Lajme Flesh

Një gazetar i njohur, njëherësh ish-kryebashkiak në provincën e Lodit, në Itali, është gjetur i vrarë në kopshtin e shtëpisë së tij.

Pierangelo Repanati u gjet i pajetë në shtëpinë e ndodhur në Corte Palasio, teksa hetuesit kanë konstatuar se ai ka shenja të prerjes në fyt. Dy të çarat në fyt kanë qenë edhe shkak për vdekjen e tij.

Fqinjët kishin dëgjuar britma për ndihmë nga kopshti ku u gjet më vonë trupi. Në fakt, kanë qenë ata që kanë lajmëruar policinë që ka shkuar menjëherë në vendngjarje.

Ngjarja ka ndodhur në orët e vona të mbrëmjes së djeshme, të hënën e 27 qershorit, rreth orës 22:00. Karabinierët së bashku me magjistratën e shërbimit dhe mjekësinë ligjore kanë kryer të gjitha konstatimet e nevojshme për të rindërtuar dinamikën e saktë të ngjarjes.

Janë disa hipoteza në shqyrtim, por për momentin më e qarta është ajo e grabitjes. Në fakt, hetuesit nuk përjashtojnë që burri të jetë sulmuar pasi ka gjetur hajdutë në shtëpinë e tij.

Repanati ishte i njohur në qytet, pasi ai kishte qenë kryetar bashkie nga viti 2004 deri në 2009 në Corte Palasio.

“Ishte njeri i mirë, jetoi deri para disa kohësh me nënën e tij të moshuar që ndërroi jetë”, thonë disa bashkëqytetarë që e kujtojnë edhe për besimin e fortë të krishterë.

Aktualisht gazetari punonte si konsulent në një studio në Lodi. Hetuesit së bashku me policinë po mbledhin të gjithë elementët e nevojshëm për kapjen e vrasësit të tij.

Ditën e djeshme në qytetin e beratit u regjistrua një aksident tragjik me dy viktima, një vajzë 25-vjeçare dhe djali i saj vetëm 6-vjeç.

Automjet i tipit Mercedes Benz doli nga rruga dhe përfundoi në Osum bashkë me nënë dhe djalin.

Nëna e identifikuar si Klaudja Xhaferaj ishte shofere në makinë dhe bashkë me djalin po ktheheshin nga spitali pasi fëmija kishte një vigon të vendosur në dorë.

Lidhur me shkakun e ngjarjes, policia ngre dy pista para se nëna mund të ketë kthyer kokën nga djali i saj dhe për pasojë ka humbur drejtimin dhe e dyta që shkak i aksidentit të jetë bërë përdorimi i celularit gjatë kohës së ngasjes së makinës.

Ndërkohë eksperti i sigurisë rrugore, Artur Sulçe vlerëson se shpejtësia e mjetit që ra dje në lumin Osum me pasojë vdekjen e dy personave ishte normale, por i gjithë problemi qëndron tek cilësia e dobët e barrierës mbrojtëse.

“Ishte shpejtësi normale. Arsyeja e devijimit mund të ketë qenë se mund të ketë lëvizur fëmija, mendoj unë.

Një element i rëndësishëm, pamë që elementet e sigurisë rrugore. Ai gardh duhet ta ruante mjetin. Shpejtësia ishte e ulet.

Nëse do ishte brenda standardeve, nuk do ta kishim ngjarjen tragjike. Sa e preku me, cepin, iku i gjithë. Kjo është cilësia, kjo është Shqipëria, kjo është Rilindja.

Sikur e rrëzoi era. Ajo barrierë duhet të duronte 40 ton. Sa e preku parakolpi, barriera ra”, tha eksperti.

Sinan Hoxha është një ndër këngëtarët më të dashur për shqiptarët, brenda dhe jashtë vendit.

Së fundmi ai ka qenë duke performuar në një kocert në në Michigan në SHBA, ku në eufori e sipër këngëtari dëgjohet duke sharë.

I përfshirë nga patriotizmi mes shqiptarëve të SHBA-së, Sinan Hoxha nuk përmbahet dhe shan të gjithë serbët nga nëna.

Kjo video po qarkullon me shpejtësi dhe patjetër që nuk mungojnë edhe kritikat e shumta.

SHIKO VIDEON KËTU

https://www.facebook.com/plugins/video.php?height=345&href=https%3A%2F%2Fwww.facebook.com%2FAlban1aVip%2Fvideos%2F1217512999102553%2F&show_text=true&width=560&t=0

Në Evropën Juglindore duket se do të mbizotërojnë temperatura “përvëluese” përgjatë fundit të qershorit dhe fillimit të korrikut.

Sipas meterologëve deri në përfundim të qershorit pritet të regjistrohen në vend temperature të larta ku termometri do të shënojë deri në 39 gradë celsius.

Fillimi i korrikut pritet që të sjellë rritje të mëtejshme të temperaturave të cilat mund të shkojnë deri në 40 gradë.

Vlerat më të larta duket se do të regjistrohen në qytete si Shkodra, Tirana, Peqini, Berati, Fieri, Vlora, Gjirokastra, etj.

Megjithatë, përgjatë javës pritet të ketë edhe kalime të pakta vranësirash, kryesisht në zonat malore dhe reshjet mund të jenë të izoluara.

Dashi

Edhe pse sot jeni impulsive ju që jeni në një marrëdhënie, në momente të caktuara do të ndaloni dhe do të mendoni mirë atë se çfarë do të bëni. Beqarët më në fund do arrijnë të gjejnë personin e duhur dhe do nisin një lidhje afatgjatë. Në planin financiar parashikohen probleme të njëpasnjëshme.

Demi

Sot edhe pse duhet të rrini shumë kohë në punë mos u shqetësoni, partneri/ja do e gjejë mundësinë për t’ju takuar. Është mirë të rikuperoni në kohë sepse do t’ju nevojitet. Beqarët duhet të mendohen mirë para se të vendosin diçka, sepse mund të lëndohen më vonë. Financat nuk do jenë aspak t mira, kujdes me shpenzimet.

Binjakët

Sot do të keni një dyluftim ndjenjash midis miqve tuaj dhe partnerit/es. Do t’ju vënë përballë një zgjedhjeje të vështirë. Beqarët do kenë një ditë plot ngjyra dhe do kenë mundësi pa fund për të ndryshuar të ardhmen. Financat do vazhdojnë të jenë delikate, kështu që bëni mirë të merrni disa masa.

Gaforrja

Edhe pse në përgjithësi jeni shumë egoist ju të dashuruarit, sot do t’ju duhet ti bëni ju zgjedhjet për familjen tuaj. Jeni në pozitë të vështirë. Beqarët do tregohen të hapur dhe mjaft të disponueshëm për t’ju përgjigjur ftesave për takime. Financat kujdesuni ti mbani gjatë gjithë kohës nën kontroll për të shmangur problemet.

Luani

Dita e sotme është mjaft me fat për të dashuruarit e kësaj shenje. Çdo gjë do të shkojë më mirë seç e keni menduar. Beqarët nuk duhet të nisen nga pamja e jashtme e personave që do takojnë, sepse jo të gjithë janë ashtu siç duken. Financat do vinë duke u përmirësuar falë menaxhimit tuaj të mirë që do bëni.

Virgjëresha

Një ngërç i momentit sot do të bëjë të ndryshoni gjithë programin e ditës ju që jeni në një lidhje dashurie. Pa zgjidhur këtë problem nuk mund të ndërmerrni asnjë veprim. Beqarët të mërzitur nga vetmia, do bëjnë gjithçka për të ndryshuar statusin e tyre. Në planin financiar do përballeni me disa vështirësi të vogla.

Peshorja

Sot ju që jeni në çift do të tregoheni mjaft të drejtë lidhur me këshillat që do t’ju kërkohen. Mund të pozicionoheni vetëm në ato raste që mendoni se është zgjidhja më e mirë. Beqarët ka mundësi të takojnë personin e duhur sot, pas ndihmës që do marrin edhe nga Venusi. Financat do vazhdojnë të mbeten në gjendje të ekuilibruar.

Akrepi

Keni kohë që keni filluar aktivitetet fizike dhe ndjeni që kjo gjë i bën shumë mirë shëndetit tuaj. Mos harroni t’i përkushtoheni me të njëjtin pasion edhe njeriut të zemrës të cilin e keni lënë pak pas dore. Beqarët do tregohen të paqëndrueshëm gjatë kësaj dite dhe mund të humbasin disa mundësi të shkëlqyera. Financat do dini si ti menaxhoni.

Shigjetari

Kjo ditë do t’ju ofrojë emocione të forta dhe do të ndjeheni të përkëdhelurit e fatit ju që jeni në një marrëdhënie në çift. Bëni mirë ta shijoni. Beqarët do ndihen mjaft konfuzë gjatë kësaj dite dhe nuk do dinë çfarë hapash të ndërmarrin. Financat paraqiten të mira dhe pa probleme, do dini si ti menaxhoni.

Bricjapi

Sot dita paraqitet e qetë dhe ju të dashuruarit do të doni ta shijoni në çdo moment. Një surprizë e bukur në horizont nga partneri/ja. Beqraët do kenë ftesa për takime pa fund dhe jeta e tyre do marrë një tjetër ndryshim. Financat do jenë të mira, por gjithsesi duhet të tregoheni të kujdesshëm me shpenzimet.

Ujori

Edhe pse doni të niseni në një udhëtim me partnerin/en e keni axhendën shumë të zënë këto kohë. Mjaft aktivitete duan patjetër bashkëpunimin tuaj. Beqarët do tërhiqen jashtë mase dhe do ju rrahë zemra fort ndaj një personi që do takojnë. Në planin financiar parashikohet një ditë e mbushur me fat.

Peshqit

Edhe pse duket sikur asgjë nuk po ecën siç ju dëshironi, mos u shqetësoni. Një surprizë nga partneri/ja do i çojë gjërat në rrjedhën e duhur. Beqarët pavarësisht se do realizojnë shumë takime, nuk do jenë ene gati për ndryshime në jetën e tyre. Në planin financiar situata paraqitet nën kontroll.

Vala e të nxehtit që ka përfshirë vendin tonë do të sjellë temperatura shumë të larta gjatë kësaj jave, duke bërë që deri në datën 30 qershor të regjistrohet vlera 39 gradë celsius.

Ndërsa ditët e para të korrikut pritet që temperaturat e ajrit të ngjiten deri në 40 gradë.

Meteorologu Hakil Osmani bën të ditur se pritet që qytetet në zonat e ulëta do të jenë ato që do të regjistrojnë edhe vlerat më të larta, konkretisht në qarkun e Elbasanit dhe të Gjirokastrës, temperaturat do të regjistrohen në 40-41 gradë.

Për sa i përket orëve të mëngjesit pritet të ketë rritje të ndjeshme.

Dita e sotme ka regjistruar 13 gradë, por deri në fundjavë pritet që vlerat minimale në zonat malorë të regjistrojnë 17 gradë celsius, ndërsa në zonat e ulëta do të luhaten në 24 gradë.

Për sa i përket kushteve atmosferike orët me diell do të jenë të shumta, por gjatë mesit të javës kemi kalime të pakta të vranësirave që më të dukshme do të jenë në zonat malore, duke rrezikuar reshje të pakta dhe të izoluara shiu

SHIKO VIDEON KËTU

Një tjetër rast abuzimi me të mitura publikohet në emisionin Fiks Fare. Këtë herë bëhet fjalë për një shtetas italian i vendosur prej një viti në vendin tonë. Shtetasi italian i quajtur Donato Ascoli prezantohet tek të miturat 13 vjeçare si një person që do i mbajë me para nëse ato kryejnë marrëdhënie seksuale me të.

Fillimisht në redaksinë e emisionit Fiks Fare ka mbërritur një informacion se një i moshuar italian ngacmon vajzat e mitura, ku mjafton që një e tillë t’i afrohet ai fillon ta ngacmojë dhe t’i kërkojë takime .

Emisioni Fiks Fare duke marrë parasysh këto informacione ka nisur një investigim disa ditor për ta vërtetuar nëse kemi të bëjmë me një pedofil. Bashkëpunëtorja e Fiksit madhore, por e prezantuar si 13 vjeçare i afrohet shtetasit italian duke i kërkuar telefonin për të marr vëllain e saj, pasi i kishte mbaruar oferta. Këtu nis dhe biseda e parë e të moshuarit me vajzën duke i kërkuar asaj të qëndrojnë bashkë dhe t’i bëjnë masazh njëri- tjetrit .

I moshuari italian e pyet vajzën për moshën dhe i jep numrin e tij të telefonit duke i thënë se mosha e saj 13 vjeçare nuk është problem. Ai i thotë që të mos i tregojë askujt për takimin dhe bisedat e tyre. Italiani i shkruan vazhdimisht vajzës në Whatsaap edhe pse ajo ia bën të qartë disa herë që është vetëm 13 vjeçe.

Ndërkohë i moshuari i thotë se kjo është mosha e duhur për të kryer marrëdhënie seksuale, pasi po te mbushësh 20 vjeç quhesh e plakur. Gjithashtu i thotë të mitures se do ta marrë në apartamentin e tij për ta mësuar si të kryejë marrëdhënie seksuale. Po online italiani i kërkon të miturës që t’i dërgojë foto nudo. Pas bisedave në whatsup bashkëpunëtorja e Fiksit lë takim me të moshuarin në një qendër tregtare në Durrës.

Gazetarët e Fiksit duke parë bisedat, ku i moshuari ja kishte bërë të qartë vajzës qëllimin e tij për t’a marrë në apartament për masazh dhe se do e mbante me lekë, kërkojnë menjëherë bashkëpunimin e Policisë së Durrësit për këtë rast. Në takim Donato Ascoli i thotë vajzës së mitur se do kryejnë marrëdhënie seksuale pavarësisht se vajza këmbëngul se është fëmijë. Madje e fut vajzën në tualetet e qendrës tregtare dhe masturbohet para saj.

Më pas i kërkon që të shkojnë në hotel. Rrugës për në hotel i jep 5 mijë lekë të vjetra duke i thënë se do i jepte para sa herë që të shkonte me të. Vajza vazhdon të këmbëngulë për moshën e mitur . Italiani e orienton vajzën drejt hotelit.

Në momentin që ai është duke bërë pazaret në recepsion për dhomën e hotelit ndërhyjnë forcat e operacionales së Durrësit . Policia ka shoqëruar shtetasin italian në komisariat për procedurat e mëtejshme.

Pas 3 ditësh Gjykata e Rrethit Gjyqësor Durrës ka dhënë masën e sigurisë “arrest me burg”.

Një biznesmen grek ka rënë pre e hajdutëve, të cilit i kanë vjedhur nga apartamenti i tij në Selanik para cash dhe bizhuteri me vlerë 1 milionë euro.

Vjedhja kinematografike raportohet të ketë ndodhur në orët e para të mëngjesit të së dielës, 26 qershor, ndërsa mësohet se hajdutët kishin informacion se i zoti i shtëpisë nuk ndodhej në atë orë në banesë.

Sipas medieve greke hajdutët u treguan aq të shkathët sa që iu deshën vetëm 6 minuta për të vjedhur pasurinë me vlerë 1 milionë euro.

Sipas informacioneve të protothema.gr, të paktën pesë persona hynë në apartamentin e biznesmenit në rrugën Maria Callas në orën 03.30 në Selanikun lindor.

Ata vepruan të organizuar në mënyrë perfekte dhe sipas planit tyre të caktuar, arritën të hyjnë në banesën e katit të gjashtë, gjetën vendin ku ndodhej kasaforta e morën dhe e hodhën nga ballkoni i katit të gjashtë.

Më pas autorët zbritën duke vrapuar, morën kasafortën nga rruga, e cila peshonte mbi 400 kg, e futën në bagazhin e makinës dhe u zhdukën.

Policia helene po vijon mbledhjen e dëshmive dhe materialeve nga kamerat e sigurisë në zonë për të bërë të mundur kapjen e autorëve të vjedhjes spektakolare.

Një jaht 17 metra i gjatë është fundosur në det ne zonën e Drimadhes.

Jahti në pronësi të Festim Mark Prendi ka qenë i ankoruar (në spirancë) rreth 130 metra larg bregut të detit.

Sipas policisë kufitare jahti nuk ka pasur njerëz brenda, por dyshohet se i janë hapur tapat në pjesën e fundit të mjetit.

Si pasojë jahti është mbytur në thellësitë e ujërave të Drimadhes.

Policia kufitare po merr në pyetje pronarin e mjetit lundrues.

Pamje të reja janë siguruar nga aksidenti tragjik në Berat ku humbi jetën nëna 25-vjeçare Klaudja Xhaferaj dhe djalit të saj 6-vjeçar.

Siç shihet në pamje, e reja pak para aksidenti është future në parakalim dhe për një moment përballë saj ka ardhur me shpejtësi një kamion.

Në këtë moment 25-vjeçarja ka humbur kontrollin dhe ka përfunduar duke rënë nga lartësia në lumin Osum. Për pasojë ajo bashkë me djalin e saj humbën jetën.

Ngjarja e rëndë u regjistrua rreth orës 14:00, në vendin e quajtur “Ura e re” në rrugën “Antipatrea”.

Pavarësisht se qytetarë të rastit kanë tentuar të japin ndihmën e tyre, nuk kanë arritur të nxjerrin gjallë nga uji nënën dhe djalin e saj.

SHIKO VIDEON KËTU