Lajmet e Fundit
Pas shtatë vitesh qëndrese, sfidash dhe emocione, Argjira Spanca ka njoftuar largimin e saj nga emisioni “E Diell” në Top Channel.
Në një postim prekës në rrjetet sociale, moderatorja ndau me ndjekësit reflektime mbi rrugëtimin e saj televiziv, një udhëtim që, siç thotë ajo vetë, e ka rritur, formuar dhe i ka dhuruar kujtime të paçmueshme.
Lionel Messi dhe bashkëshortja e tij, Antonela Roccuzzo, janë bërë sërish viral në rrjet pas një paraqitjeje të papritur në koncertin e Coldplay në “Hard Rock Stadium”, Miami.
Teksa turma po shijonte koncertin, një moment i veçantë ndezi atmosferën: Messi u shfaq papritur në ekranin gjigant të stadiumit. Publiku shpërtheu menjëherë me brohorima dhe thirrje “Messi! Messi!”, ndërsa futbollisti legjendar buzëqeshte me modesti.
Antonela dukej në formë të shkëlqyer përkrah tij, duke kërcyer dhe shijuar muzikën, ndërsa Chris Martin ndaloi gjithçka për t’u drejtuar vetë Messit nga skena:
“Lio, vëllai im i bukur. Ti dhe gruaja jote dukeni fantastik. Faleminderit që erdhët sonte. Je sportisti më i madh i të gjitha kohërave,” tha ai, mes duartrokitjeve.
Përshëndetja e thjeshtë e Messit i çmendi tifozët, duke e krahasuar momentin me një spektakël të Kupës së Botës FIFA. Tifozët vlerësuan elegancën e lehtë të çiftit, me disa që bënë shaka se ai “nuk ka asgjë për të fshehur”.
Coldplay x Leo Messi x Antonela ❤️ pic.twitter.com/iKQiuMDByQ
— Fan Club | Leo Messi 🔟 (@WeAreMessi) July 28, 2025
Mesfushori i Barit, Mathias Verreth ka humbur djalin e tij 14-muajsh pasi ndërroi jetë. Lajmi tronditi të gjithë komunitetin me klubin që njoftoi, në shenjë zie dhe respekti, se do të largohen nga kampi stërvitor në Roccaraso, duke u rikthyer në qytet. Futbollisti natyrisht, është rikthyer në Belgjikë, ku jeton familja e tij.verreth
NJOFTIMI
Jemi pa fjalë teksa ndajmë lajme që sapo na kanë tronditur thellësisht secilin prej nesh.
Presidenti Luigi De Laurentiis, stafi i trajnerëve, i gjithë ekipi, menaxhmenti dhe bashkëpunëtorët e kuqe e të bardhëve shprehin ngushëllimet e tyre më të thella për Matthias Verreth dhe familjen e tij në një nga momentet më të tmerrshme që një prind dhe një qenie njerëzore mund të përjetojë: vdekjen e papritur dhe të parakohshme të një fëmije.
U kërkojmë të gjithë tifozëve, meshkuj dhe femra, të shprehin ngushëllimet e tyre më të thella për Matthias, gruan e tij, fëmijën e tyre të parë dhe të gjithë të dashurit e tyre në këtë moment pikëllimi të tmerrshëm. Grupi kuqe e të bardhëve do të kthehet në Bari sot në shenjë zie dhe respekti për një tragjedi të tillë.
Fatime Kryemadhi u largua nga SPAK pasi i është kerkuar nga Prokuroria të paraqitet nesër me një avokat tjetër, sepse nuk mund të përfaqësohet me të njëjtin avokat të Monika Kryemadhit.
Prokuroria e Posaçme Kundër Korrupsionit dhe Krimit të Organizuar (SPAK) ka përfunduar hetimet mbi dosjen e kreut të Partisë së Lirisë Ilir Meta dhe ish-bashkëshortes së tij Monika Kryemadhit, ndërsa ka nisur me komunikimin formal të akuzave.
Bëhet me dije se Kryemadhi do të paraqitet para prokurorëve të posaçëm ditën e mërkurë. Momentalisht ende nuk dihet se kur do t’i komunikohen akuzat presidentit të Partisë së Lirisë, Ilir Meta. Nga tjetër Ema Çoku është paraqitur aktualisht në Prokurorinë e Posaçme dhe po njihet me akuzat e hetuesve.
Presidenti i Partisë së Lirisë Ilir Meta u arrestua më 21 tetor 2024. Ai dhe deputetja Kryemadhi dyshohen se, duke bashkëpunuar mes tyre dhe me funskionarë të tjerë shtetërorë, në disa episode duke nisur nga 15 vite më parë kanë shfrytëzuar postet e tyre shtetërore dhe politike për të favorizuar kompani private, si dhe në veprimtari të tjera me lobime në SHBA dhe shitblerje banesash në këmbim të përfitimit të shumave të konsiderueshme parash, të cilat janë përpjekur t’i fshehin, duke mos i deklaruar në ILDKPI dhe KQZ.
Konkretisht, deputetja Kryemadhi po hetohej nga SPAK për tre akuza, pastrim parash, korrupsion dhe mosdeklarim të ardhurash. Gjykata la në fuqi më 23 tetor masën “detyrim për t’u paraqitur në policinë gjyqësore” ndaj Kryemadhit, për të njëjtat vepra penale, si dhe ndaj të hetuarës Ema Çoku, për pastrim parash.
Ndërkohë ndaj Piro Xhixhos, i hetuar për korrupsion pasiv, iu zëvëndësua masa e sigurisë nga “arrest në shtëpi” në “detyrim për t’u paraqitur në policinë gjyqësore”. Të tre të hetuarit nën masën e sigurimit “detyrim paraqitje” urdhërohen të paraqiten një herë në muaj në zyrat e Policisë Gjyqësore të SPAK.
Nëntë muaj pas arrestimit të Ilir Metës, Prokuroria e Posaçme Kundër Korrupsionit dhe Krimit të Organizuar (SPAK) ka mbyllur hetimet për dosjen e njohur si “Meta”, e cila përfshin aferën CEZ-DIA dhe skandalin e lobimit të Lëvizjes Socialiste për Integrim në Shtetet e Bashkuara të Amerikës.
Me mbylljen zyrtare të hetimeve, SPAK ka marrë të pandehur pesë persona, mes tyre ish-presidenti Ilir Meta dhe ish-kryetarja e LSI-së, Monika Kryemadhi. Dyshja, tashmë të divorcuar edhe ligjërisht, akuzohen për korrupsion, pastrim parash dhe fshehje pasurie. Sipas SPAK, ata dyshohet se kanë përfituar pasuri në mënyrë të paligjshme ndër vite, duke përdorur pushtetin politik dhe lidhjet familjare për të fshehur burimet financiare.
Në listën e të pandehurve:
Ilir Meta – akuzohet për korrupsion, pastrim parash dhe fshehje pasurie.
Monika Kryemadhi – akuzohet për të njëjtat vepra penale si Meta.
Pirro Xhixho, ish-kreu i AKEP dhe babai i deputetes së PL-së, Erisa Xhixho – akuzohet për korrupsion pasiv.
Ema Çoku, mikesha e ngushtë e Monika Kryemadhit – akuzohet për pastrim parash.
Fatime Kryemadhi, nëna e Monika Kryemadhit – është marrë së fundmi e pandehur për pastrim parash.
Fatime Kryemadhi, vjehrra e Ilir Metës, u paraqit sot në ambientet e SPAK për t’u njohur me akuzat ndaj saj, por u largua pa u marrë në pyetje, pasi i është kërkuar të rikthehet nesër për shkak të mospranueshmërisë së avokatit përfaqësues të saj, Ema Çoku, e cila është gjithashtu e pandehur në të njëjtën çështje.
Ndërkohë, komunikimi zyrtar i akuzës për pastrim parash iu bë sot Ema Çokut dhe Pirro Xhixhos. Vetë Ilir Meta dhe Monika Kryemadhi u morën të pandehur më 29 maj 2025.
Monika Kryemadhi pritet të paraqitet sërish nesër, në orën 13:00, në ambientet e SPAK për t’u njohur me mbylljen e hetimeve që rëndojnë mbi të dhe pandehurit e tjerë.
Aktualisht, Ilir Meta ndodhet në burg që prej 21 tetorit të vitit të kaluar, ndërsa Monika Kryemadhi është nën masën e “detyrimit për paraqitje”. Dyshja, që kanë dominuar politikën shqiptare në dekadat e fundit, janë tashmë në qendër të një prej proceseve më të bujshme të drejtësisë së re shqiptare.
Asnjë ndjesë publike nuk shprehu Flamur Isufi, vëllai i oficerit të policisë Ardian Isufi që një ditë më parë në restorantin e një hoteli në Vlorë dhunoi bashkë me mikun e tij, një kamerier që i kishte ngatërruar porosinë, duke çuar në tavolinën e tyre një shishe ujë më tepër.
“Video nuk është e plotë, vëllai ka larguar kamerierin, ai ka vazhduar debatin me personin tjetër personi që ka goditur nuk është vëllai im”, thotë vëllai i Arben Isufit, Flamuri.
Pavarësisht se kamerat e sigurisë së lokalit fiksuan momentin e rëndë, kur oficeri i policisë jashtë shërbimit u përfshi në incidentin fizik me adoleshentin që pasi i shërbeu si kamerier përfundoi i keqtrajtuar prej tij për shkak të keqkuptimit të porosisë, Flamur Isufi ndalet vetëm tek dhuna që u ushtria ndaj vëllait të tij.
“Vëllai im është me shpatull të thyer, fraktura në fytyrë dhe në trup. Është goditur në lokal duke pirë kafe nga pronari dhe nga 15 persona dhe video është hequr, vëllai të mbajë përgjegjësi për gabimet që ka bërë, ata të mbajnë përgjegjësi për gabimet e tyre”, shprehet ai.
Kamerat e sigurisë së lokalit në lagjen “Pavarësia” të qytetit të Vlorës, treguan qartë dhunën e ushtruar nga nënkomisari Isufi dhe një shtetas tjetër i identifikuar si Leart Bimo. Dy burrat shfaqen duke ushtruar dhunë fizike dhe verbale ndaj 18-vjeçarit, për Flamur Isufi pretendon se e gjithë ngjarja është sqaruar me babain e kamerierit të dhunuar.
“Ka ardhur babai i fëmijës, janë sqaruar dhe janë ndarë si miq, nuk kishte konflikt këtu. Këto janë inate personale se vëllai ka qenë shef qarkullimi në Vlorë. Nëse ka faj të mbajë përgjegjësi për pjesën që i takon”, shton Flamuri.
Pavarësisht dëshmisë kontradiktore të Isufit, në vendngjarje kishte edhe dëshmitarë që konfirmuan se fillimisht oficeri ka ndërhyrë me tone kërcënuese dhe kontakt fizik me të riun, i cili më pas u dhunua edhe nga ana e Leart Bimos. Ngjarja ndodhi në prani të klientëve, të cilët, të tronditur, janë larguar menjëherë, duke lënë ambientin bosh.
Ish-shefi i qarkullimit rrugor në Vlorë, së fundmi i caktuar me detyrë si efektiv kufitar në Dibër u pezullua menjëherë nga detyra, ndërsa vetë kryeministri Rama kërkoi përjashtimin e plotë të tij nga radhët e policisë dhe dorëzimin përpara drejtësisë./ Top Channel
Rumania po përballet me një situatë katastrofike si pasojë e përmbytjeve masive që kanë prekur vendin. Të paktën 3 viktima janë raportuar nga autoritetet vendase, në Rumaninë Lindore.
Moti i keq shkaktoi dëme masive, mijëra shtëpi u shkatërruan dhe qindra qytetarë u detyruan që të largohen nga banesat e tyre.
Ndërkohë që vendi u përfshi nga shira të rrëmbyeshëm e ndërprerje të energjisë, ekipet e shpëtimit janë angazhuar në terren për t’i ardhur në ndihmë qytetarëve të bllokuar.
Autoritetet gjithashtu paralajmërojnë se rreziku për përmbytje të tjera është i lartë, ndërsa u bëjnë thirrje banorëve që të tregojnë kujdes dhe të largohen nga zonat me rrezik të lartë.
Firma britanike e konsulencës Henley & Partners ka publikuar edhe këtë vit renditjen e saj, tashmë tradicionale, të pasaportave më “të fuqishme” në botë, domethënë dokumenteve që ju lejojnë të vizitoni numrin më të madh të vendeve të mundshme pa pasur nevojë për vizë ose thjesht duke plotësuar një formular për ta marrë atë kur hyni në vendin e destinacionit.
Çdo vit, ajo vlerëson pasaportat nga 199 vende dhe i krahason ato me 227 destinacione të mundshme në mbarë botën. Nuk është renditja e vetme e këtij lloji, por është e vetmja që përdor të dhëna nga baza e të dhënave e Shoqatës Ndërkombëtare të Transportit Ajror (IATA), duke i krahasuar ato me informacionin mbi rregulloret e hyrjes për pothuajse çdo vend në botë.
Sipas renditjes së këtij viti , pasaporta e Singaporit mbetet më e fuqishmja, duke lejuar udhëtimin pa viza në 193 vende, një numër shumë i lartë, megjithëse më i ulët se 195 vendet e vitit të kaluar. Disa renditje përfshijnë disa vende të barabarta për vendin e parë, siç janë Japonia dhe Koreja e Jugut të renditura në vendin e dytë, dhe vendet e treta, të gjitha evropiane: Danimarka, Finlanda, Franca, Gjermania, Irlanda, Italia dhe Spanja (anëtarësimi i tyre në Bashkimin Evropian ndihmon). Pasaporta italiane, së bashku me vendet e tjera të treta, lejon udhëtimin pa viza në 189 vende.
Shtetet e Bashkuara dhe Mbretëria e Bashkuar, të cilat deri një dekadë më parë kishin dy nga pasaportat më të fuqishme, tani renditen përkatësisht në vendin e dhjetë dhe të gjashtë, me 182 dhe 186 vende. Gjermania ishte në vendin e parë në vitin 2016 me 177 vende; tani renditet e treta, por me 189, për shkak të një rritjeje të përgjithshme të hyrjes pa viza dhe me rrugë të shpejtë. Duke krahasuar vitet 2016 dhe 2025, Kina u rrit nga vendi i 87-të në të 60-tin, ndërsa Rusia u rrit nga vendi i 48-të në të 46-tin.
Shqipëria renditet në vendin e 43-të dhe pasaporta shqiptare njihet në 122 vende të botës ku mund të hyhet pa vizë. Ndërsa me pasaportë të Kosovës mund të shkosh në 82 vende të botës pa vizë, renditet në vendin e 61-të, një poshtë Kinës.
Siç ka qenë rasti për shumë vite, pasaporta e Afganistanit mbetet në fund të listës: ajo lejon hyrjen pa viza vetëm në 25 vende (kryesisht në Afrikën Sub-Sahariane dhe shtete të vogla të Oqeanisë). Pasaporta e Irakut lejon hyrjen në 30 vende, dhe ajo e Sirisë në 27, një rënie e lehtë krahasuar me vitin e kaluar.
Vasil Bedinaj, pronari i rrjetit hotelier “Regina Group” në Vlorë, është kthyer në qendër të vëmendjes pas incidentit të ndodhur në lokalin e tij, ku ndërhyri për të mbrojtur një kamarier 18-vjeçar që po dhunohej nga një oficer policie jashtë shërbimit.
Por ndërsa ngjarja shkaktoi reagime të forta në opinionin publik, për Bedinajn situata ka marrë një tjetër kthesë.
Në rrjetet sociale, mijëra përdorues kanë shpërndarë pamje të ndryshme të tij. Komentet dhe reagimet janë të mbushura me mbështetje për veprimin e tij, ndërsa shumë qytetarë e kanë quajtur një akt të drejtë dhe të guximshëm.
Madje, në faqet zyrtare të bizneseve të tij janë shtuar ndjeshëm ndjekësit dhe komentet pozitive. Përdorues të shumtë kanë premtuar se do të frekuentojnë lokalet e tij dhe do t’ia rekomandojnë të tjerëve, si formë vlerësimi për mbrojtjen që i bëri të riut që po dhunohej.
Ngjarja ndodhi pas një konflikti për një shishe ujë, ku Nënkomisari Ardian Isufi dhe një tjetër person u përplasën fizikisht me kamarierin.
Gazetari Bledian Koka shprehet se Erion Veliaj duhet të hetohet për vrasjen e Ardit Gjoklajt. Ai deklaron se secili prej atyre që kanë bashkëpunuar me Veliajn, do ta shesin një nga një.
Koka thekson se Veliaj sot është duke u gjykuar për çdo gjë tjetër përveçse për të këqijat që ka bërë.
“A nuk i kemi thënë ne që Veliaj përdor pushtetin e tij për tu pasuruar?
A nuk e kemi thënë ne që shumë zyrtarë të qeverisë ishin ‘zara’ të Veliajt dhe punonin për llogari të tij
Tashmë që drejtësia funksionon, a nuk janë këto konfirmimi i asaj që ne kemi parashikuar, e dinim por nuk e konfirmonim dot.
Këtu jemi në fazën e konsumimit të të gjithë së keqes dhe tashmë Veliaj po paguan pasojat e shpërdorimit të tij të detyrës dhe super pushtetit që ai kishte.
Secili prej atyre që kanë bashkëpunuar me Veliajn, do ta shesin një nga një.
Sepse drejtësia po bën punën e vet vetëm për rastin Veliaj.
Unë besoj fort se Veliaj sot është duke u gjykuar për çdo gjë tjetër përveçse për të këqijat që ka bërë.
Pra unë mendoj se Veliaj nuk ishte problemi tek ca tendera te Ajola Xoxa.
Unë mendoj se Veliaj duhet të hetohet se pari për vrasjen e Ardit Gjoklajt dhe për mënyrën se si korruptohej një prokuror të kohës duke i dhënë familjarëve të tij nja 20 milion euro tender që të mbyllte rastin e Ardit Gjoklajt.
Unë mendoj se e keqja dhe i gjithë pushteti i zi i Veliajt ka nisur ditën kur vendosi të varrosë pa gjyq një 17-vjeçar.”- tha Koka.
