Month: May 2026

Mitsotakis prezanton paketën e re ekonomike: Paga minimale drejt 959 eurove dhe subvencione për karburantin

Në përmbledhjen e tij javore mbi punën e ekzekutivit, Kryeministri grek, Kyriakos Mitsotakis, ka shpalosur një plan ambicioz masash mbështetëse që synojnë mbrojtjen e fuqisë blerëse të qytetarëve përballë inflacionit dhe pasigurisë globale. Fokusimi kryesor i qeverisë mbetet rritja graduale e pagës minimale dhe mbështetja direkte për kostot e jetesës.

Rritja e pagës minimale: Objektivi “959 Euro”

Një nga pikat më të rëndësishme të deklaratës së Mitsotakis ishte konfirmimi i rrugëtimit drejt rritjes së pagës minimale. Kryeministri bëri të ditur se objektivi final është që deri në vitin 2027, paga minimale në Greqi të arrijë në 959 euro. Ky plan synon të përafrojë standardin e jetesës në Greqi me mesataren evropiane, duke u dhënë frymëmarrje mijëra familjeve që preken direkt nga kjo fashë pagash.

Mbështetje e menjëhershme: Subvencioni i karburantit

Për të zbutur goditjen që vjen nga çmimet e larta të energjisë dhe naftës, Mitsotakis njoftoi se:

Platforma për subvencionin e karburantit pritet të hapet brenda javës së ardhshme.

Synimi është që ndihma financiare të shpërndahet te qytetarët përpara mesit të muajit.

Qeveria po ruan rezerva buxhetore për të ndërhyrë sërish, nëse konflikti aktual ndërkombëtar zgjatet dhe përkeqëson ekonominë globale.

“Qeveria është dhe do të mbetet në krah të çdo qytetari,” deklaroi Mitsotakis, duke shtuar se politikat e tij janë një “mburojë” ndaj pasigurisë që ka përfshirë tregjet ndërkombëtare.

Ky zhvillim ekonomik mbart një rëndësi të veçantë për komunitetin e madh të shqiptarëve që jetojnë dhe punojnë në Greqi. Këto masa prekin drejtpërdrejt mirëqenien e tyre për disa arsye:

Përmirësimi i të ardhurave: Një pjesë e konsiderueshme e emigrantëve shqiptarë punojnë në sektorë si ndërtimi, turizmi dhe shërbimet, ku pagesat shpesh janë të lidhura me pagën minimale. Rritja drejt 959 eurove do të thotë më shumë para në xhepat e tyre dhe një stabilitet më i lartë financiar.

Përfitimi nga subvencionet: Si rezidentë taksapagues në Greqi, shqiptarët kanë të drejtë të aplikojnë në platformat e subvencionimit (si ajo e karburantit), duke përfituar barabartë me shtetasit grekë nga lehtësimet e qeverisë.

Fuqia e dërgesave (Remitancave): Rritja e pagave në Greqi përkthehet shpesh në më shumë mundësi për të mbështetur familjarët e tyre në Shqipëri, duke ndikuar kështu pozitivisht edhe në ekonominë tonë kombëtare.

Në një kohë kur kostoja e jetesës është rritur në të gjithë rajonin, ky plan i qeverisë greke shihet si një sinjal pozitiv për integrimin ekonomik dhe sigurinë e të gjithë punonjësve në shtetin fqinj, pa dallim kombësie.

Luiz Ejlli pritet të rikthehet në ekranin e Top Channel, këtë herë në një rol krejt ndryshe nga sa jemi mësuar ta shohim.

Burime pranë TCH bëjnë me dije se këngëtari dhe fituesi i “Big Brother VIP Albania” do të vijë si moderator i një programi të ri televiziv.

Madje, mësohet se kanë nisur edhe punimet për një studio të re dhe madhështore, e dedikuar për projektin që pritet të drejtohet nga Luizi.

Deri më tani nuk janë zbuluar detaje rreth formatit apo datës së nisjes së emisionit, por rikthimi i Luizit në Top Channel ka ngjallur menjëherë interes dhe pritshmëri të larta te publiku, i cili duket se është gati ta shohë në një tjetër sfidë televizive.

Historia e pazakontë e një 31-vjeçareje, nënë e 3 fëmijëve, të ardhur në jetë nga 3 bashkëjetesa të ndryshme, është bërë sot pjesë e emisionit ‘Me zemër të hapur’ në ‘News24’. Telashët për Inën nga Korça nuk kanë të sosur, ndërsa rrëfeu kalvarin e vuajtjeve, ku e vetme rrit tre fëmijët.


Nga studio e emisionit të moderuar nga Evis Ahmeti, 31-vjeçarja tregoi se bashkëshortin e parë e kishte njohur në moshë fare të re. “Familja ime përbëhet nga 2 prindërit punëtor dhe një vëlla që me ka falur shumë. Prindërit dhe vëllai me kanë ndihmuar shumë dhe pa ata nuk do ja kisha dale dot kurrë. Kam qene e lidhur me prindërit deri 18 vjeçe ndërsa me vëllain kemi qenë si shok. Por pas ndarjes nga burri i parë gjërat ndryshuan. 17 vjeçe u fejova, ndërsa 20 vjeçe u bëra nënë. Deri sa djali shkoi 4 vjeç ai nuk punonte.

Djalin e takon vetëm 1 ose 2 herë në vit (djali nuk do që ta takojë babain e tij). Djalin e kam të sëmurë nga sytë. I kërkova lekë babait të tij (ish-burrit) se me duheshin për problemet me syrin që ka djali dhe ai nisi të ta llej dhe unë i bëra bllok. Burrin e parë e njoha në shkollë. Pas dy vitesh në jetë erdhi djali. Me të u ndava pasi zbulova që ai kishte një tjetër, shoqen time të ngushtë. Më pas mora vesh që e kish lënë edhe atë shtatëzënë”-, rrëfen gruaja.

Pas zhgënjimit të parë Ina tha se u njoh me dikë tjetër, por në kushte jo të zakonshme, pasi ai ishte në b urg. “Njoha nga një mikesha ime dikë tjetër, i cili kishte qenë një herë i martuar. Kam qenë me celebrim, e kam njohur kur ka qenë bu rg. Me të linda një djalë i cili sot është 6 vjeç e gjysëm. Divorcin e bëra kur ai isha në b urg, pasi mora vesh që ai fliste me një komshien time dhe një tjetër problem ishte vjehrra, e cila ishte shumë diskri minuese përsa i përket fesë time.

Sot ai ka dalë nga b urgu është martuar me dikë tjetër dhe nuk bën fare djalin”, shprehet 31-vjeçaria. Pas dy zhgënjimesh Ina rrëfen se rinisi jetën e saj në Tiranë.

Aty ajo filloi të punojë në një biznes, që tregtonte ushqime të çastit ku ishte ortake me dikë tjetër. Fati desh të njihej me dikë i cili ishte klient. Ina rrëfen se u dashurua me të, por problem ishte familja e djalit, e cila nuk donte që ai të merrte për grua një nënë me dy fëmijë.

“U njoha me dikë tjetër kur erdha në Tiranë. Punoja këtu. Familja e tij nuk donte sepse isha me dy fëmijë, ndërkohë që isha shtatëzënë, ai më la për dikë tjetër. Më bra ktisi dhe nuk e njohu as fëmijën.

Gjatë shtatzënisë se tretë (me bashkëjetuesin e tretë) familja me br aktisi. Deri 6 muajshe doja ta hi qja atë fëmijë sepse nuk doja një të tretë.

Askush nuk më strehonte, fëmijët e mi mbante nena por nuk me fliste. Jua mbajta të fshehur shtatzëninë e tretë dhe familja e mësoi vetëm kur isha gati të lindja. Një pastore më strehoi.

Kam punuar kudo. Kam punuar si pastruese vetëm që fëmijët e mi të jetojnë. Partneri i tretë më det yroi ta lindja atë fëmijë se me thoshte se nëse nuk e lindja, atëherë nuk ishte i tij.

Por vajza me dh emb me shumë në shpirt, pasi ka mbetur pa atësi. Nuk dua të shkojë në shkollë dhe të mbetet pa atësi e bija e kujt është.

Me burrin e tretë nuk ndihesha mirë, pranoja gjithçka se nuk kisha ku të shkoja. Kur isha 6 muajshe më kërkoi që fëmijën ta hi qja. Por nuk e hoqa.

Më pas ai më thoshte ‘h iqe fëmijën se unë nuk e dua me’. Më pas më tha: ‘Mbaje fëmijen se do vij’, në fakt nuk erdhi me kurrë”, tha gruaja me lotë në sy.

Ish-diplomati dhe analisti i njohur, Robert Papa në emisionin “Fokus TV” ka zbardhur të pathënat e bujshme rreth Eric Wendt, i nominuar nga administratat Trump për ambasador të SHBA-së në Shqipëri, i cili është një ish-gjeneral me tre yje që pritet të tronditë skenën politike në Tiranë. Në analizën e tij, z. Papa deklaroi prerë se ky ushtarak i lartë do të ndjekë me përpikëri linjën pragmatiste të Sekretarit të Shtetit, Marco Rubio, ku primare do të jenë interesat kombëtare dhe siguria e Amerikës.

Pikërisht ky profil i prerë dhe i pakorruptueshëm ushtarak ka futur në ankth elitën politike në Tiranë, e cila nuk po e pret aspak me gëzim ardhjen e tij. Sipas analistit, ambasadori i ri do të ketë nën komandë një strukturë të fuqishme agjencish brenda ambasadës, përfshirë CIA-n, FBI-në dhe DEA-n, për të nisur një luftë pa kompromis kundër trafiqeve ndërkombëtare të drogës. Papa theksoi në “Fokus TV” se grupet kriminale shqiptare që operojnë deri në Amerikën Latine tashmë konsiderohen një kërcënim direkt për jetët e qytetarëve amerikanë. Për më tepër, gjenerali pritet t’i bëjë një radiografi të ftohtë dhe të rreptë sistemit kriminal-korruptiv në vend, duke mos kursyer as dështimet e SPAK-ut për të goditur majat e pushtetit. Në përfundim, ish-diplomati Papa sqaroi se sapo ky emërim të kalojë vetingun e Senatit, zyrtarët e korruptuar në Shqipëri do të përballen me një realitet të ri e të vështirë, ku diplomacia e buzëqeshjeve merr fund.

PJESË NGA ANALIZA E Z. ROPERT PAPA PËR EMISIONIN “FOKUS TV”:

A do ta rrëzojë Ramën ky ish-gjenerali që pritet të vijë si ambasador?

Nga pyetjet që kam, shumë pyesin që ky ish-gjenerali që do të vijë ambasador në Shqipëri do ta shkatërrojë Ramën, do të përmbysë atë kohën. Ambasadori, qoftë dhe ish-gjeneral, qoftë dhe ish-kapiten, nuk del dot nga shinat e politikave të shefave në Departamentin Amerikan të Shtetit. Departamenti Amerikan i Shtetit nën Rubion ndryshon tërësisht nga Departamenti i Pompeos. Pra, nuk bëjnë deklarata as për zgjedhjet elektorale kudo në botë, nuk bëjnë deklarata për shkelje të demokracisë, por primare kanë interesat financiare ekonomike të Amerikës. Fakt. Por fryma e djathtë e Departamentit, që më së shumti del nga Zëvendëspresidenti amerikan, kudo që shkon do të ndihet edhe në Shqipëri.

Cilat janë pluset dhe minuset e këtij kandidati për ambasador?

Çfarë janë pluset dhe minuset e ish-gjeneralit pensionist që pretendon dhe ëndërron të vijë ambasador? Ka qenë kandidat për ambasador në Katar në vitin 2021, nuk ka kaluar. Uroj që të mos ngjasë përsëri. Procesi i caktimit të një ambasadori është sa i ndërlikuar dhe kërkon shumë lobim. Shqipëria nuk ka qenë kurrë vend me një ambasadë të nivelit të lartë ku të ketë pasur emërim politik. Ka dy emërime: emërimet e Yuri Kim e kompanisë, pra diplomatë karriere të cilët hipin me grada brenda Departamentit, dhe ato që quhen emërime politike, pra nominime që bëhen nga Presidenti nga njerëz që nuk kanë asnjë lloj njohurie nga diplomacia. Por kryesisht janë donatorë me miliona dollarë gjatë fushatave dhe Presidenti i shpërblen; shpesh mund të marrë ndonjë ish-senator, ndonjë ish-guvernator, pra figurë politike, duke e shpërblyer me postin e ambasadorit.

Newt Gingrich, për shembull, ka qenë Speaker i Kongresit, mbështetës i madh i Trump. Gruaja e tij emërohet ambasadore në Zvicër. Natyrisht është një lloj lobimi, por shumica e emërimeve politike vijnë nga donacionet me miliona dollarë. Ka pasur një lloj përqindjeje, jo më shumë se 10 deri në 20% të jenë emërime politike, 80% të jenë nga diplomatët e karrierës. Trump e ka shkatërruar këtë. Ndaj përfitoi Shqipëria duke pasur një emërim të cilin mund ta konsiderojmë politik me një ish-gjeneral me tre yje.

Si po ecën procesi i përzgjedhjes në administratën e re?

Tek emërimet e karrierës ka një komision me pesë veta. Në krye është Rubio, që kaloi në lista të gjithë kandidatët. Nën demokratët ka pasur rregullat që duhet të ishe transgjinor, të ishe gej, afrikano-amerikan, aziatik, dhe ti përfitoje nga kuotat. Me administratën e Trump kjo nuk ngjet më. Kjo është diçka pozitive. Pra nuk do të ketë në ambasadën e Tiranës dikë që do të përngjante 99.99% me Yuri Kim. Një gjeneral është i pakorruptueshëm, një gjeneral që e njeh karakterin shqiptar. Por gjithkush mund të pyesë: si vajti emri i tij te tryeza e zotit Trump? Se Trump as nuk e njeh kandidatin për ambasador.

Më fal, në qoftë se do të kishte një potencë të madhe një ish-gjeneral, Trumpi mund ta ngrinte në detyra siç ka pasur shefin e kabinetit ish-gjeneral, siç mori shefin e Pentagonit ish-gjeneral. Por që të kalosh në administratë publike, duhet të kalosh në një lloj vetingu dhe ai ka pasur dhe interesime financiare. Ambasadorin kandidat për në Shqipëri, se figurë politike nuk është. Në qoftë se janë ato grupe që e mbështetën dhe e donin ambasador në Katar, për mua më lë një dozë moskënaqësie sepse e di mirë se kush janë ata njerëz afër Trump që kanë interesa në Katar. por në një kohë që Amerikës i mungojnë 90 ambasadorë nëpër ambasada kudo në botë dhe fakti që Ballkani thuajse nuk ka ambasadorë: Maqedonia, Bullgaria, Mali i Zi, Kosova, Serbia, Shqipëria.

Ndërkohë që në Greqi dërgoi atë që quhet “Margarita Girl”, skandaloze, por një emërim që duket që ka mbështetjen e familjarëve Trump për ta larguar ish-të fejuarën e djalit sa më larg nga Donald Junior, i cili ka një dashuri të çuditshme për Serbinë. Në qoftë se do të ishte Donald Junior, do ta dërgonte në Serbi gjeneralin. Megjithatë, nga hearing-u që dëgjova, nuk më krijoi një përshtypje të një fjalori elokuent intelektual, në qoftë se e krahasoj me kandidatin e fundit, Kostelancik, brilant në hearing, diplomat klasi, por që nuk kaloi sepse u bllokuan nominimet në bllok. Dhe ai ka kaluar në një NGO dhe kishte një shkrim të shkëlqyer analitik, duke i bërë një radiografi sistemit kriminal të Ramës. Fatkeqësi që ai nuk kaloi si ambasador.

A mund të korruptohet një ushtarak dhe si e sheh ai SPAK-un?

Mendoj se një ish-gjeneral, një ushtarak nuk korruptohet, por ka pasur dhe të korruptuar afër Trumpit, si Michael Flynn, gjeneral që e solli këshilltar të sigurisë kombëtare, tani po merr miliona dollarë si dëmshpërblim por nuk guxoi ta fuste prapë. Duke pasur Shqipëria një ambasador në Ballkan tregon që ne jemi vendi me më shumë rëndësi për amerikanët. Ky është lajmi i mirë. Tani ti kur merr një nominim nuk ke akses të plotë tek dosjet e Departamentit Amerikan të Shtetit derisa të kalojë votimi në Senat. Por ai, siç ndodh në procedurë, dhe këtë e kam nga përvoja ime si ish-diplomat, do të ketë kontaktuar me dy-tre ambasadorë amerikanë në Shqipëri dhe nga përgjigjet që dha, mua më duket më shumë gjuha e Yuri Kim.

Sepse ai tha “kam lexuar për SPAK-un”. Ku ke lexuar për SPAK-un zotëri? Sepse në median amerikane nuk ke çfarë lexon për SPAK-un, në qoftë se nuk ke parë dosjet në Departamentin Amerikan të Shtetit. E fundit e mohikanëve aty ka qenë Yuri Kim. Ne e dimë të gjithë që SPAK-u është krijuar nga amerikanët dhe mbështetet haptas nga amerikanët. Kjo nuk ka diskutim. Por si nuk ka diskutim që prokurorët që janë në SPAK janë me njollë? Janë me njollë. Ka prokurorë nga koha e komunizmit, ka prokurorë që nuk e kanë klasin siç duhet dhe personi që ka ardhur tani fle, nuk ka arrestuar kënd. Dosjet janë mal. Ka njerëz të FBI-së, as nuk diskutohet.

Nuk mund të thuash SPAK-u është i pavarur dhe apolitik kur ka dështuar me Ballukun dhe ku nuk kërkon arrestimin e familjarëve të Ramës dhe Ramës së vetë. Gjenerali, në qoftë se do të votohet, do t’i shikojë këto. Mos ngatërroni diçka: ai kërkon që Amerika të bëhet më e sigurtë. Pra, nëse Shqipëria cenon sigurinë amerikane, do të mbështesë luftën ndaj korrupsionit legal dhe ekonomik, tha ai, dhe luftën transnacionale kundër trafiqeve të drogës, trafiqet e Amerikës Latine, ku grupet shqiptare indirekt janë shkaktarë të vdekjeve të amerikanëve pikërisht nga këto droga. Por nuk tha do të luftojë trafiqet në Shqipëri, e ka për sigurinë e Amerikës. Natyrisht që kjo na ndihmon.

Cila është struktura e ambasadës dhe çfarë pritet nga një ushtarak?

Personi e di që në ambasadën në Tiranë është shefi i stacionit, personi që është njësoj si këshilltar i sigurisë kombëtare, CIA dhe FBI, ka dhe përfaqësues të DEA-s. Me një ushtarak do të jetë shumë herë më pozitive dhe duket që politikanët shqiptarë nuk janë shumë të gëzuar që na vjen një ish-ushtarak. Natyrisht që ata që ia kanë sugjeruar Presidentit Trump mund të kenë parë dhe interesat financiare sepse ai tha që do të krijojë kushte për investitorët amerikanë të kenë lehtësira në infrastrukturë, energji dhe inteligjencën artificiale.

Nuk e di nga e gjeti këtë ish-gjenerali, kush ia ka thënë, se nuk ka ndonjë bum. Në qoftë se ndonjë inteligjencë artificiale shkon në Kroaci ku u investuan 50 miliardë dollarë nga amerikanët, por dhe atje ende nuk ka ambasador. Ky është problemi i administratës Trump, në kaos ende. Departamenti Amerikan i Shtetit nuk kishte numrin katër, këshilltar ligjor, i cili u fut në paketë me ambasadorin tonë. Nuk ka ende drejtor për Byronë EUR, ai që duhet të jetë shefi i gjeneralit. Urdhrat vijnë nga Departamenti.

DASHI

Ke ende shumë energji, por sot duhet të mësosh ta menaxhosh më mirë. Në punë, shmang reagimet impulsive dhe përqendrohu te qëllimet e vërteta. Në dashuri, më pak krenari dhe më shumë dëgjim.

DEMI

Konkretësia dhe durimi ju ndihmojnë të qëndroni të vendosur edhe në situatat më sfiduese. Është një ditë e dobishme për të konsoliduar atë që ka vërtet rëndësi.

BINJAKËT

Mendja juaj vështron me shpejtësi, por sot keni nevojë për më shumë rregull. Shumë ide dhe shumë stimuj rrezikojnë të krijojnë konfuzion. Qartësoni jetën tuaj dashurore pa krijuar tension të panevojshëm.

GAFORRJA

Emocionaliteti është ende i lartë, por më i menaxhueshëm se ditët e fundit. Duhet të ndiheni të kuptuar dhe të mbështetur në marrëdhëniet tuaja personale.

LUANI

Vendosmëri e fortë, por kini kujdes që të mos përpiqeni gjithmonë të impononi pikëpamjen tuaj. Në punë, mund të arrini shumë nëse jeni strategjik.

VIRGJËRESHA

Një ditë pozitive dhe produktive. Prakticiteti juaj ju lejon të zgjidhni çështje të rëndësishme dhe të rifitoni stabilitetin.

PESHORJA

Ekuilibri është thelbësor në marrëdhënie. Disa fjalë mund të kenë më shumë peshë sesa pritet: zgjidhini shprehjet tuaja me kujdes.

AKREPI

Intuita dhe qartësia ju ndihmojnë të kuptoni menjëherë se çfarë është më mirë të bëni. Është një ditë e mirë për të marrë vendime të rëndësishme.

SHIGJETARI

Po dëshironi lëvizje dhe ndryshim, por sot yjet po ju kërkojnë të jeni më të kujdesshëm. Mos u nxitoni në marrjen e vendimeve.

BRICJAPI

Konkretësia dhe disiplina mbeten armët tuaja fituese. Është një ditë e dobishme për konsolidimin e rezultateve dhe planifikimin për të ardhmen.

UJORI

Kreativiteti është i lartë, por sot duhet të jesh më konkret. Idetë funksionojnë vetëm nëse mund t’i shndërrosh në veprime konkrete.

PESHQIT

Ndjeshmëria dhe intuita do t’ju ndihmojnë në marrëdhëniet tuaja. Në dashuri, mund të rifitoni qetësinë dhe të sqaroni disa keqkuptime.

Ish-Presidenti Bamir Topi ka hedhur akuza të forta ndaj ish-kryeministrit Sali Berisha, për të cilin deklaroi se bashkëpunon me kryeministrin Edi Rama për të bërë biznes dhe për të ndarë benefitet e pushtetit.

Në studion e “Report TV”, Bamir Topi tha se Berisha dhe Rama janë pronarë të partive politike që drejtojnë dhe kësisoj edhe të jetës politike në vend.

Ai shtoi se veprimet e fundit të Berishës dhe aksioni politik i opozitës tregojnë qartë që ish-kryeministrit dhe grupit të tij i ka ardhur fundi politik. Sipas Topit, Berisha me një grusht njerëzish në PD po përpiqen të mbajnë me forcë në çdo lloj forme pushtetin brenda kësaj force politike.

“Berisha nuk njeh më njeri, përveç një grupi të ngushtë që i garanton atij, qoftë me gjuhë urrejtje, qoftë me baltosje, qoftë me ‘të fortë’, pra gjuha politike duhet të jetë gjuhë politike. Ai duhet të hapë lojën, por në subkoshiencën e tij është që ‘unë e kam filluar lojën’, sepse edhe këtu ka një lloj diskutimi nëse e ka filluar ky lojën në 1990, sepse ka qenë dikush tjetër që e ka filluar… Berisha në gjithë këtë periudhë që nuk është e pakët, ka realizuar vetëm autogola në shërbim të ekipit kundërshtar”, tha Bamir Topi.

Lidhur me përjashtimin e Salianjit dhe shumë anëtarëve të tjerë nga PD, Topi tha se ky veprim tregoi qartë që Berisha është një komunist që gjatë këtyre kohërave është ‘maskuar’ si demokrat.

“Berisha duke përjashtuar Salianjin, tregon se ai ka qenë, është sjellë në atë lloj metamorfoze si demokrat dhe në fund fare ka përfunduar prap si komunist”, përfundoi ish-Presidenti Topi

Brikena Selmani dhe Mateo Borri u kanë dhënë fund zërave se janë martuar privatisht pas përfundimit të “Big Brother VIP Albania 5”.

Teksa ishin të ftuar në “He’s on Top” në Top Channel, ajo që ka tërhequr vëmendjen kanë qenë dy unazat me diamant në gishtin e Brikenës.

Ishte moderatorja Sara Gjordeni ajo që i pyeti drejtpërdrejt nëse janë martuar në fshehtësi, ndërsa Mateo tha se njëra unazë është ajo që ai ia ka bërë dhuratë, ndërsa tjetrën ia ka dhuruar familja.

“Ti dhe Bardhi do të jeni patjetër të ftuar në dasmën tonë”, iu përgjigj Brikena Sarës.

Një valë e pazakontë dhe rekord nxehtësie për muajin maj ka përfshirë Evropën Perëndimore, duke sjellë temperatura ekstreme, paralajmërime shëndetësore dhe të paktën tre viktima në Francë dhe Mbretërinë e Bashkuar.

Në Francë, një burrë humbi jetën gjatë një gare në Paris, ndërsa temperaturat në disa zona arritën deri në 35 gradë Celsius. Ndërkohë në Britani, një burrë vdiq në një plazh të mbushur me njerëz në Hastings, East Sussex, ndërsa një 15-vjeçar u mbyt në Swanholm Lakes, Lincolnshire, gjatë ditës më të nxehtë të vitit deri tani.
Meteorologët paralajmërojnë se vala ekstreme do të vazhdojë gjatë gjithë javës, ndërsa një fenomen i njohur si “kupola e nxehtësisë” po bllokon ajrin e nxehtë afrikan mbi Evropën Perëndimore.

Sipas Météo-France, kjo është një “valë e hershme, e fortë dhe e qëndrueshme e të nxehtit”, me temperatura deri në 12 gradë më të larta se mesatarja sezonale. Qytete në Francën perëndimore pritet të thyejnë rekordet historike të majit, ndërsa Nantes parashikohet të arrijë 35°C, duke tejkaluar rekordin e vitit 2017.
Edhe Spanja dhe Portugalia po përgatiten për temperatura ekstreme, me disa zona portugeze që pritet të shkojnë pranë 40°C, ndërsa jugu i Spanjës mund të arrijë deri në 38°C.

Në Mbretërinë e Bashkuar, Zyra Meteorologjike ka paralajmëruar për një valë të konsiderueshme të nxehti, me temperatura deri në 33°C. Autoritetet kanë lëshuar alarme shëndetësore, përfshirë një paralajmërim portokalli për Londrën, ku priten pasoja serioze për të moshuarit dhe personat me probleme shëndetësore.
Fundjava e kaluar solli rekorde historike në disa vende evropiane. Në Britani u regjistrua dita më e nxehtë e majit në afro 80 vite, me temperatura që në Londër arritën në 32.3°C.

Ndërkohë, temperatura shumë të larta janë regjistruar edhe në Itali, Gjermani dhe në disa pjesë të Ballkanit, ku termometri ka shënuar deri në 33°C.
Ekspertët e klimës paralajmërojnë se fenomenet e tilla po bëhen gjithnjë e më të shpeshta për shkak të ndryshimeve klimatike. Sipas meteorologëve francezë, valët e nxehtësisë do të shfaqen më herët gjatë vitit dhe do të bëhen më intensive në të ardhmen.

Qeveria është bërë gati të ndryshojë Iigjin për sektorin e energjisë elektrike, duke propozuar një paketë të re rregullash që forcojnë ndjeshëm mënyrën si trajtohen faturat e papaguara dhe detyrimet e konsumatorëve.

Projektligji i hedhur për konsultim publik, parashikon që klientët fundorë janë të detyruar të paguajnë faturat e energjisë sipas kontratës së furnizimit.

Në rast mospagese, furnizuesi ka të drejtë të ndërmarrë një sërë masash për arkëtimin e detyrimit, duke nisur nga njoftimi zyrtar, ndërprerja e energjisë elektrike dhe deri te procedurat e ekzekutimit të detyrueshëm përmes përmbarimit.

Risia më e fortë lidhet me mundësinë e vendosjes së barrës hipotekore mbi pasurinë e paluajtshme që furnizohet me energji elektrike.

Sipas projektligjit, kjo masë mund të aplikohet në rastet kur detyrimi i papaguar kalon vlerën 1.5 milion lekë dhe i përket klientëve jofamiljarë, pra kryesisht bizneseve.

Vendosja e barrës hipotekore nënkupton që prona lidhet juridikisht me borxhin dhe nuk mund të përdoret lirshëm pa u shlyer detyrimi.

Në praktikë, kjo e kthen faturën e energjisë nga një detyrim i thjeshtë pagesor në një detyrim që prek drejtpërdrejt pasurinë.

Paralelisht, projektligji ruan trajtimin e faturës së energjisë si titull ekzekutiv, çka i jep furnizuesit mundësinë të ndjekë procedurat e përmbarimit pa pasur nevojë për procese të gjata gjyqësore .

Megjithëse në tekst nuk përdoret drejtpërdrejt termi “sekuestrim”, kombinimi i barrës hipotekore me procedurat e përmbarimit krijon bazën ligjore që në faza të mëtejshme, nëse borxhi nuk shlyhet, të arrihet deri në ekzekutimin e pasurisë sipas legjislacionit civil.

Projektligji synon të forcojë disiplinën e pagesave në sektorin energjetik dhe të reduktojë borxhet e këqija, në një kohë kur paralelisht po shtohen edhe të drejtat e konsumatorëve për transparencë në faturim dhe akses në informacion mbi çmimet.

Në tërësi, ndryshimet tregojnë një qasje më të ashpër ndaj mospagesës së energjisë, duke e lidhur për herë të parë në mënyrë të drejtpërdrejtë faturën me pasurinë e konsumatorit, të paktën për kategorinë e bizneseve. / Skyweb

Futja e vajzave të njohura nga showbizi shqiptar në ambientet e burgjeve, për takime të ashtuquajtura “speciale” me të dënuar për krime të rënda, është kthyer në një fenomen që po merr përmasa shqetësuese. Pas publikimit të rastit të moderatores kosovare Ziza Pajaziti, e cila u takua në Drenovë me të dënuarin me burgim të përjetshëm Laert Haxhiu, janë zbuluar raste të ngjashme edhe në burgjet e Fushë-Krujës, Reçit, Peqinit, dhe paraburgimin 313 në Tiranë.

Në burgun e Reçit, dy vajza të njohura të botës së televizionit dhe rrjeteve sociale, të identifikuara me inicialet R.R. dhe A.D., kanë hyrë në periudha të ndryshme gjatë dy muajve të fundit për të zhvilluar takime me një të dënuar që është pjesë e grupit të strukturuar kriminal “Bajri”. Burime pranë institucionit e pohojnë praninë e tyre, e dokumentuar si në librat e hyrje-daljes së burgut, ashtu edhe në pamjet e kamerave të sigurisë.

Rasti nuk është i izoluar. Në të njëjtin burg, sipas informacioneve të përsëritura nga burime të ndryshme, kanë hyrë edhe vajza të tjera të botës së showbizit shqiptar, të cilat nuk njihen për ndonjë veprimtari artistike, por më shumë për imazhin e tyre në rrjetet sociale apo praninë në emisione si Big Brother dhe Për’puthen. Disa prej tyre kanë përdorur emra të rremë në regjistrim apo janë futur si të afërme të të dënuarve për të shmangur identifikimin.

Në burgun e Fushë-Krujës, një tjetër vajzë e njohur, me inicialet E.Dh., është përmendur për takime të vazhdueshme me një figurë të krimit të organizuar. Ajo thuhet se ka zëvendësuar një modele tjetër me inicialet K.K., që më parë frekuentonte të njëjtin institucion. Edhe në Peqin janë evidentuar raste të ngjashme, ku vajza të showbizit kanë hyrë për takime me të dënuar për krime të rënda, madje ndonjëherë edhe pa u regjistruar.

Drejtoria e Përgjithshme e Burgjeve ka ndërhyrë për të pezulluar nga detyra shefin e policisë së burgut të Reçit, Dylber Beqiri, dhe drejtorin Leonard Mardoda, për shkak të dijenisë dhe lejimit të këtyre hyrjeve. Mardoda ushtron detyrën si drejtor i komanduar i këtij institucioni.

Fenomeni është kthyer në një praktikë që po kompromenton sigurinë në sistemin penitenciar. Vajzat hyjnë në emër të afërsive familjare të supozuara me të dënuarit, ndërkohë që prania e tyre në këto institucione përkon me figura të rënda të krimit të organizuar, përfshirë individë të dënuar me burgim të përjetshëm, subjekte të SPAK dhe emra të njohur nga grupet kriminale të vendit.

Deri tani janë përmendur disa vajza me inicialet M.P., E.D., T.S., N.R., Zh.F., L.D., N.I., A.L., si pjesë e këtij fenomeni që ka përfshirë jo vetëm burgjet në Drenovë, Reç dhe Fushë-Krujë, por edhe ato të sigurisë së lartë në Korçë, Burrel dhe Peqin, si dhe paraburgimin 313 në Tiranë. Ndërkohë, nuk mungojnë as rastet e vajzave të huaja, përfshirë nga Kosova, Venezuela apo Bolivia, që janë futur për takime të ngjashme me të dënuar në Shqipëri.

Deri më tani nuk ka asnjë reagim zyrtar publik nga institucionet për identitetin e personave të përfshirë apo për masat konkrete që do të merren për ndalimin e këtyre praktikave në të ardhmen. Ndërkohë, zhurma mediatike dhe emrat që përfliten, vazhdojnë të ushqejnë spekulime dhe interes të madh publik.