Month: July 2026

Biznesmeni izraelit Ron Yeffet është fotografuar këtë të martë gjatë një dreke me ish-zëvendëskryeministren dhe ish-ministren e Infrastrukturës dhe Energjisë, Belinda Balluku, në restorantin Coin, në katin e fundit të godinës ABA 21, në Tiranë.

BalkanWeb ka siguruar fotografitë e takimit, ku pas përfundimit të drekës Yeffet dhe Balluku (e cila është e pandehur e SPAK për korrupsion, shkelje të barazisë në tendera dhe pastrim parash) shihen duke dalë nga ndërtesa e më pas duke u larguar me automjetet e tyre private.

Nuk ka asnjë informacion mbi arsyen e takimit apo temat që janë diskutuar gjatë drekës.

Takimi tërheq vëmendje edhe për shkak të profilit të Ron Yeffet, emri i të cilit është përmendur në disa raste në debatet politike dhe mediatike në Shqipëri dhe eshte konsideruar nga mediat amerikane si mik i Ramës.

Ron Yeffet është bërë i njohur për përfshirjen e tij në projekte në industrinë e mbrojtjes, ndërsa emri i tij është lidhur publikisht me kompaninë KAYO, e cila dëboi forcërisht gazetarët e News24, Balkanweb dhe Panorama duke uzurpuar godinat e tyre pavarësisht vendimeve të gjykatës.

Më herët kreu i opozitës Sali Berisha, ka deklaruar se kryeministri Edi Rama i kishte besuar Yeffet drejtimin e ndërmarrjes shtetërore të naftës, duke e përshkruar atë si një tregtar armësh dhe duke pretenduar se ai ka lidhje të afërta edhe me ish-drejtorin e Përgjithshëm të Policisë së Shtetit, Ardi Veliu.

Ndërkaq emri i Yeffet është shfaqur edhe në një padi civile të depozituar në Gjykatën e Miami-Dade në Shtetet e Bashkuara. Sipas dokumenteve gjyqësore, biznesmeni amerikan Mark Faist pretendon se është bindur nga Ron Yeffet dhe kompania e tij R&I Trading të investojë mbi 8.6 milionë dollarë në projekte të pasurive të paluajtshme në New York, mbi bazën e premtimeve për fitime të sigurta dhe mundësinë e tërheqjes së investimit në çdo kohë. Në padi thuhet se këto premtime nuk u realizuan dhe se paditësi nuk mori kthim të investimit.

Nënë e bijë, të mbìjetuara të aksidentit tragjik të 30 qershorit në autostradën Tiranë–Durrës, po përballen me pasoja të rënda fizike dhe psikologjike, pasi humbën gjymtyrë si pasojë e përplasjes që i mori jetën shoferit të autobusit dhe la të plagosur edhe 12 pasagjerë.

Ornela Lazaj, vajza dhe motra e të aksidentuarave, rrëfeu momentet dramatike që përjetoi familja pasi mësoi për ngjarjen.

Ajo tregoi se nëna dhe motra po udhëtonin nga Greqia drejt Beratit për të marrë pjesë në përvjetorin e vdekjes së vëllait të nënës. Familja humbi kontaktet me to gjatë kthimit dhe aksidentin e mori vesh fillimisht nga mediat.

“Nuk gjej fjalë të përshkruaj gjendjen tonë aktuale. Mami u nis nga Greqia se kishte përvjetorin e të vëllait në Berat dhe një ditë më parë fola me mamin dhe motrën ditën tjetër nuk kisha kontakt kur ato po ktheheshin dhe e kemi marrë vesh nga mediat që ka ndodhur një aksident.

Babi ka dëgjuar ne media dhe i shqetësuar se mami dhe motra nuk po ja hapnin telefonin pastaj kanë kontaktuar te afërmit që janë në Shqipëri.

Kur kanë shkuar në spitalin e traumës kanë parë që kanë qenë mami dhe motra. Për momentin atje nuk i kanë dhënë shumë informacion për shkak të gjendjes. Motra dhe mami kanë qenë të ulura pas shoferit”, u shpreh Ornela Lazaj për RTSH.

Sipas saj, të dyja vazhdojnë të jenë të traumatizuara nga ajo që përjetuan në autobus. Ato kanë rrëfyer se shoferi humbi kontrollin e mjetit dhe barriera mbrojtëse depërtoi përmes autobusit, ndërsa brenda dëgjoheshin britmat e pasagjerëve.

“Sot motra dhe mami janë në një spital privat në Greqi për momentin gjendja e tyre nuk është e mirë dhe më shumë gjendja e motrës është kritike sepse në aksident pësoi humbje të këmbës së djathtë dhe shumë dëmtime të rënda të këmbës së majtë.

Mami ka humbur këmbën e majtë dhe ka dëmtime të brinjëve në pjesën e kraharorit. Motra do të ketë një tjetër operacion këtë fundjavë. Kemi pasur shumë persona që na kanë kontaktuar dhe gjaku është siguruar brenda një ore dhe i falënderoj të gjithë njerëzit që dhuruan gjak”, tha ajo.

Mjekët në Greqi vijojnë trajtimin e tyre, ndërsa nuk përjashtohet mundësia që vajza të humbasë edhe një pjesë të këmbës së dytë, për shkak të dëmtimeve të rënda në shputë dhe thyerjeve të shumta të kockave.

“Motra dhe mami janë shumë të ngarkuara psikologjikisht, tregojnë në lidhje me aksidentin që kanë përjetuar. Tregojnë se si shoferi e humbi kontrollin dhe barriera e përshkoi autobusin mes për mes dhe thonin se dëgjonin të bërtiturat. Mami i thoshte motrës: ska rëndësi se në kemi humbur një këmbë por ne jemi gjallë.

Spitali në Greqi kanë bërë një reduktim të këmbës që ato kanë humbur. Mjekët thonë se motra mund ta humbi një pjesë të këmbës së dytë për shkak se një pjesë e shputës së këmbës ka pësuar një thyerje të të gjithë kockave që lidhin kyçin e këmbës me gishtërinjtë”, theksoi e motra.

Presidenti i Shteteve të Bashkuara, Donald Trump, njoftoi të martën se Uashingtoni do të heqë sanksionet e vendosura ndaj Turqisë në vitin 2020 për blerjen e sistemit rus të mbrojtjes ajrore S-400. Ai gjithashtu u shpreh i gatshëm të shqyrtojë shitjen e avionëve Iuftarakë F-35 për aleatin e NATO-s.

Ky vendim përbën një gjest të rëndësishëm nga Trump ndaj presidentit turk, Recep Tayyip Erdogan, të cilin ai e konsideron një aleat të afërt, dhe pritet të zbusë një nga çështjet më problematike në marrëdhëniet dypalëshe.

Edhe pse lidhjet mes Uashingtonit dhe Ankarasë janë përmirësuar gjatë presidencës së Trump, blerja nga Turqia e sistemit rus S-400 në vitin 2019 ka mbetur një pikë e fortë mosmarrëveshjeje mes dy vendeve.

Si reagim ndaj kësaj blerjeje, SHBA-të vendosen sanksione ndaj një kompanie të madhe turke të mbrojtjes në vitin 2020 dhe përjashtoi Turqinë nga programi i avionëve luftarakë F-35, ku Ankaraja ishte gjithashtu partnere në prodhim.

Do t’i heqim sanksionet. Nuk duam të sanksionojmë miqtë tanë”, u tha Trump gazetarëve.

“Do t’i heqim sanksionet”, deklaroi Trump para gazetarëve pak përpara takimit me Erdoganin gjatë vizitës së tij në Turqi për samitin e NATO-s. Ai shtoi se Sekretari i Shtetit dhe Sekretari i Thesarit po punojnë për zbatimin e këtij vendimi.

Trump u shpreh gjithashtu optimist për mundësinë e shitjes së avionëve F-35 Turqisë, megjithëse nuk sqaroi se si mund të realizohej një marrëveshje e tillë, duke pasur parasysh pengesat ligjore.

“Turqia ka qenë, në shumë drejtime, më besnike se vende të tjera që mendonim se do të ishin besnike. F-35 është një avion i shkëlqyer, aktualisht më i miri në botë, dhe sigurisht që do ta shqyrtojmë këtë mundësi”, tha ai.

Megjithatë, Kongresi amerikan ka miratuar një ligj që ndalon shitjen e avionëve F-35 Turqisë për sa kohë Ankaraja vazhdon të zotërojë sistemin rus S-400, duke argumentuar se ai përbën rrezik për sigurinë e teknologjisë ushtarake amerikane. Sipas legjislacionit aktual, Turqia nuk mund të rikthehet në programin F-35 nëse mban në përdorim sistemin S-400.

Më herët, dy burime të njohura me çështjen, i thanë Reuters se Trump pritet të mbështesë një marrëveshje të mundshme për shitjen e F-35 Turqisë. Një nga opsionet që po diskutohet është transferimi i sistemit rus S-400 në një vend të tretë, megjithëse ende nuk është arritur një marrëveshje përfundimtare. Burimet, që folën në kushte anonimiteti, theksuan se mbetet e paqartë nëse një zgjidhje e tillë do të pranohej nga Rusia, e cila kërkon respektimin e kushteve të përdorimit për armët që eksporton.

Vizita e Trump në Turqi është e para e një presidenti amerikan në këtë vend pas 11 vitesh. Ai u prit nga presidenti Erdo?an me një ceremoni shtetërore madhështore, ndërsa të dy liderët shkëmbyen vlerësime pozitive për njëri-tjetrin në deklaratat publike. Gjatë presidencës së Trump, shqetësimet e Uashingtonit për situatën e të drejtave të njeriut në Turqi nuk kanë qenë në qendër të marrëdhënieve mes dy vendeve.

Nëna e 17-vjeçares së dhunuar një muaj më parë në Fier nga tre adoleshente ka folur për mediat, dhe ka rrëfyer gjendjen e vajzës së aj. Nëna ka tregaur se vajza është në gjendje të rëndë, dhe vazhdimisht ndihet e frikësuar.

“Po vijnë. Do më rrahin”, këto janë fjalët që 17-vjeçarja ju ka përsëritur vazhidmisht familjarëve të saj.

Nëna e vajzës ka rrëfyer se vajza atë ditë kishte ikur në spital pasi ishte dhunuar por nuk ka treguar se çfarë ka ndodhur.

“Kam një muaj që nuk vë gjumë në sy. E çova gocën në kurs në Fier për parukiere. Si gjithmonë e prisja të vinte në shtëpi. Prisja, prisja, më erdhi një telefonatë që vajza është në spitalin e Fierit. Kishte vajtur në spital por nuk kishte treguar çfarë kishte ndodhur”, tregoi nëna e vajzës.

Më tej gruaja ka treguar se në kontaktin e parë me vajzën ajo ka tentuar ta fshehë ngjarjen, pasi i ka thënë se nuk ndidhej mirë prandaj shkoi në spital edhe pse dukshëm kishte shenja në fytyrë.

“Vetëm pasi u bë ngjarja publike, vajza më tregoi se më dhunuan tre goca”, rrëfeu gruaja.

Ndërkohë vajza ju ka rrëfyer prindërve se ajo kishte shkuar me vajzat e tjera pasi ato i kishin premtuar se do t’i bënin një surprizë.

Më herët nëna e një prej vajzave dhunuese ka treguar se vajza e saj vuan nga probleme të shëndetit mendor.

Një episod i rrallë dhe mjaft i veçantë ka shënuar sfidën e vlefshme për raundin e parë eliminator të Conference League mes Elbasanit dhe BATE Borisov, e cila përfundoi me rezultatin e barabartë 1-1.

Vëmendjen kryesore të mbrëmjes nuk e mori thjesht barazimi në fushë, por një moment i pazakontë gjatë golit të shënuar nga skuadra mike.

Në aksionin që solli golin e barazimit për BATE Borisov, goditja ishte aq e fortë (ose rrjeta aq e amortizuar) sa topi nuk u ndal në fundin e portës, por e kaloi rrjetën tej për tej.

Në bazë të sekuencës së pamjeve të fiksuara në momentin e aksionit, duket qartë dinamika e këtij rasti të rrallë:

Në momentin e parë topi shkon saktësisht drejt cepit të portës, duke e lënë portierin vendas, i cili është hedhur në përpjekje për ta pritur, pa asnjë shans reagimi.

Menjëherë sapo kalon vijën fatale, forca e topit bën që ai të çajë pjesën anësore të rrjetës së portës, duke dalë në anën tjetër.

Në përfundim të aksionit, topi përfundon i qetë jashtë fushës, përtej tabelave publicitare, duke krijuar për një fraksion sekondi iluzionin optik sikur goditja kishte përfunduar jashtë, ndërkohë që portieri mbetet i shtrirë në tokë pas hedhjes.

Pavarësisht trajektores së çuditshme pas kalimit të vijës dhe daljes së topit nga pjesa e pasme e portës, rasti ishte i pastër. Gjyqtari e ka vlerësuar menjëherë si një gol të rregullt, duke vulosur shifrat finale të këtij takimi në 1-1. Ky mbetet pa dyshim një nga momentet më “virale” dhe të veçanta të këtij raundi të parë europian, një detaj i shkëlqyer për kronikat sportive.

Dashi – Një ditë e favorshme për të marrë iniciativa të reja dhe për të vendosur qartë prioritetet. Në punë mund të shfaqen mundësi për të treguar aftësitë tuaja, ndërsa në marrëdhënie këshillohet më shumë durim dhe komunikim i hapur.

Demi – Sot mund të ndiheni më të përqendruar te stabiliteti dhe çështjet praktike. Është një moment i mirë për të rishikuar planet financiare dhe për të forcuar marrëdhëniet me njerëzit e afërt.

Binjakët – Energjia e ditës ju nxit drejt komunikimit dhe shkëmbimit të ideve. Mund të keni biseda të rëndësishme që sjellin mundësi të reja, por tregoni kujdes me vendimet e nxituara.

Gaforrja – Kjo ditë sjell më shumë reflektim dhe vëmendje ndaj çështjeve personale. Dëgjoni intuitën tuaj dhe përpiquni të ruani ekuilibrin mes detyrimeve dhe nevojave emocionale.

Luani – Mund të jetë një ditë ku spikatni më shumë në rrethin tuaj shoqëror apo profesional. Vetëbesimi ju ndihmon të përballoni sfidat, por shmangni përplasjet e panevojshme.

Virgjëresha – Organizimi dhe përqendrimi do t’ju ndihmojnë të përfundoni detyra të rëndësishme. Një qasje e kujdesshme ndaj çështjeve praktike mund t’ju sjellë rezultate pozitive.

Peshorja – Sot mund të kërkoni më shumë ekuilibër në marrëdhënie dhe vendime. Bashkëpunimi me të tjerët do të jetë çelësi për të zgjidhur disa çështje të mbetura pezull.

Akrepi – Një ditë e përshtatshme për të analizuar situata dhe për të bërë zgjedhje të menduara. Përqendrimi te objektivat afatgjata mund t’ju ndihmojë të ecni përpara.

Shigjetari – Mund të ndjeni dëshirën për ndryshim dhe përvoja të reja. Është një moment i mirë për të zgjeruar horizontet, por tregohuni të kujdesshëm me premtimet e mëdha.

Bricjapi – Përkushtimi dhe serioziteti do të jenë pikat tuaja të forta gjatë kësaj dite. Përqendrohuni te detyrat kryesore dhe shmangni ngarkesën e tepërt.

Ujori – Idetë e reja dhe kreativiteti mund t’ju sjellin avantazhe. Një komunikim i mirë me kolegët ose miqtë mund të hapë rrugë për bashkëpunime interesante.

Peshqit – Një ditë e përshtatshme për qetësi dhe kujdes ndaj vetes. Intuita mund t’ju ndihmojë në vendime personale, ndërsa marrëdhëniet kërkojnë mirëkuptim dhe sinqeritet.

SPAK heton Artur Shehun për Zvërnec, por i njëjti skenar u zbatua nga Rrahman Selmanllari në Ksamil, me ndihmën e gjyqtarit Petrit Aliaj, i cili në vitet 2006-2009 i dha 4 vendime për 137 hektarë tokë bregdetare. Selmanllari, i njohur si ‘lavatriçe’ e Shkëlzen Berishës në ndërtime, falsifikoi dokumentet dhe vazhdon të zgjerojë perandorinë në Dhërmi me ‘RM-Group’…

SPAK ka nisur hetim ndaj Artur Shehut për grabitjen me dokumenta të falsifikuara të 240 hektarë tokash në bregdetin e Zvërnecit, Nartës e Pishë-Poros, të cilat i ka tjetërsuar me shitje për ndërtime resortesh dhe komplekse pallatesh e vilash.

Nëse SPAK nuk e kufizon hetimin vetëm te Artur Shehu, por në të gjitha dosjet e tokave të grabitura në bregdetin Vlorë-Ksamil, do të zbulojë se të njëjtat falsifikime si Artur Shehu i ka bërë dhe Rrahman Selmanllari, miku dhe maska e Shkëlzen Berishës në grabitjen e tokave në bregdet, trafik droge e pastrim parash me ndërtime.

Prej 17 vitesh, në arkivat e prokurorive dhe gjykatave Sarandë e Vlorë, është një dosje me objekt grabitjen e 137 hektarë tokash bregdetare në Ksamil-Sarandë, të kryera nga Rrahman Selmanllari me dokumente zyrtare të falsifikuara.

Për ligjërimin e grabitjes së këtyre tokave, Rrahman Selmanllari bashkëpunoi me Petrit Aliajn, ish-gjyqtar në Sarandë gjatë viteve 1995-2020, kur u shkarkua nga vettingu për korrupsion, lidhje me krimin, pastrim parash dhe 93 dosje gjyqësore në favor të grabitësve të tokave me dokumenta false, mes tyre vendimet për tokat që ka grabitur Rrahman Selmanllari, de facto Shkëlzen Berisha.

Në mars 2004, ish-Këshilli i Lartë i Drejtësisë e shkarkoi gjyqtarin Petrit Aliaj dhe ai punoi si “këshilltar juridik” i bizneseve të trafikantit Klement Balili, i dënuar me 10 vite burg.

Por në qershor 2006, një vit pasi “Babai i Zenit” erdhi në pushtet, gjyqtari Petrit Aliaj u rikthye në Gjykatën e Sarandës, me marrëveshjen që Rrahman Selmanllarit t’i ligjëronte grabitjen e 137 hektarë tokash në Ksamil.

Me 4 vendime gjyqësore në vitet 2006-2009, gjatë pushtetit të familjes “Berisha”, gjyqtari i Sarandës, Petrit Aliaj, mbajti fjalën dhe i ligjëroi Rrahman Selmanllarit, de facto Shkëlzen Berishës, grabitjen e 137 hektarë tokash në Ksamil.

Rrahman Selmanllari i falsifikoi dokumentet e tokave që grabiti, në bashkëpunim me Shkëlqim Beshirin, të njohur si maska e Shkëlzen Berishës në lejet e kullave që i jep Edi Rama, dhe “lavatriçe” e pastrimit të parave në ndërtime.

Ndërsa gjyqtari Petrit Aliaj ia dha tokat e grabitura në Ksamil nëpërmjet këtyre dokumenteve të falsifikuara, zvarritjes së seancave gjyqësore, pranimit të dëshmitarëve të rremë, zhdukjes së provave pronësore reale, mospranimit të ankesave të ish-pronarëve dhe pranimit të hartave e aktekspertimeve false.

SPAK e ka shumë të lehtë të vërtetojë grabitjen e tokave nga Rrahman Selmanllari në Ksamil, madje edhe në Sarandë, Lukovë, Borsh, Himarë e Vlorë; duke ballafaquar dosjet në Komisionin Qendror të Kthim-Kompensimit të Pronave, në Arkivin e Shtetit, në Prefekturën e Vlorës dhe ish-Komunën Ksamil e kadastrat Sarandë-Vlorë.

SPAK mund të hetojë dhe dosjen e pronësisë së 18 mijë e 300 m² tokë në zonën Kadastrale Nr. 1481 në Skalikare-Dhërmi, në të cilën Rrahman Selmanllari, më 19 maj 2026, ka nisur aktivitetin me kompleksin turistik “RM-Group”, në ortakëri me Ismet Shehun, pronarin e restorantit “Ceren” në ish-repartin ushtarak të Dajtit, të dhuruar nga Edi Rama.

Në vijim do të publikojmë prova për shumë bëma të tjera që ka bërë e vazhdon të bëjë Rrahmani i “Berishëve” dhe puseve të naftës, trafikut të kokainës etj./Pamfleti

Ja skenarët për largimin Ramës, Alfred Cako plas “bombën”, frika nga një “21 Janar” i dytë me kufoma dhe snajperë të shërbimeve sekrete, fijet që po lëvizin sorosianët dhe lufta e egër për 4 miliardë eurot e mafies që detyrojnë kryeministrin të kërkojë negociata
Konspiracionisti Alfred Cako shprehet se largimi i kryeministrit Edi Rama mund të realizohet përmes dy skenarëve: i pari me pak gjak dhe negociata, dhe i dyti me shumë gjak përmes një revolucioni të dhunshëm. Cako shprehet kundër revolucioneve dhe thekson se sorosianët po manipulojnë protestën, duke refuzuar krijimin e një grupi negociator sepse synojnë ta çojnë situatën në tension, gjak dhe në ekzekutimin e Ramës, të cilin e konsiderojnë tradhtar të Sorosit.

Ekziston frika e përsëritjes së një skenari të ngjashëm me “21 Janarin”, ku sipas Cakos, kufomat mund të shkaktohen nga shërbimet sekrete të pozicionuara nëpër hotele dhe vende ku kalojnë protestuesit, me qëllim që të akuzohet policia dhe vendi të kalojë në anarki. Sipas Cakos, përveç CIA-s dhe shërbimit britanik MI6, në protestë thuhet se janë përfshirë edhe inteligjenca gjermane, turke, izraelite, greke, serbe dhe ruse. Po ashtu, ai thekson se në prapaskenë kryeministri gjendet nën presionin e madh të mafies shqiptare për shkak të një skeme të pastrimit të rreth 4 miliardë eurove të nxjerra në të zezë.

Pjesë nga analiza e Alfred Cakos:

“Në ditën e tretë kur kam folur në protestë, kam thënë që duhet të nxirrni një grup përfaqësimi që të përfaqësojë në negociata të mundshme me faktorët e sotëm politikë. Ka njerëz që thonë që jo negocim. OK. Dhe ky është një variant. Nuk e di çfarë duan të thonë ata me këtë .Janë një grup ndoshta që thërrasin revolucion aty. Revolucionet nuk janë të mira. Unë jam kundër revolucioneve, jam për evolucion për të mos kaluar shoqëria nga një gjendje e vështirë në një gjendje akoma dhe më të vështirë. Tani për të mos bërë negociata ka një mënyrë që është me shumë gjak, me revolucion. Të mposhtet kundërshtari që është përballë dhe të shporret e pushtetin ta marrin me forcë grupi i njerëzve të protestuesve.

Në radhë të parë unë nuk i njoh shumicën e atyre që janë atje. Di që ka shumë duar që janë futur dhe që kërkojnë dhe hakmarrje; si sorosianët që e ndjejnë veten të tradhtuar nga Rilindja dhe që duan ta zëvendësojnë me sa shikojmë me këtë Spiropalin dhe me këta të tjerët, si Lapaj që janë një dorë. Tani ka dy mënyra për të ikur Edi Rama. E para është me pak gjak dhe me negociata sepse ai do ulet në negociata pasi të derdhet pak gjak. Siç i tha Saliut më 21 janar: “do kalosh nesër mbi kufoma”. Sot nuk është çudi që të kalohet mbi kufoma dhe kufomat jo gjithmonë i shkakton qeveria. Duhet ta dini. Janë dhe shërbimet sekrete të cilat rrinë nëpër pozicione të ndryshme nga hotelet, nga vendet ku do kalojnë protestuesit dhe mund të qëllohen në momentet që janë afër policisë dhe të akuzohet policia. Sepse kur derdhet gjak edhe policia tërhiqet, kalojnë në anarki, sepse shumica e policëve janë hallaxhinj si puna jonë dhe thjesht ata dalin aty ta bëjnë detyrën jo me gjithë zemër dhe nuk u intereson shumë se kush do vijë. Mjafton që ata të vazhdojnë punën atje dhe të mos kenë probleme me drejtësinë në rast të ndonjë përshkallëzimi të ngjarjeve.

Në qoftë se do derdhet pak gjak, sigurisht Rama do tentojë të largohet, por varet pastaj këta që manipulojnë protestën, që janë sorosianët, a do pranojnë këta negociata me pak gjak apo do kërkojnë shumë gjak dhe vdekjen e Ramës si tradhtar i Sorosit?Të shikojmë, Rama ka probleme të mëdha sepse nga të gjitha anët e ka futur veten në telashe të mëdha. Ai ka menduar të menaxhojë lekët e mafies shqiptare. Lekët e nxjerra në të zezë. Nuk ka rëndësi se mund të jenë dhe aktivitete të rregullta, por pa letra dhe njerëzit kanë grumbulluar lekët edhe i kanë futur. Rama ka ndërhyrë e ua ka pastruar dhe janë rreth 4 miliardë euro ku kanë marrë përqindjet e tyre njerëzit që janë përfshirë. Këtë skemë Ramës ia tregoi Ben Ahmetaj; e ka lidhur në fillim me këta personat që mund të bëjnë pastrimin e lekëve në Bruksel, në Luksemburg, nëpër banka ku dhe qeveria merr pjesën e saj. Banka e Shtetit shqiptar. Nuk e di nëse ka dijeni apo jo guvernatori, por këta drejtorët e dytë mafiozë i bëjnë këto veprime që janë të lidhur me Ramën dhe janë të përfshirë dhe njerëz të ndryshëm në politikë, ku e drejton ky Agaçi këtë proces që ka zëvendësuar Ben Ahmetajn.

Dhe është dhe një çifut rus i cili shërben në një nga institucionet e rëndësishme ndërkombëtare që ka bërë lidhjet me bankat dhe që bën këtë punën e “lavatriçeve”; dhe Rama tani është edhe në presionin e mafies shqiptare, të cilët duan që paratë e tyre të kalojnë nga bankat e Brukselit të Evropës ku pastrohen paratë që dorëzohen kesh në dorë; dhe pasi marrin përqindjen bankat i pastrojnë me numrat e llogarive duke ju hapur numra llogarish. Në qoftë se Rama largohet është në presionin edhe të kësaj mafie, të cilët do t’i kërkojnë që t’u rikthehen paratë e tyre; dhe në qoftë se do ketë pak gjak, sorosianët do kërkojnë shumë gjak dhe vrasjen e Ramës. Në qoftë se duhet të ketë pak gjak, Rama mund të kërkojë të negociojë. Rama mund të ketë dashur të negociojë edhe këto kohë për ta mbyllur më me siguri, por jo më kot këta sorosianët nuk krijonin grup negociator për ta çuar problemin deri te gjaku. Tani që ndodhi konflikti mes policisë dhe kur Rama mendoi se protesta ra për shkak të rënies së numrit, po kjo protestë ka disa karakteristika jo shqiptare. Shpërtheu në mënyrë të menjëhershme. Vazhdoi për një kohë të gjatë në mënyrë të pandërprerë që s’kanë qenë karakteristika të protestave shqiptare të cilat janë shuar shpejt; dhe e treta ka një lloj brutaliteti te bërthama, te grupi i vogël, që nuk janë karakteristika të protestave shqiptare në përgjithësi.

Pra duket që ka dorë të huaj dhe me sa di unë janë futur njerëz të inteligjencës gjermane, turke, izraelite, greke, serbe, ruse, të cilat përveç CIA-s nuk diskutohet dhe shërbimit britanik MI6 që punojnë të gjitha për hesap të tyre me manipulimin e njerëzve aty. Kur të derdhet pak gjak, Rama do ta shpallë kërkesën për negociata. Por këta nuk do ta pranojnë me sa e shikoj unë Sorosi që ka marrë në kontroll të paktën platformën e protestës aty, Foltoren. Këto ishin ato synimet e sorosianëve të cilët nuk deshën që në fazat e para Edi Rama të kishte mundësi të negocionte dhe t’i jepte zgjidhje situatës me sa më pak dhimbje dhe kosto dhe kaos dhe gjak; dhe këta nuk pranonin të kishte grup negociator për të biseduar me Ramën sepse kërkonin ta çonin në tension, në gjak. Këta kanë frikë se mbasi të ketë pak gjak këta duan ta bëjnë me shumë gjak dhe pa negociata, me revolucion, duke kaluar në gijotinë Ramën dhe të gjithë ata që i kanë zhgënjyer nga kontaktet personale që kanë pasur me Sorosin.

Po pati gjak mendoj që shumë patronazhistë dhe shumë rilindas dhe shumë mjaftistë që i kanë kthyer shpinën Sorosit dhe i kanë qëndruar besnikë Ramës këtë muaj, sigurisht do të jenë objektiv edhe prej grupeve të ndryshme terroriste që mund të ngrenë këta komunistët e majtë që po manipulojnë protestuesit idealistë. Në fillim protestat i fillojnë në rrugë idealistët, i marrin në kontroll fanatikët (siç thotë Thomas Carlyle) dhe pastaj dalin nga hija njerëzit e atyre që kanë financuar siç janë Spiropali e ku e di unë kush, që do nxjerrin prapë këta mjaftistët për të prishur dhe për ta përkeqësuar situatën akoma dhe më shumë dhe për të mbajtur nën kontroll qeveritë që do të vijnë. Në fakt për kauzën që unë kam mbrojtur gjithë këto vite armiku më i madh janë globalistët. Rama është armik i shqiptarëve sepse ishte globalist dhe ne duhet të luftojmë të gjitha ato axhendat e globalistëve siç janë depopullimi dhe kontrolli nëpërmjet mikroçipit. Këto do të realizohen sigurisht me luftëra dhe me pandemi. Qeveritë e ardhshme shqiptare nuk duhet të bëhen palë me askënd. Duhet të flasin në gjuhën e paqes dhe duhet të mos u binden axhendave të organizatave të mëdha ndërkombëtare.”

“Është një projekt masiv. Përfshin një ishull privat prej 14,000 hektarësh në zemër të Mesdheut.”

Ivanka Trump dhe bashkëshorti i saj, Jared Kushner, kishin qenë me pushime me Lord Rothschild, në vilën e familjes së tij në Korfuz në vitin 2021, kur bankieri britanik i mori me jaht për një udhëtim të shkurtër përtej Adriatikut, drejt Shqipërisë. Edi Rama, kryeministri karizmatik dhe kontrovers i Shqipërisë, erdhi gjithashtu për të darkuar në jaht.

“Ndaluam për të notuar, praktikisht kështu e gjetëm,” shpjegoi Ivanka në podcast në fund të majit. “Notuam deri në ishull, bëmë një ecje këmbëzbathur deri në majë dhe thjesht u magjepsëm.”

Çifti u mahnit aq shumë nga ishulli i Sazanit, sa tani po përgatitet të ndërtojë aty një resort luksoz prej 5 miliardë dollarësh, si edhe në një zonë ligatinore përballë tij në kontinent.

The Sunday Times mund të zbulojë se dokumentet e planifikimit për resortin përfshijnë propozime për një marinë që mund të mbajë 350 superjahte, ambiente koncertesh, një kazino, një qendër hipizmi, një klub jahtesh, një park ujor dhe “kopshte lagunore” të shtrira në një sipërfaqe të barabartë me 14 fusha futbolli. Dokumentet tregojnë gjithashtu se vetë Ivanka po ndihmon në projektimin e disa pjesëve të kompleksit.

Një burim pranë çiftit tha se ata po investojnë paratë e tyre.

Zhvillimi, që pritet të ketë përmasa sa Parku Olimpik në Londër, ka shkaktuar një krizë politike në Shqipëri, pasi dhjetëra mijëra njerëz kanë dalë në rrugë për të protestuar kundër planeve, në demonstrata që kanë zgjatur pothuajse një muaj.

Një historian vendas, Auron Tare, i cili prej kohësh njeh kryeministrin e Shqipërisë dhe Rothschild-in, organizoi një udhëtim për Ivankën dhe Kushnerin në Sazan, ishulli më i madh i Shqipërisë dhe pronë e shtetit. Aty ndodhet ende një bazë detare e rrënuar, e ndërtuar nga Musolini, ndërsa rreth 2,000 turistë e vizitojnë çdo ditë, pasi Rama e hapi për turistët.

Tare kishte studiuar historinë e ishullit dhe kishte hartuar një plan për të ndërtuar një qendër kërkimore shkencore rreth bazës detare.

“Kur i çova këta njerëz atje, kjo ishte ideja që u shpjegova dhe atyre u pëlqeu shumë,” i tha ai The Sunday Times.

Më vonë, ai ia paraqiti planet e tij kompanisë së investimeve të Kushnerit, Affinity Partners, tha ai, “dhe atyre u pëlqyen. Thanë: ‘Po, kjo është pikërisht ajo që duhet të bëjmë’.”

Megjithatë, ky nuk duket të jetë plani më i fundit. Një dokument informues për firmat arkitekturore që dëshirojnë të konkurrojnë për të punuar në resort, i datës 6 nëntor të vitit të kaluar, rrodhi tek studiuesi i inteligjencës me burime të hapura, Eric Czuleger, dhe është konfirmuar si autentik nga një burim pranë investitorëve të projektit.

Duke përshkruar pjesën ligatinore të zhvillimit, e cila do të ndërtohet e para, dokumenti parashikon 600 shtëpi qyteti, 520 vila, 1,400 apartamente, 800 dhoma hoteli, klube plazhi përgjatë rreth dy milje e gjysmë vijë bregdetare, një fushë golfi, një qendër mirëqenieje, dyqane, restorante dhe një rrugë private drejt një aeroporti të ri aty pranë, me akses për helikopterë dhe avionë privatë. Kushner ka publikuar më parë në rrjetet e tij sociale edhe një imazh artistik se si mund të duket resorti.

Dokumenti u hartua nga vëllezërit Ramez dhe Mohammad al-Khayyat, trashëgimtarë të pasurish të patundshme me origjinë katari-siriane, zhvillimet e të cilëve përfshijnë një ishull artificial në Doha, të ndërtuar për Kupën e Botës në Katar. Vëllezërit e takuan Kushnerin kur ai darkoi në një nga restorantet e tyre gjatë turneut në vitin 2022. Ata kanë hedhur idenë e një fushe golfi Trump në bregdetin sirian dhe kanë lobuar që sanksionet amerikane ndaj Sirisë të hiqen pas rënies së Bashar al-Assadit. Organizata Trump tha këtë vit se nuk kishte asnjë marrëveshje në proces me vëllezërit.

Vëllezërit fillimisht iu bashkuan projektit në Shqipëri si kontraktorë ndërtimi dhe më vonë u bënë partnerë të plotë, krahas Ivankës dhe Kushnerit, si edhe Asher Abehsera, një zhvillues pronash nga Nju Jorku që ka punuar me Kushnerin për disa vite. Abehsera tha në një deklaratë: “Qëllimi ynë është i thjeshtë: të kremtojmë bukurinë natyrore të Shqipërisë, të krijojmë vende pune dhe të ndërtojmë diçka për të cilën brezat e ardhshëm mund të jenë krenarë. E ardhmja e tij, në fund, do të përcaktohet nga Shqipëria dhe populli shqiptar.” Kuptohet se Affinity Partners nuk është më e përfshirë.

Një burim pranë Ivankës dhe Kushnerit tha se jo gjithçka e përfshirë në kërkesën për oferta do të ndërtohet. Një firmë arkitekturore, Laboratory for Visionary Architecture, LAVA, me bazë në Berlin, përgatiti një masterplan si përgjigje ndaj dokumentit, i cili përfshinte gërmimin ose prerjen e 6 milionë metrave kub tokë, një volum një herë e gjysmë më i madh se stadiumi Wembley.

Plani i LAVA-s, i datës 14 nëntor, përfshin një “enklavë ultra-luksoze” private me markën Cheval Blanc, grupi hotelier i gjigantit francez të luksit LVMH, pronar i Louis Vuitton, si edhe një hotel me markën Cipriani, sipas hotelit venecian me pesë yje, dhe Aman, grupi i resorteve luksoze. Tobias Walliser, partner në LAVA, tha: “Ky ishte një draft-propozim — jo një plan final apo i miratuar… Përfshirja jonë në projekt nuk vazhdoi përtej kësaj faze dhe nuk kemi asnjë informacion për planifikimin aktual.”

Kuptohet se planet janë larguar nga dizajnet e LAVA-s dhe se LVMH, Cipriani dhe Aman nuk besohet më të jenë të lidhura me resortin. Një zëdhënës i Sazan Real Estate Development LLC, kompania që po zhvillon projektin, tha në një deklaratë: “Koncepte dhe drejtime të ndryshme pune vazhdojnë të vlerësohen…”

Kundërshtitë

Aktivistët mjedisorë thonë se zhvillimi do të shkatërrojë një nga deltat e fundit të paprekura në Europë, një strehë për fokën mesdhetare të rrezikuar, breshkat detare dhe qindra specie shpendësh, përfshirë flamingot. Si ligatina, ashtu edhe Sazani janë peizazhe të mbrojtura sipas ligjit shqiptar. Ministrat e ndryshuan ligjin në vitin 2024 për ta bërë më të lehtë ndërtimin e hoteleve luksoze në to.

Veçmas, prokurorët antikorrupsion në Shqipëri po hetojnë…

Këtë muaj, si pjesë e një hetimi më të gjerë, prokurorët lëshuan urdhër-arreste për 20 shqiptarë të akuzuar për vepra që përfshijnë trafik droge dhe pastrim parash. Njëri prej tyre është Artur Shehu, një biznesmen që ka jetuar në Miami që kur u plagos me armë zjarri në një shkëmbim zjarri në një lokal në qytetin e Vlorës, pranë ligatinës, në vitin 1999. Prokurorët pretendojnë se Shehu ishte i lidhur me një rrjet ndërkombëtar trafiku që importonte kokainë në Europë, ndërsa pastronte para përmes pronave turistike në Shqipëri, përfshirë zonën e ligatinës.

Një kompani në pronësi të Khayyat-ëve, Albania Land Development, e bleu tokën nga Shehu vitin e kaluar. Por prokurorët kanë ngrirë 128 milionë euro që kompania pagoi për të në llogarinë e një noteri, për shkak të pretendimeve se toka ishte përfituar në mënyrë të paligjshme nga Shehu. Shehu më parë ka fituar çështje gjyqësore mbi pronësinë e tij mbi tokën.

Të tjerë të listuar krahas tij në aktet e shitjes përfshijnë vajzën e ish-avokatit të tij, i cili ndodhet në arrest shtëpie në pritje të apelimit mbi pretendimet se ka falsifikuar dokumente që i dhanë Shehut tokë në zonë, si edhe ish-kryetarin e Gjykatës së Apelit të Tiranës, i cili dha dorëheqjen në vitin 2020 përpara një procesi vetingu të projektuar për të larguar gjyqtarët e korruptuar.

Ata nuk janë të përfshirë si të dyshuar në hetim. Nuk ka asnjë sugjerim se Ivanka dhe Kushner, apo investitorët e tjerë të resortit, kishin dijeni për akuzat ndaj Shehut. Një zëdhënës i Sazan Real Estate Development tha në një deklaratë: “Ne nuk jemi palë në atë çështje dhe nuk jemi subjekt i asnjë hetimi. Ne vazhdojmë të besojmë se blerjet bazë të tokës janë kryer në mënyrë të ligjshme dhe në përputhje me procedurat e zbatueshme… [ne] do të bashkëpunojmë me çdo proces të ligjshëm, siç kërkohet.”

Avokati i Shehut i tha The Times muajin e kaluar se dokumentet që vërtetojnë pronësinë e tij mbi tokën vinin nga arkivi kombëtar, se akuzat kundër klientit të tij bazoheshin në “thashetheme” të pabazuara dhe se “DEA [Administrata për Zbatimin e Ligjeve kundër Drogës] i ka dhënë atij një vlerësim të pastër në SHBA”.

Puna në resort tani është pezulluar ndërsa po kryhet një studim mjedisor.

Në masterplanin e saj, LAVA pranoi se një marinë “ka gjasa të ndikojë te biodiversiteti”. Megjithatë, një burim pranë Ivankës dhe Kushnerit tha se zhvillimi do të jetë aq i ndjeshëm ndaj mjedisit, sa flora dhe fauna do të bëhen më të bollshme, ndërsa ujërat e ndotura pranë Vlorës do të pastrohen.

Tare, një ish-shok skuadre basketbolli i Ramës, i cili është kthyer në kritik të ndërtimeve në zonat e mbrojtura të Shqipërisë, beson se Kushnerët nuk janë fajtorë.

“Me aq sa di unë, nuk është faji i tyre [që kjo është bërë kontroverse],” tha ai. “Nëse kryeministri i vendit po të thotë: ‘Mos u shqetëso, qetësohu, gjithçka është në rregull’, si do ta dije ndryshe?”

Një burim pranë Kushnerit dhe Khayyat-ëve tha se ata nuk janë kontaktuar nga prokurorët lidhur me hetimin për korrupsion dhe se qëllimi i tyre është të respektojnë të gjitha ligjet. Ata thanë se kanë qenë gjithmonë të qartë se nëse populli shqiptar nuk e dëshiron resortin, ai nuk do të ndërtohet.

Në një intervistë me Financial Times muajin e kaluar, Rama tha: “Po të mos ishte Jared Kushner… askujt nuk do t’i bëhej vonë për flamingot, për Shqipërinë, për asgjë. Është e gjithë urrejtja ndaj Trump-it që krijon gjithë këtë vëzhgim.”

Krenar Ceno ishte një nga 2,000 ushtarët që dikur jetonin në ishull, në një komunitet që kishte shkolla, spitale dhe një kinema ku shfaqeshin çdo javë filma propagandistikë, si edhe bunkerë betoni të projektuar për t’i rezistuar një sulmi bërthamor.

Ceno, i cili tani zotëron një hotel në Vlorën aty pranë, i pëlqen të rikthehet në ishull për qetësinë dhe paqen. Megjithatë, ai i mbështet planet e Ivankës për ta zhvilluar atë.

“Shqipëria ka jetuar nën komunizëm, e izoluar,” tha ai. “Të kesh një investim nga një familje kaq e fuqishme, familja e presidentit të vendit më të fuqishëm në botë, do të ishte privilegj.”

Djali i tij, i cili refuzoi të jepte emrin nga frika se mund të kishte probleme me autoritetet, privatisht nuk ishte dakord./LAPSI.AL

Jam shumë inteligjente edhe e butë. Eleganca është natyra ime. Edhe mua më pëlqen të vesh fustane.

Por kjo nuk më ndalon të ngjitem dhe të shetit malet. Dobësitë e mia janë macet dhe çokollata e zezë Më pëlqen të udhëtoj dhe të shoh vende të reja.

Në kohën time të lirë më pëlqen të shkoj në pishinë dhe të ngas biçikletën! Me pelqen te kercej, por gjithashtu më pëlqen vallëzimi.

Unë dhe familja ime jemi shumë të afërt, në të njëjtën kohë ndërtojmë marrëdhënie të mira me miqtë –

ndonjëherë takohemi, por shpesh flasim në telefon dhe mbështesim njëri-tjetrin nëse është e nevojshme. 

Më pëlqen të vesh fustane dhe ndonjëherë mund të kem ditë dembele, ndonjëherë shumë aktive.

Unë me të vërtetë ëndërroj të gjej njeriun tim këtu, sepse shpresoj të takoj një burrë konkret serioz që dëshiron

një afat të vërtetë dhe afatgjatë, ashtu që ta kalojmë bukur dhe në qetësi të plotë.