Month: May 2026

Mehdi Malkaj ka reaguar lidhur me skenat e fundit në gjyqin e kryebashkiakut të arrestuar të Tiranës, Erion Veliaj, ku disa aktorë u shfaqën duke u përqafuar me të në ambientet e Gjykata Administrative.

Mes tyre ishte edhe aktori i njohur Robert Ndrenika, për të cilin Malkaj shprehu vlerësim të lartë artistik, por kritikoi qëndrimin e tij në raport me çështjen e Teatrit Kombëtar.

Në një intervistë për emisionin “Kafe Shqeto”, Malkaj u shpreh:

“Ndrenika është aktor, mal i madh. Por Ndrenika është dhe njeri që u bë pis qëkur iku nga kauza e teatrit. Ky iku jo pa kaluar fadroma po pa kaluar asgjë. Kur iku ai, ikën dhe një grup njerëzish. Kjo merret sikur ne që ishim kundër prishjes, jemi dhe kundër teatrit të ri. Unë jam 1000 herë më pro se sa vetë kryebashkiaku, jan kam thënë dhe atij. Ishte muza dhe dashuria e gjithë popullit shqiptar, teatri kombëtar. Vazhdojnë të thonë atë që e kam thënë me kohë. Komunizmi është këmbëkryq këtu. Berti është mal i madh artistik, por këtë malin e dërrmoi ai Berti si njeri”.

Deklarata e tij rikthen në vëmendje debatet e forta që kanë shoqëruar prej vitesh çështjen e Teatrit Kombëtar, duke nxjerrë në pah ndarjet mes artistëve për këtë temë.

Aktori i njohur shqiptar Mehdi Malkaj ka bërë disa deklarata gjatë një interviste në emisionin “Kafe Shqeto” në Syri TV, ku kritikoi mënyrën se si trajtohen artistët dhe intelektualët në Shqipëri, si edhe klimën politike e shoqërore në vend.

Malkaj kritikoi ashpër, luksin dhe shpërdorimin e pushtetit për spektakle e fasadë, ndërsa qytetarët dhe artistët mbeten të nënvlerësuar dhe nën presion. Ai ngriti shqetësimin se liria e fjalës është vetëm formale, pasi kritika ndaj qeverisë, sjell pasoja dhe frikësim.Aktori denoncoi edhe heshtjen e intelektualëve dhe indiferencën shoqërore, duke theksuar se qeverisja ka kultivuar apati dhe bindjen “ç’më duhet mua”, ndërsa zërat kundërshtues lihen të izoluar. Për Malkajn, protesta dhe qëndresa qytetare mbeten e vetmja përgjigje ndaj një pushteti që, shtyp kundërshtinë dhe shpërfill interesin publik.

Mehdi Malkaj: E vërteta është kjo që neve artistëve na konsiderojnë si mjet argëtimi, jo si vlerë kombëtare. Jo Mehdiun, artistët flas në përgjithësi, të gjithë. Hajde se kemi aheng. Hajde se ka ardhur… E po e ç’u bë në shesh para disa ditësh? Sa mund të jenë harxhuar atje 200.000, 200 milionë dollarë janë harxhuar atje për gjithë atë luks që donte, udhëheqësi jonë i ndritur dhe i dashur i popullit shqiptar, jo vetëm për gjatësinë e tij, por dhe për gjatësinë e mendjes së tij, ore nuk e ke idenë se sa shumë e duam. E po, mund ta kem gabim këtë.

Se të gjithë intelektualët që thua zotërote, atë duan. Se u vjen turp që të shoqërohen me njerëzit që nuk janë, nuk janë të tillë. Jo. Se prishin biografinë. Se ky… Shiko i dashur, ky kryeministri, se aty fillojnë dhe mbarojnë gjërat. Ky kryeministri i dashur dhe i shtrenjtë i joni, ky thotë ti je i lirë të flasësh çfarë të duash edhe si të duash. Dhe ti flet. Të nesërmen i ke të pushuar nga puna të gjithë farefisin edhe ndonjë shok. Si jam i lirë unë? Si qenkam i lirë? Përse më trajton mua si? Kur them mua, nuk kam parasysh veten. Kam parasysh të gjithë artistët. Por, artistët vetë, që mezi pritën, mezi kishin pritur që të ikte Berti, ikën dhe ikën dhe u justifikuan me atë që po, hajde se tani iku Berti. Po mirë o, Berti iku për vete. Ti pse s’ndejte? Dhe ne që ndenjtëm, e na bënin presion, po ike, ik se na le nam. Ik ore se na le nam. Jo, ne qëndruam dhe ne jemi akoma qëndrestarë. E kupton?

Se u munduam që të të krijojmë një model midis të tjerave që njeriu duhet të protestojë.

Jo, duke mos i bërë bashkë, po, qëndrestarët janë të dënuar.

Publiku ka gjetur një fjalë dhe atë përdor. Po hajde, po ç’më duhet mua? Është kjo, është dominante në këtë vend që quhet Shqipëri. Po ç’më duhet mua? Ç’më duhet mua? Po pse? Po kujt i duhet kur ty s’të duhet, mua s’më duhet, atij s’i duhet. Kujt i duhet? Dhe me këtë, ai ka vënë në popull, ka vënë në gjumë një popull të tërë. Ç’më duhet mua? Është e tmerrshme.

Shiko, flitet shumë për intelektualët. Unë nuk e quaj veten intelektual, megjithëse kam lexuar shumë, lexoj, e kupton, dhe mundohem që të jem në korrent me ngjarjet që i ndodhin në vendin tim. Po ku janë këta intelektualët? Cili intelektual është ngritur me një grup njerëzish dhe ka thënë, o njerëz kam nevojë për ndihmën tuaj. Do bëjmë këtë, këtë, këtë, këtë, këtë. Ku, ku janë këta? Ke dëgjuar gjë ti që të ngrihen intelektualët?Jo. Unë kam thënë një gjë, intelektualët, dhe atëherë kur ishim në protestë në oborr të teatrit, vinin, zgjasnin kokën, bënin një foto apo një filmim, e dërgonin diku, se ku e dërgonin e dinë ata, edhe iknin. Kjo kishte të bënte me paratë. E bënë punën e vetë. E nxirrte kokën atje edhe. Por ata djemtë e nënave dhe vajzat, edhe gratë që ishin aty në oborr të teatrit, e gdhin aty. Nuk erdhi një intelektual i shquar të thoshte, ore njerëz, do bashkohem edhe unë me juve. Jo, përkundrazi, hajde ikim, mos bëni budallallëqe, ikni, çfarë bëni, e kupton? E kupton që, më tha njëri, e kupton që ai e ka ndarë mendjen? E kuptoj, i thashë, po ti pse nuk e ndan mendjen? Ti pse nuk ke ndarë mendjen të… Se po e ndave mendjen ti, ikën mendja atij, nuk ndahet më, do ta marri bashkë të gjithë me vete. Është kështu. Dhe këtë e marrin kështu, të mbaruar. Por neve për fatin tonë të mirë, shyqyr Zotit që na e mbajti këtë Partinë Komuniste në këmbë, dhe jemi të fortë, si te xha Brahoja, se të fortë e kemi partinë

Presidenti francez, Emmanuel Macron ka ndërprerë përkohësisht konferencën kulturore “Africa Forward” gjatë një samiti në Nairobi. Kjo pasi ai u irritua nga zhurma dhe mungesa e vëmendjes në sallë, ndërsa folësit dhe artistët i drejtoheshin audiencës.

Macron u bëri thirrje delegatëve të tregoni respekt për folësit në skenë, duke thënë se ndërprerjet ishin të papërshtatshme gjatë diskutimeve. Mediat shkruajnë se vërejtjet tërhoqën duartrokitje nga pjesë të audiencës, rendi u rivendos dhe seanca rifilloi normalisht.

“Më falni, të gjithë, hej, hej. Më vjen keq, por është e pamundur të flasësh për kulturën dhe të kesh njerëz të tillë super të frymëzuar duke ardhur këtu, duke mbajtur një fjalim me një zhurmë të tillë. Kjo është një mungesë totale e respekt.

“Unë sugjeroj që nëse doni të bëni një bisedë për diçka përndryshe, keni dhoma dypalëshe ose dilni jashtë. Nëse doni të qëndroni këtu, dëgjoni njerëzit dhe ne do të luajmë të njëjtën lojë. Faleminderit,” i tha Macron audiencës.

Emmanuel Macron është në Kenia për Samitin “Africa Forward”, një takimi dyditor që u organizua nga ëilliam Ruto dhe Franca më 11 dhe 12 maj. Samiti është cilësuar si një platformë kryesore që synon riformimi i marrëdhënieve midis Afrikës dhe Francës duke forcuar bashkëpunimin për zhvillimin ekonomik, inovacionin, investimet dhe qeverisjen globale.

Samiti ka mbledhur së bashku krerët e shteteve afrikane, ndërkombëtarët, institucionet financiare, partnerët e zhvillimit, investitorët, drejtuesit e biznesit, novatorë dhe krijues.

😤 “This is total disrespect!” Macron scolded the audience during a summit in Nairobi

The French president interrupted the “Africa Forward” cultural conference because of the noise in the hall and demanded that attendees either listen to the speakers or leave.

“Sorry, but it’s… pic.twitter.com/FWHfU2DCsm

— NEXTA (@nexta_tv) May 11, 2026

Klisman Leka i arrestuar nga policia e Korçës për kultivim të lëndëve narkotike në një ambient të ndërtuar nën kotecin e pulave në fshatin Vreshtas, Bashkia Maliq, është një emër i njohur për drejtësinë pasi, më hërët ka qënë i dënuar për ‘vrasje më dashje’.

Në 2016 Leka rrahu për vdekje bashkëfshatarin 47 – vjeçan Besnik Bazeli. Ngjarja ndodhi më datë 6 tetor 2016 në fshatin Vreshtas kur Klismani ishte 28 vjeç.

Sot prokuroria e akuzon Klisman Lekën së bashku me nje shtetas tjetër se kishin pershtatur një ambient (kotec pulash, me kat nëntoksor) për te kultivuar lendet narkotike në zonën e Maliqit.

Arrestimi i tij u be pas hetimeve të vazhdueshme dhe informacioneve në rrugë operative të cilët sinjalizuan për veprimtarinë që Klisman Leka së bashku me një shtetas tjetër tashmë në kerkim po kryenin në një ambient të vogël, i cili ishte ndërtuar nën toke me hyrje nga koteci i pulave. Aty është gjetur sasia prej 5.4 kg lëndë narkotike e gatshme për tu shitur dhe nje pjesë në përpunim. Menjehëre është bere arrestimi i ketij shtetasi.

Një Iajm i kobshëm është mësuar ditën e sotme pasi drejtori i Bujqësisë në Deçan të Kosovës, Rifat Stojka është ndarë nga jeta në mënyrë tragjike, në moshën 35-vjeçare.

Lajmi i trishtë është mësuar ditën e sotme pasi me zemër të thyer kanë reaguar në rrjet familjarë, kolegë dhe miq të Rifatit.

Një person me disa vite karrierë në fushën e politikës, Rifati do të kujtohet gjithmonë si në ndër njerëzit më të dedikuar sidomos në Bujqësi, sektor të cilin e udhëhoqi për disa vite radhazi.

Referuar reagimeve të të afërmve të tij, mësohet se drejtori i Bujqësisë humbi jetën për shkak të një aksidenti rrugor të ndodhur së fundmi.

Ceremonia mortore e 35-vjeçarit do të zhvillohet ditën e nesërme, më 12 maj në orën 17:00 në varrezat e fshatit Lloqan.

Përvec tragjedisë për humbjen e drejtorit në moshë të re, prekëse mbetet dhe fakti që ditën e djeshme Rifati i dedikoi një postim shokut të tij Kastriot Himaj, i cili festonte ditëlindjen.

Ndërsa ditën e sotme miqësia e të riut është pikëlluar për humbjen e tij.

Newsbomb.al i shpreh ngushëllime familjes Stojka.

Postimi i të afërmit të Rifat Stojkës:

VIDEO

Dashi

Do merreni vesh me se miri me partnerin tuaj gjate kësaj dite dhe do jeni me ne fund gati te zgjidhni te gjitha mosmarrëveshjet qe keni pasur me te. Edhe beqaret do e ndryshojnë me ne fund statusin dhe do i shohin gjerat me një sy tjetër. Ne pune do arrini suksesin e shumëpritur dhe do ndiheni mjaft mire. Do e kaloni me shpejt nga sa mendonit periudhën delikate.

Demi

Dite mjaft e qete kjo e sotmja për ata qe janë ne një lidhje. Do merreni vesh edhe me shikime me partnerin tuaj. Ata qe kane pasur dite te tensionuara do vazhdojnë te qëndrojnë làrg njeri-tjetrit. Për beqaret do ketë ndryshime te menjëhershme te statusit. Ne planin financiar yjet do ndikojnë me shume se kurrë me pare dhe do ju nxitin te tregoheni sa me te matur.

Binjaket

Duhet te bëni kujdes sot juve qe jeni ne një lidhje sepse disa persona do ju bëhen rivale te forte dhe mund t’ua rrëmbejnë partnerin. Beqaret gjithashtu nuk duhet t’iu besojnë te gjithë personave qe do i joshin. Disa mund te kërkojnë vetëm te tallen dhe t’i lëndojnë. Ne planin financiar do e ndryshoni gjendjen ne te cilën ndodheni.

Gaforrja

Ata qe janë ne një lidhje do ndihen me te vendosur se kurrë me pare për te bere ndryshime te rutinës. Do e surprizoni partnerin dhe dashuroheni ne një mënyrë te ndryshme nga me pare. Beqaret do mbyllen ne vetvete dhe nuk do përfitojnë nga ftesat qe do iu bëhen. Financat do jene relativisht te mbrojtura nga Urani. Nuk do keni aspak probleme.

Luani

Do e rigjeni harmoninë ne çift gjate kësaj dite dhe do ndiheni mjaft mire ne krahët e partnerit. Shume gjera kane për te ndryshuar sot. Beqaret nuk do jene aspak indiferente ndaj ftesave qe do iu bëhen dhe ka mundësi qe te ndryshojnë edhe statusin. Me financat tregohuni sa me te kujdesshëm ne mënyrë qe gjendja te mos mbetet e trazuar.

Virgjeresha

Lidhja juaj do marre një karakter me serioz gjate kësaj dite. Ne krahët e partnerit do përjetoni kënaqësi te paimagjinueshme. Beqaret do iu kushtojnë me tepër rëndësi se kurrë miqve te ngushte dhe as qe do e ndiejnë mungesën e një personi ne krah. Financat do vazhdojnë te mbeten delikate. Nuk do i rezistoni dot as tundimit për te kryer ndonjë shpenzim.

Peshorja

Marrëdhënia juaj me partnerin do jete mjaft interesante gjate gjithë kësaj dite. Nuk do mungojnë aspak dozat e humorit dhe çastet romantike. Beqaret do realizojnë disa takime me persona qe i njohin prej kohesh, por qe nuk i kishin pare me syrin për t’i pasur një dite ne krah. Financat do jene mjaft pozitive. Do mund te kryeni edhe disa transaksione me rëndësi.

Akrepi

Këshillohuni për çdo gjë me partnerin tuaj sot dhe mos merrni vendime te pamenduara. Bashkëpunimi dhe toleranca janë çelësi i suksesit. Beqaret do kenë mundësi pa fund për te krijuar një lidhje te qëndrueshme, mjafton qe te përfitojnë sa me shume. Financat do vijnë dalëngadalë duke u përmirësuar. Do merrni shpërblime nga një pune e kryer me sukses.

Shigjetari

Duhet ta mbroni me çdo kusht sot jetën tuaj ne çift. Shume persona do ndërhyjnë dhe do mundohen t’ua prishin harmoninë. Beqaret do kenë plot mundësi për takime, por disa do tregohen te turpshëm dhe nuk do përfitojnë aq sa duhet. Financat do varet tërësisht prej jush. Po shpenzuat pa kursin do keni vështirësi te mëdha.

Bricjapi

Dita e sotme nuk do jete e keqe për ata qe janë ne një lidhje, por duhet thënë se ka pasur edhe dite me te mira. Beqaret do jene te pakënaqur nga takimet qe do realizojnë dhe nuk do preferojnë t’i çojnë gjerat me tej. Gjendja e te ardhurave do jete e stabilizuar, megjithatë nuk duhet te tregoheni kapricoze dhe te hidhni hapa te pamenduara.

Ujori

Me shume se kurrë me pare do i kushtoni rëndësi jetës suaj ne çift. Do e mbani gjithë kohës partnerin ne pëllëmbe te dorës dhe do ja plotësoni dëshirat. Beqaret do realizojnë takime te rëndësishme, por qe ka rrezik te mos i çojnë drejt një lidhje aq te qëndrueshme sa e kishin ëndërruar. Ne planin financiar tregohuni sa me te arsyeshëm sepse do keni probleme me pas.

Peshqit

Do dëshironi qe partneri te qëndrojë gjithë kohës me ju dhe t’ua plotësojë dëshirat, por ai nuk do jete gjithmonë i disponueshem. Mos u tregoni irrealiste. Beqaret do ndihen me te lire t’i shprehin ndjenjat, por fatkeqësisht nuk do jene me fat për te filluar lidhje. Financat nuk do jene aspak te qëndrueshme. Shmangni investimet e pamenduara sepse do keni probleme serioze.

Ashtu si një vit më parë, edhe këtë sezon turistik baret, restorantet dhe hotelet në jug të vendit po përballen me mungesë të fuqisë punëtore, duke ofruar paga për punonjësit sezonale në pozicione si sanitare apo pjatalarëse deri në 1 mijë e 200 euro në muaj.

Sipas njoftimeve të agjencive të ndërmjetësimit të punësimit, në zonat turistike si Ksamil, Sarandë dhe Dhërmi po kërkohen punonjës për disa pozicione shërbimi.

Kërkesa më e lartë është për sanitare në hotele dhe resorte me paga nga 100 mijë deri 120 mijë lekë dhe pjatalarëse me paga 120 mijë lekë në muaj. Biznese të “Shkëmbi i Kavajës” gjithashtu po kërkojnë punonjës për çadrat në plazh me paga deri në 80 mijë lekë në muaj.

Për të gjitha pozicionet e shërbimeve, përveç pagës mujore, bizneset ofrojnë edhe akomodim dhe ushqim falas.

Drejtues të agjencive të punësimit bëjnë pohojnë se këtë vit oferta nga bizneset janë rreth 20% më të larta krahasuar me një vit më parë.

Sipas Albana Uku drejtuese e një agjencie ndërmjetësimi për punësimin e grave në pozicione sanitare dhe pjatalarëse, kërkesa është përqendruar kryesisht në hotelet e Vlorës, Sarandës dhe zonës së Potamit. Ajo thekson se pagat për këto pozicione variojnë nga 800 deri në 1 mijë euro në muaj.

“Vitin e kaluar kemi pasur një numër të lartë kontratash ndërmjetësimi për punësim sezonal të grave në jug të vendit, madje në disa raste edhe në Durrës. Shumë prej tyre, që më parë emigronin për punë si dado me paga rreth 1,000 euro në muaj, e panë më të leverdishëm punësimin sezonal në vend, me paga nga 800 deri në 1,000 euro.

Tendenca për punësime të grave në jug të vendit është e lartë edhe për këtë sezon turistik. Edhe oferta e bizneseve deri tani është me rritje 20% krahasuar me vjet. Kjo tendencë rritëse pritet të vijojë përgjatë gjithë sezonit turistik.

Shumë biznese të shërbimeve po kërkojnë të punësojnë gra vendase për pastrimin apo pjatalarëse. 75% e kërkesës së bizneseve është për punësime të vendasve gjatë sezonit turistik, 25% të kërkesës është për punonjës të huaj”, pohoi ajo.

Edhe vjet përgjatë sezonit turistik oferta e bizneseve në jug të vendit për punësime sezonale në sektorin e shërbimeve arriti me paga deri në 2 mijë e 500 euro në muaj.

Vjet, pozicioni më i paguar sipas njoftimeve për punësim, ishte për kuzhinierin e përgjithshëm dhe për kuzhinier sushi, me pagë maksimale nga 220 mijë deri në 250 mijë lekë në muaj. Më pak i paguari krahasuar me pozicionet e tjera në Dhërmi ishte shefi i sallës me pagë mujore nga 120 mijë lekë deri 150 mijë lekë.

Kryetari i Shoqatës së Bareve dhe Restoranteve Enri Jahja, më herët tha për Monitor se rritja e pagave për punonjësit e sektorit të shërbimeve në bare dhe restorantet e jugut mesatarisht me 20% përgjatë sezonit të 2025-s në raport me sezonin paraardhës është pasojë e një ekuilibri të prishur midis kërkesës dhe ofertës në tregun e punës, ku kërkesa është e ulët dhe në shumë raste pa trajnim profesional, ndërsa oferta është e lartë.

Kamarier: 80,000 – 120,000 lekë/muaj

Sanitare: 80,000 – 100,000 lekë/muaj

Kamarier bari: 60,000 – 70,000 lekë/muaj

Menaxher hoteli: 150,000 – 200,000 lekë/muaj

Bashkim e Gazmend Maloku, dy vëllezër nga Peja kanë ndërruar jetë në moshe të re.

Njëri nga ta ka vdekur pas një sëmundje të rëndë, e tjetri në një aksident me motoçikletë.

Të dytë kanë ndërruar jetë brenda një ditë. Për vdekjen e tyre kanë reaguar familjarë të shumtë e miq të të ndjerve.

Vdekja e tyre hershme ka tronditur familjarët dhe qytetarët e Pejës.

Igli Tare, një prej ish-futbollistëve profesionistë më të njohur shqiptarë dhe aktualisht drejtor sportiv i klubit të Serie A, AC Milan, është në listën e personave që do të japin shpjegime në SPAK, në kuadër të hetimeve që po kryhen ndaj ish-zv.kryeministres dhe ish-Ministres së Infrastrukturës dhe Energjisë, Belinda Balluku, e dyshuar për abuzime me tenderat e rrugëve.

Burime të besuara pranë Prokurorisë së Posaçme konfirmojnë se në adresë të ish-futbollistit të Kombëtares Shqiptare është firmosur një fletëthirrje për t’u paraqitur dhe për të dhënë shpjegime në cilësinë e personit që ka dijeni për rrethanat e ngjarjes.

Të njëjtat burime bëjnë me dije se fletëthirrja është kthyer mbrapsht pa u firmosur, çka nënkupton se Tare nuk ka marrë dijeni.

Grupi hetimor pritet të firmosë një fletëthirrje të dytë, por ende është e paqartë nëse ajo do t’i adresohet në Itali, ku ai jeton dhe punon, apo njoftimi do të kryhet në forma të tjera.

Thirrja e Tares vjen pas kontrolleve të SPAK te familjarë, persona të besuar të Ballukut dhe biznesmenë të ndryshëm. Mes të tjerash, janë ushtruar kontrolle edhe në dy vila në jug të vendit.

Belinda Balluku po hetohet nga SPAK për tenderat e rrugëve dhe aktualisht ndaj saj janë në fuqi masat e sigurisë: ndalim për të dalë jashtë vendit dhe pezullim nga ushtrimi i funksioneve.

Kërkesa e SPAK për leje për arrestimin e Ballukut u rrëzua në Kuvend nga maxhoranca socialiste.

Unë jam shqiptare dhe zgjodha një burrë joshqiptar – dhe duhet të jetoj me pasojën duke u përjashtuar nga familja». Me këto fjalë, influencerja me prejardhje shqiptare Zana Muzlijaj po arrin aktualisht qindra mijëra njerëz në TikTok.

Në disa video, ajo flet për «dashurinë e saj të ndaluar» dhe se si marrëdhënia e saj u bë një temë tabu brenda familjes së saj, transmeton Indeksonline.Zana dhe i dashuri i saj, kombësinë e të cilit ajo nuk e zbulon, u takuan gjatë viteve të shkollës. “Ishim të rinj, pa motive të fshehta dhe pa e ditur se çfarë na priste.” Ata e kuptuan herët se dashuria e tyre ishte problem për disa njerëz.

Nga frika e refuzimit, respekti për familjet e tyre dhe për të mos lënduar askënd, ata e mbajtën lidhjen e tyre të fshehtë për vite me radhë. Takimet zhvilloheshin në vende të fshehura, takimet në makinë ishin të zakonshme – të shoqëruara nga frika e vazhdueshme se mos zbuloheshin. “Një moment i vetëm mund të kishte shembur gjithçka”, shpjegon influencuesja.

“Ne ishim dy të rinj që donim të ishim bashkë, por nuk na lejohej. Paranoja ishte shoqëruesja jonë e vazhdueshme.” Megjithatë, përfundimisht, ata u kapën. Familja e saj nuk e pranoi lidhjen e saj me një burrë nga një prejardhje tjetër. Zana raporton shantazh emocional, dhunë dhe kërcënime. Ajo pësoi sulme paniku dhe një krizë nervore. “Gjatë natës, nuk kisha më as siguri as shtëpi.”

Për dy muaj, ajo fjeti në dyshemenë e një apartamenti. “Isha e varfër financiarisht dhe emocionalisht.” Përfundimisht, ajo e kuptoi se asgjë nuk po e mbante më në Gjermani. Ajo mori një shans dhe emigroi në Qipro.

“Nuk mund të jetoja më me atë vendim, kështu që zgjodha dashurinë.” Ajo është pyetur shpesh nëse pendohet për vendimin e saj. Përgjigja e saj: Jo. Siç rezulton, historia e Zanës nuk është e pazakontë. Në TikTok, videot e saj arritën në qindra mijëra njerëz, shumë prej të cilëve ndanë përvoja të ngjashme në komente.

Një përdorues shkroi: “Edhe unë e lashë familjen time për dashuri – si kurde. Nuk do t’u shkaktoja kurrë vuajtje të tilla fëmijëve të mi. Nuk do t’i vija kurrë në një pozicion të tillë.” Një grua shqiptare ndau gjithashtu historinë e saj: “Jam e martuar me një italian, kemi tre fëmijë dhe madje jemi bërë gjyshër. Pavarësisht kësaj, nuk kam pasur kontakt me familjen time për 20 vjet.”

Ky model shoqëror ka një emër: endogamia – preferenca për marrëdhënie brenda të njëjtit grup etnik, fetar ose kulturor. Sidomos në familjet kolektiviste, zgjedhja e partnerit shpesh nuk konsiderohet një vendim thjesht privat, por më tepër një çështje për të gjithë familjen.

Pas ndarjes nga jeta të 19-vjeçares Prayla, në redaksinë tonë kanë mbërritur dhjetëra mesazhe nga persona që pretendojnë se vajza prej kohësh përballej me presion psikologjik dhe shantazh në marrëdhënien e saj. Sipas dëshmive të ardhura nga persona që e njihnin, shoqëria e saj këmbëngul se Prayla nuk vuante nga depresioni dhe se nuk kishte shfaqur asnjë shenjë të tillë.

Ata e përshkruajnë si një vajzë të heshtur, të zgjuar, të edukuar dhe shumë të mirë me të tjerët. Sipas tyre, ajo ishte nxënëse ekselente, kishte fituar çmime të ndryshme në shkollë dhe nuk kishte krijuar probleme. Miqtë e saj hedhin poshtë edhe pretendimet që po qarkullojnë për përdorim lëndësh apo sjellje problematike.

Një prej personave që na ka kontaktuar pretendon se 19-vjeçarja ishte vazhdimisht e ofenduar, e përdorur emocionalisht dhe e shantazhuar nga partneri i saj, duke arritur deri në presion psikologjik dhe manipulim emocional. Këto mbeten pretendime që kërkojnë verifikim dhe zbardhje të plotë nga autoritetet përkatëse.

Por përtej ngjarjes konkrete, kjo histori ngre një shqetësim shumë më të madh për shoqërinë tonë.
Djemtë duhet të mësohen që një vajzë nuk është pronë, nuk është objekt presioni dhe as dikush që kontrollohet me frikë, shantazh apo manipulim emocional. Një marrëdhënie nuk matet me dominim, por me respekt.

Nga ana tjetër, edhe vajzat duhet të kuptojnë vlerën e tyre. Asnjë lidhje nuk vlen më shumë se qetësia, dinjiteti dhe jeta e tyre. Në momentin që një marrëdhënie kthehet në presion, frikë apo shantazh, zgjidhja nuk është të durosh, por të largohesh dhe të kërkosh ndihmë.

Një rol të madh kanë edhe prindërit. Edukimi nuk është vetëm shkollë dhe nota, por mënyra si një djalë mëson të trajtojë një femër dhe si një vajzë mëson të mos pranojë kurrë poshtërimin apo manipulimin si “dashuri”.

Nëse këto pretendime rezultojnë të vërteta, atëherë kjo nuk është vetëm një histori personale, por një alarm për mënyrën si po rriten dhe po edukohen të rinjtë sot.