Lajme Flesh

Kryetari i Partisë Demokratike, Sali Berisha, reagoi ashpër kundër aksionit për heqjen e objekteve të vendosura nga banorët e Thethit, duke dalë në mbrojtje të tyre dhe duke u shprehur se ky veprim nuk mund të bëhet në mes të sezonit turistik.

Sipas Berishës, këto nuk janë ndërtime pa leje, por objekte të vendosura nga banorët në tokat e tyre, që nuk përbëjnë shkelje të ligjit të urbanistikës.

“Nëse banorët kanë vendosur kabina apo kontejnerë në tokën e tyre, padyshim që kjo përbën një shkelje, por jo të ligjit për urbanistikën, pasi ky ligj nuk i klasifikon ndërtimet pa themel si ndërtime pa leje, por si ndërtime me deklarim. Pavarësisht kësaj, çfarëdo të ishte situata e tyre, nuk mund të ndërhyhet në kulmin e sezonit turistik. Në këtë periudhë kanë ardhur turistë nga Australia, Gjermania, Izraeli, Franca, Italia dhe shumë vende të tjera, dhe ndaj këtyre njerëzve shteti po dërgon forca të veshura me uniformë për t’u çmontuar kabinat, çadrat apo çfarëdo strukture tjetër”, tha Berisha.

Ai shtoi se po zhvillohet një përplasje ku banorët dhe turistët janë bashkuar në reagim, ndërsa ky veprim është i papranueshëm dhe ngjan me “shfryrje urrejtjeje” nga një njeri që përfaqëson një frymë hakmarrjeje.

Berisha theksoi gjithashtu se, edhe nëse ishte kryer një shkelje, duhej t’u dërgohej banorëve njoftim dhe ndërhyrja të bëhej në fund të sezonit.

“Edhe nëse ata do bënin shkelje, t’u dërgohej letër-njoftim dhe në mbarim të sezonit të merreshin masa,” tha ai.

Ai akuzoi kryeministrin Edi Rama, duke u shprehur se ky aksion po përdoret për të hequr vëmendjen nga akuzat për manipulimin e zgjedhjeve më 11 majm.

“Veprime të tilla bëhen sot vetëm për të zhvendosur vëmendjen nga akuzat për manipulim zgjedhjesh dhe farsën elektorale që po i del në shesh. Ai bën çdo gjë që vëmendja e shqiptarëve të mos jetë aty ku duhet”, tha Berisha.

Këngëtarja e njohur shqiptare, Enca Haxhia, ka rikthyer vëmendjen e publikut drejt saj me një postim të fundit që po bën xhiron e rrjetit.

Në një fotografi të postuar në llogarinë e saj në Instagram, Enca ka dhënë një sinjal të qartë se është në një lidhje të re dashurie.

Ajo shihet duke shijuar momente romantike me një person të panjohur, duke shoqëruar foton me disa emoji dashurie, që lënë të kuptohet se ndodhet në një periudhë të lumtur emocionale.

Duket se artistja ka lënë pas lidhjen e mëparshme me ish-partnerin e saj afrikan dhe tashmë është fokusuar në një kapitull të ri në jetën e saj sentimentale.

Reagimet nga ndjekësit nuk kanë munguar – komentet janë të shumta, nga urimet për dashurinë e re, te kurioziteti për të zbuluar identitetin e partnerit të ri të Encës.

Me këtë postim, Enca jo vetëm që “trazoi” rrjetin, por edhe konfirmoi se është gati për t’u dashuruar sërish – dhe për ta ndarë këtë ndjesi me fansat e saj.

Një ndër sfidat më të vjetra të pronësisë në Shqipëri, ajo e regjistrimit të tokave të ndara me ligjin 7501, ka hyrë tashmë në një fazë të re zbatimi.

Agjencia Shtetërore e Kadastrës ka zbardhur planin teknik për përmbylljen e regjistrimit fillestar të këtyre pronave, duke përfshirë për herë të parë në mënyrë të strukturuar dhe të drejtpërdrejtë sektorin privat. Bëhet fjalë për një projekt të gjerë, që parashikon angazhimin e kompanive private të licencuara në 106 zona kadastrale të vendit. Këto subjekte do të kenë për detyrë të kryejnë të gjithë procesin e regjistrimit të pronësisë në terren, nga mbledhja e dokumentacionit deri te përgatitja e skicimeve teknike, përditësimi i hartave dhe verifikimi i të drejtave të pronësisë.

DOKUMENTI

Procesi do të zhvillohet përmes disa fazave të ndërlidhura. Në fillim, kompanitë e përzgjedhura do të dalin në terren për të identifikuar pronat, për të bashkëpunuar me përfituesit e tokës dhe për të përpunuar të gjithë informacionin përkatës në përputhje me të dhënat ekzistuese në arkivat e Kadastrës.

Ato do të kryejnë një skanim të hollësishëm të dokumenteve të pronësisë – kryesisht vendimet e komisioneve të ndarjes së tokës, skicat e mëparshme dhe çdo akt plotësues – për t’i krahasuar me realitetin fizik në terren. Më pas, për çdo zonë që do të përfundojë përpunimin teknik, do të hapet një periudhë shpalljeje publike.

Gjatë kësaj kohe, qytetarët do të kenë mundësi të shqyrtojnë të dhënat e përgatitura, të bëjnë komente apo të paraqesin kundërshtime në rast se hasin parregullsi apo mospërputhje. Vetëm pasi të përmbyllet edhe kjo fazë, do të bëhet kalimi i të dhënave në regjistrin elektronik të pronësisë, duke siguruar regjistrimin zyrtar dhe ligjor të tokave përkatëse. Kjo do të lejojë qytetarët të kryejnë më pas çfarëdo transaksioni ligjor mbi pronën e tyre, si shitje, dhurim, trashëgimi apo përdorim si kolateral për kredi. Sipas të dhënave të bëra publike, regjistrimi fillestar është përmbyllur deri më tani në 2/ 784 nga 3/ 058 zonat kadastrale në vend.

Pjesa tjetër prej 274 zonash mbetet ende jashtë sistemit, ku përfshihen edhe shumë zona rurale me tokë të ndarë sipas ligjit 7501. Pikërisht për këtë arsye, për të përshpejtuar ritmet e përfundimit të regjistrimit, Kadastra ka hapur thirrjen për 106 zona që do të trajtohen nga subjekte private, përmes një forme kontraktimi të mbështetur nga buxheti i shtetit dhe asistencë nga donatorët ndërkombëtarë. Qëllimi është që deri në qershor të vitit 2026, të jenë të përfunduara 95% e zonave kadastrale, ndërsa përmbyllja e plotë në nivel kombëtar parashikohet të ndodhë brenda vitit 2028.

DIGJITALIZIMI

Përveç punës në terren, një komponent kyç i reformës mbetet digjitalizimi i dokumenteve historike dhe përditësimi i hartografisë kadastrale. Deri më tani është përfunduar skanimi i 69% të dokumenteve të pronësisë dhe i 51% të kartelave të pronave. Kjo nismë synon jo vetëm të shkurtojë kohën e procedurave, por edhe të rrisë transparencën dhe të shmangë konfliktet mbi pronësinë.

Kadastra e konsideron digjitalizimin një domosdoshmëri, jo vetëm për të modernizuar shërbimet, por edhe për të mbështetur zbatimin e një sistemi funksional pronësie, ku qytetari mund të ketë qasje të sigurt dhe të verifikuar në çdo të dhënë që i përket pasurisë së tij

Ashtu siç kishin paralajmëruar, banorët e Thethit kanë dalë këtë të mërkurë në protestë kundër aksionit të IKMT për prishjen e 40 objekteve pa leje të nisur prej së hënës.

Ata kanë bllokuar urën në hyrje të fshatit, ndërsa ka pasur tensione edhe me forcat e policisë, të cilat janë prezente në vendngjarje.

Një banor me aftësi të kufizuara që ka dalë të protestojë kundër shembjes së objekteve në Theth ka shpërthyer në lot teksa thotë se ka investuar kursimet e jetës.

Ai shprehet se ka ndërtuar 5 shtëpi prej druri në tokën e tij të trashëguar ndër vite, dhe se nuk ka bërë asnjë pëllëmbë beton.

I pyetur për leje, ai thotë se kanë aplikuar por nuk ua kanë dhënë.

“Të gjithë shpenzimet e jetës. Kam ndërtuar 5 shtëpia druri pa beton dhe asgjë në tokën time. Kemi kërkuar por thonë nuk ka leje, toka është e imja, është trashëgimtare brez pas brezi. Kërkojmë prej shtetit që të mos i prishë sepse dalim në rrugë të madhe. Veç me vdekur, nuk e di me çfarë ka me jetuar familja ime. Synojmë me na lënë shteti me jetuar. Vetë kanë thënë me investuar, unë nuk jam i ardhur por jam këtu. Toka është e jona 200 vjeçare. Ashtu siç kanë thënë kemi investuar, nuk ka asnjë pëllëmbë beton”, thotë banori.

Bota e boksit është në zi pas lajmit tronditës për ndarjen nga jeta të boksierit meksikan Pedro Antonio “Tony” Rodriguez, vetëm pak orë pas përfundimit të ndeshjes së tij të fundit në Phoenix, Arizona.

37-vjeçari kishte humbur me vendim unanim pas gjashtë raundesh ndaj talentit të pamposhtur 21-vjeçar Phillip Vela, në një event të organizuar nga Del Sol Boxing Promotions.

Pas përballjes, Rodriguez ishte kthyer në hotel dhe kishte planifikuar të dilte për darkë. Por tragjikisht, ai u gjet i pajetë në dhomën e tij të hotelit të nesërmen në mëngjes nga stafi. Shkaku i vdekjes mbetet ende i paqartë, ndërsa policia ka nisur hetimet.

Gruaja e tij, e cila kishte komunikuar me të përmes një video-thirrjeje pas ndeshjes, deklaroi: “Më tha se do të blinte darkë dhe do të kthehej. Nuk e di çfarë ndodhi më pas…”

Kundërshtari i tij, Phillip Vela, reagoi me pikëllim në rrjetet sociale: “Jam thellësisht i pikëlluar. U prehtë i qetë, kampion.”

Edhe organizatorët e ngjarjes shprehën dhimbjen për humbjen e papritur: “Familja e boksit Del Sol është e tronditur. Zemrat tona janë me të afërmit e tij.”

Ky incident tragjik ka rikthyer edhe njëherë vëmendjen mbi rreziqet e sportit të boksit dhe rëndësinë e monitorimit të shëndetit të sportistëve pas përballjeve të vështira në ring.

Kryedemokrati Sali Berisha, gjatë një konference për mediat, është pyetur në lidhje me ndryshimet që mund të bëhen në postet drejtuese në Partinë Demokratike.

Berisha u shpreh se “të gjitha do t’i merrni vesh”, duke paralajmëruar se ndryshimet në PD do t’i bëjë publike.

Ish-kryeministri u pyet edhe për Ervin Salianji, i cili ditën e djeshme u lirua me kusht, duke u shprehur se ish-deputeti tashmë ka dy funksione në parti.

Por, theksoi Berisha, “cilat do të jenë funksionet e ardhshme do e përcaktojë anëtarësia e PD-së”.

A do të ketë ndryshime në postet drejtuese në PD?

Berisha: Të gjitha do t’i merrni vesh.

Çfarë post keni menduar për Ervin Salianjin?

Berisha: Ervin Salianjin kam komunikim të vazhdueshëm, tani do të vijë ta takojë. Kam komunikim të shpeshtë dhe të vazhdueshëm me të.

Salianji ai ka dy funksione të rëndësishme, cilat do të jenë funksionet e ardhshme do e përcaktojë anëtarësia e PD-së.

Salianji doli dhe dje, një i burgosur politik, një histori turpi e dyshes mafioz Ramaduros dhe Fatmir Geron Xhafës.

U dënua me burg në kundërshtim me Kushtetutën.

Një person ka humbur jetën pas një aksidenti që ndodhi sot në fshatin Nabërgjan të Pejës.

Lajmin e ka konfirmuar për Telegrafin Fadil Gashi, zëdhënës i Policisë së Kosovës për rajonin e Pejës.

“Aksidenti ndodhi rreth orës 12:00. Katër persona u lënduan, ndërsa një person humbi jetën,” tha ai.

Gashi po ashtu tha se në aksident ishin të përfshira dy makina.

Falë përparimeve në teknologjinë e analizës së ADN-së, autoritetet italiane kanë rihapur një çështje të pazgjidhur që kishte mbetur në heshtje për 17 vjet: vrasja misterioze e Maria Pellegrinit, një mësuese në pension, e cila u gjet e mbytur në dhjetor të vitit 2008 në shtëpinë e saj në Casalserugo, në provincën e Padovës.

Gruaja 78-vjeçare u gjet pa jetë në shtrat, me një qese celofani të mbështjellë rreth fytyrës dhe të siguruar me shirit ngjitës – një detaj kyç që po sjell kthesën më të madhe në hetim. Falë analizave të reja të ADN-së, të kryera mbi shiritin ngjitës të përdorur nga autori i dyshuar, prokuroria ka identifikuar një përputhje të mundshme me një shtetase shqiptare 47-vjeçare, aktualisht në burg për vjedhje.

Kjo shtetase është futur zyrtarisht në regjistrin e të dyshuarve për vrasje dhe çështja po trajtohet tashmë me një raport të ri ekspertize, i cili do të kryhet në prani të këshilltarëve të të afërmve të viktimës dhe të të dyshuarës.

Në kohën e vrasjes, Maria Pellegrini njihej si një grua me një pasuri të konsiderueshme në pasuri të paluajtshme, të cilat i administronte vetë. Edhe pse nuk mbante me vete bizhuteri apo shuma të mëdha parash, një nga pistat kryesore të hetimit mbeti ajo e një grabitjeje të dështuar.

Në vitet që pasuan, familjarët e viktimës kanë bërë disa thirrje publike për ndihmë, përfshirë edhe një apel në emisionin “Chi l’ha visto” në vitin 2021. Tani, pas shumë pritjesh dhe misteresh, teknologjia mund të ndihmojë në zbardhjen e një prej krimeve më të errëta të dekadës së kaluar në provincën e Padovës.

Nga Paolo Fox

DASHI

Duhet të marrësh kontrollin e situatave që kanë mbetur pezull. Nuk do të humbasësh më kohë! Sa i përket punës, në këtë kohë do të duhet të përballesh me disa dhimbje koke të vogla që do t’i kapërcesh në mënyrë të admirueshme, më mirë të shmangësh testet tepër të lodhshme.

DEMI

Sipas horoskopit të Paolo Fox (e mërkurë, 9 korrik 2025), situata astrologjike mund të shkaktojë disa mospajtime. Sa i përket punës, pas pasigurive të javëve të fundit, periudha është gati për të qetësuar situatën!

BINJAKËT

Aventurat janë të favorizuara, por edhe zgjedhjet e rëndësishme, ato që kanë rëndësi në jetë. Java nuk është aspak e kursyer kur bëhet fjalë për ndjenjat. Sa i përket punës, gjatë kësaj periudhe do të jetë e përshtatshme të vlerësoni qëllimet e reja, situatat që do të fillojnë.

GAFORRJA

Dashuritë që do të lindin në këtë periudhë janë të gjitha shumë të përmbushura, nëse asgjë tjetër intriguese, bashkëjetesat dhe martesat që fillojnë tani favorizohen. Puna? Disa probleme në rinovimin e kontratave. Megjithatë, do të keni qartësi të madhe mendore dhe do t’ju duhet të luani letrat tuaja më të mira në ditët e para të javës.

LUANI

Sipas horoskopit të Paolo Fox (e mërkurë, 9 korrik 2025), nëse zemra juaj është ende e vetmuar, angazhohuni sepse kjo është një periudhë në të cilën të paktën do të ndjeni një rrahje të pabesueshme të zemrës. Sa i përket punës, do të ishte një ide e mirë të dërgonit CV-në tuaj në rrugë nëse nuk ju pëlqen më mjedisi në të cilin ndodheni.

VIRGJËRESHA

Disonanca e Venusit nuk ka fuqinë të prishë historitë e dashurisë që tashmë kanë qenë viktima të distancave gjatë muajve të fundit. Sa i përket punës, java mund t’ju kënaqë më shumë nga një këndvështrim profesional.

PESHORJA

Venusi është në favorin tuaj. Do të ketë situata argëtuese, mundësi për të dashuruar, por ndoshta nuk do të angazhoheni, nuk do të doni ta ndërlikoni jetën tuaj dhe do t’i largoni njerëzit që nuk janë të qartë me ju. Punoni? Planifikoni gjërat që doni të bëni sa më mirë të jetë e mundur.

AKREPI

Sipas horoskopit të Paolo Fox (e mërkurë, 9 korrik 2025), Marsi rrit dëshirën tuaj për të dashuruar edhe nëse jeni duke u rikuperuar nga tensionet ose disa mosmarrëveshje. Sa i përket punës, do të jeni në gjendje ta ndryshoni rrënjësisht të gjithë situatën tuaj të punës për mirë.

SHIGJETARI

Historitë që lëkundeshin kanë pësuar reagime negative. Deri në fund të korrikut do të vendosni nëse do të vazhdoni apo jo. Sa i përket punës, njerëzit që kanë një biznes të pavarur duhet të vlerësojnë me kujdes qëllimet e reja, idetë e reja… duhet t’i jepni kohë kohës, të vazhdosh situatat pa bindje nuk është e këndshme.

BRICJAPI

Kjo nuk është java e duhur për të diskutuar, folur ose për të rikujtuar të kaluarën. Përpiquni të shmangni, nëse keni qenë në një lidhje prej vitesh, përsëritjen e ngjarjeve dhe situatave të caktuara. Sa i përket punës, gjithçka që keni përjetuar, edhe nëse ju është dashur ta përtypni me hidhërim, nuk ka qenë e kotë.

UJORI

Sipas horoskopit të Paolo Fox (e mërkurë, 9 korrik 2025), makthi i “Afërditës së kundërt” ka mbaruar që nga 4 korriku. Qetësia kthehet. Sa i përket punës, nuk ka mungesë idesh, për fat të keq ka mungesë parash. Ose të paktën, ka pasur vonesa në pagesa, probleme me Merkurin në opozitë që nuk ka gjasa të zgjidhen para fundit të muajit.

PESHQIT

Disa çifte janë në krizë, të tjerë janë në rishikim edhe për shkak të ndërhyrjeve të jashtme, të afërmve, miqve që kanë penguar. Sa i përket punës, një moment i rëndësishëm po vjen për ata që kanë një biznes të pavarur ose janë të lidhur me kontakte.

Ky është Arben Anamali, kapiteni 51-vjeçar nga Shkodra që sot humbi jetën në Liqenin e Shkodrës, teksa bëri një akt heroik duke shpëtuar dy turistë nga mbytja.

Në një akt sakrifice dhe vetëflijimi, Arbeni dha jetën e tij për të shpëtuar turistët të cilët tashmë janë në gjendje të mirë shëndetësore.

Rrethanat e ngjarjes janë ende të paqarta.

Ajo që e bën më tronditëse këtë ngjarje është fakti se trupi i Arbenit nuk është gjetur akoma, dhe ndodhet ende në ujërat e liqenit. Polumbarët janë duke kryer zhytje me qëllim gjetjen e trupi të tij.