Lajme Flesh

Tre anëtarët kryesorë të grupit të Laert Haxhiut, janë ndarë në sektorë të ndryshëm që vuajnë dënimin në burgun e sigurisë së lartë në Drenovë të Korçës.

Vendimi për ndarjes dhe diferencimin e tyre është marrë nga Drejtori i burgut të Drenovës, ndërsa Laert Haxhiu, që prej datës 29 qershor 2025 është futur në izolimin e këtij burgu.

Ndërkohë pritet që kreu i SPAK, gjatë kësaj kohe ti propozojë komisionit të posaçëm, për izolimin në rregjim “41 Bizz” të 3 anëtarëve të këtij grupi kriminal Anterio Kaloshi, Orgest Bilbili dhe Laert Haxhiu.

Nga ana tjetër, Prokuroria e Korçës, ka nisur hetimet për ish-Drejtorin e Burgut, Fatjon Fasho dhe ish-shefin të policisë së Burgut, Sokol Kaçoli, të cilët janë kallëzuar nga Drejtoria e Përgjithshme e Burgjeve, për akuzën e “Shpërdorimit të detyrës”.

Ky grup vepronte në disa qytete si Lushnjë, Tiranë, Pogradec, Durrës, Tepelenë, Peqin, Korçë dhe Greqi, duke kryer krime të ndryshme nga shitja e lëndëve narkotike, vjedhja, gjobëvëniet, e deri tek krimet e rënda si shkatërimi i pronës me eksploziv dhe vrasjet.

Sipas një raporti të publikuar disa ditë më parë nga “Ora News”, e gjithë banda ishte akomoduar në një sektor dhe me dhoma ngjitur nga njëra-tjetra.

Në dhomën Nr.4, dhomën Nr.5 dhe dhomën Nr.6, qëndronin të dënuarit Laert Haxhiu, Orgest Bilbili, Anterio Kaloshi, Vladimir Kurti dhe Xhensi Lipo.

Por një kontroll “blic” nga skuadra operacionale e Policisë së Burgjeve, çoi në kapjen e 4 aparateve telefonike të markave “Iphone” dhe “Samsung”, kufje me bluetuth dhe karikusa.

Kjo situatë çoi në një skandal të vërtetë, pasi drejtuesit kryesorë të grupit të Lushnjës, ishin përqëndruar së bashku në një sektor të sigurisë së lartë, duke pasur të gjithë aparate telefonike të markave të fundit.

Për më tepër, raportet e shërbimit flasin se para këtij skandali të rëndë, një incident tjetër ka ndodhur në këtë sektor, pasi një femër me emrin Z…, ka hyrë për të zhvilluar takim special me një të dënuar tjetër, por në fakt në dhomë takimi është kryer me Laert Haxhiun.

Haxhiu, Orgest Bilbili dhe Anterio Kaloshi vuajnë dënimin me burg përjetë në burgun e sigurisë së lartë në Korçë, pasi janë dënuar të tre për akuzën e vrasjes së Jurgen Hoxhës dhe Zamir Latifit, ngjarje kjo që ka ndodhur në vitin 2017, ku mbetën të plagosur dhe dy persona të tjetër.

Ndërkohë ndaj Haxhiut dhe anëtarëve të tjerë të grupit të tij, janë dhe dy procese gjyqësore të hapura në prokurorinë e posaçme SPAK, ajo e vrasjes së Besnik Hidës, ku Laert Haxhiu ka vepruar së bashku me Orgest Bilbilin, Ardian Ahmetin i njohur si “Pepe” dhe persona të tjerë.

Ndërsa dosja tjetër që lidhet me Laert Haxhiun, është ajo e vrasjeve seriale, vjedhjeve, shkatërrimit të pronës me ekspluziv të kryera në formën e “Grupit të strukturuar kriminal”, ku i penduar është bërë Artan Tafani. /Ora News

Kryeministri Edi Rama ka deklaruar se duhet të shkarkohen të gjithë kryetarët e Njësive Administrative në të gjithë Republikën e Shqipërisë.

Edi Rama: Këtu janë edhe disa nga kryetarët e forcave të tjera, sa i përket kryetarëve ë PS të gjithë kryetarët e njësive administrative duhet të shkarkohen, që të gjithë.

Vijon…

Kryeministri Edi Rama është shprehur se ashtu si në Vlorë dhe Durrës, edhe në Elbasan dhe Lushnjë duhet bërë shkarkimi i drejtorëve, ndërsa nuk ka kursyer edhe kritikat ndaj kryebashkiakut të Elbasanit, Gledian Llatja.

Me ironi Rama nisi kritikat e tij, duke u shprehur fillimisht se “bari i varrezave të Elbasanit ka potencialin të behet kallam dhe të bëhen varrezat si kallamishte. Një lloj bari që aq shumë është lënë pa u preku, që jo vetëm rritet, por qe synon të bëhet kallam”.

“Te mos dijë kryetari se çfarë ndodh”, tha Rama, ndërsa shtoi se edhe në Bashkinë e Elbasanit edhe në atë të Lushnjës duhet bërë e njëjta gjë si në Bashkitë e tjera.

“Gatishmëria e qeverisë për njerëzit të mos trajtohet si bari varrezave të Elbasanit, i cili ka potencialin të behet kallam dhe të bëhen varrezat si kallamishte. Një lloj bari që aq shumë është lënë pa u prekur, që jo vetëm rritet, por qe synon të bëhet kallam.

Papritur shkon dikush i vë flakë, dhe për turp behën varrezat vend zjarre vënie del që personi nuk është mirë, por nëse bari është qethur siç duhet, dhe bari nuk merr qiellin se është e pakonceputeshme të ndodhin gjëra që do ti faleshin kryetarit të bashkisë nëse Elbasani do të ishte sa Shangai.

Mund ta pëshkosh në këmbë çdo ditë cep për cep, të mos dijë kryetari se çfarë ndodh? Të mos jetë i informuar për çdo tullë që vihet në qytet, është e pamundur nëse i ka sytë hapur dhe i rri mbi kokë gjerat. Patjetër nëse kryetari i ka sytë gjysme hapur dhe gjysmë mbyllur, ata që janë nën të i kanë të mbyllur, siç i kishin në Bashkinë e Vlorës.

Edhe në Bashkinë e Elbasanit edhe në atë të Lushnjës duhet bërë e njëjta gjë si në Bashkitë e tjera që deri tani është bërë pezullimi i plotë, shkarkimi i drejtorëve me dorëheqje, për t’u dhënë mundësi të tjerëve të tregojnë që janë të duhur për atë pozicion. Duhet shkundur e gjithë kjo pemë, se 10 mandate në Elbasan janë një barrë, bashkë më të Fierit dhe Vlorës, më ka marrë edhe ato orë që flija gjumë. Duhet të të lëmë pa gjumë ty, jo të flesh më shumë.”– tha Rama.

Një tërmet i lehtë me magnitudë 2.2 të shkallës Rihter është regjistruar paraditen e sotme në jug të Shqipërisë.

Sipas të dhënave zyrtare, lëkundja u shënua në orën 11:00 të datës 11 korrik 2025, me epiqendër rreth 20 kilometra në perëndim të Gjirokastrës dhe rreth 115 kilometra në jug të Elbasanit. Tërmeti ka pasur një thellësi prej 15 kilometrash.

Më shumë se gjysma e ujësjellësve në Shqipëri nuk kanë laborator për analizat e ujit
Lëkundja ka qenë e lehtë dhe nuk raportohet për dëme apo panik te qytetarët. Shqipëria ndodhet në një zonë me aktivitet të moderuar sizmik dhe tërmete të tilla janë të zakonshme.

Institucionet përkatëse vazhdojnë monitorimin e situatës.

Në një takim të mbushur me kritika dhe kërkesa llogarie, e vetmja bashki që doli “faqebardhë” para kryeministrit Edi Rama, ishte Cërriku.

Para kryebashkiakëve të tjerë, Rama përgëzoi Andis Sallën për përpunimin e mbetjeve të fshatrave. Ai tha se kjo është një nismë që çdo kush mund ta bëjë, pasi nuk është një “inovacion i shpikur në Japoni”. Pas kësaj, Rama kritikoi kryebashkiaku ne Elbasanit, Gledia Llatja, se përse nuk ndjek të njëjtin shembull.

“Mund ta di pse bashkia e Cërrikut i përpunon të gjitha mbetjet e fshatit i kthen në produkt prashitje, pse nuk e kanë të tjerët? Më duket e ka bërë edhe Roskoveci, s’është inovacion që ka ndodhur në Japoni, pse nuk vrapon ti në Cërrik si ta bësh edhe ti në Elbasan. Pse duhet të rrimë të presim, kërkojmë fonde nga qeveria.”- tha Rama.

Një ngjarje tragjike ka ndodhur këtë të premte në plazhin e Vlorës, ku një grua nga Ukraina ka humbur jetën, ndërsa vajza e saj ndodhet në gjendje të rëndë në spital.

Sipas informacioneve, një qytetar nga Vlora u erdhi në ndihmë nënës dhe vajzës në momentet kur ato po rrezikonin të mbyteshin në det.

Ai arriti t’i nxirrte në breg në gjendje të rëndë shëndetësore. Vajza ndodhet aktualisht e intubuar në spitalin e Vlorës, ndërsa nëna nuk arriti të mbijetojë.

Për shkak të faktit se viktima është shtetase e huaj, trupi i saj do të dërgohet drejt morgut të Tiranës për procedurat përkatëse.

Ngjarja ndodhi mesditën e së premtes, kur nëna dhe vajza ishin futur në det për t’u larë, por rrymat dhe dallgët i rrezikuan seriozisht.

Të dyja ishin turiste nga Ukraina dhe pushuesit e tjerë në zonë iu ofruan ndihmë të parë menjëherë, pas ndërhyrjes së parë nga qytetari që i nxori nga deti.

Sipas rrëfimeve të qytetarëve të pranishëm, ambulanca mbërriti me rreth 30 minuta vonesë.

Një tjetër incident raportohet nga Thethi, në vazhdën e prishjes së ndërtimeve pa leje.

Disa persona kanë gjuajtur me molotov fadromat e IKMT si dhe urën në lagjen “Gjelaj”.

Dëmet janë të konsiderueshme.

Policia ndërkohë është vënë në ndjekje të tyre.

DASHI

Mos e humbisni kohën! Pasioni është i pranishëm në këtë horoskop, por kini kujdes në marrëdhëniet me Peshqit dhe Bricjapin. Sa i përket punës, takime të reja janë në horizont dhe ju tashmë i keni dhënë fund marrëdhënieve që nuk ju interesonin më.

DEMI

Sipas horoskopit të Paolo Fox (e premte, 11 korrik 2025), ajo që vendosni të bëni tani do të jetë gjithashtu vendimtare për javët në vijim. Venusi, veçanërisht gjatë kësaj periudhe, përgatit terrenin për emocionet e Jupiterit, të cilat mund të krijojnë zgjidhje të reja. Punë? Është e rëndësishme të bëni një vlerësim të situatës suaj praktike.

BINJAKËT

Nëse e lini anën negative të mbizotërojë, do të jetë e vështirë të arrini qëllimet tuaja, por nëse i shfrytëzoni në maksimum të gjitha mundësitë më të mira, asgjë nuk do t’ju ndalojë! Sa i përket punës, do të jetë një ide e mirë të merrni në konsideratë vendime të reja gjatë kësaj periudhe.

GAFORRJA

Ky është një muaj tjetër shumë i rëndësishëm për të gjithë Gaforret që duan të fillojnë një marrëdhënie të re, veçanërisht sepse ekziston një dëshirë më e madhe për të marrë rreziqe. Në frontin e punës: disa probleme me rinovimin e kontratave. Mos i besoni shefit tuaj…

LUANI

Sipas horoskopit të Paolo Fox (e premte, 11 korrik 2025), edhe nëse keni kaluar disa zhgënjime në të kaluarën, duhet t’u besoni instinkteve tuaja. Mos qëndroni në shtëpi! Punë? Mund të jetë një ide e mirë të publikoni CV-në tuaj.

VIRGJËRESHA

Kjo javë premton tension vetëm për ato marrëdhënie që kanë kaluar një krizë serioze në gjashtë muajt e fundit. Lidhur me punën, mos u zemëroni ose lodhni në fillim të javës; vlerësimet tuaja të miratimit janë në rritje.

PESHORJA

Do të jeni të etur të takoni njerëz të çuditshëm dhe të pazakontë… njerëz që ju intrigojnë dhe ju mahnisin! Sa i përket punës, planifikoni planet tuaja me kujdes.

AKREPI

Sipas horoskopit të Paolo Fox (e premte, 11 korrik 2025), pas krizave afatgjata, mund ta gjeni veten përsëri të dashuruar. Kini kujdes këtë fundjavë: ndjenjat grindëse mund të kthehen nëse jeni duke u takuar me Ujorin ose Luanin. Sa i përket punës, çdo projekt që zhvilloni gjatë këtyre ditëve do t’ju sjellë shpejt kënaqësi të madhe.

SHIGJETARI

Marrëdhëniet tuaja të lëkundura kanë pësuar një pengesë. Deri në fund të korrikut, do të vendosni nëse do të vazhdoni apo jo. Lidhur me punën, ka ende pak lodhje ose hidhërim për të kapërcyer; gjashtë muajt e parë të vitit nuk kanë qenë një shëtitje në park për ju.

BRICJAPI

Romancat e reja janë të rëndësishme dhe madje mund t’u jepni më shumë rëndësi ndjenjave sesa punës. Të gjitha projektet e reja duhet të vlerësohen me kujdes sepse sjellin përparim.

UJORI

Sipas horoskopit të Paolo Fox (e premte, 11 korrik 2025), mund të merrni frymë lirisht. Venusi është rikthyer në aktivitet dhe do të jetë në një pozicion të mirë me hënën këtë fundjavë. Lidhur me punën, keni disa vendime urgjente për të marrë.

PESHQIT

Ka vështirësi për t’u menaxhuar. Kafshoni gjuhën para se të shkaktoni dëm. Në punë, kjo është një kohë e rëndësishme për ata që drejtojnë biznese të pavarura ose kanë lidhje.

Hati është një nga TikTok-eret më të njohura dhe më të komentuara në rrjetet sociale.

Ditë më parë, ajo ka udhëtuar drejt Greqisë për të kaluar pushimet me njerëzit e zemrës.

Nga atje, Hati ka ndarë me ndjekësit pamje të ndryshme, duke treguar se po i shijon pushimet në maksimum, mes relaksit dhe atmosferës bregdetare.

Ndryshe Hati njihet edhe për jetën e luksit që e bën në Shqipëri dhe për lidhjen e saj me Jasharin, me të cilin janë ndarë kohët e fundit.

Nuk dihet ende se kush ka qenë personi që e ka shoqëruar Hatin, në këto pushime në Greqi.

Galeria fotografike (

1 / 7

)

Kryetari i PBDNJ-së, Vangjel Dule, doli sot përpara kamerave për t’iu bashkuar qëndrimit opozitar se zgjedhjet parlamentare nuk ishin të drejta.

“Për vlerësimi tonë, nuk ka pasur zgjedhje në 11 maj. Ka pasur një proces tjetër, dhe sfida është për gjuhëtarët t’i gjejnë një emërtim. Nuk ka lidhje me zgjedhjet siç ato konceptohen dhe implementohen në vendet demokratike”, tha Dule

Por ndonëse thotë se nuk kishte zgjedhje, pjesë të përgjegjësisë për rezultatin bën edhe opozitën duke u shprehur se është detyrë e saj për të ndryshuar realitetin.

“Është çështje e shoqërisë sonë, e zgjedhësve tanë, që të reagojnë. Në çdo vend tjetër pas një procesi të tillë si ai i 11 majit, protestat do të ishin të pandalshme. Ne kemi fenomene të tjera sociale që kanë ndodhur në vendin tonë, qytetari ndihet i mundur, këtu është përgjegjësia e opozitës. Dështuam sepse edhe njerëz nga radhët tona u blenë apo ranë viktima të presionit”, tha Dule.

Përpara fjalëve të përgjithshme Vangjel Dule mori edhe pyetjen konkrete se cili do të jetë aksioni opozitar.

“Hapi i dytë, pasi të presim edhe raportin përfundimtar të OSBE ODIHR do të shkojmë në hapa konkret se si do të jetë reagimi zyrtari i opozitës, pjesëmarrja në parlament, protestat, demonstratat”.

Krahas kritikave për zgjedhjet parlamentare, Dule u ndal edhe te qëndrimet e PBDNJ-së për çështjen e minoriteteve duke kërkuar ndryshime ligjore në mbrojtje të të drejtave të tyre.