Lajme Flesh

Polonia ka vendosur rreth 40,000 trupa në kufijtë me Bjellorusinë dhe Rusinë përpara stërvitjeve të përbashkëta ushtarake Zapad-2025, raporton televizioni polak TVP.

Ky veprim vjen pasi gati 20 dronë rusë kaluan në hapësirën ajrore polake gjatë natës, disa prej të cilëve u rrëzuan nga avionë luftarakë polakë dhe holandezë.

Varshava kishte mbyllur tashmë të gjitha pikat kufitare me Bjellorusinë për kohëzgjatjen e stërvitjeve, por pas sulmit me dronë, qeveria njoftoi se kufiri do të mbetet i mbyllur “deri në njoftim të mëtejshëm”.

Moska dhe Minsku planifikojnë të provojnë skenarë ofensivë, duke përfshirë një sulm në Grykën Suwalki, korridori strategjik tokësor midis Polonisë dhe Lituanisë.

Zyrtarët në Varshavë dhe Kiev paralajmërojnë se stërvitja ruso-bjelloruse “Zapad-2025” mund të jetë një mbulesë për plane të vërteta agresioni.

Ekipi serb i futbollit pësoi një humbje të rëndë në kualifikueset për Kupën e Botës, duke humbur në shtëpi kundër Anglisë me rezultatin turpërues 5:0.

Tashmë ata do të përballen me Shqipërinë në një ndeshje vendimtare në garën për vendin e dytë që rrjedhimisht sjell edhe kualifikimin për në finalet e Botërorit.

Ndeshja do të luhet pas një muaji dhe është planifikuar të zhvillohet në stadiumin “Rajko Miti?” në Beograd, ku u luajt edhe ndeshja e fundit kundër Anglisë.

Megjithatë, Federata e Futbollit të Serbisë thotë se po shqyrtohet mundësia e ndryshimit të vendndodhjes, në mënyrë që ekipi vendas të zhvendoset në stadiumin e Leskovcit.

“Tani tjetër është vetëm pas tre javësh, të paktën atëherë fillon grumbullimi për ndeshjen më të rëndësishme në kualifikuese, për ndeshjen me Shqipërinë, e cila do të vendosë drejtpërdrejt se kush do të shkojë në playoff për Kupën e Botës, – tha sekretari i përgjithshëm i Federatës së Futbollit të Serbisë, Branko Radujko, për Tanjug.

Ai shton gjithashtu se dëshira e Federatës Serbe të Futbollit është që dueli me Shqipërinë të zhvillohet në Leskovc. “Po punojmë intensivisht për të marrë miratimin për ndryshimin e vendndodhjes për atë ndeshje, Leskovci është një mjedis ku kombëtarja është përgatitur gjithmonë në qetësi, ku është pritur me mbështetje të pakursyer në një atmosferë jashtëzakonisht pozitive dhe ku ka regjistruar disa rezultate shumë të rëndësishme pozitive. Kam besim se do të luajmë atje, në Leskovc – theksoi Radujko.

Stadiumi i Leskovacit i quajtur “Doçica” ka një kapacitet modest prej 8000 vendesh, krahasuar me Marakanën në Beograd që ka një kapacitet prej rreth 52.000 vendesh, ku është përcaktuar fillimisht zhvillimi i ndeshjes me Shqipërinë.

Megjithatë ngjarjet e fundit në ndeshjen ndaj Anglisë pritet të sjellin edhe dënimin e rëndë për zhvillimin e ndeshjes të paktën të rradhës pa tifozë, përveç gjobës së majme në euro. Kjo me sa duket, por edhe frika nga përsëritj e ngjarjeve të së shkuarës dhe pamundësia për të kontrolluar hooliganët e tyre edhe vetë organizatorët kërkojnë të largohen sa më shumë nga ata.

Kryeministri izraelit Benjamin Netanyahu nënshkroi të enjten një marrëveshje për të çuar përpara një plan të diskutueshëm zgjerimi të vendbanimeve që do të copëtonte territorin që palestinezët pretendojnë për krijimin e shtetit të tyre.

“Ne do ta mbajmë premtimin tonë se nuk do të ketë shtet palestinez, ky vend na përket neve”, tha Netanyahu gjatë një vizite në vendbanimin Maale Adumim në Bregun Perëndimor, ku do të shtohen mijëra shtëpi të reja.

“Ne do ta mbrojmë trashëgiminë tonë, tokën tonë dhe sigurinë tonë…Do ta dyfishojmë popullsinë e qytetit”, tha kryeministri izraelit në një aktivitet të transmetuar drejtpërdrejt nga zyra e tij.

Muajin e kaluar, plani E1, i cili do të ndante Bregun Perëndimor të pushtuar dhe do ta shkëpuste atë nga Jerusalemi Lindor, mori miratimin përfundimtar.

Ministri i Financave i ekstremit të djathtë, Bezalel Smotrich, mbështeti planet për të ndërtuar rreth 3,400 shtëpi në këtë truall toke shumë të ndjeshëm, të vendosur midis Jerusalemit dhe Maale Adumim.

Njoftimi i tij shkaktoi polemika, me Sekretarin e Përgjithshëm të OKB-së, Antonio Guterres, i cili deklaroi se kjo zgjidhje do të ndante në mënyrë efektive Bregun Perëndimor dhe do të përbënte një “kërcënim ekzistencial” për një shtet palestinez të bashkuar.

Fakulteti i Gjuhëve të Huaja i Universitetit të Tiranës njofton ndarjen nga jeta të psikologes Ilirjeta Metushi, e cila prej vitit 2022 ka qenë pjesë e stafit dhe ka mbështetur studentët.

Fakulteti shpreh ngushëllimet për familjen dhe të afërmit në këto momente.

“Me dhimbje të madhe njoftojmë ndarjen nga jeta të koleges sonë të dashur, Ilirjeta Metushi, e cila që prej vitit 2022 ka qenë pranë studentëve dhe stafit të Fakultetit të Gjuhëve të Huaja si psikologe.

Ilirjeta do të mbahet mend për buzëqeshjen, mirëkuptimin dhe zemrën e saj të madhe që na frymëzoi të gjithëve.
Ngushëllimet tona më të ndjera shkojnë për familjen dhe të afërmit.

Në këto çaste të dhimbshme, jemi pranë tyre me mendje dhe zemër”, shkruan fakulteti.

Një nënë e re 23-vjeçare, nga Durrësi, e cila ishte shtatzënë me fëmijën e saj të dytë, ka lindur në oborrin e maternetitit të qytetit.

Lindja e gruas së re ishte planifikuar për të ndodhur në fund të muajit, por mësohet se gruas së re i kishin nisur dhimbjet mëngjesin e sotëm dhe pavarësisht se kishte shkuar me urgjencë në maternitet, lindja e asistuar është kryer në oborrin e institucionit.

Burime nga materniteti konfirmojnë për “DurrësLajm”, se janë detyruar ta kryejnë procedurën e lindjes në ambient aspak të zakontë, por fatmirësisht edhe nëna, edhe bebja e saj e seksit femër gëzojnë shëndet të plotë.

Pas djalit, gruaja e re u gëzua me një vajzë me peshë 2.700 gram, ndërsa pret rikthimin nga emigrimi të bashkëshortit të saj.

Mësohet se nëna dhe foshnja kanë qenë që në minutat e para të mbërritjes në maternitet nën kujdesin e bluzave të bardha, mamive dhe mjekes roje dhe gjithçka ka shkuar më së miri.

Aktori Florjan Binaj ka reaguar menjëherë pas prezantimit nga kryeministri Edi Rama të ministres së parë të krijuar me Inteligjencë Artificiale, të quajtur Diella.

Binaj ironizoi vendimin duke shkruar se me këtë mënyrë, askush nuk do të futet më në burg për tenderat, pasi firmat do të mbahen si të një programi, software-i apo aplikacioni.

“Që të mos futet më njeri në burg, bëjnë sikur ai/ajo që firmos tenderat është program/software/aplikacion… dhe burgu me ngrica, leku tek c*ca!”, shkroi Binaj, duke e shoqëruar me tone satirike.

Reagimi i tij ka ngjallur komente të shumta në rrjete sociale, teksa prezantimi i ministres artificiale Diella vijon të jetë tema më e përfolur e ditës.

Roman Kunčar, është një i ri nga Çekia që ka mbërritur pak ditë më parë në Shqipëri me një mision mjaft të veçantë.

Roman, i cili këtë muaj mbush 30-vjeç, është në kërkim të babait të tij biologjik shqiptar. Ai ka treguar se babai i tij quhet Enver Blata, rreth 55-60 vjeç dhe me mamanë e tij janë takuar në Gjermani para 30 vitesh.

Ai thotë se babai shqiptar ndoshta nuk e di fare ekzistencën e frytit të dashurisë së rinisë, por vetë ka dëshirë ta takojë dhe të njohë më tepër për origjinën dhe rrënjët e tij.

Roman kërkon ndihmën e shqiptarëve për gjetjen e babait dhe pse jo në eksplorimin e vendit dhe kulturës shqiptare.

Kushdo që ka informacion mund ta kontaktojë në rrjetet sociale, Facebook/ Instagram, Roman Kunčar, ose tatovinastope.cz.

Mesazhi i Roman:

Unë po kërkoj babain tim në Shqipëri. Nuk e kam takuar kurrë. Këtë muaj mbush 30 vjeç dhe do të doja shumë ta takoja për herë të parë. Po e bëj këtë me dashuri dhe respekt për babain tim dhe jetën e tij. Ai dhe nëna ime u dashuruan para 30 vitesh në Gjermani. Që atëherë nuk janë parë më.

Ju mund të më ndihmoni ta gjej duke shpërndarë këtë foto ose duke më shkruar çdo informacion rreth tij. Jam gjithashtu këtu për të njohur kulturën tuaj. Për të zbuluar nga vij. Për të njohur rrënjët e mia. Do të jem shumë mirënjohës për çdo këshillë për vendet që nuk duhet të humbasim./joq

Gazetari Bledian Koka, i ftuar në një emision televiziv, ka analizuar përbërjen e re të kabinetit qeveritar dhe rolin në rritje të zv/kryeministres Belinda Balluku.

Sipas Kokës, Balluku është sot figura më e fuqishme brenda qeverisë, ndërsa e përshkroi Ramën si një ‘turist’ në krye të qeverisë, që i ka deleguar pushtetin real Ballukut, e cila sipas tij, është kthyer në garancinë për vendime të rëndësishme të ekzekutivit, shpesh pa përgjegjësi të vërtetë politike.

Koka paralajmëron se ‘ligji i pashkruar’ i Edi Ramës, ai që sa më lart ngjitesh, aq më thellë rrëzohesh, mund të përsëritet edhe në rastin e Ballukut, njësoj si me Erion Veliajn.

Bledian Koka: Jo se ka ndonjë diferencë mes njërit dhe tjetrës, sepse është fiks kur themi Rama-themi Belinda, dhe anasjelljas. Problemi është që sot kemi një shpërfaqje të nj njeriu që ka një super pushtet brenda qeverisë. Secili prej atyre, po të shikoni edhe ministrat e caktuar që kanë marrë edhe poste të rëndësishme, qoftë në Ministrinë e Brendshme, të Arsimit, Financave… të gjithë njerëz që janë ‘protezhe’ të zonjës Balluku.

Që do të thotë që, praktikisht unë shoh një kryeministër i cili do fillojë të bëjë që praktikisht ka filluar ta bëj tashmë ‘turistin’, edhe me garancinë e një njeriu, që është në këtë rast Belinda Balluku, që o jetë garancia e të pabërave me papërgjegjshmërinë totale të një njeriu që firmos çdo gjë që i kërkon shefi.

Kështu që, por kjo mbetet për tu parë nëse zonja Balluku do të qëndrojë thjesht si këpucari tek këpucët që i kërkon mbretit të bëj atë gjënë, apo do notojë diçka tjetër.

Ka një ligj të pashkruar brenda mazhorancave të Edi Ramës, që sa më lart ngjitesh, aq më keq bie. Sot ne kishim një njeri që deri para disa muajsh ishte i dyti më i fuqishmi i këtij vendi dhe ishte Erion Veliaj. Si ai, ndërkohë që po e groposte nuk i përmendte as emrin, dhe nga ana tjetër kemi një njeri që sot është në apogjeun e pushtetit, ndoshta shumë më shumë sesa Erion Veliaj dhe po aq sa është Belinda Balluku dhe koha do të tregojë nëse do të arrijë ta përballojë këtë superpushtet, apo do të ketë dhe ajo fatin e Erion Veliaj. Unë mendoj që ligji i pashkruar, do të funksionojë edhe në këtë rast.

Një postim i vjetër në Twitter nga aktivisti konservator Charlie Kirk po qarkullon sërish në rrjet pas vrasjes së tij me armë zjarri gjatë një aktiviteti publik në Utah.

Kirk, 31 vjeç, u qëllua për vdekje mbrëmjen e së mërkurës (10 shtator), teksa mbante një debat në Universitetin e Luginës së Utah, në kuadër të organizatës së tij politike Turning Point USA. Ngjarja ndodhi vetëm 20 minuta pasi ai kishte nisur fjalimin, përpara një audience prej afro 3,000 personash.

Në video amatore të publikuara menjëherë pas ngjarjes, Kirk shihet teksa rrëzohet në karrige, ndërsa turma shpërthen në panik. Dëshmitarë në vendngjarje treguan për çaste frike dhe konfuzioni total.

“Të gjithë u shtrimë në tokë. Qëndruam ashtu për rreth 30 deri në 45 sekonda, pastaj njerëzit nisën të vraponin. Askush nuk dinte çfarë po ndodhte”, u shpreh Emma Pitts, gazetare në Deseret News.

Pas vrasjes, është rishfaqur në rrjet një postim i vitit 2014 nga vetë Kirk, ku ai shkruante me ironi:

“Mos vallë më qëlloi një AR-15? Kështu më duket”, shkroi ai më 23 qershor 2014, në një postim, i cili po rikthehet në viral në X, pas atentatit të 10 shtatorit.

https://x.com/charliekirk11/status/480862236173692928?ref_src=twsrc%5Etfw%7Ctwcamp%5Etweetembed%7Ctwterm%5E480862236173692928%7Ctwgr%5Ed5b9edfae6cb7ca1d3b34c67bb11e566151b9725%7Ctwcon%5Es1_c10&ref_url=https%3A%2F%2Fshqiperia-ime.com%2F2025%2F09%2F11%2Fa-u-qellova-nga-nje-ar-15-postimi-i-frikshem-i-charlie-kirk-behet-realitet-11-vite-me-pas%2F

Edhe pse autoritetet nuk kanë konfirmuar ende llojin e armës së përdorur, spekulimet flasin për një AR-15, një pushkë gjysmë-automatike shumë e përhapur në SHBA, shpesh e përdorur në masakrat me armë zjarri. Rreth 25 milionë të tilla mendohet se ndodhen në duart e civilëve amerikanë.

Kryeministri Edi Rama caktoi në drejtimin e Ministrisë së Brendshme Albana Koçiun.

Duke thënë se kjo Ministri nuk është vetëm në funksion të Policisë, Rama, në fjalën e tij në Asamblenë e PS-së, vuri theksin te nevoja për caktimin e adresave. Po ashtu, foli për sistemin e zjarrfikëses, që e cilësoi të prapambetur.

“Sot zjarret janë problemi ynë më i madh. Kanë dalë në plan të parë. Ministria e Brendshme duhet të bëhet Ministri e Punëve të Brendshme, të ngrihet në një nivel tjetër. Administrata nuk mund të jetë më e zhytur në kënetë. Problematika e imigracionit, gjendja civile, standardet e shërbimeve të kompanisë së sigurisë private, që vetëm kur ndodh ndonjë gjë, themi çfarë bëhet me këta. Pronat e sekuestruara, që i riblejnë prapë pronarët, është vënë rregull, por nuk mjafton”.