Month: May 2025

Kreu i qeverisë, njëkohësisht kryetari i Partisë Socialiste, është parë mesditën e sotme të vijë në selinë rozë.

Rrugës nga automjeti i tij për në dyert e selisë së PS, ai ka marrë një përqafim nga një grua kalimtare e rastit.

Ekipi i tij politik ka korrur një fitore absolute në këto zgjedhje, me 82 mandate të fituara në rang kombëtar kur janë numëruar më shumë se 95% e kutive.

Ende nuk ka një reagim publik nga vetë Rama, përveç një fotoje të publikuar dje në rrjetet sociale teksa merrte urimet për fitoren në një telefonatë nga Hashim Thaçi.

Po ashtu një detaj që u vu re nga foto e publikuar nga Rama, ishte një faqe Word në ekranin e kompjuterit të tij, ku aludohet se mund të ishte duke përgatitur fjalimin e fitores.

“Tiranë e dashur, Shqipëri e shtrenjtë,” shkruhej në të

Video Player

Deklaratë e Përbashkët nga Përfaqësuesi i Lartë-Zëvendëspresidenti Kallas dhe Komisioneri Kos mbi zgjedhjet parlamentare:

Të dielën, populli i Shqipërisë ushtroi të drejtën e tij demokratike për të votuar, duke zgjedhur përfaqësuesit e tij në Parlament. Ne përgëzojmë të gjitha autoritetet kompetente që siguruan funksionim të qetë në të gjithë vendin. Këto zgjedhje shënuan gjithashtu futjen e votimit jashtë vendit për herë të parë.

Sipas gjetjeve dhe përfundimeve paraprake të Misionit të Vëzhgimit të Zgjedhjeve të OSBE/ODIHR-it, zgjedhjet u menaxhuan përgjithësisht në një mënyrë gjithëpërfshirëse dhe transparente, dita e zgjedhjeve ishte e qetë dhe e organizuar mirë, pavarësisht disa mangësive.

Zgjedhjet në përgjithësi ishin konkurruese dhe të zhvilluara në mënyrë profesionale, dhe kandidatët në përgjithësi ishin në gjendje të bënin fushatë lirisht, megjithëse disa raportuan se u përballën me kërcënime. Megjithatë, votimi u zhvillua në një mjedis shumë të polarizuar, në të cilin garuesit nuk gëzonin kushte të barabarta loje. Për shkak të përdorimit të gjerë të burimeve administrative dhe ndikimit institucional, mund të ndodhë që shumica qeverisëse të ketë pasur avantazhin e të qenit në pushtet.

U bënë akuza të shumta për presion mbi votuesit, veçanërisht punonjësit publikë. Përpjekjet e koordinuara për të hetuar dhe ndjekur penalisht krimet zgjedhore janë një zhvillim i mirëpritur dhe ndjekja e tyre është e nevojshme për të adresuar shqetësimet e vazhdueshme të keqpërdorimeve zgjedhore. Pavarësia e medias vazhdon të jetë një problem dhe mbulimi i saj zgjedhor ka vazhduar t’u japë rëndësi partive kryesore dhe transparenca e financimit të fushatës gjithashtu mbeti e kufizuar.

BE-ja do të ndjekë nga afër zhvillimet zgjedhore deri në certifikimin përfundimtar të rezultateve. Të gjitha forcat politike duhet të sigurojnë funksionimin e vazhdueshëm të institucioneve të vendit.

Ne e inkurajojmë Shqipërinë të vazhdojë të ndjekë të gjitha reformat e nevojshme për anëtarësimin e saj të ardhshëm në BE, duke përfshirë miratimin e një reforme të mëtejshme zgjedhore që adreson të gjitha rekomandimet kryesore të ODIHR-it dhe ato që janë ende të pazgjidhura nga zgjedhjet e mëparshme. Procesi i integrimit të Shqipërisë në BE është një objektiv strategjik kombëtar dhe një projekt për të gjithë shoqërinë, i cili mbështetet fuqimisht nga qytetarët e Shqipërisë.

Ne përsërisim thirrjen tonë për një dialog politik konstruktiv dhe gjithëpërfshirës, pasi të gjitha partitë politike të Shqipërisë dhe të gjithë sektorët e shoqërisë, nga organizatat e shoqërisë civile deri te komunitetet lokale, kanë një rol për të luajtur në avancimin e mëtejshëm të procesit të anëtarësimit të vendit në BE.

Dashi

Pozicioni i Hënës gjatë orëve të ardhshme do t’ju japë forcë dhe shtysë më të madhe për sa kohë që nuk i nënshtroheni tepër impulseve dhe instinkteve tuaja. Nëse duhet të bësh një zgjedhje, do të duhet të përpiqesh të lëvizësh në kohë.

DEMI

Sipas horoskopit të Paolo Fox (e martë, 13 maj 2025), tranziti i ri i Mërkurit do të sjellë një gllënjkë ajri të freskët në jetën tuaj. Kjo situatë e re astrologjike ju çon në ndryshime të papritura në jetën tuaj. Nuk je më i gatshëm t’i japësh një fytyrë të mirë një situate të keqe.

BINJAKËT

Të gjithë ata që kanë qenë vetëm për një kohë të gjatë duhet të përpiqen tani të ecin përpara dhe të rikthehen në lojë. Do të duhet të përfitoni nga një dialog i ripërtërirë në familje për të shprehur pikëpamjen tuaj ose shqetësimet tuaja, pa filtra dhe pa frikë. Hëna është në një aspekt kontradiktor…

GAFORRJA

Në këtë moment të jetës sate do të ishte e përshtatshme t’i jepje përparësi punës mbi çdo gjëje tjetër. Mund të ketë disa propozime që duhen vlerësuar me kujdes. Në dashuri ka ende disa konflikte. Edhe nëse jeni në një lidhje interesante ose keni bërë plane afatgjata me partnerin tuaj, tani mund të keni disa mendime të dyta.

LUANI

Sipas horoskopit të Paolo Fox për nesër (e martë, 13 maj 2025), kjo Hënë aktive sjell një frymë të këndshme energjie dhe vendosmërie, veçanërisht në pjesën e dytë të ditës. Planeti Merkur ka marrë një pozicion kritik dhe për këtë arsye mund të sjellë përplasje dhe tensione me kolegët ose eprorët pikërisht sepse jeni të bindur për atë që bëni dhe nuk jeni më të gatshëm të pranoni në mënyrë pasive pikëpamjen e të tjerëve.

VIRGJËRESHA

Këto ditë keni pritur një përgjigje që nuk ka mbërritur dhe kjo ju ka bërë paksa të tensionuar dhe nervozë. 48 orët e ardhshme do të shoqërohen nga një Hënë e pafavorshme që mund të sjellë pak qartësi në jetën tuaj. Gjëja e mirë me qiellin tënd është se nga një këndvështrim sentimental po e jeton marrëdhënien tënde me më shumë pasion.

PESHORJA

Ditët në vijim do të sjellin një valë suksesesh në punë që do t’ju ndihmojnë gjithashtu të keni vetëvlerësim më të madh. Çiftet që kanë përjetuar një krizë duhet të përpiqen ta rregullojnë veten mirë. Nëse nuk arrini të diskutoni me qetësi çështjet me partnerin/en tuaj, gjërat mund të përkeqësohen në muajt në vijim.

AKREPI

Sipas horoskopit të Paolo Fox (e martë, 13 maj 2025), në këtë kohë është e lehtë për ju të nervozoheni dhe të humbni mendjen edhe sepse keni njëfarë opozicioni astral që nuk ju lejon të merreni me mosmarrëveshjet në mënyrën e duhur. Nga qershori, do të mbërrijnë yje të rinj që do të sjellin zgjidhje të bukura për problemet tuaja.

SHIGJETARI

Të kesh Hënën në anën tënde do të sjellë përfitime të mëdha. Nëse besoni fort në një ide ose projekt, tani është koha e duhur për të hapur pedalin e gazit. Jupiteri në opozitë mund të revolucionarizojë marrëveshjet. Në dashuri mund të ketë disa konflikte…

BRICJAPI

Këto yje do t’ju japin një këndvështrim shumë më qetësues për jetën sesa disa ditë më parë. Sa i përket punës, ka ende disa vështirësi për t’u zgjidhur. Nga qershori e tutje do të ketë disa situata për t’u sqaruar dhe nxjerrë në pah, veçanërisht me kolegët ose bashkëpunëtorët.

UJORI

Sipas horoskopit të Paolo Fox (e martë, 13 maj 2025), me Hënën në favorin tuaj, dëshira juaj për liri dhe emancipim nga njerëzit që ju shtypin do të jetë edhe më e madhe. Yjet sjellin nevojën për të vlerësuar rreziqet financiare të një projekti jetësor ose pune.

PESHQIT

Yjet ju ftojnë të shmangni konfliktet dhe të jeni më tolerantë. Duhet ta shfrytëzoni sa më shumë këtë ditë aktive, edhe nëse Hëna në opozitë mund t’ju bëjë të vini në dyshim një marrëveshje. Në dashuri, do të ishte më mirë të shtynit çdo sqarim deri në fundjavë.

Ndarja e mandateve për forcat politike që garuan në zgjedhjet parlamentare të 11 majit do të ishte shumë e ndryshme nëse në Shqipëri do të ishte adoptuar sistemi proporcional.

Gazetarja Ola Xama ka bërë një përllogaritje se si do të ndaheshin mandatet me këtë sistem, sipas rezultatit të deritanishëm.

Ajo që bie në sy është se partitë e vogla do të dy apo trefishonin numrin e mandateve në kurriz të partive të mëdha, PS dhe PD. Shpesh është diskutuar se ky sistem është dakordësuar nga partitë e mëdha, për të qenë në favor të vetë atyre, çka e thekson edhe gazetarja Xama.

Shkrimi i gazetares Xama:

Sistemi proporcional

Nëse sistemi do të ishte propocional kombëtar, me përqindjen e votave të numëruara deri tani, rezultati do të ishte ky:

Partia Socialiste:

73 mandate (52.5%)

Aleanca për Shqipërinë Madhështore:

48 mandate (34.12%)

Partia Socialdemokrate:                                        

5 mandate (3.7%)

Nisma Shqipëria Bëhet:                                      

5 mandate (3.5%)

Mundësia:                                                                  

4 mandate (2.82%)

Lëvizja Bashkë:                                                       

2 mandate (1.32%)

Koalicioni Euroatlantik:                                         

2 mandate (1.21%)

Koalicioni Djathtas për Zhvillim:                      

1 mandat (0.37%)

Por rezultati me sistemin zgjedhor të sotëm është dukshëm në favor të partive të mëdha duke mos i dhënë shansin të rinjve që të sjellin ide dhe standarde të reja- apo të bëjnë presion mbi partitë tradicionale që të korrigjojnë veten dhe të ndërtojnë brenda tyre demokraci dhe sistem vlerash.

PS me gjasa merr 83 mandate, 10 më shumë se i takon me votë kombëtare, PD merr 3 mandate më shumë me këtë formulë, ndërsa partitë e reja 6 ose maksimumi 8 vende në Kuvend nga 19 që do të dilnin me sistemin mazhoritar propocional.

Nëse partitë më lart, duke hequr PSD, do të ishin në një listë bashkë dhe me këtë sistem që është sot, do të arrinin të merrnin në rang kombëtar 9.22% të votave, të cilat do të prodhonin minimalisht 10 deri në 14 mandate sipas rezultatit dhe afërsisë që janë deri tani në disa qarqe, kryesisht Tiranë, Fier dhe Vlorë.

Një nga personazhet më karizmatikë të rrjeteve sociale dhe njëkohësisht një nga mbështetësit më të mëdhenj të Partisë Demokratike, Ilir Vrenozi, ka folur për Fiori Dardhën për Top News.

Shumë i lakuar dhe i bërë viral në këtë fushatë, edhe për shkak se mori një ftesë për kafe nga kryeministri Edi Rama.

Do e pranosh ftesën për kafe nga kryeministri Rama?

Ilir Vrenozi: “Ti e di që unë jam burrë dinjitoz dhe pavarësisht duket që ky po fiton, nuk bëhet fjalë që të ulem me të. Por e kam më shumë me këta të mijtë. Se kam folur dhe kam bërë thirrje në rrjete sociale, kam thënë mos hyni në garë me Ramën se nuk e mundim dot. U kam thënë hyni në grevë urie. Jo më tha një deputet se ky është i çmendur, të lë të vdesësh.

Këta që janë deputetë, rrinë aty, marrin atë rrogën, biznese kanë, makina kanë. Këto 2 muaj i ndërpreva thirrjet, por duhet bërë diçka se ne po rrimë në vend numëro. Kam thënë që po na mundi mos thoni që na vodhi se është turp. Se kur s’je i aftë të mbrosh votën tënde, ç’e do. Flas për demokratët që kanë dhënë shpirtin. Kush mban përgjegjësi për ta?”

Politikanët u kujtuan për ju vetëm në kulmin e fushatës?

Ilir Vrenozi: “Po mirë se s’ka gjë, se nuk është puna vetëm me mua. Ky ka vendosur diktaturë dhe komunistët nuk e lëshojnë më kurrë, këtë e kuptojnë të gjithë. Me votë nuk ikën ky pushtet. Por unë dua t’i them të parit, doktor Berishës, pastro shtëpinë se nuk vazhdohet kështu. Ndërsa për Ramën mesazhi që kam nuk e them dot se është me pullë të kuqe”.

Përfaqësuesit e Partisë Demokratike në KZAZ e qarkut të Dibrës janë të dëshpëruar nga rezultati dhe fajësojnë për këtë makinerinë elektorale të Partisë Socialiste, e cila nga ana e saj po rivalizon se cilët nga kandidatët e listës së hapur do të shkojnë në Kuvend.

“Kjo punë ka mbaruar. Është krijuar një sistem i atillë, që në këtë vend edhe Skënderbeu ose edhe ndonjë profet ta zbresësh, fiton sërish Edi Rama,” thotë me zhgënjim një anëtar i opozitës në KZAZ nr.18 në Bulqizë.

Lodhja nga orët e gjata të punës për zgjedhjet e 11 majit, por edhe rezultati përtej pritshmërive i lexohet në fytyrë. Komisioneri demokrat beson se socialistët fituan përmes një kombinimi mes kërcënimeve, blerjes së votës dhe një mekanizmi që ai e quajti “biskotë elektorale”. “Nuk ka bir nëne që jua ndal,” shtoi ai.

Dikur bastion i Partisë Demokratike, qarku i Dibrës në këto zgjedhje e mori drejtimin në favor të Partisë Socialiste. Pasditen e së hënës, kur ishin numëruar thuajse gjysma e 222 qendrave të votimit në të gjithë qarkun, rezultati sugjeron se ndarja e mandateve do jetë 2 me 3 në favor të partisë në pushtet.

Qarku i Dibrës është qarku i tretë më i vogël në Shqipëri pas Kukësit e Gjirokastrës dhe do të mandatojë 5 deputetë më 11 maj. Dibra është gjithashtu qarku që gjatë dy dekadave të fundit, ka njohur disa nga ndryshimet më trullosëse politike, ndryshime të cilat, larg të qenit pasojë e ndonjë temperamenti lokal për kërkim të larmishmërisë politike, janë produkt i disa prej krimeve zgjedhore më të mirëdokumentuara në historinë e re të Shqipërisë, përfshirë edhe atë që njihet gjerësisht si dosja 184.

Në ambientet e qendrave të numërimit në të katër KZAZ-të e Dibrës, gara duket se është zhvendosur tek kandidatët e listës së hapur. Përfaqësuesit e kandidatëve socialistë, Danjel Gjura, Murat Dani dhe Agron Malaj i gjen përballë monitorëve. Përpos shënimit të votave të partisë, puna e tyre është të mbajnë shënim votat e kandidatëve, për ta po aq e rëndësishme.

“I sheh, këta, duan ta hanë të gjallë njëri-tjetrin. Shifi. Këta të gjithë kanë një profil biznesi. Pushtetin e mjelin me tendera e koncesione,” thotë një tjetër përfaqësues i opozitës në sallën e numërimit të votave në Peshkopi.

Në këtë garë, Murat Dani është vetëm 24 vjeç. Në ato pak dalje publike, ai ka treguar me fjalë të kursyera se ka studiuar në Mbretërinë e Bashkuar për inxhinieri. Në zonën e Dibrës njihet më shumë i ati, Jeton Dani, biznesmen prej dy dekadash me aksione në fushën minerare, hidroenergjetike dhe së fundmi në energjinë solare.

Po kaq i përmendur në këto zgjedhje është edhe Agron Malaj, ish-kryetari i bashkisë së Matit, i cili e shtroi me asfalt elektoral ambicien e tij drejt Kuvendit të Shqipërisë. Persona të afërt me Malajn i gjen thuajse në çdo KZAZ, teksa mbajnë shënim votat për kandidatin.

Danjel Gjura, ish-drejtues i zyrës së Transportit Rrugor në Dibër dhe pretendent kryesor gjithashtu për një vend në parlamentin e ardhshëm, u vendos në qendër të vëmendjes mediatike gjatë ditëve të fundit, për shkak të tensioneve parazgjedhore me grupet e opozitës që quajtën veten struktura të mbrojtjes së votës. Në një incident në Maqellarë, Gjura u përfshi gjithashtu në një incident në garën brenda llojit.

Të dielën e zgjedhjeve, në të gjitha qendrat e votimit të KZAZ-ve Bulqizë dhe Dibër, në ambientet e jashtme dhe pa lidhje me administrimin zgjedhor, ishin persona që mbikëqyrin dhe sillnin persona për të votuar, shumica të identifikuar si punonjës të administratës publike. Gjithashtu në çdo qendër votimi, një person raportonte në kohë reale për personat që hynin dhe votonin. Nga këqyrja në distancë, aplikacioni mban në hapje logon e Partisë Socialiste dhe aty bëhet raportimi në kohë reale se për kë parti do të votoj personi./BIRN

PS fiton bindshëm me një diferencë mbi 6 mijë vota ndaj PD në bashkinë e Divjakës. Në bashkinë e Divjakës PS siguroi 10 427 vota ndërsa PD 3 882 vota.

Forcë e tretë në Divjakë është renditur Nisma Shqipëria Bëhet e Adriatik Lapajt, me 906 vota, ndjekur nga partia Mundësia e Agron Shehajt me 231 vota

Rezultatet:

PS 10.427 vota

PD 3.882 vota

Shqiperia Behet 906 vota

Mundesia 231 vota

Koalicioni Djathtas per Zhvillim 149 vota

Levizja Bashke 137 vota

PSD 102 vota

AKSH 90 vota

Koalicioni Euroatlantik 90 vota

Levizja Atdheu 26 vota

Aleanca Demokracia e Re 11 vota

Nga zgjedhjet e 11 majit qarku i Kukësit nxori tre deputetë, dy nga Partia Demokratike dhe një nga Partia Socialiste.

25-vjeçarja Elvira Peka do të jetë deputetja e re që do të përfaqësojë rrethin e Hasit në Parlamentin e Shqipërisë.

E dalë nga lista e hapur e Partisë Demokratike, Peka ka arritur të marrë 2050 vota, duke lënë pas deputetin Isuf Çela, i cili mori vetëm 667 vota, duke mbetur jashtë Parlamentit të ri.

Po ashtu, 25-vjeçarja Elvira Peka ka marrë më shumë vota edhe se kandidati tjetër i PD, Shkëlqim Shehu, i cili mori vetëm 378.

Elvira Peka ka përfunduar studimet e larta në Fakultetin Ekonomik dhe punon në një zyrë kontabiliteti.

Ndërsa Partia Socialiste arriti të marrë vetë një mandat deputeti, atë të drejtuesit politik, Eduard Shalsi.

Federata Shqiptare e Futbollit thotë se aplikimi për blerjen e biletave për ndeshjen Shqipëri-Serbi do të bëhet përmes plotësimit të një formulari dhe më pas fituesit do të përzgjidhen automatikisht.

Kjo sipas FSHF-së bëhet për arsye të kërkesës së lartë që ka për bileta. Formulari që do të duhet të plotësohet do të publikohet në 15 maj.

Njoftimi i FSHF:

Biletat për Shqipëri – Serbi; Informacion i rëndësishëm!

Për shkak të kërkesës së jashtëzakonshme për ndeshjen e 7 qershorit, FSHF do të aplikojë një procedurë speciale për shitjen e biletave:

Aplikimi: Formulari për regjistrim publikohet deri më 15 maj 2025

Maksimumi 4 bileta për person

Përzgjedhja automatike e aplikantëve

Njoftimi i fituesve më 30 maj 2025

Pagesa online nga 30 maj – 2 qershor

Bileta elektronike në email

Çdo biletë mund të transferohet vetëm një herë

Siguro vendin tënd dhe jepi zemër Kombëtares!

Në Vaun e Dejës janë numëruar të 53 kutitë dhe ka dalë rezultati zyrtar.

Forcë e parë në këtë bashki të Shkodrës është shpallur Partia Social-Demokrate me 5951 vota, ndërsa Partia Demokratike ka grumbulluar 4698.

Në vendin e tretë është renditur Partia Socialiste me 2482 vota.

Vau i Dejës është bashkia e parë në të cilën fituese nuk është shpallur as Partia Demokratike dhe as Partia Socialiste.

Por ky rezultat lokal duket se nuk ka qenë surprizë për drejtuesit politikë, pasi gjatë fushatës, kryeministri Edi Rama paralajmëroi publikisht kryebashkiakun Kristian Shkreli duke i thënë: “Mos luaj me dy porta”, një deklaratë që tani merr më shumë kuptim në dritën e këtij rezultati.