Month: October 2026

Këngëtarja Rozana Radi ka reaguar për herë të parë lidhur me videot që janë publikuar ditëve të fundit, në të cilat është pretenduar se është edhe ajo.

Përmes një deklarate të publikuar në rrjetet sociale, Rozana ka mohuar çdo lidhje me videot, duke theksuar se nuk është në asnjërën prej tyre dhe se nuk ka asnjë lidhje me videon që pretendohet.

Ajo ka bërë të ditur se ndaj personave që, sipas saj, po dëmtojnë emrin, imazhin dhe reputacionin e saj përmes shpifjeve dhe të pavërtetave, do të ndërmarrë veprime ligjore.

Në fund, Rozana u ka bërë thirrje të gjithëve të mos shpërndajnë dhe të mos amplifikojnë materiale që cenojnë dinjitetin e njerëzve pa pasur fakte të vërteta, duke theksuar se çështjen tashmë do ta lërë në duart e drejtësisë.

Elton Tozaj ka bërë një tjetër deklaratë lidhur me videot intime që kanë qarkulluar ditët e fundit në rrjet, duke zbuluar këtë herë se është kontaktuar drejtpërdrejt nga Monika Lubonja.

Gjatë një daljeje në Klan Kosova, Tozaj pretendoi se aktorja e ka telefonuar gjatë ditës së sotme dhe se mes tyre është zhvilluar një bisedë pikërisht për emrat e personave të përfolur në lidhje me materialet.

“Sot, Monika Lubonja më merr dhe më thotë: ‘Pse nuk i thua ti emrat e tjerë, por ke thënë vetëm këto emra?’”, deklaroi Tozaj, duke treguar versionin e tij të bisedës.

Gazetari më pas e komentoi telefonatën, duke kritikuar atë që, sipas tij, duhet të ishte shqetësimi kryesor pas publikimit të videove.

“Domethënë, këtu nuk shkojnë njerëzit të bashkëpunojnë me policinë dhe ta arrestojnë atë tipin që i ka filmuar dhe publikuar, por çohet gruaja e huaj dhe s’ka hallin e vet, por ka hallin pse nuk i publikon emrat e tjerë”, u shpreh ai.

Deklarata merr vëmendje të veçantë pasi emri i Monika Lubonjës ka qenë ndër më të përfolurit që prej nisjes së shpërndarjes së materialeve. Aktorja, ndërkohë, ka bllokuar komentet në postimet e saj në Instagram pas një vale komentesh dhe sulmesh të drejtuara ndaj saj.

Megjithatë, biseda telefonike e pretenduar është bërë publike vetëm përmes rrëfimit të Tozajt. Deri tani, Lubonja nuk ka konfirmuar publikisht se e ka telefonuar gazetarin dhe as nuk ka reaguar për versionin e bisedës të treguar prej tij.

Po ashtu, mbetet objekt verifikimesh se kush i ka regjistruar dhe kush i ka nxjerrë fillimisht materialet në qarkullim. Policia dhe strukturat e Krimit Kibernetik kanë nisur veprimet për të përcaktuar burimin dhe mënyrën e shpërndarjes së tyre.

Një deklaratë e fortë dhe e papritur ka tronditur opinionin publik dhe botën e televizionit në Shqipëri. I ftuar në emisionin “D-Night” me moderatoren Dajana Shabani në Ora News, gazetari i njohur i kronikës rozë, Elton Tozaj, ka lëshuar akuza të rënda ndaj regjisores dhe producentes së njohur Vera Grabocka.

Gjatë kësaj interviste ekskluzive, Tozaj ka pretenduar se pas skenës së konkurseve të bukurisë dhe botës së shoubizit fshiheshin prapaskena të errëta. Sipas tij, modele e vajza pjesëmarrëse në konkurset e bukurisë (“Miss-et”) kanë qenë të detyruara të flinin dhe të shoqëroheshin me persona me ndikim e burra të ndryshëm për të ecur përpara në karrierë apo për përfitime të produksionit.

Kjo intervistë ka nxitur menjëherë reagime të shumta në rrjetet sociale, ndërsa diskutimet për prapaskenat e personazheve publike dhe spektakleve vazhdojnë të jenë kryefjala e medias rozë.

https://www.facebook.com/share/v/1HiH

Dashi

Një person mund t’ju surprizojë duke kërkuar më shumë prani. Në vend që të mbroni menjëherë hapësirën tuaj, përpiquni të kuptoni arsyen pas kësaj kërkese. Një përballje e mbyll javën me një vendim të rëndësishëm. Sot, fitimi i një argumenti ka më pak rëndësi sesa arritja e një marrëveshjeje të dobishme.

Demi

Dita shpërblen thjeshtësinë. Një plan i improvizuar pas pune mund të krijojë më shumë shoqëri sesa diçka e planifikuar javë më parë. Para fundjavës, më në fund mund të përfundoni një çështje praktike që ka mbetur pezull që nga shtatori. Thjesht mos shtoni detyra të reja në minutën e fundit.

Binjakët

Dielli në Peshore mbështet anën tuaj më të ndritshme. E premtja është e favorshme për takime: një bisedë e lehtë mund të shndërrohet shpejt në interes. Një ide e pazakontë merr më shumë vëmendje sesa pritej. Paraqiteni pa e ngarkuar me shumë shpjegime.

Gaforrja

Një çështje familjare mund të ndërhyjë në planet tuaja të mbrëmjes. Mos u përpiqni t’i zgjidhni vetë problemet që prekin edhe të tjerët. Tetori fillon duke ju kërkuar të konsolidoni atë që keni ndërtuar. Përpara se të zgjeroheni, sigurohuni që jeni të organizuar dhe të keni burime të mjaftueshme.

Luani

Fjalët funksionojnë më mirë sesa gjestet madhështore. Një mesazh i dërguar pa shumë hezitim mund të rihapë një dialog që dukej se ishte ftohur. Një takim ose kontakt profesional e mbyll javën me një perspektivë interesante për tetorin.

Virgjëresha

Ju dëshironi siguri, por sot kjo nuk do të vijë domosdoshmërisht përmes një deklarate. Vëzhgoni se kush gjen kohë spontanisht për të qenë aty. Është koha të kuptoni se cilat aktivitete janë vërtet të dobishme dhe cilat po shterojnë burimet pa prodhuar rezultate të mjaftueshme.

Peshorja

Dielli në shenjën tuaj ju bën më të sigurt dhe të gatshëm për të marrë iniciativa. Nëse një marrëdhënie ka qenë në pritje, më në fund mund të jeni ju ai që do ta ndryshojë skenarin.Një propozim personal meriton hapësirë. Mos e ndryshoni vazhdimisht atë për ta bërë të pranueshëm për të gjithë: rrezikoni ta dobësoni atë.

Akrepi

Një situatë romantike e pazbuluar po zë më shumë hapësirë ??në mendimet tuaja. Këtë të premte, mund të merrni një shenjë që është e vështirë të injorohet. Një negocim kërkon diskrecion. Para se të merrni ndonjë angazhim, përcaktoni se kush e mbështet vërtet projektin tuaj dhe kush thjesht po vëzhgon.

Shigjetari

Mbrëmja favorizon miqtë, ftesat dhe takimet. Një person që e keni takuar përmes rrethit tuaj të zakonshëm mund t’ju surprizojë pikërisht sepse nuk e keni konsideruar kurrë romantikisht. Një projekt bashkëpunues merr një shtysë të re. Kontributi i dikujt me aftësi të ndryshme nga tuajat mund të jetë vendimtar.

Bricjapi

Puna ju ka zënë shumë kohë dhe dikush mund ta theksojë këtë. Sot, do të jetë e rëndësishme të tregoni aftësinë tuaj për t’u shkëputur nga gjërat. Një vendim i marrë sot mund të rrisë përgjegjësitë ose dukshmërinë tuaj në javët në vijim. Sidomos merrni parasysh implikimet e tij afatgjata.

Ujori

Një person jashtë rutinës suaj të zakonshme mund t’ju tërheqë vëmendjen. E premtja është një kohë e shkëlqyer për ata që kërkojnë të dalin, të takojnë njerëz të rinj ose të ndryshojnë mjedisin e tyre. Një aftësi, kurs ose kontakt i ri me jashtë hap një perspektivë të re që nuk e kishit marrë në konsideratë në shtator.

Peshqit

Nuk doni më të hamendësoni se çfarë po mendon personi tjetër; doni ta dëgjoni qartë. Një bisedë e thellë mund të eliminojë paqartësinë e gjatë. Një çështje që lidhet me paratë e përbashkëta, pagesat ose marrëveshjet financiare kërkon një vendim para fundjavës.

“Për të mbrojtur Kaliningradin jemi të gatshëm të përdorim armët bërthamore!”. Ky është paralajmërimi i fortë që Rusia ka lëshuar në një letër dërguar NATO-s përmes ambasadës së vet në Belgjikë.

Moska, proteston kundër atij që e cilëson si përshkallëzim i paprecedentë i aktivitetit ushtarak të NATO-s përgjatë kufijve perëndimorë të Rusisë. Në letër thuhet se stërvitjet ushtarake të aleancës në rajonin e baltikut, të zhvilluara në gusht të 2026 simulojnë operacione për të kontrolluar enklavën e Kaliningradit dhe rrisin rrezikun e një konflikti të drejtpërdrejtë të armatosur.

Moska kërcënon të përdorë të gjithë arsenalin ushtarak në dizpozicion, përfshirë atë atomik.

NATO konfirmoi letrën e Rusisë duke e bërë të qartë se do të mbrojë çdo centimetër territor.

Allison Hart, zëdhënëse e NATO-s, shprehet:

“Ne e dënojmë fuqimisht kërcënimin me përdorimin e forcës, përfshirë çdo retorikë të papërgjegjshme bërthamore. Ne kemi kapacitetin për të mbrojtur çdo pëllëmbë të territorit të Aleancës dhe mbetemi të fortë, të gatshëm e të aftë për t’iu kundërvënë çdo kërcënimi”.

Kaliningradi është një enklavë ruse që gjendet mes Polonisë, Lituanisë dhe detit Baltik pa kufi të drejtpërdrejtë tokësor me pjesën tjetër të Rusisë.

Kaliningradi nuk është thjesht një copëz territori rus në zemër të Evropës, por ka një rëndësi të jashtëzakonshme strategjike për Federatën Ruse pasi shërben si bazë për flotën ruse në Detin Baltik.

Policia e Tiranës ka filluar verifikimin e videove me përmbajtje seksuale të cilat prej ditës së djeshme po qarkullojnë në rrjet.

Burime të Top Channel pranë Drejtorisë së Policisë bëjnë me dije se strukturat e Krimit Kibernetik kanë kryer verifikime për përmbajtjen e materialeve, por edhe për burimin nga i cili videot janë publikuar dhe më pas janë shpërndarë në internet.

Nga verifikimet e kryera nuk është çelur hetim, pasi në materialet e publikuara nuk janë konstatuar elemente që lidhen me dhunën apo përfshirjen e personave të mitur.

Një tjetër element I rëndësishëm në këto veprime paraprake është fakti se deri më tani asnjë prej personave të përfshirë nuk është paraqitur pranë strukturave të Policisë së Tiranës për të bërë kallëzim në lidhje me publikimin apo shpërndarjen e materialeve.

Për këtë arsye, aktualisht nuk ka një procedim të regjistruar për rastin.

Video-t me përmbajtje sekesuale në qendër të të cilave janë disa personazhe të njohura të artit dhe kulturës shqiptare, nisën të qarkullojnë prej ditës së djeshme në rrjetet sociale dhe platforma të ndryshme online, duke u shpërndarë me shpejtësi.

✍🏻Sa vite burg rrezikon kompozitori Adi Hila për videot pornografike me 15 “gratë” e tij:

⛔️Neni 117
Prodhimi, shpërndarja, reklamimi, importimi, shitja e botimi i materialeve pornografike në mjedisetku ka fëmijë, me çdo mjet ose formë, përbëjnë kundërvajtje penale dhe dënohen me burgim deri në dy vjet.

⛔️Neni 121
Ndërhyrje të padrejta në jetën private

Vendosja e aparaturave që shërbejnë për dëgjim apo regjistrim të fjalëve ose të figurave, dëgjimi ose regjistrimi i fjalëve, fiksimi ose regjistrimi figurave, si dhe ruajtja për publikim i të dhënave që ekspozojnë një aspekt të jetës private të personit, pa pëlqimin e tij, përbën kundërvajtje penale dhe dënohet me gjobë ose me burgim deri në dy vjet.

Shpërndarja, ofrimi për publikim apo publikimi me çdo mjet ose formë të komunikimit publik apo mënyrë tjetër i të dhënave të marra në mënyrën e përcaktuar në paragrafine parë të këtij neni, dënohet me burgim deri në tre vjet.

⛔️Neni 122
Përhapja e sekreteve vetjake

Përhapja e një sekreti që i përket jetës private të një ose personi nga ai që e siguron atë për shkak të detyrës të profesionit, kur detyrohet të mos e përhapë pa qenë i autorizuar, përbën kundërvajtje penale dhe dënohet me gjobë ose me burgim gjer në një vit.

Po kjo vepër, e kryer me qëllim fitimi ose për të dëmtuar një person tjetër, përbën kundërvajtje penale dhe dënohet me gjobë ose me burgim gjer në dy vjet.

⚖️ KODI PENAL i Republikës Shqipërisë

Një histori dashurie dhe diplomimi. Ceremonia e diplomimit të 2182 studentëve në Universitetin Aleksandër Moisiu të Durrësit u kthye në një moment të paharruar për Klarisa Toskën, diplomante në degën e Mësuesisë, Cikël i Ulët.

Mes emocioneve të diplomimit, Krenar Dani i bëri Klarisës, 23-vjeçares së sapodiplomuar, propozimin për martesë, duke e kthyer ditën e saj të veçantë në një kujtim që do ta shoqërojë për gjithë jetën.

Ceremonia e diplomimit në UAMD mbrëmjen e 30 shtatorit u kthye në një moment të paharruar për çiftin që së shpejti pritet të kurorëzojë në martesë dashurinë./Top Channel

90 minutat e qëndrimit në të njëjtën sallë e kryeministrit Edi Rama me kreun e Prokurorisë së Posaçme Klodian Braho nuk ishin aq të qeta sa u përpoq të tregonte deklarata që nxori pas mbledhjes së Këshillit të Sigurimit Kombëtar, zyra e shtypit e Bajram Begajt.

Në takimin e së hënës që vetë Rama e kërkoi nga SHBA, pas skandalit të pandodhur më parë, të vënies në shërbim të krimit të organizuar të vetë shefes së Shërbimit Informativ të Shtetit, Presidenti kishte ftuar edhe kreun e SPAK, Klodian Braho.

Ato që shprehu publikisht që në Rinas, për mënyrën e trajtimit të Vlora Hysenit duke kërkuar masë arresti për shefen e shërbimeve sekrete në detyrë, duket se Rama i ka shprehur edhe në mbledhjen e zhvilluar me dyer të mbyllura në Pallatin e Brigadave.

Lapsi.al mëson nga burime të brendshme se kreu i SPAK ka këmbëngulur se vënia në “arrest shtëpie” e Hysenit ishte një masë e nevojshme për shkak të implikimit të fortë që ajo ka pasur në grupin kriminal të drejtuar nga biznesmeni Ergys Agasi.

Të njëjtat burime konfirmuan për Lapsi.al se drejtuesi i SPAK ka deklaruar para anëtarëve të Këshillit të Sigurimit Kombëtar se SHISH kishte arritur deri aty sa të angazhohej në përgjime të paligjshme të familjarëve të afërm të dy prokurorëve të Posaçëm që kanë në dorë dosjen e shumëpërfolur të abuzimeve në AKSHI ku është përfshirë biznesmeni Ergys Agasi. Me këto përgjime, sipas Brahos, synohej që t’u bëheshin presione prokurorëve të SPAK që po hetojnë këtë aferë.

Një deklaratë e tillë e fortë bëri që të pranishmit të shihnin njëri –tjetrin në sy, duke treguar edhe një herë se sa i thellë është skandali dhe se deri ku janë përlyer institucionet e shtetit në shërbim të krimit të organizuar.

Megjithatë, Rama duket se i ka qëndruar idesë se “SPAK u nxitua”. Kjo u shfaq edhe në deklaratën e nxjerrë pas mbledhjes ku theksohej se “për sigurinë kombëtare, institucionet nuk konkurrojnë me njëri-tjetrin”. Pjesa tjetër e deklaratës ishte meraku i vjetër i Ramës që proceset penale të të zgjedhurve të tij janë çështjet individuale.

“Çështjet individuale të mos kthehen në krizë besimi ndaj shtetit dhe ndaj institucioneve të sigurisë”, – thuhej në krye të njoftimit të presidencës.

Tashmë Rama duket se kërkon ta zhvendosë vëmendjen nga thelbi i skandalit. Problemi për të nuk është cenimi i një prej institucioneve më të rëndësishme në sigurinë kombëtare, por mënyra se si u trajtua Vlora Hyseni. Në fillim u pompua linja e një “historie dashurie” ndërsa tani shqetësim janë nxjerrja e dosjeve. Edhe në krah të Ursual von der Layen ai Rama këmbënguli se “ajo që i është bërë Shërbimit me atë metodë që u trajtua çështja, është e paparë në historinë e botës”.

Në fakt, ajo që është “e paparë në historinë e botës” është “fikja e radarëve” të një shteti të tërë për organizatat kriminale./ LAPSI.al

Pas publikimit dhe shpërndarjes në rrjete sociale e portale online të disa materialeve intime të personazheve publikë në vendin tonë, themeluesi i Acromac, Aldor Nini, ka paralajmëruar portalet të mos i postojnë materialet dhe se kushdo që i shpërndan do të raportohet tek autoritetet.

Sipas tij, provat po i dërgohen njëkohësisht Drejtorisë së Policisë, e cila po merret me identifikimin e personave që i shpërndajnë këto materiale.

Nini thekson se identifikimi i shpërndarësve, qofshin portale, faqe në rrjetet sociale, gazeta apo televizione, mund të bëhet përmes të dhënave teknike dhe të kontaktit, si adresat IP, numrat e telefonit, të dhënat e vendndodhjes, adresat e emailit dhe llogaritë iCloud.