Lajme Flesh

i

Nga Eduard Zaloshnja

Në fund të vitit 1989 – para se të hiqeshin telat me gjemba nga kufijtë e Shqipërisë – në regjistrin e Gjendjes Civile figuronin 3.21 milionë shtetas shqiptarë. Nga këta, sipas regjistrimit të popullsisë që u krye atëherë, 99% jetonin brenda vendit – vetëm 32 mijë shtetas rezultonin emigrantë (politikë apo ekonomikë).

Në fund të vitit 2023, në regjistrin e Gjendjes Civile figuronin 4.65 milionë shtetas shqiptarë. Nga këta, sipas një vlerësimi të përafërt statistikor që kam bërë bazuar në një sondazh rigoroz në terren, rreth 57% jetonin brenda vendit. Pra, rreth 2 milionë rezultonin në emigracion.
Po cilat janë etapat e rritjes së numrit të emigrantëve nga 0.03 milion më 1989, në 2 milionë deri në fund të vitit 2023?

Vitet ’90 shënuan një eksod biblik të shqiptarëve drejt Italisë, Greqisë, e vendeve të tjera. Si rezultat, në vitin 2001 kishim pothuaj 1 milion shtetas shqiptarë jashtë vendit – në regjistrin e Gjendjes Civile figuronin pothuaj 4 milion shtetas shqiptarë, ndërsa nga regjistrimi i popullsisë në fund të vitit 2001, numri total i banorëve rezultoi 3 milionë.

Në dekadën e dytë të demokracisë, eksodi i shqiptarëve vazhdoi, por jo më me përmasa biblike – numri i shtetasve shqiptarë jashtë vendit u rrit nga 1 milion që ishte më 2001, në 1.5 milion më 2011 (u shtuan 0.5 milion). Konkretisht, në regjistrin e Gjendjes Civile figuronin 4.3 milionë shtetas shqiptarë, ndërsa nga regjistrimi i popullsisë në fund të vitit 2011, numri total i banorëve rezultoi 2.8 milionë.

Edhe në dekadën e tretë të demokracisë, eksodi i shqiptarëve vazhdoi, por ishte i barabartë me atë të dekadës paraardhëse – numri i shtetasve shqiptarë jashtë vendit u rrit nga 1.5 milion që ishte më 2011, në 2 milion më 2023 (u shtuan 0.5 milion). Konkretisht, në regjistrin e Gjendjes Civile figuronin në fund të vitit 4.65 milionë shtetas shqiptarë. Ndërsa nga një vlerësim i përafërt statistikor që kam bërë (bazuar në një sondazh rigoroz në terren vjet në vjeshtë), rezultoi se banonin në vend rreth 2.65 milionë nga këta shtetas.

Prej kurbës së emigracionit nga dekada në dekadë (shihni grafikun shoqërues), mund të konstatohet se ritmi i emigracionit është ngadalësuar në krahasim me dekadën e parë të eksodit të madh, por mbetet përsëri shqetësues për zbrazjen e vendit nga popullsia. Nëse emigracioni vazhdon me ritmin aktual, pas pesë vjetësh, do të kemi më shumë shtetas shqiptarë jashtë Shqipërisë se sa brenda saj (aktualisht janë 43% në emigracion).

SHËNIM: Dallga 1, 1990-2001; Dallga 2, 2001-2011; Dallga 3, 2011-2023

Historiani Pëllumb Xhufi i ftuar në emisionin Shqip nga Dritan Hila në DritareTV tregoi se si u krijua Partia Komuniste e Shqipërisë, si e mori pushtetin Enver Hoxha dhe qëndroi rreth 40 vjet si diktator.

Xhufi foli edhe për gabimet që bëri Enver Hoxha gjatë pushtetit të tij. Janë tri gabime, thotë Xhufi, që ia vuri në dukje edhe Stalini, kur Hoxha i shkoi në Rusi; përbërja fetare e popullit shqiptar, lufta e klasave dhe krijimi i kooperativave.

“Enver Hoxha luftonte edhe për pushtet personal. Duke ditur psikologjinë e diktatorëve, fillojnë u pëlqen vetja dhe nuk kanë besim te të tjerët. Ky është problemi. Këtu dalin dhe gabimet që ka bërë Enver Hoxha.

Janë 3 gabime që ia ka vënë në dukje vetë Stalini. E ka paralajmëruar për tri gjëra për të cilat Enveri po nxitonte shumë. Në 1947-ën kur shkon Hoxha tek ajo parada e famshme, e pret Stalini.

Hoxha shkoi me një delegacion prej shtatë vetash, të Byrosë Politike. Në fjalën e tij Stalini i thotë Hoxhës që t’i prezantojë shokët e Byrosë. Enveri ia prezantoi të shtatë.

Në një moment Stalini e ndalon dhe e pyet se çfarë përbërjeje fetare ka populli shqiptar. “70% janë myslimanë, 20% ortodoksë dhe 10% katolikë”, i tha Enver Hoxha.

Stalini ia kthen: “Edhe në Byronë Politike dhe në parti duhet paraqitur kjo përbërje.” Ky ishte gabimi i parë.

I dyti ishte për luftën e klasave. Filloi të raportojë Enver Hoxha dhe tha: “Ne kemi çuar studentët tanë në vendet e Bashkimit Sovjetik, në demokracitë e tjera popullore. Ata shumë shpejt do kthehen dhe me ta do zëvendësojmë burokratët e vjetër.”

Stalini i thotë: “Ata të vjetrit vërtetë nuk janë komunistë si ne, por janë patriotë. Ata do ikin kur të mbushin moshën. Nuk ka pse të nxitosh kaq shumë.”

Mësimi i tretë ishte për ekonominë, kryesisht me bujqësinë.

Enveri tregoi përparimet që kishin bërë dhe projektin për krijimin e kolkozeve, kooperativave. Stalini i tha: “Ju jeni vend i vogël dhe i varfër. Në punën e kolkozeve kemi bërë gabime të mëdha ne. Mos i bëni dhe ju këto gabime. Prandaj ecni me ngadalë!”

Këto janë tri nga problemet në të cilat Enveri eci nxitimthi.”, tha Xhufi.

Avokati Romeo Kara, në “Breking” me Dafina Hysën, foli për vrasjen e një mikut të tij avokat.

Referuar rastit më të fundit, atë të dhunimit rëndë të avokatit Sokol Mëngjesit, Kara riktheu në vëmendje një ngjarje të shumë viteve më parë.

Avokati u shpreh se vdekja e mikut të tij avokat të tij mbetet ende e pazbardhur.

“Po rikthej një ngjarje, që ka ndodhur me një mikun tim. Para shumë vitesh është vrarë një gjykatës dhe nuk është zbardhur, një ish-kryetar gjykate. E kam pasur shumë mik, e kam pas respektuar shumë këtë person të aftë.

Kam qëndruar pranë tij për të mësuar në vitin 1999. Ja ku jemi sot, prap një avokat i nderuar, pavarësisht se kë ka klient nuk e gjykoj, ndodhet në këtë gjendje. Ka shumë të drejtë Dhoma e Avokatisë”, u shpreh Kara.

Mediat italiane kanë bërë të ditur se një 33-vjeçar shqiptar po lufton me vdekjen në spitalin San Camillo në Romë. Ai ndodhet në koma pas një zhytjeje në Ostia.

Ngjarja ka ndodhur të shtunën në mbrëmje. Ai u zhyt në një zonë ku uji është i cekët dhe ka gurë.

Nuk përjashtohet fakti që i riu shqiptar të ketë pirë shumë dhe ka humbur ekuilibrin dhe është rrëzuar.

Vajzat që ishin në skelë, përfshirë të dashurën e tij, fillimisht menduan se ishte një shaka, më pas dhanë alarmin dhe mbërriti ndihma e parë.

Kur mbërritën mjekët, e gjetën në agoni dhe pa ndjenja, pothuajse të mbytur. Shqiptari ka thyerje të brinjëve dhe vertebrave, por edhe pneumoni nga thithja e ujit të detit.

Shqipëria do të nisë pas 10 ditësh rrugëtimin e saj në Euro 2024, ku do të kërkojë të bëjë një paraqitje të denjë për pritshmërinë që ka krijuar pas në fazës kualifikuese që e mbylli si e para në grupin e saj.

Në Europian do të jetë pak më ndryshe, edhe për faktin se kuqezinjtë kanë rënë në “grupin e ferrit” siç cilësohet nga të gjithë, ai B, ku përkrah janë Spanja, Italia e Kroacia. Një treshe skuadrash që kanë pretendime jo të vogla për t’i shkuar deri në fazat finale këtij turneu.

Parashikimin si mund të jetë turneu i Shqipërisë, e ka dhënë superkompjuteri i gjigandit të statistikave, “OPTA”. Nëpërmjet një programi të sofistikuar të dhënash, është simuluar 10 mijë herë i gjithë turneu dhe janë përcaktuar përqindjet e çdo varianti të mundshëm të përfundimit të tij, sigurisht, duke përfshirë edhe Shqipërinë në çdo përllogaritje.

Sipas superkompjuterit, mundësia më e madhe është që Shqipëria ta mbyllë grupin në vendin e fundit, pasi kjo ndeshet në 56,4% të rasteve. Vendi i tretë i kuqezinjve është në 25,7% të rasteve, vendi i dytë në 12,3% dhe ai i pari në grup është 5,6%.

Në simulimin e kualifikimit në fazën me eliminim direkt, shanset e Shqipërisë për të shkuar në 16-she janë 33,4%. Përqindja zbret në 11,6 për kualifikimin në çerekfinale dhe 3,2 për gjysmëfinalet. Kuqezinjtë kanë 0,8% mundësi që të shkojnë në finalen e turneut dhe vetëm 0,2% për të fituar Euro 2024./PANORAMASPORT.AL

Dashi

Do të jeni mjaft krijues dhe kjo rigjetje sigurie tek aftësitë tuaja, do ju lejojë që të arrini objektivat e vendosur në punë. Në dashuri ka disa tensione të cilat duhet ti sheshoni me partnerin/en, ndaj jini më të komunikueshëm.

Demi

Kjo e mërkurë do ju gjejë me intuitë të theksuar dhe do të shfaqeni të besueshëm para të tjerëve. Një gjë e tillë do të sjellë avantazhe në çështjet e punës. Këshillohet që të jeni më romantik, në mënyrë që të ndizni shkëndija të reja.

Binjakët

Po nisni një rrugëtim i cili do ju çojë drejt rritjes sa i takon karrierës tuaj profesionale. Do të jeni shumë të përqendruar, por mundohuni që të mos lini shumë pas dore ndjenjat. Mjaft të favorshme gjatë kësaj dite, janë investimet.

Gaforrja

Qielli do të jetë mjaft i favorshëm për gjithë ata që kanë dëshirë të rikthehen në lojë në punë. Parashikohen zgjidhje të rëndësishme të cilat do ju lejojnë që të rigjeni qetësinë. Në dashuri, do të jeni disi të ftohtë dhe të shkëputur. Duhet të kaloni më shumë kohë cilësore me partnerin/en.

Luani

Ndonëse jeni në një periudhë mjaft të tensionuar dhe stresuese, mund të merrni rezultate të mëdha në punë. Në dashuri, mundohuni të mos jeni shumë anksioz.

Virgjëresha

Kjo javë është e rëndësishme për të rigjetur sigurinë dhe qetësinë, duke pasur besim te kapacitetet tuaja. Kjo është një periudhë shumë e mirë për të përmbyllur projekte të rëndësishme. Në dashuri parashikohet një periudhë e favorshme.

Peshorja

Kjo ditë është e rëndësishme për të vlerësuar më mirë ofertat që keni marrë së fundmi. Parashikohen të reja të rëndësishme dhe marrëveshje intriguese. Sa i takon sferës emocionale, parashikohen takime romantike dhe emocionuese.

Akrepi

Këshillohet që të jeni shumë të kujdesshëm, sidomos në çështjet e biznesit, ku i keni vendosur vetes një objektiv të caktuar. Megjithatë duhet të mundoheni të shfaqni më shumë besim ndaj bashkëpunëtorëve tuaj. Mbrëmja parashikohet të jetë argëtuese dhe relaksuese për gjithë ata që kanë dëshirë të rikthehen në lojë në dashuri.

Shigjetari

Jini më kurajoz dhe mos hezitoni që të përhapni propozimet tuaja në vendin e punës. Duhet të tregoheni më shumë bashkëpunues dhe të vendosur për të çuar përpara një projekt të rëndësishëm. Parashikohet një periudhë e rëndësishme tranzitore, e cila mund të përforcojë një histori dashurie.

Bricjapi

Gjatë kësaj dite do të ndiheni shumë të kënaqur me rezultatet e arritura në vendin e punës. Megjithatë jeni lodhur shumë dhe në këtë moment, doni vetëm të pushoni. Kjo e mërkurë parashikon histori të reja dashurie.

Ujori

Parashikohet një ditë e rëndësishme, sa i takon arritjes së rezultateve në punë. Tashmë do të ndiheni gati për të hedhur një hap të rëndësishëm në karrierën tuaj. Në dashuri, këshillohet që të shfaqni më hapur ndjenjat.

Peshqit

Kjo është një periudhë e rëndësishme për të plotësuar pritshmëritë tuaja në dashuri. Sa i takon punës, parashikohet një ditë mjaft intensive por në të njëjtën kohë edhe produktive, ku favorizohen bashkëpunimet me kolegët.

Rei Manaj vazhdon të jetë emri më i lakuar në merkaton e futbollistëve në Turqi, pas një sezoni të jashtëzakonshëm që ka bërë me Sivaspor duke shënuar 22 gola në të gjithë kompeticionet. Sulmuesi shqiptar është në shitje dhe ofertat për të duket se nuk mungojnë.

Sipas mediave turke, më e fundit vjen nga Seria A, ku sulmuesi ka luajtur edhe më parë dhe njeh mjaft mirë ambientin, portalet e mediave të mëdha turke raportojnë se për Manajn ka një interesim konkret nga Lacio, që është gati të kthejë në elitën e futbollit italian sulmuesin shqiptar.

Nuk bëhen të ditura shifrat që ofron Lacio, por klubi i Sivaspor ka bërë të qartë se ka refuzuar oferta prej 6 milionë eurosh për lojtarin nga Seria A më përpara, teksa tani kërkon 15 milionë euro për kartonin e tij./PANORAMASPORT.AL

Një incident u regjistrua nga kamera e mediave greke mëngjesin e sotëm në plazhin e Alimos, me një burrë që i vodhi varësen nga qafa një të moshuare, teksa ajo po përgatitej të zhytej.

Sipas gazetarit të SKAI-t, hajduti që rrëmbeu kryqin ishte duke ecur në plazh që herët në mëngjes bashkë me një bashkëpunëtor.

E moshuara duke folur për gazetarin, tha se hajduti i vodhi varësen me kryq nga qafa.

“Unë po bëhesha gati të zhytesha dhe ai më kapi kryqin”.

Sipas saj, kryqi ka njëfarë vlere dhe ka pasur një zinxhir të trashë, dhe kjo duket se e ka tunduar hajdutin për ta vjedhur.

SHIKO VIDEON KËTU

Zonja Lala ka vendosur të largohet pas rreth 17 vitesh nga News 24 pas debateve me pronarin e televizionit, Irfan Hysenbelliu.

Sipas burimeve, pronari i televizionit ka tentuar të kufizojë daljet e gazetares Lala në studiot e televizioneve të tjera, kufizim i cili është refuzuar nga gazetarja. Por, kjo mund të mos jetë arsyeja e vetme e mosmarrëveshjeve.

Kujtojmë se gazetarët e News 24, Gazetës Shqiptare dhe Panorama i kanë marrë gjithmonë pagat me vonesë. Aktualisht shumica e gazetarëve ka tre muaj që nuk marrin pagat.

Vera është e mahnitshme, ditë të gjata, netë të ngrohta por dhe shumë “mysafirë të paftuar” si mushkonjat. Por, a ka një mënyrë për t’i shmangur ato dhe për të shpëtuar nga pickimet e padëshirueshme? 

Në rubrikën “Bima dhe Shëndeti” në emisionin e mëngjesit “Rreze Dielli” në Report Tv specialisti i bimëve mjekësore Ylli Merja tregoi disa mënyra sesi të shpëtojmë njëherë e mirë nga mushkonjat.

Së pari shprehet Merja, pickimet e mushkonjave përveç se të bezdisshme mund të transmetojnë dhe infektojnë viruse të ndryshëm, në rast se një mushkonjë ka pickuar një person me hepatit ekziston mundësia që nëse pickon dhe një individ tjetër t’a infektojë atë.

Bima e rigonit është një nga bimët më të mira që vijnë në ndihmë për largimin e mushkonjave por dhe të insekteve të tjera, pasi aroma ngacmuese e gjetheve të rigonit paralizon instiktin nuhatës të insekteve. Timoli dhe karnavoli prezent tek rigoni bëjnë largimin e mushkonjave por dhe mizave nga ambjenti. Gjithashtu degët e domateve janë shumë efikase në largimin e mushkonjave. Ndërsa një tjetër mënyrë, tregon Merja, është djegia e luleve të kalendulës, eukalipsit në një vazo të vogël, tymi që ato lëshojnë bëjnë largimin e të gjitha mushkonjave nga ambjenti. Kjo është një zgjidhje perfekte për shtëpitë e plazhit. Gjithashtu një tjetër mënyrë shumë efikase sidomos dhe për fëmijët, është përgatitja e një kremi me kalendul. E kaurdisim mirë lulen e kalendulës me pak vaj ulliri, bëhet një si vaj i kuq, mund t’i hedhim dhe pak dyll blete dhe pasi ftohet me këtë masë mund të lyejmë pjesët e ekspozuara sidomos gjatë mbrëmjeve në bregun e detit dhe është e garantuar – thekson Merja, se mushkonjat nuk do ju afrohen.

Pyetjes së moderatores a zgjedhin mushkonjat kë pickojnë? Merja i përgjigjet: Thuhet se mushkonjat kanë predispozitën për të pickuar njerëzit më inteligjentë dhe gratë shtatzëna, por deri tani nuk ka një studim për këtë.

Merja tregon gjithashtu për grackat që mund t’u ngrihen mushkonjave për t’i mbajtur larg shtëpive tona “Mund të marrim shishe plastike dhe hapim dy dritare të vogla në to pak poshtë tapës me një gërshëre, me diametër rreth 2 cm. Hedhim në shishe pak birrë ose verë që mbetet si dhe rreth 150 ml uthull molle, pasi mushkonjave u pëlqen athtësia që lëshon aroma e uthullës dhe tërhiqen drejt saj. I varim këto shishe në oborrin e shtëpisë pranë një peme, në ballkon apo verandë”.

Në përfundim të bisedës Ylli Merja tregoi si të veprojmë në rast pickimi nga mushkonjat, e shtypim pak vendin që të dalë proteina helmuese dhe e lyejmë me propolis me rigon. Një mënyrë tjetër për të ndaluar veprimin dhe për të çaktivizuar reaksionin këshillohet lyerja me vaj eukalipsi, trumze, vaj dafine, vaj rozmarine, vaj livando. Gjithashtu këto vajra janë shumë të mirë dhe për të parandaluar pickimin e mushkonjave duke hedhur 2 pika vaj në një krem, me të cilin lyejmë pjesët e ekspozuara të trupit.