Lajme Flesh

Sistemi i Aarmit të Shpejtë i Komusninit Evropian për produktet ushqimore (RASFF)ka njoftuar se një sasi sallamesh derri me feta e markës Viaggio nel Gusto, në paketim 80 gramëshe duhet tërhequr menjëherë nga tregu, pasi konstatuar me prani të Listeria. Produkti, siç shikoni dhe në foto, është futur në tregun shqiptar nëpërmjet kompanive që importojnë, me numër loti L023414223 dhe afat përdorimi (skadence) 19.08.2024.

Sallami është prodhuar në Milano, ndërsa Ministria e Shëndetësisë së Italisë gjithashtu ka njoftuar tërheqjen e tij nga tregu.

Qendra ALERT, Organizatë për Mbrojtjen e Konsumatorëve e publikon këtë njoftim (Alert) me të dhënat e plota si informacion për publikun, u cili nëse e gjen në dyqane, me të dhënat e mësipërme, nuk duhet ta blejë. Ndërsa ata që mund t’a kenë në kuzhinat e tyre, duhet t’a kthejnë aty ku e kanë marrë.

Megjithëse Listeria konsiderohet mjaft e rrezikshme për shëndetin e konsumatorëve dhe informimi i tyre duhet të jetë maksimal, Autoriteti Kombëtar i Ushqimit është mjaftuar vetëm në websit-in e tij me një komunikim të thjeshtë, pa asnjë publikim në rrjete sociale apo një komunikim me mediat për interesin e publikut.

Cacciatore a fette dop GR 80

“Në vijim të njoftimit të datës: 09/07/2024 i kategorisë ALERT nga Sistemi RASFF (RAPID ALERT SYSTEM FOR FOOD AND FEED, njoftohemi lidhur me praninë e Listeria monocitogenes në sallam derri, gjë që përbën risk me ndikim serioz për shëndetin e njeriut, ju informojmë si vijon: PËRSHKRIMI I PRODUKTIT:

– Kategoria e produktit: mish dhe nënprodukte mishi

– Emri i produktit në etiketë: Cacciatore a fette dop GR 80

– LOT: L023414233; Datë Skadence: 19/08/2024.”. Kaq thuhet në njoftimin e AKU, pa emrin tregtar apo foto të produktit apo të dhëna shtesë për ecurinë e tërheqjes nga tregu, masat e marra etj.

Megjithatë, Qendra ALERT e ka siguruar foton, si një informacion shtesë për konsumatorët.

Listeria është një lloj bakteri, emri i plotë i të cilit është Listeria monocytogenes dhe shkakton një infeksion që quhet listerioza, nga i cili vdesin qindra mijëra njerëz në vit në të gjithë botën. Listeria nuk është aq i përhapur sa salmonella që është një tjetër virus vdekjeprurës, megjithatë nuk duhet neglizhuar sepse në 25% të rasteve të infeksioneve janë fatale.

Infeksioni në fjalë është më i rrezikshëm tek të rriturit pas një moshe të caktuar, ata me imunitet të dobët dhe veçanërisht gratë shtatzëna sepse mund të nxisë abort. Në rastin e grave shtatzëna, simptomat e infeksionit janë të njëjta me gripin, por bakteri kalon placentën duke shkaktuar deformime të fetusit ose humbje të tij. Ky bakter gjendet kudo rreth nesh, në tokë, ujë dhe shumë produkte ushqimore si ato të mishit, qumështi i shtazëve apo nënprodukteve të tij. Në të shkuarën, ky bakter është përhapur nëpërmjet perimeve të ngrira dhe sallatave të paketuara. /Alert.al

Flamuri shqiptar vazhdon të valëvitet larg, Nelson Hysa ka arritur të fitojë titullin e parë europian në WBO për peshat e rënda. Shkodrani ia doli të mposhte Thorsten Fuchs.

Hysa e gjunjëzoi menjëherë brenda pak sekondash, teksa atmosfera në sheshin “Skënderbej” ishte elektrizuese dhe mbështetja nuk i mungoi. Fitorja e 18-të në karrierë për Hysën dhe e 16-a me “Knock Out”.

Një triumf që sjell për herë të parë në Shqipëri një titull europian. Në këtë mënyrë Hysa bën që Shqipëria të shkruajë një tjetër faqe të suksesshme në historinë e boksit.

Ka javë të tëra që qarkullojnë zërat se klubi i Juventusit është duke shikuar opsionin e blerjes të mbrojtësit shqiptar Mario Mitaj, për të rregulluar problemet e shumta që kanë në repartin e majtë difensiv të ekipit.

Megjithatë, klubi bardhezi ka qenë i zënë me punë të tjera, ku këto ditët e fundit, zyrtarizoi edhe nënshkrimin me trajnerin e ri Tiago Mota. “Zonja e Vjetër” çalon në shumë reparte dhe supozohet që do të bëjë një merkato të fuqishme, që të mund t’i mbulojë këto boshllëqe.

Tani, Juventusit i shtohet edhe një problem tjetër, sepse Mitaj ka rënë në radarët e Beshiktashit. Klubi turk thuhet që i ka bërë një ofertë konkrete Lokomotivës së Moskës për të blerë kartonin e mbrojtësit shqiptar. Këto nuk janë lajme të mira për klubin torinez, që duke parë interesimin më të lartë të turqve, mund të shikojnë për një emër tjetër që të transferojnë për repartin e mbrojtjes./PANORAMASPORT.AL

“Pjatat tradicionale greke tani duken të paarritshme rreth zonës më turistike të Greqisë, qendrës së Athinës. Rritja e çmimit të fetës dhe e vajit të ullirit kanë rritur edhe çmimin e sallatës greke, e cila rivalizon apo edhe ia kalon në çmim sallatat e tjera të huaja të njohura në tavernat përreth Akropolit.

Çmimet kanë qenë gjithmonë më të larta në Plakë, Monastiraki, Thissio. Por çmimet tani janë rritur në qiell në krahasim me të kaluarën”.

Kështu shkruajnë gazetat greke, teksa bëjnë një pasqyrë të çmimeve të larta që ka revoltuar vendasit në Greqi.

Sipas televizionit Mega, një çifti për të ngrënë pranë Akropolit mund t’i duhen edhe 70 euro. Çmimi i sallatës greke për shkak të rritjes ka arritur në 14 euro, i gjiros së derrit në 21 euro dhe porcioni i musakasë 19 euro. Nga ana tjetër, shitësit flasin edhe për qira jashtëzakonisht të larta, të cilat nuk u lënë hapësirë ??për të mbajtur çmimet të qëndrueshme.

Për këto arsye, përveç Italisë, e cila është një nga tregjet klasike turistike dhe Kroacisë, e cila është rritur ndjeshëm, turizmi në Shqipërinë fqinje, ku çmimet janë dukshëm më të lira, është rritur ndjeshëm në krahasim me vitet e mëparshme.

“Kështu, ndërkohë që bukuria dhe niveli i lartë i shërbimeve kanë fituar tregun botëror turistik, edhe grekët tashmë preferojnë Shqipërinë fqinje, pasi infrastruktura e saj është përmirësuar dhe çmimet janë më të ulëta të paktën 2 deri në 3 pikë krahasuar me ishujt grekë.

Sipas Organizatës Botërore të Turizmit, në vitin 2023 Shqipëria u rendit e 4-ta në nivel global për rritjen më të madhe në përqindje të ardhjeve ndërkombëtare të turistëve, duke shënuar një rritje prej 56% në 2019. Shqipëria mirëpriti 7.5 milionë të ardhur ndërkombëtarë në 2022 dhe 10.1 milionë në 2023”, raporton televizioni Mega në edicionin qendror të lajmeve.

Athina po përballet me temperatura të larta e ekstreme. Mediat greke shkruajnë se kamerat termike kanë regjistruar temperatura, që as mund të mendoheshin.

Kamera ka kapur një temperaturë deri në 100 gradë celcius, në një rrugë shumë pranë qendrës së Athinës, afër një kamioni.

Ndërsa, në motorin e një makinerie, që është ndaluar në semafor, kamera tregon se temperatura shkon gati 400 gradë celcius.

Pritet që vala e të nxehtit të përkeqësohet në vazhdim, ku temperatura e ajrit do të shkojë deri në 43 gradë celcius./protothema/

Sipas meteorologëve në Greqi, temperaturat e larta në vendin fqinj do të vazhdojnë të jenë të tilla deri më datë 19 korrik 2024.

(Balkaweb)

Fredi Beleri, mësohet se ka arritur të sigurojë lejen nga autoritetet shqiptare për të marrë pjesë fizikisht në betimin e tij si eurodeputet i Parlamentit Evropian.

Sipas Protothema, Beleri ka marrë lejen për të shkuar në Strasburg dhe pritet të udhëtojë drejt Athinës të hënën në mëngjes, më datë 15 korrik.

“Nga Athina ai do të shkojë në Strasburg. Beleri pritet të mbërrijë në Eleftherios Venizelos në orën 12:30”, shkruan Protothema.

Kujtojmë se Fredi Beleri është njëri nga eurodeputetët e Demokracia e Re, partisë së kryeministrit grek Kyriakos Mitsotakis në Parlamentin Europian, pjesë e grupimit të EPP-së.

Pak ditë më parë ai u bëri një kërkesë Drejtorisë së Përgjithshme të Burgjeve për të lejuar pjesëmarrjen e tij fizikisht në mbledhjen e PE, që do të mbahet më 15 korrik.

Beleri është dënuar nga Apeli i GJKKO-së me 2 vjet heqje lirie me akuzën e korrupsionit zgjedhor, pasi u arrestua nga policia dy ditë para zgjedhjeve të 14 majit 2023.

Gjithsesi arrestimi nuk e pengoi Belerin që të fitonte Bashkinë e Himarës, por detyrën e kryebashkiakut nuk arriti ta ushtronte pasi nuk u lejua nga shkallët e gjyqësorit shqiptar që të betohej, sikundër përcaktohet në ligj, para Këshillit Bashkiak.

Tashmë Beleri ka humbur funksionin si kryebashkiak i zgjedhur për shkak të ligjit të dekriminalizimit dhe në 4 gusht do të zhvillohen zgjedhjet e pjesshme në Bashkinë e Himarës.

Teksa prokuroria e Posaçme SPAK, ka çelur një hetim të tretë kundër Emiljano Shullazit për akuzën e “Sigurimit të kushteve për të vrarë” Durim Bamin të kryer në formën e “Grupit të Strukturuar kriminal”, ai ka shfaqur probleme shëndetësore duke sjellë transportimin me urgjencë drejt spitalit të burgut në Tiranë.

Transferimi me urgjencë i tij nga ambientet e burgut 313 në Tiranë drejt spitalit të burgut, është bërë 3 ditë më parë.

Lajmi konfirmohet nga burime pranë policisë së burgjeve të cilat thanë se pas marrjes së ekzaminimit dhe kujdesin shëndetësor, Emiljano Shullazi është rikthyer sërish në paraburgimin Nr.313, duke u shoqëruar me forca të shumta policie.

Prej muajit Prill 2016, Emiljano Shullazi është arrestuar nga Prokuroria e Krimeve të Rënda, lidhur me akuzat për gjobëvënie ndaj disa biznesmenëve, përfshirë këtu dhe Ylvi Beqaj. Ndërsa 4 bashkëpunëtorët e tij përfshirë dhe Gilmando Danin kanë marrë dënimi më të ulëta.

Por teksa vuante këtë dënim, Prokuroria e Posaçme SPAK ka hapur një dosje të dytë kundër Shullazit, duke e akuzuar dhe marrë të pandehur për vrasjen e biznesmenit Vajdin Lamaj dhe shoferit të tij Artan Arsi.

Por teksa kjo çështje është në fazën e përfundimit të gjyqit në shkallë të parë, SPAK në fillim të muajit Qershor ka hapur një dosje të tretë kundër Shullazit, duke e akuzuar atë se së bashku me Ervis Martinin, Mariglen Hakaj dhe Satilijano Bashon, kanë siguruar kushtet për të vrarë Durim Bamin.

Në kohën kur janë zhvilluar këto biseda për planin e vrasjes së Durim Bamit, Emiljano Shullazi ndodhej në burg, por fliste me telefon të kriptuar “Sky”.

Juventusi ka vënë syrin te sulmuesi i Chelseat, Armando Broja, i cili shihet si një zëvendësues ideal për Arkadiusz Milik, ndërsa ëest Ham është i interesuar për Federico Gatti, sipas Tuttosport.

Po sipas kësaj gazete, Juventus do të ishte gati ta merrte sulmuesin shqiptar, por vetëm si huazim dhe për një sezon.

Edhe nëse do të ndodhte kështu, padyshim që do të ishte një lëvizje tepër e mirë për Brojën, i cili do të ketë mundësi të luajë në një prej ekipeve më të mira të Serie A dhe të tregojë potencialin e tij përgjatë sezonit të ardhshëm.

Një familje shqiptare ka shpëtuar mrekullisht këtë të premte.

Makina në të cilen ata udhëtonin, ka marrë flakë në zonën e Kozanit dhe është shkrumbuar totalisht. Paraprakisht dyshohet se flakët kanë rënë në motorrin e makinës, për tu përhapur më pas në të gjithë mjetin.

Hetimet po vazhdojnë për zbardhjen e plotë të kësaj ngjarje.

Çifti më i përfolur i momentit Anant Ambani dhe Radhika Merchant martohen këtë fundjavë. Ngjarja feston dasmën e djalit më të vogël të Mukesh Ambanit, një prej njerëzve më të pasur në botë, dhe do të zgjasë tre ditë, duke filluar nga 12 korriku dhe duke përfunduar më 14.

Festimet e dasmave do të organizohen në vende të ndryshme, duke përfshirë shtëpinë e Ambanis. Festa do të organizohet gjithashtu në Qendrën e Konventës Botërore prestigjioze Jio në Kompleksin Bandra-Kurla.Sipas raporteve, të ftuarit do të duhet të veshin veshje tradicionale dhe hindu për ceremoninë, veshje zyrtare për ditën e dytë dhe diçka më casual dhe moderne për të dielën. Detajet e ceremonisë janë mbajtur të fshehta, por pritet të jetë po aq luksoze dhe e mbushur me yje sa festimet para dasmës. Çifti ka festuar që nga marsi i kaluar, duke filluar me një hastakshar, një festë paramartesore që feston bashkimin e dy familjeve. Gruaja e ardhshme mori përgjegjësinë për dekorimet duke zgjedhur një temë të Kopshtit Botanik të Bruklinit.

Festat e para dasmës për bashkimin Ambant-Merchant kanë qenë të shumta dhe luksoze. Një nga festat ka shfaqur një performancë nga Rihanna, një ngjarje e veçantë duke qenë se artistja performon më rrallë. Kjo shënoi koncertin e parë të plotë të Rihanna-s në vite. Më pas, familja shkoi në një udhëtim lundrimi nëpër Mesdhe, me ndalesa në Kanë, Portofino dhe më shumë. Ata ftuan mbi 200 njerëz, duke përfshirë miqtë dhe familjen, duke i argëtuar me performanca nga Katy Perry, Pitbull, David Guetta dhe Andrea Bocelli. Javën e kaluar, çifti mirëpriti të ftuarit në Mumbai me një koncert privat nga Justin Bieber, ku Ambanis thuhet se i paguan atij 10 milionë dollarë për koncertin. Bieber postoi foto dhe video të ngjarjes në rrjetet sociale, duke ndarë emocionet e tij për përfshirjen në një festë kaq të rëndësishme.