Pas arrestimit të raportuar të Noizyt në Zvicër, Stresi la të kuptohet se për ngjarjen mund të ishte fajtor Medi Iseni, me të cilin pati një konflikt vitin e kaluar.
Por Medi nuk ka qëndruar në heshtje, në një reagim të fortë në rrjetet sociale, ai e ka quajtur Stresin “të pabesë” dhe ka përmendur incidentin e diskotekës si një sulm të organizuar, ku ai thotë se është tradhtuar.
“Prita ka vra më burra se unë. Zoti është i madh, vonon po nuk harron,” – shkruan ai, duke lënë të nënkuptohet se drejtësia do të vihet në vend.
Sipas tij, fshirja e disa materialeve online është provë se gjithçka ka qenë e planifikuar. Autoritetet zvicerane vazhdojnë hetimet për rastin.
Një 32-vjeçare nga Tirana është marrë nën hetim nga Policia e Tiranës pasi është denoncuar nga një 25-vjeçare, e afërme e saj, për falsifikim dhe mashtrim. Donika Curri dyshohet se ka përdorur të dhënat personale të së resë, si dhe foton e kartës së identitetit të saj, duke ndërhyrë në e-Albania dhe më pas ka aplikuar në një bankë mikrokredish.
Sipas denoncimit të 25-vjeçares, Donika Currit, iu është aprovuar kredia në emrin e 25-vjeçares në vlerën 3500 euro. Burime nga policia bëjnë me dije se Donika Curri ka mundur të skanojë fytyrën e 25-vjeçares nga karta e identitetit, duke marrë më pas të dhënat në e-Albania.
Kjo nuk është hera e parë që emri i saj lidhet me veprime të tilla. Rezulton se më 25 qershor të këtij viti, ajo është ndaluar nga Policia e Lezhës për po të njëjtat akuza
Pesë zyrtarë policorë janë arrestuar nën dyshimin lidhur me incidentin që ka ndodhur në orët e para të 7 korrikut në Lipjan, ku një 27-vjeçar vdiq pasi u arrestua.
Mediat lokale raportojnë se zyrtarët policorë dyshohen për kryerjen e veprës penale “vrasje nga pakujdesia” ndërsa si masë paraprake ata do të qëndrojnë 48 orë të ndaluar.
“Pas intervistimit të tyre dhe administrimit edhe me dëshmitë e tjera që janë siguruar sot pas veprimeve hetimore, të pesë zyrtarët policorë janë arrestuar si të dyshuar, kurse me vendim të prokurorit u është caktuar masa e ndalimit për 48 orë”, vijon njoftimi.
Inspektorati Policor i Kosovës (IPK) njoftoi se ka rekomanduar suspendimin e tyre lidhur me reagimin në incidentin që ka ndodhur pas mesnatës në Lipjan.
“Me autorizim të Prokurorisë Themelore në Prishtinë, janë ftuar për intervistim në IPK në cilësinë e të dyshuarve pesë zyrtarët policorë të përfshirë në këtë ndërhyrje/reagim policor (një rreshter dhe katër zyrtarë policorë)”, ka njoftuar Inspektorati Policor i Kosovës.
IPK thotë se në kuadër të hetimit pritet të ndërmerren edhe shumë veprime të tjera hetimore drejt ndriçimit të të gjitha rrethanave lidhur me këtë incident, si dhe priten rezultatet e ekzaminimeve, përfshirë ato mjeko-ligjore.
Sipas zyrtarëve policorë, në vendngjarje është thirrur edhe ekipi mjekësor emergjent, i cili ka ofruar ndihmën e parë, por përkundër përpjekjeve, është konstatuar se ai ka ndërruar jetë.
Pjesëtarë të shoqërisë civile kanë shprehur shqetësim për rastin dhe kanë kërkuar zbardhjen e së vërtetës.
Në videot e publikuara në mediat sociale shikohen disa momente kur personi është i shtrirë në tokë dhe efektivët i vendosin prangat.
Detaje mbi incidentin
Policia e Kosovës ka njoftuar se po heton vdekjen e një burri në Lipjan, i cili, sipas informacioneve, sulmoi automjete dhe kalimtarë të rastit ndërsa ishte në gjendje të dehur.
Incidenti, sipas zëdhënësit të Policisë së Kosovës për rajonin e Prishtinës, Agron Borovci, ndodhi në rrugën “Haradin Bajrami” në orët e para të së hënës.
“Sot, rreth orës 00:15, Policia mori informacion se një person, i dyshuar nën ndikimin e alkoolit, po sulmonte automjete dhe kalimtarë në rrugën ‘Haradin Bajrami’ në Lipjan. Njësitë policore reaguan menjëherë për të vënë situatën nën kontroll, ndërsa në vendngjarje u thirr edhe ekipi i urgjencës mjekësore, i cili i dha ndihmën e parë personit në fjalë. Pavarësisht përpjekjeve, u konstatua se ai kishte ndërruar jetë”, tha Borovci.
Livia Brunga ka reaguar me një mesazh në Instagram, ku ka treguar hapur për vuajtjet e saj personale dhe situatën e vështirë që ka përjetuar. Pa përmendur emrin e tij, por duke lënë të kuptohet se i drejtohet Mevlanit, ajo flet për tradhtinë, mungesën e përgjegjësisë dhe dhimbjen që ka kaluar.
“Jam lodhur të ndjej në lëkurë një paragjykim që nuk ka lidhje me mua, as me historinë time”, shkruan ajo, duke theksuar se gjëja që e ka lodhur më shumë është fakti që ka mbrojtur një person që nuk mori kurrë përgjegjësi, por që luajti me të dhe me familjen e saj në mënyrën më të pistë.
Livia sqaron se nuk është “shkatërruesja e një çifti”, pasi sipas saj, çifti ishte i saj që në fillim.
Ajo i drejtohet dhe atyre që e gjykojnë: “Ju që gjykoni, nuk më prekni dot sepse unë di të vërtetën,” duke u uruar që një ditë të përjetojnë të njëjtën dhimbje që ajo ka kaluar.
Teksti i plote:
**“Me ju thënë të drejtën jam lodh. Jam lodh të ndjej në lëkurë një paragjykim që nuk ka lidhje me mu, nuk ka lidhje me historinë time. Por gjëja që më ka lodh më shumë është të toleroj dhe të mbroj një person që nuk diti kurrë me marrë një përgjegjësi, dhe luajti në format më të pista, me mu, me prindërit e mi.
Do ishte më e thjeshtë me hesht, do ishte më e thjeshtë me kthyer shpinën e me ec përpara, por kur dikush të dëmton shpirtin, kur dikush të qesh në fytyrë ndërkohë që po të bën copë copë dinjitetin dhe zemrën, aty nuk mban ma.
Jo, nuk jam shkatrruesja e as një çifti, çifti ishte i jemi. Jo, nuk e bën një shtatzani e ndodhur dy netë nëpër hotele një vajzë të jetë “zonja” e situatës, dhe jo, nuk janë gënjeshtra që e ndërtojnë një “familje” që praktikisht kurrë nuk ka ekzistu, por që një tufë injorantësh dhe komentues “farash në shkallë pallati” kanë dëshirë ta thërrasin të tillë për një ose dy paraqitje fake të shfaqura nëpër ekran.
Do dukem e keqja e situatës, si përherë, por nuk trembem, sepse e vërteta kurrë nuk më ka tremb.
Ka jetu çdo ditë me mu, ka marrë frymë çdo ditë me mu, ka hangër bukë me mu nga duart e mia, dhe në fund ka gjet guximin me dal në publik nga frika e opinionit të më uli mu, të më mohoj mu, aty ku fjala dashuri u përkthye me forcë në fjalën “suporti”, aty ku promovimi i një gënjeshtre ishte primar për mos t’u duk “djali i keq”.
Por ti je djali i keq! Jam lodh, dhe të kem këtë rol, sepse i kam mohu vetit vërtetësinë dhe lumturinë për t’e ruajtë të gjithëve, por pesha që unë kam mbajt mbi supe deri tash, më s’muri.
Ju që do gjykoni, nuk më prekni në asnjë mënyrë, sepse unë di të vërtetën, por ju uroj një ditë që personi që ju bërtet aq jeni dashuria e tyre më e madhe, t’ju surprizoj me një jetë të dyfishtë e me një shtatzani nga dikush tjetër, që as emri s’i ka vlerë.
Moderatorja e njohur e Portokallisë njëkohësisht edhe ish-banore e BBV2, Tito ka ndarë një foto në Instagram me një pamje të re.
Por në të vërtetë Kiara nuk është bërë me baluke, ajo është grimuar dhe veshur për një ndër rolet që realizon në numrat gjatë turneut “Verë dhe Portokalle”, ku mbrëmjen e djeshme kanë qenë në Tepelenë.
Sheqeri i bardhë është i zhveshur nga fibrat, mineralet dhe vitaminat, ndaj përthithet shumë shpejt nga trupi. Kjo shkakton rritje të menjëhershme të nivelit të sheqerit në gjak, e ndjekur nga një rënie po aq e menjëhershme, për shkak të insulinës që sekretohet për ta balancuar.
Kjo luhatje e shpejtë e glicemisë stërmundon trupin. Organet hyjnë në “modalitet kursimi”, si një telefon me vetëm 10% bateri. Lodhje ekstreme, përgjumje, vështirësi për t’u përqendruar janë rezultatet. Ndërkohë, hormonet si adrenalina dhe noradrenalina rriten për të stabilizuar sheqerin, duke ndikuar drejtpërdrejt në humor, agresivitet, nervozizëm, irritim.
Çfarë ndodh pasi heq dorë nga sheqeri:
1. Nuk të zë më gjumi pas ushqimit
Ajo përgjumja e papërballueshme pas drekës pothuajse zhduket. Glicemia nuk lëkundet dhe ndihesh më i freskët në punë.
2. Më pak irritim dhe humor i qëndrueshëm
Pa luhatjet e sheqerit dhe pa shpërthimet hormonale, ndihesh shumë më i qetë emocionalisht.
3. Gjumi më i mirë
Fle thellë dhe zgjohesh me energji.
4. Lëkurë më e pastër
Sheqeri i bardhë përkeqëson inflamacionet dhe sekrecionin e yndyrës. Aknet e vazhdueshme në faqe dhe ballë zhduken.
Aksident dramatik këtë të martë në aeroportin Orio al Serio (Bergamo), ku një burrë vdiq pasi u përplas në motorin e një aeroplani në lëvizje.
Sipas asaj që është konstatuar deri më tani, viktima mund të ketë hyrë vullnetarisht në zonën operative të aeroportit me qëllimin për t’i dhënë fund jetës së tij.
Burri, i cili nuk ishte as pasagjer dhe as punonjës i aeroportit, mund të ketë arritur në pistë duke shmangur kontrollet e sigurisë dhe duke vrapuar drejt avionit që ishte tashmë në lëvizje.
Policia, e cila kishte vënë re lëvizjet e tij, nuk mundi ta ndalonte në kohë.
Autoritetet tani po hetojnë për të rindërtuar incidentin dhe për të verifikuar se si burri arriti të kapërcente masat e sigurisë.
Trafiku ajror, i ndërprerë përkohësisht për të lejuar inspektimet dhe sigurimin e zonës, rifilloi rreth mesditës.
“E pamë këtë zotëri duke ikur me vrap nga stjuardët, fillimisht u hodh kundër guaskave, mbrojtjeve të motorit të djathtë të aeroplanit, pastaj u kthye dhe ose u hodh ose u thith në helikën e motorit të majtë: kështu ndodhi ajo që ndodhi”, tha një dëshmitar.
Një turist nga Jemeni që kishte rezervuar për të kaluar dy ditë pushime në Theth, ka mbetur i shokuar sot më 8 korrik, kur ka ardhur dhe e ka gjetur vilën ku do të qëndronte të rrafshuar.
“Jam nga Jemeni. Ky është rezervimi im. Çfarë të bëj unë? Jam me familjen time. Nuk është mirë për vendin tuaj, për vizitorët që vijnë në vendin tuaj për të qenë të lumtur.
Kur vjen, bën një rezervim në një hotel diku dhe kur vjen nuk e gjen. Është hera e parë që vij këtu, jam me familjen time. Çfarë do bëjmë tani?”– thotë turisti, i cili sqaron se nuk ka marrë zgjidhje se ku do të qëndrojë tani.
Pushuesi nga Jemeni kishte rezervuar tek një kompleks me vila në Theth, që u shembën këtë të martë, 8 korrik 2025, nga Inspektorati Kombëtar i Mbrojtjes së Territorit, në bashkëpunim me Policinë e Shtetit dhe autoritetet lokale, pas një aksioni për largimin e ndërtimeve pa leje në këtë zonë.
Më herët lidhur me ngjarjen, foli dhe një prej banoreve të zonës, e cila ka dhe godinat private të drurit, e cila u shpreh se turistët janë larguar. Zonja bëri thirrje se brenda disa orësh nuk mund të transferojnë në vend tjetër pushuesit që ndodhen në këto struktura druri. Ajo e vuri theksin tek thirrja e qeverisë për të kultivuar sa më shumë turizmin në vend, duke u shprehur se: “Thonë bëni turizëm, s’lënë të bësh turizëm”./Klan
Inspektorati Kombëtar i Mbrojtjes së Territorit ka vijuar edhe këtë të martë aksionin në Theth për heqjen e strukturave dhe objekteve të vendosura nga banorët pa lejet përkatëse, ndërsa pronarët dhe familjarët kanë shprehur trishtim dhe shqetësimin mbi këtë veprim.
Një nga zonjat, duke folur për mediat, ka qenë tepër e indinjuar dhe me lot në sy tha se kjo është një padrejtësi e madhe që po u bëhet.
Ajo thotë se gjithçka është bërë me mundim dhe me djersë dhe është tepër e padrejtë, sipas saj, që të humbet në këtë mënyrë puna dhe djersa e fëmijëve.
Zonja i bëri thirrje instancave shtetërore që të mos i cenojnë në këtë mënyrë, pasi sipas saj po u heqin mundësinë për të jetuar.
“Nuk është drejtë”, – thotë ajo me lot në sy, ndërsa tha:
“I kemi bërë me mundime dhe me djersë, e me jetima. Nuk është drejtë! Kam vuajtur, kam rritur 6 fëmijët e mi dhe dy jetima me bukë e kripë. Nuk është drejtë me na hedhë poshtë djersën e fëmijëve që kanë punuar këtu. Është padrejtësi. Jemi në tokën tonë, këtu e 500 vjet kemi punuar me krah këtë tokë. Nuk është drejtë që të na humbasin mundimin e djemve tanë. Kam 5 djem me 5 gra. Ne kemi qenë të gatshëm me plotësu kërkesat e shtetit. Ku do të mbytemi ne me 25 familjarë?! E kemi me djersë, me mundim. Nuk është e drejtë! Shikoji fëmijët sa grimë janë, shikojini! Nuk është drejtë!”, – vijon të thotë e përlotur zonja nga Thethi. “I bëjmë thirrje shtetit të mos na cenojë kështu se nuk kemi mundësi ku të jetojmë dhe kalojmë. Nuk është drejtë!”, – e mbyll fjalën zonja, e cila thotë se ka 40 vjet që merret me punët në ndihmë të familjes së saj.
Aksioni i IKMT në Theth për heqjen e objekteve të paligjshme, banorja: Nuk është e drejtë, jemi në tokën tonë, i kemi bërë me djersë pic.twitter.com/9gyiiYp0Aa
— Euronews Albania (@EuronewsAlbania) July 8, 2025
Ndërsa një djalë 18-vjeçar, përfaqësues i një familjeje tjetër që do t’i hiqen objektet, tha se për ta kjo është një katastrofë, pasi po u hiqen këto struktura që nuk kanë asnjë pikë betoni.
Ai u shpreh se nuk u mbetet gjë tjetër veçse të marrin valixhet dhe të largohen jashtë vendit.
“Na ka gjet një katastrofë! Këtu e kemi ndërtuar me babën, në tokën tonë, të trashëguar brez pas brezi. Pse mos ta bëjmë diçka? Nuk ka asnjë pikë beton! Nuk ka pse të prishet! Shteti, është shtet?! Vjen, të lajmëron me këto që na kanë ndodhur… Tani nuk na ngelet rrugë tjetër, veç të marrim valixhet dhe të ikim jashtë vendit. Unë jam 18 vjeç dhe këtu e kam pas të ardhmen – dhe kjo po më ikën,” – tha Stiven Koçiu.
Një tjetër banore e zonës ankohet se nuk ka marrë zgjidhje lidhur me situatën, e se turistët janë larguar. Ajo bën thirrje se brenda disa orësh nuk mund të transferojnë në vend tjetër pushuesit që ndodhën në këto struktura druri. Pronarja e vë theksin tek thirrja e qeverisë për të kultivuar sa më shumë turizmin në vend, teksa shprehet se “Thonë bëni turizëm, s’lënë të bësh turizëm”.
“I kemi ndërtuar këtu e katër muaj. Kemi thënë që duam të ngrejmë një biznes. Na kanë thënë që nuk lejohet beton. Me beton s’kemi ndërtuar gjë. I kemi struktura druri. Thonë bëni turizëm, po bëjmë turizëm, spo na lënë të punojmë. S’dimë ku të kërkojmë të drejtat tona. Njerëit janë brenda, për dy orë ku ti çojë? Thonë ke dy orë afat. Ne duam një zgjidhje, jemi familjarë, duke rrit fëmijët. I kemi me gjak trupi, të na japin një zgjidhje se çfarë të bëjmë. Hiqi thotë, ku t’i çoj? Ku t’i çojmë? Zot na ruaj, na jep durim! Bëni turizëm, s’lënë të bësh turizëm. S’dimë ku të shkojmë as ne. Këto janë tokat tona. S’kemi konflikt me askënd. Unë s’di gjë. Ku të kërkojmë ne? Nuk e di. Turistëve çfarë t’u themi? Janë duke hyrë brenda. Kanë ikur ata që ishin. Vjen tjetri. Ata duan të vijnë, ku t’i çojmë ne për dy orë? Nuk ua kemi shpjeguar. As ne nuk dimë si t’ua shpjegojmë. Për dy orë, s’ka bërë vaki në gjithë botën. Për dy orë t’i thuash turistit se nuk mundem të të lë brenda. Të paktën të njoftonin kohë më parë, por për dy orë ku t’i çojmë?”, tha pronarja e shtëpizave prej druri.
Kryeministri Edi Rama ka ndërmarrë nismën e lirimit të hapësirave publike. Këtë nismë, kryeministri e ndërmori nga Vlora, qytet i cili, sipas tij është shembulli më i keq në vend në zaptimin e hapësirave publike.
Para tre ditësh, Rama iu dha një ultimatum prej 48 orësh bizneseve në Lungomare që të lirojnë hapësirat publike, teksa i paralajmëroi se nga e hëna “nuk do të kenë më asgjë në dorë!”
“Ky lloj zaptimi në Lungomaren e bukur të Vlorës, i përket një kategorie të re të quajtur “Pergolatë”, e cila i paraprin kërkesës për legalizim me teorinë skandaloze që toka ka pronar ndërtuesin e pallatit, ndërkohë që jo, toka rreth pallatit ka pronarë të gjithë banorët, njësoj si të gjitha mjediset e përbashkëta! Halli me këto “pergolatat” vlonjate është se janë shtrirë edhe matanë zonës së paraparë nga projekti për vendosje çadrash e karrigesh për shërbimet dhe si në rastin e shenjuar në foto, janë hapur edhe anash pallateve duke rrëmbyer trotuaret, nën sytë e mbyllur të inspektorëve e të drejtuesve të bashkisë në vite! Tani thirrja ime për të tërë zaptuesit e trotuareve në Lungomare është: Keni 48 orë kohë për t’u kthyer qytetarëve dhe turistëve trotuarët e tyre dhe për t’i larguar të gjitha llojet e hekurishteve e të betonarmeve, duke i tërhequr njëkohësisht “pergolatat” në vijën e parashikuar nga projekti i Lungomares! Nga e hëna nuk do keni më asgjë në dorë!”, ishte paralajmërimi i Ramës.
Sakaq sot, të gjitha bizneset që operojnë në Lungomare janë mbledhur për të diskutuar paralajmërimin e Ramës, ndërsa kërcënojnë se po organizohen që të vendosin një mbyllje totale të bizneseve.
