Month: July 2025

Prokuroria e Fierit, pasi iu bllokua 2 milionë euro pasuri rreth një vit më parë, i ka sekuestruar shtetasit Arbër Muça edhe një “Lamborghini Urus Mansory”.

Njoftimi i Prokurorisë:

Dyshime se kanë prejardhje nga veprimtaria kriminale, Prokuroria e Fierit sekuestron pasuri të tjera të shtetasit A.M. të cilit një vit më parë ju bllokuan 2 mln euro

Prokuroria pranë Gjykatës së Shkallës së Parë Fier, në vijim të hetimeve në procedimin penal nr.1162, datë 15.10.2020 për veprën penale “Pastrimi i produkteve të veprës penale ose veprimtarisë kriminale” parashikuar nga neni 287 i K.Penal, sekuestroi automjetin tip ‘Lamborgini Urus Mansory’, të shtetasit A.M.

Kjo prokurori ka regjistruar kryesisht procedimin pasuror nr.3 të vitit 2024, mbështetur në ligjin nr.10192, datë 03.12.2009 “Për parandalimin dhe goditjen e krimit të organizuar dhe trafikimit dhe korrupsionit nëpërmjet masave parandaluese kundër pasurisë” dhe sekuestrimi i makinës luksoze erdhi një vit pas sekuestrimeve të mëparshme ndaj pasurive të luajtshme (automjete, bizhuteri dhe vlera monetare) dhe paluajtshme me vlerë rreth 2 milion Euro të shtetasit A.M.

Automjeti luksoz u sekuestrua me vendimin e datës 10.07.2025 dhe rezulton të jetë modifikuar nga fabrika Mansory dhe është sjellë në Shqipëri nga Dubai, duke u fshehur nëpërmjet personave të tretë.

Në vijim, Prokuroria pranë Gjykatës së Shkallës së Parë Juridiksionit të Përgjithshëm Fier, shpreh angazhimin e plotë për vijimin e hetimeve të grupveprat që lidhen me pasurimin e paligjshëm nëpërmjet marrjes së masave për sekuestrimin dhe konfiskimin e tyre.

Një tërmet me magnitudë 6.9 ballë goditi rajonin e Ishujve Tanimbar në Indonezi, njoftoi Qendra Sizmologjike Evropiane Mesdhetare (EMSC). Deri më tani nuk është lëshuar asnjë kërcënim për cunami.

Ishujt Tanimbar janë një grup prej rreth 30 ishujsh të vendosur në Indonezinë lindore, brenda provincës Maluku. Ato shtrihen në Detin Arafura, midis Timorit në perëndim dhe Guinesë së Re në lindje.

Indonezia, një komb me më shumë se 270 milionë banorë të shpërndarë në një arkipelag, ndodhet përgjatë “Unazës së Zjarrit” të Paqësorit një zonë me aktivitet të fortë sizmik.

Vendi është shtëpia e 120 vullkaneve aktive dhe përjeton shpesh tërmete, shpërthime dhe cunami. Aktualisht nuk ka informacione zyrtare për dëme materiale apo të lënduar.

Një lajm i trishtë ka pllakosur këtë fillim jave familjen Rrumbullaku, duke sjellë një dhimbje të thellë për ish-drejtorin e Përgjithshëm të Policisë së Shtetit, Muhamet Rrumbullaku. Bashkëshortja e tij, Elsa Rrumbullaku, është ndarë nga jeta në moshën 55-vjeçare, pas një beteje të gjatë dhe të mundimshme me një sëmundje të rëndë.

Burime për “Newsbomb.al” bëjnë me dije se ndarja nga jeta e saj ka ndodhur pas një kohe të gjatë kur ajo ishte nën trajtim mjekësor, duke luftuar me forcë dhe dinjitet kundër një sëmundjeje të pashpirt. Pavarësisht përpjekjeve të saj dhe të familjes për të përballuar sëmundjen, fatkeqësisht Elsa nuk mundi të dilte fitimtare.

Elsa ishte jo vetëm bashkëshortja e një prej figurave më të njohura të strukturave të sigurisë në vend, por edhe një nënë e përkushtuar dhe mbështetëse e palëkundur e familjes. Ajo dhe Muhamet Rrumbullaku kanë dy djem, Marvinin dhe Erlisin, të cilët i qëndruan pranë në çdo moment të sfidës që ajo përjetoi.

Ceremonia mortore u zhvillua këtë të hënë, mes lotëve, dhimbjes dhe heshtjes së thellë që mbizotëroi mes familjarëve, të afërmve dhe miqve të shumtë të familjes Rrumbullaku. Të gjithë i dhanë lamtumirën e fundit një gruaje që për shumë njerëz përfaqësonte fisnikëri, forcë dhe dashuri të pakushtëzuar për familjen.

Mesazhet e ngushëllimit nuk kanë munguar, teksa shumë personalitete të njohura të jetës publike, përfaqësues të strukturave të sigurisë, miq të vjetër dhe bashkëpunëtorë të Muhamet Rrumbullakut kanë shprehur dhimbjen e tyre për këtë humbje të parakohshme dhe të thellë.

Prehsh në paqe, Elsa! Ngushëllime familjes Rrumbullaku.

Një lajm i trishtë ka pllakosur familjen e ish-drejtorit të Përgjithshëm të Policisë së Shtetit, Muhamet Rrumbullakut.

Bashkëshortja e tij, shoqja e jetës dhe gruaja që i dhuroi dy engjëj ka ndërruar jetë në moshën 55-vjeçare.

Burime për Newsbomb bëjnë me dije se Elsa Rrumbullaku nuk ka mundur që të mposhtë sëmundje ne keqe nga e cila prej kohësh vuante. Pa çka luftës së saj dhe të familjarëve, ajo nuk arriti që të dilte triumfuese nga kjo betejë.

Mes dhimbjes dhe lotëve, familjarët e saj, bashkëshorti e dy djemtë e saj, Marvin dhe Erlisi i dhanë lamtumirën e fundit këtë të hënë.

Pas postimit plot ironi të ish-banorit të “Big Brother Albania” Anaid Kaloti, i cili hodhi dyshime se Gjestit i kishte rrahur zemra për dikë tjetër menjëherë pas daljes nga Big Brother VIP Albania dhe se puthjet publike me Eglin ishin vetëm një lojë për vëmendje, nuk kanë munguar as reagimet nga dy protagonistët kryesorë të kësaj historie.

Egli zgjodhi të reagojë në mënyrë të tërthortë. Në një Instastory, ajo ndau një foto me tekstin:

“Një mbretëreshë kurrë nuk zbret nga froni për t’iu përgjigjur një fshatari që hedh gurë”

Ndërsa Gjesti u shfaq më i drejtpërdrejtë. Ai postoi një video në rrjete sociale, ku i drejtohej Anaid Kalotit me tone të qarta:

“E ke zemrën e prishur”, – u shpreh mes të tjerash Gjesti, duke lënë të kuptohet se për të, gjithë deklarata e Kalotit nuk ishte gjë tjetër veçse një shpërthim personal dhe negativitet i panevojshëm.

Të dy reagimet vijnë si përgjigje ndaj fabulës së gjatë të publikuar nga Kaloti, ku ai përshkroi një takim të pas-Big Brother-it mes Eglit dhe Gjestit në një hotel luksoz, dhe ku theksoi se Gjestit nuk i interesonte më Egli, pasi sipas tij, kishte ndjenja për dikë tjetër.

Pas disa ditëve të freskëta, është rikthyer moti i nxehtë në territorin shqiptar. Meteorologia LAJDA Porja, ka paralajmëruar se duke filluar nga mesdita e sotme deri të shtunën, temperaturat do të arrijnë nga 39-40 gradë celsius.

“Nga e marta në të shtunën do të kemi ndryshime të lehta në mëngjes. Do të vijojë edhe për pak ditë nata të jetë e freskët deri të premten, ndërsa mesdita do të arrijë në 38 gradë celsius. E mërkura sjell rritje të ndjeshme. Mesjava do të shënojë 39-40 gradë celsius”, tha Porja.

Sipas saj qytetet me temperatura të larta deri në 40 gradë do të jenë Shkodra, Elbasani, Berati Gjirokastra me maksimume 39-40 gradë celsius.

Ndërkohë vija bregdetare do jetë e kthjellët, herë pas here vranësira kalimtare do të ketë në plazhet e Velipojës dhe Shëngjinit.

Meteorologia paralajmëroi rrebeshe të premten në veri, ndërsa nesër reshje të izoluara në lindje e juglindje.

Rregullat për parkimin e automjeteve në Shqipëri po ashpërsohen, dhe shkeljet nuk do të ndëshkohen më vetëm me gjoba.

Ali Yzeiri, shef sektori për edukimin në Sektorin e Policisë Rrugore, ka deklaruar se drejtuesit që parkojnë në mënyrë të gabuar rrezikojnë tashmë edhe dënim me burg.

Yzeiri sqaroi se një nga elementët që shpesh keqkuptohet nga qytetarët është qëndrimi i përkohshëm i mjetit.

“Qëndrimi i përkohshëm lejohet vetëm për të marrë apo zbritur një pasagjer dhe për një kohë të kufizuar. Por drejtuesi i mjetit nuk duhet të largohet nga automjeti dhe duhet të jetë i gatshëm të lëvizë menjëherë nëse pengon qarkullimin,” tha ai.

Në raste të tilla, paralajmëroi Yzeiri, parashikohen penalizime të qarta dhe të ashpra, përfshirë masa ndëshkuese që mund të shkojnë deri në ndalimin e lirisë për raste të përsëritura apo të rrezikshme për qarkullimin rrugor, sidomos në bllokimin e mjeteve si ambulancat, zjarrfikëset apo automjetet e policisë.

Ai nënvizoi se synimi i këtyre masave është rritja e disiplinës rrugore, lehtësimi i trafikut dhe mbrojtja e sigurisë së qytetarëve në rrugë.

Dashi

Marrëdhënia me atë qe keni ne krah do jete shume e paqëndrueshme gjate kësaj dite. Nuk do jeni shume ne humor dhe here pas here do debatoni ashpër me te. Beqaret do jene te parrezistueshem dhe do marrin propozime pa fund. Ne planin financiar nuk do keni dëshirë te ulni shpenzimet dhe kjo mund ta përkeqësoje gjendjen ne te cilën ndodheni.

Demi

Kjo dite do jete mjafte përshtatshme për te bere disa rregullime ne jetën tuaj ne çift ose për te marre vendime për te ardhmen. Te dy do jeni realiste dhe te qarte pe rate qe doni te bëni. Beqaret jo vetëm qe do kenë takime, por mund te fillojnë edhe histori dashurie pasionante. Ne planin financiar merrini gjerat shtruar edhe sikur t’iu dalin vështirësi.

Binjaket

Kjo dite do jete mjaft romaneske për te dashuruarit. Gjithçka do ndodhe si me magji dhe here pas here do iu duket vetja sikur jeni vërtet ne një ëndërr te bukur. Beqaret nuk do jene ne humorin e duhur për te dale e për te njohur persona te rinj. Për një buxhet te qëndrueshëm shpenzoni aq sa ua mban xhepi jo me tepër. Vetëm disa mund te përfitojnë ndonjë shpërblim nga puna.

Gaforrja

Dita do filloje me se miri sot, por me kalimin e orëve situata do iu dale jashtë kontrollit. Mos lejoni qe problemet ne pune apo ne familje te ndikojnë ne lidhjen tuaj. Beqaret duhet te reflektojnë shume here para se te pranojnë ndonjë takim me persona qe sapo i kane njohur. Te ardhurat do jene ne te njëjtën gjendje si disa dite me pare. Nuk keni perse te shqetësoheni.

Luani

Do jete dita me e favorshme sot për te zgjidhur te gjitha debatet dhe problemet ne çift. Do toleroni me shume se kurdoherë tjetër. Beqaret do jene ne kërkim te princit te kaltër, por nuk do arrijnë dot ta gjejnë as gjate kësaj dite. Buxhetit do i bëni një riorganizim te përgjithshëm sepse kohet e fundit e kishit lënë goxha pas dore. Dëgjojini edhe këshillat e disa te afërmve.

Virgjeresha

Ata qe janë ne një lidhje do jeni me te ndjeshëm dhe me romantike gjate kësaj dite. Priten çaste te mrekullueshme pranë atij qe dashuroni. Beqaret do kenë një dite te zakonshme pa ndonjë takim mbresëlënës. Mos kërkoni asgjë me ngut ose me inat. Financat do kërkojnë me tepër vëmendje. Po i kaluat limitet e shpenzimeve do keni vështirësi te mëdha.

Peshorja

Do jeni shume xheloze ndaj partnerit tuaj gjate kësaj dite dhe kjo do sjelle probleme serioze ne lidhjen qe keni dertuar. Mos e teproni nëse nuk doni ta humbisni atë qe keni ne krah. Beqaret me mire te qëndrojnë vetëm sepse përndryshe do përballen me zhgënjime. Edhe pse do e keni te vështirë te kurseni duhet me doemos ta bëni këtë qe te mos keni vështirësi financiare.

Akrepi

Dite shume e mire kjo e sotmja për ata qe janë ne një lidhje. Do ndiheni te sigurte dhe te lumtur pranë atij qe keni ne krah dhe do dëshironi qe t’i bëni gjerat me serioze. Beqaret nuk do jene ne humorin e duhur për te kërkuar dike. Financat do jene goxha te paqëndrueshme. Shmangni çdo lloj shpenzimi te tepruar dhe çdo lloj huaje. Nuk është ende momenti për ta lënë veten te lire.

Shigjetari

Dite shume e zakonshme dhe pa asgjë te veçante kjo e sotmja. Merrini gjerat si t’iu vijnë pa e vrare shume mendjen se ç’do ndodhe me tej. Beqaret duhet te gjejnë mënyrën e duhur për te joshur personin qe pëlqejnë dhe do ia arrijnë qëllimit. Te ardhurat nuk do jene te mira për te gjithë. Ata qe kane pasur probleme do e kenë serish te vështirë te kryejnë ndonjë shpenzim me tepër.

Bricjapi

Jeta sentimentale e çifteve do jete e mrekullueshme sot. Do flisni me hapur për gjithçka dhe nuk do mani me mëri për te kaluesen. Beqaret do jene te lire te bëjnë çfarë te duan sepse mundësitë për takime dhe për aventura do jene te shumta. Financat do jene me delikate se disa dite pa pare, prandaj duhen marre sa me shpejt masa strikte.

Ujori

Do jeni shume te qarte për ato qe doni te bëni ne jetën tuaj ne çift sot dhe marrëdhënia me partnerin do ketë ndryshime. Nëse jeni lodhur nga rutina e kohëve te fundit mund te merrni vendime drastike. Beqaret nuk do jene ne humorin e duhur për te dale e për t’u njohur me persona te rinj. Ne planin financiar do jene disa te afërm qe do iu ndihmojnë ta stabilizoni situatën.

Peshqit

Do jeni gjithë kohës me nerva sot dhe shpesh do ja nxirrni gjithçka atij qe keni ne krah. Kujdes mos e teproni sepse edhe durimi e ka një kufi. Beqaret do jene pa fat kështu qe edhe sikur te kërkojnë gjithë kohës nuk do e gjejnë princin e kaltër. Ne planin financiar do jeni me fat. Do shpenzoni për gjithçka qe doni dhe do hiqni edhe disa para mënjanë.

Në tregun e këmbimit valutor shqiptar, një dollar amerikan do të blihet sot me 83.2 lekë dhe do shitet me 84.2 lekë.

Ndërkohë monedha evropiane euro do blihet me 97.3 lekë dhe do shitet me 98.1 lekë.

Franga zvicerane sot në tregun shqiptar do blihet me 104 lekë dhe do shitet me 105 lekë.

Ndërsa paundi britanik do blihet me 112 lekë dhe do shitet me 113.2 lekë.

Kryeministri Edi Rama ka komentuar mëngjesin e sotëm shembjet në Theth, duke u shprehur se nuk janë ndërtuar nga njerëz të shkretë, por thekson se janë ngritur nga disa individë që s’janë as banorë të zonës.

Edi Rama:

Dua të ndalem te çështja e Thethit duke adresuar disa këndvështrime, Të bëhet shumë e qartë për të gjithë se cila është qasja jonë dhe cili do të jetë qëndrimi ynë në vazhdim. Kam vënë re që ka një teori shumë për të ardhur keq lidhur me përgjegjësinë dhe fajin. Duket sikur një pjesë e atyre që komentojnë, përpiqen që t’ja lënë fajin strukturave të shtetit.

Nga një anë kemi disa njerëz të shkretë që kanë hequr bukën e gojës për të ndërtuar disa banesa dhe një shtet që i ka lënë ta bëjnë këtë në shkelje të ligjit dhe është kujtuar pastaj ti godasë. Nuk bëhet fjalë për disa të shkretë, por individë që në një pjesë të konsiderueshëm nuk janë banorë të vendit, individë që as nuk janë shfaqur të pretendojnë çfarëdo qoftë dhe Policia e Shtetit po merret me hetimin si ka ndodhur dhe kush është mbrapa pushtimit kriminal të zemrës së Thethit.

Bëhet fjalë për ndërtime jo për të futur kokën, por qëllime fitimi., Nuk e di të ketë ndonjë teori që e amniston shkelësin e ligjit, strukturat e kanë përgjegjësinë e tyre. Mbetet për tu parë cfarë do marrë KLP për zonjë Gjeli e cila nuk ka pranuar të nisë as hetimin. Në Theth janë goditur 40 subjekte, kanë pasur dhe nga dy dhe nga tre. Policia e Shtetit ka një numër të konsiderueshëm lidhur me këto subjekte dhe prokuroria nuk ka marrë asnjë. Bashkia e Shkodrës e ka marrë përgjegjësinë e vet.

Tjetra që dua ta theksoj se e kishte nxjerr në pah dhe një prift çuditërisht. U habita sesi një njeri i Zotit kishte folur për këtë histori, sikur ne i joshëm, i gënjyem dhe i premë në besë. Ne nuk kemi prerë askënd në bese. Kemi premtuar legalizimin e shtëpive të vjetra, e kemi përmbyllur atë proces. Nuk kemi thënë na jepni votën dhe ndërtoni pa leje. Janë ndërtime të bëra në muajt e funditm jo të kohës kur kemi qenë aty.

Një vajzë 17-vjeçare është transportuar paraditen e kësaj të hëne në spitalin e Vlorës në gjendje të rëndë, pasi ka mbetur e plagosur me armë zjarri në kokë . Adoleshentja me inicialet H.H., është shoqëruar në spital nga familjarët e saj.

Burimet nga stafi mjekësor bëjnë me dije se e reja ka qenë e koshiente në momentin e mbërritjes në spital, ndërsa po i nënshtrohet procedurave mjekësore përkatëse.

Sipas informacioneve paraprake, dyshohet se e reja mund të jetë vetëplagosur me armë zjarri.

Gjendja e saj shfaqe e rëndë

“Sot, rreth orës 11:40, është paraqitur në spital, në gjendje të rëndë shëndetësore, një shtetase e mitur 17 vjeçe, e cila dyshohet se është vetëplagosur me armë zjarri pistoletë, në banesën e saj, në lagjen “Kushtrimi”.

Grupi hetimor po punon për sqarimin e plotë të rrethanave të ngjarjes”, njofton policia.