Lajme Flesh

Kryetari i Partisë së Lirisë, ish-presidenti i Republikës, Ilir Meta ka kërkuar divorcin në gjykatë nga bashkëshortja e tij, Monika Kryemadhi.

“Pas kësaj deklarate, zonja Kryemadhi është ish-bashkëshortja ime. Dhe sot kam ndjekur edhe rrugën juridike për këtë çështje dhe kam njoftuar edhe djalin tim Besar Ilir Meta, i cili më ka thënë pak kohë më parë që kur kemi kaq shumë tensione dhe probleme me njëri-tjetrin mund të gjeni ndonjë zgjidhje me të qetë dhe unë besoj se e kam gjetur një zgjidhje”, u shpreh Meta.

Ndarja, tashmë edhe ligjërisht, ka ardhur pas një krisjeje për mbi 4 mujore, ku Meta ka jetuar i ndarë nga Kryemadhi.

Nxitës për ndarjen e prindërve të tre fëmijëve, çiftit Meta-Kryemadhi, duket se janë bërë përveç problemeve brenda Partisë së Lirisë (ish-LSI), edhe hetimet e SPAK për pasurinë e tyre.

“Monika është më afër me SPAK-un se unë. Por SPAK është një organizatë kriminale, SPAK nuk e merr dot peng Ilir Metën as përmes bashkëshortes, ish-bashkëshortes, apo fëmijëve”, deklaroi Meta në emisionin e gazetarit Çim Peka.

“Unë nuk e di se çfarë pagesash ka bërë ajo, 20 mijë euro aty, 30 mijë euro këtej. Më pyetën edhe në SPAK. Ku di gjë unë…”, deklaroi Meta.

Altin Lala, ish-kapiteni i kombëtares thotë se ekipin e pret një ndeshje shumë e vështirë ndaj Spanjës, por sërish ai theksoi se ka shpresa. Po ashtu Lala riktheu edhe njëherë shpresën se Brajan Gruda mund të luajë me Shqipërinë edhe pse u grumbullua nga Gjermania në fazën përgatitore para Europianit.

“Dëgjoj edhe spekulime që po fitoi sot Spanja ndaj Italisë do të aktivizojë ata që nuk kanë luajtur me Shqipërinë, por ata do të jenë edhe më të motivuar. Nuk do të jetë e lehtë pasi mënyra sesi spanjollët luajnë, është shumë e vështirë për ne.

Shpresoj të mos kem të drejtë, por është skuadra më e vështirë me të cilën ne do të ndeshemi në këto eliminatore. Unë sërish kam një ndjenjë pozitive. Ndoshta edhe trajneri mund ta freskojë pak skuadrën. Arbër Hoxha më ka pëlqyer në të gjitha ndeshjet. Ai e tërheq skuadrën përpara. Një kundër një është shumë i rrezikshëm dhe këtë e pamë edhe ndaj Kroacisë”, tha Lala.

Qazim Laçi, një fëmijë emigranti lindur e rritur në Greqi, ndoshta nuk e kishte menduar se do të hynte në histori. Familja e autorit të golit të parë në ndeshjen e Shqipërisë përballë Kroacisë, dha gjithçka që djali tyre të vishte fanellën e kombëtares kuqezi.

Futbollisti 28-vjeçar, me origjinë nga Dibra, është rritur në shtetin grek, ku është përballur edhe me paragjykime për të ndryshuar mbiemrin, gjë të cilën nuk e pranoi kurrë dhe as mohoi origjinën.

Tashmë ai e ka shkruar emrin në historinë e kampionatit europian.

Advertisements

Laçi u thirr për herë të parë me Kombëtaren Shqiptare në vitin 2020, nga tekniku Edi Reja, ndërkohë që fitoi edhe besimin e Silvinjos, për ta grumbulluar në listën e Kombëtares për ndeshjet e këtij kampionati europian.

Laçi së fundi luan me Spartën e Pragës në Çeki, e cila këtë vit ka zhvilluar një sezon të mirë, duke fituar njëkohësisht edhe Kampionatin vendas edhe Kupën, ndërsa talenti i kombëtares kuqezi ka luajtur një rol të rëndësishëm për ekipin.

Krenarinë e grumbullimit me kombëtaren, Laçi nuk e ka fshehur në asnjë moment, ndërsa pas ndeshjes së djeshme, karikoi djemtë e tjerë të ekipit që të mund të shpresojnë për një rezultat pozitiv, në ndeshjen e fundit në grup, atë përballë Spanjës.

“Ashtu si shkoi ndeshja me atë gol në fund, ne e meritonim të paktën një pikë. Ishte performancë shumë e mirë. Jam shumë i lumtur për golin, por më shumë rëndësi kanë pikët sepse tani kemi më shumë besim, për ndeshjen me Spanjën që do të jetë shumë e vështirë dhe pse jo më pas të mos tentojmë për vendin e dytë apo të tretë”, tha Laçi pas ndeshjes me Kroacinë.

Sot është dita më e gjatë e vitit, por mezi ka pasur një aluzion të verës në Mbretërinë e Bashkuar, ndërkohë që disa pjesë të Evropës mbyten nga nxehtësia rekord. Është një kontrast i madh, i cili ka qenë “dëshpërimisht i ftohtë” deri më tani këtë muaj, thotë meteorologu i Sky News Steff Gaulter.

Kjo për shkak se vendi ishullor ka pasur një zonë me presion të ulët ose erërat që tërhiqeshin nga Arktiku, shpjegon Gaulter. Pra, çfarë po ndodh – dhe a do të përmirësohet moti?

Greqia regjistroi valën e saj më të hershme të të nxehtit ndonjëherë javën e kaluar, pasi temperaturat u rritën rreth 38 gradë Celsius për më shumë se tre ditë rresht. Turisti i pestë ka ndërruar jetë me 18 qershor nga i nxehti.

Mbretëria e Bashkuar është ndier larg verës për pjesën më të madhe të qershorit. “Duket sikur jemi një deri në tre gradë nën normale për këtë periudhë të vitit,” tha për Sky News David Schultz, një profesor i Meteorologjisë Sinoptike në Universitetin e Mançesterit.

Moti më i freskët ka prekur edhe disa pjesë të tjera të Evropës veriperëndimore. Por, ndërkohë që kjo ka ndodhur, Evropa Juglindore është mbuluar nga erërat e nxehta që fryjnë nga Afrika e Veriut.

Sipas meteorologëve, ajri mbi Afrikën e Veriut ka qenë edhe më i nxehtë se zakonisht këtë vit, kështu që kjo e ka rritur edhe më shumë temperaturën.

Sot, më 20 Qershor është dita më e gjatë e vitit dhe Met Office parashikon një ditë të thatë për shumicën, duke arritur deri në 21 gradë Celsius dhe “të ndiheni ngrohtë aty ku ju kap rrezet e diellit”.

Muaji i parë i verës meteorologjike 2024 filloi me mot të lagësht dhe të freskët në pjesën më të madhe të Evropës; i vetmi rajon që ka më shumë mot të ngjashëm me verën ishte së fundmi Evropa Juglindore. Modeli i përgjithshëm mbi Evropën më në fund po ndryshon për të ndaluar ngjarjet e shiut, por do të shkaktojë valë të tepruar të të nxehtit në Evropën jugore, qendrore dhe lindore, sipas meteorologëve.

Temperaturat parashikohen të rriten nga mesi deri në të 30-tat e larta në shumë vende dhe potencialisht mund të sfidojnë pikën 40°C për herë të parë këtë verë në këtë veri të largët. Ato më anormale priten për Evropën Qendrore dhe Gadishullin Ballkanik.

Arsyeja kryesore pas valës së të nxehtit është një model i njohur si kupola e nxehtësisë. Në përgjithësi, kur vendoset një periudhë e gjatë e motit të qëndrueshëm, kjo veçori e mirënjohur intensifikon një valë të nxehti nën të.

Heat Dome është veçoria kryesore e sfondit që shkakton valë të mëdha të nxehtit globalisht çdo vit. Verën e kaluar, pati ngjarje veçanërisht të forta të të nxehtit, të cilat vazhduan në shtator dhe tetor. Ka pasur mijëra stacione që kanë thyer rekord dhe anomalitë e temperaturës shpesh kanë qenë jashtë grafikëve.

Në shkallë globale, temperaturat nga janari deri në qershor kanë qenë shumë mbi mesataret afatgjata.

Xhensila Myrtezaj po bëhet gati për lansimin e projektit të saj më të ri muzikor.

Këtë e ka bërë të ditur vetë këngëtarja përmes një postimi në Instagram, ku ka publikuar edhe një fragment të këngës.

“A ca po vjen, ca po vjen”, shkroi këngëtarja në postimin e saj në ‘InstaStory’.

Për më tepër, ajo që pikasi vëmendjen e të gjithëve ishte teksti i këngës së saj të re që dukej mjaft pikant.

“Ti mos më kërko, të të them lamtumirë, e di o shpirt që të kam mërzit, e di shumë mirë”, është një pjesë nga teksti i këngës që do të sjellë Xhensila.

Disa mund të spekulojnë se me këto fjalë mund të ketë thumbuar Bes Kallakun, duke qenë se për muaj çifti spekulohet se i kanë dhënë fund lidhjes së tyre.

Madje, javë më parë u raportua se dyshja kanë filluar procedurat për divorc.

FIFA ka publikuar renditjen e kombëtareve për muajin qershor. Kombëtarja shqiptare ndodhet në pozitën e 66-të, duke mos lëvizur nga ajo pozitë e cila ishte edhe në renditjen e disa javëve më parë. Ndërkohë Kosova ka humbur tre vende duke u gjendur në vendin e 105-të.

Shqipëria: Fitoret në miqësoret me Lihtenshtejnin e Azerbajxhanin dhe humbjea ndaj Italisë e barazim kundër Kroacisë në Euro 2024 nuk e kanë ndryshuar pozitën e ekipit. Tanët ndeshjen e radhës e kanë më 24 qershor kundër Spanjës në Dusseldorf, po për Euro 2024.

Dardanët e Franco Fodës, të cilët u mposhtën 3-0 miqësoren përballë Norvegjisë, tani mbajnë pozitën numër 105 në renditjen e FIFA-s. Ndërkohë që sërish në krye mbetet Argjentina.

Klaus Gjasula u aktivizua nga Silvinjo në minutën e 72-të dhe në të 76-ën ai shënoi autogol.

Siç mendohej ndeshja do të mbyllej kështu por “i urryeri” u kthye në hero duke shënuar golin e barazimit për Shqipërinë.

Përmes një postimi në rrjetet sociale vëllai i Jurgen Gjasulës ka ndarë 2 video të momentit kur u realizua goli.

“Nuk kam fjalë, jam shumë krenar për ty vëllai im”, shkruan Jurgeni i cili dikur ka qenë mesfushor që ka luajtur prej vitesh në Gjermani por ka qenë grumbulluar edhe nga Kombëtarja shqiptare.

VIDEO

Gjatë periudhës së Luftës së Ftohtë, Sazani së bashku me bazën detare ushtarake të Pasha Limanit, në Orikum të Vlorës, u shndërrua në një ndër pikat kyçe të Ushtrisë së Kuqe sovjetike dhe asaj shqiptare në Mesdhe.

Në ishull asokohe ishin vendosur kryesisht anijet katera siluruese, artileria bregdetare etj.

Gjatë asaj periudhe ishulli ka qenë i banuar nga rreth 10 mijë banorë të cilët kryesisht ishin familjarë të oficerëve që shërbenin në ishull.

Ishulli i Sazanit bashkë me gjirin e Vlorës konsideroheshin si fronti me i vështirë për ushtrinë në rast lufte.

Për këtë arsye njerëzit që shërbenin në ishull kishin trajtim të veçantë nga qeveria e asaj kohe.

Ushtarakisht nga Sazani kontrollohet i gjithë bregdeti shqiptar si dhe kanalin e Otrantos.

Është kjo arsyeja pse Enver Hoxha e quante ishullin e Sazanit si një nga pikat me nevralgjike jo vetëm të Shqipërisë dhe të Ballkanit, por edhe të gjithë Evropës, duke thënë shprehjen e famshme se “çelësat e Otrantos i kemi ne”.

Pas rënies së komunizmit në 1992, pas 5 vitesh, në 1997 në ishull u vendosën disa motovedeta dhe anije të forcave detare Italiane të cilat asistonin luftën kundër trafiqeve të jashtëligjshme dhe ndihmën për ringritjen e kapaciteteve operative të forcave detare dhe policisë kufitare shqiptare.

Në vitin 2009, pas plot 12 vjet qëndrimi në ishull, forcat detare italiane largohen nga Sazani, i cili në planet e Ministrisë së Mbrojtjes shqiptare do vazhdojë të shërbejë akoma si bazë detare.

Ish-banorët e ishullit: Jeta jonë në Sazan…

Të japësh një panoramë të plotë për ishullin e Sazanit, duhet të gërmosh në arkiva, që nga historia e hershme, për të mbërritur në dëshmitë e njerëzve që kanë jetuar e punuar atje në kohën e socializmit në bazën ushtarake detare, të cilët, siç thonë, ruajnë kujtime të bukura dhe mbresëlënëse.

Ata kujtojnë një qytet i vogël të ngritur aty me të gjithë infrastrukturën e domosdoshme që ka një qendër banimi, me lokale shërbimesh dhe objekte të tjera social-kulturore. Në këtë qytet në mes ujërave të thella të Adriatikut, jeta bëhej njëlloj si kudo në qytetet e tjera të Shqipërisë. Kishte shoqëri të ngushtë, dasma, vdekje.

Për të thënë të vërtetën, thonë ata, jeta në ishull ishte e vështirë. E para, se ishe i izoluar, kishe ndonjë hall a fatkeqësi në tokë, do të prisje kur të nisej anija (luftarake), që nisej vetëm dy herë në javë për në Vlorë.

Po kështu kur kishte ndonjë urgjencë do të ngrije në këmbë të gjithë ishullin, do merrej leje për lëvizjen e mjeteve deri në ministri, por edhe deti mund të ishte me dallgë. Vështirësi kishte edhe me ujin, ai vinte me autobote dhe përdorej me kursim, sidomos për të larë.

Lamtumirë Sazan!

Në shënimet e detarit të vjetër ushtarak, Diogjen Gjergji, gjejmë këtë fragment ditari, ku ai flet për largimin e një pjese të efektivit dhe të teknikës luftarake nga ishulli, në të cilin duken vlerat e një shoqërie dhe komuniteti të bashkuar mes vështirësish dhe sakrificash si pune dhe jetese. Ja ç’shkruan ai ndër të tjera:

“…Më 3 janar 1965, do të largoheshim përfundimisht nga ishulli i Sazanit. Në mbrëmje vijnë në anijen time Robert Bali, Kristaq Çito e më vonë Perikli Xhixho, pasi ata duke u gdhirë e nesërmja, do të niseshin për Durrës. Vjen edhe Paskal Kote e Mihallaq Papadhopuli për t’u takuar, për t’u ndarë. Kur afroi koha që do të iknin, Perikliu më thotë: Dhiogjen, kurrë nuk të harroj. Fillova të qaja si fëmijë. Berti e Kristaqi më pushtuan si ata. Dëgjova Kristaqin që tha: Lëreni, ka të drejtë! Në atë moment erdhi edhe Polo Guga, pa gjithë skenën e më tha: Po, ti ç’ke, në Flotë do jemi! Do të takohemi prapë.

U ndava me ta me mall e me emocion të madh. Pas orës 24:00 të asaj nate, jepet sinjali i përgatitjes së anijeve që do të shkonin në Durrës. Të gjithë u zgjuan, kuadro e detarë edhe të anijeve që do të ngeleshin në Sazan. Askush nuk shkoi në shtëpi. Do përcillnim shokët e anijet, të cilët do të shkonin në një bazë detare, në bregdetin e atdheut.  Dolën me radhë nga baza: minaheqësja, dy gjuajtësit detarë, dragaminat, katerat silurues…

Baza dhe vetë ishulli i Sazanit u duk sikur u lëkundën e lëvizën nga vendi. Buçiti ai ishull nga sirenat dhe fishekzjarrët (raketat shenjëdhënëse). Ishin momente prekëse. Sazanit, iu shkëput nga trupi i tij, një pjesë e mirë, prandaj dhe u duk se ra tërmet disa ballësh. Momente ndarjeje mjetesh e njerëzish. I gjithë ishulli, reparte e familje në këmbë, shikonin këtë largim historik e përcjellje të karvanit detar drejt veriut, i cili tashmë qe vendosur në formacion lundrimi të përbashkët. Ato lundruan derisa ne nuk i dallonim më. Lundrim të mbarë, shokëve tanë! Lundrim të mbarë, anijet tona!

U ndamë, por shoqëria mbeti e paprekur. Përsëri na dukej sikur ishulli rënkonte së bashku me grykën e Xhehnemit, atë të Arushës, shpellës së Haxhi Alisë dhe i tërë gjiri i Vlorës për atë largim. Edhe lepujt e famshëm të Sazanit kishin lënë strofullat e tyre dhe shikonin këtë skenë të papërsëritshme. Shikonin ato “gjemi” që lundronin drejt veriut, në Detin Adriatik…” (DITA)

Studiuesi Irakli Koçollari i ftuar në emisionin Shqip nga Dritan Hila në DritareTV foli për emigrimin për herë të parë të shqiptarëve-arvanitas në territoret e Greqisë, kryesisht Thesali dhe Peloponez në fillim të shekullit të 13-të. Studiuesi thotë se në një regjistrim të popullsisë në Peloponez, në vitin 1660 kishte 70% shqiptarë.

“Mbështetur në burimet ndërkombëtare fillimisht ato bizantine, të shkruara në greqisht, flasin edhe për emigrimet e para të shqiptarëve. Dokumentet janë të fillimisht të fundshekullit të 12-të dhe fillimi i shekullit të 13-të. Këto dokumente bizantine na bëjnë me dije për zbritje masive të shqiptarëve drejt territoreve të Greqisë kontinentale dhe ishullore. Flitet për zbritje të shqiptarëve nga Arbëria Jugore, Harta, Preveza, Gjirokastra, e deri nga Durrësi. Mund të ketë edhe më tej. Këto dokumente janë të pakontestueshme sepse përputhen me ato që gjejmë në terrenin kontinental grek. Ato flasin për zbritje nën kryesinë e plisave të famshme. Në këtë shekull ka lulëzim, dalje dhe shfaqje në territoret e Ballkanit, Evropë, por dhe më gjerë emra e princave, despotëve të parë shqiptarë, siç janë Gjoshajt, Mazarekat, Topiajt, Buajt, Shpatat. Të gjithë këta princa të famshëm fuqizohen dhe shfaqen në arenën politike dhe ushtarake të Ballkanit dhe në Evropë.

Në dokumentin bizantin thuhet: “Në zonën e Thesalisë (Volosi, Lamia) zbresin 10 mijë shqiptarë nga Malet e Pindeve, në Trikala. Kur zbresin aty territoret ishin të boshatisura.” Këto territore kanë qenë në Perandorinë Bizantine. Ka zbritje edhe në Peloponez, deri në Atikë ku është Athina. Edhe sot po të bëhet një kontroll pjesa me e madhe e emrave të fshatrave që mbulojnë krahinën e Athinës janë në shqip, Mandrra, Pusi i Thatë, Vlona, Mallakastra. Ashtu edhe në Peloponez.

Urdhrat bizantine në atë kohë thoshin: “Ju shqiptare që zbrisni nën kryesinë e Lioshëve, princit tuaj, nën kryesinë e Mazarekës, të vendoseni atje me kusht që të merrni nën mbrojtje tokat dhe kështjella që është atje. Ju zhvesh nga taksat, por me kushtin që juve duhet të merrni me ligj të drejtën për të mbrojtur atë kështjellë dhe të mbani kuaj lufte në gatishmëri.” Pra kishin detyrime ushtarake kryesisht. Veç Thesalisë ne kemi të dhëna edhe për zbritje të shqiptarëve në zonën e Peloponezit. Në një regjistrim të popullsisë të vitit 1660 rezulton që kishte më shumë popullsi shqiptare sesa greke, 70% ishin shqiptarë.”, thotë studiuesi në DritareTV./K.C/dritare.net

Avokat i njohur, Spartak Ngjela i kërkon Prokurorisë së Posaçme (SPAK) të nisë procesin penal për shkatërrimin e 500 fabrikave dhe uzinave në Shqipëri gjatë periudhës kohore nga ’94-ra deri në ’96-ën. I ftuar në televizionin “Dritare TV”, Ngjela theksoi se nuk është qeveria ajo që vlerëson sa vlenin ato uzina, ndaj pas rrëzimit të diktaturës me ardhjen e demokracisë, qeveria duhet t’i privatizonte dhe jo t’i prishte këto uzina. Madje Ngjela flet me emra kur thotë se presidenti i asaj kohe Sali Berisha dhe kryeministri Aleksandër Meksi, janë përgjegjës. Ndërkohë, avokat Ngjela tregon se si serbët u infiltruan në Shqipëri vitet ’92-’97 me ndihmën e qeverisë “Berisha” dhe u investuan për të shkatërruar ekonominë e vendit, teksa zbardh edhe dosjen e “nxehtë” që është mbuluar nga pluhuri i harresës dhe si SPAK mund të çojë pas hekurave 2 ish-kryeministria nëse e heton këtë megaaferë.

-Avokat Ngjela, më ka bërë përshtypje një shkrimi juaj që prekte një plagë 30 vjeçare që e kanë prekur të gjithë, por ju e trajtonit në mënyrë të plotë, ju thoni se në Shqipëri janë shkatërruar 500 fabrika dhe uzina dhe i kërkoni SPAK që të nis proces penal?

Ajo ka qenë shkatërrimi më i madh që bëri Beogradi përmes veglave të PD, nga 1992 deri në 1996 ose deri 1997. Njëri nga deputetët kryesor të Serbisë tha se ne me 40 milion dollar kemi shkatërruar 50 fabrika dhe uzina. Kombinati i Beratit ishte i ri dhe nuk ishte vënë në punë, me industri gjermane, ku janë? Beogradi kërkonte shkatërrimin dhe ata shitën ato për skrap dhe i futën në xhep. Kjo është historia dhe të dy edhe presidenti Sali Berisha dhe kryeministri Aleksandër Meksi duhet të japin një përgjigje sot para shqiptarëve dhe drejtësisë. Pse u prishën 500 uzina dhe fabrika në Shqipëri me disa shkresa injorantësh. Jo vlejnë dhe jo nuk vlejnë. Nuk e di qeveria sa vlejnë fabrikat dhe uzinat. I dinë ekspertët. Fabrikat dhe uzinat duhet të kalonin në proces privatizimi dhe jo të prisheshin. Unë isha në Çeki dhe atje mësova si kishin vepruar ata. Çekia bllokoi të gjithë industrinë shtetërore dhe pastaj e kishin shitur hap pas hapi. Kështu të gjithë industrinë shtetërore e shiti dhe e mori privati, normalisht brenda të gjithë normave ligjore të blerjes së pronës shtetërore. Rruga që kanë përdorur duhet të ishte ndjekur edhe në Shqipëri por këtu e shkatërruan dhe e lanë Shqipërinë pa industri. Kjo që ka ndodhur është e tmerrshme. Përgjegjësia është ose e presidentit, ose e kryeministrit, ose e atyre që kanë deklaruar se këto nuk vlejnë. Por në asnjë rast nuk prishen fabrikat dhe uzinat, ato privatizohen. Ndaj unë mendoj se SPAK duhet të hapë çështjen për prishjen e 500 uzinave dhe fabrikave në Shqipëri, sepse nuk është parashkruar dhe duhen 40 vite që të parashkruhet, por unë e kam bërë denoncimin në mënyrë publike.

Provat patjetër që ekzistojnë. Nuk është fshirë i gjithë korpusi i shkresave administrative të shqip. Ka shkresa administrative që ata i kanë çuar për skrap. Ata nuk i nxorën në shitje por i shitën për skrap. Cila ka qenë arsyeja pse u shitën dhe nuk u privatizuan, për këtë kërkoj një hetim. Banditët që i kanë bërë këtë të keqe të madhe Shqipërisë, janë nëpër këmbë në administratën e lartë shtetërore. Janë bërë milionerë. T’u marrin paratë që të dëmshpërblejnë dëmin e shoqërisë shqiptare, se me këto afera i kanë bërë milionat e tyre dhe me skandale të tjera të pronës shtetërore që ata e bënë si deshën vetë. Nuk kishte të drejtë askush që të prishte pronën  shtetërore.  Nuk ka pasur qeveri më bandite se qeveria Berisha -Meksi. Meksi ishte kukull e drejtonte Saliu si të ishte Enver Hoxha. Njerëzit ikën se nuk kishin se ku të punonin. Ata mbyllën çdo gjë industriale. Ndërsa kryeministri i atëhershëm Meksi është milioner. Tjetri ka marrë prona dhe ka bërë pallate. Shitja e fabrikave dhe uzinave është një krim i parashikuar nga neni 208 i Kodit Penal, i cili flet për dorëzimin e territorit një shteti të huaj me qëllim cenimin e pavarësisë dhe integritetit të Shqipërisë. Prandaj duhet të kuptohemi se prishja e 500 fabrikave dhe uzinave janë territor i gjerë i Shqipërisë, i cili i është dhënë një shteti të huaj për t’i cenuar integritetin kombëtar me anë të një dëmi të madh ekonomik. Dhe ky dëm ekonomik e ka dëmtuar shumë Shqipërinë në funksion të ripërtëritjes së saj kombëtare, e cila nuk është kryer ende sot, edhe pse kanë kaluar 32 vjet. Ata prishën uzinat e fabrikat dhe i çuan për skrap në vend që t’i privatizonin dhe t’i blinte privati. Liderët e PD në Athinë dhe në Beograd shkonin dhe ata dhe kundërshtarët tanë që na kanë pushtuar territoret, Greqia ka Çamërinë. Të shohim se si ecin punët.

-Në fakt në kemi një problem aktual me Greqinë që është Beleri në mes?

Nuk e kanë tek Beleri. Beleri është pretekst i Greqisë, por e gjitha bëhet për fshatrat e Himarës. Sepse gjithë punën e kanë për Himarën, për fshatrat e Himarës, Belerin si kryetar bashkie e nxorën përmes bashkëpunimit me Sali Berishën. Ata e qanë si kryetar bashkie, jo si Beleri, sepse është njeri pavlerë. Nuk është minoritet Labëria, Himara ka qenë ka qenë dhe është kryeqendra e Labërisë. Minoritarët thonë se Greqia nuk e ka mendjen tek Labëria, por tek Himara. Greqia nuk i bën dot asgjë Himarës, ata janë të gjithë labë. Greqia nuk ka fuqi për të sjellë një forcë politike, e ka populli në dorë, është me votim tani. E djathta që mund ta bënte këtë, nuk ka forcë elektorale, është e ndarë, ka vetëm 18%.

-Ky shkrim që bëtë është për të denoncuar një periudhë të paqartë të vendit?

Gjithë vlera është se ai e tha se kemi shkatërruar uzinat dhe është prova që unë të filloj hetimin ndërkombëtarisht dhe nëse ja provojë me një gjykatë ndërkombëtare që e kanë  bërë ata, ju dërgoj faturën dhe është një shifër e madhe. A do ti mbledh qeveria prova, a do të fus një ekspertizë? Këto përbëjnë veprën penale që do hetohet në funksion të fajësisë dhe më pas del edhe dëmi që është bërë.

-Mendoni se ka një ribashkim Rama-Berisha ?

Nuk ka shenja të bashkimit të Rithemelimit me Ramën. Rama-Berisha nuk mund të bashkohen. Berisha qëndron aty ku është me ndihmën underground të Ramës, jo me bashkëpunim. E mban PS-ja Sali Berishën me të gjithë mjetet underground sepse e di që po të jetë ai e ka të sigurt që i fiton zgjedhjet parlamentare në Shqipëri. Prandaj e mbajnë. Jo se e kanë aleat. E kanë një kundërshtar që duan të jetë gogol. Berisha kërkon të shpëtojë familjen nga korrupsionet. Nuk e di sa milionë i kanë vënë në sekuestro edhe në bankat jashtë. Unë kam të dhëna që të gjithë korrupsionet që kanë gjetur jashtë ia kanë vënë ose nën regjistrim ose nën sekuestro. Të shohim si do vazhdojë SPAK-u me luftën antikorrupsion ndërkohë që Berisha është i arrestuar. Luftën antikorrupsion këtu e drejton SPAK-u dhe SPAK-u drejtohet nga Uashingtoni. E tha Blinkeni: SPAK-un e drejtojmë ne. Korrupsioni ka bërë një dëm të madh në Shqipëri.

-Qeveria Rama si e ka gjetur raportin e varfërisë në vend e ka përmirësuar apo përkeqësuar varfërinë në vend ?

Nuk e di. Unë nuk kam gjetur statistika. Nuk më duhen mua përqindjet e komunizmit. Unë dua të di sa është rroga sot. Rama tha që do ti ngremë rrogat deri në 1 milionë, këto 3 ose 4 muajt e parë, por ta shohim. Ka dy burime të ardhurash madje 3 por naftën e kanë shitur sepse ishte edhe nafta, por tani janë dy që janë turizmi dhe bujqësia. Edhe bujqësia ka rritje edhe në rendimet edhe në eksport edhe turizmi dhe këto kanë sjell atë që tha Rama do kemi rritje të pagave. Unë kam një vit që kam kërkuar që rroga në shtet të jetë 1 milionë. Në Poloni ikën shumë njerëz Para disa vitesh kur ishte rroga 300 dollarë në perëndim me punë. Por, qeveria e çoi rrogën 1 mijë dollar u kthyen të gjithë në Poloni. Edhe këta nëse e bëjnë aq do kthehen shqiptarët.

-Ju thoni se nëse nuk do ishin prishur fabrikat dhe uzinat rrogat do ishin 5000 mijë ose 7 mijë euro?

Ju thash rastin e Polonisë, rriti rrogat dhe i riktheu njerëzit në vendin e vet.

-Kreu i PD, Lulzim Basha ka deklaruar se duhen hapur dosjet e spiunëve të shërbimeve sekrete të huaja?

Këto janë çështje të pushtetit gjyqësor nëse ka prova. Provat shkojnë nga hetimi në prokurori dhe nga prokuroria në gjykatë. Basha nuk kupton nga shteti. Ata që erdhën në pushtet fillimisht se njihnin shtetin dhe bënë budallaqe dhe filluan luftë me njëri- tjetrin pa e ditur se përse luftojnë. Ishin injorantë,ca i bënë nga injoranca dhe ca nga deliri. Nuk dinin që të drejtonin një shtet demokratikë.