/Βreshëri pΙumbash drejt Top Channel/ Sekυestrohen pamjet e kamerave të sigurisë, dyshohet se ishin mbi tre autorë, Ιëvizën drejt…

Βreshëri pΙumbash drejt Top Channel/ Sekυestrohen pamjet e kamerave të sigurisë, dyshohet se ishin mbi tre autorë, Ιëvizën drejt…

Detaje të reja për ngjarjen e ndodhur pas mesnate në periferi të kryeqytetit, ku u sulmuan me armë zjarri zyrat e Top Channel dhe mbeti i vrarë një roje sigurie.

Gazetari Igli Çelmeta raportoi për “BalkanWeb” se autorët, që dyshohet se kanë qenë mbi tre persona, kanë qëlluar me breshëri mbi zyrat e Top Channel dhe një nga plumbat ka kapur rojën e sigurisë Pal Kola, i cili ndodhej në kabinën e tij.

Plaga e shkaktuar nga plumbi ka qenë fatale për 60-vjeçarin, i cili ka ndërruar jetë disa minuta më pas.

Autorët janë larguar më pas drejt Durrësit dhe dyshohet se kanë djegur automjetin tip “Range Rover” në Golem, Kavajë. Brenda mjetit policia ka gjetur dy armë zjarri.

Sipas hetimeve, në vendin e ngjarjes janë gjetur mbi 25 gëzhoja. Policia ka sekuestruar pamjet e kamerave të sigurisë së objektit, por edhe të bizneseve në autostradë, për të zbuluar lëvizjet e autorëve.