës vijojnë kontrollet pasi dyshohet se ai qëndron I fshehur në një nga fshatrat përreth.

Motivi i kësaj ngjarje të rëndë sipas policisë dyshohet të jetë xhelozia nga ana e autorit që çoi fillimisht në prishjen e martesës e më pas në këtë sulm brutal ku autori leu gruan me benzinë dhe tentoi ta djegë të gjallë.

Në komisariatin e Korçës janë thirrur si persona që kanë dijeni për rastin të afërm të Melisës edhe të Bledarit të cilët e kanë përshkruar marrëdhënien e tyre si të dhunshme dhe konfliktuale por për këto episode nuk është njoftuar asnjëherë policia.

Një krim i rëndë ka tronditur Italinë mëngjesin e sotëm, teksa dyshohet se djali 17-vjeçar ka vrarë babanë, nënën dhe vëllanë 12-vjeçar. Ngjarja ndodhi pak pasi kryefamiljari 51-vjeçar, që zotëronte një biznes të vogël, kishte festuar ditëlindjen e tij.

Vrasja e trefishtë ndodhi në Paderno Dugnano (Monza) gjatë natës duke zbardhur dita dhe sot, karabinierët njoftuan se mbyllën në komisariat të miturin, për t’ia nënshtruar hetimeve.

Fillimisht 17-vjeçari ka dhënë dëshmi të rreme, duke bërë përgjegjës të atin se kishte vrarë nënën dhe vëllanë dhe më pas kur ai dëgjoi teksa ishte në gjumë të bërtiturat zbriti poshtë dhe reagoi duke vrarë të atin.

Por në fund e rrëfeu të vërtetën, duke thënë “e bëra unë!”. Pas arrestimit ai mohoi se kishte pasur bashkëpunëtorë të tjerë, kurse krimi u krye me një thikë. Motivet mbeten ende të panjohura, teksa po verifikohen disa pista, raporton “La Repubblica”.

Ai tani është autor dhe njëkohësisht i mbijetuari i vetëm i familjes. Policia tha se në fillim i mituri u kishte rrëfyer se kur hyri në dhomën e vëllait të tij 12-vjeçar, pa babanë e tij të ulur në një karrige me thikë në dorë dhe trupat e vëllait të vogël në shtrat dhe të nënës së tij në dysheme, të përgjakur.

Në atë moment dyshohet se ka marrë thikën dhe ka goditur të atin për vdekje. Por më tej e ndryshoi këtë dëshmi, duke pranuar krimin e trefishtë.

Pas telefonatës nga 17-vjeçari në sallën operative dhe numrin 112, Policia mbërriti dhe gjeti tre trupat e pajetë: F. C., 51 vjeç, pronar i një kompanie ndërtimi, i cili kishte festuar ditëlindjen të shtunën (31 Gusht); D. A., 49 vjeçe dhe 12-vjeçari.

Një ngjarje e rëndë ka tronditur Italinë ditën e dielë, ku një 17-vjeçar ka vrarë me thikë babain, nënën dhe vëllain e tij të vogël.

Mediat italiane raportuan se fillimisht 17-vjeçari i tha policisë se ai e vrau babain në shënjë hakmarrjeje, pasi kur u zgjua nga gjumi e pa atë me thikë në dorë mbi trupat e pajetë të nënës dhe vëllait të tij 12-vjeçar.

Por pas ekzaminimeve të para u pa se në trupin e 17-vjeçarit nuk kishte asnjë shenjë dhune, prandaj adoleshenti pranoi se ishte ai që i kishte vrarë të gjithë.

Ngjarja e rëndë ndodhi në në Paderno Dugnano, provincë e Milanos, ku viktima mbetën Fabio Chiaroni, 51 vjeç, nëna e tij Daniela Albano, 49 vjeç dhe vëllai i tij Lorenzo, vetëm 12 vjeç u gjetën të pajetë në dhomën e fëmijëve me shenja të shumta nga të qëlluarat me thikë.

Ata ishin të veshur me pizhama, çka mund të tregojë se janë vrarë në gjumë. Hetuesit italianë po mundohen të zbardhin arsyet e këtij krimi makabër.

Nga hetimet e deritanishme rezulton se i pari që është vrarë ka qenë djali 12-vjeçar dhe mbi të ka shumë shenja dhune. Ngjarja ndodhi pas festës se 51 vjetorit të ditëlindjes së Fabios.

Gazetari Artan Hoxha ka ri sjellë në kujtesë një nga ‘kërcënimet’ që kryeministri Edi Rama i bënte bosit të lojërave të fatit Ervis Martinaj, pak para zgjedhjeve parlamentare të 2021!

Me anë të një postimi në rrjetin social “Facebook”, Hoxha ka hedhur videon ku gjatë një takimi elektoral, Rama i drejtohet Martinajt me fjalët: “Ne e dimë që ju jeni me ato makina. I them edhe atij drejtorit të basteve të kohës, bashkë me vullnetarët që kanë humbur licencën e basteve, ne ua dimë targën e makinës. Dhe kur them ne jo regjimi, jo regjimi, por patronazhimi!”

Më tej Hoxha ngre pikëpyetje lidhur me fatin e Vis Martinajt, teksa thumbon Ramën se si ka mundësi që patronazhistët që e dinin fare mirë se ku lëvizte dhe se me çfarë lëvizte Martinaj, prej dy vitesh nuk kanë informacion për fatin e tij.

https://www.facebook.com/plugins/video.php?href=https%3A%2F%2Fwww.facebook.com%2Fartan.hoxha.900%2Fvideos%2F493058456918731%2F%3Fref%3Dembed_video&show_text=0&width=560

“U mbushen plot dy vite…! Dhe “patronazhimi” (jo rrëgjimi), qe e dinte targën e makinës, nuk na ka thënë akoma, as ku parkoi makina, as ku “avulloi” apo saktësisht, ku e “avulluan” atë “drejtorin e basteve të kohës”….! Populli thotë: “Bën vaki, pa tregohet”….!”, shkruan Artan Hoxha në postimin e tij.

Një 28-vjeçare është dhunuar brutalisht nga bashkëshorti i saj, në ambientet e shtëpisë e tyre në qytetin e Maliqit.

Sipas informacioneve, çifti kishte pasur një debat verbal dhe më pas bashkëshorti, shtetasi me iniciale E.Z. ka goditur me grushte bashkëshorten e tij, duke i shkaktuar dëmtime në fytyrë. Në konflikt, i cili dyshohet të jetë për motive xhelozie, është përfshirë edhe vjehrri i të resë, i cili bashkë me të birin ka ushtruar dhunë ndaj 28-vjeçares.

Fqinjët kanë dëgjuar të bërtiturat e te resë dhe kanë njoftuar policinë e Maliqit, e cila ka parandaluar përshkallëzimin e konfliktit dhe ka vënë në pranga bashkëshortin 31-vjeçar, i skeduar nga policia si përdorues i lëndëve narkotike, dhe ka proceduar në gjendje të lirë babanë e tij.

Në harkun kohor të 24 orëve, ky është rasti i dytë i dhunës brutale ndaj grave në juglindje, pasi një ditë më parë Bledar Trëndafili leu me benzinë gruan me të cilën ishte në proces divorci, Melisa Trandafilin dhe tentoi ta djegë të gjallë.

Një bandë që vidhte vilat luksoze në Ibiza të Spanjës është goditur nga policia, duke çuar në arrestimin e tre prej pjesëtarëve.

Mediat e huaja raportojnë se dy nga të arrestuarit janë shqiptarë, ndërsa një e tretë është shtetase rumune.

Ata kishin arritur të grabisnin sende luksoze me vlerë qindra-mijëra euro nga plot 22 vita në ishullin turistik spanjoll.

Viktimë e grabitje së tyre është edhe personaliteti anglez Nick Grimshaw, i cili kishte marrë një vilë me qira në Ibiza për të festuar ditëlindjen e tij të 48-të. Ai ndodhej në shtëpi me nënën e moshuar dhe motrën gjatë grabitjes.

#OperacionesGC
Detenida una banda de ladrones de viviendas de lujo en Ibiza, utilizaban algún tipo de gas que producía somnolencia para no despertar a los moradores que se encontraban durmiendo en el momento de los roboshttps://t.co/N1NbHM5G2O pic.twitter.com/okc7d9DeA8

— Guardia Civil (@guardiacivil) September 1, 2024

Shpesh, viktimat e grabitjeve raportonin se zgjoheshin në mëngjes me dhimbje koke dhe marrje mendsh, duke bërë që policia spanjolle të dyshonte se banda përdorte ndonjë lloj gazi kimik për t’i vendosur në gjumë të rëndë banorët.

Po ashtu, janë publikuar edhe pamjet e grabitjeve, ku autorët shihen në orët e vona të natës, të veshur me të zeza dhe në një rast konfrontohen me një banor.

“Pas asaj që ka ndodhur në Solingen dhe asaj që po diskutohet për thikat dhe kriminelët me origjinë të huaj, duhet thënë shumë qartë se çfarë ka ndodhur në autobusin që po qarkullonte nga Neunkirhcen për Siegen, sepse gjërat nuk janë bardh e zi”, deklaroi kryetari i bashkisë Siegen Steffen Meus para shumë njerëzve që ishin mbledhur të shtunën (31.08) në festën e këtij qyteti.

Këto fjalë u shoqëruan me duartrokitje të mëdha, sepse ajo që ka ndodhur në këtë autobus është një tragjedi e paparë, e cila ka mundur të jetë edhe shumë më e rëndë.

Ditën e premte, me 31. gusht, në afërsi të qytetit Siegen, një grua me origjinë gjermane, sipas të gjitha gjasave me probleme psikike, ka sulmuar njerëzit në autobus me thikë dhe ka plagosur gjashtë persona. Dy prej tyre ende janë në rrezik për jetën. Tragjedia, sipas fjalëve të kryebashkiakut Meus, mund të kishte qenë tragjedi edhe më e madhe.

“Por tri gra me sfond migrantësh e kanë ndalur sulmuesen dhe e kanë evituar një tragjedi me përmasa më të mëdha”, thotë kryebashkiaku.

Gratë shqiptare shmangin një tragjedi me më shumë pasoja

Deutsche Welle merr vesh se këto gra që kanë evituar një tragjedi shumë më të madhe në autobus janë me origjinë shqiptare. Ato janë A. L., A.K. dhe B. R. (Redaksia e Deutsche Welles në shqip i ka edhe emrat e plotë të tyre dhe fotografitë, por për shkak të gjendjes së tyre dhe shokut që kanë përjetuar, për momentin nuk do t’i publikojmë). Ne kemi biseduar me B. R-P, e cila shpjegon se çfarë ka ndodhur. Ato kanë qenë së bashku me katër fëmijë duke shkuar në festë në qytetin Siegen.

“Kemi qenë në autobus duke u kënaqur, duke kaluar jashtëzakonisht mirë, duke qeshur e argëtuar me fëmijë… papritur është dëgjuar një piskamë. E kam parë që një grua po qëllonte të tjerët me thikë. Ka dashur të sulmojë edhe fëmijët tanë… A. L. ia ka kapur thikën me dorë dhe së bashku me A. K. e kanë kapur e kanë rrëzuar këtë grua. Unë kam kapur fëmijët dhe i kam nxerrë jashtë me shpejtësi… jam kthyer në autobus dhe ia kam marrë nga dora një çantë sulmueses… ia kemi nxjerrë thikën nga dora dhe e kemi shtrirë për toke. Njëra e mbante për duar, tjetra për këmbë… dikur ajo gruaja bërtiti “ich erbege mich” (dorëzohem)… u ul me një karrikë në autobus dhe aty e kemi mbajtur duke pritur derisa sa të vinte policia… Autobusi ishte përplot me gjak në të gjitha anët,,, ishte tmerr”, rrëfen në një bisedë me telefon për DW B. R. e cila gjatë bisedës shpesh ndalonte dhe ofshante.

Vetëm pas daljes nga autobusi A.L. ka vërejtur se në dorë kishte një plagë të madhe nga thika. Ajo dhe të lënduarit tjerë janë dërguar menjëherë në spital. A.L. dalë ndërkohë nga spitali dhe tani është më mirë me shëndet. Por shoku i tyre është ende i madh.

Trajtimi nga autoritetet

B. R. shpjegon se ato i kanë vizituar edhe autoritetet e qytetit. Kryetari i bashkisë i ka falënderuar për guximin e treguar dhe për faktin që me siguri kanë shpëtuar edhe shumë të tjerë, që mund të kishin rënë viktimë. Të premten gjatë natës janë trajtuar edhe nga psikologë, por për fat të mirë, ato kanë edhe familjet e tyre pranë vetes. Megjithatë frika dhe ankthi ende janë të mëdha. “Sa herë i mbyll sytë, më paraqiten ato pamje të tmerrshme”, thotë B. R./ DW

Gjyqi për vdekjen e një 21 vjeçari shqiptar në Detroit të Shteteve të Bashkuara është kthyer në lajmin kryesor të disa prej mediave më prestigjoze në SHBA për shkak të vendosjes së një precedenti të ri në drejtësinë amerikane.

Një juri në Gjykatën e Qarkut Wayne ka dhënë një dënim prej 75 milionë dollarë, për Nick Remington të riun që i dha një drogë dhe e çoj në helmim studentin ekselent shqiptaro-amerikan, Denis Preka.

Mbrëmjen e 18 marsit 2019, Denis Preka, shkoi në shtëpinë e atij që e konsideronte si shokun e vet të ngushtë, Paul Ëiedmaier, me idenë të studionin e të përgatiteshin për provimin që kishin ditën tjetër.

Djaloshi shqiptar me zemër të artë, sic e përshkruajnë ata që e kanë njohur, hyri në atë banesë me këmbët e tij e nuk doli më gjallë prej andej. Një fat i kobshëm e priste të riun e tradhtuar pabesisht nga miku i tij, e një kalvar i gjatë priste familjen e përballur me makthin më të paimaigjueshëm.

Denis Preka që priste të diplomohej njëkohësisht në dy universitete në SHBA, natën e ngjarjes, kërkoi nga miku i tij i ngushtë gjatë studimit një pilulë Adderall për ta ndihmuar të përqendrohej, por substanca që ai gëlltiti më vonë u përcaktua të ishte MDMA, e njohur zakonisht si ‘Molly’, një drogë e rrezikshme dhe e paligjshme e dhënë nga i pandehuri Nicholas Remington. Familja vijon betejën gjyqësore prej 5 vitesh dhe vendimi historik i Gjykatës prej 75 mln $ i dhënë së fundmi duket se po vendos drejtësinë e munguar për studentin shqiptar, Denis Preka.

Autorja dhe drejtuesja e Top Story, Grida Duma ndodhet në Shtetet e Bashkuara të Amerikës për të sjellë eksluzivisht për publikun shqiptar detajet e kësaj ngjarje tragjike.

Prej disa javësh stafi i Top Story ka mbajtur një korespondencë komunikimesh me autoritetet më larta në Detroit të Shteteve të Bashkuara, përfshirë Guvernatoren e Shtetit, Studion Ligjore, Gjykatën dhe Stacionin e Policisë që raportoi i pari për gjetjen e trupit të pajetë të Denisit. Në puntatën e parë në nisje të këtij sezoni të ri televiziv, Grida Duma do të sjelle eksluzivisht nga Detroit të Shteteve të Bashkuara rrëfimet e familjes, miqve dhe autoriteteve për vrasjen e studentit shqiptar, Denis Preka. /Top Channel