Month: April 2025

Më 19 Prill është finalja e reality show-t më të madh në Shqipëri, Big Brother VIP Albania, e cila premton surpriza për publikun.

Gjithçka po bëhet gati për spektaklin që premton të jetë një ngjarje e madhe televizive e cila shikohet kudo ku ka shqiptarë.

Moderatori i Big Brother VIP, Ledion Liço zbuloi gjatë edicionit informativ në Top Channel disa detaje nga përgatitjet për finalen e madhe.

“Përgatitjet në këtë fazë që jemi janë të tilla që ke një listë të gjatë që duhet të bësh, e cila vetëm shtohet, ndryshon, evoluon.

Po kalojmë mirë, natyrisht me pak orë gjumë, me shumë orë lodhje dhe djersë. Shpresoj që moti të mbajë se ndryshe nga herët e tjera jemi pak të prekur nga kushtet atmosferike, jo se s’kemi qenë herët e tjera, por këtë vit kemi hapur dy studio,

edhe për publikun që do të vijë të shohë programin këtu, ne jemi pikërisht në atë që do të quhet studio dy, është një studio me tavan qiellin, varemi pak nga moti.

Me shpresë që nuk do të ketë re do të jemi nën çatinë e yjeve, yje poshtë, yje lart, yje gjithandej.

Do të ketë shumë surpriza, ajo që do të ndodhë ndryshe nga edicionet e mëparshme është se surprizat s’do të kenë domosdoshmërisht lidhje vetëm me finalistët, do të ketë performanca dhe pjesëmarrje të artistëve të njohur dhe jo vetëm.

Do të ketë surpriza shumë të bukura me pjesëmarrje të njerëzve të njohur dhe të panjohur që do të jenë qershia mbi tortë në udhëtimin e gjatë të katërt fatlumëve që vijojnë të janë afër nesh.

E kemi konceptuar pjesën jashtë, në edicionet e kaluara thuhej emri i fituesit, në një hapësirë ku njerëz që duan ta shijojnë nga më afër programin, jo nga rehatia e shtëpisë apo vendit ku mblidhen me miqtë dhe familjarët, ta bëjnë pikërisht këtu.

Në botë ekziston kjo ideja që gjenerata Z e quan ‘viewing party’, një mbledhje ku ti shikon një program, por jo vetëm aq, këtu do të ketë performance muzikore,të cilat do ta kthejnë gjithë këtë në një koncert të vërtetë 6 orë, fatmirësia jonë këtë edicion është se kishim artistë të jashtëzakonshëm, kemi patur edicionin me më shumë artistë të cilët kanë prodhuar këngë brenda apo sapo kanë dalë nga shtëpia e BBV.

Hitet e të gjithë këtij sezoni do të këndohen dhe përcillen me dashuri nga i gjithë publiku i cili vjen nga gjithandej, kam dërguar për organizime nga qytete të Shqipërisë,

por edhe nga Kosova është duke ndodhur e njëjta gjë për të ardhur për të parë, fatmirësisht vendi mban, por biletat janë të reduktuara, vendi është i madh, por jo aq i madh.

Biletat mund t’i gjeni lehtësisht online, çdo gjë ka kaluar online tani, nëse jeni akoma me të vjetrën dhe doni ta merrni biletën fizikisht janë dy vendndodhje, zyrat në Kashar dhe Arena Center.

Praktikisht është e lehtë për të marrë, bileta ka një çmim simbolik, qëllimi është të mblidhemi së bashku jo vetëm ne që kemi jetuar çdo ditë me këtë përvojë, por jam i bindur që publiku për çdo banor është kthyer në një tifoz të jashtëzakonshëm dhe tifozeria këtë vit ka qenë një ndër më të mirat të gjitha edicioneve”, tha Liço.

Ilaria Sula mbeti e vrarë nga ish i dashuri i saj, Mark Antony Samson, i cili e goditi tre herë me thikë në shtëpinë e tij, kjo pasi 22-vjeçarja shqiptare i kërkoi që t’i jepnin fund marrëdhënies së tyre.

Universiteti më i madh i Romës, La sapienza, në të cilin Ilaria studionte për shkenca statistikore, ka zgjedhur të nderojë studenten shqiptare, e cila mbeti viktimë e femicidit në Itali.

Në një ceremoni të mbajtur në ambientet e universitetit, u vendos që një prej sallave të La Sapienzës të mbante emrin e Ilaria Sulës.

“Hapësirat e reja të studimit brenda Godinës së Teatrit të Ri Universitar i janë kushtuar Ilaria Sulës. Me rastin e 722-vjetorit të themelimit të Studium Urbis, sot janë inauguruar tre hapësira të reja me gjithsej 260 vende të reja studimi për komunitetin studentor: Biblioteka e re e bashkuar e Jurisprudencës, Salla Montessori në Godinën e Mineralogjisë dhe Hapësirat e studimit Ilaria Sula, në të cilat një pllakë përkujtimore kujton: ‘Ilaria, studente e Sapienza-s, për të mos harruar të gjitha gratë viktima të feminicidit, të cilave u është ndërprerë mundësia për të shkruar të ardhmen e tyre’”, shkruhej në postimin e universitetit.

Pjesë e kësaj ceremonie ishin dhe prindërit e vëllai i Ilarias, të cilët prej ditësh vajtojnë humbjen e vajzës së tyre.

Ilaria u vra më 26 mars nga ish i dashuri i saj, Mark Antony Samson, i cili pasi e goditi tre herë me thikë, trupin e saj e futi në një valixhe dhe e hodhi në një zonë pyjore jashtë Romës. Prej ditësh ajo rezultoi e humbur, deri në momentin kur 23-vjeçari me origjinë nga Filipinet tregoi të vërtetën në polici.

Ky edicion i katërt i Big Brother VIP Albania ka qenë plot surpriza e risi, dhe nuk kishte si të mungonte dhe një aktivitet i tillë kur kanë mbetur vetëm 4 ditë nga shpallja e fituesit të çmimit të madh.

Një zarf i bardhë u erdhi banorëve në shtëpi nga Vëllai i Madh ku thuhej:

“Finalistë, për disa nga ju sot mbushen 115 ditë izolimi, plot sakrifica e emocione të forta. Ju jeni katër finalistët e këtij edicioni dhe rruga për të mbërritur deri këtu nuk ka qenë e lehtë.

Vëllai i Madh ka vendosur që sonte t`ju bëjë një dhuratë të veçantë. Për herë të parë në historinë e Big Brother VIP ju do të dilni nga shtëpia për të bërë një shëtitje me makinë jashtë mureve të kësaj shtëpie si një udhëtim lirie dhe si një moment reflektimi para finales”

Banorët e pritën me dëshirë këtë zarf që i dha mundësinë atyre pas kaq shumë ditësh të dalin jashtë 4 mureve. Banorët u ndanë dyshe dyshe, Egli me Gjestin dhe Rozana me Laertin.

https://www.instagram.com/reel/DIeqrGrsB9V/embed/captioned/?cr=1&v=14&wp=916&rd=https%3A%2F%2Fshqiperia-ime.com&rp=%2Fvjen-zarf-ne-shtepi-per-here-te-pare-ne-histori-banoret-do-te%2F#%7B%22ci%22%3A0%2C%22os%22%3A799.5%2C%22ls%22%3A405.40000009536743%2C%22le%22%3A785.2000000476837%7D

Në tregun e këmbimit valutor shqiptar të ditës së sotme, një dollar do të blihet me 87.2 lekë dhe do shitet me 88.6 lekë.

Ndërkohë monedha evropiane euro do blihet me 99.1 lekë dhe do shitet me 99.8 lekë.

Franga zvicerane sot në tregun shqiptar do blihet me 106.4 lekë dhe do shitet me 107.7 lekë.

Ndërsa paundi britanik do blihet me 115.4 lekë dhe do shitet me 116.7 lekë.

Një tjetër tragjedi në fushat e futbollit shqiptar, pas asaj që ndodhi me Rafael Duamenën. Ndeshja e sotme gjysmëfinale e kampionatit 9×9 ka shënuar një tjetër moment të trishtë për futbollin tonë.

Sfida mes FC Dajtit dhe FC Lumninesen është ndërprerë dhe braktisur pas ngjarjes së rëndë që ka ndodhur në pjesën e parë.

Futbollisti B.H. 28 vjeç, i skuadrës së Dajtit, ka pësuar atak kardiak në fushë gjatë ndeshjes që luhej në “Shtëpinë e Futbollit”. Lojtari nuk i ka mbijetuar dot këtij episodi dhe ka ndërruar jetë.

(BalkanWeb)

Dashi

Kjo është një ditë gjatë së cilës nuk do të ndiheni rehat, veçanërisht në dashuri, ku nuk do të arrini që të gjeni zgjidhjet e duhura ndaj disa problemeve. Gjithashtu ka disa çështje profesionale, të cilat nuk ju lejojnë që të ndiheni mirë, duke ju vënë në siklet.

Demi

Keni nevojë për disa siguri si në sferën sentimentale edhe në atë profesionale. Mundohuni që të jeni më optimist, pasi tashmë do të keni mundësi që të korrni fryte të mira si në dashuri edhe në punë. Por pikë së pari mbani parasysh se nuk duhet të mbeteni peng të së kaluarës dhe gjërave që nuk duhen. Duhet të relaksoheni dhe të pushoni më shumë.

Binjakët

Parashikohen ndryshime në sferën profesionale. Bëni kujdes ndaj të gjitha çështjeve dhe marrëveshjeve që duhet të arrini. Në sferën sentimentale do të jeni në fazë rimëkëmbje, ku do të keni mundësi rikuperimi, nëse keni kaluar momente krize.

Gaforrja

Kjo ditë do të karakterizohet nga një forcë e pashtershme, e cila lejon që të përballeni dhe zgjidhni çdo lloj problemi. Do të ndiheni shumë më mirë në raport me javët e kaluara, ndaj mundohuni që të përfitoni nga ndikimi pozitiv i planetëve, për të arritur rezultatet e dëshiruara.

Luani

Ju pret një ditë nën ritmin e duhur, ku do të keni debulesë fizike. Rikuperimi do të vijë vetëm nga e premtja. Lëreni ditën të kalojë dhe mos u përfshini në polemika.

Virgjëresha

Kjo ditë do të jetë mjaft e favorshme, ndaj mundohuni që të mos ju shpëtojë asnjë mundësi. Mund të zgjidhni pakënaqësi të cilat janë të mbartura prej kohësh, ndonëse nervozizmi nuk do të mungojë.

Peshorja

Do të përballeni me tensione ekstreme dhe zhgënjime të mëdha. Ndoshta për shkak se nuk do të ndiheni më lider, në disa situata. Ndryshojini gjërat që keni për të bërë, në mënyrë që të ndiheni më të inkurajuar.

Akrepi

Kalimi tranzit i Hënës në shenjën tuaj, do të rrisë pasionin dhe intensitetin me njeriun tuaj të zemrës. Ndërkohë, duhet të shmangni krizat dhe të reflektoni më shumë për çështjet ekonomike.

Shigjetari

Ju pret një ditë pozitive, e cila do të jetë e mbushur me emocione të bukura dhe forcë. Përfitoni për të programuar diçka të bukur. Mjaft të favorizuara janë edhe aspektet e tjera të jetës suaj, përfshi edhe atë ekonomik. Do të keni mundësi që të gjeni zgjidhje të mira.

Bricjapi

Kjo e mërkurë do ju gjejë me të fuqishëm dhe gati për tu rikthyer në lojë. Do të keni mundësi që të jetoni emocione të bukura, sidomos në sferën sentimentale. Pikërisht sa i takon ndjenjave do të ketë mundësi të shumta si dhe takimet janë mjaft të favorshme.

Ujori

Në sferën sentimentale nuk do të jeni shumë të qetë! Me gjasë jeni përballur me një krizë ose po jetoni një dashuri pa pasion, në pritje të diçkaje tjetër, shkruan noa.al. Ka ardhur momenti që të reflektoni mirë dhe të kuptoni se çfarë dëshironi në të vërtetë.

Peshqit

Ju pret një ditë pozitive dhe interesante në çdo drejtim, si për sa i takon ndjenjave dhe në sferën personale. Janë mjaft të favorizuara takimet dhe lidhjet e reja. Po i jepni shumë rëndësi anës tuaj emocionale pasi keni nevojë që të ndiheni të dashuruar.

Kryeministri Edi Rama u ndal këtë të martë në Fier edhe te Qendra e Monitorimit të Trafikut e cila tanimë është gati dhe po punohet për trajnimin e stafit deri në Qershor.

Rama theksoi se përmes sistemit të kontrollit, gjithë Shqipëria do jetë e monitoruar me kamera inteligjente në kohë reale.

“Kjo qendër do të lidhet me projektin që ne kemi financuar me Emiratet e Bashkuara, për të pasur të gjithë territorin, duke filluar nga qytetet, qendrat e qarqeve, spitalet, shkollat, institucionet publike, akset kombëtare nën një sistem kamerash inteligjente. Ato ekrane do shohin gjithë Shqipërinë në kohë reale, por sistemi është i tillë që në mënyrë të menjëhershme do sinjalizojë këtu për një rritje shpejtësie në një pikë të caktuar të Republikës.

Nuk do ketë më policë në rrugë, më fare! Do jenë të organizuar në një mënyrë tjetër që të jenë të gatshëm, por jo të dalin dhe të thonë “ndalo pak”. Sistemi i kontrollit në kohë reale të shpejtësisë do bëjë që jo vetëm gjobat të jenë menjëhershme dhe të të vijë në iPhone bashkë me portretin tënd, bashkë me gëzimin që ke në faqe kur ndjen adrenalinën e shpejtësisë, me një përshëndetje, kalofsh mirë deri në shtëpi, mos e përsërit prapë se vjen prapë. Përveçse gjobat do jenë transparente, do të ketë një efekt të jashtëzakonshëm në uljen e aksidenteve sepse do u shkojë shumë shtrenjtë adrenalina nëse do insistojnë për të bërë aksident. Do ketë një kapacitet të panjohur më parë, për identifikimin e personave problematikë, në raport me mospagesën e sigurimit të makinës përshembull”, deklaroi kreu i qeverisë.

Në Indi nuk ka pasur “mëshirë” për Armando Sadikun, kjo pas festës së tij të tepruar përpara disa ditësh, kur i tregoi organin gjenital kundërshtarëve pasi shënoi.

Klubi i tij, Goa, ka marrë vendimin për t’i ndërprerë menjëherë kontratën sulmuesit shqiptar, duke e lënë atë pa skuadër.

Sadiku u afrua te Goa në verën e kaluar, prej thuajse dy vitesh është pjesë e futbollit indian.

33-vjeçari la shenjën e tij te Goa. Ish-lojtari i Kombëtares shënoi dhjetë gola dhe asistoi dy të tjerë, ndërsa mori minuta në 24 ndeshje.

Armando Sadiku doing the @HopelessFanASM celebration!#FCGBFC #ISL11 pic.twitter.com/nAqCwOzp3V

— Kevin (@kevbmat) April 6, 2025

Publikohet një material arkivor të Ministrisë së Shëndetësisë, konkretisht Drejtorisë së Kuadrit, e cila, në një shkrese sekrete, i dërgon Komitetit Qendror të PPSH, më 28 shkurt 1985, emrat e si kandidat i mundshëm për ministër të Shëndetësisë edhe Sali Berishën, me të dhënat e profilit të tij.

Për të qenë transparent me publikun, po botojmë sot faqen e parë të dokumentit arkivor dhe shkresën zyrtare, ku në krahun e majtë janë listuar emrat e Petrit Gaçes dhe Sali Berishës si dy kandidatët kryesorë të nomenklaturës së Komitetit Qendror për postin e ministrit të Shëndetësisë.

Më poshtë janë listuar gjithashtu emrat e mjekëve kandidatë për postin e zëvendësministrit të Shëndetësisë apo për pozicione të tjera drejtuese, si shef kuadri dhe drejtor të Institutit të Higjenës dhe Epidemiologjisë, që Ministria e Shëndetësisë i propozon KQPPSH.

Dy mjekët kandidatë për postin e ministrit, Gaçe dhe Berisha, i pari pjesë e grupit të mjekëve që kujdeseshin për shëndetin e diktatorit Enver Hoxha, dhe Berisha mjek i Hysni Kapos dhe më vonë i njohur në rrethin e familjarëve të Hoxhës.

Shkresa është dërguar në Komitetin Qendror më pak se dy muaj para vdekjes së Hoxhës.

Asnjë prej tyre nuk arriti të bëhej ministër i Shëndetësisë nën drejtimin e Ramiz Alisë, përveç Sali Berishës, i cili shtatë vite më vonë u bë drejtues i Partisë Demokratike, post që e mban edhe sot, pas thuajse tre dekadash./VNA

Ministri i Mbrojtjes së Kosovës, Ejup Maqedonci, në një intervistë për TRT Balkan në margjinat e Forumit Diplomatik të Antalyas, deklaroi ekskluzivisht se Bullgaria është gati t’i bashkëngjitet marrëveshjes ushtarake të firmosur mes Kosovës, Shqipërisë dhe Kroacisë.

Maqedonci tha gjithashtu se pret që edhe vende të tjera të rajonit t’i bashkohen kësaj marrëveshjeje.

“Kemi një konfirmim nga Bullgaria, e cila ka diskutuar më herët me ministrin kroat për mundësinë që t’i bashkëngjitet kësaj marrëveshjeje trilaterale, mirëpo besoj plotësisht që edhe vende të tjera të rajonit, sidomos ato që ndajnë vlerat e përbashkëta me ne dhe që ndajnë normalisht edhe interesa të përbashkëta, sepse nuk mjaftojnë vetëm vlerat, do të bashkëngjiten në këtë marrëveshje, le të themi në këtë deklaratë, e cila, edhe njëherë po e theksoj, gjithmonë synim ka paqen, stabilitetin dhe sigurinë”, deklaroi Ministri Ejup Maqedonci.

Në intervistën për TRT Balkan, e cila do të publikohet në tërësi së shpejti, Ministri i Mbrojtjes së Kosovës flet edhe për situatën e sigurisë në Kosovë e rajon, marrëdhëniet me Turqinë dhe çështje të tjera aktuale.